Ta Kəla gír yá̰a̰ gə̄ 43
43
Jakob ndigə kadə̄ Benjamḛ aw̄ Ejiptə tə́
1Ɓō rāā de gə̄ ngá̰ý kem ɓēé tɔȳ kə̄ kété ɓáý. 2Dan ń de gə̄ yā Jakob gə̄ əsan̄ kōō ń ḭḭnə̄ń Ejiptə tə́ ní təgā anī, Jakob əda ngánən gə̄ na kə tél kə aw̄n̄ gogə́, kə mangən̄ yá̰a̰ kəsa sḛ́ý kə reēnəń. 3*Juda tél ədan na deē ní na ədadə́ wáńg na ré n-aw̄n̄ kə ngōkó̰ó̰də́ aĺ anī, na n-a̰a̰n̄ kumən alé. 4Adə̄ ré gḛy kəya̰ Benjamḛ kadə̄ aw̄ sedə́ ɓáa, na n-aw̄n̄ yā mang kōō reēń kadə̄n. 5Ba ré gḛy kəya̰n kadə̄ aw̄ aĺ anī, na n-a n-aw̄n̄ alé, tɔdɔ̄ deē ní na ədadə́ na ré ngōkó̰ó̰də́ i sedə́ aĺ anī, na a a̰a̰n̄ kumən alé.
6Anī Israel əda na ké i tām̄ rí tə́ áké ədan̄ deē ní na ngōkó̰ó̰də́ kə́ rang na ndi noó ní wa, na rāān̄ na i yá̰á̰ kə́ majaĺ seneé. 7Nin̄ tél ədanən̄ na deē ní na dəjedə́ najə̄ kə́ dɔdə́ tə́ ō, najə̄ kə́ dɔ de gə̄ yādə́ gə̄ tə́ ō, əda na ké bɔbə̄də́ ké ndi noó kə kumneé ō, ké ngōkó̰ó̰də́ kə́rēý ké ndi noó ō wa, na n-ndigən̄ na i najə̄ gə̄ ń dəjedə́ ní aĺ aké n-asən̄ ger̄ kadə̄ a mēr̄də́ kaw̄ kə ngōkó̰ó̰də́ wa.
8*Juda əda bɔbə̄n Israel na kə əya̰ ngōn̄ kadə̄ kə aw̄ seneé ba kadə̄ kə n-ḭḭ kə n-aw̄n̄, na ré n-aw̄n̄ ɓáa nin̄ gə̄gē ni gə̄gē ngáńdə́ gə̄ gə̄gē na n-a n-oyn̄ alé. 9Na n-adə̄ rɔ̄n kum gotə ngōn̄ ní. Ndɔ̄ ń tə́ ré n-tél n-reē seneé n-adə̄n aĺ a kə dəje tan. Ré n-tél n-reē seneé n-adə̄n aĺ anī n-rāā na i majaĺ seneé adə̄ najə̄ na i dɔn tə́ kə dɔ ndɔ̄ gə̄. 10Ń toō nə́ngē tə́ n-ɔrən̄ na i bā̰ā̰ aĺ anī, n-aw̄n̄ ō n-télən̄ ō nja na i jōó kɔ̄ɔ́ ɓá.
11Bɔbə̄də́ *Israel ədadə́ na ré i tītə̄ ń noō ɓáa kə rāān̄ yá̰á̰ ń toō: Kə ɔyn̄ yá̰á̰ kə́ majə kə́ ɓē yādə́ tə́ gə̄ kem ngɔngɔɔ́, kə aw̄ kə ndējə̄n̄ deē ní. Kə ɔyn̄ nō kāgə̄ kə́ kotə majə sḛ́ý, bomə ō, adəragantə ō, ladanum ō, yibə̄ tejə sḛ́ý ō, kan̄ kāgə̄ pistasə ō, kan̄ kāgə̄ amand ō. 12Kə ɔyn̄ nar kə́ rang jīdə́ tə́ ō, nar ń téĺ tə́lan̄ ta ngɔng yādə́ gə̄ tə́ ní ō, na majanī na híndə̄də́ na i mbée. 13Kə əhɔn̄ ngōkó̰ó̰də́ jīdə́ tə́ ba kə tél kə aw̄ kə əngen̄ deē ní. 14Kadə̄ Nə́ɓā kə́ bo kə́ tɔ́gən i ngá̰ý kə rāā kadə̄ kum dəngam ní kə o̰o̰n tām̄ yādə́ tə́, kadə̄ kə əya̰ ngōkó̰ó̰də́ Simeo̰ ō, Benjamḛ ō, kadə̄ kə tél reēn̄ sedə́. Ni tā anī ré i yā kadə̄ n-ndi kanjə̄ ngánən gə̄ anī, kadə̄ kə n-ndi tītə̄ kə́ na n-ojə ngōn̄ aĺ beé.
Jəjep ō, ngákó̰o̰n gə̄ ō, əngen̄ naā nja kə́ nge ko̰ jōó
15Nin̄ ɔyn̄ kadə̄ karī gə̄ ní ō, nar kə́ rang ō, unən̄ ngōkó̰ó̰də́ Benjamḛ ō, ba aw̄n̄ Ejiptə tə́ aw̄ əngen̄ Jəjep. 16Dan ń Jəjep a̰a̰ Benjamḛ sedə́ anī, əda pajā yān na kə aw̄ kə de gə̄ ń noō ɓēé, kə tɔ̄l̄ dā̰ kə rāań yá̰a̰ kəsa na de gə̄ ń noō na a əsan̄ yá̰a̰ seneé kadaá. 17Deē ní rāā yá̰á̰ ń Jəjep ədan ní, adə̄ aw̄ kə de gə̄ ní ɓē Jəjepé.
18Dan ń a aw̄n̄ sedə́ kə̄ ɓē Jəjepé ní a, ɓōĺ asədə́ nák adə̄ ədan̄ naā na aw̄n̄ sedə́ na i tām̄ nar ń téĺ tə́lan̄ kem ngɔng yādə́ gə̄ tə́ ní, na aw̄n̄ sedə́ na i yā kudə dɔdə́ tə́ rāādə́ yá̰á̰ kə́ tōr̄, na a əhɔn̄də́ ɓəlo tə́ ō, na a taān̄ kərō yādə́ gə̄ kɔ̄ɔ́ ō. 19Dan ń a rāān̄ yā kudə kə̄ kem ndogó anī, sə́ran̄ kə̄ gō pajā yā Jəjep tə́ ədanən̄ na 20ɓɔ́ kɔ́ɔ̄ ɓē gə̄, kə mā̰ȳ rɔ̄n, na n-reēn̄ laā kété mang kōó ɓá. 21Dan ń na n-aw̄ n-ugə̄n̄ loo ń kadə̄ na n-ɓīn̄ tū tə́ ní a, na n-tḛḛ̄n̄ ta ngɔng yādə́ anī n-əngen̄ nar yādə́ ta ngɔng yādə́ gə̄ tə́, adə̄ na n-tél na n-reēnəń laā kum asə naā. 22Na n-reēn̄ kə nar kə́ rangaá yā mangəń yá̰a̰ kəsa ɓáý to̰, na n-gerə̄n̄ deē ń na téĺ tə́la nar ní ta ngɔng yādə́ gə̄ tə́ gogə́ ní alé. 23Pajā tél ədadə́ na kadə̄ kemdə́ kə sɔl̄, kə lōōn̄ sōl̄ yá̰á̰ kógə̄ḿ, na i Nə́ɓā yādə́, Nə́ɓā yā bɔbə̄də́ n na adə̄də́ yá̰a̰ kem ngɔng yādə́ gə̄ tə́ ní. Nar yādə́ ní na ɔdə jīn. Gō tə́ anī aw̄ reē kə Simeo̰ó̰ rɔ̄də́ tə́.
24Deē ní udə sedə́ ndogó ɓē Jəjepé, adə̄də́ man̄ adə̄ tə́gonə̄ń njadə́ ō, adə̄ kərō yādə́ gə̄ yá̰a̰ kəsa ō. 25Nin̄ əndān̄ dɔ *yá̰a̰ ndējə̄ yādə́ gə̄ danaá ndi a ngóōnəń Jəjep ń a reē kadaá ní, tɔdɔ̄ oōn̄ kadə̄ na a əsan̄ yá̰a̰ na i seneé. 26Dan ń Jəjep reē udə ndogó anī ḭḭ ndējə̄nən̄ yá̰a̰ yādə́ gə̄ ń reēnəń ní, ba ɔsən̄ nodə́ nang tə́ non tə́. 27Jəjep dəjedə́ na ké ton̄ karī wa, ké ɓə́ga bɔbə̄də́ ń ɔrə̄n̄ najə̄ yān ní ké to karī wa, ké ndi kə kumneé noō ɓáý wa. 28Nin̄ tél ədanən̄ na bɔbə̄də́ nge kəla yān na to karī, na ndi kə kumneé noō ɓáý. Anī əlan̄ dɔdə́ nang tə́ ō, ɔsən̄ nodə́ nang tə́ non tə́ ō. 29Jəjep a̰a̰ Benjamḛ anī dəjedə́ na ké i ngōkó̰ó̰də́ kə́ dūú ń ədanən̄ najə̄ yān ní n toó wa. Gō tə́ anī ədan na:
Ngōnə̄ḿ, ādə̄ Nə́ɓā rāā majə seí!
30Kemən ḭḭn huyuyu tām̄ yā ngōkó̰o̰n tə́, adə̄ ngur nōō rāān, anī udə kem kújə kə́rēý tə́ láẃ ra a nōō. 31Dan ń tə́go kumən oy anī teē əhɔ rɔ̄n tɔgə ba əda ngé kəla yān gə̄ na kə reēn̄ kə yá̰a̰ kəsaá. 32Adə̄n̄ Jəjep yá̰a̰ kəsa tayā ō, adə̄n̄ ngákó̰o̰n gə̄ tayā ō, de kə́ Ejiptə tə́ gə̄ kə́ ngé kəsa yá̰a̰ seneé gə̄ ní adə̄n̄də́ yādə́ tayā ō, tɔdɔ̄ de kə́ Ejiptə tə́ gə̄ a əsan̄ yá̰a̰ kə Hebəro gēé alé, tām̄ na i yá̰á̰ kə́ majaĺ ngá̰ý ta kumdə́ tə́. 33Tə́ndān̄ ngákó̰o̰ Jəjep gə̄ sɔɔ̄ non i kə gō ɓāl̄ kojədə́ gēé, əlan̄ gír i dɔ nge kə́ ngatɔ́gə́ tə́ aw̄ ugə̄nəń dɔ nge kə́ dūú tə́. Ɔr kumdə́ ngá̰ý adə̄ a̰a̰n̄ ta kum naā kógə̄ḿ kógə̄ḿ. 34Jəjep adə̄ aw̄n̄ kə yá̰a̰ kəsa gə̄ ń ndin̄ non tə́ ní adə̄n̄də́, ba Benjamḛ tá ənge tɔȳ madə̄n gə̄ nja mí. A̰ȳn̄ kasə *nduú naā tə́ kə Jəjepé ō, rɔ̄də́ nel̄də́ mbak ō.
Currently Selected:
Ta Kəla gír yá̰a̰ gə̄ 43: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 43
43
Jakob ndigə kadə̄ Benjamḛ aw̄ Ejiptə tə́
1Ɓō rāā de gə̄ ngá̰ý kem ɓēé tɔȳ kə̄ kété ɓáý. 2Dan ń de gə̄ yā Jakob gə̄ əsan̄ kōō ń ḭḭnə̄ń Ejiptə tə́ ní təgā anī, Jakob əda ngánən gə̄ na kə tél kə aw̄n̄ gogə́, kə mangən̄ yá̰a̰ kəsa sḛ́ý kə reēnəń. 3*Juda tél ədan na deē ní na ədadə́ wáńg na ré n-aw̄n̄ kə ngōkó̰ó̰də́ aĺ anī, na n-a̰a̰n̄ kumən alé. 4Adə̄ ré gḛy kəya̰ Benjamḛ kadə̄ aw̄ sedə́ ɓáa, na n-aw̄n̄ yā mang kōō reēń kadə̄n. 5Ba ré gḛy kəya̰n kadə̄ aw̄ aĺ anī, na n-a n-aw̄n̄ alé, tɔdɔ̄ deē ní na ədadə́ na ré ngōkó̰ó̰də́ i sedə́ aĺ anī, na a a̰a̰n̄ kumən alé.
6Anī Israel əda na ké i tām̄ rí tə́ áké ədan̄ deē ní na ngōkó̰ó̰də́ kə́ rang na ndi noó ní wa, na rāān̄ na i yá̰á̰ kə́ majaĺ seneé. 7Nin̄ tél ədanən̄ na deē ní na dəjedə́ najə̄ kə́ dɔdə́ tə́ ō, najə̄ kə́ dɔ de gə̄ yādə́ gə̄ tə́ ō, əda na ké bɔbə̄də́ ké ndi noó kə kumneé ō, ké ngōkó̰ó̰də́ kə́rēý ké ndi noó ō wa, na n-ndigən̄ na i najə̄ gə̄ ń dəjedə́ ní aĺ aké n-asən̄ ger̄ kadə̄ a mēr̄də́ kaw̄ kə ngōkó̰ó̰də́ wa.
8*Juda əda bɔbə̄n Israel na kə əya̰ ngōn̄ kadə̄ kə aw̄ seneé ba kadə̄ kə n-ḭḭ kə n-aw̄n̄, na ré n-aw̄n̄ ɓáa nin̄ gə̄gē ni gə̄gē ngáńdə́ gə̄ gə̄gē na n-a n-oyn̄ alé. 9Na n-adə̄ rɔ̄n kum gotə ngōn̄ ní. Ndɔ̄ ń tə́ ré n-tél n-reē seneé n-adə̄n aĺ a kə dəje tan. Ré n-tél n-reē seneé n-adə̄n aĺ anī n-rāā na i majaĺ seneé adə̄ najə̄ na i dɔn tə́ kə dɔ ndɔ̄ gə̄. 10Ń toō nə́ngē tə́ n-ɔrən̄ na i bā̰ā̰ aĺ anī, n-aw̄n̄ ō n-télən̄ ō nja na i jōó kɔ̄ɔ́ ɓá.
11Bɔbə̄də́ *Israel ədadə́ na ré i tītə̄ ń noō ɓáa kə rāān̄ yá̰á̰ ń toō: Kə ɔyn̄ yá̰á̰ kə́ majə kə́ ɓē yādə́ tə́ gə̄ kem ngɔngɔɔ́, kə aw̄ kə ndējə̄n̄ deē ní. Kə ɔyn̄ nō kāgə̄ kə́ kotə majə sḛ́ý, bomə ō, adəragantə ō, ladanum ō, yibə̄ tejə sḛ́ý ō, kan̄ kāgə̄ pistasə ō, kan̄ kāgə̄ amand ō. 12Kə ɔyn̄ nar kə́ rang jīdə́ tə́ ō, nar ń téĺ tə́lan̄ ta ngɔng yādə́ gə̄ tə́ ní ō, na majanī na híndə̄də́ na i mbée. 13Kə əhɔn̄ ngōkó̰ó̰də́ jīdə́ tə́ ba kə tél kə aw̄ kə əngen̄ deē ní. 14Kadə̄ Nə́ɓā kə́ bo kə́ tɔ́gən i ngá̰ý kə rāā kadə̄ kum dəngam ní kə o̰o̰n tām̄ yādə́ tə́, kadə̄ kə əya̰ ngōkó̰ó̰də́ Simeo̰ ō, Benjamḛ ō, kadə̄ kə tél reēn̄ sedə́. Ni tā anī ré i yā kadə̄ n-ndi kanjə̄ ngánən gə̄ anī, kadə̄ kə n-ndi tītə̄ kə́ na n-ojə ngōn̄ aĺ beé.
Jəjep ō, ngákó̰o̰n gə̄ ō, əngen̄ naā nja kə́ nge ko̰ jōó
15Nin̄ ɔyn̄ kadə̄ karī gə̄ ní ō, nar kə́ rang ō, unən̄ ngōkó̰ó̰də́ Benjamḛ ō, ba aw̄n̄ Ejiptə tə́ aw̄ əngen̄ Jəjep. 16Dan ń Jəjep a̰a̰ Benjamḛ sedə́ anī, əda pajā yān na kə aw̄ kə de gə̄ ń noō ɓēé, kə tɔ̄l̄ dā̰ kə rāań yá̰a̰ kəsa na de gə̄ ń noō na a əsan̄ yá̰a̰ seneé kadaá. 17Deē ní rāā yá̰á̰ ń Jəjep ədan ní, adə̄ aw̄ kə de gə̄ ní ɓē Jəjepé.
18Dan ń a aw̄n̄ sedə́ kə̄ ɓē Jəjepé ní a, ɓōĺ asədə́ nák adə̄ ədan̄ naā na aw̄n̄ sedə́ na i tām̄ nar ń téĺ tə́lan̄ kem ngɔng yādə́ gə̄ tə́ ní, na aw̄n̄ sedə́ na i yā kudə dɔdə́ tə́ rāādə́ yá̰á̰ kə́ tōr̄, na a əhɔn̄də́ ɓəlo tə́ ō, na a taān̄ kərō yādə́ gə̄ kɔ̄ɔ́ ō. 19Dan ń a rāān̄ yā kudə kə̄ kem ndogó anī, sə́ran̄ kə̄ gō pajā yā Jəjep tə́ ədanən̄ na 20ɓɔ́ kɔ́ɔ̄ ɓē gə̄, kə mā̰ȳ rɔ̄n, na n-reēn̄ laā kété mang kōó ɓá. 21Dan ń na n-aw̄ n-ugə̄n̄ loo ń kadə̄ na n-ɓīn̄ tū tə́ ní a, na n-tḛḛ̄n̄ ta ngɔng yādə́ anī n-əngen̄ nar yādə́ ta ngɔng yādə́ gə̄ tə́, adə̄ na n-tél na n-reēnəń laā kum asə naā. 22Na n-reēn̄ kə nar kə́ rangaá yā mangəń yá̰a̰ kəsa ɓáý to̰, na n-gerə̄n̄ deē ń na téĺ tə́la nar ní ta ngɔng yādə́ gə̄ tə́ gogə́ ní alé. 23Pajā tél ədadə́ na kadə̄ kemdə́ kə sɔl̄, kə lōōn̄ sōl̄ yá̰á̰ kógə̄ḿ, na i Nə́ɓā yādə́, Nə́ɓā yā bɔbə̄də́ n na adə̄də́ yá̰a̰ kem ngɔng yādə́ gə̄ tə́ ní. Nar yādə́ ní na ɔdə jīn. Gō tə́ anī aw̄ reē kə Simeo̰ó̰ rɔ̄də́ tə́.
24Deē ní udə sedə́ ndogó ɓē Jəjepé, adə̄də́ man̄ adə̄ tə́gonə̄ń njadə́ ō, adə̄ kərō yādə́ gə̄ yá̰a̰ kəsa ō. 25Nin̄ əndān̄ dɔ *yá̰a̰ ndējə̄ yādə́ gə̄ danaá ndi a ngóōnəń Jəjep ń a reē kadaá ní, tɔdɔ̄ oōn̄ kadə̄ na a əsan̄ yá̰a̰ na i seneé. 26Dan ń Jəjep reē udə ndogó anī ḭḭ ndējə̄nən̄ yá̰a̰ yādə́ gə̄ ń reēnəń ní, ba ɔsən̄ nodə́ nang tə́ non tə́. 27Jəjep dəjedə́ na ké ton̄ karī wa, ké ɓə́ga bɔbə̄də́ ń ɔrə̄n̄ najə̄ yān ní ké to karī wa, ké ndi kə kumneé noō ɓáý wa. 28Nin̄ tél ədanən̄ na bɔbə̄də́ nge kəla yān na to karī, na ndi kə kumneé noō ɓáý. Anī əlan̄ dɔdə́ nang tə́ ō, ɔsən̄ nodə́ nang tə́ non tə́ ō. 29Jəjep a̰a̰ Benjamḛ anī dəjedə́ na ké i ngōkó̰ó̰də́ kə́ dūú ń ədanən̄ najə̄ yān ní n toó wa. Gō tə́ anī ədan na:
Ngōnə̄ḿ, ādə̄ Nə́ɓā rāā majə seí!
30Kemən ḭḭn huyuyu tām̄ yā ngōkó̰o̰n tə́, adə̄ ngur nōō rāān, anī udə kem kújə kə́rēý tə́ láẃ ra a nōō. 31Dan ń tə́go kumən oy anī teē əhɔ rɔ̄n tɔgə ba əda ngé kəla yān gə̄ na kə reēn̄ kə yá̰a̰ kəsaá. 32Adə̄n̄ Jəjep yá̰a̰ kəsa tayā ō, adə̄n̄ ngákó̰o̰n gə̄ tayā ō, de kə́ Ejiptə tə́ gə̄ kə́ ngé kəsa yá̰a̰ seneé gə̄ ní adə̄n̄də́ yādə́ tayā ō, tɔdɔ̄ de kə́ Ejiptə tə́ gə̄ a əsan̄ yá̰a̰ kə Hebəro gēé alé, tām̄ na i yá̰á̰ kə́ majaĺ ngá̰ý ta kumdə́ tə́. 33Tə́ndān̄ ngákó̰o̰ Jəjep gə̄ sɔɔ̄ non i kə gō ɓāl̄ kojədə́ gēé, əlan̄ gír i dɔ nge kə́ ngatɔ́gə́ tə́ aw̄ ugə̄nəń dɔ nge kə́ dūú tə́. Ɔr kumdə́ ngá̰ý adə̄ a̰a̰n̄ ta kum naā kógə̄ḿ kógə̄ḿ. 34Jəjep adə̄ aw̄n̄ kə yá̰a̰ kəsa gə̄ ń ndin̄ non tə́ ní adə̄n̄də́, ba Benjamḛ tá ənge tɔȳ madə̄n gə̄ nja mí. A̰ȳn̄ kasə *nduú naā tə́ kə Jəjepé ō, rɔ̄də́ nel̄də́ mbak ō.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad