Ta Kəla gír yá̰a̰ gə̄ 30
30
1Dan ń Rasel a̰ā̰ kadə̄ ni ojə ngán gə̄ kə Jakobó aĺ anī, rāā ni kə ngōkó̰o̰n kə́ dəyá̰, adə̄ əda Jakob na ré ojə ngán gə̄ seneé aĺ a n-a n-oy. 2Wōn̄g rāā Jakob seneé ngá̰ý, adə̄ ədan na ké ni i Nə́ɓā ń ɔgə̄n kojə ngōn̄ ní wa. 3Rasel tél ədan na kə taā Bila nge kəla yān kə́ dəyá̰ kə ojəń ngōn̄ kə ənī njan tə́ adə̄n, kadə̄ n-əngeń ngōn̄ ō, kə kūl̄neé. 4Adə̄ ni adə̄ Jakob nge kəla yān kə́ dəyá̰ adə̄ ɓīī seneé.
5Bila ndān̄ ngōn̄, ojə ngōn̄ kə́ dəngam adə̄ Jakob. 6Rasel əda na Nə́ɓā na gān̄g sarya yān kə gōó, na oō ndūn, adə̄ na adə̄n ngōn̄ kə́ dəngam. I tām̄ ń noō tə́ n əndā rīn na i Dan#30.6 Dan kə ta Hebəro kumən na i gān̄g sarya. ní.
7Bila, nge kəla yā Rasel, ndān̄ ngōn̄ ɓáý to̰. Ni ojə ngōn̄ kə́ dəngam kə́ nge ko̰ jōó kə Jakobó. 8Rasel əda na n-rɔ̄ɔ̄ rɔ̄ɔ̄ kə́ ngan̄g ngá̰ý kə ngōkó̰o̰n kə́ dəyá̰, adə̄ n-tetən rɔ̄ɔ̄. Ni-əndā rī ngōn̄ ní na i Nepətali#30.8 Nepətali kə ta Hebəro kumən na i rɔ̄ɔ̄ rɔ̄ɔ̄ kə́ ngan̄g..
9Dan ń Lea a̰a̰ kadə̄ ni ojə ngōn̄ to̰ aĺ anī, un nge kəla yān kə́ dəyá̰ ń rīn na i Silpa ní, adə̄ Jakob. 10Silpa ojə ngōn̄ kə́ dəngam kə Jakobó, 11anī Lea əda na kaā na majən. Ni əndā rīn na i Gad#30.11 Gad kə ta Hebəro kumən na i kaā majəm̄..
12Silpa ojə ngōn̄ kə́ dəngam kə́ nge ko̰ jōó kə Jakobó, 13anī Lea əda na rɔ̄n na nelə̄n tɔdɔ̄ ngáń kə́ dəyá̰ gə̄ ədan̄ na ni na i nge rɔ̄nel̄. Adə̄ əndā rī ngōn̄ ní na i Aser#30.13 Aser kə ta Hebəro kumən na i rɔ̄nel̄..
14Ruben aw̄ bembeé dan yā sāā kōō gémē gə̄ tə́, anī ənge kan̄ mandəragor#30.14 Mandəragor: Kem gír̄ yādə́ tə́ mandəragor i kāgə̄ kə́ kanə̄n rāā kə de gə̄ kadə̄ ojən̄ ngán gə̄ ngá̰ý.. Ni tə́jā reēń adə̄ kó̰o̰n Lea. Anī Rasel əda Lea na n-rāān ɓɔ́, ba kə adə̄n mandəragor yā ngōnə̄n tə́ sḛ́ý. 15Lea tél ədan na:
Ī-taā ngaaḿ ní asiī aĺ ɓáý á, ā ī-sāā taā mandəragor yā ngōnə̄ḿ ɓáý to̰ a?
Rasel tél ədan na:
Majə! Jakob a to seí ndɔ̄ɔ́ ɓōólaā tām̄ yā mandəragor yā ngōnīí tə́.
16Dan ń Jakob tél bembeé loo tíbí anī, Lea teē aw̄ tə́nī tan ədan na:
Ɓōólaā ā ī-to i seḿ māá tɔdɔ̄ m̄-mangiī kə mandəragor yā ngōnə̄ḿ.
Adə̄ Jakob to seneé ndɔ̄ ń noō tə́. 17Nə́ɓā adə̄ Lea yá̰á̰ ń gəden ní, adə̄ Lea ndān̄ ngōn̄. Ni ojə ngōn̄ kə́ dəngam kə́ nge ko̰ mí kə Jakobó, 18anī əda na Nə́ɓā na əndā njan tām̄ kadə̄ ń n-adə̄ nge kəla yān kə́ dəyá̰ kə ngaaneé ní. Adə̄ ni-əndā rī ngōn̄ ní na i Isakar#30.18 Isakar kə ta Hebəro kumən na i yá̰a̰ kəndā njaḿ..
19Lea ndān̄ ngōn̄ ɓáý to̰, ojə ngōn̄ kə́ dəngam kə́ nge ko̰ mehḛ́ kə Jakobó, 20anī əda na Nə́ɓā na adə̄n kadə̄ karī kə́ majə ngá̰ý, adə̄ kə ɓōó ń toō ngaan na a rɔȳn tām̄ na n-ojə ngáń kə́ dəngam gə̄ mehḛ́ n-adə̄n. Adə̄ ni əndā rī ngōn̄ ní na i Jabulo̰#30.20 Jabulo̰ kə ta Hebəro kumən na i a rɔȳm̄.. 21Gō tə́ anī ojə ngōn̄ kə́ dəyá̰ kógə̄ḿ, əndā rīn na i Dina.
22Əga kem Nə́ɓā dɔ Rasel tə́ adə̄ adə̄n yá̰á̰ ń gəden ní. Ni rāān adə̄ tél dəyá̰ kə́ nge kojə ngōn̄. 23Rasel ndān̄ ngōn̄, ojə ngōn̄ kə́ dəngam, anī əda na Nə́ɓā na ɔr̄ rɔ̄sɔl̄ yān. 24Ni əda na kadə̄ Kɔ́ɔ̄ɓē kə adə̄n ngōn̄ kə́ rang gō madə̄ tə́, adə̄ ni əndā rī ngōn̄ ní na i Jəjep#30.24 Jəjep kə ta Hebəro kumən na i kadə̄ dɔ madə̄ tə́..
Jakob ənge yá̰á̰ ngá̰ý
25Gō kojə Jəjep tə́ anī, Jakob əda Laban na:
Ə́ya̰m̄ ādə̄ m̄-tél gogə́ ɓēé looḿ dɔ nang yāḿ tə́. 26Ādə̄m̄ ta róbə ādə̄ m-āw̄ kə ngánə́ḿ gə̄ ō, nə̄yá̰ḿ gə̄ ń m̄-rāā kəla gíŕdə́ tə́ ní ō, tɔdɔ̄ īkɔ́ ī-ger̄ kəla ń m̄-rāā m-ādī ní.
27Laban tél ədan na:
m̄-rāāī ɓɔ́, ōō najə̄ ń m-ā m-ə́daī toó: Tēē yāḿ gə̄ ɔjəmə̄n̄ kadə̄ Kɔ́ɔ̄ɓē rāā majə seḿ sɔɔ̄iń ḭ̄. 28Ɔ́jəm̄ kutə nar ń kadə̄ m-ə̄gāiń ní ādə̄ m-ādī.
29Jakob ədan na:
Kəla ń m̄-rāā m-ādī ní, īkɔ́ ī-ger̄ ō, majə ń yá̰a̰ kul̄ yāí gə̄ majən̄ kə kūlə̄ḿ ní, ī-ger̄ ō. 30Tɔdɔ̄ yá̰a̰ kul̄ yāí ń kété i ngá̰ý aĺ ní, m̄-reē m-ūgə̄ looí anī ojən̄ naā ngá̰ý. Kumən na Kɔ́ɔ̄ɓē əla gír rāā majə seí i ndɔ̄ ń m̄-reē m-údəń ndogó looí tə́ ní bátə́ ɓōólaā. Ní, kum mbang kə́ yā kadə̄ m̄-rāań kəla kə́ tām̄ yā deē yāḿ gə̄ tə́ asə aĺ ɓáý a?
31Laban əda na ké kə n-adə̄n i rí wa. Anī Jakob tél ədan na:
Ā ādə̄m̄ yá̰á̰ kógə̄ḿ alé. Ré ī-ndigə yá̰á̰ ń m-ā m-ɔ́jiī toó anī, m-ā m-ūl̄ dā̰ yāí gə̄ ō, m-ā m-á̰a̰ gōdə́ ō, tītə̄ kə́ kété ɓáý. 32M-ā m-á̰á̰ yá̰a̰ kul̄ yāí gə̄ malang ɓōólaā. M-ā m-ɔ̄r̄ ngán batə̄ kə́ ndang gə̄ ō, kə́ ndul njútə́ njútə́ gə̄ ō, bə̄yā̰ kə́ ndang gə̄ ō, tayā, kadə̄ i yá̰a̰ kəgā jī yāḿ. 33Bírí ī-reē ə̄ndā ma̰ȳ á̰á̰ ké mā i de kə́ súmūú aĺ wa. Bə̄yā̰ kə́ dūú aláa kə́ bo ń ā á̰a̰ā̰ ba i kə́ ndang aĺ ō, batə̄ ń ā á̰a̰ā̰ ba i kə́ ndul njútə́ njútə́ aĺ ō anī, i kə́ ɓogə.
34Laban tél ədan na majə, na n-ndigə yá̰á̰ ń na ɔjə ní.
35Ndɔ̄ nəkɔ́ ń noō tə́ Laban ɔr̄ bal bə̄yā̰ kə́ ndang gə̄ ō, kə́ rāā ɓál gə̄ ō, kó̰o̰ bə̄yā̰ gə̄ kə́ rāān̄ ɓáĺ kə́ bo guri guri gə̄ ō, kə́ dūú gə̄ ō, batə̄ kə́ ndul njútə́ njútə́ gə̄ ō, kə́ gán̄g ɓáĺ kə́ ndaa gə̄ ō tayā, ɓɔ̄ɔ̄ ngánən gə̄. 36Ni əla sedə́ sa̰y kɔ̄ɔ́. Ngánən gə̄ njə̄rān̄ ndɔ̄ mətá pá tá ugə̄n̄ loo ń aw̄n̄ kə̄ tū tə́ ní, adə̄ Jakob ngɔ̄m̄ i gotə yá̰a̰ kul̄ yā Laban gə̄.
37Ni tə́gā ta jī kāgə̄ popəliye ō, kāgə̄ amand ō, pəlatan ō, tɔ́l ba gán̄g ɓáĺdə́ kə́ ndaa. 38Ni ɓōkə́ ta jī kāgə̄ gə̄ ń tɔ́ĺ ní kem yá̰a̰ ka̰ȳ man̄ yā dā̰ gə̄ tə́ ta kum dā̰ gə̄ ń reēn̄ ka̰ȳ maná tə́ ní. Tɔdɔ̄ yá̰a̰ kul̄ gə̄ ń reēn̄ ka̰ȳ maná ní a tálə̄n̄ i naā. 39Dā̰ gə̄ tálə̄n̄ naā ta ta jī kāgə̄ gə̄ ní tə́, adə̄ bə̄yā̰ gə̄ ojən̄ i ngán bə̄yā̰ kə́ ndang gə̄ ō, kə́ ɓáĺdə́ bo guri guri gə̄ ō, kə́ dūú gə̄ ō. 40Jakob ɔr̄ ngán batə̄ gə̄ tayā, kán̄ ngé kə́ rāā ɓáĺ kə́ ndang gə̄ ō, kə́ ndul gə̄ ō, kə́ dan yá̰a̰ kul̄ yā Laban gə̄ tə́ loo kógə̄ḿ.
Ni ɔr̄ yá̰a̰ kul̄ yān gə̄ tayā ba aw̄ sedə́ rɔ̄ yá̰a̰ kul̄ yā Laban gə̄ tə́ alé. 41Kum mbang malang ń dā̰ kə́ bo majə gə̄ a tálə̄nəń naā tə́ ní, Jakob ɓōkə́ ta jī kāgə̄ gə̄ nodə́ tə́ kem yá̰a̰ ka̰ȳ man̄ tə́ kadə̄ tálə̄n̄ naā ta tə́. 42Ba loo ń ré i dā̰ kə́ ngēnjə́ gə̄ anī, ni ɓōkə́ ta jī kāgə̄ gə̄ alé adə̄ kə́ ngēnjə́ gə̄ i yā Laban ō, kə́ bo majə gə̄ i yān nəkɔ́ ō.
Jakob a̰ȳ
43Jakob tél de kə́ nge kənge yá̰á̰ ngá̰ý. Ənge batə̄ ngá̰ý ō, bə̄yā̰ ngá̰ý ō, ngé rāā kəla kə́ dəyá̰ gə̄ ō, kə́ dəngam gə̄ ō, jámbal gə̄ ō, kərō gə̄ ō.
Currently Selected:
Ta Kəla gír yá̰a̰ gə̄ 30: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 30
30
1Dan ń Rasel a̰ā̰ kadə̄ ni ojə ngán gə̄ kə Jakobó aĺ anī, rāā ni kə ngōkó̰o̰n kə́ dəyá̰, adə̄ əda Jakob na ré ojə ngán gə̄ seneé aĺ a n-a n-oy. 2Wōn̄g rāā Jakob seneé ngá̰ý, adə̄ ədan na ké ni i Nə́ɓā ń ɔgə̄n kojə ngōn̄ ní wa. 3Rasel tél ədan na kə taā Bila nge kəla yān kə́ dəyá̰ kə ojəń ngōn̄ kə ənī njan tə́ adə̄n, kadə̄ n-əngeń ngōn̄ ō, kə kūl̄neé. 4Adə̄ ni adə̄ Jakob nge kəla yān kə́ dəyá̰ adə̄ ɓīī seneé.
5Bila ndān̄ ngōn̄, ojə ngōn̄ kə́ dəngam adə̄ Jakob. 6Rasel əda na Nə́ɓā na gān̄g sarya yān kə gōó, na oō ndūn, adə̄ na adə̄n ngōn̄ kə́ dəngam. I tām̄ ń noō tə́ n əndā rīn na i Dan#30.6 Dan kə ta Hebəro kumən na i gān̄g sarya. ní.
7Bila, nge kəla yā Rasel, ndān̄ ngōn̄ ɓáý to̰. Ni ojə ngōn̄ kə́ dəngam kə́ nge ko̰ jōó kə Jakobó. 8Rasel əda na n-rɔ̄ɔ̄ rɔ̄ɔ̄ kə́ ngan̄g ngá̰ý kə ngōkó̰o̰n kə́ dəyá̰, adə̄ n-tetən rɔ̄ɔ̄. Ni-əndā rī ngōn̄ ní na i Nepətali#30.8 Nepətali kə ta Hebəro kumən na i rɔ̄ɔ̄ rɔ̄ɔ̄ kə́ ngan̄g..
9Dan ń Lea a̰a̰ kadə̄ ni ojə ngōn̄ to̰ aĺ anī, un nge kəla yān kə́ dəyá̰ ń rīn na i Silpa ní, adə̄ Jakob. 10Silpa ojə ngōn̄ kə́ dəngam kə Jakobó, 11anī Lea əda na kaā na majən. Ni əndā rīn na i Gad#30.11 Gad kə ta Hebəro kumən na i kaā majəm̄..
12Silpa ojə ngōn̄ kə́ dəngam kə́ nge ko̰ jōó kə Jakobó, 13anī Lea əda na rɔ̄n na nelə̄n tɔdɔ̄ ngáń kə́ dəyá̰ gə̄ ədan̄ na ni na i nge rɔ̄nel̄. Adə̄ əndā rī ngōn̄ ní na i Aser#30.13 Aser kə ta Hebəro kumən na i rɔ̄nel̄..
14Ruben aw̄ bembeé dan yā sāā kōō gémē gə̄ tə́, anī ənge kan̄ mandəragor#30.14 Mandəragor: Kem gír̄ yādə́ tə́ mandəragor i kāgə̄ kə́ kanə̄n rāā kə de gə̄ kadə̄ ojən̄ ngán gə̄ ngá̰ý.. Ni tə́jā reēń adə̄ kó̰o̰n Lea. Anī Rasel əda Lea na n-rāān ɓɔ́, ba kə adə̄n mandəragor yā ngōnə̄n tə́ sḛ́ý. 15Lea tél ədan na:
Ī-taā ngaaḿ ní asiī aĺ ɓáý á, ā ī-sāā taā mandəragor yā ngōnə̄ḿ ɓáý to̰ a?
Rasel tél ədan na:
Majə! Jakob a to seí ndɔ̄ɔ́ ɓōólaā tām̄ yā mandəragor yā ngōnīí tə́.
16Dan ń Jakob tél bembeé loo tíbí anī, Lea teē aw̄ tə́nī tan ədan na:
Ɓōólaā ā ī-to i seḿ māá tɔdɔ̄ m̄-mangiī kə mandəragor yā ngōnə̄ḿ.
Adə̄ Jakob to seneé ndɔ̄ ń noō tə́. 17Nə́ɓā adə̄ Lea yá̰á̰ ń gəden ní, adə̄ Lea ndān̄ ngōn̄. Ni ojə ngōn̄ kə́ dəngam kə́ nge ko̰ mí kə Jakobó, 18anī əda na Nə́ɓā na əndā njan tām̄ kadə̄ ń n-adə̄ nge kəla yān kə́ dəyá̰ kə ngaaneé ní. Adə̄ ni-əndā rī ngōn̄ ní na i Isakar#30.18 Isakar kə ta Hebəro kumən na i yá̰a̰ kəndā njaḿ..
19Lea ndān̄ ngōn̄ ɓáý to̰, ojə ngōn̄ kə́ dəngam kə́ nge ko̰ mehḛ́ kə Jakobó, 20anī əda na Nə́ɓā na adə̄n kadə̄ karī kə́ majə ngá̰ý, adə̄ kə ɓōó ń toō ngaan na a rɔȳn tām̄ na n-ojə ngáń kə́ dəngam gə̄ mehḛ́ n-adə̄n. Adə̄ ni əndā rī ngōn̄ ní na i Jabulo̰#30.20 Jabulo̰ kə ta Hebəro kumən na i a rɔȳm̄.. 21Gō tə́ anī ojə ngōn̄ kə́ dəyá̰ kógə̄ḿ, əndā rīn na i Dina.
22Əga kem Nə́ɓā dɔ Rasel tə́ adə̄ adə̄n yá̰á̰ ń gəden ní. Ni rāān adə̄ tél dəyá̰ kə́ nge kojə ngōn̄. 23Rasel ndān̄ ngōn̄, ojə ngōn̄ kə́ dəngam, anī əda na Nə́ɓā na ɔr̄ rɔ̄sɔl̄ yān. 24Ni əda na kadə̄ Kɔ́ɔ̄ɓē kə adə̄n ngōn̄ kə́ rang gō madə̄ tə́, adə̄ ni əndā rī ngōn̄ ní na i Jəjep#30.24 Jəjep kə ta Hebəro kumən na i kadə̄ dɔ madə̄ tə́..
Jakob ənge yá̰á̰ ngá̰ý
25Gō kojə Jəjep tə́ anī, Jakob əda Laban na:
Ə́ya̰m̄ ādə̄ m̄-tél gogə́ ɓēé looḿ dɔ nang yāḿ tə́. 26Ādə̄m̄ ta róbə ādə̄ m-āw̄ kə ngánə́ḿ gə̄ ō, nə̄yá̰ḿ gə̄ ń m̄-rāā kəla gíŕdə́ tə́ ní ō, tɔdɔ̄ īkɔ́ ī-ger̄ kəla ń m̄-rāā m-ādī ní.
27Laban tél ədan na:
m̄-rāāī ɓɔ́, ōō najə̄ ń m-ā m-ə́daī toó: Tēē yāḿ gə̄ ɔjəmə̄n̄ kadə̄ Kɔ́ɔ̄ɓē rāā majə seḿ sɔɔ̄iń ḭ̄. 28Ɔ́jəm̄ kutə nar ń kadə̄ m-ə̄gāiń ní ādə̄ m-ādī.
29Jakob ədan na:
Kəla ń m̄-rāā m-ādī ní, īkɔ́ ī-ger̄ ō, majə ń yá̰a̰ kul̄ yāí gə̄ majən̄ kə kūlə̄ḿ ní, ī-ger̄ ō. 30Tɔdɔ̄ yá̰a̰ kul̄ yāí ń kété i ngá̰ý aĺ ní, m̄-reē m-ūgə̄ looí anī ojən̄ naā ngá̰ý. Kumən na Kɔ́ɔ̄ɓē əla gír rāā majə seí i ndɔ̄ ń m̄-reē m-údəń ndogó looí tə́ ní bátə́ ɓōólaā. Ní, kum mbang kə́ yā kadə̄ m̄-rāań kəla kə́ tām̄ yā deē yāḿ gə̄ tə́ asə aĺ ɓáý a?
31Laban əda na ké kə n-adə̄n i rí wa. Anī Jakob tél ədan na:
Ā ādə̄m̄ yá̰á̰ kógə̄ḿ alé. Ré ī-ndigə yá̰á̰ ń m-ā m-ɔ́jiī toó anī, m-ā m-ūl̄ dā̰ yāí gə̄ ō, m-ā m-á̰a̰ gōdə́ ō, tītə̄ kə́ kété ɓáý. 32M-ā m-á̰á̰ yá̰a̰ kul̄ yāí gə̄ malang ɓōólaā. M-ā m-ɔ̄r̄ ngán batə̄ kə́ ndang gə̄ ō, kə́ ndul njútə́ njútə́ gə̄ ō, bə̄yā̰ kə́ ndang gə̄ ō, tayā, kadə̄ i yá̰a̰ kəgā jī yāḿ. 33Bírí ī-reē ə̄ndā ma̰ȳ á̰á̰ ké mā i de kə́ súmūú aĺ wa. Bə̄yā̰ kə́ dūú aláa kə́ bo ń ā á̰a̰ā̰ ba i kə́ ndang aĺ ō, batə̄ ń ā á̰a̰ā̰ ba i kə́ ndul njútə́ njútə́ aĺ ō anī, i kə́ ɓogə.
34Laban tél ədan na majə, na n-ndigə yá̰á̰ ń na ɔjə ní.
35Ndɔ̄ nəkɔ́ ń noō tə́ Laban ɔr̄ bal bə̄yā̰ kə́ ndang gə̄ ō, kə́ rāā ɓál gə̄ ō, kó̰o̰ bə̄yā̰ gə̄ kə́ rāān̄ ɓáĺ kə́ bo guri guri gə̄ ō, kə́ dūú gə̄ ō, batə̄ kə́ ndul njútə́ njútə́ gə̄ ō, kə́ gán̄g ɓáĺ kə́ ndaa gə̄ ō tayā, ɓɔ̄ɔ̄ ngánən gə̄. 36Ni əla sedə́ sa̰y kɔ̄ɔ́. Ngánən gə̄ njə̄rān̄ ndɔ̄ mətá pá tá ugə̄n̄ loo ń aw̄n̄ kə̄ tū tə́ ní, adə̄ Jakob ngɔ̄m̄ i gotə yá̰a̰ kul̄ yā Laban gə̄.
37Ni tə́gā ta jī kāgə̄ popəliye ō, kāgə̄ amand ō, pəlatan ō, tɔ́l ba gán̄g ɓáĺdə́ kə́ ndaa. 38Ni ɓōkə́ ta jī kāgə̄ gə̄ ń tɔ́ĺ ní kem yá̰a̰ ka̰ȳ man̄ yā dā̰ gə̄ tə́ ta kum dā̰ gə̄ ń reēn̄ ka̰ȳ maná tə́ ní. Tɔdɔ̄ yá̰a̰ kul̄ gə̄ ń reēn̄ ka̰ȳ maná ní a tálə̄n̄ i naā. 39Dā̰ gə̄ tálə̄n̄ naā ta ta jī kāgə̄ gə̄ ní tə́, adə̄ bə̄yā̰ gə̄ ojən̄ i ngán bə̄yā̰ kə́ ndang gə̄ ō, kə́ ɓáĺdə́ bo guri guri gə̄ ō, kə́ dūú gə̄ ō. 40Jakob ɔr̄ ngán batə̄ gə̄ tayā, kán̄ ngé kə́ rāā ɓáĺ kə́ ndang gə̄ ō, kə́ ndul gə̄ ō, kə́ dan yá̰a̰ kul̄ yā Laban gə̄ tə́ loo kógə̄ḿ.
Ni ɔr̄ yá̰a̰ kul̄ yān gə̄ tayā ba aw̄ sedə́ rɔ̄ yá̰a̰ kul̄ yā Laban gə̄ tə́ alé. 41Kum mbang malang ń dā̰ kə́ bo majə gə̄ a tálə̄nəń naā tə́ ní, Jakob ɓōkə́ ta jī kāgə̄ gə̄ nodə́ tə́ kem yá̰a̰ ka̰ȳ man̄ tə́ kadə̄ tálə̄n̄ naā ta tə́. 42Ba loo ń ré i dā̰ kə́ ngēnjə́ gə̄ anī, ni ɓōkə́ ta jī kāgə̄ gə̄ alé adə̄ kə́ ngēnjə́ gə̄ i yā Laban ō, kə́ bo majə gə̄ i yān nəkɔ́ ō.
Jakob a̰ȳ
43Jakob tél de kə́ nge kənge yá̰á̰ ngá̰ý. Ənge batə̄ ngá̰ý ō, bə̄yā̰ ngá̰ý ō, ngé rāā kəla kə́ dəyá̰ gə̄ ō, kə́ dəngam gə̄ ō, jámbal gə̄ ō, kərō gə̄ ō.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad