Xa̱bo̱ Róma̱ 9
9
Ana̱ꞌlóꞌ naraꞌwíin xa̱bo̱ tsí ikhaa̱ máꞌ nandoo̱ maraꞌwíi̱n
1Ikhúúnꞌ na̱tha̱nꞌlaꞌ rí gakon, numuu rí nanimbo̱ꞌ ja̱yo̱o̱ Krísto̱. Xu̱u̱ꞌ Ana̱ꞌlóꞌ jayá ikhoꞌ, jamí ikhaa̱ naꞌthán-múꞌúu̱n awúun a̱kui̱nꞌ rí tsíne̱-ndúwalo̱ꞌ. 2Phú xtáá gaꞌkho̱, jamí phú ngíná eꞌne a̱kui̱nꞌ. 3Numuu rí asndo naꞌne a̱kui̱nꞌ rí jmínu̱úꞌ máꞌ ikhúúnꞌ gánindxu̱ꞌ tsí kixná-máꞌáan, jamí tsí xtáa tsíngua̱ꞌ inuu Krísto̱, xí numuu rí xkuaꞌnii ma̱goo ma̱mbáñúú a̱ngui̱nꞌ, xa̱bo̱ xuajñuꞌ tsí juya̱ iꞌdiuꞌ. 4Ikhii̱n ñajúu̱n xa̱bo̱ xuajen Israél, tsí nigu̱un Ana̱ꞌlóꞌ rí ma̱ꞌne i̱ji̱in. Phú wáá xó rí nixtáa Ana̱ꞌlóꞌ ga̱jma̱á nindxúu̱n, jamí niꞌnii̱ awan ga̱jma̱á nindxúu̱n, xúꞌkhue̱n máꞌ ikhii̱n ni̱dri̱guíi̱ xtángawoo Moisés. Ikhii̱n waꞌsngúu̱n rí mune̱-mba̱a̱ Ana̱ꞌlóꞌ jamí mbaꞌa inii rí nixuda-mina̱ꞌ Ana̱ꞌlóꞌ ga̱jma̱á nindxúu̱n. 5Ikhii̱n ñajúu̱n i̱ji̱ín táta̱-xi̱ꞌñáxo̱ꞌ wajyúú, jamí ná ri̱jñúu̱ ikhii̱n ni̱gu̱maa Krísto̱ xómá xa̱bo̱ numbaa. Krísto̱ ñajuun Ana̱ꞌlóꞌ tsí naꞌthán-ñájuun mbá xúgíí. ¡A̱gu̱ma-mba̱a̱ ikhaa̱ jámuu mbiꞌi! Xkuaꞌnii gáꞌne.
6Ra̱ꞌkhá máꞌ numuu rí Ana̱ꞌlóꞌ táꞌne-mbánuu ajngóo ga̱jma̱á nindxúu̱n, i̱ndo̱ó máꞌ numuu rí ra̱ꞌkhá mbá xúgíin xa̱bo̱ ri̱jyu̱u̱ꞌ Israél phú gakon rí xa̱bo̱ xuajen Israél ñajúu̱n. 7Ni máꞌ ra̱ꞌkhá mbá xúgíin xa̱bo̱ ri̱jyu̱u̱ꞌ Abraám, phú gakon rí i̱ji̱in Abraám ñajúu̱n. Numuu rí waꞌtháa̱n neꞌne Ana̱ꞌlóꞌ: «Ga̱jma̱á majñu̱u̱ Isaák ma̱gu̱mii xa̱bo̱ ri̱jya̱a̱ꞌ».#9.7 Ajngáa ríge̱ꞌ na̱ꞌkha̱ ná I̱yu̱u̱ꞌ xó ni̱gi̱ꞌdu̱u̱n-muu 21.12. 8Rúꞌkhue̱n iꞌthán rí ra̱ꞌkhá mbá xúgíin xa̱bo̱ ri̱jyu̱u̱ꞌ Abraám ñajúún i̱ji̱in Ana̱ꞌlóꞌ, rí i̱ji̱in Ana̱ꞌlóꞌ ñajúún tsí ni̱gu̱mii xómá nixuda-mina̱ꞌ Ana̱ꞌlóꞌ ga̱jma̱á nindxu̱u̱ Abraám. 9Numuu rí xáꞌnii nixuda-mina̱ꞌ Ana̱ꞌlóꞌ ga̱jma̱á nindxu̱u̱ Abraám: «Ma̱thangu̱ún gáya̱a̱ꞌlo̱ꞌ xíríga̱a̱ rí i̱mba̱ tsígu. A̱ꞌkhue̱n rí Sára̱ gíꞌdaa̱ máꞌ mbáa ada̱ gáꞌne».#9.9 Ajngáa ríge̱ꞌ na̱ꞌkha̱ ná I̱yu̱u̱ꞌ xó ni̱gi̱ꞌdu̱u̱n-muu 18.10, 14.
10Jamí ra̱ꞌkhá i̱ndo̱ó rúꞌkhue̱n, rí mangaa máꞌ Rebéka̱ ni̱gi̱ꞌdiin a̱jmi̱i e̱je̱n, i̱ji̱in táta̱-xi̱ꞌñáxo̱ꞌ Isaák. 11Nákhí rí xóó tágu̱mii e̱je̱n, xóó máꞌ tsíkujma xí muni̱i̱ rí máján o rí ra̱máján mbo̱ꞌ. I̱ndo̱ó máꞌ numuu rí mbu̱ꞌyáá májánlóꞌ rí Ana̱ꞌlóꞌ tsíraꞌwíin xa̱bo̱ ga̱jma̱á numuu rí nuni̱i̱, rí ga̱jma̱á numuu rí ikhaa̱ máꞌ nandoo̱, 12ikhaa jngó Ana̱ꞌlóꞌ niꞌthúun Rebéka̱: «Tsí ginii ma̱gu̱maa mayumbáá inuu tsí ma̱gu̱maa nda̱wa̱á».#9.12 Ajngáa ríge̱ꞌ na̱ꞌkha̱ ná I̱yu̱u̱ꞌ xó ni̱gi̱ꞌdu̱u̱n-muu 25.23. 13Xómá ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Ndiyoꞌ ja̱yo̱o̱ Jakób. Xómáꞌ Esaú, ra̱khóꞌ ja̱yo̱o̱».#9.13 Ajngáa ríge̱ꞌ na̱ꞌkha̱ ná I̱yu̱u̱ꞌ Malakía̱s 1.2-3.
14Dí gúꞌthánlóꞌ xúꞌkhue̱n rá. Á mu̱ꞌthánlóꞌ rí ra̱máján eꞌne Ana̱ꞌlóꞌ rá. ¡Na̱nguá mbá jayu! 15Numuu rí Ana̱ꞌlóꞌ niꞌthúun Moisés: «Ma̱ñáwíin a̱kui̱nꞌ ja̱yo̱o̱ tsí nandoꞌ rí ma̱ñáwíin a̱kui̱nꞌ ja̱yo̱o̱, jamí ma̱ne̱ mba̱a̱ a̱kui̱nꞌ ja̱yo̱o̱ tsí nandoꞌ rí ma̱ne̱ mba̱a̱ a̱kui̱nꞌ ja̱yo̱o̱».#9.15 Ajngáa ríge̱ꞌ na̱ꞌkha̱ ná I̱yu̱u̱ꞌ xó nigájna̱á xa̱bo̱ 33.19.
16Ikhaa jngó, Ana̱ꞌlóꞌ naraꞌwíi̱ tsí ikhaa̱ nañáwíin a̱kuii̱n jaꞌyoo̱, ra̱ꞌkhá numuu rí mbáa xa̱bo̱ nandoo o naxná-mina̱ꞌ tsiakhe̱ kajngó mi̱traꞌwíi gáꞌne Ana̱ꞌlóꞌ. 17Ná i̱yi̱i̱ꞌ ajngóo Ana̱ꞌlóꞌ ka̱ma naꞌthán rí Ana̱ꞌlóꞌ niꞌthúun thúngaa Faraón: «Ikhaa máꞌ numuu ríge̱ꞌ ni̱ꞌgíínlo̱ꞌ rí ma̱ra̱tha̱n-ñájun, kajngó ma̱snga̱jmá ski̱yu̱ꞌ ga̱jma̱á nindxa̱a̱ꞌ ikháánꞌ, jamí ma̱gu̱ma-nuwúún ná tsu̱du̱u̱ mbá xúgíí numbaa».#9.17 Ajngáa ríge̱ꞌ na̱ꞌkha̱ ná I̱yu̱u̱ꞌ xó nigájna̱á xa̱bo̱ 9.16. 18Ikhaa jngó, Ana̱ꞌlóꞌ nañáwíin a̱kuii̱n jaꞌyoo̱ tsí nandoo̱ rí ma̱ñáwíin a̱kuii̱n jaꞌyoo̱, jamí naꞌne-gúkuíi̱ a̱kui̱in tsí nandoo̱ rí ma̱ꞌne-gúkuíi̱ a̱kui̱in.
19Xómáꞌ ikháánꞌ ma̱tra̱xu̱ꞌ: «Náá numuu kajngó naꞌthán Ana̱ꞌlóꞌ rí gíꞌmáálóꞌ aꞌkhán, xí nimbáa tsíꞌngo̱o̱ gáwe̱je̱-ꞌthu̱u̱n rí ma̱ꞌnii̱ rí nandoo̱ róꞌ». 20Jamí ikhúúnꞌ ma̱riꞌñaaꞌ: «Tsáa najwaanꞌ ikháánꞌ kajngó ma̱tra̱xi̱í Ana̱ꞌlóꞌ ga̱jma̱á numuu rí naꞌne róꞌ». Xa̱bo̱ tsí naꞌne daan ju̱ba̱ꞌ na̱nguá nitraxíi̱ eꞌne daan: «Náá numuu kajngó xáꞌnii nithane̱-ku̱múú róꞌ».#9.20 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 29.16. 21Xa̱bo̱ tsí naꞌne daan ju̱ba̱ꞌ gíꞌdoo̱ tsiakhe̱ rí ma̱ꞌnii̱ asndo dí máꞌ iyoo̱ ga̱jma̱á mbóó ikhaa máꞌ ju̱ba̱ꞌ. Ikhaa máꞌ ju̱ba̱ꞌ ma̱goo ma̱ꞌnii̱ mbá daan rí gíꞌdoo guéño numuu o ma̱ꞌnii̱ mbá daan rí na̱nguá máꞌ gíꞌdoo numuu mbo̱ꞌ.
22Maske máꞌ Ana̱ꞌlóꞌ ndiyoo̱ maxnée̱ mbá xkri̱doo rí najiꞌnáa̱ jamí masngájmee̱ ski̱yu̱u̱ꞌ, phú neꞌne mba̱a̱ a̱kuii̱n jaꞌñúu̱ tsí wéje̱ máꞌ rí mu̱drígú jamínu̱ꞌ jamí ma̱mbíin. 23Xkuaꞌnii neꞌne Ana̱ꞌlóꞌ kajngó masngájmee̱ rí ikhaa̱ phú mba̱a̱ ski̱yu̱u̱ꞌ ga̱jma̱á nindxu̱ún tsí niñáwíin a̱kuii̱n jaꞌñúu̱, ikhiin máꞌ tsí asndo nákhí ginii neꞌne-ku̱mii̱ rí ma̱ju̱wá ga̱jma̱á nindxu̱u̱ ná phú tsímáá. 24Ikhiin xa̱bo̱ tsúꞌkhue̱n ñajwanlóꞌ ikháánꞌlóꞌ, tsáanꞌ nindxaꞌwálóꞌ Ana̱ꞌlóꞌ. Jamí ra̱ꞌkhá máꞌ i̱ndo̱ó ikháanꞌxo̱ꞌ tsáanꞌ xa̱bo̱ judío̱ ñajwanxo̱ꞌ, rí mangaa máꞌ xa̱bo̱ tsí ra̱ꞌkháa judío̱ ñajúún. 25Xómá ka̱ma niꞌthán Ana̱ꞌlóꞌ ná i̱yu̱u̱ꞌ Oséa̱s mangaa:
«Ma̱thu̱ún xa̱bo̱ tsí ra̱ꞌkháa xa̱bo̱ xuajñuꞌ ñajúún, “xa̱bo̱ xuajñuꞌ”,
Jamí ma̱thu̱u̱n a̱ꞌgo̱ tsí ra̱ꞌkháa a̱ꞌgui̱ꞌ ñajuun, “a̱ꞌgo̱ tsí nandoꞌ ja̱yo̱o̱”».#9.25 Ajngáa ríge̱ꞌ na̱ꞌkha̱ ná I̱yu̱u̱ꞌ Oséa̱s 2.23.
26Jamí xúꞌkhue̱n máꞌ niꞌthán Ana̱ꞌlóꞌ mangaa:
«Ikhín ná waꞌthúún xa̱bo̱, “Ra̱ꞌkhá xa̱bo̱ xuajñuꞌ ñajwanlaꞌ ikháanꞌlaꞌ”,
ikhín máꞌ mi̱ꞌthúu̱n, “Ikháanꞌlaꞌ ñajwanlaꞌ i̱ji̱in Ana̱ꞌlóꞌ tsí xtáa ndaꞌya”».#9.26 Ajngáa ríge̱ꞌ na̱ꞌkha̱ ná I̱yu̱u̱ꞌ Oséa̱s 1.10.
27Xómáꞌ Isaía̱s naꞌthán ga̱jma̱á numuu xuajen Israél:
«Maske máꞌ phú mbaꞌiin mi̱ndaꞌkho i̱ji̱in Israél xómá we̱ꞌe̱ rí ríga̱ ná rawuun iya a̱pha̱,
i̱ndo̱ó máꞌ mbá tikhuun jayu tsí ma̱jáwíin.
28Numuu rí Táta̱ ma̱ꞌne-mbánuu ajngóo
mbá nacha̱ jayu ná tsu̱du̱u̱ mbá xúgíí numbaa».#9.28 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 10.22-23.
29Xómá niꞌthán Isaía̱s nákhí wapha:
«Xí ra̱ꞌkhá numuu rí Táta̱ tsí gíꞌdoo mbá xúgíí tsiakhe̱ niniñúú mbá tikhuun i̱jña̱ꞌlóꞌ,
xómá xuajen Sodóma̱ jamí xuajen Gomóra̱ jaꞌñáaꞌlóꞌ gáꞌne».#9.29 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 1.9.
Tánimbu̱únꞌ xa̱bo̱ Israél juyáá Krísto̱
30Dí gúꞌthánlóꞌ xúꞌkhue̱n rá. Maske máꞌ xa̱bo̱ tsí ra̱ꞌkháa judío̱ ñajúún, na̱nguá ndiꞌyée̱ rí Ana̱ꞌlóꞌ maꞌthán rí nánda̱a̱ aꞌkhúu̱n, ikhii̱n naꞌthán Ana̱ꞌlóꞌ rí nánda̱a̱ aꞌkhúu̱n ga̱jma̱á numuu rí wéje̱ a̱kuíi̱n ná inuu Ana̱ꞌlóꞌ. 31Xómáꞌ xa̱bo̱ xuajen Israél rá, maske máꞌ ndiꞌyée̱ rí Ana̱ꞌlóꞌ maꞌthán rí nánda̱a̱ aꞌkhúu̱n ga̱jma̱á majñu̱u̱ xtángoo, táꞌngúu̱n gúne̱-mbáníi̱ ne̱. 32Náá numuu róꞌ. Numuu túꞌyée̱ rí Ana̱ꞌlóꞌ maꞌthán rí nánda̱a̱ aꞌkhúu̱n ga̱jma̱á majñu̱u̱ rí wéje̱ a̱kuíi̱n ná inuu Ana̱ꞌlóꞌ, rí ndiꞌyée̱ ne̱ ga̱jma̱á majñu̱u̱ rí nune̱-mbáníi̱ rí naꞌthán xtángoo. Ikhaa jngó ni̱xi̱ꞌnée̱ ná tsu̱du̱u̱ itsí rí naꞌne rí mu̱xi̱ꞌná xa̱bo̱. 33Xómá ka̱ma naꞌthán ná i̱yi̱i̱ꞌ ajngóo Ana̱ꞌlóꞌ:
«Ikhúúnꞌ na̱ꞌgíi ná xuajen Sióón mbáa tsí xómá itsí jaꞌnii,
tsí naꞌne rí mu̱xi̱ꞌná jamí ma̱xpátrigi̱in xa̱bo̱.
Xómáꞌ tsí ma̱nimbo̱o̱ꞌ jaꞌyoo̱ ikhaa̱, ma̱xáthájwíin a̱kuii̱n».#9.33 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 8.14 jamí ná 28.16.
Currently Selected:
Xa̱bo̱ Róma̱ 9: tcf
Highlight
Share
Compare
Copy
Want to have your highlights saved across all your devices? Sign up or sign in
© 2025 SIL Global. Creative commons license CC BY-SA.
Xa̱bo̱ Róma̱ 9
9
Ana̱ꞌlóꞌ naraꞌwíin xa̱bo̱ tsí ikhaa̱ máꞌ nandoo̱ maraꞌwíi̱n
1Ikhúúnꞌ na̱tha̱nꞌlaꞌ rí gakon, numuu rí nanimbo̱ꞌ ja̱yo̱o̱ Krísto̱. Xu̱u̱ꞌ Ana̱ꞌlóꞌ jayá ikhoꞌ, jamí ikhaa̱ naꞌthán-múꞌúu̱n awúun a̱kui̱nꞌ rí tsíne̱-ndúwalo̱ꞌ. 2Phú xtáá gaꞌkho̱, jamí phú ngíná eꞌne a̱kui̱nꞌ. 3Numuu rí asndo naꞌne a̱kui̱nꞌ rí jmínu̱úꞌ máꞌ ikhúúnꞌ gánindxu̱ꞌ tsí kixná-máꞌáan, jamí tsí xtáa tsíngua̱ꞌ inuu Krísto̱, xí numuu rí xkuaꞌnii ma̱goo ma̱mbáñúú a̱ngui̱nꞌ, xa̱bo̱ xuajñuꞌ tsí juya̱ iꞌdiuꞌ. 4Ikhii̱n ñajúu̱n xa̱bo̱ xuajen Israél, tsí nigu̱un Ana̱ꞌlóꞌ rí ma̱ꞌne i̱ji̱in. Phú wáá xó rí nixtáa Ana̱ꞌlóꞌ ga̱jma̱á nindxúu̱n, jamí niꞌnii̱ awan ga̱jma̱á nindxúu̱n, xúꞌkhue̱n máꞌ ikhii̱n ni̱dri̱guíi̱ xtángawoo Moisés. Ikhii̱n waꞌsngúu̱n rí mune̱-mba̱a̱ Ana̱ꞌlóꞌ jamí mbaꞌa inii rí nixuda-mina̱ꞌ Ana̱ꞌlóꞌ ga̱jma̱á nindxúu̱n. 5Ikhii̱n ñajúu̱n i̱ji̱ín táta̱-xi̱ꞌñáxo̱ꞌ wajyúú, jamí ná ri̱jñúu̱ ikhii̱n ni̱gu̱maa Krísto̱ xómá xa̱bo̱ numbaa. Krísto̱ ñajuun Ana̱ꞌlóꞌ tsí naꞌthán-ñájuun mbá xúgíí. ¡A̱gu̱ma-mba̱a̱ ikhaa̱ jámuu mbiꞌi! Xkuaꞌnii gáꞌne.
6Ra̱ꞌkhá máꞌ numuu rí Ana̱ꞌlóꞌ táꞌne-mbánuu ajngóo ga̱jma̱á nindxúu̱n, i̱ndo̱ó máꞌ numuu rí ra̱ꞌkhá mbá xúgíin xa̱bo̱ ri̱jyu̱u̱ꞌ Israél phú gakon rí xa̱bo̱ xuajen Israél ñajúu̱n. 7Ni máꞌ ra̱ꞌkhá mbá xúgíin xa̱bo̱ ri̱jyu̱u̱ꞌ Abraám, phú gakon rí i̱ji̱in Abraám ñajúu̱n. Numuu rí waꞌtháa̱n neꞌne Ana̱ꞌlóꞌ: «Ga̱jma̱á majñu̱u̱ Isaák ma̱gu̱mii xa̱bo̱ ri̱jya̱a̱ꞌ».#9.7 Ajngáa ríge̱ꞌ na̱ꞌkha̱ ná I̱yu̱u̱ꞌ xó ni̱gi̱ꞌdu̱u̱n-muu 21.12. 8Rúꞌkhue̱n iꞌthán rí ra̱ꞌkhá mbá xúgíin xa̱bo̱ ri̱jyu̱u̱ꞌ Abraám ñajúún i̱ji̱in Ana̱ꞌlóꞌ, rí i̱ji̱in Ana̱ꞌlóꞌ ñajúún tsí ni̱gu̱mii xómá nixuda-mina̱ꞌ Ana̱ꞌlóꞌ ga̱jma̱á nindxu̱u̱ Abraám. 9Numuu rí xáꞌnii nixuda-mina̱ꞌ Ana̱ꞌlóꞌ ga̱jma̱á nindxu̱u̱ Abraám: «Ma̱thangu̱ún gáya̱a̱ꞌlo̱ꞌ xíríga̱a̱ rí i̱mba̱ tsígu. A̱ꞌkhue̱n rí Sára̱ gíꞌdaa̱ máꞌ mbáa ada̱ gáꞌne».#9.9 Ajngáa ríge̱ꞌ na̱ꞌkha̱ ná I̱yu̱u̱ꞌ xó ni̱gi̱ꞌdu̱u̱n-muu 18.10, 14.
10Jamí ra̱ꞌkhá i̱ndo̱ó rúꞌkhue̱n, rí mangaa máꞌ Rebéka̱ ni̱gi̱ꞌdiin a̱jmi̱i e̱je̱n, i̱ji̱in táta̱-xi̱ꞌñáxo̱ꞌ Isaák. 11Nákhí rí xóó tágu̱mii e̱je̱n, xóó máꞌ tsíkujma xí muni̱i̱ rí máján o rí ra̱máján mbo̱ꞌ. I̱ndo̱ó máꞌ numuu rí mbu̱ꞌyáá májánlóꞌ rí Ana̱ꞌlóꞌ tsíraꞌwíin xa̱bo̱ ga̱jma̱á numuu rí nuni̱i̱, rí ga̱jma̱á numuu rí ikhaa̱ máꞌ nandoo̱, 12ikhaa jngó Ana̱ꞌlóꞌ niꞌthúun Rebéka̱: «Tsí ginii ma̱gu̱maa mayumbáá inuu tsí ma̱gu̱maa nda̱wa̱á».#9.12 Ajngáa ríge̱ꞌ na̱ꞌkha̱ ná I̱yu̱u̱ꞌ xó ni̱gi̱ꞌdu̱u̱n-muu 25.23. 13Xómá ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Ndiyoꞌ ja̱yo̱o̱ Jakób. Xómáꞌ Esaú, ra̱khóꞌ ja̱yo̱o̱».#9.13 Ajngáa ríge̱ꞌ na̱ꞌkha̱ ná I̱yu̱u̱ꞌ Malakía̱s 1.2-3.
14Dí gúꞌthánlóꞌ xúꞌkhue̱n rá. Á mu̱ꞌthánlóꞌ rí ra̱máján eꞌne Ana̱ꞌlóꞌ rá. ¡Na̱nguá mbá jayu! 15Numuu rí Ana̱ꞌlóꞌ niꞌthúun Moisés: «Ma̱ñáwíin a̱kui̱nꞌ ja̱yo̱o̱ tsí nandoꞌ rí ma̱ñáwíin a̱kui̱nꞌ ja̱yo̱o̱, jamí ma̱ne̱ mba̱a̱ a̱kui̱nꞌ ja̱yo̱o̱ tsí nandoꞌ rí ma̱ne̱ mba̱a̱ a̱kui̱nꞌ ja̱yo̱o̱».#9.15 Ajngáa ríge̱ꞌ na̱ꞌkha̱ ná I̱yu̱u̱ꞌ xó nigájna̱á xa̱bo̱ 33.19.
16Ikhaa jngó, Ana̱ꞌlóꞌ naraꞌwíi̱ tsí ikhaa̱ nañáwíin a̱kuii̱n jaꞌyoo̱, ra̱ꞌkhá numuu rí mbáa xa̱bo̱ nandoo o naxná-mina̱ꞌ tsiakhe̱ kajngó mi̱traꞌwíi gáꞌne Ana̱ꞌlóꞌ. 17Ná i̱yi̱i̱ꞌ ajngóo Ana̱ꞌlóꞌ ka̱ma naꞌthán rí Ana̱ꞌlóꞌ niꞌthúun thúngaa Faraón: «Ikhaa máꞌ numuu ríge̱ꞌ ni̱ꞌgíínlo̱ꞌ rí ma̱ra̱tha̱n-ñájun, kajngó ma̱snga̱jmá ski̱yu̱ꞌ ga̱jma̱á nindxa̱a̱ꞌ ikháánꞌ, jamí ma̱gu̱ma-nuwúún ná tsu̱du̱u̱ mbá xúgíí numbaa».#9.17 Ajngáa ríge̱ꞌ na̱ꞌkha̱ ná I̱yu̱u̱ꞌ xó nigájna̱á xa̱bo̱ 9.16. 18Ikhaa jngó, Ana̱ꞌlóꞌ nañáwíin a̱kuii̱n jaꞌyoo̱ tsí nandoo̱ rí ma̱ñáwíin a̱kuii̱n jaꞌyoo̱, jamí naꞌne-gúkuíi̱ a̱kui̱in tsí nandoo̱ rí ma̱ꞌne-gúkuíi̱ a̱kui̱in.
19Xómáꞌ ikháánꞌ ma̱tra̱xu̱ꞌ: «Náá numuu kajngó naꞌthán Ana̱ꞌlóꞌ rí gíꞌmáálóꞌ aꞌkhán, xí nimbáa tsíꞌngo̱o̱ gáwe̱je̱-ꞌthu̱u̱n rí ma̱ꞌnii̱ rí nandoo̱ róꞌ». 20Jamí ikhúúnꞌ ma̱riꞌñaaꞌ: «Tsáa najwaanꞌ ikháánꞌ kajngó ma̱tra̱xi̱í Ana̱ꞌlóꞌ ga̱jma̱á numuu rí naꞌne róꞌ». Xa̱bo̱ tsí naꞌne daan ju̱ba̱ꞌ na̱nguá nitraxíi̱ eꞌne daan: «Náá numuu kajngó xáꞌnii nithane̱-ku̱múú róꞌ».#9.20 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 29.16. 21Xa̱bo̱ tsí naꞌne daan ju̱ba̱ꞌ gíꞌdoo̱ tsiakhe̱ rí ma̱ꞌnii̱ asndo dí máꞌ iyoo̱ ga̱jma̱á mbóó ikhaa máꞌ ju̱ba̱ꞌ. Ikhaa máꞌ ju̱ba̱ꞌ ma̱goo ma̱ꞌnii̱ mbá daan rí gíꞌdoo guéño numuu o ma̱ꞌnii̱ mbá daan rí na̱nguá máꞌ gíꞌdoo numuu mbo̱ꞌ.
22Maske máꞌ Ana̱ꞌlóꞌ ndiyoo̱ maxnée̱ mbá xkri̱doo rí najiꞌnáa̱ jamí masngájmee̱ ski̱yu̱u̱ꞌ, phú neꞌne mba̱a̱ a̱kuii̱n jaꞌñúu̱ tsí wéje̱ máꞌ rí mu̱drígú jamínu̱ꞌ jamí ma̱mbíin. 23Xkuaꞌnii neꞌne Ana̱ꞌlóꞌ kajngó masngájmee̱ rí ikhaa̱ phú mba̱a̱ ski̱yu̱u̱ꞌ ga̱jma̱á nindxu̱ún tsí niñáwíin a̱kuii̱n jaꞌñúu̱, ikhiin máꞌ tsí asndo nákhí ginii neꞌne-ku̱mii̱ rí ma̱ju̱wá ga̱jma̱á nindxu̱u̱ ná phú tsímáá. 24Ikhiin xa̱bo̱ tsúꞌkhue̱n ñajwanlóꞌ ikháánꞌlóꞌ, tsáanꞌ nindxaꞌwálóꞌ Ana̱ꞌlóꞌ. Jamí ra̱ꞌkhá máꞌ i̱ndo̱ó ikháanꞌxo̱ꞌ tsáanꞌ xa̱bo̱ judío̱ ñajwanxo̱ꞌ, rí mangaa máꞌ xa̱bo̱ tsí ra̱ꞌkháa judío̱ ñajúún. 25Xómá ka̱ma niꞌthán Ana̱ꞌlóꞌ ná i̱yu̱u̱ꞌ Oséa̱s mangaa:
«Ma̱thu̱ún xa̱bo̱ tsí ra̱ꞌkháa xa̱bo̱ xuajñuꞌ ñajúún, “xa̱bo̱ xuajñuꞌ”,
Jamí ma̱thu̱u̱n a̱ꞌgo̱ tsí ra̱ꞌkháa a̱ꞌgui̱ꞌ ñajuun, “a̱ꞌgo̱ tsí nandoꞌ ja̱yo̱o̱”».#9.25 Ajngáa ríge̱ꞌ na̱ꞌkha̱ ná I̱yu̱u̱ꞌ Oséa̱s 2.23.
26Jamí xúꞌkhue̱n máꞌ niꞌthán Ana̱ꞌlóꞌ mangaa:
«Ikhín ná waꞌthúún xa̱bo̱, “Ra̱ꞌkhá xa̱bo̱ xuajñuꞌ ñajwanlaꞌ ikháanꞌlaꞌ”,
ikhín máꞌ mi̱ꞌthúu̱n, “Ikháanꞌlaꞌ ñajwanlaꞌ i̱ji̱in Ana̱ꞌlóꞌ tsí xtáa ndaꞌya”».#9.26 Ajngáa ríge̱ꞌ na̱ꞌkha̱ ná I̱yu̱u̱ꞌ Oséa̱s 1.10.
27Xómáꞌ Isaía̱s naꞌthán ga̱jma̱á numuu xuajen Israél:
«Maske máꞌ phú mbaꞌiin mi̱ndaꞌkho i̱ji̱in Israél xómá we̱ꞌe̱ rí ríga̱ ná rawuun iya a̱pha̱,
i̱ndo̱ó máꞌ mbá tikhuun jayu tsí ma̱jáwíin.
28Numuu rí Táta̱ ma̱ꞌne-mbánuu ajngóo
mbá nacha̱ jayu ná tsu̱du̱u̱ mbá xúgíí numbaa».#9.28 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 10.22-23.
29Xómá niꞌthán Isaía̱s nákhí wapha:
«Xí ra̱ꞌkhá numuu rí Táta̱ tsí gíꞌdoo mbá xúgíí tsiakhe̱ niniñúú mbá tikhuun i̱jña̱ꞌlóꞌ,
xómá xuajen Sodóma̱ jamí xuajen Gomóra̱ jaꞌñáaꞌlóꞌ gáꞌne».#9.29 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 1.9.
Tánimbu̱únꞌ xa̱bo̱ Israél juyáá Krísto̱
30Dí gúꞌthánlóꞌ xúꞌkhue̱n rá. Maske máꞌ xa̱bo̱ tsí ra̱ꞌkháa judío̱ ñajúún, na̱nguá ndiꞌyée̱ rí Ana̱ꞌlóꞌ maꞌthán rí nánda̱a̱ aꞌkhúu̱n, ikhii̱n naꞌthán Ana̱ꞌlóꞌ rí nánda̱a̱ aꞌkhúu̱n ga̱jma̱á numuu rí wéje̱ a̱kuíi̱n ná inuu Ana̱ꞌlóꞌ. 31Xómáꞌ xa̱bo̱ xuajen Israél rá, maske máꞌ ndiꞌyée̱ rí Ana̱ꞌlóꞌ maꞌthán rí nánda̱a̱ aꞌkhúu̱n ga̱jma̱á majñu̱u̱ xtángoo, táꞌngúu̱n gúne̱-mbáníi̱ ne̱. 32Náá numuu róꞌ. Numuu túꞌyée̱ rí Ana̱ꞌlóꞌ maꞌthán rí nánda̱a̱ aꞌkhúu̱n ga̱jma̱á majñu̱u̱ rí wéje̱ a̱kuíi̱n ná inuu Ana̱ꞌlóꞌ, rí ndiꞌyée̱ ne̱ ga̱jma̱á majñu̱u̱ rí nune̱-mbáníi̱ rí naꞌthán xtángoo. Ikhaa jngó ni̱xi̱ꞌnée̱ ná tsu̱du̱u̱ itsí rí naꞌne rí mu̱xi̱ꞌná xa̱bo̱. 33Xómá ka̱ma naꞌthán ná i̱yi̱i̱ꞌ ajngóo Ana̱ꞌlóꞌ:
«Ikhúúnꞌ na̱ꞌgíi ná xuajen Sióón mbáa tsí xómá itsí jaꞌnii,
tsí naꞌne rí mu̱xi̱ꞌná jamí ma̱xpátrigi̱in xa̱bo̱.
Xómáꞌ tsí ma̱nimbo̱o̱ꞌ jaꞌyoo̱ ikhaa̱, ma̱xáthájwíin a̱kuii̱n».#9.33 Ajngáa ríge̱ꞌ na̱ꞌkha̱ ná I̱yu̱u̱ꞌ Isaía̱s 8.14 jamí ná 28.16.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2025 SIL Global. Creative commons license CC BY-SA.