ᔪᐊᓇᓯᐅᑉ ᐊᒡᓚᖏᑦ 8
8
ᐊᕐᓇᖅ ᐊᖑᓐᓂᐊᕐᑎᓪᓗᒍ ᐊᖑᔭᐅᔪᖅ
1ᔩᓱᓯᓕ ᖃᖅᑲᒧᑦ ᒪᔪᐊᕐᐳᖅ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᓂᒃ ᓇᐹᕐᑐᓕᖕᒧᑦ. 2ᐅᓪᓛᒪᕆᒃᑯᓪᓕ ᑐᒃᓯᐊᕐᕕᒡᔪᐊᕐᒧᐊᕆᕗᖅ; ᐃᓄᐃᓪᓗ ᔩᓱᓯᐅᑉ ᐊᕙᑖᓄᑦ ᑲᑎᕗᑦ, ᐃᖏᓪᓗᓂ ᐊᔪᕆᕐᑐᓕᕐᐰᑦ. 3ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ ᐊᕐᓇᒥᒃ ᑕᕝᕗᓐᖓᐅᑦᔨᕗᑦ ᐊᓯᓐᓂᐊᕐᑎᓪᓗᒍ ᐊᖑᔭᐅᔪᒥᒃ, ᐃᓄᒋᐊᒃᑐᑦ ᐊᑯᕐᖓᓐᓄᐊᕈᑎᕚᑦ. 4ᔩᓱᓯᒧᑦ ᐅᖃᕐᐳᑦ, “ᐊᔪᕆᕐᑐᐃᔩ, ᐅᓇ ᐊᕐᓇᖅ ᐊᓯᓐᓂᐊᕐᑎᓪᓗᒍ ᐊᖑᔭᐅᖕᒪᑦ. 5#ᒨᓯᓯ ᐱᖓᔪᖏᑦ 20:10; ᒨᓯᓯ ᑕᓪᓕᒪᖏᑦ 22:22-24.ᐱᑯᔭᑦᑎᓐᓂ ᒨᓯᓯᐅᑉ ᐱᖁᕚᑎᒍᑦ ᐊᕐᓇᖅ ᑍᒤᑦᑐᖅ ᒥᓪᓗᕐᑕᐅᓗᓂ ᑐᖁᑕᐅᔭᕆᐊᖃᕐᓂᕋᕐᖢᒍ. ᐃᕝᕕᓪᓕ ᖃᓄᐃᓕᔭᐅᖁᕐᒪᖔᕐᐱᐅᒃ?” 6ᑍᒤᓕᕗᓪᓕ ᔩᓱᓯᒥᒃ ᐆᒃᑐᕋᓱᐊᕐᓗᑎᒃ, ᐸᓯᔭᒃᓴᓐᖑᕐᑎᑦᓯᔪᒪᓪᓗᑎᒃ ᑖᑦᓱᒥᖓ. ᔩᓱᓯᓕ ᐅᑯᓪᓗᓂ ᑎᑭᕐᒥᓄᑦ ᓄᓇᒃᑯᑦ ᑎᑎᕋᓕᕐᐳᖅ. 7ᐊᐱᕐᓱᒃᑲᓐᓂᓕᕐᒪᑕ ᓂᑯᕕᓪᓗᓂ ᐅᖃᐅᑎᕔᑦ, “ᓇᓪᓕᓯ ᐊᔪᕐᑐᓕᓚᐅᕐᓯᒪᖏᑦᑑᑉ ᐅᔭᖅᑲᒧᑦ ᒥᓗᕆᐊᖅᑳᓚᐅᕐᓕᐅᒃ.” 8ᐊᒻᒪ ᐅᑯᒋᓪᓗᓂ ᓄᓇᒃᑯᑦ ᑎᑎᕋᓕᕆᕗᖅ. 9ᑕᒪᑐᒥᖓᓕ ᑐᓴᕋᒥᒃ, ᕿᒪᕉᑎᓕᕐᐳᑦ, ᐊᑕᐅᓯᐅᓈᕐᑎᕐᓗᑎᒃ, ᐃᓄᑐᖃᐅᓛᓂᑦ ᐱᒋᐊᖅᑳᕐᓗᑎᒃ. ᔩᓱᓯᓗ ᕿᒪᒃᑕᐅᕗᖅ ᐃᓄᑑᓕᕐᓗᓂ, ᐊᕐᓇᕐᓗ ᓇᖏᕐᑐᖅ ᐱᖃᑎᑐᐊᕆᓕᕐᐹ. 10ᔩᓱᓯᐅᓪᓕ ᑕᑯᓴᕐᓗᓂᐅᒃ ᐊᕐᓇᖅ ᐅᖃᐅᑎᕚ, “ᐊᕐᓈᖅ, ᓇᒧᓐᖓᕐᑐᓪᓖᒃᑯᐊ? ᐅᕙᓃᑦᑐᖃᕈᓐᓃᕐᐹ ᐃᓕᖕᓂᒃ ᓱᒋᐊᕐᑕᐅᖁᔨᔪᒥᒃ?”
11ᐊᕐᓇᐅᑉ ᑭᐅᕚ, “ᐊᑕᓃᖅ ᑕᕝᕙᓃᑦᑐᖃᕈᓐᓃᕐᐳᖅ.”
ᔩᓱᓯᐅᑉ ᐅᖃᐅᑎᕚ, “ᐅᕙᖓᑦᑕᐅᖅ ᓱᒋᐊᒐᒃᓴᐅᑎᑦᓱᓐᓃᕐᐸᒋᑦ; ᑕᒫᓐᖓᑦ ᓅᓕᕆᑦ, ᑭᖑᕐᖓᒍᓪᓗ ᐊᔪᕐᑐᓕᒃᑲᓐᓂᕐᑍᓕᓕᕆᑦ.”
ᔩᓱᓯ ᓯᓚᕐᔪᐊᕐᒧᑦ ᖃᐅᒪᓂᐅᕗᖅ
12 #
ᒫᑎᐅᓯ 5:14; ᔪᐊᓇᓯ 9:5. ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”
13 #
ᔪᐊᓇᓯ 5:31. ᑕᕝᕙ ᐹᕆᓯᑦ ᐅᖃᐅᑎᕚᑦ, “ᐃᓕᖕᓂᒃ ᑕᕝᕙ ᓇᓗᓁᓕᕗᑎᑦ; ᓇᓗᓁᔭᕈᑏᑦ ᑕᒪᓐᓇ ᓱᓕᓐᖏᓚᖅ.”
14ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓇᓗᓁᕋᓗᐊᕈᒪ, ᓇᓗᓁᔭᕐᓂᕋ ᓱᓕᕗᖅ, ᖃᐅᔨᒪᒐᒪ ᓇᑭᑦ ᐱᓯᒪᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ, ᐃᓕᑦᓯᓕ ᖃᐅᔨᒪᓐᖏᓚᓯ ᓇᑭᑦ ᐱᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ. 15ᑎᒥᐅᑉ ᐃᓕᖅᑯᓯᖓ ᒪᓕᒡᓗᒍ ᐃᖅᑲᕐᑐᐃᕗᓯ, ᐅᕙᖓᓕ ᐃᖅᑲᕐᑐᐃᓐᖏᓚᖓ ᑭᓇᒥᒡᓘᓐᓃᑦ. 16ᐃᓛᒃ ᐃᖅᑲᕐᑐᐃᒍᒪ, ᐃᖅᑲᕐᑐᐃᓂᕋ ᓱᓕᕗᖅ, ᐃᓄᑑᑦᔨᖏᓐᓇᒪ ᐃᖅᑲᕐᑐᐃᓂᕐᒥᒃ, ᐊᑖᑕᐅᓪᓕ ᑎᓕᔨᒪ ᐃᓚᒋᕚᖓ. 17#ᒨᓯᓯ ᑕᓪᓕᒪᖏᑦ 19:15.ᐱᖁᔭᑦᓯᓐᓂ ᑎᑎᕋᕐᓯᒪᔪᖃᕐᐳᖅ ᐃᓅᒃ ᒪᕐᕉᒃ ᖃᐅᔨᓯᒪᓂᖏᒃ ᓱᓕᕘᒃ; 18ᐅᕙᖓ ᐅᕙᓐᓂᒃ ᓇᓗᓁᕐᐳᖓ, ᐊᑖᑕᒐᓗ ᑎᓕᔨᒐ ᓇᓗᓁᔧᒋᕗᖅ ᐅᕙᓐᓂᒃ.”
19ᑍᒤᒻᒪᑦ ᑕᕝᕙ ᐊᐱᕆᕚᑦ, “ᓇᐅᒃᑍᒪ ᐊᑖᑍᑦ?”
ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᐊᑖᑕᒥᒡᓘᓐᓃᑦ ᖃᐅᔨᒪᓐᖏᓚᓯ; ᐅᕙᓐᓂᒃ ᖃᐅᔨᒪᒍᑦᓯ, ᐊᑖᑕᒐ ᖃᐅᔨᒪᒐᔭᕆᕙᓯ.”
20ᐅᖃᐅᓰᑦ ᔩᓱᓯᐅᑉ ᐅᖃᐅᓯᕆᕔᑦ ᑐᒃᓯᐊᕐᕕᒡᔪᐊᕐᒥ, ᑐᓂᕐᕈᑎᓂᒃ ᐴᖅᑬᕕᐅᑉ ᓴᓂᐊᓃᓪᓗᓂ; ᑎᒍᓯᔪᖃᓐᖏᓚᕐᓕ ᑖᑦᓱᒥᖓ, ᐱᔭᐅᕕᒃᓴᖓ ᓱᓕ ᓇᓪᓕᐅᑎᓯᒪᖏᒻᒪᑦ.
ᐅᐸᖕᓂᐊᕐᑕᓐᓄᑦ ᐅᐸᒍᑎᔪᓐᓇᓐᖏᓚᓯ
21ᑕᕝᕙ ᔩᓱᓯᐅᑉ ᐅᖃᐅᑎᒃᑲᓐᓂᕐᐰᑦ, “ᐊᐅᓪᓚᕐᓂᐊᕐᐳᖓ, ᕿᓂᕈᒫᕐᐸᑦᓯᓐᖓᓗ ᑐᖁᔪᒫᕐᐳᓯᓗ ᐊᔪᕐᓂᑦᓯᓐᓃᖏᓐᓇᕐᓗᓯ; ᐅᐸᖕᓂᐊᕐᑕᓐᓄᑦ ᐂᔪᓐᓇᖏᓐᓇᑦᓯ.”
22ᑕᕝᕙ ᔫᑎᑦ ᐅᖃᕐᐳᑦ, “ᐅᐸᖕᓂᐊᕐᑕᖓᓄᒡᒎᖅ ᐂᔪᓐᓇᖏᓐᓇᑦᑕ, ᐅᓈ ᐃᒻᒥᓂᒃ ᑐᖁᑦᓱᒪᓕᕋᒥ ᑍᒫᒃ ᐅᖃᕐᐸ?”
23ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᒫᓐᖓᑦ ᐱᕗᓯ, ᐅᕙᖓᓕ ᑕᑉᐹᓐᖓᑦ ᐱᕗᖓ; ᐃᓕᑦᓯ ᓯᓚᕐᔪᐊᕐᒥᑦ ᑕᒪᑐᒪᓐᖓᑦ ᐱᕗᓯ, ᐅᕙᖓᓕ ᓯᓚᕐᔪᐊᕐᒥᑦ ᑕᒪᑐᒪᓐᖓᑦ ᐱᓐᖏᓚᖓ. 24ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᓂᕋᕐᓗᓯ ᐊᔪᕐᓂᑦᓯᓐᓃᓪᓗᓯ, ᑐᖁᔪᒫᕐᐳᓯ ᐊᔪᕐᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”
25ᑕᕝᕙ ᐅᖃᐅᑎᕚᑦ, “ᑭᓇᐅᕖᑦ?”
ᔩᓱᓯᐅᑉ ᐅᖃᐅᑎᕔᑦ, “ᐅᖃᐅᑎᓯᒪᓚᐅᕐᐸᑦᓯ ᑍᒪᓐᖓᑦ ᐱᒋᐊᓕᓵᕐᓂᓐᓂᑦ. 26ᐊᒥᓱᓂᒃ ᐅᖃᐅᓯᒃᓴᖃᕐᐳᖓ ᐃᓕᑦᓯᓐᓄᑦ ᐃᖅᑲᕐᑐᐃᑦᔪᑎᒃᓴᖃᕐᓗᖓᓗ; ᑎᓕᔨᒐᓕ ᓱᓕᔫᕗᖅ, ᓯᓚᕐᔪᐊᕐᒥᐅᓪᓗ ᐅᖃᐅᑎᕙᒃᑲ ᑖᑦᓱᒪᓐᖓᑦ ᑐᓴᓚᐅᕐᑕᓐᓂᒃ.”
27ᑐᑭᓯᓐᖏᓚᓪᓕ ᔩᓱᓯᐅᑉ ᐅᖃᐅᓯᕆᔭᖓᓂᒃ ᐊᑖᑕᒥᒃ. 28ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᐃᓅᑉ ᐃᕐᓂᖓ ᓇᑉᐸᐅᑎᒍᑦᓯᐅᒃ, ᑐᑭᓯᓛᕐᐳᓯ ᐅᕙᖓᐅᒐᒪ, ᑐᑭᓯᓗᓯᓗ ᐅᕙᓐᓂᒃ ᐱᓇᓱᐊᕐᓯᒪᖏᓐᓂᓐᓂᒃ ᐅᖃᐅᓯᖃᕋᒪᓕ ᐊᑖᑕᐅᑉ ᐅᕙᓐᓄᑦ ᐊᔪᕆᕐᑑᑎᒋᓚᐅᕐᑕᖏᓐᓂᒃ. 29ᑎᓕᔨᒪᓗ ᐃᓚᒋᕚᖓ; ᐃᓄᑑᑎᓐᖏᓛᖓ, ᑖᑦᓱᒪ ᖁᕕᐊᒋᔭᖓᓂᒃ ᐱᓇᓱᐊᑦᓮᓐᓇᕋᒪ.”
30ᔩᓱᓯ ᑖᒃᑯᓂᖓ ᐅᖃᕐᑎᓪᓗᒍ, ᐊᒥᓱᑦ ᐅᒃᐱᓕᕐᐳᑦ ᑖᑦᓱᒥᖓ.
ᐂᑉᕋᕼᐋᒻ ᕿᑐᕐᖓᖏᑦ
31ᑕᕝᕙ ᔩᓱᓯᐅᑉ ᔫᑎᑦ ᐅᒃᐱᕆᔨᓂ ᐅᖃᐅᑎᕔᑦ, “ᐅᖃᐅᓯᒃᑲ ᒪᓕᑦᓮᓐᓇᓕᕈᑦᓯᒋᒃ, ᓱᓕᔪᒥᒃ ᐃᓕᓐᓂᐊᕐᑎᒋᓕᕐᐸᑦᓯ, 32ᓱᓕᔪᖅ ᖃᐅᔨᓂᐊᕐᐸᓯ, ᓱᓕᔫᓪᓗ ᕿᓚᕈᑦᔮᕐᓂᐊᕐᐹᓯ.”
33 #
ᒫᑎᐅᓯ 3:9; ᓘᑲᓯ 3:8. ᑕᕝᕙ ᑭᐅᕚᑦ, “ᐂᑉᕋᕼᐋᒻ ᑭᖑᕚᕆᕚᑎᒍᑦ, ᓇᓪᓕᐊᓐᓅᓪᓘᓐᓃᑦ ᓯᐊᓛᕆᔭᐅᓚᐅᕐᓯᒪᓐᖏᓚᒍᑦ. ᖃᓄᖅ ᑐᑭᓕᖕᒥᒃ ᐅᖃᕐᐲᑦ, ‘ᕿᓚᕈᑦᔮᕐᓂᐊᕐᐹᓯ’?”
34ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐊᔪᕐᑐᓕᔪᖅ ᐊᔪᓕᕐᑎᑕᐅᓯᒪᕗᖅ ᐊᔪᕐᓂᕐᒧᑦ. 35ᐊᔪᕐᓂᕐᒧᑦ ᕿᓚᒃᓱᕐᑕᐅᓯᒪᔪᖅ ᐃᒡᓗᒦᑦᓮᓐᓇᕈᓐᓇᓐᖏᓚᖅ; ᐃᕐᓂᕐᓕ ᑕᕝᕙᓃᑦᓮᓐᓇᕐᓂᐊᕐᐳᖅ. 36ᐃᕐᓂᐅᑉ ᕿᓚᕈᑦᔮᕐᐸᓯ, ᑕᕝᕙ ᕿᓚᕈᑦᔮᕐᓯᒪᓪᓚᕆᖕᓂᐊᕐᐳᓯ. 37ᖃᐅᔨᒪᕗᖓ ᐂᑉᕋᕼᐋᒻ ᑭᖑᕚᕆᖕᒪᓯ; ᑐᖁᓐᓇᓱᐊᕐᐸᑦᓯᓐᖓᓕ, ᐅᖃᐅᓯᒃᑲ ᐃᑎᕐᕕᒃᓴᖃᖏᒻᒪᑕ ᐃᓕᑦᓯᓐᓄᑦ. 38ᐅᖃᓪᓚᒃᐳᖓ ᐊᑖᑕᓐᓂᑦ ᑕᑯᓚᐅᕐᑕᓐᓂᒃ, ᑍᒤᓕᐅᕆᕗᓯ ᑐᓴᓚᐅᕐᑕᑦᓯᓐᓂᒃ ᐊᑖᑕᑦᓯᓐᓂ.”
39ᑖᒃᑯᐊ ᑭᐅᕚᑦ, “ᐂᑉᕋᕼᐋᒻ ᐊᑖᑕᒋᕙᕗᑦ.”
ᔩᓱᓯᐅᑉ ᐅᖃᐅᑎᕔᑦ, “ᐂᑉᕋᕼᐋᑉ ᕿᑐᕐᖓᕆᒃᐸᓯ, ᐂᑉᕋᕼᐋᒻ ᐱᓂᐊᓚᐅᕐᑕᖏᑦ ᐱᓇᓱᐊᕋᔭᕆᕙᓯ, 40ᒫᓐᓇᓕ ᑐᖁᓐᓇᓱᐊᕐᐸᑦᓯᓐᖓ, ᓱᓕᔪᒥᒃ ᐅᖃᓪᓚᒃᑎᓪᓗᖓ ᒎᑎᒥᑦ ᑐᓴᓚᐅᕐᑕᓐᓂᒃ; ᐂᑉᕋᕼᐋᒻᓕ ᑍᒤᓕᐅᓚᐅᓐᖏᓚᖅ. 41ᐊᑖᑕᑦᓯ ᐱᓂᐊᓚᐅᕐᑕᖏᓐᓂᒃ ᐱᓇᓱᐊᕐᐳᓯ.”
ᑖᒃᑯᐊ ᐅᖃᐅᑎᕚᑦ, “ᐊᓯᓐᓂᐊᕐᓂᕐᒧᑦ ᕿᑐᕐᖓᕐᑖᖑᓯᒪᓐᖏᓚᒍᑦ; ᐊᑕᐅᓯᕐᒥᒃ ᐊᑖᑕᖃᕐᐳᒍᑦ ᒎᑎᒥᒃ.”
42ᔩᓱᓯᐅᑉ ᐅᖃᐅᑎᕔᑦ, “ᒎᑎ ᐊᑖᑕᒋᒍᑦᓯᐅᒃ, ᓇᒡᓕᒋᒐᔭᕐᐸᑦᓯᓐᖓ, ᒎᑎᒥᑦ ᐱᓚᐅᕋᒪ ᑕᕝᕙᓐᖔᕐᓯᒪᓪᓗᖓᓗ ᒫᓐᓇ ᑕᕝᕙᓃᑉᐳᖓ; ᐅᕙᓐᓂᒃ ᑕᒪᐅᓐᖓᕐᑎᓚᐅᖏᓐᓇᒪ, ᑖᑦᓱᒪᓕ ᑎᓕᓚᐅᕐᐹᖓ. 43ᓱᖕᒪᑦ ᐅᖃᐅᓯᕆᔭᒃᑲ ᑐᑭᓯᖏᑉᐱᓯᐅᒃ? ᐅᖃᐅᓯᒃᑲ ᓈᓚᒍᒪᖏᓐᓇᑦᓯᒋᒃ ᑐᓵᔪᒪᓇᒋᓪᓗ. 44ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ. 45ᐅᕙᖓᓕ ᓱᓕᔪᒥᒃ ᐅᖃᓪᓚᒃᑲᒪ, ᐅᒃᐱᕆᓐᖏᓚᑦᓯᓐᖓ. 46ᓇᓪᓕᓯ ᐊᔪᕐᑐᓕᓂᓐᓂᒃ ᓇᓗᓁᕐᓯᔪᓐᓇᕐᐹ ᓱᓕᔪᒥᒡᓕ ᐅᖃᓪᓚᒃᑯᒪ, ᓱᖕᒪᑦ ᐅᒃᐱᕆᓐᖏᓚᑦᓯᓐᖓ? 47ᒎᑎᒥᑦ ᐱᔫᑉ ᒎᑎᐅᑉ ᐅᖃᐅᓯᖏᑦ ᑐᓴᕐᐰᑦ; ᑍᒤᒻᒪᑦ ᒎᑎᒥᑦ ᐱᖏᓐᓇᑦᓯ, ᑐᓴᕈᓐᓇᓐᖏᓚᓯ.”
ᔩᓱᓯᓗ ᐂᑉᕋᕼᐋᒻᓗ
48ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”
49ᔩᓱᓯᐅᑉ ᑭᐅᕔᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᓐᖏᓚᖓ; ᐊᑖᑕᒐᓕ ᐅᐱᒋᕙᕋ, ᐃᓕᑦᓯᓕ ᓇᕐᕈᒋᕙᑦᓯᓐᖓ. 50ᓂᕐᑐᕐᑕᐅᓂᒃᓴᕋ ᕿᓂᓐᖏᓚᕋ; ᑕᒪᑐᒥᖓᓕ ᕿᓂᕐᑐᖃᕇᕐᐳᖅ ᑖᓐᓇᓗ ᐃᖅᑲᕐᑐᐃᔪᒫᕐᐳᖅ. 51ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ, ᑖᓐᓇ ᑐᖁᓂᐊᓐᖏᓚᖅ.”
52ᑕᕝᕙ ᔫᑎᑦ ᐅᖃᐅᑎᕚᑦ, “ᒫᓐᓇ ᖁᓚᕐᓇᖏᑦᑐᒥᒃ ᑐᑭᓯᕗᒍᑦ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᒐᕕᑦ. ᐂᑉᕋᕼᐋᒻ ᑐᖁᓚᐅᕐᐳᖅ, ᓇᓚᐅᑦᑍᔪᓪᓗ ᑐᖁᓚᐅᕆᕗᑦ; ᐃᕝᕕᓪᓕ ᐅᖃᕐᐳᑎᑦ, ‘ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ ᑖᓐᓇ ᑐᖁᓂᐊᓐᖏᓚᖅ.’ 53ᐂᑉᕋᕼᐋᒻᒥᑦ ᐊᑖᑕᑦᑎᓐᓂᑦ ᐊᖏᓂᕐᓴᐅᕖᑦ, ᑐᖁᓚᐅᕐᑐᒥᑦ? ᓇᓚᐅᑦᑍᔪᓪᓗ ᑐᖁᓚᐅᕆᕗᑦ! ᐃᓕᖕᓃᒃ ᓱᓇᐅᑎᓐᓇᓱᒃᐲᑦ?”
54ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓂᕐᑑᑎᒍᒪ, ᓂᕐᑑᑎᓂᕋ ᐊᑐᕋᔭᓐᖏᓚᖅ; ᐊᑖᑕᒐᓕ ᑖᓐᓇᐅᕗᖅ ᐅᕙᓐᓂᒃ ᓂᕐᑐᕐᓇᕐᑎᑦᓯᔪᖅ, ᑖᓐᓇ ᒎᑎᒋᓂᕋᕐᑕᓯ. 55ᑖᓐᓇᓕ ᖃᐅᔨᒪᓐᖏᓐᓇᑦᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᕐᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ. 56ᐂᑉᕋᕼᐋᒻ ᐊᑖᑕᓯ ᖁᕕᐊᓱᓚᐅᕐᐳᖅ ᑕᑯᔪᒫᓕᕋᒥ ᐅᓪᓗᕆᔪᒫᕐᑕᓐᓂᒃ; ᑕᑯᒐᒥᐅᒃᓗ ᖁᕕᐊᓱᓚᐅᕐᐳᖅ.”
57ᑕᕝᕙ ᔫᑎᑦ ᐅᖃᐅᑎᕚᑦ, “50ᓂᒡᓘᓐᓃᑦ ᓱᓕ ᐊᕐᕌᒍᖃᓐᖏᓚᑎᑦ, ᐂᑉᕋᕼᐋᒻᓗ ᑕᑯᓚᐅᕐᓯᒪᕕᐅᒃ?”
58ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐂᑉᕋᕼᐋᒻ ᐃᓅᓚᐅᕐᑎᓐᓇᒍ, ᑕᑉᕙᐅᓚᐅᕐᐳᖓ.”
59ᑕᕝᕙ ᐅᔭᖅᑲᓂᒃ ᑎᒍᓯᕗᑦ ᒥᓪᓗᕈᒪᓪᓗᒍ; ᔩᓱᓯᓕ ᐃᔨᕐᐳᖅ, ᐊᓂᓪᓗᓂᓗ ᑐᒃᓯᐊᕐᕕᒡᔪᐊᕐᒥᑦ.
Currently Selected:
ᔪᐊᓇᓯᐅᑉ ᐊᒡᓚᖏᑦ 8: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᔪᐊᓇᓯᐅᑉ ᐊᒡᓚᖏᑦ 8
8
ᐊᕐᓇᖅ ᐊᖑᓐᓂᐊᕐᑎᓪᓗᒍ ᐊᖑᔭᐅᔪᖅ
1ᔩᓱᓯᓕ ᖃᖅᑲᒧᑦ ᒪᔪᐊᕐᐳᖅ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᓂᒃ ᓇᐹᕐᑐᓕᖕᒧᑦ. 2ᐅᓪᓛᒪᕆᒃᑯᓪᓕ ᑐᒃᓯᐊᕐᕕᒡᔪᐊᕐᒧᐊᕆᕗᖅ; ᐃᓄᐃᓪᓗ ᔩᓱᓯᐅᑉ ᐊᕙᑖᓄᑦ ᑲᑎᕗᑦ, ᐃᖏᓪᓗᓂ ᐊᔪᕆᕐᑐᓕᕐᐰᑦ. 3ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ ᐊᕐᓇᒥᒃ ᑕᕝᕗᓐᖓᐅᑦᔨᕗᑦ ᐊᓯᓐᓂᐊᕐᑎᓪᓗᒍ ᐊᖑᔭᐅᔪᒥᒃ, ᐃᓄᒋᐊᒃᑐᑦ ᐊᑯᕐᖓᓐᓄᐊᕈᑎᕚᑦ. 4ᔩᓱᓯᒧᑦ ᐅᖃᕐᐳᑦ, “ᐊᔪᕆᕐᑐᐃᔩ, ᐅᓇ ᐊᕐᓇᖅ ᐊᓯᓐᓂᐊᕐᑎᓪᓗᒍ ᐊᖑᔭᐅᖕᒪᑦ. 5#ᒨᓯᓯ ᐱᖓᔪᖏᑦ 20:10; ᒨᓯᓯ ᑕᓪᓕᒪᖏᑦ 22:22-24.ᐱᑯᔭᑦᑎᓐᓂ ᒨᓯᓯᐅᑉ ᐱᖁᕚᑎᒍᑦ ᐊᕐᓇᖅ ᑍᒤᑦᑐᖅ ᒥᓪᓗᕐᑕᐅᓗᓂ ᑐᖁᑕᐅᔭᕆᐊᖃᕐᓂᕋᕐᖢᒍ. ᐃᕝᕕᓪᓕ ᖃᓄᐃᓕᔭᐅᖁᕐᒪᖔᕐᐱᐅᒃ?” 6ᑍᒤᓕᕗᓪᓕ ᔩᓱᓯᒥᒃ ᐆᒃᑐᕋᓱᐊᕐᓗᑎᒃ, ᐸᓯᔭᒃᓴᓐᖑᕐᑎᑦᓯᔪᒪᓪᓗᑎᒃ ᑖᑦᓱᒥᖓ. ᔩᓱᓯᓕ ᐅᑯᓪᓗᓂ ᑎᑭᕐᒥᓄᑦ ᓄᓇᒃᑯᑦ ᑎᑎᕋᓕᕐᐳᖅ. 7ᐊᐱᕐᓱᒃᑲᓐᓂᓕᕐᒪᑕ ᓂᑯᕕᓪᓗᓂ ᐅᖃᐅᑎᕔᑦ, “ᓇᓪᓕᓯ ᐊᔪᕐᑐᓕᓚᐅᕐᓯᒪᖏᑦᑑᑉ ᐅᔭᖅᑲᒧᑦ ᒥᓗᕆᐊᖅᑳᓚᐅᕐᓕᐅᒃ.” 8ᐊᒻᒪ ᐅᑯᒋᓪᓗᓂ ᓄᓇᒃᑯᑦ ᑎᑎᕋᓕᕆᕗᖅ. 9ᑕᒪᑐᒥᖓᓕ ᑐᓴᕋᒥᒃ, ᕿᒪᕉᑎᓕᕐᐳᑦ, ᐊᑕᐅᓯᐅᓈᕐᑎᕐᓗᑎᒃ, ᐃᓄᑐᖃᐅᓛᓂᑦ ᐱᒋᐊᖅᑳᕐᓗᑎᒃ. ᔩᓱᓯᓗ ᕿᒪᒃᑕᐅᕗᖅ ᐃᓄᑑᓕᕐᓗᓂ, ᐊᕐᓇᕐᓗ ᓇᖏᕐᑐᖅ ᐱᖃᑎᑐᐊᕆᓕᕐᐹ. 10ᔩᓱᓯᐅᓪᓕ ᑕᑯᓴᕐᓗᓂᐅᒃ ᐊᕐᓇᖅ ᐅᖃᐅᑎᕚ, “ᐊᕐᓈᖅ, ᓇᒧᓐᖓᕐᑐᓪᓖᒃᑯᐊ? ᐅᕙᓃᑦᑐᖃᕈᓐᓃᕐᐹ ᐃᓕᖕᓂᒃ ᓱᒋᐊᕐᑕᐅᖁᔨᔪᒥᒃ?”
11ᐊᕐᓇᐅᑉ ᑭᐅᕚ, “ᐊᑕᓃᖅ ᑕᕝᕙᓃᑦᑐᖃᕈᓐᓃᕐᐳᖅ.”
ᔩᓱᓯᐅᑉ ᐅᖃᐅᑎᕚ, “ᐅᕙᖓᑦᑕᐅᖅ ᓱᒋᐊᒐᒃᓴᐅᑎᑦᓱᓐᓃᕐᐸᒋᑦ; ᑕᒫᓐᖓᑦ ᓅᓕᕆᑦ, ᑭᖑᕐᖓᒍᓪᓗ ᐊᔪᕐᑐᓕᒃᑲᓐᓂᕐᑍᓕᓕᕆᑦ.”
ᔩᓱᓯ ᓯᓚᕐᔪᐊᕐᒧᑦ ᖃᐅᒪᓂᐅᕗᖅ
12 #
ᒫᑎᐅᓯ 5:14; ᔪᐊᓇᓯ 9:5. ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”
13 #
ᔪᐊᓇᓯ 5:31. ᑕᕝᕙ ᐹᕆᓯᑦ ᐅᖃᐅᑎᕚᑦ, “ᐃᓕᖕᓂᒃ ᑕᕝᕙ ᓇᓗᓁᓕᕗᑎᑦ; ᓇᓗᓁᔭᕈᑏᑦ ᑕᒪᓐᓇ ᓱᓕᓐᖏᓚᖅ.”
14ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓇᓗᓁᕋᓗᐊᕈᒪ, ᓇᓗᓁᔭᕐᓂᕋ ᓱᓕᕗᖅ, ᖃᐅᔨᒪᒐᒪ ᓇᑭᑦ ᐱᓯᒪᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ, ᐃᓕᑦᓯᓕ ᖃᐅᔨᒪᓐᖏᓚᓯ ᓇᑭᑦ ᐱᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ. 15ᑎᒥᐅᑉ ᐃᓕᖅᑯᓯᖓ ᒪᓕᒡᓗᒍ ᐃᖅᑲᕐᑐᐃᕗᓯ, ᐅᕙᖓᓕ ᐃᖅᑲᕐᑐᐃᓐᖏᓚᖓ ᑭᓇᒥᒡᓘᓐᓃᑦ. 16ᐃᓛᒃ ᐃᖅᑲᕐᑐᐃᒍᒪ, ᐃᖅᑲᕐᑐᐃᓂᕋ ᓱᓕᕗᖅ, ᐃᓄᑑᑦᔨᖏᓐᓇᒪ ᐃᖅᑲᕐᑐᐃᓂᕐᒥᒃ, ᐊᑖᑕᐅᓪᓕ ᑎᓕᔨᒪ ᐃᓚᒋᕚᖓ. 17#ᒨᓯᓯ ᑕᓪᓕᒪᖏᑦ 19:15.ᐱᖁᔭᑦᓯᓐᓂ ᑎᑎᕋᕐᓯᒪᔪᖃᕐᐳᖅ ᐃᓅᒃ ᒪᕐᕉᒃ ᖃᐅᔨᓯᒪᓂᖏᒃ ᓱᓕᕘᒃ; 18ᐅᕙᖓ ᐅᕙᓐᓂᒃ ᓇᓗᓁᕐᐳᖓ, ᐊᑖᑕᒐᓗ ᑎᓕᔨᒐ ᓇᓗᓁᔧᒋᕗᖅ ᐅᕙᓐᓂᒃ.”
19ᑍᒤᒻᒪᑦ ᑕᕝᕙ ᐊᐱᕆᕚᑦ, “ᓇᐅᒃᑍᒪ ᐊᑖᑍᑦ?”
ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᐊᑖᑕᒥᒡᓘᓐᓃᑦ ᖃᐅᔨᒪᓐᖏᓚᓯ; ᐅᕙᓐᓂᒃ ᖃᐅᔨᒪᒍᑦᓯ, ᐊᑖᑕᒐ ᖃᐅᔨᒪᒐᔭᕆᕙᓯ.”
20ᐅᖃᐅᓰᑦ ᔩᓱᓯᐅᑉ ᐅᖃᐅᓯᕆᕔᑦ ᑐᒃᓯᐊᕐᕕᒡᔪᐊᕐᒥ, ᑐᓂᕐᕈᑎᓂᒃ ᐴᖅᑬᕕᐅᑉ ᓴᓂᐊᓃᓪᓗᓂ; ᑎᒍᓯᔪᖃᓐᖏᓚᕐᓕ ᑖᑦᓱᒥᖓ, ᐱᔭᐅᕕᒃᓴᖓ ᓱᓕ ᓇᓪᓕᐅᑎᓯᒪᖏᒻᒪᑦ.
ᐅᐸᖕᓂᐊᕐᑕᓐᓄᑦ ᐅᐸᒍᑎᔪᓐᓇᓐᖏᓚᓯ
21ᑕᕝᕙ ᔩᓱᓯᐅᑉ ᐅᖃᐅᑎᒃᑲᓐᓂᕐᐰᑦ, “ᐊᐅᓪᓚᕐᓂᐊᕐᐳᖓ, ᕿᓂᕈᒫᕐᐸᑦᓯᓐᖓᓗ ᑐᖁᔪᒫᕐᐳᓯᓗ ᐊᔪᕐᓂᑦᓯᓐᓃᖏᓐᓇᕐᓗᓯ; ᐅᐸᖕᓂᐊᕐᑕᓐᓄᑦ ᐂᔪᓐᓇᖏᓐᓇᑦᓯ.”
22ᑕᕝᕙ ᔫᑎᑦ ᐅᖃᕐᐳᑦ, “ᐅᐸᖕᓂᐊᕐᑕᖓᓄᒡᒎᖅ ᐂᔪᓐᓇᖏᓐᓇᑦᑕ, ᐅᓈ ᐃᒻᒥᓂᒃ ᑐᖁᑦᓱᒪᓕᕋᒥ ᑍᒫᒃ ᐅᖃᕐᐸ?”
23ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᒫᓐᖓᑦ ᐱᕗᓯ, ᐅᕙᖓᓕ ᑕᑉᐹᓐᖓᑦ ᐱᕗᖓ; ᐃᓕᑦᓯ ᓯᓚᕐᔪᐊᕐᒥᑦ ᑕᒪᑐᒪᓐᖓᑦ ᐱᕗᓯ, ᐅᕙᖓᓕ ᓯᓚᕐᔪᐊᕐᒥᑦ ᑕᒪᑐᒪᓐᖓᑦ ᐱᓐᖏᓚᖓ. 24ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᓂᕋᕐᓗᓯ ᐊᔪᕐᓂᑦᓯᓐᓃᓪᓗᓯ, ᑐᖁᔪᒫᕐᐳᓯ ᐊᔪᕐᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”
25ᑕᕝᕙ ᐅᖃᐅᑎᕚᑦ, “ᑭᓇᐅᕖᑦ?”
ᔩᓱᓯᐅᑉ ᐅᖃᐅᑎᕔᑦ, “ᐅᖃᐅᑎᓯᒪᓚᐅᕐᐸᑦᓯ ᑍᒪᓐᖓᑦ ᐱᒋᐊᓕᓵᕐᓂᓐᓂᑦ. 26ᐊᒥᓱᓂᒃ ᐅᖃᐅᓯᒃᓴᖃᕐᐳᖓ ᐃᓕᑦᓯᓐᓄᑦ ᐃᖅᑲᕐᑐᐃᑦᔪᑎᒃᓴᖃᕐᓗᖓᓗ; ᑎᓕᔨᒐᓕ ᓱᓕᔫᕗᖅ, ᓯᓚᕐᔪᐊᕐᒥᐅᓪᓗ ᐅᖃᐅᑎᕙᒃᑲ ᑖᑦᓱᒪᓐᖓᑦ ᑐᓴᓚᐅᕐᑕᓐᓂᒃ.”
27ᑐᑭᓯᓐᖏᓚᓪᓕ ᔩᓱᓯᐅᑉ ᐅᖃᐅᓯᕆᔭᖓᓂᒃ ᐊᑖᑕᒥᒃ. 28ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᐃᓅᑉ ᐃᕐᓂᖓ ᓇᑉᐸᐅᑎᒍᑦᓯᐅᒃ, ᑐᑭᓯᓛᕐᐳᓯ ᐅᕙᖓᐅᒐᒪ, ᑐᑭᓯᓗᓯᓗ ᐅᕙᓐᓂᒃ ᐱᓇᓱᐊᕐᓯᒪᖏᓐᓂᓐᓂᒃ ᐅᖃᐅᓯᖃᕋᒪᓕ ᐊᑖᑕᐅᑉ ᐅᕙᓐᓄᑦ ᐊᔪᕆᕐᑑᑎᒋᓚᐅᕐᑕᖏᓐᓂᒃ. 29ᑎᓕᔨᒪᓗ ᐃᓚᒋᕚᖓ; ᐃᓄᑑᑎᓐᖏᓛᖓ, ᑖᑦᓱᒪ ᖁᕕᐊᒋᔭᖓᓂᒃ ᐱᓇᓱᐊᑦᓮᓐᓇᕋᒪ.”
30ᔩᓱᓯ ᑖᒃᑯᓂᖓ ᐅᖃᕐᑎᓪᓗᒍ, ᐊᒥᓱᑦ ᐅᒃᐱᓕᕐᐳᑦ ᑖᑦᓱᒥᖓ.
ᐂᑉᕋᕼᐋᒻ ᕿᑐᕐᖓᖏᑦ
31ᑕᕝᕙ ᔩᓱᓯᐅᑉ ᔫᑎᑦ ᐅᒃᐱᕆᔨᓂ ᐅᖃᐅᑎᕔᑦ, “ᐅᖃᐅᓯᒃᑲ ᒪᓕᑦᓮᓐᓇᓕᕈᑦᓯᒋᒃ, ᓱᓕᔪᒥᒃ ᐃᓕᓐᓂᐊᕐᑎᒋᓕᕐᐸᑦᓯ, 32ᓱᓕᔪᖅ ᖃᐅᔨᓂᐊᕐᐸᓯ, ᓱᓕᔫᓪᓗ ᕿᓚᕈᑦᔮᕐᓂᐊᕐᐹᓯ.”
33 #
ᒫᑎᐅᓯ 3:9; ᓘᑲᓯ 3:8. ᑕᕝᕙ ᑭᐅᕚᑦ, “ᐂᑉᕋᕼᐋᒻ ᑭᖑᕚᕆᕚᑎᒍᑦ, ᓇᓪᓕᐊᓐᓅᓪᓘᓐᓃᑦ ᓯᐊᓛᕆᔭᐅᓚᐅᕐᓯᒪᓐᖏᓚᒍᑦ. ᖃᓄᖅ ᑐᑭᓕᖕᒥᒃ ᐅᖃᕐᐲᑦ, ‘ᕿᓚᕈᑦᔮᕐᓂᐊᕐᐹᓯ’?”
34ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐊᔪᕐᑐᓕᔪᖅ ᐊᔪᓕᕐᑎᑕᐅᓯᒪᕗᖅ ᐊᔪᕐᓂᕐᒧᑦ. 35ᐊᔪᕐᓂᕐᒧᑦ ᕿᓚᒃᓱᕐᑕᐅᓯᒪᔪᖅ ᐃᒡᓗᒦᑦᓮᓐᓇᕈᓐᓇᓐᖏᓚᖅ; ᐃᕐᓂᕐᓕ ᑕᕝᕙᓃᑦᓮᓐᓇᕐᓂᐊᕐᐳᖅ. 36ᐃᕐᓂᐅᑉ ᕿᓚᕈᑦᔮᕐᐸᓯ, ᑕᕝᕙ ᕿᓚᕈᑦᔮᕐᓯᒪᓪᓚᕆᖕᓂᐊᕐᐳᓯ. 37ᖃᐅᔨᒪᕗᖓ ᐂᑉᕋᕼᐋᒻ ᑭᖑᕚᕆᖕᒪᓯ; ᑐᖁᓐᓇᓱᐊᕐᐸᑦᓯᓐᖓᓕ, ᐅᖃᐅᓯᒃᑲ ᐃᑎᕐᕕᒃᓴᖃᖏᒻᒪᑕ ᐃᓕᑦᓯᓐᓄᑦ. 38ᐅᖃᓪᓚᒃᐳᖓ ᐊᑖᑕᓐᓂᑦ ᑕᑯᓚᐅᕐᑕᓐᓂᒃ, ᑍᒤᓕᐅᕆᕗᓯ ᑐᓴᓚᐅᕐᑕᑦᓯᓐᓂᒃ ᐊᑖᑕᑦᓯᓐᓂ.”
39ᑖᒃᑯᐊ ᑭᐅᕚᑦ, “ᐂᑉᕋᕼᐋᒻ ᐊᑖᑕᒋᕙᕗᑦ.”
ᔩᓱᓯᐅᑉ ᐅᖃᐅᑎᕔᑦ, “ᐂᑉᕋᕼᐋᑉ ᕿᑐᕐᖓᕆᒃᐸᓯ, ᐂᑉᕋᕼᐋᒻ ᐱᓂᐊᓚᐅᕐᑕᖏᑦ ᐱᓇᓱᐊᕋᔭᕆᕙᓯ, 40ᒫᓐᓇᓕ ᑐᖁᓐᓇᓱᐊᕐᐸᑦᓯᓐᖓ, ᓱᓕᔪᒥᒃ ᐅᖃᓪᓚᒃᑎᓪᓗᖓ ᒎᑎᒥᑦ ᑐᓴᓚᐅᕐᑕᓐᓂᒃ; ᐂᑉᕋᕼᐋᒻᓕ ᑍᒤᓕᐅᓚᐅᓐᖏᓚᖅ. 41ᐊᑖᑕᑦᓯ ᐱᓂᐊᓚᐅᕐᑕᖏᓐᓂᒃ ᐱᓇᓱᐊᕐᐳᓯ.”
ᑖᒃᑯᐊ ᐅᖃᐅᑎᕚᑦ, “ᐊᓯᓐᓂᐊᕐᓂᕐᒧᑦ ᕿᑐᕐᖓᕐᑖᖑᓯᒪᓐᖏᓚᒍᑦ; ᐊᑕᐅᓯᕐᒥᒃ ᐊᑖᑕᖃᕐᐳᒍᑦ ᒎᑎᒥᒃ.”
42ᔩᓱᓯᐅᑉ ᐅᖃᐅᑎᕔᑦ, “ᒎᑎ ᐊᑖᑕᒋᒍᑦᓯᐅᒃ, ᓇᒡᓕᒋᒐᔭᕐᐸᑦᓯᓐᖓ, ᒎᑎᒥᑦ ᐱᓚᐅᕋᒪ ᑕᕝᕙᓐᖔᕐᓯᒪᓪᓗᖓᓗ ᒫᓐᓇ ᑕᕝᕙᓃᑉᐳᖓ; ᐅᕙᓐᓂᒃ ᑕᒪᐅᓐᖓᕐᑎᓚᐅᖏᓐᓇᒪ, ᑖᑦᓱᒪᓕ ᑎᓕᓚᐅᕐᐹᖓ. 43ᓱᖕᒪᑦ ᐅᖃᐅᓯᕆᔭᒃᑲ ᑐᑭᓯᖏᑉᐱᓯᐅᒃ? ᐅᖃᐅᓯᒃᑲ ᓈᓚᒍᒪᖏᓐᓇᑦᓯᒋᒃ ᑐᓵᔪᒪᓇᒋᓪᓗ. 44ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ. 45ᐅᕙᖓᓕ ᓱᓕᔪᒥᒃ ᐅᖃᓪᓚᒃᑲᒪ, ᐅᒃᐱᕆᓐᖏᓚᑦᓯᓐᖓ. 46ᓇᓪᓕᓯ ᐊᔪᕐᑐᓕᓂᓐᓂᒃ ᓇᓗᓁᕐᓯᔪᓐᓇᕐᐹ ᓱᓕᔪᒥᒡᓕ ᐅᖃᓪᓚᒃᑯᒪ, ᓱᖕᒪᑦ ᐅᒃᐱᕆᓐᖏᓚᑦᓯᓐᖓ? 47ᒎᑎᒥᑦ ᐱᔫᑉ ᒎᑎᐅᑉ ᐅᖃᐅᓯᖏᑦ ᑐᓴᕐᐰᑦ; ᑍᒤᒻᒪᑦ ᒎᑎᒥᑦ ᐱᖏᓐᓇᑦᓯ, ᑐᓴᕈᓐᓇᓐᖏᓚᓯ.”
ᔩᓱᓯᓗ ᐂᑉᕋᕼᐋᒻᓗ
48ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”
49ᔩᓱᓯᐅᑉ ᑭᐅᕔᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᓐᖏᓚᖓ; ᐊᑖᑕᒐᓕ ᐅᐱᒋᕙᕋ, ᐃᓕᑦᓯᓕ ᓇᕐᕈᒋᕙᑦᓯᓐᖓ. 50ᓂᕐᑐᕐᑕᐅᓂᒃᓴᕋ ᕿᓂᓐᖏᓚᕋ; ᑕᒪᑐᒥᖓᓕ ᕿᓂᕐᑐᖃᕇᕐᐳᖅ ᑖᓐᓇᓗ ᐃᖅᑲᕐᑐᐃᔪᒫᕐᐳᖅ. 51ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ, ᑖᓐᓇ ᑐᖁᓂᐊᓐᖏᓚᖅ.”
52ᑕᕝᕙ ᔫᑎᑦ ᐅᖃᐅᑎᕚᑦ, “ᒫᓐᓇ ᖁᓚᕐᓇᖏᑦᑐᒥᒃ ᑐᑭᓯᕗᒍᑦ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᒐᕕᑦ. ᐂᑉᕋᕼᐋᒻ ᑐᖁᓚᐅᕐᐳᖅ, ᓇᓚᐅᑦᑍᔪᓪᓗ ᑐᖁᓚᐅᕆᕗᑦ; ᐃᕝᕕᓪᓕ ᐅᖃᕐᐳᑎᑦ, ‘ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ ᑖᓐᓇ ᑐᖁᓂᐊᓐᖏᓚᖅ.’ 53ᐂᑉᕋᕼᐋᒻᒥᑦ ᐊᑖᑕᑦᑎᓐᓂᑦ ᐊᖏᓂᕐᓴᐅᕖᑦ, ᑐᖁᓚᐅᕐᑐᒥᑦ? ᓇᓚᐅᑦᑍᔪᓪᓗ ᑐᖁᓚᐅᕆᕗᑦ! ᐃᓕᖕᓃᒃ ᓱᓇᐅᑎᓐᓇᓱᒃᐲᑦ?”
54ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓂᕐᑑᑎᒍᒪ, ᓂᕐᑑᑎᓂᕋ ᐊᑐᕋᔭᓐᖏᓚᖅ; ᐊᑖᑕᒐᓕ ᑖᓐᓇᐅᕗᖅ ᐅᕙᓐᓂᒃ ᓂᕐᑐᕐᓇᕐᑎᑦᓯᔪᖅ, ᑖᓐᓇ ᒎᑎᒋᓂᕋᕐᑕᓯ. 55ᑖᓐᓇᓕ ᖃᐅᔨᒪᓐᖏᓐᓇᑦᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᕐᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ. 56ᐂᑉᕋᕼᐋᒻ ᐊᑖᑕᓯ ᖁᕕᐊᓱᓚᐅᕐᐳᖅ ᑕᑯᔪᒫᓕᕋᒥ ᐅᓪᓗᕆᔪᒫᕐᑕᓐᓂᒃ; ᑕᑯᒐᒥᐅᒃᓗ ᖁᕕᐊᓱᓚᐅᕐᐳᖅ.”
57ᑕᕝᕙ ᔫᑎᑦ ᐅᖃᐅᑎᕚᑦ, “50ᓂᒡᓘᓐᓃᑦ ᓱᓕ ᐊᕐᕌᒍᖃᓐᖏᓚᑎᑦ, ᐂᑉᕋᕼᐋᒻᓗ ᑕᑯᓚᐅᕐᓯᒪᕕᐅᒃ?”
58ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐂᑉᕋᕼᐋᒻ ᐃᓅᓚᐅᕐᑎᓐᓇᒍ, ᑕᑉᕙᐅᓚᐅᕐᐳᖓ.”
59ᑕᕝᕙ ᐅᔭᖅᑲᓂᒃ ᑎᒍᓯᕗᑦ ᒥᓪᓗᕈᒪᓪᓗᒍ; ᔩᓱᓯᓕ ᐃᔨᕐᐳᖅ, ᐊᓂᓪᓗᓂᓗ ᑐᒃᓯᐊᕐᕕᒡᔪᐊᕐᒥᑦ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.