ROM ROM-BUU 2
2
Ibla tre Izhi
1A wu kpan won, wu bla tre ri wari ritu meme ti riwa wa ti ama a wu wu ti meme ti-a ngawen, ri ngamba wu ran he ri nyu ri tre ran. 2Ki to ri ibla tre Izhi ri wawa wa ti nganyi a tsra. 3Ama a wu, ikpan won wu ti kya riwa wu bla tre ri wari riti wan a wu tomba ko wu jɨbu ri bla tre Izhi? 4Ahe riwa wu to bibi riwa bibi reree, ikachuwo nga vusron. Wu ran to bibi reree Izhi-a ran, ritu ari wa wuri kɨmagon ti meme ti wen. 5Ama wu he ri kpekpe nga mgbimgbi sron nga fu Izhi ri chachu riwa wa nghɨran yaa riwa a he rimi ndindi ti riwa Izhi. 6Riti Izhi ri bla tre ri kongaa ritu bibi kya riwa a ti. 7Inji wari wa sondu ri ti kyawa wa ndindi, nga wari wa gbre riwa Izhi, nga wari no Izhi mkpen nga, wari son son ri ndindi, bibi nji wanyi wa fe viri riwa a ran kre ran.
8Wari wa nyime tu mba wari kamba ri kya riwa a tsra ritu no wa hu kya riwa a ran tsra ran Izhi ri chu nchon fu wan sro ri wa. 9Iyaa nga lo ri he ri wawa wa ti meme ti wa gbuchi ri wa nji Yahuda ri ko wawa wa ran he wa nji Yahuda ran. 10Ama Izhi ri de gbre, ri mkpen nga sisron ri wawa wa ti kya ndindi, ari gbuchi no wa nji Yahuda ri ko ran no wawa wa ran he wa nji Yahuda ran. 11Ama Izhi ri bla tre bibi riri ri ko ngaa.
12Wawa Wa ran he wa nji Yahuda ran wa ran he ri doka Musa ran wa kuu wa ran to doka Musa ran, wa kuu wa ran to doka ran wa nji Yahuda wa to doka wa ti meme ti nga wa bla tre ri wa ri doka. 13Aran he wawa wa to doka Izhi nye wa he wa ndiditi kusi Izhi ran, ama wawa wa ti kya riwa doka Izhi tre. 14Wawa wa ran he wa nji Yahuda ran wa ran to doka Izhi ran, ama chachu riwa wa ti kya riwa doka Izhi tre no wa ti, rimba he doka mba nye mba ko ri riwa wa ran to doka ran. 15Iti mba tsro ri ikya riwa doka tre no wa ti he ri ngan ri sron mba, isron mba ngawen tsro ri a he kpunji ari ye isron mba ka lawa ri wa ti meme ti. 16Ritu ngamba bibi riwa itsro ri ro riwa me tsro-a nganyi nye ari he chachu mba riwa hu ri Yeso Kristo Izhi ri bla rimiren ri yayibi iwawu.
Wa Nji Yahuda nga Doka Musa
17A wu fa? Wu yo ngawen ri wu he nji Yahuda wu yo sron ri doka nga wuri ri kpo ngawen ri Izhi; 18Wu to kya riwa Izhi ri wa no ti nga wuri to rimi doka ikya riwa a tsra; 19Wuto ri wu he nji ri tsro wa mfyen nkon wu he kpan wawa wa he ri bu, 20wu tsro wawa wa ran to kyari ran, nga wu he nji ri tsro wawa wa rimɨren ka miri, wu to ri rimi doka Musa nye wu to kpunji. 21Wu tsro wari ko wu ti rise ko wu ran tsro ngawen ran? Wu tsro ri, <<Ran yibi ran>> Ko ritu ngye a wu wu yibi? 22Wu tre ri,<<Ran kru mba nji ran.>>Wu ran ri kru mba nji ran? Wu kawen ri wa tranga ama wu ran ri yibi rimi wa tranga ran? 23Wu kpongawen ritu wu he ri doka Izhi, ama wu no Izhi shan wuri ran ri hu doka wan ran. 24Ritu ngamba nye imbe Izhi tre ri,<<Ritu mbi wa nji Yahuda nye wawa wa ran he wa nji Yahuda ran wa tre tre meme ritu Izhi.>> 25I wu hu tre Izhi, ifon nju wen tsra, ama i wu kawen ri hu tre wan ari he ka wana fon wu nju ran. 26I nji riwa a ran he nji Yahuda a hu doka Izhi ko wa ran fon wu nju ran Izhi ran kpaa ran? 27Ngha biyi wa nji Yada wawa wa ran he nji Yahuda ran nye wa wuu yi ritu bi ran hu doka ran, kau ri riwa wa ngan ri sron mbi mba nga wari fon yi nju. 28Kugon kre wan ingaa nye he nji Yahuda ri kpunji ri wa wa fon nju? Aran he nji riwa a he nji Yahuda ri raa ran riwa ifon nji wan he rirana. 29Ama nji Yahuda ri Kpunji he nji riwa ari ti kya riwa Izhi ri nyime, nga ifon nju ri kpunji ran he ritu kya riwa wa ngha rimi doka ran, a he ritu sran sron nye ritu ndu wu Izhi. Bibi nji-a ri fe gbre ri Izhi a ran ri nji ran.
Currently Selected:
ROM ROM-BUU 2: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
ROM ROM-BUU 2
2
Ibla tre Izhi
1A wu kpan won, wu bla tre ri wari ritu meme ti riwa wa ti ama a wu wu ti meme ti-a ngawen, ri ngamba wu ran he ri nyu ri tre ran. 2Ki to ri ibla tre Izhi ri wawa wa ti nganyi a tsra. 3Ama a wu, ikpan won wu ti kya riwa wu bla tre ri wari riti wan a wu tomba ko wu jɨbu ri bla tre Izhi? 4Ahe riwa wu to bibi riwa bibi reree, ikachuwo nga vusron. Wu ran to bibi reree Izhi-a ran, ritu ari wa wuri kɨmagon ti meme ti wen. 5Ama wu he ri kpekpe nga mgbimgbi sron nga fu Izhi ri chachu riwa wa nghɨran yaa riwa a he rimi ndindi ti riwa Izhi. 6Riti Izhi ri bla tre ri kongaa ritu bibi kya riwa a ti. 7Inji wari wa sondu ri ti kyawa wa ndindi, nga wari wa gbre riwa Izhi, nga wari no Izhi mkpen nga, wari son son ri ndindi, bibi nji wanyi wa fe viri riwa a ran kre ran.
8Wari wa nyime tu mba wari kamba ri kya riwa a tsra ritu no wa hu kya riwa a ran tsra ran Izhi ri chu nchon fu wan sro ri wa. 9Iyaa nga lo ri he ri wawa wa ti meme ti wa gbuchi ri wa nji Yahuda ri ko wawa wa ran he wa nji Yahuda ran. 10Ama Izhi ri de gbre, ri mkpen nga sisron ri wawa wa ti kya ndindi, ari gbuchi no wa nji Yahuda ri ko ran no wawa wa ran he wa nji Yahuda ran. 11Ama Izhi ri bla tre bibi riri ri ko ngaa.
12Wawa Wa ran he wa nji Yahuda ran wa ran he ri doka Musa ran wa kuu wa ran to doka Musa ran, wa kuu wa ran to doka ran wa nji Yahuda wa to doka wa ti meme ti nga wa bla tre ri wa ri doka. 13Aran he wawa wa to doka Izhi nye wa he wa ndiditi kusi Izhi ran, ama wawa wa ti kya riwa doka Izhi tre. 14Wawa wa ran he wa nji Yahuda ran wa ran to doka Izhi ran, ama chachu riwa wa ti kya riwa doka Izhi tre no wa ti, rimba he doka mba nye mba ko ri riwa wa ran to doka ran. 15Iti mba tsro ri ikya riwa doka tre no wa ti he ri ngan ri sron mba, isron mba ngawen tsro ri a he kpunji ari ye isron mba ka lawa ri wa ti meme ti. 16Ritu ngamba bibi riwa itsro ri ro riwa me tsro-a nganyi nye ari he chachu mba riwa hu ri Yeso Kristo Izhi ri bla rimiren ri yayibi iwawu.
Wa Nji Yahuda nga Doka Musa
17A wu fa? Wu yo ngawen ri wu he nji Yahuda wu yo sron ri doka nga wuri ri kpo ngawen ri Izhi; 18Wu to kya riwa Izhi ri wa no ti nga wuri to rimi doka ikya riwa a tsra; 19Wuto ri wu he nji ri tsro wa mfyen nkon wu he kpan wawa wa he ri bu, 20wu tsro wawa wa ran to kyari ran, nga wu he nji ri tsro wawa wa rimɨren ka miri, wu to ri rimi doka Musa nye wu to kpunji. 21Wu tsro wari ko wu ti rise ko wu ran tsro ngawen ran? Wu tsro ri, <<Ran yibi ran>> Ko ritu ngye a wu wu yibi? 22Wu tre ri,<<Ran kru mba nji ran.>>Wu ran ri kru mba nji ran? Wu kawen ri wa tranga ama wu ran ri yibi rimi wa tranga ran? 23Wu kpongawen ritu wu he ri doka Izhi, ama wu no Izhi shan wuri ran ri hu doka wan ran. 24Ritu ngamba nye imbe Izhi tre ri,<<Ritu mbi wa nji Yahuda nye wawa wa ran he wa nji Yahuda ran wa tre tre meme ritu Izhi.>> 25I wu hu tre Izhi, ifon nju wen tsra, ama i wu kawen ri hu tre wan ari he ka wana fon wu nju ran. 26I nji riwa a ran he nji Yahuda a hu doka Izhi ko wa ran fon wu nju ran Izhi ran kpaa ran? 27Ngha biyi wa nji Yada wawa wa ran he nji Yahuda ran nye wa wuu yi ritu bi ran hu doka ran, kau ri riwa wa ngan ri sron mbi mba nga wari fon yi nju. 28Kugon kre wan ingaa nye he nji Yahuda ri kpunji ri wa wa fon nju? Aran he nji riwa a he nji Yahuda ri raa ran riwa ifon nji wan he rirana. 29Ama nji Yahuda ri Kpunji he nji riwa ari ti kya riwa Izhi ri nyime, nga ifon nju ri kpunji ran he ritu kya riwa wa ngha rimi doka ran, a he ritu sran sron nye ritu ndu wu Izhi. Bibi nji-a ri fe gbre ri Izhi a ran ri nji ran.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria