Jọn 4
4
Ñwan Emi Enyenede Mme Ebe Ition
1Mme Farisi ema ekop ete ke Jisọs ke ọkọkọ onyuñ enenim ediwak owo babtisim akan nte Jọn akanamde, 2okposuk edi oro, ke akpanikọ, mikedighe Jisọs ke idem Esie ekenim mme owo babtisim edi ekedi mme mbet Esie ekenim mme owo babtisim. 3Ke ini Jisọs okokopde abaña ñkpọ emi, Enye adaha ọkpọñ Judia ndien ọtọñọ ntak aka Kalili ini kiet efen.
4Enye ekenyene ndisaña mbe ke Sameria. 5Enye ama edisim obio kiet ke Sameria emi ekekotde Saika, emi mikeyomke usuñ ikpọñ isọñ emi Jekọb ọkọnọde eyen esie Josef. 6Obube mmọñ Jekọb ama odu ekpere, ndien ke mba anyan isañ, Enye ama ọsuhọde etie ke mben obube mmọñ oro. Emi ekedi ke ñkpọ nte ufọt uwemeyo.
7Ikebighike ñwan Sameria kiet ama edi ndiduri mmọñ, ndien Jisọs ama ọdọhọ enye ete, “Nọ Mi mmọñ ññwọñ.” 8Enye eketie ikpọñ ke mben obube emi, koro kpukpru mbet Esie ema edaha eduk esit obio ndikedep udia. 9Idem ama akpa eyen añwan Sameria eti eti, do enye ama ọbọrọ Jisọs ete, “Ete, Afo edi owo Ju, ndien ami ndi ñwan Sameria. Didie ke Afo ekeme ndibeñe mi mmọñ ke ini mme Ju minyeneke ebuana ye mbon Sameria?”
10Jisọs ama ọbọrọ enye ete, “Edieke afo ọkpọfiọkde se Abasi ekemede ndinọ kpa ye idem owo emi ebeñede fi mmọñ ndiñwọñ, afo akpakam ebeñe Enye ndien Enye ọkpọnọ fi oduuwem mmọñ.”
11Edi ñwan emi ọdọhọ Enye ete, Ete, “Afo unyeneke uruk mme abañ ukoi mmọñ; ndien ñko, obube mmọñ emi ọtuñọ eti eti. Afo ududa oduuwem mmọñ emi ke mmọñ? 12Nte afo omokpon akan ete ñnyin Jekọb emi ọkọnọde ñnyin obube mmọñ emi, onyuñ etiene ọñwọñ ke idem esie, kpa ye kpukpru mme nditọ ye mme ufene esie?”
13Jisọs ama ọbọrọ enye ete, “Owo ekededi emi ọñwọñde mmọñ enye emi, eyetọñọ ntak okop nsatitọñ, 14edi owo kiet ekededi emi ọñwọñde mmọñ enye emi Ami nnọde enye idikopke aba nsatitọñ. Ke akpanikọ, mmọñ emi Ami nnọde enye eyekabade edi obube mmọñ ke idem esie emi edinọde enye mmọñ uwem, onyuñ ọnọ enye nsinsi uwem.”
15Ñwan oro ama ebeñe Enye ete, “Ete, mbọk nọ mi oduuwem mmọñ oro man itọñ okusat mi aba, man ami ntre ndidi ke obube enye emi ndiduri mmọñ.”
16Jisọs ama ọdọhọ enye ete, “Ka ndien kokot ebe fo, nyuñ saña ye enye edi.”
17Edi ñwan oro ama ọbọrọ ete, “Ami ñnyeneke ebe.” Jisọs ama ọbọrọ ete, “Afo emenen, ke emi afo ọdọhọde ete imọ inyeneke ebe. 18Akpanikọ kedi, afo ama ọdọdọ mme ebe ition, ndien owo emi afo oduñde ye enye ke ufọk idahaemi idighe ebe fo, se afo etiñde edi akpanikọ.”
19Eyen añwan emi ama ọdọhọ ete, “Ete ami mmokut nte ke afo edi Asiak Uduak Abasi. 20Koro mme ete ete ñnyin ke Sameria ekekpono Abasi ke enyọñ obot emi, edi mbufo mme Ju edọhọ ete ke Jerusalem edi ebiet emi ñnyin inyenede ndikpono Abasi.”
21Jisọs ama ọdọhọ enye ete, “Eyen añwan, nim Mi ke akpanikọ, ini ke ededi emi mme owo midikponoke Ete Mi ke obot emi, mme ke Jerusalem. 22Koro mbufo mbon Sameria itimke ifiọk enye emi mbufo etuakde ibuot enọ; ñnyin mme Ju imọdiọñọ Enyemi ñnyin ituakde ibuot inọ, koro edinyaña otode ke ubon mme Ju. 23Edi ini ke ededi, ndien omonyuñ ededi ama, emi ata mme andituak ibuot edituakde ibuot inọ Ete ke Spirit ye ke akpanikọ. 24Abasi edi Spirit, ndien mme andituak ibuot nnọ Enye enyene ndituak ibuot nnọ Enye ke Spirit ye ke akpanikọ.”
25Ñwan oro ama ọdọhọ Enye ete, “Ami mmọfiọk nte ke Andinyaña emi ekotde Kraist ke ededi, ndien ke Enye ama edi, Enye eyenam kpukpru ñkpọ añwaña ñnyin.”
26Do ke Jisọs akayarade ọnọ enye ete, “Ami emi ntiñde ikọ ye afo ndi Enye.”
27Kpa ke ndo ndo oro mme mbet Esie ema enyọñọ edi, ndien idem ama akpa mmọ ke ndisobo Enye nte etiñde ikọ ye eyen añwan. Edi mmọ ndomokiet ikebupke eyen añwan oro ete, “Nso ke afo oyom?” Mme ndibup Jisọs ete, “Ntaha Afo enemede nneme ye eyen añwan emi-e?”
28Do ke eyen añwan emi akadaha ọkpọñ otu mmọñ esie ke mben obube mmọñ, ndien enye ama afiak aka esit obio, onyuñ ọkọdọhọ mme owo do ete, 29“Edi edise owo emi etiñde kpukpru se ami ñkanamde ọnọ mi. Nte emi idighe Kraist oro?” 30Ntre ke ediwak owo ekewọñọ ke obio, eka ebine Jisọs.
31Ke ufọt ini oro mme mbet ke ekekpe ye Jisọs ete, “Andikpep dia ñkpọ.” 32Edi Enye ama ọbọrọ mmọ ete, “Ami menyene udia ndidia emi mbufo midiọñọke ñkpọ ibaña.”
33Do ke mme mbet Esie ekeneme ke ufọt mmọ ete, “Nte owo ndomokiet ama ada udia ọsọk Enye?”
34Jisọs anam añwaña mmọ añwa añwa ete, “Udia Mi edi ndinam uduak Enyemi ọkọdọñde Mi, ñnyuñ nnam utom Esie mma. 35Nte mbufo idọhọke ite ke ayak ọfiọñ inañ ndien esim ini idọk? Edi Ami ndọhọ mbufo nte yak etat enyin mbufo ndien etim ese iñwañ idọk, kpukpru ñkpọ ke iñwañ esọñ, ekem ini idọk. 36Owo emi ọdọkde idọk eyebọ okuk utom esie, ndien enye ọkọ idọk esie enim ọnọ nsinsi uwem, man otodo owo emi ọkọtọde ye enye emi ọdọkde ekpedara ebiet kiet. 37Se esitiñde emi edi akpanikọ, nte, ke owo kiet ọtọtọ, owo efen ọdọdọk. 38Ami ñkọdọñ mbufo nte ekedọk se mbufo miketọhọ. Mbio efen ema enanam kpukpru ñkpọsọñ utom ke iñwañ emi, ndien idahaemi mbufo emedọk nti idọk eto akwa utom mmọ.”
39Ndien ediwak mbon Sameria emi etode obio oro ema enim kpukpru ikọ Esie ke akpanikọ oto ke ntak ikọ ntiense emi ñwan oro eketiñde ete, “Enye ama etiñ ọnọ mi kpukpru se ñkenanam.” 40Ke ntre ke ini mbon obio Sameria oro ekedide ebine Enye, mmọ ema ekpe ye Enye, ete, yak Enye adañ ye mmimọ; ndien Jisọs ama adañ ye mmọ usen iba. 41Mme ediwak mmọ efen ema enim ke akpanikọ eto ke mme ikọ Esie. 42Ndien mmọ edọhọ ñwan oro ete, “Ñnyin imenim idahaemi ke akpanikọ, itoho ke se afo eketiñde, edi oto koro ñnyin ke idem ñnyin imokop iko Esie, ndien ñnyin imetim idiọñọ ite ke Enye ke akpanikọ edi Andinyaña ererimbot.”
43Ke Jisọs ama akadañ usen iba do, Enye ama ọkpọñ do aka Kalili. 44Koro Jisọs ke idem Esie ama ọdọhọ ete, “Prọfet inyeneke ukpono ke obio Esie.” 45Ke ini Enye ama ekesim Kalili, mbon obio Kalili ema edara Enye eti eti, koro mmọ ema ekut kpukpru se Enye akanamde ke Jerusalem ke ini usọrọ uwọrọ ufin, sia kpukpru mmọ ekedude do ñko ke Jerusalem.
Ema Ekọk Eyen Akwa Owo Utom Udọñọ
46Jisọs ama ọtọñọ ntak aka Kenan ke Kalili, ebiet emi Enye akanamde mmọñ akabade wain. Ndien owo anam utom ukara kiet ama odu do emi eyen eren owo esie ọkọdọñọde ke Kapanọm. 47Ke ini owo emi okokopde ete ke Jisọs ama oto Judia edisim Kalili, enye ama ebine Enye onyuñ ekebeñe Enye ete, yak Enye edika Kapanọm ọkọkọk eyen imọ emi ọkọdọñọde ekpere ndikpa.
48Jisọs ama ọdọhọ enye ete, “Mbufo ndomokiet ikemeke ndinim ke akpanikọ tutu mbufo ekut mme ikpọ utom odudu ye mme ñkpọ ñkpaidem.”
49Owo emi ama ọbọrọ ete, “Ete tiene mi mbak eyen mi edikpa.”
50Jisọs ama ọbọrọ enye ete, “Afo emekeme ndinyọñ, eyen fo eyedu uwem.” Owo emi ama onim ikọ Jisọs ke akpanikọ onyuñ ọnyọñ. 51Kadaña ini emi Enye okosuk odude ke usuñ unyọñ, mme nditọ ufọk esie ema ekesobo enye ke usuñ ye eti etop emi, ete, “Eyen fo odu uwem.” 52Enye ama obup mmọ ini emi eyen esie ọkọtọñọde ndikop nsọñidem, ndien mmọ ema ebọrọ ete, ekedi ke ñkpọ nte ñkanika kiet uwemeyo ñkpọñ ke ufiopidem ọkọkpọñ enye. 53Ete eyen emi ama eti ke ndo ndo oro nte ke ekedi kpa ke ukem ini oro ke Jisọs ọkọdọhọ imọ ete, “Eyen fo eyedu uwem.” Ke ntak emi, enye ye ofuri ufọk esie ema enim ke akpanikọ.
54Emi ekedi udiana utom odudu emi Jisọs akanamde ke Enye ama okoto Judia ọnyọñ edi Kalili.
Currently Selected:
Jọn 4: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Jọn 4
4
Ñwan Emi Enyenede Mme Ebe Ition
1Mme Farisi ema ekop ete ke Jisọs ke ọkọkọ onyuñ enenim ediwak owo babtisim akan nte Jọn akanamde, 2okposuk edi oro, ke akpanikọ, mikedighe Jisọs ke idem Esie ekenim mme owo babtisim edi ekedi mme mbet Esie ekenim mme owo babtisim. 3Ke ini Jisọs okokopde abaña ñkpọ emi, Enye adaha ọkpọñ Judia ndien ọtọñọ ntak aka Kalili ini kiet efen.
4Enye ekenyene ndisaña mbe ke Sameria. 5Enye ama edisim obio kiet ke Sameria emi ekekotde Saika, emi mikeyomke usuñ ikpọñ isọñ emi Jekọb ọkọnọde eyen esie Josef. 6Obube mmọñ Jekọb ama odu ekpere, ndien ke mba anyan isañ, Enye ama ọsuhọde etie ke mben obube mmọñ oro. Emi ekedi ke ñkpọ nte ufọt uwemeyo.
7Ikebighike ñwan Sameria kiet ama edi ndiduri mmọñ, ndien Jisọs ama ọdọhọ enye ete, “Nọ Mi mmọñ ññwọñ.” 8Enye eketie ikpọñ ke mben obube emi, koro kpukpru mbet Esie ema edaha eduk esit obio ndikedep udia. 9Idem ama akpa eyen añwan Sameria eti eti, do enye ama ọbọrọ Jisọs ete, “Ete, Afo edi owo Ju, ndien ami ndi ñwan Sameria. Didie ke Afo ekeme ndibeñe mi mmọñ ke ini mme Ju minyeneke ebuana ye mbon Sameria?”
10Jisọs ama ọbọrọ enye ete, “Edieke afo ọkpọfiọkde se Abasi ekemede ndinọ kpa ye idem owo emi ebeñede fi mmọñ ndiñwọñ, afo akpakam ebeñe Enye ndien Enye ọkpọnọ fi oduuwem mmọñ.”
11Edi ñwan emi ọdọhọ Enye ete, Ete, “Afo unyeneke uruk mme abañ ukoi mmọñ; ndien ñko, obube mmọñ emi ọtuñọ eti eti. Afo ududa oduuwem mmọñ emi ke mmọñ? 12Nte afo omokpon akan ete ñnyin Jekọb emi ọkọnọde ñnyin obube mmọñ emi, onyuñ etiene ọñwọñ ke idem esie, kpa ye kpukpru mme nditọ ye mme ufene esie?”
13Jisọs ama ọbọrọ enye ete, “Owo ekededi emi ọñwọñde mmọñ enye emi, eyetọñọ ntak okop nsatitọñ, 14edi owo kiet ekededi emi ọñwọñde mmọñ enye emi Ami nnọde enye idikopke aba nsatitọñ. Ke akpanikọ, mmọñ emi Ami nnọde enye eyekabade edi obube mmọñ ke idem esie emi edinọde enye mmọñ uwem, onyuñ ọnọ enye nsinsi uwem.”
15Ñwan oro ama ebeñe Enye ete, “Ete, mbọk nọ mi oduuwem mmọñ oro man itọñ okusat mi aba, man ami ntre ndidi ke obube enye emi ndiduri mmọñ.”
16Jisọs ama ọdọhọ enye ete, “Ka ndien kokot ebe fo, nyuñ saña ye enye edi.”
17Edi ñwan oro ama ọbọrọ ete, “Ami ñnyeneke ebe.” Jisọs ama ọbọrọ ete, “Afo emenen, ke emi afo ọdọhọde ete imọ inyeneke ebe. 18Akpanikọ kedi, afo ama ọdọdọ mme ebe ition, ndien owo emi afo oduñde ye enye ke ufọk idahaemi idighe ebe fo, se afo etiñde edi akpanikọ.”
19Eyen añwan emi ama ọdọhọ ete, “Ete ami mmokut nte ke afo edi Asiak Uduak Abasi. 20Koro mme ete ete ñnyin ke Sameria ekekpono Abasi ke enyọñ obot emi, edi mbufo mme Ju edọhọ ete ke Jerusalem edi ebiet emi ñnyin inyenede ndikpono Abasi.”
21Jisọs ama ọdọhọ enye ete, “Eyen añwan, nim Mi ke akpanikọ, ini ke ededi emi mme owo midikponoke Ete Mi ke obot emi, mme ke Jerusalem. 22Koro mbufo mbon Sameria itimke ifiọk enye emi mbufo etuakde ibuot enọ; ñnyin mme Ju imọdiọñọ Enyemi ñnyin ituakde ibuot inọ, koro edinyaña otode ke ubon mme Ju. 23Edi ini ke ededi, ndien omonyuñ ededi ama, emi ata mme andituak ibuot edituakde ibuot inọ Ete ke Spirit ye ke akpanikọ. 24Abasi edi Spirit, ndien mme andituak ibuot nnọ Enye enyene ndituak ibuot nnọ Enye ke Spirit ye ke akpanikọ.”
25Ñwan oro ama ọdọhọ Enye ete, “Ami mmọfiọk nte ke Andinyaña emi ekotde Kraist ke ededi, ndien ke Enye ama edi, Enye eyenam kpukpru ñkpọ añwaña ñnyin.”
26Do ke Jisọs akayarade ọnọ enye ete, “Ami emi ntiñde ikọ ye afo ndi Enye.”
27Kpa ke ndo ndo oro mme mbet Esie ema enyọñọ edi, ndien idem ama akpa mmọ ke ndisobo Enye nte etiñde ikọ ye eyen añwan. Edi mmọ ndomokiet ikebupke eyen añwan oro ete, “Nso ke afo oyom?” Mme ndibup Jisọs ete, “Ntaha Afo enemede nneme ye eyen añwan emi-e?”
28Do ke eyen añwan emi akadaha ọkpọñ otu mmọñ esie ke mben obube mmọñ, ndien enye ama afiak aka esit obio, onyuñ ọkọdọhọ mme owo do ete, 29“Edi edise owo emi etiñde kpukpru se ami ñkanamde ọnọ mi. Nte emi idighe Kraist oro?” 30Ntre ke ediwak owo ekewọñọ ke obio, eka ebine Jisọs.
31Ke ufọt ini oro mme mbet ke ekekpe ye Jisọs ete, “Andikpep dia ñkpọ.” 32Edi Enye ama ọbọrọ mmọ ete, “Ami menyene udia ndidia emi mbufo midiọñọke ñkpọ ibaña.”
33Do ke mme mbet Esie ekeneme ke ufọt mmọ ete, “Nte owo ndomokiet ama ada udia ọsọk Enye?”
34Jisọs anam añwaña mmọ añwa añwa ete, “Udia Mi edi ndinam uduak Enyemi ọkọdọñde Mi, ñnyuñ nnam utom Esie mma. 35Nte mbufo idọhọke ite ke ayak ọfiọñ inañ ndien esim ini idọk? Edi Ami ndọhọ mbufo nte yak etat enyin mbufo ndien etim ese iñwañ idọk, kpukpru ñkpọ ke iñwañ esọñ, ekem ini idọk. 36Owo emi ọdọkde idọk eyebọ okuk utom esie, ndien enye ọkọ idọk esie enim ọnọ nsinsi uwem, man otodo owo emi ọkọtọde ye enye emi ọdọkde ekpedara ebiet kiet. 37Se esitiñde emi edi akpanikọ, nte, ke owo kiet ọtọtọ, owo efen ọdọdọk. 38Ami ñkọdọñ mbufo nte ekedọk se mbufo miketọhọ. Mbio efen ema enanam kpukpru ñkpọsọñ utom ke iñwañ emi, ndien idahaemi mbufo emedọk nti idọk eto akwa utom mmọ.”
39Ndien ediwak mbon Sameria emi etode obio oro ema enim kpukpru ikọ Esie ke akpanikọ oto ke ntak ikọ ntiense emi ñwan oro eketiñde ete, “Enye ama etiñ ọnọ mi kpukpru se ñkenanam.” 40Ke ntre ke ini mbon obio Sameria oro ekedide ebine Enye, mmọ ema ekpe ye Enye, ete, yak Enye adañ ye mmimọ; ndien Jisọs ama adañ ye mmọ usen iba. 41Mme ediwak mmọ efen ema enim ke akpanikọ eto ke mme ikọ Esie. 42Ndien mmọ edọhọ ñwan oro ete, “Ñnyin imenim idahaemi ke akpanikọ, itoho ke se afo eketiñde, edi oto koro ñnyin ke idem ñnyin imokop iko Esie, ndien ñnyin imetim idiọñọ ite ke Enye ke akpanikọ edi Andinyaña ererimbot.”
43Ke Jisọs ama akadañ usen iba do, Enye ama ọkpọñ do aka Kalili. 44Koro Jisọs ke idem Esie ama ọdọhọ ete, “Prọfet inyeneke ukpono ke obio Esie.” 45Ke ini Enye ama ekesim Kalili, mbon obio Kalili ema edara Enye eti eti, koro mmọ ema ekut kpukpru se Enye akanamde ke Jerusalem ke ini usọrọ uwọrọ ufin, sia kpukpru mmọ ekedude do ñko ke Jerusalem.
Ema Ekọk Eyen Akwa Owo Utom Udọñọ
46Jisọs ama ọtọñọ ntak aka Kenan ke Kalili, ebiet emi Enye akanamde mmọñ akabade wain. Ndien owo anam utom ukara kiet ama odu do emi eyen eren owo esie ọkọdọñọde ke Kapanọm. 47Ke ini owo emi okokopde ete ke Jisọs ama oto Judia edisim Kalili, enye ama ebine Enye onyuñ ekebeñe Enye ete, yak Enye edika Kapanọm ọkọkọk eyen imọ emi ọkọdọñọde ekpere ndikpa.
48Jisọs ama ọdọhọ enye ete, “Mbufo ndomokiet ikemeke ndinim ke akpanikọ tutu mbufo ekut mme ikpọ utom odudu ye mme ñkpọ ñkpaidem.”
49Owo emi ama ọbọrọ ete, “Ete tiene mi mbak eyen mi edikpa.”
50Jisọs ama ọbọrọ enye ete, “Afo emekeme ndinyọñ, eyen fo eyedu uwem.” Owo emi ama onim ikọ Jisọs ke akpanikọ onyuñ ọnyọñ. 51Kadaña ini emi Enye okosuk odude ke usuñ unyọñ, mme nditọ ufọk esie ema ekesobo enye ke usuñ ye eti etop emi, ete, “Eyen fo odu uwem.” 52Enye ama obup mmọ ini emi eyen esie ọkọtọñọde ndikop nsọñidem, ndien mmọ ema ebọrọ ete, ekedi ke ñkpọ nte ñkanika kiet uwemeyo ñkpọñ ke ufiopidem ọkọkpọñ enye. 53Ete eyen emi ama eti ke ndo ndo oro nte ke ekedi kpa ke ukem ini oro ke Jisọs ọkọdọhọ imọ ete, “Eyen fo eyedu uwem.” Ke ntak emi, enye ye ofuri ufọk esie ema enim ke akpanikọ.
54Emi ekedi udiana utom odudu emi Jisọs akanamde ke Enye ama okoto Judia ọnyọñ edi Kalili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.