Kubhoka 21
21
Malaghalakilu gha kubhahengela bhatumwa
Kombukombu la Tolati 15:12-18
1“Yenjenu nde shelia yeupalika kubhapekeha Bhaizilaeli: 2Ngati anaunhemili mtumwa wa Kiebulania, anaakuhengilaje lihengu kwa hyaka sita. Nambu chaka cha saba anakubhaje wa kulijeka na kubhoka panga kundepa chindu chokapi chela. 3Ngati akahikiki kwaku kanjika jaki, anabhokaje kanjika jaki, nambu ngati akahikiki na nhwanu waki, anabhokaje papamu na nhwanu waki. 4Ngati bambo waki akuntoghukili mbomba, na kumbelakela bhana bha chimbomba au bha chikambaku, henu mbomba hoju na bhana bhaki anabhakubha mali ghaka bambo waki, na mtumwa hoju anabhokaje kanjika jaki. 5Nambu ngati mtumwa hoju anapwaghiki, ‘Numpala bambo wangu, nhwanu wangu papamu na bhana bhangu na ngachembala kubha wa kulijeka,’ 6panihapa bambo waki anaandetaje palongi jaka Chapanga, na kumbeka pundyangu au pa ngelakete na kunhotola likutu laki kwa lukombu. Najombi anaantumakyaje bambo waki matamu ghaki ghokapi.
7“Mundu anaandombisi kamwali waki kubha mtumwa, ngayilekakewi kubha wa kulijeka ngati bhatumwa bha chikambaku mobhalekakewa. 8Ngati bambo waki joanhemili ngacheapala akubhaje nhwanu waki, na koni akabhi anhawile, bambo hoju ankelabhuhaje mwali hoju kwaka tati waki koanhemile. Bambo hoju ngaandombesa kabhete kwa bhagheni, maghambu lijambu leanhengile nde lijambu la ukoluheku. 9Ngati mundu anaanhemili mwali mtumwa na kuntoghukela mwana waki wa chikambaku, impalika antendilaje mtumwa hoju ngati akakamwali bhake. 10Ngati bambo hoju anatowili mbomba jongi, impalika ajendalyaje kungoha mbomba wa kutumbula kwa chilebhi, ingobhu na mambu ghokapi ghaghapalika kwaka mwanalomi na mbomba bhabhatoghuline. 11Ngati bambo hoju ngacheaweza kunhengela mambu ghatatu hagha, mbomba wa kutumbu hoju anaabhokaje na kubha wa kulijeka panga kundepa malepu ghokapi ghala gha mbija.
Shelia panani ja kubhapoteka bhandu bhangi
12“Mundu jokapi joandapula njaki na kunkoma, impalika najombi akomakikaje. 13Nambu ngati ngacheankomiki kwa kupala, nambu Chapanga akapaliki lipitalyaje bhenibhela, henu mundu jonihoju aweza kutilila pandu panunhwaghulyaje. 14Nambu ngati mundu anjendili njaki na kunkoma kwa kupala, hata ngati anakembalili pandu pangu pa kumokeha nyambiku, mumbohaje pandu pangu pa kubhokeha nyambiku hapa na kunkoma.
15“Mundu jokapi joandapula tati waki au mabhu waki, impalika akomakikaje.
16“Mundu jokapi joanjibha mundu nahuli kunhemalela au kuntenda mtumwa waki, ngati anakamuliki, impalika akomakikaje.
17“Mundu jokapi joampekeha masolu tati waki au mabhu waki, impalika akomakikaje.
18“Ngati bhandu bhabheli bhatenda kukomana na jumu anaandapwili njaki kwa liganga au kwa ngumi panga kunkoma, nambu anaampotiki na kuntenda alwalaje na kughonela pachitanda, 19ngati mundu joalapuliki hoju anapatiki mbanga na kuweza kujenda kwa ndonga, mundu joampotiki njaki hoju analekakiwaje. Nambu, anaandepaje mbija kwa chikahi cheantendiki ahoaje pachitanda, na impalika angohaje mbaka alamaje wichu.
20“Ngati mundu anaandapwili mtumwa waki wa chikambaku au wa chimbomba kwa ndonga na mtumwa hoju anaapotili palapala, impalika akomakikaje. 21Nambu mtumwa hoju anaalamike mu lichobha limu au la kabheli, bambo waki ngayitemuliwi, kwa ndandi jonihoju akabhili mtumwa waki.
22“Ngati akanalomi bhatenda kukomana na kumpoteka mbomba joabhili na chitumbu, najombi chitumbu anachibhokike, panga kumpoteka pandu pangi nakanope, mundu jola joampotiki mbomba hoju, apalika andepaje mbija ngati moayipalilaje ndomi waka mbomba hoju, na ngati bhatemula mobhitemulyaje. 23Nambu ngati anaapotakiki nakanope, bhela mundu jonihoju impalika alepaje womi kwa womi, 24lihu kwa lihu, linu kwa linu, chiwoku kwa chiwoku, chigholu kwa chigholu, 25kujochakeka moto kwa kujochakeka moto, chilonda kwa chilonda, kukopukana kwa kukopukana.
26“Ngati mundu anaandapwi mtumwa waki wa chikambaku au wa chimbomba mu lihu na kumpojola, impalika andeka kulijeka mtumwa jola kubha malepu gha lihu laki. 27Ngati anaandapwili mtumwa waki wa chimbomba au wa chikambaku na kumboha linu, impalika andekaje kulijeka mtumwa hoju kubha malepu gha linu laki.
Shelia ja kuighoha hinyama
28“Ngati ng'ombi anajuntutiki mundu kwa manyelu na kunkoma, ng'ombi heji anajikomakikaje kwa kulapulika kwa maganga na inyama jaki ngajileleka. Nambu mweni ng'ombi hoju anaalekakiwaje kulijeka. 29Nambu ngati ng'ombi heji jiyobhalili kubhatuta bhandu kwa manyelu, na mweni ng'ombi akakanakiwi nambu ngacheakajikongiki, ngati ng'ombi heji anajunkomiki mundu, jipalika ng'ombi heji jikomakikaje kwa kulapulika maganga, na mweni ng'ombi hoju ipalika akomakikaje. 30Nambu anangati mundu impalika kulepa nahuli kuukombola womi waki, henu aweza kulepa chokapi chela chechipalika kulepa. 31Shelia yenjenu anaitumikaje ngati ng'ombi anajuntutiki kwa manyelu mwana wa chikambaku waka mundu jongi au mwana wa chimbomba waka mundu jongi. 32Ngati ng'ombi anajuntutiki kwa manyelu mtumwa wa chikambaku au wa chimbomba, mweni ng'ombi anaandepaje ipandi selasini ya madini gha feza kwaka bambo mweni mtumwa hoju, na ng'ombi heji jipalika jikomakikaje kwa kulapulika maganga.
33“Mundu anaaliyekwili libhomba panga kuliyekalela, au anahembiki libhomba panga kuliyekalela, na ng'ombi au liponda laka mundu jongi analijibhili mkati jaki, 34mweni libhomba heli impalika alepaje, impalika andepaje mweni chinyama. Chinyama chechihwili hechi anachikubha chaka joakembiki libhomba. 35Ngati ng'ombi jaka mundu anajuntutiki ng'ombi jaka mundu jongi na kujikoma, henu bhandu anabhahemalyaje ng'ombi jejibhi jomi na kughabhana mbija heji kwa kulengana, bhelabhela bhaghabhanaje ng'ombi jejiwili jela. 36Nambu ngati ng'ombi heji jakabhili jiyobhalili kulapula bhajaki kwa manyelu na mweni jaki ngacheakajikongiki, impalika mweni ng'ombi alepaje ng'ombi kwa ng'ombi, na ng'ombi jejikomakiki jela anajikubha jaki.
Currently Selected:
Kubhoka 21: MpBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
Kubhoka 21
21
Malaghalakilu gha kubhahengela bhatumwa
Kombukombu la Tolati 15:12-18
1“Yenjenu nde shelia yeupalika kubhapekeha Bhaizilaeli: 2Ngati anaunhemili mtumwa wa Kiebulania, anaakuhengilaje lihengu kwa hyaka sita. Nambu chaka cha saba anakubhaje wa kulijeka na kubhoka panga kundepa chindu chokapi chela. 3Ngati akahikiki kwaku kanjika jaki, anabhokaje kanjika jaki, nambu ngati akahikiki na nhwanu waki, anabhokaje papamu na nhwanu waki. 4Ngati bambo waki akuntoghukili mbomba, na kumbelakela bhana bha chimbomba au bha chikambaku, henu mbomba hoju na bhana bhaki anabhakubha mali ghaka bambo waki, na mtumwa hoju anabhokaje kanjika jaki. 5Nambu ngati mtumwa hoju anapwaghiki, ‘Numpala bambo wangu, nhwanu wangu papamu na bhana bhangu na ngachembala kubha wa kulijeka,’ 6panihapa bambo waki anaandetaje palongi jaka Chapanga, na kumbeka pundyangu au pa ngelakete na kunhotola likutu laki kwa lukombu. Najombi anaantumakyaje bambo waki matamu ghaki ghokapi.
7“Mundu anaandombisi kamwali waki kubha mtumwa, ngayilekakewi kubha wa kulijeka ngati bhatumwa bha chikambaku mobhalekakewa. 8Ngati bambo waki joanhemili ngacheapala akubhaje nhwanu waki, na koni akabhi anhawile, bambo hoju ankelabhuhaje mwali hoju kwaka tati waki koanhemile. Bambo hoju ngaandombesa kabhete kwa bhagheni, maghambu lijambu leanhengile nde lijambu la ukoluheku. 9Ngati mundu anaanhemili mwali mtumwa na kuntoghukela mwana waki wa chikambaku, impalika antendilaje mtumwa hoju ngati akakamwali bhake. 10Ngati bambo hoju anatowili mbomba jongi, impalika ajendalyaje kungoha mbomba wa kutumbula kwa chilebhi, ingobhu na mambu ghokapi ghaghapalika kwaka mwanalomi na mbomba bhabhatoghuline. 11Ngati bambo hoju ngacheaweza kunhengela mambu ghatatu hagha, mbomba wa kutumbu hoju anaabhokaje na kubha wa kulijeka panga kundepa malepu ghokapi ghala gha mbija.
Shelia panani ja kubhapoteka bhandu bhangi
12“Mundu jokapi joandapula njaki na kunkoma, impalika najombi akomakikaje. 13Nambu ngati ngacheankomiki kwa kupala, nambu Chapanga akapaliki lipitalyaje bhenibhela, henu mundu jonihoju aweza kutilila pandu panunhwaghulyaje. 14Nambu ngati mundu anjendili njaki na kunkoma kwa kupala, hata ngati anakembalili pandu pangu pa kumokeha nyambiku, mumbohaje pandu pangu pa kubhokeha nyambiku hapa na kunkoma.
15“Mundu jokapi joandapula tati waki au mabhu waki, impalika akomakikaje.
16“Mundu jokapi joanjibha mundu nahuli kunhemalela au kuntenda mtumwa waki, ngati anakamuliki, impalika akomakikaje.
17“Mundu jokapi joampekeha masolu tati waki au mabhu waki, impalika akomakikaje.
18“Ngati bhandu bhabheli bhatenda kukomana na jumu anaandapwili njaki kwa liganga au kwa ngumi panga kunkoma, nambu anaampotiki na kuntenda alwalaje na kughonela pachitanda, 19ngati mundu joalapuliki hoju anapatiki mbanga na kuweza kujenda kwa ndonga, mundu joampotiki njaki hoju analekakiwaje. Nambu, anaandepaje mbija kwa chikahi cheantendiki ahoaje pachitanda, na impalika angohaje mbaka alamaje wichu.
20“Ngati mundu anaandapwili mtumwa waki wa chikambaku au wa chimbomba kwa ndonga na mtumwa hoju anaapotili palapala, impalika akomakikaje. 21Nambu mtumwa hoju anaalamike mu lichobha limu au la kabheli, bambo waki ngayitemuliwi, kwa ndandi jonihoju akabhili mtumwa waki.
22“Ngati akanalomi bhatenda kukomana na kumpoteka mbomba joabhili na chitumbu, najombi chitumbu anachibhokike, panga kumpoteka pandu pangi nakanope, mundu jola joampotiki mbomba hoju, apalika andepaje mbija ngati moayipalilaje ndomi waka mbomba hoju, na ngati bhatemula mobhitemulyaje. 23Nambu ngati anaapotakiki nakanope, bhela mundu jonihoju impalika alepaje womi kwa womi, 24lihu kwa lihu, linu kwa linu, chiwoku kwa chiwoku, chigholu kwa chigholu, 25kujochakeka moto kwa kujochakeka moto, chilonda kwa chilonda, kukopukana kwa kukopukana.
26“Ngati mundu anaandapwi mtumwa waki wa chikambaku au wa chimbomba mu lihu na kumpojola, impalika andeka kulijeka mtumwa jola kubha malepu gha lihu laki. 27Ngati anaandapwili mtumwa waki wa chimbomba au wa chikambaku na kumboha linu, impalika andekaje kulijeka mtumwa hoju kubha malepu gha linu laki.
Shelia ja kuighoha hinyama
28“Ngati ng'ombi anajuntutiki mundu kwa manyelu na kunkoma, ng'ombi heji anajikomakikaje kwa kulapulika kwa maganga na inyama jaki ngajileleka. Nambu mweni ng'ombi hoju anaalekakiwaje kulijeka. 29Nambu ngati ng'ombi heji jiyobhalili kubhatuta bhandu kwa manyelu, na mweni ng'ombi akakanakiwi nambu ngacheakajikongiki, ngati ng'ombi heji anajunkomiki mundu, jipalika ng'ombi heji jikomakikaje kwa kulapulika maganga, na mweni ng'ombi hoju ipalika akomakikaje. 30Nambu anangati mundu impalika kulepa nahuli kuukombola womi waki, henu aweza kulepa chokapi chela chechipalika kulepa. 31Shelia yenjenu anaitumikaje ngati ng'ombi anajuntutiki kwa manyelu mwana wa chikambaku waka mundu jongi au mwana wa chimbomba waka mundu jongi. 32Ngati ng'ombi anajuntutiki kwa manyelu mtumwa wa chikambaku au wa chimbomba, mweni ng'ombi anaandepaje ipandi selasini ya madini gha feza kwaka bambo mweni mtumwa hoju, na ng'ombi heji jipalika jikomakikaje kwa kulapulika maganga.
33“Mundu anaaliyekwili libhomba panga kuliyekalela, au anahembiki libhomba panga kuliyekalela, na ng'ombi au liponda laka mundu jongi analijibhili mkati jaki, 34mweni libhomba heli impalika alepaje, impalika andepaje mweni chinyama. Chinyama chechihwili hechi anachikubha chaka joakembiki libhomba. 35Ngati ng'ombi jaka mundu anajuntutiki ng'ombi jaka mundu jongi na kujikoma, henu bhandu anabhahemalyaje ng'ombi jejibhi jomi na kughabhana mbija heji kwa kulengana, bhelabhela bhaghabhanaje ng'ombi jejiwili jela. 36Nambu ngati ng'ombi heji jakabhili jiyobhalili kulapula bhajaki kwa manyelu na mweni jaki ngacheakajikongiki, impalika mweni ng'ombi alepaje ng'ombi kwa ng'ombi, na ng'ombi jejikomakiki jela anajikubha jaki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.