Títo̱ 1
1
Páblo̱ naraxi̱i Títo̱
1Ikhúúnꞌ ñajunꞌ Páblo̱, yumbée Ana̱ꞌlóꞌ jamí mangaa máꞌ ñajunꞌ mbáa xa̱bo̱ tsí waxúngua̱a̱ꞌ neꞌne Jesukrísto̱. Ikhaa̱ nixúngúu̱nꞌ kajngó xa̱bo̱ tsí niraꞌwíin Ana̱ꞌlóꞌ ma̱we̱je̱ a̱kuíi̱n inuu Ana̱ꞌlóꞌ, jamí mune̱-nuwii̱n rí gakon xáne gíꞌmaa muni̱i̱ rí nandoo Ana̱ꞌlóꞌ. 2A̱ꞌkhue̱n rí ga̱jma̱á mbá jañii a̱kuíi̱n mu̱waꞌthíi̱n rí ma̱ju̱wée̱ꞌ mbá jámuu. Ana̱ꞌlóꞌ, tsí na̱nguá eꞌne-nduwa, nixuda-mine̱e̱ꞌ máꞌ ga̱jma̱á numuu ríge̱ꞌ, asndo nákhí máꞌ xóó táꞌne-ku̱maa̱ numbaa. 3Jamí ído̱ ni̱ga̱nú máꞌ mbiꞌi rá, nisngájmalóꞌ ajngóo̱ ga̱jma̱á majñu̱u̱ rí na̱tha̱n-ráꞌalo̱ꞌ, numuu rí xkuaꞌnii nixnángaweꞌ Ana̱ꞌlóꞌ tsí naꞌne-jríñáaꞌlóꞌ.
4Na̱xu̱ꞌmá i̱yi̱i̱ꞌ ríge̱ꞌ inaaꞌ ikháánꞌ Títo̱, tsáánꞌ phú gakon rí a̱ꞌdéꞌ ñajwaanꞌ ga̱jma̱á numuu rí mbóó ná wéje̱ a̱kia̱nꞌlóꞌ.
Ana̱ꞌlóꞌ Mikhuíí jamí Táta̱ Jesukrísto̱ tsí naꞌne-jríñáaꞌlóꞌ gúne̱-tsakun-rámááꞌ, gáñáwíin a̱kuíi̱n juyaa̱ꞌ#1.4 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa ríge̱ꞌ: «gáñáwíin a̱kuíi̱n juyaa̱ꞌ». jamí ikhii̱n máꞌ gúni̱i̱ rí ma̱ra̱xtaa tsímáá.
Ñajun rí ni̱ge̱ꞌe̱ inuu Títo̱ ma̱ꞌne ná Kréta̱
5Ikhaa numuu rúꞌkhue̱n ni̱ni̱ꞌñáaꞌlo̱ꞌ ná Kréta̱, kajngó ma̱tha̱ne̱-gáxi̱í ñajun rí ninguanúu mixndu, rí ma̱ta̱skuíji̱in xa̱bo̱ buanuu tsí mbuya̱ ikhúún a̱ngia̱nꞌlóꞌ ná mbámbá xuajen, xómá rí ni̱tha̱a̱nꞌlo̱ꞌ nákhí wapha. 6Mbámbáa xa̱bo̱ nikhi̱i̱ tsúꞌkhue̱n jaꞌyoo rí ma̱nindxu̱u̱ mbáa xa̱bo̱ tsí nda̱a̱ nitháan rí ra̱máján mi̱ꞌthán ga̱jma̱á numuu, jamí tsí mbáwíi a̱ꞌgui̱i. Xúꞌkhue̱n máꞌ i̱jii̱n, jaꞌyoo rí ma̱nindxúu̱n tsí nanimbu̱únꞌ juyáá Jesukrísto̱, jamí ndawa̱a̱ tsí naꞌne tsu̱dúu̱n rí ra̱máján ini̱i̱ o najñaguu̱n mbo̱ꞌ. 7Numuu rí tsí ñajuun xa̱bo̱ ede̱, jayée̱ ikhoo ñajun ná guꞌwóo Ana̱ꞌlóꞌ. Ikhaa jngó, ndaꞌyóo rí ma̱nindxu̱u̱ xa̱bo̱ tsí nda̱a̱ nitháan rí ra̱máján mi̱ꞌthán ga̱jma̱á numuu: rí ma̱xánindxu̱u̱ xa̱bo̱ tsí nakúxe̱-mina̱ꞌ, rí ma̱xánindxu̱u̱ xa̱bo̱ tsí i̱ndo̱ó máꞌ najiꞌnáa, rí ma̱xánindxu̱u̱ xa̱bo̱ tsí i̱ndo̱ó máꞌ najnga̱a̱, rí ma̱xánindxu̱u̱ xa̱bo̱ tsí na̱tsa̱ñu̱u̱ꞌ gajmíí xa̱bo̱, ni máꞌ rí ma̱xánindxu̱u̱ xa̱bo̱ tsí na̱ni̱gu̱u̱ꞌ madaa mbúkha̱a̱ ga̱jma̱á majñu̱u̱ rí mi̱nduwa. 8A̱ꞌkhue̱n gakon, ndaꞌyóo rí ma̱grui̱gúu̱n xa̱bo̱ ná guꞌwóo̱, jamí rí ma̱ꞌnii̱ rí máján. Xúꞌkhue̱n máꞌ nandxaꞌwá-mine̱e̱ꞌ mújúu̱n rí ma̱ꞌnii̱, májáan a̱kuii̱n, jaꞌwu xtáa̱, jamí na̱ꞌngo̱o̱ máꞌ naꞌthán-ñájuu̱n xuyuu̱. 9Xúꞌkhue̱n máꞌ mangaa, ndaꞌyóo rí ma̱nindxu̱u̱ mbáa xa̱bo̱ tsí na̱gu̱xi̱i mújúun ajngáa rawuun Ana̱ꞌlóꞌ, xómá phú waꞌsngáa̱, kajngó ma̱goo maꞌthán-múꞌúu̱n i̱ꞌwíin xa̱bo̱ ga̱jma̱á gisngáá rí gakon jamí ma̱ꞌnii̱ rí ma̱nimbu̱únꞌ tsí nawajún-ꞌthi̱ín gisngáá rúꞌkhue̱n.
10Numuu rí phú júwa̱ꞌ xa̱bo̱ tsí najñaguun, tsí nune̱-nduwiin xa̱bo̱ ga̱jma̱á gisngáá rí nda̱a̱ mbá jayu numuu. Ikhúúnꞌ na̱tha̱n ga̱jma̱á numúú xa̱bo̱ tsí nuthan rí ndaꞌyóo mbu̱ya̱laꞌ tsina jndi. 11Ikhiin tsúꞌkhue̱n ndaꞌyóo rí ma̱ju̱góo rawúún, numuu rí nune̱-ngra̱ꞌii̱n mbá jañii guꞌwíin xa̱bo̱, jamí ga̱jma̱á numuu rí na̱ni̱gúu̱nꞌ mudaa̱ mbúkha̱a̱, nusngáa̱ rí ra̱jáꞌyoo. 12Asndo mbáa máꞌ tsí ikhii̱n, tsí ni̱gu̱wíjnga̱a ajngáa, niꞌthán: «Tsí xa̱bo̱ Kréta̱, jámba̱ miꞌtsú rí xa̱bo̱ tsí mi̱nduwiin ñajúu̱n. Xu̱kú-xáná jamí xa̱bo̱ i̱ꞌska tsí napeꞌtso mi̱ndaꞌkho ñajúu̱n». 13Phú gakon rí niꞌthán xa̱bo̱ tsúꞌkhue̱n. Ikhaa jngó, ataxprígúu̱n gakhe̱, kajngó ma̱ꞌne gúkúu̱n jamí mu̱xúni̱ꞌñáa̱ rí waꞌsngúu̱n ga̱jma̱á numuu Jesukrísto̱. 14Atambáñúu̱ rí mu̱xúꞌgíi̱ idxúu̱n ajngáa mi̱nduwa rí ni̱ka̱ma̱xu̱ún xa̱bo̱ judío̱, ni máꞌ xtángoo rí nene̱-ku̱maa xa̱bo̱ tsí nune̱-tsíngua̱ꞌ-mijná inuu rí gakon.
15Xa̱bo̱ tsí jaꞌwuun, mbá xúgíí máꞌ jaꞌwu iyáa̱ rí ikhii̱n. Xómáꞌ tsí niꞌchíin jamí tsínimbu̱únꞌ juyáá Ana̱ꞌlóꞌ rá, mbá xúgíí máꞌ na̱nguá jaꞌwu iyáa̱ rí ikhii̱n, numuu rí asndo ju̱múu̱ jamí asndo a̱kuíi̱n máꞌ niꞌchúu. 16Nuthee̱n rí nune̱-nuwii̱n Ana̱ꞌlóꞌ, xómáꞌ rí nuni̱i̱ naꞌthán rí tsíne̱-nuwii̱n. Rí xkuaꞌnii jaꞌñúu̱, phú tsíyoo gíꞌñúu̱ ene̱ xa̱bo̱, phú najñaguu̱n jamí tsíyoo muni̱i̱ asndo nimbá rí máján.
Currently Selected:
Títo̱ 1: tcf
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Global. Creative commons license CC BY-SA.
Títo̱ 1
1
Páblo̱ naraxi̱i Títo̱
1Ikhúúnꞌ ñajunꞌ Páblo̱, yumbée Ana̱ꞌlóꞌ jamí mangaa máꞌ ñajunꞌ mbáa xa̱bo̱ tsí waxúngua̱a̱ꞌ neꞌne Jesukrísto̱. Ikhaa̱ nixúngúu̱nꞌ kajngó xa̱bo̱ tsí niraꞌwíin Ana̱ꞌlóꞌ ma̱we̱je̱ a̱kuíi̱n inuu Ana̱ꞌlóꞌ, jamí mune̱-nuwii̱n rí gakon xáne gíꞌmaa muni̱i̱ rí nandoo Ana̱ꞌlóꞌ. 2A̱ꞌkhue̱n rí ga̱jma̱á mbá jañii a̱kuíi̱n mu̱waꞌthíi̱n rí ma̱ju̱wée̱ꞌ mbá jámuu. Ana̱ꞌlóꞌ, tsí na̱nguá eꞌne-nduwa, nixuda-mine̱e̱ꞌ máꞌ ga̱jma̱á numuu ríge̱ꞌ, asndo nákhí máꞌ xóó táꞌne-ku̱maa̱ numbaa. 3Jamí ído̱ ni̱ga̱nú máꞌ mbiꞌi rá, nisngájmalóꞌ ajngóo̱ ga̱jma̱á majñu̱u̱ rí na̱tha̱n-ráꞌalo̱ꞌ, numuu rí xkuaꞌnii nixnángaweꞌ Ana̱ꞌlóꞌ tsí naꞌne-jríñáaꞌlóꞌ.
4Na̱xu̱ꞌmá i̱yi̱i̱ꞌ ríge̱ꞌ inaaꞌ ikháánꞌ Títo̱, tsáánꞌ phú gakon rí a̱ꞌdéꞌ ñajwaanꞌ ga̱jma̱á numuu rí mbóó ná wéje̱ a̱kia̱nꞌlóꞌ.
Ana̱ꞌlóꞌ Mikhuíí jamí Táta̱ Jesukrísto̱ tsí naꞌne-jríñáaꞌlóꞌ gúne̱-tsakun-rámááꞌ, gáñáwíin a̱kuíi̱n juyaa̱ꞌ#1.4 Ríga̱ mbá tikhu i̱yi̱i̱ꞌ griégo̱ rí wayuu ná na̱nguá i̱ꞌkha̱ ajngáa ríge̱ꞌ: «gáñáwíin a̱kuíi̱n juyaa̱ꞌ». jamí ikhii̱n máꞌ gúni̱i̱ rí ma̱ra̱xtaa tsímáá.
Ñajun rí ni̱ge̱ꞌe̱ inuu Títo̱ ma̱ꞌne ná Kréta̱
5Ikhaa numuu rúꞌkhue̱n ni̱ni̱ꞌñáaꞌlo̱ꞌ ná Kréta̱, kajngó ma̱tha̱ne̱-gáxi̱í ñajun rí ninguanúu mixndu, rí ma̱ta̱skuíji̱in xa̱bo̱ buanuu tsí mbuya̱ ikhúún a̱ngia̱nꞌlóꞌ ná mbámbá xuajen, xómá rí ni̱tha̱a̱nꞌlo̱ꞌ nákhí wapha. 6Mbámbáa xa̱bo̱ nikhi̱i̱ tsúꞌkhue̱n jaꞌyoo rí ma̱nindxu̱u̱ mbáa xa̱bo̱ tsí nda̱a̱ nitháan rí ra̱máján mi̱ꞌthán ga̱jma̱á numuu, jamí tsí mbáwíi a̱ꞌgui̱i. Xúꞌkhue̱n máꞌ i̱jii̱n, jaꞌyoo rí ma̱nindxúu̱n tsí nanimbu̱únꞌ juyáá Jesukrísto̱, jamí ndawa̱a̱ tsí naꞌne tsu̱dúu̱n rí ra̱máján ini̱i̱ o najñaguu̱n mbo̱ꞌ. 7Numuu rí tsí ñajuun xa̱bo̱ ede̱, jayée̱ ikhoo ñajun ná guꞌwóo Ana̱ꞌlóꞌ. Ikhaa jngó, ndaꞌyóo rí ma̱nindxu̱u̱ xa̱bo̱ tsí nda̱a̱ nitháan rí ra̱máján mi̱ꞌthán ga̱jma̱á numuu: rí ma̱xánindxu̱u̱ xa̱bo̱ tsí nakúxe̱-mina̱ꞌ, rí ma̱xánindxu̱u̱ xa̱bo̱ tsí i̱ndo̱ó máꞌ najiꞌnáa, rí ma̱xánindxu̱u̱ xa̱bo̱ tsí i̱ndo̱ó máꞌ najnga̱a̱, rí ma̱xánindxu̱u̱ xa̱bo̱ tsí na̱tsa̱ñu̱u̱ꞌ gajmíí xa̱bo̱, ni máꞌ rí ma̱xánindxu̱u̱ xa̱bo̱ tsí na̱ni̱gu̱u̱ꞌ madaa mbúkha̱a̱ ga̱jma̱á majñu̱u̱ rí mi̱nduwa. 8A̱ꞌkhue̱n gakon, ndaꞌyóo rí ma̱grui̱gúu̱n xa̱bo̱ ná guꞌwóo̱, jamí rí ma̱ꞌnii̱ rí máján. Xúꞌkhue̱n máꞌ nandxaꞌwá-mine̱e̱ꞌ mújúu̱n rí ma̱ꞌnii̱, májáan a̱kuii̱n, jaꞌwu xtáa̱, jamí na̱ꞌngo̱o̱ máꞌ naꞌthán-ñájuu̱n xuyuu̱. 9Xúꞌkhue̱n máꞌ mangaa, ndaꞌyóo rí ma̱nindxu̱u̱ mbáa xa̱bo̱ tsí na̱gu̱xi̱i mújúun ajngáa rawuun Ana̱ꞌlóꞌ, xómá phú waꞌsngáa̱, kajngó ma̱goo maꞌthán-múꞌúu̱n i̱ꞌwíin xa̱bo̱ ga̱jma̱á gisngáá rí gakon jamí ma̱ꞌnii̱ rí ma̱nimbu̱únꞌ tsí nawajún-ꞌthi̱ín gisngáá rúꞌkhue̱n.
10Numuu rí phú júwa̱ꞌ xa̱bo̱ tsí najñaguun, tsí nune̱-nduwiin xa̱bo̱ ga̱jma̱á gisngáá rí nda̱a̱ mbá jayu numuu. Ikhúúnꞌ na̱tha̱n ga̱jma̱á numúú xa̱bo̱ tsí nuthan rí ndaꞌyóo mbu̱ya̱laꞌ tsina jndi. 11Ikhiin tsúꞌkhue̱n ndaꞌyóo rí ma̱ju̱góo rawúún, numuu rí nune̱-ngra̱ꞌii̱n mbá jañii guꞌwíin xa̱bo̱, jamí ga̱jma̱á numuu rí na̱ni̱gúu̱nꞌ mudaa̱ mbúkha̱a̱, nusngáa̱ rí ra̱jáꞌyoo. 12Asndo mbáa máꞌ tsí ikhii̱n, tsí ni̱gu̱wíjnga̱a ajngáa, niꞌthán: «Tsí xa̱bo̱ Kréta̱, jámba̱ miꞌtsú rí xa̱bo̱ tsí mi̱nduwiin ñajúu̱n. Xu̱kú-xáná jamí xa̱bo̱ i̱ꞌska tsí napeꞌtso mi̱ndaꞌkho ñajúu̱n». 13Phú gakon rí niꞌthán xa̱bo̱ tsúꞌkhue̱n. Ikhaa jngó, ataxprígúu̱n gakhe̱, kajngó ma̱ꞌne gúkúu̱n jamí mu̱xúni̱ꞌñáa̱ rí waꞌsngúu̱n ga̱jma̱á numuu Jesukrísto̱. 14Atambáñúu̱ rí mu̱xúꞌgíi̱ idxúu̱n ajngáa mi̱nduwa rí ni̱ka̱ma̱xu̱ún xa̱bo̱ judío̱, ni máꞌ xtángoo rí nene̱-ku̱maa xa̱bo̱ tsí nune̱-tsíngua̱ꞌ-mijná inuu rí gakon.
15Xa̱bo̱ tsí jaꞌwuun, mbá xúgíí máꞌ jaꞌwu iyáa̱ rí ikhii̱n. Xómáꞌ tsí niꞌchíin jamí tsínimbu̱únꞌ juyáá Ana̱ꞌlóꞌ rá, mbá xúgíí máꞌ na̱nguá jaꞌwu iyáa̱ rí ikhii̱n, numuu rí asndo ju̱múu̱ jamí asndo a̱kuíi̱n máꞌ niꞌchúu. 16Nuthee̱n rí nune̱-nuwii̱n Ana̱ꞌlóꞌ, xómáꞌ rí nuni̱i̱ naꞌthán rí tsíne̱-nuwii̱n. Rí xkuaꞌnii jaꞌñúu̱, phú tsíyoo gíꞌñúu̱ ene̱ xa̱bo̱, phú najñaguu̱n jamí tsíyoo muni̱i̱ asndo nimbá rí máján.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Global. Creative commons license CC BY-SA.