ACT - BUU 16
16
Timoti a hu Bulus mba Sila
1Bulus a ye ri Darba nga Listira, ivren ndu Izhi riwa wa yo Timoti a he, iyi wan a he vɨra Yahudiya iwa ri hu Izhi, ama A ti wan a he nji Helenawa. 2Miri vayi ri Listira nga Ikoiya wa tre dindi ritu Timoti. 3Bulus a wa ran ban wu hi bubu zren, riwa ari fon nju ritu nji Yahuda wawa wa he bubu wan, don wato iri ati wan he nji Helene nye. 4Wa ka zren hu ri gbu ri gbu, wa ka ran la nji tre riwa wa ndu nji riwa wa rikon wa hu Izhi ri Urushelima wa ka zi riwa wa ran hu. 5Wa hu Izhi waka fe senkpa rimi kpa nyime, ri vi ri vi wa ka ran fe nji branbran.
Iyakusi Bulus nga nji ri Makidoniya
6Bulus ri wakpan zren wan wa ka hi meme Firijiya nga Galatiya, mba Tsitsri Yuu ka ran no wa nkon tre tre Bachi ri meme Asiya. 7Riwa wa ka ye ri dren meme Misiya, wa ka wa wari gra meme Bitiniya, ama isron Yeso a ran nyɨme wa ran. 8Wa ka hu meme Misiya, wa ri ka gɨzhi hi Taruwasa. 9Ivi ri ri chu Bulus ka to tre a ye riwu ritu nji Makidoniya a kri nga ran ran bre wu, <<Ye ri makidoniya ri zon ta.>> 10Riwa tre Izhi a ye ri Bulus waka chu gbla riwa wa hi Makidoniya, wa ri to a he njajin nye Izhi yo ta ki tre tre wan riwa.
Lidiya a kpa nyɨme Filibi
11Imba kika gra nvu ima ri Taruwasa, ki ri ban nkon hi ri meme Samutaraki, ri mibreri han wan ki ka gra ri Niyabolis. 12Mba ki ka hi Filibi ri meme Makidoniya, riwa a he nchon gbu ri bubu wan, igbu nyi a he gbu Romawa nye. Ki ri bubu wan bran.
13Chachu sonvɨri ki ka hi nkon gbu, ki ri hi nyu ba, ki yo nga bubu ri bre Izhi he. Imba ki ka ku ki, ki ri tre ri mba wawa wa kabru. 14Iri rimi wawa wa ran wo tre mbu, nde wan a he Lediya, a ran reri tsro, ri gbu Tayatira, a ran hu Izhi. Bachi ka bu sron wan ran wo tre Bulus. 15Wawu ri wako wan wa ka son wa ri ima, ka ibreta ri,<<Riwa bi kpa nyɨme ri me ri me kpa nyɨme ri Bachi, ye bi ri son ri ko won.>> Imba ka kɨma sron mbu ye ri ngawan.
Bulus mba Sila rimi tra tre nji
16Ivi ri ki ran hi bubu bre Izhi, ki ka to vɨra ko riwa a he ri bɨzhi riwa ari ya tsu, a ran ngɨzhi fe kyawa ki gbu ran no nji riko wan ritu ya tsu-a. 17Ka ran hu Sila, nga Bulus, ka ran kpa gro ran ran tre ri,<< Nji wa nyi wa he wa ndu Izhi riwa wa gbresan wan nye, wa la yi nkon riwa ari kpa yi chuwo.>> 18A ran ti ngamba rivi-rivi, Bulus ka ti fu bran, ran tre ri bɨzhi, <<Me la wu rimi nde Yeso kristo, ka-u chuwo! >> Mba ka kawu chuwo gbagbla.
19Wa nji wawa wa he ri tsɨren vɨra ri komba riwa wa fe nkon nkɨren zu riwo wan a ka wari vu wa Bulus mba Sila, wari vu wa hi ri nyu ri chu kusi wa bla tre. 20Wa ngɨzhii wa ye kusi wa bla tre wa ri tre, <<Nji wa nyin wa he nji Yahuda, wa kpa gbu mbu ri ti me. 21Wa tsro ta bibi ti riwa a ran bi riwa ki kpa ko ki hu ran, riwa kita ki he nji Yahuda nye. >>
22Imba ikpa nji wa ka zhu wa wu, wari tsi Bulus mba Sila, wa bla tre wa ka tre i no wa zhu tsro mba wari tsi wa. 23Riwa wa ka tsi wa, wa ka yo wa ri tra wa tre, wa la wa tre no yo wa rimin tra tre. 24Riwa a kpa tre ri de senkpa ran kawa sro ri mimmi tra ri trenji, ran lowa ri mkpon kron ri kpre.
25Ri tsutsu chu Bulus mba Sila wa ran ibrewari ran chuse ri gbre nde Izhi, wawa wa tre wa waka ran sɨren ton ri wa. 26Ri kari meme ka chu ka hu nchi tra riwa wa trenji ngawen ka chu. Mba nkon tra wan wa ka bu nga che wawa wa tre wa waka su. 27Wa nji wa gben wa tre ka shime, ran to nkon tra riwa wa tre nji wa kaki ri huwo, ka chu nji mgban wan, ran ran wa ran wuu ngawan, a yonga wawa wa tre wa wa wurutsu. 28Ama Bulus ka kpa gro, <<Ran wuu ngawen ran, ki he wawu mbu!>>
29Nji riwa a riya wawa wa tre wa ka yo wuru, ran gra ran joku kusi wa Bulus mba Sila. 30Imba ka ngɨzhi wa ye ra ran miyen wa,<< Biyi wa rinkon, me tise ko me ri fe jɨwu?>>
31Wawa waka tre, <<Kpa nyɨme ri Bachi Yeso, wu jɨwu biyi wa wako wen.>> 32Imba wa Bulus mba Sila waka la wu tre Bachi wawu ri wa ko wawu. 33Ri chu mba nji ri ya wa tre nji ka vu wa zhu ra ran ngɨla kpan njon mba; imba wa wu ri nji wa ko wan wa son wa ri ima. 34Nji riwa ari ya wawa wa tre wa ka ngɨzhi wa ye ko wan ran no wa la, ka ngɨri bran ritu riwa wa a kpa ŋyme ri Izhi riwa nji wa ko wan wawu.
35Riwa mibrea kpan, rinkon wa lo nji ka ti mirindu wan ri gbengbren wan ran tre:<<Juu nji wa mba chuwo.>> 36Nji ri ya wa tre nji ka la Bulus, << A wu nga Sila iri ki si yi chuwo. Zizan hi ngambi. Hi ri si sron.>>
37Ama Bulus ka tre ri mirindu nji ri bla tre:>> Wa tsi ta ri si kpa nji, wana ŋɨma ta ran ko riwa ki he Romawa bi ri yo ta ri tra tre! Zizan wa wa wari ka ta chuwo ri yayibi? Tsede nowa ye kyumba wa ri zhu ri ta.>>
38Imba mirindu nji ri bla tre waka la nji ri ko mba tre-a, riwa wa wo ri Bulus mba Sila wa he Romawa, waka ti sisɨri. 39Imba imrirko nji ri bla tre waka hi wari ka bre wa wari zhu riwa rimi tra tre nji wari tre inowa ka gbu don. 40Riwa Bulus nga Silas wa zhu ri tra tre, wa ka hi ko Lidiya, wa ka to miri vayi mba wa ri nowa tre ri sen kpa. wari hi ngamba.
Currently Selected:
ACT - BUU 16: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
ACT - BUU 16
16
Timoti a hu Bulus mba Sila
1Bulus a ye ri Darba nga Listira, ivren ndu Izhi riwa wa yo Timoti a he, iyi wan a he vɨra Yahudiya iwa ri hu Izhi, ama A ti wan a he nji Helenawa. 2Miri vayi ri Listira nga Ikoiya wa tre dindi ritu Timoti. 3Bulus a wa ran ban wu hi bubu zren, riwa ari fon nju ritu nji Yahuda wawa wa he bubu wan, don wato iri ati wan he nji Helene nye. 4Wa ka zren hu ri gbu ri gbu, wa ka ran la nji tre riwa wa ndu nji riwa wa rikon wa hu Izhi ri Urushelima wa ka zi riwa wa ran hu. 5Wa hu Izhi waka fe senkpa rimi kpa nyime, ri vi ri vi wa ka ran fe nji branbran.
Iyakusi Bulus nga nji ri Makidoniya
6Bulus ri wakpan zren wan wa ka hi meme Firijiya nga Galatiya, mba Tsitsri Yuu ka ran no wa nkon tre tre Bachi ri meme Asiya. 7Riwa wa ka ye ri dren meme Misiya, wa ka wa wari gra meme Bitiniya, ama isron Yeso a ran nyɨme wa ran. 8Wa ka hu meme Misiya, wa ri ka gɨzhi hi Taruwasa. 9Ivi ri ri chu Bulus ka to tre a ye riwu ritu nji Makidoniya a kri nga ran ran bre wu, <<Ye ri makidoniya ri zon ta.>> 10Riwa tre Izhi a ye ri Bulus waka chu gbla riwa wa hi Makidoniya, wa ri to a he njajin nye Izhi yo ta ki tre tre wan riwa.
Lidiya a kpa nyɨme Filibi
11Imba kika gra nvu ima ri Taruwasa, ki ri ban nkon hi ri meme Samutaraki, ri mibreri han wan ki ka gra ri Niyabolis. 12Mba ki ka hi Filibi ri meme Makidoniya, riwa a he nchon gbu ri bubu wan, igbu nyi a he gbu Romawa nye. Ki ri bubu wan bran.
13Chachu sonvɨri ki ka hi nkon gbu, ki ri hi nyu ba, ki yo nga bubu ri bre Izhi he. Imba ki ka ku ki, ki ri tre ri mba wawa wa kabru. 14Iri rimi wawa wa ran wo tre mbu, nde wan a he Lediya, a ran reri tsro, ri gbu Tayatira, a ran hu Izhi. Bachi ka bu sron wan ran wo tre Bulus. 15Wawu ri wako wan wa ka son wa ri ima, ka ibreta ri,<<Riwa bi kpa nyɨme ri me ri me kpa nyɨme ri Bachi, ye bi ri son ri ko won.>> Imba ka kɨma sron mbu ye ri ngawan.
Bulus mba Sila rimi tra tre nji
16Ivi ri ki ran hi bubu bre Izhi, ki ka to vɨra ko riwa a he ri bɨzhi riwa ari ya tsu, a ran ngɨzhi fe kyawa ki gbu ran no nji riko wan ritu ya tsu-a. 17Ka ran hu Sila, nga Bulus, ka ran kpa gro ran ran tre ri,<< Nji wa nyi wa he wa ndu Izhi riwa wa gbresan wan nye, wa la yi nkon riwa ari kpa yi chuwo.>> 18A ran ti ngamba rivi-rivi, Bulus ka ti fu bran, ran tre ri bɨzhi, <<Me la wu rimi nde Yeso kristo, ka-u chuwo! >> Mba ka kawu chuwo gbagbla.
19Wa nji wawa wa he ri tsɨren vɨra ri komba riwa wa fe nkon nkɨren zu riwo wan a ka wari vu wa Bulus mba Sila, wari vu wa hi ri nyu ri chu kusi wa bla tre. 20Wa ngɨzhii wa ye kusi wa bla tre wa ri tre, <<Nji wa nyin wa he nji Yahuda, wa kpa gbu mbu ri ti me. 21Wa tsro ta bibi ti riwa a ran bi riwa ki kpa ko ki hu ran, riwa kita ki he nji Yahuda nye. >>
22Imba ikpa nji wa ka zhu wa wu, wari tsi Bulus mba Sila, wa bla tre wa ka tre i no wa zhu tsro mba wari tsi wa. 23Riwa wa ka tsi wa, wa ka yo wa ri tra wa tre, wa la wa tre no yo wa rimin tra tre. 24Riwa a kpa tre ri de senkpa ran kawa sro ri mimmi tra ri trenji, ran lowa ri mkpon kron ri kpre.
25Ri tsutsu chu Bulus mba Sila wa ran ibrewari ran chuse ri gbre nde Izhi, wawa wa tre wa waka ran sɨren ton ri wa. 26Ri kari meme ka chu ka hu nchi tra riwa wa trenji ngawen ka chu. Mba nkon tra wan wa ka bu nga che wawa wa tre wa waka su. 27Wa nji wa gben wa tre ka shime, ran to nkon tra riwa wa tre nji wa kaki ri huwo, ka chu nji mgban wan, ran ran wa ran wuu ngawan, a yonga wawa wa tre wa wa wurutsu. 28Ama Bulus ka kpa gro, <<Ran wuu ngawen ran, ki he wawu mbu!>>
29Nji riwa a riya wawa wa tre wa ka yo wuru, ran gra ran joku kusi wa Bulus mba Sila. 30Imba ka ngɨzhi wa ye ra ran miyen wa,<< Biyi wa rinkon, me tise ko me ri fe jɨwu?>>
31Wawa waka tre, <<Kpa nyɨme ri Bachi Yeso, wu jɨwu biyi wa wako wen.>> 32Imba wa Bulus mba Sila waka la wu tre Bachi wawu ri wa ko wawu. 33Ri chu mba nji ri ya wa tre nji ka vu wa zhu ra ran ngɨla kpan njon mba; imba wa wu ri nji wa ko wan wa son wa ri ima. 34Nji riwa ari ya wawa wa tre wa ka ngɨzhi wa ye ko wan ran no wa la, ka ngɨri bran ritu riwa wa a kpa ŋyme ri Izhi riwa nji wa ko wan wawu.
35Riwa mibrea kpan, rinkon wa lo nji ka ti mirindu wan ri gbengbren wan ran tre:<<Juu nji wa mba chuwo.>> 36Nji ri ya wa tre nji ka la Bulus, << A wu nga Sila iri ki si yi chuwo. Zizan hi ngambi. Hi ri si sron.>>
37Ama Bulus ka tre ri mirindu nji ri bla tre:>> Wa tsi ta ri si kpa nji, wana ŋɨma ta ran ko riwa ki he Romawa bi ri yo ta ri tra tre! Zizan wa wa wari ka ta chuwo ri yayibi? Tsede nowa ye kyumba wa ri zhu ri ta.>>
38Imba mirindu nji ri bla tre waka la nji ri ko mba tre-a, riwa wa wo ri Bulus mba Sila wa he Romawa, waka ti sisɨri. 39Imba imrirko nji ri bla tre waka hi wari ka bre wa wari zhu riwa rimi tra tre nji wari tre inowa ka gbu don. 40Riwa Bulus nga Silas wa zhu ri tra tre, wa ka hi ko Lidiya, wa ka to miri vayi mba wa ri nowa tre ri sen kpa. wari hi ngamba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria