Kubhoka 35
35
Malaghalakilu gha Sabato
1Musa akabhabhongini bhandu bhokapi bha Bhaizilaeli na kubhapwaghila, “Ghangani nde mambu ambaghu Bambo Chapanga andaghalakili mwehapa mughatendaje. 2Mtendaje mahengu ghinu kwa machobha sita, nambu lichobha la saba analikubhaje lichobha lihuhu kwinu, nde Sabato ja kupomulela kwaka Bambo Chapanga. Mundu jokapi joanatendaje lihengu lokapi lela mu lichobha leniheli impalika akomakikaje. 3Ngamwipambakila moto mu manyumba ghinu mu Lichobha la Sabato.”
Michangu kwa ndandi ja Lihema Lihuhu
Kubhoka 25:1-9
4Musa akalongili na uhimanganu wokapi wa Bhaizilaeli, akapwaghaje, “Lendenu nde lealaghalakile Bambo Chapanga. 5Mbohaje mu mali ghinu nhupu ya kumpekeha Bambo Chapanga. Kila jumu joabhili na mtima wa kupala, aletaje nhupu yaki kwaka Bambo Chapanga nhupu ya zahabu, madini gha feza na shaba, 6na uzi ya langi ja buluu, ya langi ja zambalau, langi jikeli na ingobhu jinyahi jihuhu, na ingobhu jejilokakiki kwa mangoma gha imbuhi, 7hingumba ya mambeleli makambaku yeijeghaliki langi jikeli na hingumba ya hinyama ya mumachi, na mbau ya nkongu wa mshita, 8mahuta gha zeituni kwa ndandi ja kupambakila taa, hiungu ya kubheka mu mahuta gha kujeghalewa, na kwa ndandi ja ubane ghounungila wichu, 9maganga gha mbija yamaheli ghaghalowakeka shohamu, na maganga ghangi gha mbija yamaheli kwa ndandi ja mapambu gha chizibau chaka mpenganyambiku na chifuku cha pachihimba.
Hindu yeipalika mu Lihema Lihuhu
Kubhoka 39:32-43
10“Kila mundu joabhili na umanyi pachilanda jinu ibhapalika kuhika na kulenganakela kila chindu Bambo Chapanga chealaghalakili: 11Kulenganakela Lihema Lihuhu, chiyekalelu chaki, hikamulakilu, mbau yaki, fitu yaki, mapali ghaki na hitamilu yaki. 12Lisanduku la Lulaghilu papamu na mipeku jaki ja kutotulela, na chifuniku cha chiha, na lipazia la Pandu Pahuhu Nakanope, 13meza na mipeku jaki papamu na yombu yaki yokapi, na mabumunda ghaghabhekakiki palongi jaka Bambo Chapanga, 14chinala cha taa kwa ndandi ja unang'anu, papamu na yombu yaki yokapi, taa na mahuta kwa ndandi ja unang'anu, 15lisanduku la kuhukiha ubani papamu na mipeku jaki, mahuta gha kujegalewa na ubani ghounungila wichu, lipazia la pundyangu pandu pa kujingalila mkati ja Lihema Lihuhu, 16lisanduku la kubhokeha nyambiku ja kujochakeka papamu na waya waki wa shaba, na mipeku jaki na yombu yaki yokapi, liteleku la shaba papamu na chitamilu chaki, 17lipazia la liwangala la lihema papamu na mapali ghaki na hitamilu yaki, na lipazia la pundyangu wa liwangala, 18higingi ya Lihema Lihuhu, na higingi ya liwangala papamu na mighoji jaki, 19ingobhu yeilokakiki wichu nakanopi kwa ndandi ja lihengu la Pandu Pahuhu, yani ingobhu ihuhu yaka mpenganyambiku Haluni na bhana bhaki, kwa ndandi ja kuhenga lihengu labhu la upenganyambiku.”
Bhandu bhaleta nhupu yabhu
20Panihapa bhandu bhokapi bha Izilaeli bhakabhokiki palongi jaka Musa, 21na kila mundu joakabhili na mtima wa kupala, akumbokihi nhupu Bambo Chapanga. Bhakaletiki kila chindu chechapaliki kuhengela lihengu la mu Lihema Lihuhu, mahengu ghaki ghokapi na kulenganakela ingobhu ihuhu. 22Bhokapi bhabhakabhili na mtima wa kubhoha, akanalomi kwa akambomba, bhakaletiki ipini, ndolowa, peti, ibangili, na hindu yokapi ya zahabu. Kila mundu akabhohiki nhupu wa zahabu kwa ndandi jaka Bambo Chapanga. 23Kila mundu joakabhili na uzi wa langi ja buluu, langi ja zambalau, na langi jikeli, ingobhu jinyaji jihuhu, na ingobhu ya mangoma gha imbuhi, hingumba ya mambeleli makambaku yeijeghaliki langi jikeli, na hingumba ya hinyama ya mumachi, akailetike. 24Bhokapi bhakaletiki nhupu ya madini gha feza, shaba, na kumbokeha Bambo Chapanga, na kila joakabhili na mbau ya nkongu wa mshita kwa ndandi ja kutumila lihengu lokapi lela, akailetike. 25Akambomba bhokapi bhabhakabhili na umanyi wa kuloka, bhakailetiki hindu yabhu yebhakalokiki kwa uzi wa langi ja buluu, zambalau, langi jikeli, na ingobhu jinyahi jihuhu. 26Na akambomba bhokapi bhabhakabhili na umanyi bhakalokiki ingobhu ya mangoma gha imbuhi. 27Hiongozi bhakaletiki maganga gha mbija yamaheli ghaghalowakeka shohamu, papamu na maganga ghangi gha kupamba chizibau na chifuku cha pachihimba. 28Bhelabhela bhakaletiki ihungu na mahuta gha zeituni kwa ndandi ja taa, mahuta gha kujegalewa na ubani ghounungila wichu. 29Bhaizilaeli bhokapi akanalomi kwa akambomba, bhakailetiki hindu yabhu palongi jaka Bambo Chapanga kwa kupala bhene, nhupu kwa ndandi ja lihengu lokapi laka Bambo Chapanga leakabhili abhalaghalakili kulihenga kupetela kwaka Musa.
Bhalenganakela bha Lihema Lihuhu
Kubhoka 31:1-11
30Bhela Musa akabhapwaghili Bhaizilaeli, “Mlingalyaje, Bambo Chapanga anhawili Bezaleli, mwana waka Uri, Uri hoju tati waki akabhi Huri, wa likabila laka Yuda, 31najombi antwelakili Roho waka Chapanga, na antendiki akubhaje na mbulau, uwezu, umanyi, wa kuhenga mahengu gha kila ntundu gha kulenganakela hindu, 32nahuli abyaje funde mnyahi wa kuhumbula mahengu gha kutumila malangu na kulenganakela hindu ya zahabu, na madini gha feza na shaba, 33numpekihi umanyi wa kuhongola maganga gha kupamba, na kuhongola milyangu, na umanyi wa kila ntundu wa ufunde. 34Bhelabhela ampekihi umanyi hoghu Bezaleli na Ohaliabu, mwana waka Ahisamaki, wa likabila laka Dani, bhawezaje kubhabhola bhandu bhange. 35Bambo Chapanga abhapekihi bhandu bhanihabha umanyi wa kuhenga lihengu la ntundu wokapi wa ufunde lelihengakeka na bhandu bhabhabheka mapambu kwa uzi wa langi ya buluu, na zambalau, na jikeli, na ingobhu jinyahi jihuhu, na umanyi wa kila ntundu wa ufunde.
Currently Selected:
Kubhoka 35: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
Kubhoka 35
35
Malaghalakilu gha Sabato
1Musa akabhabhongini bhandu bhokapi bha Bhaizilaeli na kubhapwaghila, “Ghangani nde mambu ambaghu Bambo Chapanga andaghalakili mwehapa mughatendaje. 2Mtendaje mahengu ghinu kwa machobha sita, nambu lichobha la saba analikubhaje lichobha lihuhu kwinu, nde Sabato ja kupomulela kwaka Bambo Chapanga. Mundu jokapi joanatendaje lihengu lokapi lela mu lichobha leniheli impalika akomakikaje. 3Ngamwipambakila moto mu manyumba ghinu mu Lichobha la Sabato.”
Michangu kwa ndandi ja Lihema Lihuhu
Kubhoka 25:1-9
4Musa akalongili na uhimanganu wokapi wa Bhaizilaeli, akapwaghaje, “Lendenu nde lealaghalakile Bambo Chapanga. 5Mbohaje mu mali ghinu nhupu ya kumpekeha Bambo Chapanga. Kila jumu joabhili na mtima wa kupala, aletaje nhupu yaki kwaka Bambo Chapanga nhupu ya zahabu, madini gha feza na shaba, 6na uzi ya langi ja buluu, ya langi ja zambalau, langi jikeli na ingobhu jinyahi jihuhu, na ingobhu jejilokakiki kwa mangoma gha imbuhi, 7hingumba ya mambeleli makambaku yeijeghaliki langi jikeli na hingumba ya hinyama ya mumachi, na mbau ya nkongu wa mshita, 8mahuta gha zeituni kwa ndandi ja kupambakila taa, hiungu ya kubheka mu mahuta gha kujeghalewa, na kwa ndandi ja ubane ghounungila wichu, 9maganga gha mbija yamaheli ghaghalowakeka shohamu, na maganga ghangi gha mbija yamaheli kwa ndandi ja mapambu gha chizibau chaka mpenganyambiku na chifuku cha pachihimba.
Hindu yeipalika mu Lihema Lihuhu
Kubhoka 39:32-43
10“Kila mundu joabhili na umanyi pachilanda jinu ibhapalika kuhika na kulenganakela kila chindu Bambo Chapanga chealaghalakili: 11Kulenganakela Lihema Lihuhu, chiyekalelu chaki, hikamulakilu, mbau yaki, fitu yaki, mapali ghaki na hitamilu yaki. 12Lisanduku la Lulaghilu papamu na mipeku jaki ja kutotulela, na chifuniku cha chiha, na lipazia la Pandu Pahuhu Nakanope, 13meza na mipeku jaki papamu na yombu yaki yokapi, na mabumunda ghaghabhekakiki palongi jaka Bambo Chapanga, 14chinala cha taa kwa ndandi ja unang'anu, papamu na yombu yaki yokapi, taa na mahuta kwa ndandi ja unang'anu, 15lisanduku la kuhukiha ubani papamu na mipeku jaki, mahuta gha kujegalewa na ubani ghounungila wichu, lipazia la pundyangu pandu pa kujingalila mkati ja Lihema Lihuhu, 16lisanduku la kubhokeha nyambiku ja kujochakeka papamu na waya waki wa shaba, na mipeku jaki na yombu yaki yokapi, liteleku la shaba papamu na chitamilu chaki, 17lipazia la liwangala la lihema papamu na mapali ghaki na hitamilu yaki, na lipazia la pundyangu wa liwangala, 18higingi ya Lihema Lihuhu, na higingi ya liwangala papamu na mighoji jaki, 19ingobhu yeilokakiki wichu nakanopi kwa ndandi ja lihengu la Pandu Pahuhu, yani ingobhu ihuhu yaka mpenganyambiku Haluni na bhana bhaki, kwa ndandi ja kuhenga lihengu labhu la upenganyambiku.”
Bhandu bhaleta nhupu yabhu
20Panihapa bhandu bhokapi bha Izilaeli bhakabhokiki palongi jaka Musa, 21na kila mundu joakabhili na mtima wa kupala, akumbokihi nhupu Bambo Chapanga. Bhakaletiki kila chindu chechapaliki kuhengela lihengu la mu Lihema Lihuhu, mahengu ghaki ghokapi na kulenganakela ingobhu ihuhu. 22Bhokapi bhabhakabhili na mtima wa kubhoha, akanalomi kwa akambomba, bhakaletiki ipini, ndolowa, peti, ibangili, na hindu yokapi ya zahabu. Kila mundu akabhohiki nhupu wa zahabu kwa ndandi jaka Bambo Chapanga. 23Kila mundu joakabhili na uzi wa langi ja buluu, langi ja zambalau, na langi jikeli, ingobhu jinyaji jihuhu, na ingobhu ya mangoma gha imbuhi, hingumba ya mambeleli makambaku yeijeghaliki langi jikeli, na hingumba ya hinyama ya mumachi, akailetike. 24Bhokapi bhakaletiki nhupu ya madini gha feza, shaba, na kumbokeha Bambo Chapanga, na kila joakabhili na mbau ya nkongu wa mshita kwa ndandi ja kutumila lihengu lokapi lela, akailetike. 25Akambomba bhokapi bhabhakabhili na umanyi wa kuloka, bhakailetiki hindu yabhu yebhakalokiki kwa uzi wa langi ja buluu, zambalau, langi jikeli, na ingobhu jinyahi jihuhu. 26Na akambomba bhokapi bhabhakabhili na umanyi bhakalokiki ingobhu ya mangoma gha imbuhi. 27Hiongozi bhakaletiki maganga gha mbija yamaheli ghaghalowakeka shohamu, papamu na maganga ghangi gha kupamba chizibau na chifuku cha pachihimba. 28Bhelabhela bhakaletiki ihungu na mahuta gha zeituni kwa ndandi ja taa, mahuta gha kujegalewa na ubani ghounungila wichu. 29Bhaizilaeli bhokapi akanalomi kwa akambomba, bhakailetiki hindu yabhu palongi jaka Bambo Chapanga kwa kupala bhene, nhupu kwa ndandi ja lihengu lokapi laka Bambo Chapanga leakabhili abhalaghalakili kulihenga kupetela kwaka Musa.
Bhalenganakela bha Lihema Lihuhu
Kubhoka 31:1-11
30Bhela Musa akabhapwaghili Bhaizilaeli, “Mlingalyaje, Bambo Chapanga anhawili Bezaleli, mwana waka Uri, Uri hoju tati waki akabhi Huri, wa likabila laka Yuda, 31najombi antwelakili Roho waka Chapanga, na antendiki akubhaje na mbulau, uwezu, umanyi, wa kuhenga mahengu gha kila ntundu gha kulenganakela hindu, 32nahuli abyaje funde mnyahi wa kuhumbula mahengu gha kutumila malangu na kulenganakela hindu ya zahabu, na madini gha feza na shaba, 33numpekihi umanyi wa kuhongola maganga gha kupamba, na kuhongola milyangu, na umanyi wa kila ntundu wa ufunde. 34Bhelabhela ampekihi umanyi hoghu Bezaleli na Ohaliabu, mwana waka Ahisamaki, wa likabila laka Dani, bhawezaje kubhabhola bhandu bhange. 35Bambo Chapanga abhapekihi bhandu bhanihabha umanyi wa kuhenga lihengu la ntundu wokapi wa ufunde lelihengakeka na bhandu bhabhabheka mapambu kwa uzi wa langi ya buluu, na zambalau, na jikeli, na ingobhu jinyahi jihuhu, na umanyi wa kila ntundu wa ufunde.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.