Najə̄ kə́ Majə yā Jeju ń Luk ndang ní 13
13
1Dan ngeé ń noō tə́ ní de kə́rēý gə̄ reē ɔjən̄ Jeju gotə yá̰á̰ ń rāā de kə́ Galile gə̄ ń Pilatə tɔ̄l̄də́ adə̄ mósə́də́ əla naā tə́ kə mósə dā̰ yādə́ gə̄ kə́ tɔ̄lə̄n̄ yā tun̄ ní. 2Jeju un najə̄ ədadə́ na:
Sḭḭ̄ ī-gírī kadə̄ yá̰á̰ ń rāā de kə́ Galile gə̄ ń noō ní i tām̄ nin̄ kə́ i ngé rāā majaĺ mān̄ gotə de kə́ Galile gə̄ malang a? 3A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī malang tītə̄ ń noō ō. 4Aké de kə́ kutə gidə i sɔ́sɔ́ gə̄ ń kújə kə́ ngāl̄ ɓururu kum kə̄ dɔɔ́ kə́ Siloe tə́ tetə əsō dɔdə́ tə́ adə̄ oyn̄ ní, sḭḭ̄ ī-gírī kadə̄ najə̄ kə́ dɔdə́ tə́ i ngá̰ý mān̄ gotə de kə́ *Jerusalem gə̄ malang a? 5A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī kɔ̄ɔ́ malang tītə̄ ń noō ō.
Kūjə́ najə̄ yā kāgə̄ kótə̄ kə́ an̄ aĺ
6Anī ni-ədadə́ kūjə́ najə̄ ń toō ɓáý to̰ na:
Dəngam kógə̄ḿ əndā kāgə̄ kótə̄ kem ndɔr̄ *kāgə̄ nduú yān tə́. Ni-reē sāā kanə̄n tə́ ba ənge kógə̄ḿ gə̄gē alé. 7Anī əda nge ndɔr̄ kāgə̄ nduú yān ní na: Á̰a̰, i ɓāl̄ mətá kōnīí laā n m̄-reē sāā kan̄ kótə̄ ń toō tə́, ba m-ə́ngé kógə̄ḿ gə̄gē dɔ tə́ aĺ ní, ī-tə́gān kɔ̄ɔ́. Tɔdɔ̄ kum kəya̰n kadə̄ taā loo karī ní gətóo. 8Nge ndɔr̄ kāgə̄ nduú ní tél ədan na: Kɔ́ɔ̄ḿ, ə́ya̰n kōnīí laā ɓáý, ādə̄ m̄-ndēr̄ bəlo m̄-gīrəń gidən ō, ba m̄-ɓōkə́ yedə̄ yá̰a̰ tū tə́ ō. 9Majanī ta kə́ kété tə́ a an̄ ɓáý. Ba ré an̄ aĺ tā anī, ī-tə́gān kɔ̄ɔ́ ɓáý.
Jeju ndájə̄ dūn̄ dəyá̰ kə́ rugə
10Dan ngeé ń noō tə́ ní Jeju a ndóō de gə̄ yá̰a̰ kem kújə́ kán̄ naā kógə̄ḿ tə́ ndɔ̄ *sabat tə́. 11Anī dəyá̰ kógə̄ḿ kə́ ndíĺ kə́ majaĺ i kemən tə́ rāā ɓāl̄ kutə gidə i sɔ́sɔ́ ndi kem kújə́ ní tə́. Ndíĺ ní rugən kɔ̄kə́ adə̄ ni-asə kɔr̄ tan dɔɔ́ sḛ́ý aĺ bátə́. 12Dan ń Jeju a̰a̰n anī, ɓārə́n əda na:
Dəyá̰, á̰a̰ā̰, ngɔlaā ní gír nujə yāí gān̄g kɔ̄ɔ́.
13Ni-əndā jīn dɔn tə́. Anī kə̄ ta jī tə́ noō dəyá̰ ní ɔr̄ tan dɔɔ́ ba ɔsə gɔn Nə́ɓā. 14Banī wōn̄g rāā ngār kə́ dɔ kújə́ kán̄ naā ní tə́, tām̄ rāā kə́ Jeju rāā adə̄ rɔ̄ deē kógə̄ḿ ngáā ndɔ̄ *sabat tə́, adə̄ un najə̄ əda kósə de gə̄ na:
Ndɔ̄ kə́ yā kadə̄ ī-rāāīneé kəla i mehḛ́. Ní ī-reēī ndɔ̄ gə̄ ń noō tə́ kadə̄ rāān̄ adə̄ rɔ̄sí ngáā, ba ī-lōōī reē ndɔ̄ *sabat tə́.
15Kɔ́ɔ̄ɓē tél ədan na:
Sḭḭ̄ de kə́ ngé ngól̄ loo gə̄, i náā dansí tə́ n ndɔ̄ *sabat tə́ anī, tútə man̄g yān, aláa kərō yān dɔ bēl̄ tə́ yā kaw̄ seneé kadə̄ a̰ȳ man̄ aĺ ní? 16Ba ngōn̄ Abəraham kə́ dəyá̰ ń toō ń *Sətan do̰ō̰n rāā ɓāl̄ kutə gidə i sɔ́sɔ́ ní tá kə yā tútən ndɔ̄ *sabat tə́ aĺ a?
17Dan ń ni-əda najə̄ ń toō anī, madə̄ kɔ̄lən gə̄ malang ní rɔ̄də́ sɔl̄də́, ba kósə de gə̄ malang tá rɔ̄də́ nel̄də́ ngá̰ý tām̄ yá̰á̰ kə́ majə ngá̰ý gə̄ malang ń ni-rāā tə́ ní.
Kūjə́ najə̄ yā kum mutardə
(Á̰a̰ī Mat 13.31-32; Mark 4.30-32)
18Anī Jeju əda na:
*Ɓē ko̰o̰ yā Nə́ɓā teēn̄ naā i kə rí? Aké kə ḿ-ɔ́jəń i rí? 19Ni to i tītə̄ kum mutardə kə́ deē un ənda kem ndɔr̄ yān tə́. Kum mutardə ní əɓa ba tɔgə kāgə̄ adə̄ yel̄ kə́ dɔɔ́ gə̄ rāān̄ ɓēdə́ ta jīn gə̄ tə́.
Kūjə́ najə̄ kə́ dɔ kaa mápa tə́
(Á̰a̰ī Mat 13.33)
20Ni-əda ɓáý to̰ na:
*Ɓē ko̰o̰ yā Nə́ɓā ní kə ḿ-ɔ́jəń i rí ō? 21To i tītə̄ *kaa mápá kə́ dəyá̰ lóyń ndujə̄ mápá kə́ mbɔ̄jə́ kem səmbē bo mətá, adə̄ ndujə̄ mápá ni-ḭḭ malang beé.
Ta róbə́ kə́ dūú
(Á̰a̰ī Mat 7.13-14,21-23)
22Anī Jeju aw̄ kə̄ ɓē kə́ bo gə̄ tə́ ō, kə̄ ɓē kə́ dūú gə̄ tə́ ō, a ndóoń de gə̄ yá̰a̰ dɔɔ́ dɔɔ́ ta kaw̄ kə̄ *Jerusalem. 23Anī deē kógə̄ḿ dəjen najə̄, əda na:
Kɔ́ɔ̄ɓē, i de kə́ ngá̰ý aĺ gə̄ ngóy n a ajən̄ ní a?
Anī Jeju ədadə́ na:
24Ī-rɔ̄ɔ̄ī dɔ rɔ̄sí tə́ kadə̄ údiī ta róbə́ kə́ dūú tə́, tɔdɔ̄ ādə̄ m-ə́dásí de gə̄ ngá̰ý a sāān̄ kudə tū tə́ ba a asən̄ alé.
25Dan ń kɔ́ɔ̄ kújə a ḭḭ ba a utə̄ ta kújə kɔ̄ɔ́, tá kadə̄ sḭḭ̄ ń ā ī-raī gidə tə́ ndágá ní, ā ī-gógī ta kújə ba ā ə́daī na: Kɔ́ɔ̄ɓē, ī-teē ta kújə ādə̄jí tə́ ní anī, ni a ədasí na: Sḭḭ̄ i de kə́ rá gə̄ a mā m̄-ger̄ alé. 26Anī loo ń noō tə́ ní, sḭḭ̄ ā ə́laī gír kədan na: Jḭḭ j-əsa yá̰a̰ ō, j-a̰ȳ ō ta kumií tə́, tá īkɔ́ ī-ndóō de gə̄ yá̰a̰ ndágə loo yājí gə̄ tə́ ɓáý to̰ ō. 27Banī ni a tél yā kədasí na: Sḭḭ̄ i de kə́ rá gə̄ a mā m̄-ger̄ alé, ī-téliī rɔ̄ḿ tə́ kə̄ nú, sḭḭ̄ malang ń ī-rāāī yá̰á̰ kə́ majaĺ ní. 28Loo ń noō tə́ ní ā ī-nōōī naā ō, ā ī-ngórī ngān̄gsí ō, dan ń sḭḭ̄ ā á̰a̰ī Abəraham ō Isaak ō Jakob ō, *ngé koō ta gə̄ malang ō, kem *Ɓē ko̰o̰ yā Nə́ɓā tə́, ba sḭḭ̄ tá ɓōkə́n̄sí gidə loo tə́ ndágá ní. 29De gə̄ a teēn̄ dām̄ kə́ dūn̄ ɓē tə́ ō, kə́ no ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō, yā reē ndi ta yá̰a̰ kəsa tə́ kem *Ɓē ko̰o̰ yā Nə́ɓā tə́. 30I beé n de kə́rēý gə̄ ń nin̄ i gogə́ ní a télən̄ de kə́ kété gə̄, ba ngé kə́rēý gə̄ ń nin̄ i kété ní a télən̄ de kə́ gogə́ gə̄ ní.
Jeju ō, ɓē kə́ Jerusalem ō
(Á̰a̰ī Mat 23.37-39)
31Kum mbang nəkɔ́ ń noō tə́ *Parijiyḛ kə́rēý gə̄ ndɔ́tə̄n̄ kə̄ ngɔr ba ədanən̄ na:
Ɔ́tə kɔ̄ɔ́ laā ba āw̄, tɔdɔ̄ Herod a sāā tɔ̄lī.
32Anī Jeju ədadə́ na:
Āw̄ ə́daī njā̰ ń noō ə́dain̄ na kə a̰a̰: M-ā m̄-tə̄ɓā ndíĺ kə́ majaĺ gə̄ kɔ̄ɔ́ ō, m-ā m̄-rāā ādə̄ rɔ̄ ngé mo̰y gə̄ ngáā ō, ɓōólaā ō bírí ō, ba ndɔ̄ kə́ nge ko̰ mətá tə́ ɓáa m-ā m̄-tɔ̄l̄ ta kəla yāḿ. 33Ba kə́ ɓōólaā ń toō tə́ ō, kə́ bírí tə́ ō, kə́ loo tīī kə́ rang tə́ ō ní, i gáŕ kadə̄ m-úń róbə yāḿ kə̄ noḿ tə́, tɔdɔ̄ majə kadə̄ *nge koō ta oy loo kə́ rang tə́ kanjə̄ kadə̄ i *Jerusalem alé.
34*Jerusalem, Jerusalem, ḭ̄ nge tɔ̄l̄ *ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé. 35Ba ngɔlaā ní, Nə́ɓā a teē yā kəya̰ kújə yāsí ní jīsí tə́ yā kadə̄sí. Ba mā m-ə́dásí na ā á̰a̰mī to̰ alé. Ā á̰a̰mī aĺ bátə́ kadə̄ ré ndɔ̄ ń sḭḭ̄ ā ə́daīneé na: Ādə̄ Nə́ɓā rāā majə kə nge ń reē kə rī Kɔ́ɔ̄ɓēé ní.
Currently Selected:
Najə̄ kə́ Majə yā Jeju ń Luk ndang ní 13: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Najə̄ kə́ Majə yā Jeju ń Luk ndang ní 13
13
1Dan ngeé ń noō tə́ ní de kə́rēý gə̄ reē ɔjən̄ Jeju gotə yá̰á̰ ń rāā de kə́ Galile gə̄ ń Pilatə tɔ̄l̄də́ adə̄ mósə́də́ əla naā tə́ kə mósə dā̰ yādə́ gə̄ kə́ tɔ̄lə̄n̄ yā tun̄ ní. 2Jeju un najə̄ ədadə́ na:
Sḭḭ̄ ī-gírī kadə̄ yá̰á̰ ń rāā de kə́ Galile gə̄ ń noō ní i tām̄ nin̄ kə́ i ngé rāā majaĺ mān̄ gotə de kə́ Galile gə̄ malang a? 3A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī malang tītə̄ ń noō ō. 4Aké de kə́ kutə gidə i sɔ́sɔ́ gə̄ ń kújə kə́ ngāl̄ ɓururu kum kə̄ dɔɔ́ kə́ Siloe tə́ tetə əsō dɔdə́ tə́ adə̄ oyn̄ ní, sḭḭ̄ ī-gírī kadə̄ najə̄ kə́ dɔdə́ tə́ i ngá̰ý mān̄ gotə de kə́ *Jerusalem gə̄ malang a? 5A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī kɔ̄ɔ́ malang tītə̄ ń noō ō.
Kūjə́ najə̄ yā kāgə̄ kótə̄ kə́ an̄ aĺ
6Anī ni-ədadə́ kūjə́ najə̄ ń toō ɓáý to̰ na:
Dəngam kógə̄ḿ əndā kāgə̄ kótə̄ kem ndɔr̄ *kāgə̄ nduú yān tə́. Ni-reē sāā kanə̄n tə́ ba ənge kógə̄ḿ gə̄gē alé. 7Anī əda nge ndɔr̄ kāgə̄ nduú yān ní na: Á̰a̰, i ɓāl̄ mətá kōnīí laā n m̄-reē sāā kan̄ kótə̄ ń toō tə́, ba m-ə́ngé kógə̄ḿ gə̄gē dɔ tə́ aĺ ní, ī-tə́gān kɔ̄ɔ́. Tɔdɔ̄ kum kəya̰n kadə̄ taā loo karī ní gətóo. 8Nge ndɔr̄ kāgə̄ nduú ní tél ədan na: Kɔ́ɔ̄ḿ, ə́ya̰n kōnīí laā ɓáý, ādə̄ m̄-ndēr̄ bəlo m̄-gīrəń gidən ō, ba m̄-ɓōkə́ yedə̄ yá̰a̰ tū tə́ ō. 9Majanī ta kə́ kété tə́ a an̄ ɓáý. Ba ré an̄ aĺ tā anī, ī-tə́gān kɔ̄ɔ́ ɓáý.
Jeju ndájə̄ dūn̄ dəyá̰ kə́ rugə
10Dan ngeé ń noō tə́ ní Jeju a ndóō de gə̄ yá̰a̰ kem kújə́ kán̄ naā kógə̄ḿ tə́ ndɔ̄ *sabat tə́. 11Anī dəyá̰ kógə̄ḿ kə́ ndíĺ kə́ majaĺ i kemən tə́ rāā ɓāl̄ kutə gidə i sɔ́sɔ́ ndi kem kújə́ ní tə́. Ndíĺ ní rugən kɔ̄kə́ adə̄ ni-asə kɔr̄ tan dɔɔ́ sḛ́ý aĺ bátə́. 12Dan ń Jeju a̰a̰n anī, ɓārə́n əda na:
Dəyá̰, á̰a̰ā̰, ngɔlaā ní gír nujə yāí gān̄g kɔ̄ɔ́.
13Ni-əndā jīn dɔn tə́. Anī kə̄ ta jī tə́ noō dəyá̰ ní ɔr̄ tan dɔɔ́ ba ɔsə gɔn Nə́ɓā. 14Banī wōn̄g rāā ngār kə́ dɔ kújə́ kán̄ naā ní tə́, tām̄ rāā kə́ Jeju rāā adə̄ rɔ̄ deē kógə̄ḿ ngáā ndɔ̄ *sabat tə́, adə̄ un najə̄ əda kósə de gə̄ na:
Ndɔ̄ kə́ yā kadə̄ ī-rāāīneé kəla i mehḛ́. Ní ī-reēī ndɔ̄ gə̄ ń noō tə́ kadə̄ rāān̄ adə̄ rɔ̄sí ngáā, ba ī-lōōī reē ndɔ̄ *sabat tə́.
15Kɔ́ɔ̄ɓē tél ədan na:
Sḭḭ̄ de kə́ ngé ngól̄ loo gə̄, i náā dansí tə́ n ndɔ̄ *sabat tə́ anī, tútə man̄g yān, aláa kərō yān dɔ bēl̄ tə́ yā kaw̄ seneé kadə̄ a̰ȳ man̄ aĺ ní? 16Ba ngōn̄ Abəraham kə́ dəyá̰ ń toō ń *Sətan do̰ō̰n rāā ɓāl̄ kutə gidə i sɔ́sɔ́ ní tá kə yā tútən ndɔ̄ *sabat tə́ aĺ a?
17Dan ń ni-əda najə̄ ń toō anī, madə̄ kɔ̄lən gə̄ malang ní rɔ̄də́ sɔl̄də́, ba kósə de gə̄ malang tá rɔ̄də́ nel̄də́ ngá̰ý tām̄ yá̰á̰ kə́ majə ngá̰ý gə̄ malang ń ni-rāā tə́ ní.
Kūjə́ najə̄ yā kum mutardə
(Á̰a̰ī Mat 13.31-32; Mark 4.30-32)
18Anī Jeju əda na:
*Ɓē ko̰o̰ yā Nə́ɓā teēn̄ naā i kə rí? Aké kə ḿ-ɔ́jəń i rí? 19Ni to i tītə̄ kum mutardə kə́ deē un ənda kem ndɔr̄ yān tə́. Kum mutardə ní əɓa ba tɔgə kāgə̄ adə̄ yel̄ kə́ dɔɔ́ gə̄ rāān̄ ɓēdə́ ta jīn gə̄ tə́.
Kūjə́ najə̄ kə́ dɔ kaa mápa tə́
(Á̰a̰ī Mat 13.33)
20Ni-əda ɓáý to̰ na:
*Ɓē ko̰o̰ yā Nə́ɓā ní kə ḿ-ɔ́jəń i rí ō? 21To i tītə̄ *kaa mápá kə́ dəyá̰ lóyń ndujə̄ mápá kə́ mbɔ̄jə́ kem səmbē bo mətá, adə̄ ndujə̄ mápá ni-ḭḭ malang beé.
Ta róbə́ kə́ dūú
(Á̰a̰ī Mat 7.13-14,21-23)
22Anī Jeju aw̄ kə̄ ɓē kə́ bo gə̄ tə́ ō, kə̄ ɓē kə́ dūú gə̄ tə́ ō, a ndóoń de gə̄ yá̰a̰ dɔɔ́ dɔɔ́ ta kaw̄ kə̄ *Jerusalem. 23Anī deē kógə̄ḿ dəjen najə̄, əda na:
Kɔ́ɔ̄ɓē, i de kə́ ngá̰ý aĺ gə̄ ngóy n a ajən̄ ní a?
Anī Jeju ədadə́ na:
24Ī-rɔ̄ɔ̄ī dɔ rɔ̄sí tə́ kadə̄ údiī ta róbə́ kə́ dūú tə́, tɔdɔ̄ ādə̄ m-ə́dásí de gə̄ ngá̰ý a sāān̄ kudə tū tə́ ba a asən̄ alé.
25Dan ń kɔ́ɔ̄ kújə a ḭḭ ba a utə̄ ta kújə kɔ̄ɔ́, tá kadə̄ sḭḭ̄ ń ā ī-raī gidə tə́ ndágá ní, ā ī-gógī ta kújə ba ā ə́daī na: Kɔ́ɔ̄ɓē, ī-teē ta kújə ādə̄jí tə́ ní anī, ni a ədasí na: Sḭḭ̄ i de kə́ rá gə̄ a mā m̄-ger̄ alé. 26Anī loo ń noō tə́ ní, sḭḭ̄ ā ə́laī gír kədan na: Jḭḭ j-əsa yá̰a̰ ō, j-a̰ȳ ō ta kumií tə́, tá īkɔ́ ī-ndóō de gə̄ yá̰a̰ ndágə loo yājí gə̄ tə́ ɓáý to̰ ō. 27Banī ni a tél yā kədasí na: Sḭḭ̄ i de kə́ rá gə̄ a mā m̄-ger̄ alé, ī-téliī rɔ̄ḿ tə́ kə̄ nú, sḭḭ̄ malang ń ī-rāāī yá̰á̰ kə́ majaĺ ní. 28Loo ń noō tə́ ní ā ī-nōōī naā ō, ā ī-ngórī ngān̄gsí ō, dan ń sḭḭ̄ ā á̰a̰ī Abəraham ō Isaak ō Jakob ō, *ngé koō ta gə̄ malang ō, kem *Ɓē ko̰o̰ yā Nə́ɓā tə́, ba sḭḭ̄ tá ɓōkə́n̄sí gidə loo tə́ ndágá ní. 29De gə̄ a teēn̄ dām̄ kə́ dūn̄ ɓē tə́ ō, kə́ no ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō, yā reē ndi ta yá̰a̰ kəsa tə́ kem *Ɓē ko̰o̰ yā Nə́ɓā tə́. 30I beé n de kə́rēý gə̄ ń nin̄ i gogə́ ní a télən̄ de kə́ kété gə̄, ba ngé kə́rēý gə̄ ń nin̄ i kété ní a télən̄ de kə́ gogə́ gə̄ ní.
Jeju ō, ɓē kə́ Jerusalem ō
(Á̰a̰ī Mat 23.37-39)
31Kum mbang nəkɔ́ ń noō tə́ *Parijiyḛ kə́rēý gə̄ ndɔ́tə̄n̄ kə̄ ngɔr ba ədanən̄ na:
Ɔ́tə kɔ̄ɔ́ laā ba āw̄, tɔdɔ̄ Herod a sāā tɔ̄lī.
32Anī Jeju ədadə́ na:
Āw̄ ə́daī njā̰ ń noō ə́dain̄ na kə a̰a̰: M-ā m̄-tə̄ɓā ndíĺ kə́ majaĺ gə̄ kɔ̄ɔ́ ō, m-ā m̄-rāā ādə̄ rɔ̄ ngé mo̰y gə̄ ngáā ō, ɓōólaā ō bírí ō, ba ndɔ̄ kə́ nge ko̰ mətá tə́ ɓáa m-ā m̄-tɔ̄l̄ ta kəla yāḿ. 33Ba kə́ ɓōólaā ń toō tə́ ō, kə́ bírí tə́ ō, kə́ loo tīī kə́ rang tə́ ō ní, i gáŕ kadə̄ m-úń róbə yāḿ kə̄ noḿ tə́, tɔdɔ̄ majə kadə̄ *nge koō ta oy loo kə́ rang tə́ kanjə̄ kadə̄ i *Jerusalem alé.
34*Jerusalem, Jerusalem, ḭ̄ nge tɔ̄l̄ *ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé. 35Ba ngɔlaā ní, Nə́ɓā a teē yā kəya̰ kújə yāsí ní jīsí tə́ yā kadə̄sí. Ba mā m-ə́dásí na ā á̰a̰mī to̰ alé. Ā á̰a̰mī aĺ bátə́ kadə̄ ré ndɔ̄ ń sḭḭ̄ ā ə́daīneé na: Ādə̄ Nə́ɓā rāā majə kə nge ń reē kə rī Kɔ́ɔ̄ɓēé ní.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad