ᒨᓯᓯ ᓯᕗᓪᓖᑦ 18
18
ᐂᑉᕋᕼᐋᒻ ᐃᕐᖕᓂᖅᑖᓛᕐᖕᓂᖓᓂᒃ ᐊᖏᕐᕕᐅᓂᖓ
1ᐊᑕᓂᕐᓗ ᓴᖅᑭᑉᐳᖅ ᐂᑉᕋᕼᐋᒻᒧᑦ ᓇᐹᖅᑐᖃᖅᑐᒥ ᐆᒃᓂᒃ ᑍᔭᐅᔪᓂ ᒪᒻᕆᒥᒃ, ᐃᒃᓯᕙᑎᓪᓗᒍ ᑐᐱᖓᑕ ᐹᖓᓂ ᐅᓪᓘᑉ ᐅᖅᑰᓂᖅᐹᖓ ᓇᓪᓕᐅᑎᓯᒪᑎᓪᓗᒍ. 2#ᐄᑉᕈᐃᓄᑦ 13:2.ᑕᑯᓴᕋᒥᓗ ᑕᑯᕗᖅ, ᐊᖑᑎᓂᒃ ᐱᖓᓱᓂᒃ ᓇᖏᖅᑐᓂᒃ ᖃᓂᒋᔭᒥᓂ; ᑖᒃᑯᐊᓗ ᑕᑯᑐᐊᕋᒥᒋᑦ, ᐅᓪᓚᒃᓯᕗᖅ ᑐᐱᕐᖕᒥᓂᑦ ᐸᕐᕆᐊᖅᓗᒋᑦ, ᐅᑯᓪᓗᓂᓗ ᑮᓇᓂ ᓄᓇᒧᑦ ᐊᒃᑐᖅᑎᓪᓗᒍ, 3ᐅᖃᖅᐳᕐᓗ, “ᐊᑕᓂᕋ ᐃᓕᖕᓄᑦ ᖁᕕᐊᒋᔭᐅᒍᒪ ᓵᖕᓂ, ᐱᔩᑦ ᖄᖏᑐᐃᓐᓇᖅᑍᓕᒍᒃ. 4ᐃᒥᕐᖕᒥᒃ ᒥᑭᔪᒥᒃ ᕾᑦᓯᓂᐊᕋᒪ, ᐃᑎᒐᑦᓯ ᐅᐊᓴᐅᑎᒃᓴᖓᓂᒃ, ᓇᐹᖅᑑᓪᓗ ᐊᑖᓂ ᑕᕾᖅᓯᖅᓗᓯ. 5ᐂᒃᓯᕐᖕᓂᐊᖅᐳᖓ ᓂᐊᖂᔭᓂᒃ ᒥᑭᔪᓂᒃ, ᐃᓱᐊᖅᓯᑦᓯᐊᕐᖕᓂᐊᕋᑦᓯ, ᑭᖑᓂᖓᒍᑦ ᖄᖏᕈᓐᓇᕐᖕᓂᐊᖅᐳᓯ, ᐱᔨᑦᓯᓐᓄᑦ ᑎᑭᓐᓇᑦᓯ.”
ᑖᒃᑯᐊ ᐅᖃᖅᐳᑦ, “ᑍᒤᓕᐅᓕᕆᑦ ᐅᖃᐅᓯᑎᑦ ᒪᓕᒡᓗᒋᑦ.”
6ᐂᑉᕋᕼᐋᒻᓗ ᑐᐊᕕᖅᓗᓂ ᑐᐱᕐᖕᒥᓄᐊᕋᒥ ᓵᕋᒧᑦ ᐅᖃᖅᐳᖅ, “ᑐᐊᕕᖅᓗᑎᑦ, ᓂᐊᖂᔭᒃᓴᑦᓯᐊᒥᒃ ᐃᖑᑦᑎᓵᕆᑦ ᐆᒃᑑᑎᓂᒃ ᐱᖓᓱᓂᒃ; ᐆᑦᓯᓗᑎᓪᓗ.” 7ᐂᑉᕋᕼᐋᒻᓗ ᐅᓪᓚᒡᓗᓂ ᐆᒪᔪᖁᑎᒥᓄᐊᖅᐳᖅ ᓂᕈᐊᖅᓗᓂᓗ ᓄᕐᕋᕐᖕᒥᒃ, ᐊᕿᑦᑐᒥᒃ ᐱᐅᔪᒥᒃ ᐱᔨᒥᓄᓪᓗ ᑐᓂᕚ, ᑖᑦᓱᒪᓗ ᑐᐊᕕᖅᓗᓂ ᓂᕿᓕᐊᕆᕚ. 8ᓰᓯᓕᐊᕆᓯᒪᔪᒥᒡᓗ ᐱᕗᖅ, ᐃᒻᒧᖕᒥᒡᓗᑦᑕᐅᖅ, ᐃᒻᒧᒃᓯᐅᒐᐅᓪᓗ ᓄᕐᕋᖓ ᐃᒐᔭᐅᕋᑖᖅᑐᖅ, ᑖᒃᑯᐊᓗ ᒪᓂᕔᑦ ᑖᒃᑯᓄᖓ; ᓇᐹᖅᑑᓪᓗ ᐊᑖᓂ ᓇᖕᒥᓂᖅ ᐱᔨᑦᓯᕋᖅᐰᑦ, ᑖᒃᑯᐊᓗ ᓂᕆᑎᓪᓗᒋᑦ.
9ᑖᒃᑯᐊᓗ ᐅᖃᐅᑎᕚᑦ, “ᓇᐅᒡᓕ ᓄᓕᐊᑦ ᓵᕋ?”
ᑖᑦᓱᒪ ᑭᐅᕔᑦ, “ᑐᐱᕐᖕᒦᑉᐳᖅ.”
10 #
ᕉᒪᒥᐅᓄᑦ 9:9. ᑖᒃᑯᐊᓗ ᐃᓚᖓᑦᑕ ᐅᖃᐅᑎᕚ, “ᐱᕕᒃᓴᖅ ᓇᓪᓕᐅᑎᒃᐸᑦ ᐅᑎᓛᕆᕗᖓ, ᓄᓕᐊᓪᓗ ᓵᕋ ᐃᕐᖕᓂᖅᑖᓛᖅᐳᖅ.”
ᓵᕋᓗ ᐂᑉᕋᕼᐋᒻ ᑐᓄᐊᓂ ᑐᐱᐅᑉ ᐹᖓᑕ ᐃᓗᐊᓃᑉᐳᖅ ᑐᓵᓪᓗᓂ. 11ᐂᑉᕋᕼᐋᒻᓗ ᓵᕋᓗ ᐃᓄᑐᖃᒻᒪᕆᐅᓕᓚᐅᕐᖕᒪᑎᒃ; ᓵᕋᐅᓪᓗ ᐊᒡᓛᑦ ᑕᕿᑕᒫᑦ ᐊᐅᓈᖃᑦᑕᕐᖕᓂᖓ ᓄᖅᑲᖓᓕᓚᐅᖅᐳᖅ. 12#1 ᐲᑦᑐᕉᓯ 3:6.ᑍᒤᒻᒪᑦ ᓵᕋ ᐃᓗᒥᒍᑦ ᐃᔪᕈᓱᓕᖅᐳᖅ, ᐅᖃᖅᓗᓂᓗ, “ᒫᓐᓇ ᓂᖏᐅᖑᓕᕋᒪ ᐅᐃᒐᓗ ᐃᑦᑑᓕᖅᓗᓂ, ᓱᓕ ᓄᓕᐊᕐᖕᓂᕐᖕᒥᒃ ᐊᓕᐊᓁᒍᓱᒍᓐᓇᖅᐳᖔ?”
13ᑕᕝᕙ ᐊᑕᓂᐅᑉ ᐂᑉᕋᕼᐋᒻ ᐅᖃᐅᑎᕚ, “ᖃᓄᐃᒻᒪᑦ ᓄᓕᐊᑦ ᓵᕋ ᑕᒪᑐᒥᖓ ᐃᔪᕈᓱᒃᐸ ᐅᖃᖅᓗᓂᓗ, ‘ᕿᑐᕐᖓᖅᑖᕈᓐᓇᕋᓗᐊᖅᐳᖔ ᐃᓄᑐᖄᓘᓕᖅᓗᖓ?’ 14#ᓘᑲᓯ 1:37.ᐊᑕᓂᕐᖕᒧᑦ ᐊᔪᕐᖕᓇᓗᐊᖅᑐᖃᖅᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᖕᓂᖃᓕᓛᖅᐳᖅ.”
15ᓵᕋᓗ ᒥᓯᐊᖅᐳᖅ. ᐅᖃᖅᓗᓂᓗ, “ᐃᔪᕈᓱᓚᐅᖏᑦᑐᖓ.” ᑲᑉᐱᐊᓱᓚᐅᕋᒥ.
ᑖᑦᓱᒪ ᑭᐅᕚ, “ᓱᓕᖏᓐᓇᕕᑦ, ᐃᔪᕈᓱᑬᓐᓇᖅᑐᑎᑦ.”
ᐂᑉᕋᕼᐋᑉ ᓱᑑᒪᒥᒃ ᓴᐳᑦᔨᓇᓱᐊᕐᖕᓂᖓ
16ᐊᖑᑎᓪᓗ ᑖᒃᑯᐊ ᑕᕝᕙᓐᖓᑦ ᐱᓱᓯᕗᑦ, ᓱᑑᒪᐅᓪᓗ ᓇᓛᓄᑦ ᑕᑯᓐᓈᖅᓗᑎᒃ; ᐂᑉᕋᕼᐋᒻᓗ ᐃᓚᒋᕔᑦ ᖃᓂᐅᖅᓗᒋᑦ ᐊᐅᓪᓚᕐᕕᒋᔭᖏᓐᓄᑦ. 17ᐊᑕᓂᕐᓗ ᐅᖃᖅᐳᖅ, “ᐱᓇᓱᐊᕈᒪᔭᓐᓂᒃ ᐂᑉᕋᕼᐋᒧᑦ ᐊᓐᖏᒍᑦᔨᓂᐊᓐᖏᓚᖓ. 18ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᖕᒪᑕ ᐱᔪᓐᓇᖅᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᖅᑎᑦᓱᒫᖅᐸᒃᑲ. 19ᐊᓐᖏᒍᑎᓂᐊᓐᖏᓚᕋ, ᓂᕈᐊᖅᓯᒪᒐᒃᑯ, ᐱᖁᔨᔪᒫᕐᖕᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᖅᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”
20ᑕᕝᕙ ᐊᑕᓂᖅ ᐅᖃᖅᐳᖅ, “ᓂᐱᖃᕈᑕᐅᒻᒪᕆᓕᕐᖕᒪᑎᒃ ᓱᑑᒪ ᒍᒨᕋᓗ, ᐊᔪᖅᑐᓕᓂᕋᖅᑕᐅᓪᓗᑎᒃ ᐱᐅᖏᑦᑐᕐᔪᐊᓂᒃ. 21ᑖᒃᑯᖕᓄᖓ ᐊᖅᑲᕆᐊᖃᖅᐳᖓ ᓂᐱᖃᕈᑕᐅᓂᖏᒃ ᑐᓴᖅᓯᒪᔭᒃᑲᒃ ᓱᓕᖕᒪᖔᑕ; ᑍᒤᖏᑉᐸᑕᓘᓐᓃᑦ ᖃᐅᔨᓂᐊᕋᒪ.”
22ᑕᕝᕙ ᐊᖑᑎᑦ ᑕᕝᕙᓐᖓᑦ ᕿᒪᕉᑎᕘᑦ, ᐱᓱᓯᓪᓗᑎᒡᓗ ᓱᑑᒪᐅᑉ ᓇᓛᓄᑦ, ᐂᑉᕋᕼᐋᒻᓕ ᓱᓕ ᓇᖏᓚᐅᖅᐳᖅ ᐊᑕᓂᐅᑉ ᓵᖓᓂ. 23ᐂᑉᕋᕼᐋᒻᓗ ᐊᑕᓂᖅ ᐅᐸᒃᑲᓐᓂᖅᓗᒍ ᐅᖃᐅᑎᕚ, “ᐸᓯᔭᒃᓴᐅᖏᑦᑐᓂᒃ ᐱᖃᓯᐅᑦᔨᓗᑎᑦ ᐱᐅᖏᑦᑐᓕᔪᓂᒃ ᓱᒋᐊᖅᓯᓂᐊᖅᐲᑦ? 24ᑕᕝᕙᓂ ᐃᒡᓗᒐᓴᖕᓂ 50ᓂᒃ ᐸᓯᔭᒃᓴᐅᖏᑦᑐᓂᒃ ᐃᓄᖃᕋᓗᐊᖅᐸᑦ, ᑖᒃᑯᐊ ᐃᒡᓗᒐᓮᑦ ᐊᑕᖏᖅᓗᒋᑦ ᓄᖑᑎᒃᑲᔭᖅᐱᒌᑦ? ᑖᒃᑯᐊᓘᓐᓃᑦ 50 ᓴᐳᑎᒐᔭᓐᖏᓚᑏᑦ? 25ᑍᒤᓕᐅᕈᒪᓂᕐᖕᒥᒃ ᐃᓱᒪᓂᐊᕐᖕᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᖅᑐᓕᔪᓄᑦ, ᐃᓱᐊᖅᑐᑦ ᐊᑦᔨᐅᓕᖅᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᖕᒥᐅᓄᑦ ᑕᒤᓐᓄᑦ ᐃᖅᑲᖅᑐᐃᔨ ᑍᒤᒍᓂ ᐃᓱᐊᖅᑐᒥᒃ ᐱᓂᐊᓐᖏᓚᖅ.”
26ᐊᑕᓂᖅ ᐅᖃᖅᐳᖅ, “ᓱᑑᒪᒥ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ 50ᓂᒃ ᓇᓂᓯᒐᔭᕈᒪ, ᑕᕝᕙ ᐃᒡᓗᒐᓮᑦ ᓱᒋᐊᕋᔭᓐᖏᓚᒃᑲ ᑖᒃᑯᐊ ᐱᓪᓗᒋᑦ.”
27ᐂᑉᕋᕼᐋᒻ ᐅᖃᒃᑲᓐᓂᕆᕗᖅ: “ᐸᓯᔭᒃᓴᐅᓚᖓ ᐅᕙᓐᓂᒃ ᐅᖃᕈᒪᒐᒪ ᐊᑕᓂᕐᖕᒧᑦ, ᓴᓂᑐᐃᓐᓇᐅᔪᖓ ᐊᕐᔭᓕᓂᐅᓪᓗᖓᓗ. 28ᐃᒻᒪᖄᓕ ᐃᓄᖃᕋᔭᖅᐸᑦ ᐸᓯᔭᒃᓴᐅᒋᑦᑐᓂᒃ ᑕᓪᓕᒪᓂᒃ ᐅᓄᖏᓐᓂᖅᓴᐅᓗᑎᒃ 50ᓂᑦ. ᑖᒃᑯᐊ ᐃᒡᓗᒐᓮᑦ ᐊᑕᖏᖅᓗᒋᑦ ᓄᖑᒃᑲᔭᖅᐱᒌᑦ? ᑕᓪᓕᒪᓂᒃ ᖃᑦᓰᓐᓇᐅᓗᐊᕐᖕᓂᖏᓐᓄᑦ?”
ᐊᑕᓂᐅᑉ ᑭᐅᕚ, “ᐃᒡᓗᒐᓮᑦ ᓄᖑᓐᓂᐊᓐᖏᓚᒃᑲ ᓇᓂᓯᒐᔭᕈᒪ 45ᓂᒃ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.”
29ᐂᑉᕋᕼᐋᒻ ᐅᖃᒃᑲᓐᓂᕆᕗᖅ: “ᐃᒻᒪᖄᓕ 40ᑐᐃᓐᓇᐅᒃᐸᑕ?”
ᑖᑦᓱᒪ ᑭᐅᕚ, “40ᐅᒃᐸᑕ ᓄᖑᓐᓂᐊᓐᖏᓚᒃᑲ.”
30ᐂᑉᕋᕼᐋᒻ ᐅᖃᖅᐳᖅ, “ᐊᑕᓃᖅ, ᓂᓐᖓᐅᑎᑦᑍᓕᓐᖓ, ᓱᓕ ᐅᖃᒃᑲᓐᓂᕈᒪᒐᒪ. ᖃᓄᐃᒃᑲᔭᖅᐱᒋᓪᓕ 30ᑐᐃᓐᓇᐅᒃᐸᑕ?”
ᑖᑦᓱᒪ ᐅᖃᐅᑎᕚ, “30ᐅᒃᐸᑕ ᓄᖑᓐᓂᐊᓐᖏᓚᒃᑲ.”
31ᐂᑉᕋᕼᐋᒻ ᐅᖃᖅᐳᖅ, “ᐸᓯᔭᒃᓴᐅᓚᖓ ᐅᖃᕈᒪᖓᒪ ᐊᑕᓂᕐᖕᒧᑦ, ᑕᕝᕙᓕᑭᐊᖅ 20ᑐᐃᓐᓇᐅᒐᔭᖅᐸᑕ?”
ᑖᑦᓱᒪ ᐅᖃᐅᑎᕚ, “ᓇᓂᓯᒐᔭᕈᒪ 20ᓂᒃ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ ᑖᒃᑯᐊ ᐱᓪᓗᒋᑦ ᐃᒡᓗᒐᓮᑦ ᓄᖑᓐᓂᐊᓐᖏᓚᒃᑲ.”
32ᐂᑉᕋᕼᐋᒻ ᐅᖃᖅᐳᖅ, “ᐊᑕᓃᖅ, ᓂᓐᖓᒃᑍᓕᒋᑦ, ᓱᓕ ᐊᑕᐅᓯᐊᖅᓗᖓ ᐅᖃᒃᑲᓐᓂᕈᒪᒐᒪ. ᖁᓕᑐᐃᓐᓇᐅᒃᐸᑕᓕ?”
ᑖᑦᓱᒪ ᐅᖃᐅᑎᕚ, “ᓇᓂᓯᒐᔭᕈᒪ ᖁᓕᓂᒃ ᑖᒃᑯᐊ ᐱᓪᓗᒋᑦ ᓄᖑᓐᓂᐊᓐᖏᓚᒃᑲ.” 33ᐂᑉᕋᕼᐋᒻᒧᑦ ᐅᖃᓪᓚᒌᕋᒥ, ᐊᑕᓂᖅ ᑕᕝᕙᓐᖓᑦ ᕿᒪᕉᑎᓯᕗᖅ, ᐂᑉᕋᕼᐋᒻᓗ ᐊᖏᕐᕋᒥᓄᑦ ᐅᑎᖅᓗᓂ.
Currently Selected:
ᒨᓯᓯ ᓯᕗᓪᓖᑦ 18: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᕗᓪᓖᑦ 18
18
ᐂᑉᕋᕼᐋᒻ ᐃᕐᖕᓂᖅᑖᓛᕐᖕᓂᖓᓂᒃ ᐊᖏᕐᕕᐅᓂᖓ
1ᐊᑕᓂᕐᓗ ᓴᖅᑭᑉᐳᖅ ᐂᑉᕋᕼᐋᒻᒧᑦ ᓇᐹᖅᑐᖃᖅᑐᒥ ᐆᒃᓂᒃ ᑍᔭᐅᔪᓂ ᒪᒻᕆᒥᒃ, ᐃᒃᓯᕙᑎᓪᓗᒍ ᑐᐱᖓᑕ ᐹᖓᓂ ᐅᓪᓘᑉ ᐅᖅᑰᓂᖅᐹᖓ ᓇᓪᓕᐅᑎᓯᒪᑎᓪᓗᒍ. 2#ᐄᑉᕈᐃᓄᑦ 13:2.ᑕᑯᓴᕋᒥᓗ ᑕᑯᕗᖅ, ᐊᖑᑎᓂᒃ ᐱᖓᓱᓂᒃ ᓇᖏᖅᑐᓂᒃ ᖃᓂᒋᔭᒥᓂ; ᑖᒃᑯᐊᓗ ᑕᑯᑐᐊᕋᒥᒋᑦ, ᐅᓪᓚᒃᓯᕗᖅ ᑐᐱᕐᖕᒥᓂᑦ ᐸᕐᕆᐊᖅᓗᒋᑦ, ᐅᑯᓪᓗᓂᓗ ᑮᓇᓂ ᓄᓇᒧᑦ ᐊᒃᑐᖅᑎᓪᓗᒍ, 3ᐅᖃᖅᐳᕐᓗ, “ᐊᑕᓂᕋ ᐃᓕᖕᓄᑦ ᖁᕕᐊᒋᔭᐅᒍᒪ ᓵᖕᓂ, ᐱᔩᑦ ᖄᖏᑐᐃᓐᓇᖅᑍᓕᒍᒃ. 4ᐃᒥᕐᖕᒥᒃ ᒥᑭᔪᒥᒃ ᕾᑦᓯᓂᐊᕋᒪ, ᐃᑎᒐᑦᓯ ᐅᐊᓴᐅᑎᒃᓴᖓᓂᒃ, ᓇᐹᖅᑑᓪᓗ ᐊᑖᓂ ᑕᕾᖅᓯᖅᓗᓯ. 5ᐂᒃᓯᕐᖕᓂᐊᖅᐳᖓ ᓂᐊᖂᔭᓂᒃ ᒥᑭᔪᓂᒃ, ᐃᓱᐊᖅᓯᑦᓯᐊᕐᖕᓂᐊᕋᑦᓯ, ᑭᖑᓂᖓᒍᑦ ᖄᖏᕈᓐᓇᕐᖕᓂᐊᖅᐳᓯ, ᐱᔨᑦᓯᓐᓄᑦ ᑎᑭᓐᓇᑦᓯ.”
ᑖᒃᑯᐊ ᐅᖃᖅᐳᑦ, “ᑍᒤᓕᐅᓕᕆᑦ ᐅᖃᐅᓯᑎᑦ ᒪᓕᒡᓗᒋᑦ.”
6ᐂᑉᕋᕼᐋᒻᓗ ᑐᐊᕕᖅᓗᓂ ᑐᐱᕐᖕᒥᓄᐊᕋᒥ ᓵᕋᒧᑦ ᐅᖃᖅᐳᖅ, “ᑐᐊᕕᖅᓗᑎᑦ, ᓂᐊᖂᔭᒃᓴᑦᓯᐊᒥᒃ ᐃᖑᑦᑎᓵᕆᑦ ᐆᒃᑑᑎᓂᒃ ᐱᖓᓱᓂᒃ; ᐆᑦᓯᓗᑎᓪᓗ.” 7ᐂᑉᕋᕼᐋᒻᓗ ᐅᓪᓚᒡᓗᓂ ᐆᒪᔪᖁᑎᒥᓄᐊᖅᐳᖅ ᓂᕈᐊᖅᓗᓂᓗ ᓄᕐᕋᕐᖕᒥᒃ, ᐊᕿᑦᑐᒥᒃ ᐱᐅᔪᒥᒃ ᐱᔨᒥᓄᓪᓗ ᑐᓂᕚ, ᑖᑦᓱᒪᓗ ᑐᐊᕕᖅᓗᓂ ᓂᕿᓕᐊᕆᕚ. 8ᓰᓯᓕᐊᕆᓯᒪᔪᒥᒡᓗ ᐱᕗᖅ, ᐃᒻᒧᖕᒥᒡᓗᑦᑕᐅᖅ, ᐃᒻᒧᒃᓯᐅᒐᐅᓪᓗ ᓄᕐᕋᖓ ᐃᒐᔭᐅᕋᑖᖅᑐᖅ, ᑖᒃᑯᐊᓗ ᒪᓂᕔᑦ ᑖᒃᑯᓄᖓ; ᓇᐹᖅᑑᓪᓗ ᐊᑖᓂ ᓇᖕᒥᓂᖅ ᐱᔨᑦᓯᕋᖅᐰᑦ, ᑖᒃᑯᐊᓗ ᓂᕆᑎᓪᓗᒋᑦ.
9ᑖᒃᑯᐊᓗ ᐅᖃᐅᑎᕚᑦ, “ᓇᐅᒡᓕ ᓄᓕᐊᑦ ᓵᕋ?”
ᑖᑦᓱᒪ ᑭᐅᕔᑦ, “ᑐᐱᕐᖕᒦᑉᐳᖅ.”
10 #
ᕉᒪᒥᐅᓄᑦ 9:9. ᑖᒃᑯᐊᓗ ᐃᓚᖓᑦᑕ ᐅᖃᐅᑎᕚ, “ᐱᕕᒃᓴᖅ ᓇᓪᓕᐅᑎᒃᐸᑦ ᐅᑎᓛᕆᕗᖓ, ᓄᓕᐊᓪᓗ ᓵᕋ ᐃᕐᖕᓂᖅᑖᓛᖅᐳᖅ.”
ᓵᕋᓗ ᐂᑉᕋᕼᐋᒻ ᑐᓄᐊᓂ ᑐᐱᐅᑉ ᐹᖓᑕ ᐃᓗᐊᓃᑉᐳᖅ ᑐᓵᓪᓗᓂ. 11ᐂᑉᕋᕼᐋᒻᓗ ᓵᕋᓗ ᐃᓄᑐᖃᒻᒪᕆᐅᓕᓚᐅᕐᖕᒪᑎᒃ; ᓵᕋᐅᓪᓗ ᐊᒡᓛᑦ ᑕᕿᑕᒫᑦ ᐊᐅᓈᖃᑦᑕᕐᖕᓂᖓ ᓄᖅᑲᖓᓕᓚᐅᖅᐳᖅ. 12#1 ᐲᑦᑐᕉᓯ 3:6.ᑍᒤᒻᒪᑦ ᓵᕋ ᐃᓗᒥᒍᑦ ᐃᔪᕈᓱᓕᖅᐳᖅ, ᐅᖃᖅᓗᓂᓗ, “ᒫᓐᓇ ᓂᖏᐅᖑᓕᕋᒪ ᐅᐃᒐᓗ ᐃᑦᑑᓕᖅᓗᓂ, ᓱᓕ ᓄᓕᐊᕐᖕᓂᕐᖕᒥᒃ ᐊᓕᐊᓁᒍᓱᒍᓐᓇᖅᐳᖔ?”
13ᑕᕝᕙ ᐊᑕᓂᐅᑉ ᐂᑉᕋᕼᐋᒻ ᐅᖃᐅᑎᕚ, “ᖃᓄᐃᒻᒪᑦ ᓄᓕᐊᑦ ᓵᕋ ᑕᒪᑐᒥᖓ ᐃᔪᕈᓱᒃᐸ ᐅᖃᖅᓗᓂᓗ, ‘ᕿᑐᕐᖓᖅᑖᕈᓐᓇᕋᓗᐊᖅᐳᖔ ᐃᓄᑐᖄᓘᓕᖅᓗᖓ?’ 14#ᓘᑲᓯ 1:37.ᐊᑕᓂᕐᖕᒧᑦ ᐊᔪᕐᖕᓇᓗᐊᖅᑐᖃᖅᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᖕᓂᖃᓕᓛᖅᐳᖅ.”
15ᓵᕋᓗ ᒥᓯᐊᖅᐳᖅ. ᐅᖃᖅᓗᓂᓗ, “ᐃᔪᕈᓱᓚᐅᖏᑦᑐᖓ.” ᑲᑉᐱᐊᓱᓚᐅᕋᒥ.
ᑖᑦᓱᒪ ᑭᐅᕚ, “ᓱᓕᖏᓐᓇᕕᑦ, ᐃᔪᕈᓱᑬᓐᓇᖅᑐᑎᑦ.”
ᐂᑉᕋᕼᐋᑉ ᓱᑑᒪᒥᒃ ᓴᐳᑦᔨᓇᓱᐊᕐᖕᓂᖓ
16ᐊᖑᑎᓪᓗ ᑖᒃᑯᐊ ᑕᕝᕙᓐᖓᑦ ᐱᓱᓯᕗᑦ, ᓱᑑᒪᐅᓪᓗ ᓇᓛᓄᑦ ᑕᑯᓐᓈᖅᓗᑎᒃ; ᐂᑉᕋᕼᐋᒻᓗ ᐃᓚᒋᕔᑦ ᖃᓂᐅᖅᓗᒋᑦ ᐊᐅᓪᓚᕐᕕᒋᔭᖏᓐᓄᑦ. 17ᐊᑕᓂᕐᓗ ᐅᖃᖅᐳᖅ, “ᐱᓇᓱᐊᕈᒪᔭᓐᓂᒃ ᐂᑉᕋᕼᐋᒧᑦ ᐊᓐᖏᒍᑦᔨᓂᐊᓐᖏᓚᖓ. 18ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᖕᒪᑕ ᐱᔪᓐᓇᖅᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᖅᑎᑦᓱᒫᖅᐸᒃᑲ. 19ᐊᓐᖏᒍᑎᓂᐊᓐᖏᓚᕋ, ᓂᕈᐊᖅᓯᒪᒐᒃᑯ, ᐱᖁᔨᔪᒫᕐᖕᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᖅᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”
20ᑕᕝᕙ ᐊᑕᓂᖅ ᐅᖃᖅᐳᖅ, “ᓂᐱᖃᕈᑕᐅᒻᒪᕆᓕᕐᖕᒪᑎᒃ ᓱᑑᒪ ᒍᒨᕋᓗ, ᐊᔪᖅᑐᓕᓂᕋᖅᑕᐅᓪᓗᑎᒃ ᐱᐅᖏᑦᑐᕐᔪᐊᓂᒃ. 21ᑖᒃᑯᖕᓄᖓ ᐊᖅᑲᕆᐊᖃᖅᐳᖓ ᓂᐱᖃᕈᑕᐅᓂᖏᒃ ᑐᓴᖅᓯᒪᔭᒃᑲᒃ ᓱᓕᖕᒪᖔᑕ; ᑍᒤᖏᑉᐸᑕᓘᓐᓃᑦ ᖃᐅᔨᓂᐊᕋᒪ.”
22ᑕᕝᕙ ᐊᖑᑎᑦ ᑕᕝᕙᓐᖓᑦ ᕿᒪᕉᑎᕘᑦ, ᐱᓱᓯᓪᓗᑎᒡᓗ ᓱᑑᒪᐅᑉ ᓇᓛᓄᑦ, ᐂᑉᕋᕼᐋᒻᓕ ᓱᓕ ᓇᖏᓚᐅᖅᐳᖅ ᐊᑕᓂᐅᑉ ᓵᖓᓂ. 23ᐂᑉᕋᕼᐋᒻᓗ ᐊᑕᓂᖅ ᐅᐸᒃᑲᓐᓂᖅᓗᒍ ᐅᖃᐅᑎᕚ, “ᐸᓯᔭᒃᓴᐅᖏᑦᑐᓂᒃ ᐱᖃᓯᐅᑦᔨᓗᑎᑦ ᐱᐅᖏᑦᑐᓕᔪᓂᒃ ᓱᒋᐊᖅᓯᓂᐊᖅᐲᑦ? 24ᑕᕝᕙᓂ ᐃᒡᓗᒐᓴᖕᓂ 50ᓂᒃ ᐸᓯᔭᒃᓴᐅᖏᑦᑐᓂᒃ ᐃᓄᖃᕋᓗᐊᖅᐸᑦ, ᑖᒃᑯᐊ ᐃᒡᓗᒐᓮᑦ ᐊᑕᖏᖅᓗᒋᑦ ᓄᖑᑎᒃᑲᔭᖅᐱᒌᑦ? ᑖᒃᑯᐊᓘᓐᓃᑦ 50 ᓴᐳᑎᒐᔭᓐᖏᓚᑏᑦ? 25ᑍᒤᓕᐅᕈᒪᓂᕐᖕᒥᒃ ᐃᓱᒪᓂᐊᕐᖕᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᖅᑐᓕᔪᓄᑦ, ᐃᓱᐊᖅᑐᑦ ᐊᑦᔨᐅᓕᖅᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᖕᒥᐅᓄᑦ ᑕᒤᓐᓄᑦ ᐃᖅᑲᖅᑐᐃᔨ ᑍᒤᒍᓂ ᐃᓱᐊᖅᑐᒥᒃ ᐱᓂᐊᓐᖏᓚᖅ.”
26ᐊᑕᓂᖅ ᐅᖃᖅᐳᖅ, “ᓱᑑᒪᒥ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ 50ᓂᒃ ᓇᓂᓯᒐᔭᕈᒪ, ᑕᕝᕙ ᐃᒡᓗᒐᓮᑦ ᓱᒋᐊᕋᔭᓐᖏᓚᒃᑲ ᑖᒃᑯᐊ ᐱᓪᓗᒋᑦ.”
27ᐂᑉᕋᕼᐋᒻ ᐅᖃᒃᑲᓐᓂᕆᕗᖅ: “ᐸᓯᔭᒃᓴᐅᓚᖓ ᐅᕙᓐᓂᒃ ᐅᖃᕈᒪᒐᒪ ᐊᑕᓂᕐᖕᒧᑦ, ᓴᓂᑐᐃᓐᓇᐅᔪᖓ ᐊᕐᔭᓕᓂᐅᓪᓗᖓᓗ. 28ᐃᒻᒪᖄᓕ ᐃᓄᖃᕋᔭᖅᐸᑦ ᐸᓯᔭᒃᓴᐅᒋᑦᑐᓂᒃ ᑕᓪᓕᒪᓂᒃ ᐅᓄᖏᓐᓂᖅᓴᐅᓗᑎᒃ 50ᓂᑦ. ᑖᒃᑯᐊ ᐃᒡᓗᒐᓮᑦ ᐊᑕᖏᖅᓗᒋᑦ ᓄᖑᒃᑲᔭᖅᐱᒌᑦ? ᑕᓪᓕᒪᓂᒃ ᖃᑦᓰᓐᓇᐅᓗᐊᕐᖕᓂᖏᓐᓄᑦ?”
ᐊᑕᓂᐅᑉ ᑭᐅᕚ, “ᐃᒡᓗᒐᓮᑦ ᓄᖑᓐᓂᐊᓐᖏᓚᒃᑲ ᓇᓂᓯᒐᔭᕈᒪ 45ᓂᒃ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.”
29ᐂᑉᕋᕼᐋᒻ ᐅᖃᒃᑲᓐᓂᕆᕗᖅ: “ᐃᒻᒪᖄᓕ 40ᑐᐃᓐᓇᐅᒃᐸᑕ?”
ᑖᑦᓱᒪ ᑭᐅᕚ, “40ᐅᒃᐸᑕ ᓄᖑᓐᓂᐊᓐᖏᓚᒃᑲ.”
30ᐂᑉᕋᕼᐋᒻ ᐅᖃᖅᐳᖅ, “ᐊᑕᓃᖅ, ᓂᓐᖓᐅᑎᑦᑍᓕᓐᖓ, ᓱᓕ ᐅᖃᒃᑲᓐᓂᕈᒪᒐᒪ. ᖃᓄᐃᒃᑲᔭᖅᐱᒋᓪᓕ 30ᑐᐃᓐᓇᐅᒃᐸᑕ?”
ᑖᑦᓱᒪ ᐅᖃᐅᑎᕚ, “30ᐅᒃᐸᑕ ᓄᖑᓐᓂᐊᓐᖏᓚᒃᑲ.”
31ᐂᑉᕋᕼᐋᒻ ᐅᖃᖅᐳᖅ, “ᐸᓯᔭᒃᓴᐅᓚᖓ ᐅᖃᕈᒪᖓᒪ ᐊᑕᓂᕐᖕᒧᑦ, ᑕᕝᕙᓕᑭᐊᖅ 20ᑐᐃᓐᓇᐅᒐᔭᖅᐸᑕ?”
ᑖᑦᓱᒪ ᐅᖃᐅᑎᕚ, “ᓇᓂᓯᒐᔭᕈᒪ 20ᓂᒃ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ ᑖᒃᑯᐊ ᐱᓪᓗᒋᑦ ᐃᒡᓗᒐᓮᑦ ᓄᖑᓐᓂᐊᓐᖏᓚᒃᑲ.”
32ᐂᑉᕋᕼᐋᒻ ᐅᖃᖅᐳᖅ, “ᐊᑕᓃᖅ, ᓂᓐᖓᒃᑍᓕᒋᑦ, ᓱᓕ ᐊᑕᐅᓯᐊᖅᓗᖓ ᐅᖃᒃᑲᓐᓂᕈᒪᒐᒪ. ᖁᓕᑐᐃᓐᓇᐅᒃᐸᑕᓕ?”
ᑖᑦᓱᒪ ᐅᖃᐅᑎᕚ, “ᓇᓂᓯᒐᔭᕈᒪ ᖁᓕᓂᒃ ᑖᒃᑯᐊ ᐱᓪᓗᒋᑦ ᓄᖑᓐᓂᐊᓐᖏᓚᒃᑲ.” 33ᐂᑉᕋᕼᐋᒻᒧᑦ ᐅᖃᓪᓚᒌᕋᒥ, ᐊᑕᓂᖅ ᑕᕝᕙᓐᖓᑦ ᕿᒪᕉᑎᓯᕗᖅ, ᐂᑉᕋᕼᐋᒻᓗ ᐊᖏᕐᕋᒥᓄᑦ ᐅᑎᖅᓗᓂ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.