Kubhoka 23
23
Kubhahengela ghamboni bhandu na hinyama
1“Ngawitangaza malobhi gha upuhe. Ngawanjangatila mundu muhakau kwa kubha mlandilu wa upuhe. 2Ngawijengalela lipogha la bhandu kutenda mahakau, wala paubhoha ulandilu mu matakilu, ngawilombana na bhandu bhamaheli kubhoha ulandilu wa upuhe pachengu, 3wala ngawampendalela mundu kahochu kwa matakilu ghaki.
4“Ngati anaujiweni ng'ombi au liponda laka adui waku jihobha, ujitolaje na kunkelabhukila mweni jaki. 5Anauliweni liponda laka mundu joakuhakalila hoju ahawiki na chibwahila chaki, unjangatyaje mundu hoju kwa kulijemeka liponda laki, wala ngawandeka panga kunjangatila.
6“Pautemula matakilu ghaka mundu kahochu, utemulaje ngati moipalakila. 7Ulijepaje kutali na matakilu gha upuhi, wala ngawankoma mundu jwangakubha na lihoku au mundu ndongwana, maghambu nepani nganambalangili kubha ngacheabhi na lihoku jola joabhi muhakau. 8Ngawijopa ngolukelu, maghambu ngolukelu heji jipojola mihu gha bhala bhabhalola, na kukotoka kutemula ngati moipalakila kwa bhandu bhambone.
9“Ngamwambonela ngeni, maghambu mwehapa mabheti mmanyi ugheni moubhelela, kwa ndandi mwehapa mkabhili mwagheni ku inchi ja ku Misili.
Chaka cha saba na lichobha la saba
10“Kwa chikahi cha hyaka sita anampandaje imbeju mu mighonda jinu na kuhuna mahunu ghaki, 11nambu chaka cha saba ujilekaje mighonda jaku panga kupanda imbeju, nahuli akakahochu pachilanda ja bhandu bhangu bhapata kutondulakela chilebhi chechihighali monihomu, na hinyama ya muchitengu ikulaje. Utenda bhenibhela mu ngonda waku wa mizabibu na wa mizeituni.
12“Kwa machobha sita anautendaje lihengu laku, nambu lichobha la saba ngawihenga lihengu, nahuli ng'ombi yaku na liponda laku ipata kupomulela, na mtumwa waku na bhatumika bha chigheni bhapataje kuhekalela.
13“Ughakamulaje ghokapi ghanukupwaghile. Ngawilobha kwa mahina gha ichapanga yengi, wala ghanihagha ngaghijowaneka mundomu jaku.
Uwangalalu itatu ikolongwa
Kubhoka 34:18-26; Kombukombu la Tolati 16:1-17
14“Mala patatu kwa chaka undendilaje uwangalalu kwa kundopela nepani. 15Utendaje uwangalalu wa mabumunda ghangakujeghaleka amila, kwa machobha saba anaukulaje mabumunda ghangakujeghaleka amila ngati monukulaghalakile. Utendaje lijambu lenu kwa chikahi chechipangakiki mu mwehi wa Abibu, yani mwehi wa kachechi, kwa ndandi mu mwehi ghonihoghu mkabhokiki ku Misili. Mundu jokapi ngayihika palongi jangu kunyojabhela mabhoku matopu.
16“Utendaje uwangalalu wa mahunu gha kutumbula gha lihengu laku na mahunu gha mighonda jaku.
“Utendaje uwangalalu wa kubhongana mahunu mu ujomukelu wa chaka, chikahi pauhuna mahunu ghaku kuhuma mungonda. 17Mala patatu kwa chaka akanalomi bhokapi anabhalibhonganaje kujojabhela palongi jangu nepani Bambo Chapanga, Chapanga winu.
18“Pauchinja chinyama cha nyambiku mu uwangalalu yeniheyi, ngawimokeha papamu na libumunda lelibhili na amila. Wala ngawihighakila kughajocha mahuta gha chinyama cha nyambiku ya uwangalalu wangu mbaka lukela.
19“Mahunu gha kutumbula gha ngonda waku unetilaje mu nyumba jangu nepani Bambo Chapanga, Chapanga waku:
“Ngawitutuha mwanalimbeleli au mwanambuhi kwa kutumila mahibha ghaka mabhu waki.
Chilanga na malaghalakilu
20“Lingalyaje, nepani nuntuma mtumika wa kunani kumahundi akulongulyaje palongi jaku akulendaje mwindela na kukuleta mbaka pandu panukulenganakile. 21Njowanyaje na kuntii chela cheapwagha. Ngamwampenga, ndandi anamumpengike, jombi ngaandekakeli kumpenga kwinu, maghambu nuntumiki kwa lihina langu. 22Nambu ngati anankamwili chakaka chela cheapwagha na kuhenga ghokapi ghanaghalakila, panihapa nepani anangubha adui wa adui bhinu, na kubhapenga bhala bhabhumpenga mwehapa. 23Mtumika wangu wa kunani kumahundi anaandongulyaje palongi jinu na kundeta mu inchi jebhatama Bhaamoli, Bhahiti, Bhapelizi, Bhakanaani, Bhahivi na Bhayebusi, na nepani ananabhayonangaje bhanihabha bhokapi. 24Ngamwaichikamila ichapanga yabhu, wala kuijojabhela, wala kujengalela ntetu wabhu. Nambu mwiyonangaje ichapanga yabhu, na mtunyulanaje nguzu ya maganga ghabhu hipandi hipandi. 25Ngati anamnyojabhela nepani Bambo Chapanga, Chapanga winu, nepani ananumpengalyaje kwa chilebhi na machi na kundenda mwehapa ngamwilwala pachilanda jabhu, 26na njeta mbomba joanayonangaje chitumbu wala joanaakubhaje ngulumba mu inchi jaku. Nepani ananukupekyaje matamu malachu.
27“Ananabhatendaje bhandu bhokapi bhabhunhakalila mwehapa bhunjoghupaje. Ananabhayonguhaje malangu gha bhandu bhankomana nabhu. Na ananabhatendaje bhala bhamkomana nabhu bhang'anambukaje na kutila. 28Nanatu anambelakaje manyiwa palongi jaku ghabhatopulaje Bhahivi, Bhakanaani na Bhahiti bhabhokaje palongi jaku. 29Nambu nganabhatopoli bhandu bhanihabha kwa chaka chimu, kwa ndandi anandendiki bhenibhela inchi anajihighalya ukebha na hinyama ya muchitengu anaikubhaje yamaheli namaa kwaku. 30Ananabhatopulaje pachoku pachoku mbaka mwehapa pamwikubhaje njonjukiki na kujaghanila mu inchi jeniheji. 31Malindakilu gha inchi jinu anaghakubhaje kuhuma ku Bahali ja Shamu mbaka ku Bahali ja Meditelania, na kutumbula kulipololu mbaka ku Nkoka Eufulati. Maghambu ananabhabhekaje bhandu bhabhatama mu inchi yeniheyi pahi ja lujiniku lwaku, na wehapa anawatopulaje bhabhokaje palongi jaku. 32Ngamwitenda lulaghilu papamu nabhu, wala papamu na ichapanga yabhu. 33Ngamwaleka bhatamaje mu inchi jinu ngabhihika kuntenda mndendilaje mahoku nepani, maghambu ngati anamuijengalili ichapanga yabhu, chakaka anaikubha chimbenda kwinu cha kunkamula.”
Currently Selected:
Kubhoka 23: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
Kubhoka 23
23
Kubhahengela ghamboni bhandu na hinyama
1“Ngawitangaza malobhi gha upuhe. Ngawanjangatila mundu muhakau kwa kubha mlandilu wa upuhe. 2Ngawijengalela lipogha la bhandu kutenda mahakau, wala paubhoha ulandilu mu matakilu, ngawilombana na bhandu bhamaheli kubhoha ulandilu wa upuhe pachengu, 3wala ngawampendalela mundu kahochu kwa matakilu ghaki.
4“Ngati anaujiweni ng'ombi au liponda laka adui waku jihobha, ujitolaje na kunkelabhukila mweni jaki. 5Anauliweni liponda laka mundu joakuhakalila hoju ahawiki na chibwahila chaki, unjangatyaje mundu hoju kwa kulijemeka liponda laki, wala ngawandeka panga kunjangatila.
6“Pautemula matakilu ghaka mundu kahochu, utemulaje ngati moipalakila. 7Ulijepaje kutali na matakilu gha upuhi, wala ngawankoma mundu jwangakubha na lihoku au mundu ndongwana, maghambu nepani nganambalangili kubha ngacheabhi na lihoku jola joabhi muhakau. 8Ngawijopa ngolukelu, maghambu ngolukelu heji jipojola mihu gha bhala bhabhalola, na kukotoka kutemula ngati moipalakila kwa bhandu bhambone.
9“Ngamwambonela ngeni, maghambu mwehapa mabheti mmanyi ugheni moubhelela, kwa ndandi mwehapa mkabhili mwagheni ku inchi ja ku Misili.
Chaka cha saba na lichobha la saba
10“Kwa chikahi cha hyaka sita anampandaje imbeju mu mighonda jinu na kuhuna mahunu ghaki, 11nambu chaka cha saba ujilekaje mighonda jaku panga kupanda imbeju, nahuli akakahochu pachilanda ja bhandu bhangu bhapata kutondulakela chilebhi chechihighali monihomu, na hinyama ya muchitengu ikulaje. Utenda bhenibhela mu ngonda waku wa mizabibu na wa mizeituni.
12“Kwa machobha sita anautendaje lihengu laku, nambu lichobha la saba ngawihenga lihengu, nahuli ng'ombi yaku na liponda laku ipata kupomulela, na mtumwa waku na bhatumika bha chigheni bhapataje kuhekalela.
13“Ughakamulaje ghokapi ghanukupwaghile. Ngawilobha kwa mahina gha ichapanga yengi, wala ghanihagha ngaghijowaneka mundomu jaku.
Uwangalalu itatu ikolongwa
Kubhoka 34:18-26; Kombukombu la Tolati 16:1-17
14“Mala patatu kwa chaka undendilaje uwangalalu kwa kundopela nepani. 15Utendaje uwangalalu wa mabumunda ghangakujeghaleka amila, kwa machobha saba anaukulaje mabumunda ghangakujeghaleka amila ngati monukulaghalakile. Utendaje lijambu lenu kwa chikahi chechipangakiki mu mwehi wa Abibu, yani mwehi wa kachechi, kwa ndandi mu mwehi ghonihoghu mkabhokiki ku Misili. Mundu jokapi ngayihika palongi jangu kunyojabhela mabhoku matopu.
16“Utendaje uwangalalu wa mahunu gha kutumbula gha lihengu laku na mahunu gha mighonda jaku.
“Utendaje uwangalalu wa kubhongana mahunu mu ujomukelu wa chaka, chikahi pauhuna mahunu ghaku kuhuma mungonda. 17Mala patatu kwa chaka akanalomi bhokapi anabhalibhonganaje kujojabhela palongi jangu nepani Bambo Chapanga, Chapanga winu.
18“Pauchinja chinyama cha nyambiku mu uwangalalu yeniheyi, ngawimokeha papamu na libumunda lelibhili na amila. Wala ngawihighakila kughajocha mahuta gha chinyama cha nyambiku ya uwangalalu wangu mbaka lukela.
19“Mahunu gha kutumbula gha ngonda waku unetilaje mu nyumba jangu nepani Bambo Chapanga, Chapanga waku:
“Ngawitutuha mwanalimbeleli au mwanambuhi kwa kutumila mahibha ghaka mabhu waki.
Chilanga na malaghalakilu
20“Lingalyaje, nepani nuntuma mtumika wa kunani kumahundi akulongulyaje palongi jaku akulendaje mwindela na kukuleta mbaka pandu panukulenganakile. 21Njowanyaje na kuntii chela cheapwagha. Ngamwampenga, ndandi anamumpengike, jombi ngaandekakeli kumpenga kwinu, maghambu nuntumiki kwa lihina langu. 22Nambu ngati anankamwili chakaka chela cheapwagha na kuhenga ghokapi ghanaghalakila, panihapa nepani anangubha adui wa adui bhinu, na kubhapenga bhala bhabhumpenga mwehapa. 23Mtumika wangu wa kunani kumahundi anaandongulyaje palongi jinu na kundeta mu inchi jebhatama Bhaamoli, Bhahiti, Bhapelizi, Bhakanaani, Bhahivi na Bhayebusi, na nepani ananabhayonangaje bhanihabha bhokapi. 24Ngamwaichikamila ichapanga yabhu, wala kuijojabhela, wala kujengalela ntetu wabhu. Nambu mwiyonangaje ichapanga yabhu, na mtunyulanaje nguzu ya maganga ghabhu hipandi hipandi. 25Ngati anamnyojabhela nepani Bambo Chapanga, Chapanga winu, nepani ananumpengalyaje kwa chilebhi na machi na kundenda mwehapa ngamwilwala pachilanda jabhu, 26na njeta mbomba joanayonangaje chitumbu wala joanaakubhaje ngulumba mu inchi jaku. Nepani ananukupekyaje matamu malachu.
27“Ananabhatendaje bhandu bhokapi bhabhunhakalila mwehapa bhunjoghupaje. Ananabhayonguhaje malangu gha bhandu bhankomana nabhu. Na ananabhatendaje bhala bhamkomana nabhu bhang'anambukaje na kutila. 28Nanatu anambelakaje manyiwa palongi jaku ghabhatopulaje Bhahivi, Bhakanaani na Bhahiti bhabhokaje palongi jaku. 29Nambu nganabhatopoli bhandu bhanihabha kwa chaka chimu, kwa ndandi anandendiki bhenibhela inchi anajihighalya ukebha na hinyama ya muchitengu anaikubhaje yamaheli namaa kwaku. 30Ananabhatopulaje pachoku pachoku mbaka mwehapa pamwikubhaje njonjukiki na kujaghanila mu inchi jeniheji. 31Malindakilu gha inchi jinu anaghakubhaje kuhuma ku Bahali ja Shamu mbaka ku Bahali ja Meditelania, na kutumbula kulipololu mbaka ku Nkoka Eufulati. Maghambu ananabhabhekaje bhandu bhabhatama mu inchi yeniheyi pahi ja lujiniku lwaku, na wehapa anawatopulaje bhabhokaje palongi jaku. 32Ngamwitenda lulaghilu papamu nabhu, wala papamu na ichapanga yabhu. 33Ngamwaleka bhatamaje mu inchi jinu ngabhihika kuntenda mndendilaje mahoku nepani, maghambu ngati anamuijengalili ichapanga yabhu, chakaka anaikubha chimbenda kwinu cha kunkamula.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.