ᒨᓯᓯ ᓯᕗᓪᓖᑦ 26
26
ᐂᓴᑭᐅᑉ ᓄᓇᖃᕐᖕᓂᖓ ᔨᕌᕆᒥ
1ᑕᕝᕙ ᑕᒫᓂ ᓄᓇᓕᒫᒥ ᑳᖕᓇᖅᑐᕐᔪᐊᖑᓕᕆᕗᖅ, ᓯᕗᓂᖓᒍᑦ ᑍᒤᓚᐅᕐᖕᓂᕐᖕᒥᑐᑦ ᐂᑉᕋᕼᐋᒻ ᐃᓅᑎᓪᓗᒍ. ᐂᓴᑭᓗ ᓄᓇᒧᑦ ᒋᕌᕆᒧᐊᖅᐳᖅ, ᐊᐱᒥᓕᑭᒧᐊᖅᓗᓂ ᐱᓕᔅᑍᓂᒥ ᐊᖓᔪᖅᑳᕐᔪᐊᖑᔪᒧᑦ. 2ᐊᑕᓂᖅ ᓴᖅᑭᓚᐅᕐᖕᒪᑦ ᐂᓴᑭᒧᑦ ᐅᖃᖅᓗᓂ, “ᐄᑦᔨᑉᑎᒧᐊᕐᖕᓂᐊᕐᖕᓇᒃ; ᓇᔪᖅᑕᐅᖁᔭᓐᓂ ᐅᖃᐅᑎᓂᐊᖅᐸᒋᑦ ᓄᓇᒋᓂᐊᖅᑕᕐᖕᓂᒃ. 3#ᒨᓯᓯ ᓯᕗᓪᓖᑦ 22:16-18.ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᖅᐸᒋᑦ, ᓮᒻᒪᖅᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᖕᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᖅᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᖅᑕᕋ. 4ᑭᖑᕚᑎᑦ ᐅᓄᖅᑐᕐᔪᐊᓐᖑᖅᑎᑦᓱᒫᖅᐸᒃᑲ ᕿᓚᐅᑉ ᐅᓪᓗᕆᐊᖏᑎᑐᑦ, ᑕᒪᒃᑯᐊᓗ ᓄᓇᒋᔭᐅᔪᓕᒫᑦ ᑐᓂᔪᒫᖅᐸᒃᑲ ᑭᖑᕚᕐᖕᓄᑦ; ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒌᒡᔪᐊᑦ ᓄᓇᕐᔪᐊᕐᖕᒥ ᓮᒻᒪᖅᑎᑕᐅᔪᒫᖅᐳᑦ; 5ᐂᑉᕋᕼᐋᒻ ᓂᐱᓐᓂᒃ ᓈᓚᓚᐅᕐᖕᓂᖓᓄᑦ ᐊᖓᔪᖅᑳᖑᓂᓐᓂᒃ, ᐊᑐᖅᑕᐅᖁᔭᓐᓂᒡᓗ, ᒪᓕᒐᒃᓴᐅᖁᔭᓐᓂᒡᓗ ᐱᖁᔭᓐᓂᒡᓗ ᒪᓕᑦᓯᐊᓚᐅᕐᖕᒪᑦ.”
6ᑍᒤᒻᒪᑦ ᐂᓴᑭ ᓄᓇᖃᓕᓚᐅᖅᐳᖅ ᒋᕌᕆᒥ. 7#ᒨᓯᓯ ᓯᕗᓪᓖᑦ 12:13; 20:2.ᑕᕝᕙᓂᓕ ᐊᖑᑎᓂᑦ ᓄᓇᖃᖅᑐᓂᑦ ᐊᐱᕆᔭᐅᔭᕌᖓᒥ ᓄᓕᐊᖓᑕ ᒥᒃᓵᓄᑦ ᐅᖃᖃᑦᑕᖅᐳᖅ, “ᓇᔭᒐᐅᓇ”; ᑲᑉᐱᐊᓱᓚᐅᕋᒥ ᐅᖃᕆᐊᒃᓴᖅ, “ᐅᓇ ᓄᓕᐊᕋ.” ᐃᓱᒪᓚᐅᕋᒥ, “ᐊᖑᑎᓄᑦ ᑐᖁᑕᐅᑐᐃᓐᓇᕆᐊᖃᖅᐳᖓ ᕇᐱᑲ ᐱᑦᔪᑎᒋᓗᒍ”; ᑖᓐᓇ ᐃᓂᖁᓇᖅᑐᒻᒪᕆᐅᖕᒪᑦ. 8ᐊᑯᓂ ᑕᕝᕙᓃᓯᒪᓕᖅᑎᓪᓗᒍ, ᐊᐱᒥᓕᑭ ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖓᑦ ᐃᒐᓛᒥᒍᑦ ᐃᑦᑐᐊᖓᓪᓗᓂ ᑕᑯᓐᓇᖅᐳᖅ ᐂᓴᑭ ᕇᐱᑲᒥᒃ ᐃᕿᒻᒥᑎᓪᓗᒍ ᓄᓕᐊᒥᑐᑦ. 9ᐊᐱᒥᓕᑭᐅᓪᓗ ᐂᓴᑭ ᕾᖁᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑖᓐᓇ ᐊᕐᖕᓇᖅ ᓄᓕᐊᕆᕙᑦ; ᓱᒻᒪᓪᓕ ᐅᖃᖃᑦᑕᖅᐱᑦ, ‘ᐅᓇ ᓇᔭᒐ?’”
ᐂᓴᑭᐅᑉ ᑭᐅᕚ, “ᐃᓱᒪᖃᑦᑕᓚᐅᕋᒪ ᑐᖁᑕᐅᓂᐊᕋᓱᒋᓪᓗᖓ.”
10ᐊᐱᒥᓕᑭᓕ ᐅᖃᓕᖅᐳᖅ, “ᐅᕙᑦᑎᓐᓄᑦ ᖃᓄᐃᓕᐅᕋᓱᖕᓂᖅᐱᑦ? ᐊᖑᑎᑦ ᐃᓚᖓᓐᓄᑦ ᓄᓕᐊᑦ ᐃᓐᓇᖓᖃᑎᒋᔭᐅᔪᓐᓇᓚᐅᖅᐳᖅ, ᐃᓐᓇᖓᖃᑎᒋᔭᐅᓐᓂᖅᐸᑦ ᑕᕝᕙ ᐅᕙᑦᑎᓐᓂᒃ ᐸᓯᔭᒃᓴᓐᖑᖅᑎᑦᓯᒐᔭᓚᐅᖅᐳᑎᑦ.” 11ᐊᐱᒥᓕᑭᓗ ᐃᓄᓕᒫᓄᑦ ᐅᓗᕆᐊᓇᖅᑐᒥᒃ ᐅᖃᓕᖅᐳᖅ ᐃᒫᒃ: “ᓇᓪᓕᐊᑦ ᐆᒥᖓ ᐊᖑᒻᒥᒃ ᓄᓕᐊᖓᓂᒡᓘᓐᓃᑦ ᐊᒃᑐᐃᔪᖅ ᑖᓐᓇ ᑐᖁᑕᒃᓴᐅᕗᖅ.”
12ᐂᓴᑭᓗ ᑕᕝᕙᓂ ᓄᓇᒥ ᐱᕈᖅᓯᐊᒃᓴᓂᒃ ᑲᓐᖓᖅᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᖅᑐᓂᒃ ᑲᑎᖅᓱᐃᓚᐅᖅᐳᖅ 100ᐃᖅᑐᓪᓗᐊᖅᑐᓂᒃ ᐅᓄᕐᖕᓂᖅᓴᓂᒃ, ᐊᑕᓂᐅᑉ ᓮᒻᒪᖅᑎᓚᐅᕐᖕᒪᒍ. 13ᐊᖑᓪᓗ ᐊᒃᓗᐃᑦᑑᐊᓘᓕᓚᐅᖅᐳᖅ, ᐱᑖᖅᐸᓪᓕᐊᑐᐃᓐᓇᖅᓗᓂ ᐊᔪᖅᓴᖏᑦᑐᕐᔪᐊᖑᓂᕐᖕᒧᑦ ᐊᒡᓛᑦ ᑎᑭᓪᓗᓂ. 14ᐆᒪᔪᖁᑎᖃᓚᐅᕐᖕᒪᑦ ᐅᓄᖅᑐᒻᒪᕆᐊᓗᖕᓂᒃ ᓰᐱᓂᒃ ᐃᒻᒧᒃᓯᐅᒐᕐᖕᓂᒡᓗ, ᐱᔨᖃᖅᓗᓂᓗ ᐅᓄᖅᑐᓂᒃ, ᐱᓕᔅᑍᓂᒥᐅᓂᓪᓗ ᐊᒡᓛᑦ ᓱᒐᓗᓗᐊᕆᔭᐅᓕᓚᐅᖅᐳᖅ. 15ᑍᒤᒻᒪᑦ ᐃᒥᖅᑕᕐᕕᓕᒫᑦ ᐱᓕᔅᑍᓂᒥᐅᓂᑦ ᓄᓇᒥᒃ ᐃᓗᓪᓕᖅᓱᖅᑕᐅᓚᐅᖅᐳᑦ ᑕᑕᓪᓗᒋᑦ ᐂᓴᑭᐅᑉ ᐊᑖᑕᖓᑕ ᐂᑉᕋᕼᐋᒻ ᐱᔨᖏᓐᓄᑦ ᐃᑎᖅᓴᓕᐅᖅᑕᐅᓯᒪᔪᑦ ᓱᓕ ᐂᑉᕋᕼᐋᒻ ᐃᓅᑎᓪᓗᒍ.
16ᑕᕝᕙ ᐊᐱᒥᓕᑭ ᐅᖃᓕᖅᐳᖅ ᐂᓴᑭᒧᑦ, “ᓄᓇᑦᑎᓐᓂᑦ ᐊᐅᓪᓚᓕᕆᑦ; ᐅᕙᑦᑎᓐᓂᑦ ᐊᒡᓛᑦ ᐱᔪᓐᓇᕐᖕᓂᖅᓴᐅᓕᕋᕕᑦ.” 17ᑍᒤᒻᒪᑦ ᐂᓴᑭ ᑕᕝᕙᓐᖓᑦ ᓄᓇᒥᑦ ᐊᐅᓪᓚᖅᐳᖅ, ᑕᖕᒫᖅᓗᓂᓗ ᒋᕌᕆᐅᑉ ᓇᖅᓴᖓᓂ, ᑕᕝᕙᓂᓗ ᓄᓇᖃᓕᖅᓗᓂ. 18ᑕᕝᕙ ᑕᒫᓂ ᐃᒥᖅᑕᕐᕕᖕᓂᒃ ᐃᑎᖅᓴᓕᐅᕆᒋᕗᖅ ᐂᑉᕋᕼᐋᒻ ᐃᓅᑎᓪᓗᒍ ᐃᒥᖅᑕᕐᕕᓕᐊᕆᔭᐅᓚᐅᖅᑐᓂᒃ; ᑖᒃᑯᐊ ᐱᓕᔅᑍᓂᒥᐅᓂᑦ ᓄᓇᒥᒃ ᐃᓗᓪᓕᖅᓱᖅᑕᐅᓚᐅᕐᖕᒪᑕ ᐂᑉᕋᕼᐋᒻ ᑐᖁᖓᑕ ᑭᖑᓂᖓᓂ; ᐂᓴᑭᐅᓪᓗ ᑍᒫᑦᓮᓐᓇᖅ ᐊᑎᖃᖅᑎᑉᐰᑦ ᐊᑖᑕᖓᑕ ᐊᑎᖃᖅᑎᓚᐅᖅᑕᖏᑎᑐᑦ.
19ᐂᓴᑭᐅᓪᓗ ᐱᔨᖏᑦ ᐃᒥᖅᑕᕐᕕᒃᓴᒥᒃ ᐃᑎᖅᓴᓕᐅᕆᕗᑦ ᑕᒫᓂ ᓇᖅᓴᒥ ᓇᓂᓯᓪᓗᑎᒡᓗ ᐃᒥᕐᖕᒥᒃ ᓄᓇᐅᑉ ᐃᓗᐊᓂᑦ ᑰᒃᑐᒥᒃ. 20ᓰᐱᓕᕆᔩᓪᓗ ᑕᒫᓂ ᒋᕌᕆᒥᐅᑦ ᐂᕙᖃᑎᖃᓕᓚᐅᖅᐳᑦ ᐂᓴᑭᐅᑉ ᓰᐱᓕᕆᔨᖁᑎᖏᓐᓄᑦ ᐅᖃᖅᓗᑎᒃ, “ᐅᓇᓕ ᐃᒪᖁᑎᕗᑦ.” ᑍᒤᒻᒪᑦ ᐂᓴᑭᐅᑉ ᑖᓐᓇ ᐃᒥᖅᑕᕐᕕᒃ ᐊᑦᓯᖅᐹ ᐃᓰᒃᒥᒃ, ᑕᒫᓂ ᐂᕙᖃᑎᒋᔭᐅᓚᐅᕋᒥᒃ.
21ᐃᒥᖅᑕᕐᕕᒃᓴᒥᒡᓗ ᐃᑎᖅᓴᓕᐅᕆᒃᑲᓐᓂᕆᕗᑦ, ᑖᓐᓇᓕᑦᑕᐅᖅ ᓱᓕ ᐂᕙᑦᔪᑕᐅᓕᕆᕗᖅ, ᑍᒤᒻᒪᑦ ᐊᑦᓯᕆᕚ “ᓯᑦᓇᒥᒃ.” 22ᑕᕝᕙᓐᖓᓪᓗ ᓄᓇᒥᑦ ᓅᓐᓇᒥ ᐊᓯᐊᓄᑦ ᐃᒥᖅᑕᕐᕕᒃᓴᒥᒃ ᐃᑎᖅᓴᓕᐅᕆᒃᑲᓐᓂᕆᕗᖅ, ᑖᓐᓇᓕ ᐂᕙᑦᔪᑕᐅᓐᖏᓚᖅ, ᑍᒤᒻᒪᑦ ᐊᑦᓯᖅᐹ “ᕆᕼᐅᐳᑎᒥᒃ.” ᐅᖃᖅᓗᓂ, “ᒫᓐᓇ ᐊᑕᓂᐅᑉ ᐃᓂᑖᖅᑎᑉᐹᑎᒍᑦ, ᑕᒫᓂᓗ ᐱᕙᓪᓕᐊᑦᓯᐊᕈᓐᓇᕐᖕᓂᐊᓕᖅᐳᒍᑦ.”
23ᑕᒫᓐᖓᓪᓗ ᐱᓪᓗᓂ ᐱᐊᕐᓯᐸᒧᐊᖅᐳᖅ. 24ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᖅᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᖕᓇᒃ, ᐃᓚᒋᕙᒋᑦ ᓮᒻᒪᖅᑎᓐᓂᐊᖅᐸᒋᓪᓗ ᑭᖑᕚᑎᓪᓗ ᐅᓄᖅᓯᑎᑦᓱᒫᖅᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.” 25ᑕᕝᕙᓂᓗ ᐂᓴᑭ ᑐᓂᕐᕈᓯᕐᕕᓕᐅᖅᐳᖅ ᑐᒃᓯᐊᖅᓗᓂᓗ ᐊᑕᓂᕐᖕᒧᑦ, ᑕᕝᕙᓂᓗ ᑕᖕᒫᖅᑎᖅᓗᓂ, ᐱᔨᖏᓪᓗ ᐃᒥᖅᑕᕐᕕᒃᓴᒥᒃ ᐃᑎᖅᓴᓕᐅᕆᕗᑦ.
ᐂᓴᑭᐅᑉ ᐊᐱᒥᓕᑭᐅᓪᓗ ᐊᖏᖃᑎᒌᖕᓂᖏᒃ
26 #
ᒨᓯᓯ ᓯᕗᓪᓖᑦ 21:22. ᐊᐱᒥᓕᑭᓗ ᒋᕌᕆᒥᓐᖔᖅᓗᓂ ᑎᑭᑉᐹ ᐃᓚᖃᖅᓗᓂ ᐊᕼᐅᔮᑎᒥᒃ ᐃᓱᒪᓕᐅᖅᑎᒥᓂ ᐱᑰᓕᒥᒡᓗ ᐅᓇᑕᖅᑐᒃᓴᖁᑎᖏᓐᓄᑦ ᐊᖓᔪᖅᑳᖑᔪᒥᒃ. 27ᑕᕝᕙ ᐂᓴᑭᐅᑉ ᐊᐱᕆᕔᑦ, “ᓱᖕᒪᑦ ᐅᕙᓐᓄᑦ ᑎᑭᑉᐱᓯ, ᖃᐅᔨᓚᐅᕋᒪ ᐆᒥᒋᓪᓗᖓ ᐊᐅᓪᓚᖅᑎᓚᐅᕋᑦᓯᓐᖓ?”
28ᑖᒃᑯᐊ ᑭᐅᕚᑦ, “ᒫᓐᓇ ᓇᓗᓇᖏᑦᑐᒥᒃ ᖃᐅᔨᒐᑦᑕ ᐊᑕᓂᐅᑉ ᐃᓚᒋᖕᒪᑎᑦ; ᐅᖃᓕᖅᐳᒍᑦ, ᐅᖃᕕᖃᑎᒌᒋᐊᖃᕋᑦᑕ ᐃᓕᖕᓄᑦ ᐅᕙᑦᑎᓐᓄᓪᓗ, ᐊᖏᖃᑎᒌᒍᑎᓕᐅᓚᐅᖅᑕ ᐃᓕᖕᓄᑦ. 29ᐅᕙᑦᑎᓐᓂᒃ ᖃᓄᐃᓕᓯᖁᓇᒃ, ᑍᒫᒃᑕᐅᖅ ᐃᓕᑦᓯᓐᓂᒃ ᐊᒃᑐᖅᓯᓚᐅᖏᓐᓇᑦᑕ ᖃᓄᐃᓕᓯᓚᐅᕋᑕᓗ ᐱᐅᔪᒥᒃ ᐱᓂᐊᕐᖕᓂᖃᖅᓗᑕ ᓮᒪᓇᖅᑐᒥᒃ ᐊᐅᓪᓚᖅᑎᑦᓯᓚᐅᖅᐳᒍᑦ. ᒫᓐᓇᓗ ᐊᑕᓂᐅᑉ ᓮᒻᒪᖅᑎᓯᒪᕚᑎᑦ.” 30ᑍᒤᒻᒪᑦ ᓂᕆᓂᐊᖅᑕᖏᓐᓂᒃ ᐊᑐᐃᓐᓇᕈᖅᑎᕆᕗᖅ, ᑖᒃᑯᐊᓗ ᓂᕆᕗᑦ ᐃᒥᖅᓗᑎᒡᓗ. 31ᖃᐅᑎᓪᓗᒍᓕ ᐅᓪᓛᒻᒪᕆᒃᑯᑦ ᑖᒃᑯᐊ ᐊᑐᓂᑦ ᐅᖃᕕᒍᑎᓕᐅᖅᐳᑦ ᐃᒻᒥᖕᓄᑦ; ᐂᓴᑭᐅᓪᓗ ᐊᐅᓪᓚᖅᑎᑉᐰᑦ, ᐊᕕᓕᖅᓗᑎᒡᓗ ᐃᓚᓐᓇᕇᑦᓯᐊᖅᓗᑎᒃ.
32ᐅᓪᓗᒥᓗ ᑖᑦᓱᒪᓂ ᐂᓴᑭᐅᑉ ᐱᔨᖏᑕ ᐅᐸᒡᓗᒍ ᐃᒥᖅᑕᕐᕕᒃᓴᒥᒃ ᐃᑎᖅᓴᓕᐅᖅᑕᒥᖕᓂᒃ ᐅᖃᐅᑎᕚᑦ, “ᐃᒥᕐᖕᒥᒃ ᓇᓂᓯᕗᒍᑦ.” 33ᑖᓐᓇᓗ ᐃᒥᖅᑕᕐᕕᒃ ᐊᑦᓯᖅᐹ “ᓯᐸᒥᒃ.” ᑍᒫᒃ ᑕᕝᕙ ᐃᒡᓗᒐᓮᑦ ᐱᐊᕐᓯᐸᒥᒃ ᐊᑎᖃᓕᖅᐳᑦ ᐅᓪᓗᒥᒧᑦ ᑎᑭᓪᓗᒍ.
ᐄᓴᐅᑉ ᐃᓅᖃᑎᒃᓴᔭᕆᓐᖏᑕᒥᓂᒃ ᓄᓕᐊᖅᑖᕐᖕᓂᖓ ᒪᕐᕉᖕᓂᒃ
34ᐄᓴᓕ ᐊᕐᕌᒍᖃᓕᖅᓗᓂ 40ᓂᒃ, ᓄᓕᐊᓂᓚᐅᖅᐳᖅ ᔫᑎᑕᒥᒃ ᐲᕆᐅᑉ ᐸᓂᖓᓂᒃ ᕼᐃᑍᑎᒥᐅᑕᒥᒃ, ᐸᓯᒫᑎᒥᒡᓗ ᐃᓘᓂᐅᑉ ᐸᓂᖓᓂᒃ ᕼᐃᑍᑎᒥᐅᑕᐅᖕᒥᔪᒥᒃ. 35ᑖᒃᑯᐊᒡᓕ ᐂᓴᑭᐅᑉ ᕇᐱᑲᐅᓪᓗ ᐃᓅᓯᖏᖕᓂᒃ ᖁᕕᐊᓇᖅᑎᑦᓯᓚᐅᓐᖏᓚᒃ.
Currently Selected:
ᒨᓯᓯ ᓯᕗᓪᓖᑦ 26: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᕗᓪᓖᑦ 26
26
ᐂᓴᑭᐅᑉ ᓄᓇᖃᕐᖕᓂᖓ ᔨᕌᕆᒥ
1ᑕᕝᕙ ᑕᒫᓂ ᓄᓇᓕᒫᒥ ᑳᖕᓇᖅᑐᕐᔪᐊᖑᓕᕆᕗᖅ, ᓯᕗᓂᖓᒍᑦ ᑍᒤᓚᐅᕐᖕᓂᕐᖕᒥᑐᑦ ᐂᑉᕋᕼᐋᒻ ᐃᓅᑎᓪᓗᒍ. ᐂᓴᑭᓗ ᓄᓇᒧᑦ ᒋᕌᕆᒧᐊᖅᐳᖅ, ᐊᐱᒥᓕᑭᒧᐊᖅᓗᓂ ᐱᓕᔅᑍᓂᒥ ᐊᖓᔪᖅᑳᕐᔪᐊᖑᔪᒧᑦ. 2ᐊᑕᓂᖅ ᓴᖅᑭᓚᐅᕐᖕᒪᑦ ᐂᓴᑭᒧᑦ ᐅᖃᖅᓗᓂ, “ᐄᑦᔨᑉᑎᒧᐊᕐᖕᓂᐊᕐᖕᓇᒃ; ᓇᔪᖅᑕᐅᖁᔭᓐᓂ ᐅᖃᐅᑎᓂᐊᖅᐸᒋᑦ ᓄᓇᒋᓂᐊᖅᑕᕐᖕᓂᒃ. 3#ᒨᓯᓯ ᓯᕗᓪᓖᑦ 22:16-18.ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᖅᐸᒋᑦ, ᓮᒻᒪᖅᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᖕᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᖅᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᖅᑕᕋ. 4ᑭᖑᕚᑎᑦ ᐅᓄᖅᑐᕐᔪᐊᓐᖑᖅᑎᑦᓱᒫᖅᐸᒃᑲ ᕿᓚᐅᑉ ᐅᓪᓗᕆᐊᖏᑎᑐᑦ, ᑕᒪᒃᑯᐊᓗ ᓄᓇᒋᔭᐅᔪᓕᒫᑦ ᑐᓂᔪᒫᖅᐸᒃᑲ ᑭᖑᕚᕐᖕᓄᑦ; ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒌᒡᔪᐊᑦ ᓄᓇᕐᔪᐊᕐᖕᒥ ᓮᒻᒪᖅᑎᑕᐅᔪᒫᖅᐳᑦ; 5ᐂᑉᕋᕼᐋᒻ ᓂᐱᓐᓂᒃ ᓈᓚᓚᐅᕐᖕᓂᖓᓄᑦ ᐊᖓᔪᖅᑳᖑᓂᓐᓂᒃ, ᐊᑐᖅᑕᐅᖁᔭᓐᓂᒡᓗ, ᒪᓕᒐᒃᓴᐅᖁᔭᓐᓂᒡᓗ ᐱᖁᔭᓐᓂᒡᓗ ᒪᓕᑦᓯᐊᓚᐅᕐᖕᒪᑦ.”
6ᑍᒤᒻᒪᑦ ᐂᓴᑭ ᓄᓇᖃᓕᓚᐅᖅᐳᖅ ᒋᕌᕆᒥ. 7#ᒨᓯᓯ ᓯᕗᓪᓖᑦ 12:13; 20:2.ᑕᕝᕙᓂᓕ ᐊᖑᑎᓂᑦ ᓄᓇᖃᖅᑐᓂᑦ ᐊᐱᕆᔭᐅᔭᕌᖓᒥ ᓄᓕᐊᖓᑕ ᒥᒃᓵᓄᑦ ᐅᖃᖃᑦᑕᖅᐳᖅ, “ᓇᔭᒐᐅᓇ”; ᑲᑉᐱᐊᓱᓚᐅᕋᒥ ᐅᖃᕆᐊᒃᓴᖅ, “ᐅᓇ ᓄᓕᐊᕋ.” ᐃᓱᒪᓚᐅᕋᒥ, “ᐊᖑᑎᓄᑦ ᑐᖁᑕᐅᑐᐃᓐᓇᕆᐊᖃᖅᐳᖓ ᕇᐱᑲ ᐱᑦᔪᑎᒋᓗᒍ”; ᑖᓐᓇ ᐃᓂᖁᓇᖅᑐᒻᒪᕆᐅᖕᒪᑦ. 8ᐊᑯᓂ ᑕᕝᕙᓃᓯᒪᓕᖅᑎᓪᓗᒍ, ᐊᐱᒥᓕᑭ ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖓᑦ ᐃᒐᓛᒥᒍᑦ ᐃᑦᑐᐊᖓᓪᓗᓂ ᑕᑯᓐᓇᖅᐳᖅ ᐂᓴᑭ ᕇᐱᑲᒥᒃ ᐃᕿᒻᒥᑎᓪᓗᒍ ᓄᓕᐊᒥᑐᑦ. 9ᐊᐱᒥᓕᑭᐅᓪᓗ ᐂᓴᑭ ᕾᖁᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑖᓐᓇ ᐊᕐᖕᓇᖅ ᓄᓕᐊᕆᕙᑦ; ᓱᒻᒪᓪᓕ ᐅᖃᖃᑦᑕᖅᐱᑦ, ‘ᐅᓇ ᓇᔭᒐ?’”
ᐂᓴᑭᐅᑉ ᑭᐅᕚ, “ᐃᓱᒪᖃᑦᑕᓚᐅᕋᒪ ᑐᖁᑕᐅᓂᐊᕋᓱᒋᓪᓗᖓ.”
10ᐊᐱᒥᓕᑭᓕ ᐅᖃᓕᖅᐳᖅ, “ᐅᕙᑦᑎᓐᓄᑦ ᖃᓄᐃᓕᐅᕋᓱᖕᓂᖅᐱᑦ? ᐊᖑᑎᑦ ᐃᓚᖓᓐᓄᑦ ᓄᓕᐊᑦ ᐃᓐᓇᖓᖃᑎᒋᔭᐅᔪᓐᓇᓚᐅᖅᐳᖅ, ᐃᓐᓇᖓᖃᑎᒋᔭᐅᓐᓂᖅᐸᑦ ᑕᕝᕙ ᐅᕙᑦᑎᓐᓂᒃ ᐸᓯᔭᒃᓴᓐᖑᖅᑎᑦᓯᒐᔭᓚᐅᖅᐳᑎᑦ.” 11ᐊᐱᒥᓕᑭᓗ ᐃᓄᓕᒫᓄᑦ ᐅᓗᕆᐊᓇᖅᑐᒥᒃ ᐅᖃᓕᖅᐳᖅ ᐃᒫᒃ: “ᓇᓪᓕᐊᑦ ᐆᒥᖓ ᐊᖑᒻᒥᒃ ᓄᓕᐊᖓᓂᒡᓘᓐᓃᑦ ᐊᒃᑐᐃᔪᖅ ᑖᓐᓇ ᑐᖁᑕᒃᓴᐅᕗᖅ.”
12ᐂᓴᑭᓗ ᑕᕝᕙᓂ ᓄᓇᒥ ᐱᕈᖅᓯᐊᒃᓴᓂᒃ ᑲᓐᖓᖅᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᖅᑐᓂᒃ ᑲᑎᖅᓱᐃᓚᐅᖅᐳᖅ 100ᐃᖅᑐᓪᓗᐊᖅᑐᓂᒃ ᐅᓄᕐᖕᓂᖅᓴᓂᒃ, ᐊᑕᓂᐅᑉ ᓮᒻᒪᖅᑎᓚᐅᕐᖕᒪᒍ. 13ᐊᖑᓪᓗ ᐊᒃᓗᐃᑦᑑᐊᓘᓕᓚᐅᖅᐳᖅ, ᐱᑖᖅᐸᓪᓕᐊᑐᐃᓐᓇᖅᓗᓂ ᐊᔪᖅᓴᖏᑦᑐᕐᔪᐊᖑᓂᕐᖕᒧᑦ ᐊᒡᓛᑦ ᑎᑭᓪᓗᓂ. 14ᐆᒪᔪᖁᑎᖃᓚᐅᕐᖕᒪᑦ ᐅᓄᖅᑐᒻᒪᕆᐊᓗᖕᓂᒃ ᓰᐱᓂᒃ ᐃᒻᒧᒃᓯᐅᒐᕐᖕᓂᒡᓗ, ᐱᔨᖃᖅᓗᓂᓗ ᐅᓄᖅᑐᓂᒃ, ᐱᓕᔅᑍᓂᒥᐅᓂᓪᓗ ᐊᒡᓛᑦ ᓱᒐᓗᓗᐊᕆᔭᐅᓕᓚᐅᖅᐳᖅ. 15ᑍᒤᒻᒪᑦ ᐃᒥᖅᑕᕐᕕᓕᒫᑦ ᐱᓕᔅᑍᓂᒥᐅᓂᑦ ᓄᓇᒥᒃ ᐃᓗᓪᓕᖅᓱᖅᑕᐅᓚᐅᖅᐳᑦ ᑕᑕᓪᓗᒋᑦ ᐂᓴᑭᐅᑉ ᐊᑖᑕᖓᑕ ᐂᑉᕋᕼᐋᒻ ᐱᔨᖏᓐᓄᑦ ᐃᑎᖅᓴᓕᐅᖅᑕᐅᓯᒪᔪᑦ ᓱᓕ ᐂᑉᕋᕼᐋᒻ ᐃᓅᑎᓪᓗᒍ.
16ᑕᕝᕙ ᐊᐱᒥᓕᑭ ᐅᖃᓕᖅᐳᖅ ᐂᓴᑭᒧᑦ, “ᓄᓇᑦᑎᓐᓂᑦ ᐊᐅᓪᓚᓕᕆᑦ; ᐅᕙᑦᑎᓐᓂᑦ ᐊᒡᓛᑦ ᐱᔪᓐᓇᕐᖕᓂᖅᓴᐅᓕᕋᕕᑦ.” 17ᑍᒤᒻᒪᑦ ᐂᓴᑭ ᑕᕝᕙᓐᖓᑦ ᓄᓇᒥᑦ ᐊᐅᓪᓚᖅᐳᖅ, ᑕᖕᒫᖅᓗᓂᓗ ᒋᕌᕆᐅᑉ ᓇᖅᓴᖓᓂ, ᑕᕝᕙᓂᓗ ᓄᓇᖃᓕᖅᓗᓂ. 18ᑕᕝᕙ ᑕᒫᓂ ᐃᒥᖅᑕᕐᕕᖕᓂᒃ ᐃᑎᖅᓴᓕᐅᕆᒋᕗᖅ ᐂᑉᕋᕼᐋᒻ ᐃᓅᑎᓪᓗᒍ ᐃᒥᖅᑕᕐᕕᓕᐊᕆᔭᐅᓚᐅᖅᑐᓂᒃ; ᑖᒃᑯᐊ ᐱᓕᔅᑍᓂᒥᐅᓂᑦ ᓄᓇᒥᒃ ᐃᓗᓪᓕᖅᓱᖅᑕᐅᓚᐅᕐᖕᒪᑕ ᐂᑉᕋᕼᐋᒻ ᑐᖁᖓᑕ ᑭᖑᓂᖓᓂ; ᐂᓴᑭᐅᓪᓗ ᑍᒫᑦᓮᓐᓇᖅ ᐊᑎᖃᖅᑎᑉᐰᑦ ᐊᑖᑕᖓᑕ ᐊᑎᖃᖅᑎᓚᐅᖅᑕᖏᑎᑐᑦ.
19ᐂᓴᑭᐅᓪᓗ ᐱᔨᖏᑦ ᐃᒥᖅᑕᕐᕕᒃᓴᒥᒃ ᐃᑎᖅᓴᓕᐅᕆᕗᑦ ᑕᒫᓂ ᓇᖅᓴᒥ ᓇᓂᓯᓪᓗᑎᒡᓗ ᐃᒥᕐᖕᒥᒃ ᓄᓇᐅᑉ ᐃᓗᐊᓂᑦ ᑰᒃᑐᒥᒃ. 20ᓰᐱᓕᕆᔩᓪᓗ ᑕᒫᓂ ᒋᕌᕆᒥᐅᑦ ᐂᕙᖃᑎᖃᓕᓚᐅᖅᐳᑦ ᐂᓴᑭᐅᑉ ᓰᐱᓕᕆᔨᖁᑎᖏᓐᓄᑦ ᐅᖃᖅᓗᑎᒃ, “ᐅᓇᓕ ᐃᒪᖁᑎᕗᑦ.” ᑍᒤᒻᒪᑦ ᐂᓴᑭᐅᑉ ᑖᓐᓇ ᐃᒥᖅᑕᕐᕕᒃ ᐊᑦᓯᖅᐹ ᐃᓰᒃᒥᒃ, ᑕᒫᓂ ᐂᕙᖃᑎᒋᔭᐅᓚᐅᕋᒥᒃ.
21ᐃᒥᖅᑕᕐᕕᒃᓴᒥᒡᓗ ᐃᑎᖅᓴᓕᐅᕆᒃᑲᓐᓂᕆᕗᑦ, ᑖᓐᓇᓕᑦᑕᐅᖅ ᓱᓕ ᐂᕙᑦᔪᑕᐅᓕᕆᕗᖅ, ᑍᒤᒻᒪᑦ ᐊᑦᓯᕆᕚ “ᓯᑦᓇᒥᒃ.” 22ᑕᕝᕙᓐᖓᓪᓗ ᓄᓇᒥᑦ ᓅᓐᓇᒥ ᐊᓯᐊᓄᑦ ᐃᒥᖅᑕᕐᕕᒃᓴᒥᒃ ᐃᑎᖅᓴᓕᐅᕆᒃᑲᓐᓂᕆᕗᖅ, ᑖᓐᓇᓕ ᐂᕙᑦᔪᑕᐅᓐᖏᓚᖅ, ᑍᒤᒻᒪᑦ ᐊᑦᓯᖅᐹ “ᕆᕼᐅᐳᑎᒥᒃ.” ᐅᖃᖅᓗᓂ, “ᒫᓐᓇ ᐊᑕᓂᐅᑉ ᐃᓂᑖᖅᑎᑉᐹᑎᒍᑦ, ᑕᒫᓂᓗ ᐱᕙᓪᓕᐊᑦᓯᐊᕈᓐᓇᕐᖕᓂᐊᓕᖅᐳᒍᑦ.”
23ᑕᒫᓐᖓᓪᓗ ᐱᓪᓗᓂ ᐱᐊᕐᓯᐸᒧᐊᖅᐳᖅ. 24ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᖅᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᖕᓇᒃ, ᐃᓚᒋᕙᒋᑦ ᓮᒻᒪᖅᑎᓐᓂᐊᖅᐸᒋᓪᓗ ᑭᖑᕚᑎᓪᓗ ᐅᓄᖅᓯᑎᑦᓱᒫᖅᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.” 25ᑕᕝᕙᓂᓗ ᐂᓴᑭ ᑐᓂᕐᕈᓯᕐᕕᓕᐅᖅᐳᖅ ᑐᒃᓯᐊᖅᓗᓂᓗ ᐊᑕᓂᕐᖕᒧᑦ, ᑕᕝᕙᓂᓗ ᑕᖕᒫᖅᑎᖅᓗᓂ, ᐱᔨᖏᓪᓗ ᐃᒥᖅᑕᕐᕕᒃᓴᒥᒃ ᐃᑎᖅᓴᓕᐅᕆᕗᑦ.
ᐂᓴᑭᐅᑉ ᐊᐱᒥᓕᑭᐅᓪᓗ ᐊᖏᖃᑎᒌᖕᓂᖏᒃ
26 #
ᒨᓯᓯ ᓯᕗᓪᓖᑦ 21:22. ᐊᐱᒥᓕᑭᓗ ᒋᕌᕆᒥᓐᖔᖅᓗᓂ ᑎᑭᑉᐹ ᐃᓚᖃᖅᓗᓂ ᐊᕼᐅᔮᑎᒥᒃ ᐃᓱᒪᓕᐅᖅᑎᒥᓂ ᐱᑰᓕᒥᒡᓗ ᐅᓇᑕᖅᑐᒃᓴᖁᑎᖏᓐᓄᑦ ᐊᖓᔪᖅᑳᖑᔪᒥᒃ. 27ᑕᕝᕙ ᐂᓴᑭᐅᑉ ᐊᐱᕆᕔᑦ, “ᓱᖕᒪᑦ ᐅᕙᓐᓄᑦ ᑎᑭᑉᐱᓯ, ᖃᐅᔨᓚᐅᕋᒪ ᐆᒥᒋᓪᓗᖓ ᐊᐅᓪᓚᖅᑎᓚᐅᕋᑦᓯᓐᖓ?”
28ᑖᒃᑯᐊ ᑭᐅᕚᑦ, “ᒫᓐᓇ ᓇᓗᓇᖏᑦᑐᒥᒃ ᖃᐅᔨᒐᑦᑕ ᐊᑕᓂᐅᑉ ᐃᓚᒋᖕᒪᑎᑦ; ᐅᖃᓕᖅᐳᒍᑦ, ᐅᖃᕕᖃᑎᒌᒋᐊᖃᕋᑦᑕ ᐃᓕᖕᓄᑦ ᐅᕙᑦᑎᓐᓄᓪᓗ, ᐊᖏᖃᑎᒌᒍᑎᓕᐅᓚᐅᖅᑕ ᐃᓕᖕᓄᑦ. 29ᐅᕙᑦᑎᓐᓂᒃ ᖃᓄᐃᓕᓯᖁᓇᒃ, ᑍᒫᒃᑕᐅᖅ ᐃᓕᑦᓯᓐᓂᒃ ᐊᒃᑐᖅᓯᓚᐅᖏᓐᓇᑦᑕ ᖃᓄᐃᓕᓯᓚᐅᕋᑕᓗ ᐱᐅᔪᒥᒃ ᐱᓂᐊᕐᖕᓂᖃᖅᓗᑕ ᓮᒪᓇᖅᑐᒥᒃ ᐊᐅᓪᓚᖅᑎᑦᓯᓚᐅᖅᐳᒍᑦ. ᒫᓐᓇᓗ ᐊᑕᓂᐅᑉ ᓮᒻᒪᖅᑎᓯᒪᕚᑎᑦ.” 30ᑍᒤᒻᒪᑦ ᓂᕆᓂᐊᖅᑕᖏᓐᓂᒃ ᐊᑐᐃᓐᓇᕈᖅᑎᕆᕗᖅ, ᑖᒃᑯᐊᓗ ᓂᕆᕗᑦ ᐃᒥᖅᓗᑎᒡᓗ. 31ᖃᐅᑎᓪᓗᒍᓕ ᐅᓪᓛᒻᒪᕆᒃᑯᑦ ᑖᒃᑯᐊ ᐊᑐᓂᑦ ᐅᖃᕕᒍᑎᓕᐅᖅᐳᑦ ᐃᒻᒥᖕᓄᑦ; ᐂᓴᑭᐅᓪᓗ ᐊᐅᓪᓚᖅᑎᑉᐰᑦ, ᐊᕕᓕᖅᓗᑎᒡᓗ ᐃᓚᓐᓇᕇᑦᓯᐊᖅᓗᑎᒃ.
32ᐅᓪᓗᒥᓗ ᑖᑦᓱᒪᓂ ᐂᓴᑭᐅᑉ ᐱᔨᖏᑕ ᐅᐸᒡᓗᒍ ᐃᒥᖅᑕᕐᕕᒃᓴᒥᒃ ᐃᑎᖅᓴᓕᐅᖅᑕᒥᖕᓂᒃ ᐅᖃᐅᑎᕚᑦ, “ᐃᒥᕐᖕᒥᒃ ᓇᓂᓯᕗᒍᑦ.” 33ᑖᓐᓇᓗ ᐃᒥᖅᑕᕐᕕᒃ ᐊᑦᓯᖅᐹ “ᓯᐸᒥᒃ.” ᑍᒫᒃ ᑕᕝᕙ ᐃᒡᓗᒐᓮᑦ ᐱᐊᕐᓯᐸᒥᒃ ᐊᑎᖃᓕᖅᐳᑦ ᐅᓪᓗᒥᒧᑦ ᑎᑭᓪᓗᒍ.
ᐄᓴᐅᑉ ᐃᓅᖃᑎᒃᓴᔭᕆᓐᖏᑕᒥᓂᒃ ᓄᓕᐊᖅᑖᕐᖕᓂᖓ ᒪᕐᕉᖕᓂᒃ
34ᐄᓴᓕ ᐊᕐᕌᒍᖃᓕᖅᓗᓂ 40ᓂᒃ, ᓄᓕᐊᓂᓚᐅᖅᐳᖅ ᔫᑎᑕᒥᒃ ᐲᕆᐅᑉ ᐸᓂᖓᓂᒃ ᕼᐃᑍᑎᒥᐅᑕᒥᒃ, ᐸᓯᒫᑎᒥᒡᓗ ᐃᓘᓂᐅᑉ ᐸᓂᖓᓂᒃ ᕼᐃᑍᑎᒥᐅᑕᐅᖕᒥᔪᒥᒃ. 35ᑖᒃᑯᐊᒡᓕ ᐂᓴᑭᐅᑉ ᕇᐱᑲᐅᓪᓗ ᐃᓅᓯᖏᖕᓂᒃ ᖁᕕᐊᓇᖅᑎᑦᓯᓚᐅᓐᖏᓚᒃ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.