Yakobu Ulongolelu
Ulongolelu
Kihitabu haki kiyandikwa na mundu mmonga mweni kukemwa Yakobu. Inguwesekana yiwa pangi Yakobu awelile mlongo ghaki Yesu Kilisito, awelili ni kilongosi kulipinga lyeni kumkwinila Kilisito lya dahile, na awelile mjumbi wa njengakaya kihitabu kya Matendu gha Wandumindumi sula gha 15:13. Mndumindumi Paulo hilahila amkemili Yakobu “mghomba” wa lipinga lya wandu weni kumkwinila Kilisito Kihitabu kya Wagalatia Sula gha 2:9. Wasomi wangukwinila yiwa kihitabu kya Yakobu kiyandikilwi pambila gha machuva gha iamsini badili gha kuweleka Kilisito. Kwaikiva Yakobu awelile kilongosi wa lipinga lya wandu weni kumkwinila Kilisito haku Yelusalemu ingukwinulwa yiwa ayandikili kihitabu haki paawelile haku Yelusalemu kwaikiva awelile akilikala haku ku Yelusalemu. Yakobu ayandikile kihitabu haki kwa makabila ikumi na ivili yeni yapwililikile kumlimawogha Sula gha mtumbulo 1:1. Mavulo yenikuwela kukihitabu kya Yakobu ni ghamaha kwa wakwinila wogha, ila lilando “Likabila ikumi na ivili” lingughola tumanyi yiwa pangi Yakobu awayandikilile Wayahudi wamkwinilile Kilisito. Kwaikiva kihitabu haki lukani luwelile kuwahikila wasoma watangala. Lukasini lya Yakobu ni kulola matendu na kukwinila. Kukwinila kwa chakaka kungulangiha kumatendu Sula gha 2:17. Kangi awakalipilili wandu kwa kitendu kya kuvika ubaghula kwa wanaisa Sula gha 2:1-4 atulongelile kunani gha kulikala mihu na ghala tunguyalongela Sula gha 3:1-12
Gha Mghati
Yakobu anguwajambusa wasoma ghaki kusula gha 1:1
Hinu anguwataya moyu weni kumkwinila Kilisito kusula gha 1:2-27
Kangi anguhimulila vila ingupalwa kukwinila kulangilwi kwa matendu ku Sula gha 2:1-6
Hinu anguhimulila kunani gha milando inguwela na makakala kusula gha 3:1-12
Kangi anguhimulila vila luhala lwa Sapanga paluwela na mlekano na luhala lwa wandu kusula gha 3:13-4:10
Hinu angukalipila vilongosi ghaki kunani gha habali gha kulidumba 4:11-20
Mwihu Yakobu anguyomola kihitabu kyaki kwa kuwapegha malaghilo gha kuwela na umonga 5:7-20
Currently Selected:
Yakobu Ulongolelu: NTMbBL2025
Highlight
Copy
Compare
Share
Want to have your highlights saved across all your devices? Sign up or sign in
The New Testament in Mbunga @The Word for The World International and Mbunga Language translation, 2025. All rights reserved.