Utumbulilu 13
13
Abulamu alekana na Lutu
1Bhela, Abulamu akakelawiki kuhuma ku Misili kujenda ku upambala wa Negebu.#13:1 Negebu ndandi jaki nde kunkachi Akabhi jombi na nhwanu waki na hindu yaki yokapi, papamu na Lutu. 2Abulamu akabhi na hindu yamaheli namaa, akabhi na mambeleli, imbuhi na ng'ombi, na mbija na madini gha zahabu. 3Akajendali na mwanja kuhuma ku Negebu mbaka ku muchi wa Beseli. Na akahikiki pandu paakabhekiki likambi pakutumbula hapa, pachilanda ja muchi wa Beseli na muchi wa Ai, 4pandu ambapu akabhi achengiki chihanja cha nyambiku pakutumbula hapa. Panihapa Abulamu akalobhiki kwa lihina laka Bambo.
5Bhelabhela Lutu joakapiti papamu na Abulamu, najombi akabhi na mapogha gha imbuhi, mambeleli, ng'ombi na mahema. 6Ubhalangiku wa hinyama yabhu wakabhi ukolongwa namaa hata inchi jela ngachejaweziki kujaghanila Abulamu na Lutu kutama papamu. 7Bhela, kukapitali kulochana pachilanda ja bhadima bhaka Abulamu na bhadima bhaka Lutu. Chikahi chenihechi, Bhakanaani na Bhapelizi nde bhabhakabhi bhenei bha inchi jeniheji.
8Panihapa Abulamu akumpwaghi Lutu, “Ngakwikubha na kulochana pachilanda jaku wehapa na nepani, wala pachilanda ja bhadima bhangu na bhadima bhaku, maghambu tepani tabhalongo. 9Bho, inchi jenjenu jokapi le ngachejibhi palongi jako? Chondi nukujopa tulekanaje. Anaupiti upambala wa kumangeja, nepani ananyenda upambala wa kumalelelu, na anaupiti upambala wa kumalelelu, nepani ananyenda upambala wa kumangeja.”
10Lutu akalingalili na kulibhona libondi lokapi la nkoka Yoludani, akaweni kubha libhi na machi ghamaheli, ngati Chijongu chaka Bambo na ngati inchi ja Misili upambala wa Soali. Mambu ghanihagha ghakahengakiki mangani Chapanga ngacheayoningi michi ja Sodoma na Gomola. 11Bhela, Lutu akahawili libondi lokapi la nkoka Yoludani, upambala wa kolipita lyobha, na panihapa bhakalekine. 12Abulamu akatami mu inchi ja Kanaani, na Lutu akatami pachilanda ja michi ja libondi jela, na kuhamila na mahema ghaki pambipi na Sodoma. 13Nambu bhandu bha ku Sodoma bhakabhi bhahakau, na kuhenga namaa mahoku palongi jaka Bambo.
Abulamu ahamila ku Hebuloni
14Lutu paakalekini na Abulamu, Bambo akumpwaghi Abulamu, “Ubhoka kuhuma paubhi hapa ulingaje ipambala yokapi: Upambala wa Kunkachi, wa Kungonde, wa Kolipita lyobha na Kolijibhi lyobha. 15Inchi jokapi jeujibhona ananukupekya wehapa na lubheleku lwaku hata mileli. 16Lubheleku lwaku ananulutenda kubha lukolongwa ngati luhombi lwa ndema, ngati mundu aweza kulubhalanga luhombi lwa ndema, bhela bhela na lubheleku lwaku analubhalangikaje. 17Ubhokaje, ukajendaje mu inchi ajeji kwa upana na ulachu waki, maghambu ananukupekya wehapa inchi jeniheji.” 18Panihapa Abulamu akabhohiki mahema ghaki, na kujenda kutama pambipi na mialoni ja Mamile ku Hebuloni hoku, na konihoku akunchengi Bambo Chapanga chihanja cha nyambiku.
Currently Selected:
Utumbulilu 13: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
