Kubhoka 20
20
Amuli Komi
Kombukombu la Tolati 5:1-21
1Bhela Chapanga akapwaghiki malobhi ghokapi hagha, 2“Nepani nde Bambo Chapanga, Chapanga waku, nenukubhohiki ku Misili, kuhuma ku inchi koukabhile untumwa.
3“Ngawikubha na ichapanga yengi nambu nepani pela.
4“Ngawalitendela chimong'umong'u cha kuhongola chechilengana na chindu chokapi chechibhili kunani kumahundi, wala chechibhili pahi pundema, wala chechibhili mumachi pahi ja ndema. 5Ngawaichikamila wala kuijojabhela, kwa kubha nepani nde Bambo Chapanga, Chapanga waku, nde Chapanga nemili na wihu, nabhatemula bhana kwa mahoku gha akatati bhabhu mbaka chibheleku cha katatu na cha kachechi cha bhala bhabhanhakalila, 6nambu ananangihaje upalu wangu wangakujomoka kwa hibheleku elufu ya bhala bhabhambala, na kuikamula amuli yangu.
7“Ngawaliloghola waka lihina laka Bambo Chapanga, Chapanga waku, kwa kubha Bambo Chapanga ngayikotoki kumbalangila mahoku mundu jola joaliloghola lihina laki waka.
8“Ulikombukaje lichobha la Sabato, uligholulaje. 9Machobha sita uhengaje mahengu ghaku, na uhengaje mambu ghaku ghokapi, 10nambu lichobha la saba nde lichobha la Sabato kwaka Bambo Chapanga, Chapanga waku. Mu lichobha leniheli ngawihenga lihengu lokapi lela, wehapa wala mwana waku wa chikambaku au mwali waku, wala mtumwa waku, wala mtumika waku wa chikambaku au wa chimbomba, wala chinyama chaku, wala ngeni joabhi mkati ja michi jaku. 11Kwa ndandi kwa machobha sita, nepani Bambo Chapanga nakabhombiki kunani na ndema, bahali na yokapi yeibhili mkati jaki, nambu nakapomulili lichobha la saba. Henu, nepani Bambo Chapanga nakalipengalili lichobha la Sabato na kulitenda kubha lihuhu.
12“Watopilaje tati waku na mabhu waku, nahuli upataje kutama machobha ghamaheli mu inchi jeupekewa na Bambo Chapanga, Chapanga waku.
13“Ngawikoma.
14“Ngawitenda ugone.
15“Ngawijibha.
16“Ngawandandila njaku upuhi.
17“Ngawajitokulela nyumba jaka njaku. Ngawantokulela nhwanu waka njaku, wala mtumika waki wa chikambaku au wa chimbomba, wala ng'ombi jaki au maponda ghaki, wala chokapi chela cheabhi nachu njaku.”
Bhandu bhajoghopa
Kombukombu la Tolati 5:22-33
18Bhandu pabhakajowini kulundamila na unang'anu wa hitobhi, na kujowana sauti ja mbata, na kuchibhona chitombi chihuka lyohi, bhakabhaghiji kwa choghohi, na kujema kutali. 19Bhakumpwaghi Musa, “Ulongilaje na tepani wehapa wamwete, na tepani anatukujowanyaje. Nambu ngawandeka Chapanga alongilaje na tepani, anatendiki bhenibhela anatupotilaje.”
20Musa akabhapwaghi bhandu, “Ngamwijoghopa! Chapanga ahikiki kundenga, nahuli nkubhaje na choghoi chaka Chapanga, na ngamwitenda mahoku.” 21Nambu bhandu bhokapi bhakahighalili bhajemiki kutali, chikahi Musa paakaliheghalili lihundi la lwihi lukolongwa moakabhili Chapanga.
Shelia ja pandu pa kubhokeha nyambiku
22Panihapa Bambo Chapanga akumpwaghi Musa, “Ubhapwaghilaje Bhaizilaeli anana, ‘Mbweni mabhete kubha nongili na mwehapa kuhuma kunani kumahundi. 23Ngamwalitendela ichapanga yokapi yela na kuilenganesha na nepani, ngamwilenganakela ichapanga ya madini gha mbija, wala ichapanga ya zahabu. 24Nambu mnenganakyaje pandu pa kubhokeha nyambiku kwa lutopi, na panani jaki mbohaje nyambiku ja kujochakeka kwa moto na nyambiku ja lukwali, mmokihaje mambeleli ghinu, imbuhi na ng'ombi hinu. Mwihengaje bhenibhela pandu pokapi pala panapahaghulaje mkanyojabyaje nepani, panihapa nde panihika kwinu na kumpengalela. 25Ngati anamnjengili pandu pa kubhokeha nyambiku kwa maganga, ngamwilenganakela kwa maganga gha kuhongola, maghambu anamtumili hindu ya kuhongulela maganga, anamupatendaje pandu panihapa ngapijetakalewa palongi jangu nepani. 26Ngamwilenganakela pandu pa kubhokela nyambiku papabhili na ngazi ja kukwelela, nahuli mundu ngayibhona utopu waka joakwela panani ja pandu pa kubhokeha nyambiku hapa.’ ”
Currently Selected:
Kubhoka 20: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
