Ndū najə̄ yā Ngán Lebi gə̄ 14
14
Loo kun majaĺ kə́ tákə̄ nge bānjə̄
1Kɔ́ɔ̄ɓē əda Moijə na 2lōō kun majaĺ kə́ tákə̄ nge bānjə̄ n toó. A reēn̄ kə nge bānjə̄ rɔ̄ nge tun̄ yá̰á̰ tə́. 3Nge tun̄ yá̰a̰ a teē yā kəndā ma̰ȳn gidə ɓē tə́ ndágá. Ré mo̰y kə́ tītə̄ mo̰y bānjə̄ ní ur̄ rɔ̄n tə́ kɔ̄ɔ́ anī, 4*nge tun̄ yá̰a̰ a mēr̄ kadə̄ reēn̄ kə yel̄ kə́ *unjə̄ njáý njáý gə̄ jōó ō, kāgə̄ sédər ō, bḭḭ̄ batə̄ kə́ kəla kum man̄ kə́ kərē pírírí tə́ ō, kámbə isopə ō.
5Ba *nge tun̄ yá̰a̰ a mēr̄ kəja kɔ́ɔ yel̄ kə́ kógə̄ḿ dɔ jóó nánjə́ kə́ ndi kə man̄ kə́ kəɓa nang tə́ kemeé. 6A un yel̄ kə́ kə kumuú ní ō, kāgə̄ sédər ō, bḭḭ̄ batə̄ kə́ kərē pírírí ō, kámbə isopə ō, ba a əladə́ malang kum mósə yel̄ ń əjan kɔ́ɔn dɔ jóó nánjə́ tə́ ní. 7A sə̄kā nja sīrí dɔ deē ní tə́ yā tə́goń bānjə̄ kə́ rɔ̄n tə́. Gō tə́ anī a əda deē ní wáńg na ni i de kə́ *unjə̄ njáý njáý ō, a əya̰ yel̄ kə́ kə kumuú ní dɔɔ́ kadə̄ ḭḭ bɔ̄gə̄ aw̄ bembeé ō. 8Deē ní a tə́go kūbə̄ yān gə̄ ō, a dəsā bḭḭ̄ kə́ rɔ̄n tə́ malang ō, a ndogə̄ man̄ ō.
Loo ń noō tə́ ní i de kə́ *unjə̄ njáý njáý. Ré ni rāā yá̰a̰ gə̄ ń noō oy anī, a udə kem ɓēé banī a ndi kem kújə yān tə́ alé ndɔ̄ sīrí. 9Kə ndɔ̄ kə́ nge ko̰ sīrí anī, ni-tél yā dəsā dɔn ō, mbāýn ō, nənga dɔ kumən ō, bḭḭ̄ kə́ rɔ̄n tə́ malang. A tə́go kūbə̄ yān gə̄ ō, a ndogə̄ man̄ ō, loo ń noō tə́ ni i de kə́ *unjə̄ njáý njáý.
10Kə́ ndɔ̄ kə́ nge ko̰ sɔ́sɔ́ anī, ni a əhɔ bal batə̄ kə́ loon kógə̄ḿ nujə aĺ gə̄ jōó ō, mandə batə̄ kə́ ɓāl̄ kógə̄ḿ kə́ loon kógə̄ḿ nujə aĺ ō, a reē kə ndujə̄ kə́ ló̰ȳ kə yibīí kem lāngá ndōhó yā ndējə̄ ō, yibə̄ kə́ ndi ɓōdə̄ lāngá ō, 11ba nge tun̄ yá̰á̰ ń i nge kun majaĺ ń tákə̄n ní, a aw̄ seneé no Kɔ́ɔ̄ɓē tə́ ta *kújə kənge naā tə́ kə *yá̰a̰ ndējə̄ gə̄ ń noō malang. 12Nge tun̄ yá̰a̰ a əhɔ ngōn̄ bal batə̄ kə́ kógə̄ḿ kə́ yā tun̄ kəgāń kə̄rā#14.12 Yá̰á̰ kə́ tun̄ yā kəgāń kə̄rā: Á̰a̰ī Leb 5.14-26 ní ō, a un yibə̄ kə́ ndi ɓōdə̄ lāngá tə́ ní ō, yā ndējə̄ Kɔ́ɔ̄ɓē kə gō looneé. 13Ni a əja kɔ́ɔ ngōn̄ batə̄ ní i loo ń əjan̄ kɔ́ɔ dā̰ kə́ yā tun̄ tām̄ yā majaĺ tə́ ō, dā̰ kə́ yā róō horoó kadə̄ Kɔ́ɔ̄ɓē ō tū tə́ ní tə́, adə̄ i kem *loo kə́ táĺ tə́. Tɔdɔ̄ dā̰ kə́ tun̄ yā kəgān̄ kə̄rā ō, dā̰ kə́ tun̄ tām̄ yā majaĺ tə́ ō ní, a télnə̄ń i yā kadə̄ *nge tun̄ yá̰a̰, tām̄ i yá̰á̰ kə́ táĺ ngá̰ý. 14Nge tun̄ yá̰a̰ a ɔdə mósə ngōn̄ batə̄ ní yā rāā ta mbī deē ní tə́ ō, jīn tə́ ō, ta bo njan tə́ ō, yā kunəń majaĺ ń tákə̄n ní kɔ̄ɔ́. 15A un yibə̄ ní yā ɓōkə́ séý kem jīn nəkɔ́ kə́ geleé tə́. 16A əla ta ngōn̄ jīn kə́ ko̰ó̰ kum tə́, ba a sə̄kā nja sīrí no Kɔ́ɔ̄ɓē tə́. 17A ɔdə gotə yibə̄ ní yā rāā ta mbī deē ní tə́ ō, ta bo jīn tə́ ō, ta bo njan tə́ ō. Kə́ dām̄ kə́ ko̰ó̰ tə́. A rāā i dɔ mósə ngōn̄ batə̄ ń rāā kété tə́ ní. 18A rāā gotə yibə̄ kə́ jīn tə́ dɔ deē ní tə́ ō, a rāā yá̰á̰ kə́ yā kutə̄ń dɔ majaĺ yān ta kum Kɔ́ɔ̄ɓē tə́ ō. 19Ni a tun̄ yá̰á̰ kə́ tām̄ yā majaĺ tə́ ō, a rāā yá̰á̰ kə́ yā kutə̄ń dɔ majaĺ yā deē ní ō. Gō tə́ anī a əja kɔ́ɔ dā̰ kə́ yā róō horoó kadə̄ Kɔ́ɔ̄ɓē. 20A róō dā̰ ní i kə taá malang dɔ *loo tun̄ yá̰á̰ tə́ naā tə́ kə ndujə̄ kə́ yā ndējə̄ ō, a rāā yá̰á̰ kə́ yā kutə̄ń dɔ majaĺ yā deē ní ō. Loo ń noō tə́ ní i de kə́ majaĺ tákə̄n to̰ alé.
Deē ní tə̄nā i yá̰a̰ alé, banī ngán *Israel gə̄ a̰a̰n̄ kadə̄ bānjə̄ rāā rɔ̄n i majaĺ tə́, adə̄ i kə̄rā kə́ dɔ deē tə́.
Loo kun majaĺ kə́ tákə̄ nge bānjə̄ kə́ ndoō
21-22Ré nge bānjə̄ ní i de kə́ ndoō adə̄ ni asə kənge yá̰a̰ gə̄ ń noō malang aĺ anī, a əhɔ ngōn̄ batə̄ kə́ yā tun̄ kə̄gāń kə̄rā i kógə̄ḿ beē yā kadə̄ ndējə̄n̄ kə gō looneé yā rāań yá̰á̰ kə́ yā kutə̄ń dɔ majaĺ yān. A reē kə́ ndujə̄ kə́ lándə̄ kə́ ló̰ȳ kə yibīí kem lāngá mətá ō, yibə̄ kə́ ndi ɓōdə̄ lāngá tə́ ō, dér gutə gə̄ aláa dér dum gə̄ jōó kə gō tɔ́gəneé ō, yā ndējə̄ Kɔ́ɔ̄ɓē. Dér gə̄ ní kə́ kógə̄ḿ i yā tun̄ tām̄ yā majaĺ tə́ ō, kə́rēý i yā róō horoó kadə̄ Kɔ́ɔ̄ɓē ō. 23Kə ndɔ̄ kə́ nge ko̰ sɔ́sɔ́ anī, a reē kə yá̰a̰ gə̄ ń noō malang ta *kújə kənge naā tə́ ta kum Kɔ́ɔ̄ɓē tə́ yā kadə̄ *nge tun̄ yá̰a̰ kadə̄ rāań yá̰a̰ kun majaĺ ń tákə̄n ní kɔ̄ɔ́. 24Nge tun̄ yá̰a̰ a taā ngōn̄ batə̄ ní ō, yibə̄ kə́ ndi ɓōdə̄ lāngá tə́ ní ō, yā ndējə̄ Kɔ́ɔ̄ɓē kə gō looneé. 25Ni a əja kɔ́ɔ ngōn̄ batə̄ ní, ba a taā mósən yā rāā ta mbi deē ní tə́ ō, ta bo jīn tə́ ō, ta bo njan tə́ ō, kə́ dām̄ kə́ ko̰ó̰ tə́. 26Nge tun̄ yá̰a̰ a ɓōkə́ yibə̄ ní sḛ́ý kem jīn nəkɔ́ kə́ geleé tə́ ō, 27a ɔdə kə ta ngōn̄ jīn kə́ ko̰ó̰ yā sə̄kā ta kum Kɔ́ɔ̄ɓē tá nja sīrí ō. 28Ni a ɔdə yibə̄ kə́ jīn tə́ ní yā rāā ta mbī deē ní tə́ ō, ta bo jīn tə́ ō, ta bo njan tə́ ō, kə́ dām̄ kə́ ko̰ó̰ tə́ a rāā yibə̄ ní i mósə ngōn̄ batə̄ ń rāā kété tə́ ní.
29A rāā gotə yibə̄ kə́ jīn tə́ ní dɔ deē ní tə́, yā rāań yá̰á̰ kə́ yā kutə̄ń dɔ majaĺ yān ta kum Kɔ́ɔ̄ɓē tə́. 30Dér gutə kə́ jōó gə̄ aláa dér dum kə́ jōó gə̄ ń deē ní a adə̄ ní, 31*nge tun̄ yá̰a̰ a tun̄ kə́ kógə̄ḿ tām̄ yā majaĺ tə́ ō, a róō noō horoó yā kadə̄ Kɔ́ɔ̄ɓē, dɔ ndujə̄ ń a ndējə̄ tə́ ní. Gō tə́ anī ni a rāā yá̰á̰ kə́ yā kutə̄ń dɔ majaĺ yā deē ní ta kum Kɔ́ɔ̄ɓē tə́.
32Nge bānjə̄ ń yá̰a̰ kənge yān asə kadə̄ unəń majaĺ ń tákə̄n ní kɔ̄ɔ́ aĺ ní, ndū najə̄ kə́ dɔn tə́ n noó.
Kújə́ kə́ əɓa mə̄rō
33Kɔ́ɔ̄ɓē əda Moijə nin̄ kə *Aaro̰ na:
34Dan ń ā ūgī dɔ nang kə́ Kanaan n m-ādə̄sí tə́ ní, ba m̄-rāā adə̄ kújə́ kógə̄ḿ kə́ dɔ nang yāsí tə́ əɓa mə̄rō anī, 35kɔ́ɔ̄ kújə́ ní a aw̄ rɔ̄ nge tun̄ yá̰á̰ tə́ yā kədan na n-a̰a̰ yá̰á̰ kə́ to tītə̄ mə̄rō əɓa kem kújə yān tə́. 36Nge tun̄ yá̰a̰ a mēr̄ kɔy yá̰a̰ gə̄ kə́ kem kújə ní tə́ kɔ̄ɔ́ malang kə́ ndágá pá tá a udə kemeé yā kəndā ma̰ȳ mə̄rō ní, na sōgə́ a rāādə́ yá̰á̰ kə́ yḛr tə́. Gō tə́ anī a udə kemeé yā kəndā ma̰ȳ kújə́ ní. 37A əndā ma̰ȳ mə̄rō ní. Ré to tītə̄ yá̰á̰ kə́ lu ba rāā ɓáĺ mbī kāgə̄ aláa kərē suk suk ō, rāā ɓəlo kadə̄ bɔr tə́ ō anī, 38a teē yā kəra ta kújə́ ní tə́ ndágá ō, a utə̄ tan kadə̄ ra beé ndɔ̄ sīrí ō. 39Kə ndɔ̄ kə́ nge ko̰ sīrí anī a tél yā reē kəndā ma̰ȳ. Ré a̰a̰ kadə̄ mə̄rō ní taā loo kum kə̄ kété kadə̄ bɔr tə́ anī, 40a mēr̄ ró̰ȳ mbal̄ kə́ kəɓa mə̄rō gə̄ ní kɔ̄ɔ́ kadə̄ aw̄ ɓōkə́n̄ loo kə́ yḛr tə́ gidə ɓē tə́ ndágá. 41Ni a mēr̄ kūsə́ kadə̄ bɔr kə́ kem kújə́ ní tə́ kɔ̄ɔ́ malang, kadə̄ aw̄ ɓōkə́n̄ loo kə́ yḛr tə́ gidə ɓē tə́ ndágá. 42Gō tə́ anī a mēr̄ tə́la mbal̄ kə́ rang gə̄ gotə madə̄ gə̄ kə́ kété tə́ ō, a adə̄ ló̰ȳn̄ nán̄g kə́ rang yā longəń kadə̄ bɔr ní gogə́ rang ō.
43Ré ró̰ȳn̄ mbal̄ kə́ nujə gə̄ ní kɔ̄ɔ́ ō, kūsə́n̄ kem kújə́ ní ba ló̰ȳn̄ nán̄g kə́ rang longnə̄ń oy pá tá mə̄rō ní tél teē kemeé ɓáý to̰ anī, 44*nge tun̄ yá̰a̰ a tél yā kaw̄ kəndā ma̰ȳ kem kújə́ ní gogə́ rang. Ré a̰a̰ kadə̄ mə̄rō ní tél taā loo gogə́ ɓáý anī, i mə̄rō kə́ loo kɔrə̄n gətóō ō, i kújə́ kə́ bānjə̄ rāā ō, adə̄ i kə́ yḛr. 45A bótə̄yō̰n̄ kújə́ ní kɔ̄ɔ́. A ró̰ȳn̄ mbal̄ kə́ tū tə́ gə̄ kɔ̄ɔ́ ō, kāgə̄ kə́ tū tə́ gə̄ kɔ̄ɔ́ ō, ba a ɔyn̄ kə yá̰a̰ gə̄ ń noō malang, naā tə́ kə nán̄g ń tə́ya̰nə̄ń kem kújə ní, yā kaw̄ ɓōkə́ loo kə́ yḛr tə́, gidə ɓē tə́ ndágá.
46Dan ń kújə́ ní a rań kə tan kə́ kutú ní, ré deē udə kemeé anī kɔ́ɔ̄ i de kə́ yḛr bátə́ kadə̄ loo tíbə dɔn tə́. 47Deē ń a to kemeé aláa a əsa yá̰a̰ kemeé ní, ni a tə́go kūbə̄ yān gə̄.
48Ré longən̄ kadə̄ bɔr ní oy ō, *nge tun̄ yá̰a̰ udə ba əndā ma̰ȳ a̰a̰ kadə̄ mə̄rō ní taā loo kum kə̄ kété aĺ ō anī, a əda wáńg na kújə́ ní i kə́ *unjə̄ njáý njáý, tɔdɔ̄ mə̄rō ń əɓa tū tə́ ní gətóo kɔ̄ɔ́.
49Nge tun̄ yá̰a̰ a əhɔ yel̄ gə̄ jōó ō, a un kāgə̄ sédər ō, bḭḭ̄ batə̄ kə́ kəla kum man̄ yá̰á̰ kə́ kərē pírírí tə́ ō, a gán̄g kámbə isopə ō, yā kaw̄ tə́goń majaĺ ń tákə̄ kújə́ ní kɔ̄ɔ́. 50A əja kɔ́ɔ yel̄ kə́ kógə̄ḿ dɔ jóó nánjə́ kə́ ndi kə man̄ kə́ kəɓa nang tə́ kemeé. 51A un kāgə̄ sédər ní ō, kámbə isopə ní ō, bḭḭ̄ batə̄ kə́ kərē pírírí ní ō, yel̄ kə́ noó kə́ kumuú ní ō. A əladə́ kum mósə yel̄ ń əja kɔ́ɔ tə́ ní ō, kum man̄ kə́ kəɓa nang tə́ ní tə́ ō. A sə̄kā nja sīrí dɔ kújə́ ní tə́. 52A un majaĺ ń tákə̄ kújə́ ní i kə mósə yel̄ ní ō, man̄ kə́ kəɓa nang tə́ ní ō, yel̄ kə́ kə kumuú ní ō, kāgə̄ sédər ní ō, kámbə isopə ní ō, bḭḭ̄ batə̄ kə́ kərē pírírí ní ō. 53A əya̰ yel̄ kə́ kə kumuú ní dɔɔ́ kadə̄ ḭḭ bɔ̄gə̄ aw̄ bembeé. A rāā yá̰á̰ kə́ yā kutə̄ń dɔ majaĺ yā kújə́ ní ō. Loo ń noō tə́ kújə́ ní i kújə́ kə́ majaĺ tákə̄ to̰ alé.
54*Ndū najə̄ kə́ dɔ mo̰y kə́ tītə̄ mo̰y i bānjə̄ tə́, adə̄ i básḛý ō, 55Kūbə̄ kə́ əɓa mə̄rō ō, kújə́ kə́ əɓa mə̄rō ō, 56yá̰á̰ kə́ agə̄ deē ō, rɔ̄ de kə́ ḭḭ kɔ̄ɔ́ ō, rɔ̄ de kə́ ndə́lē wor wor ō n noó. 57I tītə̄ ń noō n de gə̄ a ger̄nəń yá̰á̰ kə́ majaĺ tákə̄ ō, yá̰á̰ kə́ majaĺ tákə̄ aĺ ō, ní. *Ndū najə̄ kə́ dɔ mo̰y bānjə̄ tə́ n noó.
Currently Selected:
Ndū najə̄ yā Ngán Lebi gə̄ 14: BS
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ndū najə̄ yā Ngán Lebi gə̄ 14
14
Loo kun majaĺ kə́ tákə̄ nge bānjə̄
1Kɔ́ɔ̄ɓē əda Moijə na 2lōō kun majaĺ kə́ tákə̄ nge bānjə̄ n toó. A reēn̄ kə nge bānjə̄ rɔ̄ nge tun̄ yá̰á̰ tə́. 3Nge tun̄ yá̰a̰ a teē yā kəndā ma̰ȳn gidə ɓē tə́ ndágá. Ré mo̰y kə́ tītə̄ mo̰y bānjə̄ ní ur̄ rɔ̄n tə́ kɔ̄ɔ́ anī, 4*nge tun̄ yá̰a̰ a mēr̄ kadə̄ reēn̄ kə yel̄ kə́ *unjə̄ njáý njáý gə̄ jōó ō, kāgə̄ sédər ō, bḭḭ̄ batə̄ kə́ kəla kum man̄ kə́ kərē pírírí tə́ ō, kámbə isopə ō.
5Ba *nge tun̄ yá̰a̰ a mēr̄ kəja kɔ́ɔ yel̄ kə́ kógə̄ḿ dɔ jóó nánjə́ kə́ ndi kə man̄ kə́ kəɓa nang tə́ kemeé. 6A un yel̄ kə́ kə kumuú ní ō, kāgə̄ sédər ō, bḭḭ̄ batə̄ kə́ kərē pírírí ō, kámbə isopə ō, ba a əladə́ malang kum mósə yel̄ ń əjan kɔ́ɔn dɔ jóó nánjə́ tə́ ní. 7A sə̄kā nja sīrí dɔ deē ní tə́ yā tə́goń bānjə̄ kə́ rɔ̄n tə́. Gō tə́ anī a əda deē ní wáńg na ni i de kə́ *unjə̄ njáý njáý ō, a əya̰ yel̄ kə́ kə kumuú ní dɔɔ́ kadə̄ ḭḭ bɔ̄gə̄ aw̄ bembeé ō. 8Deē ní a tə́go kūbə̄ yān gə̄ ō, a dəsā bḭḭ̄ kə́ rɔ̄n tə́ malang ō, a ndogə̄ man̄ ō.
Loo ń noō tə́ ní i de kə́ *unjə̄ njáý njáý. Ré ni rāā yá̰a̰ gə̄ ń noō oy anī, a udə kem ɓēé banī a ndi kem kújə yān tə́ alé ndɔ̄ sīrí. 9Kə ndɔ̄ kə́ nge ko̰ sīrí anī, ni-tél yā dəsā dɔn ō, mbāýn ō, nənga dɔ kumən ō, bḭḭ̄ kə́ rɔ̄n tə́ malang. A tə́go kūbə̄ yān gə̄ ō, a ndogə̄ man̄ ō, loo ń noō tə́ ni i de kə́ *unjə̄ njáý njáý.
10Kə́ ndɔ̄ kə́ nge ko̰ sɔ́sɔ́ anī, ni a əhɔ bal batə̄ kə́ loon kógə̄ḿ nujə aĺ gə̄ jōó ō, mandə batə̄ kə́ ɓāl̄ kógə̄ḿ kə́ loon kógə̄ḿ nujə aĺ ō, a reē kə ndujə̄ kə́ ló̰ȳ kə yibīí kem lāngá ndōhó yā ndējə̄ ō, yibə̄ kə́ ndi ɓōdə̄ lāngá ō, 11ba nge tun̄ yá̰á̰ ń i nge kun majaĺ ń tákə̄n ní, a aw̄ seneé no Kɔ́ɔ̄ɓē tə́ ta *kújə kənge naā tə́ kə *yá̰a̰ ndējə̄ gə̄ ń noō malang. 12Nge tun̄ yá̰a̰ a əhɔ ngōn̄ bal batə̄ kə́ kógə̄ḿ kə́ yā tun̄ kəgāń kə̄rā#14.12 Yá̰á̰ kə́ tun̄ yā kəgāń kə̄rā: Á̰a̰ī Leb 5.14-26 ní ō, a un yibə̄ kə́ ndi ɓōdə̄ lāngá tə́ ní ō, yā ndējə̄ Kɔ́ɔ̄ɓē kə gō looneé. 13Ni a əja kɔ́ɔ ngōn̄ batə̄ ní i loo ń əjan̄ kɔ́ɔ dā̰ kə́ yā tun̄ tām̄ yā majaĺ tə́ ō, dā̰ kə́ yā róō horoó kadə̄ Kɔ́ɔ̄ɓē ō tū tə́ ní tə́, adə̄ i kem *loo kə́ táĺ tə́. Tɔdɔ̄ dā̰ kə́ tun̄ yā kəgān̄ kə̄rā ō, dā̰ kə́ tun̄ tām̄ yā majaĺ tə́ ō ní, a télnə̄ń i yā kadə̄ *nge tun̄ yá̰a̰, tām̄ i yá̰á̰ kə́ táĺ ngá̰ý. 14Nge tun̄ yá̰a̰ a ɔdə mósə ngōn̄ batə̄ ní yā rāā ta mbī deē ní tə́ ō, jīn tə́ ō, ta bo njan tə́ ō, yā kunəń majaĺ ń tákə̄n ní kɔ̄ɔ́. 15A un yibə̄ ní yā ɓōkə́ séý kem jīn nəkɔ́ kə́ geleé tə́. 16A əla ta ngōn̄ jīn kə́ ko̰ó̰ kum tə́, ba a sə̄kā nja sīrí no Kɔ́ɔ̄ɓē tə́. 17A ɔdə gotə yibə̄ ní yā rāā ta mbī deē ní tə́ ō, ta bo jīn tə́ ō, ta bo njan tə́ ō. Kə́ dām̄ kə́ ko̰ó̰ tə́. A rāā i dɔ mósə ngōn̄ batə̄ ń rāā kété tə́ ní. 18A rāā gotə yibə̄ kə́ jīn tə́ dɔ deē ní tə́ ō, a rāā yá̰á̰ kə́ yā kutə̄ń dɔ majaĺ yān ta kum Kɔ́ɔ̄ɓē tə́ ō. 19Ni a tun̄ yá̰á̰ kə́ tām̄ yā majaĺ tə́ ō, a rāā yá̰á̰ kə́ yā kutə̄ń dɔ majaĺ yā deē ní ō. Gō tə́ anī a əja kɔ́ɔ dā̰ kə́ yā róō horoó kadə̄ Kɔ́ɔ̄ɓē. 20A róō dā̰ ní i kə taá malang dɔ *loo tun̄ yá̰á̰ tə́ naā tə́ kə ndujə̄ kə́ yā ndējə̄ ō, a rāā yá̰á̰ kə́ yā kutə̄ń dɔ majaĺ yā deē ní ō. Loo ń noō tə́ ní i de kə́ majaĺ tákə̄n to̰ alé.
Deē ní tə̄nā i yá̰a̰ alé, banī ngán *Israel gə̄ a̰a̰n̄ kadə̄ bānjə̄ rāā rɔ̄n i majaĺ tə́, adə̄ i kə̄rā kə́ dɔ deē tə́.
Loo kun majaĺ kə́ tákə̄ nge bānjə̄ kə́ ndoō
21-22Ré nge bānjə̄ ní i de kə́ ndoō adə̄ ni asə kənge yá̰a̰ gə̄ ń noō malang aĺ anī, a əhɔ ngōn̄ batə̄ kə́ yā tun̄ kə̄gāń kə̄rā i kógə̄ḿ beē yā kadə̄ ndējə̄n̄ kə gō looneé yā rāań yá̰á̰ kə́ yā kutə̄ń dɔ majaĺ yān. A reē kə́ ndujə̄ kə́ lándə̄ kə́ ló̰ȳ kə yibīí kem lāngá mətá ō, yibə̄ kə́ ndi ɓōdə̄ lāngá tə́ ō, dér gutə gə̄ aláa dér dum gə̄ jōó kə gō tɔ́gəneé ō, yā ndējə̄ Kɔ́ɔ̄ɓē. Dér gə̄ ní kə́ kógə̄ḿ i yā tun̄ tām̄ yā majaĺ tə́ ō, kə́rēý i yā róō horoó kadə̄ Kɔ́ɔ̄ɓē ō. 23Kə ndɔ̄ kə́ nge ko̰ sɔ́sɔ́ anī, a reē kə yá̰a̰ gə̄ ń noō malang ta *kújə kənge naā tə́ ta kum Kɔ́ɔ̄ɓē tə́ yā kadə̄ *nge tun̄ yá̰a̰ kadə̄ rāań yá̰a̰ kun majaĺ ń tákə̄n ní kɔ̄ɔ́. 24Nge tun̄ yá̰a̰ a taā ngōn̄ batə̄ ní ō, yibə̄ kə́ ndi ɓōdə̄ lāngá tə́ ní ō, yā ndējə̄ Kɔ́ɔ̄ɓē kə gō looneé. 25Ni a əja kɔ́ɔ ngōn̄ batə̄ ní, ba a taā mósən yā rāā ta mbi deē ní tə́ ō, ta bo jīn tə́ ō, ta bo njan tə́ ō, kə́ dām̄ kə́ ko̰ó̰ tə́. 26Nge tun̄ yá̰a̰ a ɓōkə́ yibə̄ ní sḛ́ý kem jīn nəkɔ́ kə́ geleé tə́ ō, 27a ɔdə kə ta ngōn̄ jīn kə́ ko̰ó̰ yā sə̄kā ta kum Kɔ́ɔ̄ɓē tá nja sīrí ō. 28Ni a ɔdə yibə̄ kə́ jīn tə́ ní yā rāā ta mbī deē ní tə́ ō, ta bo jīn tə́ ō, ta bo njan tə́ ō, kə́ dām̄ kə́ ko̰ó̰ tə́ a rāā yibə̄ ní i mósə ngōn̄ batə̄ ń rāā kété tə́ ní.
29A rāā gotə yibə̄ kə́ jīn tə́ ní dɔ deē ní tə́, yā rāań yá̰á̰ kə́ yā kutə̄ń dɔ majaĺ yān ta kum Kɔ́ɔ̄ɓē tə́. 30Dér gutə kə́ jōó gə̄ aláa dér dum kə́ jōó gə̄ ń deē ní a adə̄ ní, 31*nge tun̄ yá̰a̰ a tun̄ kə́ kógə̄ḿ tām̄ yā majaĺ tə́ ō, a róō noō horoó yā kadə̄ Kɔ́ɔ̄ɓē, dɔ ndujə̄ ń a ndējə̄ tə́ ní. Gō tə́ anī ni a rāā yá̰á̰ kə́ yā kutə̄ń dɔ majaĺ yā deē ní ta kum Kɔ́ɔ̄ɓē tə́.
32Nge bānjə̄ ń yá̰a̰ kənge yān asə kadə̄ unəń majaĺ ń tákə̄n ní kɔ̄ɔ́ aĺ ní, ndū najə̄ kə́ dɔn tə́ n noó.
Kújə́ kə́ əɓa mə̄rō
33Kɔ́ɔ̄ɓē əda Moijə nin̄ kə *Aaro̰ na:
34Dan ń ā ūgī dɔ nang kə́ Kanaan n m-ādə̄sí tə́ ní, ba m̄-rāā adə̄ kújə́ kógə̄ḿ kə́ dɔ nang yāsí tə́ əɓa mə̄rō anī, 35kɔ́ɔ̄ kújə́ ní a aw̄ rɔ̄ nge tun̄ yá̰á̰ tə́ yā kədan na n-a̰a̰ yá̰á̰ kə́ to tītə̄ mə̄rō əɓa kem kújə yān tə́. 36Nge tun̄ yá̰a̰ a mēr̄ kɔy yá̰a̰ gə̄ kə́ kem kújə ní tə́ kɔ̄ɔ́ malang kə́ ndágá pá tá a udə kemeé yā kəndā ma̰ȳ mə̄rō ní, na sōgə́ a rāādə́ yá̰á̰ kə́ yḛr tə́. Gō tə́ anī a udə kemeé yā kəndā ma̰ȳ kújə́ ní. 37A əndā ma̰ȳ mə̄rō ní. Ré to tītə̄ yá̰á̰ kə́ lu ba rāā ɓáĺ mbī kāgə̄ aláa kərē suk suk ō, rāā ɓəlo kadə̄ bɔr tə́ ō anī, 38a teē yā kəra ta kújə́ ní tə́ ndágá ō, a utə̄ tan kadə̄ ra beé ndɔ̄ sīrí ō. 39Kə ndɔ̄ kə́ nge ko̰ sīrí anī a tél yā reē kəndā ma̰ȳ. Ré a̰a̰ kadə̄ mə̄rō ní taā loo kum kə̄ kété kadə̄ bɔr tə́ anī, 40a mēr̄ ró̰ȳ mbal̄ kə́ kəɓa mə̄rō gə̄ ní kɔ̄ɔ́ kadə̄ aw̄ ɓōkə́n̄ loo kə́ yḛr tə́ gidə ɓē tə́ ndágá. 41Ni a mēr̄ kūsə́ kadə̄ bɔr kə́ kem kújə́ ní tə́ kɔ̄ɔ́ malang, kadə̄ aw̄ ɓōkə́n̄ loo kə́ yḛr tə́ gidə ɓē tə́ ndágá. 42Gō tə́ anī a mēr̄ tə́la mbal̄ kə́ rang gə̄ gotə madə̄ gə̄ kə́ kété tə́ ō, a adə̄ ló̰ȳn̄ nán̄g kə́ rang yā longəń kadə̄ bɔr ní gogə́ rang ō.
43Ré ró̰ȳn̄ mbal̄ kə́ nujə gə̄ ní kɔ̄ɔ́ ō, kūsə́n̄ kem kújə́ ní ba ló̰ȳn̄ nán̄g kə́ rang longnə̄ń oy pá tá mə̄rō ní tél teē kemeé ɓáý to̰ anī, 44*nge tun̄ yá̰a̰ a tél yā kaw̄ kəndā ma̰ȳ kem kújə́ ní gogə́ rang. Ré a̰a̰ kadə̄ mə̄rō ní tél taā loo gogə́ ɓáý anī, i mə̄rō kə́ loo kɔrə̄n gətóō ō, i kújə́ kə́ bānjə̄ rāā ō, adə̄ i kə́ yḛr. 45A bótə̄yō̰n̄ kújə́ ní kɔ̄ɔ́. A ró̰ȳn̄ mbal̄ kə́ tū tə́ gə̄ kɔ̄ɔ́ ō, kāgə̄ kə́ tū tə́ gə̄ kɔ̄ɔ́ ō, ba a ɔyn̄ kə yá̰a̰ gə̄ ń noō malang, naā tə́ kə nán̄g ń tə́ya̰nə̄ń kem kújə ní, yā kaw̄ ɓōkə́ loo kə́ yḛr tə́, gidə ɓē tə́ ndágá.
46Dan ń kújə́ ní a rań kə tan kə́ kutú ní, ré deē udə kemeé anī kɔ́ɔ̄ i de kə́ yḛr bátə́ kadə̄ loo tíbə dɔn tə́. 47Deē ń a to kemeé aláa a əsa yá̰a̰ kemeé ní, ni a tə́go kūbə̄ yān gə̄.
48Ré longən̄ kadə̄ bɔr ní oy ō, *nge tun̄ yá̰a̰ udə ba əndā ma̰ȳ a̰a̰ kadə̄ mə̄rō ní taā loo kum kə̄ kété aĺ ō anī, a əda wáńg na kújə́ ní i kə́ *unjə̄ njáý njáý, tɔdɔ̄ mə̄rō ń əɓa tū tə́ ní gətóo kɔ̄ɔ́.
49Nge tun̄ yá̰a̰ a əhɔ yel̄ gə̄ jōó ō, a un kāgə̄ sédər ō, bḭḭ̄ batə̄ kə́ kəla kum man̄ yá̰á̰ kə́ kərē pírírí tə́ ō, a gán̄g kámbə isopə ō, yā kaw̄ tə́goń majaĺ ń tákə̄ kújə́ ní kɔ̄ɔ́. 50A əja kɔ́ɔ yel̄ kə́ kógə̄ḿ dɔ jóó nánjə́ kə́ ndi kə man̄ kə́ kəɓa nang tə́ kemeé. 51A un kāgə̄ sédər ní ō, kámbə isopə ní ō, bḭḭ̄ batə̄ kə́ kərē pírírí ní ō, yel̄ kə́ noó kə́ kumuú ní ō. A əladə́ kum mósə yel̄ ń əja kɔ́ɔ tə́ ní ō, kum man̄ kə́ kəɓa nang tə́ ní tə́ ō. A sə̄kā nja sīrí dɔ kújə́ ní tə́. 52A un majaĺ ń tákə̄ kújə́ ní i kə mósə yel̄ ní ō, man̄ kə́ kəɓa nang tə́ ní ō, yel̄ kə́ kə kumuú ní ō, kāgə̄ sédər ní ō, kámbə isopə ní ō, bḭḭ̄ batə̄ kə́ kərē pírírí ní ō. 53A əya̰ yel̄ kə́ kə kumuú ní dɔɔ́ kadə̄ ḭḭ bɔ̄gə̄ aw̄ bembeé. A rāā yá̰á̰ kə́ yā kutə̄ń dɔ majaĺ yā kújə́ ní ō. Loo ń noō tə́ kújə́ ní i kújə́ kə́ majaĺ tákə̄ to̰ alé.
54*Ndū najə̄ kə́ dɔ mo̰y kə́ tītə̄ mo̰y i bānjə̄ tə́, adə̄ i básḛý ō, 55Kūbə̄ kə́ əɓa mə̄rō ō, kújə́ kə́ əɓa mə̄rō ō, 56yá̰á̰ kə́ agə̄ deē ō, rɔ̄ de kə́ ḭḭ kɔ̄ɔ́ ō, rɔ̄ de kə́ ndə́lē wor wor ō n noó. 57I tītə̄ ń noō n de gə̄ a ger̄nəń yá̰á̰ kə́ majaĺ tákə̄ ō, yá̰á̰ kə́ majaĺ tákə̄ aĺ ō, ní. *Ndū najə̄ kə́ dɔ mo̰y bānjə̄ tə́ n noó.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad