1Petelo Ulongulelu
Ulongulelu
Lihamba lya mtumbulo lya Petelo iyandikilwi na Mndumindumi Petelo. Petelo angutumbula lihamba hai kwa kulonga yiwa mweni ni ghani na kutambulisa wala anguwayandikila ni mkina ghani. Awayandikilili lihamba hai Wakilisito wogha wavile “Wahenja kumlimawogha” lihamba lya mtumbulo gha Petelo 1:1; 1:17; 2:11. Mihanja itangala awakemili nagha wandu awayandikilili kwaikiva walandalili kumahala yatangala kumlimawogha. Kwaikiva kwa fwasi itenu lihamba hai ilandana na lihamba ayandikili Paulo kwa wandu wa Efesu, wandu watangala wakwinilili yiwa lihamba lya mtumbulo gha Petelo iyandikilwi badili gha hila lihamba gha Paulo kwa Waefesu paghati gha machuva gha 65 badili gha kuwelekwa kwa Kilisito. Petelo ayandikili lihamba hai akiva ku Loma kula apakemili Babuloni ku Sula gha 5:13.
Mghalu mkulunga nesu umghola Petelo kuyandika lihamba hai ni kuwataya moyu na kuwalongela yiwa hagha chakaka ni manemu gha Sapanga ku Sula gha 5:12. Kuvile na mighalu itangala ilandana paghati gha lihamba lya mtumbulo gha Petelo Sula gha 2:11-3:7 na hula wa Waefesu Sula gha 5:18-6:9 na yala yayandikwa ku Wakolosai Sula gha 3:18-4:6. Mayandiko gha mahala hyogha itatu yanguyegha malaghililo yailongela vila kaya zyao zingupalwa kulama na kutundamila ulongosi. Kangi kawataya moyu wakilisito kuwela wagangamala hata pakawela na maghaso kwaikiva machuwa gha mwihu gha pabehi 4:1.
Gha mghati
Petelo angujimanyisa mweni na wala anguwayandikila lihamba ghaki lihamba lya mtumbulo gha Petelo ku Sula gha 1:1-2.
Angumshukwile Sapanga kwa ukombola hula wawela nau na vila ungumaanisa kukulama kwa weni kulihamba lya mtumbulo gha Petelo ku Sula gha 1:3-2:10.
Petelo anguwalaghila wahenja kulikala maha angulonga na wakwinila vila wangupalwa kulikala handa mlumi na mdala ghaki na mhusutu na bambu ghaki kulihamba lya mtumbulo gha Petelo ku Sula gha 2:11-4:11
Petelo anguwataya moyu wakilisito vila wangupalwa kufumilila pawanguhakilwa lihamba lya mtumbulo gha Petelo ku Sula gha 4:12-5:11
Petelo angutimilila lihamba ghaki ku Sula 5:12-14
Currently Selected:
1Petelo Ulongulelu: NTMbBL2025
Highlight
Copy
Compare
Share
Want to have your highlights saved across all your devices? Sign up or sign in
The New Testament in Mbunga @The Word for The World International and Mbunga Language translation, 2025. All rights reserved.