ᒨᓯᓯ ᐱᖓᔪᖏᑦ 1
1
ᐆᒪᔪᑦ ᑐᓂᕐᕈᑕᐅᔪᑦ ᐃᑯᐊᓪᓚᒃᑕᐅᓪᓗᑎᒃ ᐃᓚᑰᔭᕆᐊᖃᖏᓐᓂᖏᑦ
1ᐊᑕᓂᐅᑉ ᒨᓯᓯ ᐅᐸᒃᐹ ᐅᖃᕐᕕᒋᓪᓗᒍᓗ ᑐᐱᕐᒥ ᑲᑎᒪᕕᖕᒥ ᐅᖃᕐᓗᓂᓗ, 2“ᐃᓴᕆᐊᓕᒥᐅᑦ ᐅᖃᕐᕕᒋᒃᑭᑦ ᐃᒫᒃ ᐅᖃᐅᑎᓗᒋᑦ, ‘ᓇᓕᕐᓯ ᑐᓂᕐᕈᑎᒃᓴᒥᒃ ᑐᓂᓯᔭᕐᑐᕐᐸᑦ ᐊᑕᓂᕐᒧᑦ, ᑐᓂᕐᕈᑎᒃᓴᖃᕆᐊᖃᕐᐳᖅ ᐆᒪᔪᒥᒃ ᐃᒻᒧᒃᓯᐅᒐᕐᒥᒡᓘᓐᓃᑦ ᓰᐱᒥᒡᓘᓐᓃᑦ. 3ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ. 4ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᖓᒍᑦ ᐸᑎᒻᒥᔭᒃᓴᕆᕚ, ᑍᒫᒡᓗ ᑕᕝᕙ ᓈᒻᒪᒋᔭᐅᓕᕐᓂᐊᕐᐳᖅ ᐃᓅᑉ ᑖᑦᓱᒪ ᐊᔪᕐᓂᖏᓐᓄᑦ ᐲᕐᓯᑦᔪᑕᐅᖁᓪᓗᒍ. 5ᑕᕝᕙᓂᓗ ᑐᖁᑕᒃᓴᕆᕚ ᐊᖑᓴᓪᓗᖅ ᐊᑕᓂᐅᑉ ᑕᒃᑯᐊᓂ, ᐂᕉᓂᒃᑯᓐᓂᓪᓗ ᑐᓂᕐᕈᓯᕐᑎᑦᓯᔨᐅᔪᓂᑦ ᐆᒪᔫᑉ ᐊᐅᖓ ᐊᒡᔭᕐᑕᐅᔪᒃᓴᐅᕗᖅ ᓯᕐᐸᕐᓴᐅᑎᒋᓗᒍᓗ ᑐᓂᕐᕈᓯᕐᕕᐅᑉ ᐃᑎᕐᑕᕐᕕᖓᑕ ᐊᕙᓗᖏᓐᓄᑦ ᑐᐱᕐᒥ ᑲᑎᒪᕕᖕᒦᑦᑐᒧᑦ. 6ᑐᓂᕐᕈᓯᕐᓂᐊᕐᑑᑉ ᑐᓂᕐᕈᑎᒋᔭᓂ ᐋᒃᑐᒐᒃᓴᕆᕚ ᐊᒡᒍᕐᓗᒍᓗ, 7ᑐᓂᕐᕈᓯᕐᑎᑦᓯᔨᐅᓪᓗ ᐂᕉᓂᐅᑉ ᐃᕐᓂᖓᑕ ᑐᓂᕐᕈᓯᕐᕕᒃ ᐃᑯᐊᓪᓚᒃᑕᒃᓴᕆᕚ, ᕿᔪᐃᓪᓗ ᐃᑯᐊᓪᓚᖅᑯᑎᒃᓴᑦ ᐋᖅᑭᒃᓱᕐᓗᒋᑦ. 8ᑐᓂᕐᕈᑎᐅᔪᓪᓗ ᓂᖀᑦ ᐋᖅᑭᒃᓱᕐᓗᒋᑦ ᐃᑯᐊᓪᓚᒃᑕᒃᓴᕆᕔᑦ, ᓂᐊᖁᖓᓗ ᑐᓐᓄᖏᓪᓗ ᐱᖃᓯᐅᑎᓗᒋᑦ, ᑐᓂᕐᕈᓯᕐᕕᐅᑉ ᕿᔪᐃᓪᓗ ᖄᖏᓐᓂ. 9ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.
10“‘ᑐᓂᕐᕈᑎᒃᓴᕐᓕ ᒥᑭᓐᓂᕐᓴᐅᒃᐸᑦ, ᓰᐱᓘᓐᓃᑦ ᒎᑦᓯᓘᓐᓃᑦ ᑐᓂᕐᕈᓯᕐᓂᐊᕐᑐᖅ ᑐᓂᕐᕈᓯᕐᑐᒃᓴᐅᕗᖅ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᑐᒥᒃ.
11“‘ᑐᓂᕐᕈᓯᕐᓂᐊᕐᑑᑉ ᑐᖁᑕᒃᓴᕆᕚ ᑐᓂᕐᕈᓯᕐᕕᐅᑉ ᐅᓐᓄᐊᓪᓗᐊᖓᑕ ᓇᓛᓂ ᐊᑕᓂᐅᑉ ᑕᒃᑯᐊᓂ, ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖏᑦ ᓯᕐᐸᕐᓴᕈᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ. 12ᑐᓂᕐᕈᓯᕐᓂᐊᕐᑑᑉ ᐊᒡᒍᕆᐊᖃᕐᐹ, ᑐᓂᕐᕈᓯᕐᑎᑦᓯᔨᐅᓪᓗ ᐋᖅᑭᒃᓱᕐᓗᓂᐅᒃ, ᓂᐊᖁᐊᓗ ᑐᓐᓄᖏᓪᓗ, ᕿᔪᐃᑦ ᐃᑯᒪᔪᑦ ᖄᖏᓐᓄᑦ ᑐᓂᕐᕈᓯᕐᕕᖕᒥ. 13ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.
14“‘ᑐᓂᕐᕈᑎᒃᓴᕐᓕ ᐊᑕᓂᕐᒧᑦ ᐃᑯᐊᓚᑎᑕᒃᓴᖅ ᑎᖕᒥᐊᖑᒃᐸᑦ, ᑐᓂᕐᕈᓯᕐᑐᒃᓴᐅᕗᖅ ᑑᕕᒥᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑐᒥᒃ ᐱᑦᔨᐊᓐᒥᒃ ᐱᐊᕋᕕᓂᕐᒥᒃ. 15ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒧᐊᕈᑎᔭᕆᐊᖃᕐᐹ ᓂᐊᖁᐊᓗ ᕿᐱᓪᓗᒍ ᐲᕐᓗᒍ ᑐᓂᕐᕈᓯᕐᕕᖕᒥᓗ ᐃᑭᓪᓗᒍ; ᐊᐅᖓ ᑐᓂᕐᕈᓯᕐᕕᐅᑉ ᓴᓂᕌᓄᑦ ᑯᕕᑎᓪᓗᒍ ᐱᔪᒃᓴᐅᕗᖅ. 16ᑐᓂᕐᕈᓯᕐᓂᐊᕐᑑᑉ ᑎᖕᒥᐊᑉ ᐳᕕᐊᖓ ᐲᕐᓗᓂᐅᒃ ᐃᓗᓕᖏᓪᓗ ᐃᒋᓪᓗᒋᑦ ᑐᓂᕐᕈᓯᕐᕕᐅᑉ ᓴᓂᕌᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓄᑦ, ᐊᕐᔭᓂᓗᒃᑯᕕᖕᒧᑦ. 17ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”
Currently Selected:
ᒨᓯᓯ ᐱᖓᔪᖏᑦ 1: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 1
1
ᐆᒪᔪᑦ ᑐᓂᕐᕈᑕᐅᔪᑦ ᐃᑯᐊᓪᓚᒃᑕᐅᓪᓗᑎᒃ ᐃᓚᑰᔭᕆᐊᖃᖏᓐᓂᖏᑦ
1ᐊᑕᓂᐅᑉ ᒨᓯᓯ ᐅᐸᒃᐹ ᐅᖃᕐᕕᒋᓪᓗᒍᓗ ᑐᐱᕐᒥ ᑲᑎᒪᕕᖕᒥ ᐅᖃᕐᓗᓂᓗ, 2“ᐃᓴᕆᐊᓕᒥᐅᑦ ᐅᖃᕐᕕᒋᒃᑭᑦ ᐃᒫᒃ ᐅᖃᐅᑎᓗᒋᑦ, ‘ᓇᓕᕐᓯ ᑐᓂᕐᕈᑎᒃᓴᒥᒃ ᑐᓂᓯᔭᕐᑐᕐᐸᑦ ᐊᑕᓂᕐᒧᑦ, ᑐᓂᕐᕈᑎᒃᓴᖃᕆᐊᖃᕐᐳᖅ ᐆᒪᔪᒥᒃ ᐃᒻᒧᒃᓯᐅᒐᕐᒥᒡᓘᓐᓃᑦ ᓰᐱᒥᒡᓘᓐᓃᑦ. 3ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ. 4ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᖓᒍᑦ ᐸᑎᒻᒥᔭᒃᓴᕆᕚ, ᑍᒫᒡᓗ ᑕᕝᕙ ᓈᒻᒪᒋᔭᐅᓕᕐᓂᐊᕐᐳᖅ ᐃᓅᑉ ᑖᑦᓱᒪ ᐊᔪᕐᓂᖏᓐᓄᑦ ᐲᕐᓯᑦᔪᑕᐅᖁᓪᓗᒍ. 5ᑕᕝᕙᓂᓗ ᑐᖁᑕᒃᓴᕆᕚ ᐊᖑᓴᓪᓗᖅ ᐊᑕᓂᐅᑉ ᑕᒃᑯᐊᓂ, ᐂᕉᓂᒃᑯᓐᓂᓪᓗ ᑐᓂᕐᕈᓯᕐᑎᑦᓯᔨᐅᔪᓂᑦ ᐆᒪᔫᑉ ᐊᐅᖓ ᐊᒡᔭᕐᑕᐅᔪᒃᓴᐅᕗᖅ ᓯᕐᐸᕐᓴᐅᑎᒋᓗᒍᓗ ᑐᓂᕐᕈᓯᕐᕕᐅᑉ ᐃᑎᕐᑕᕐᕕᖓᑕ ᐊᕙᓗᖏᓐᓄᑦ ᑐᐱᕐᒥ ᑲᑎᒪᕕᖕᒦᑦᑐᒧᑦ. 6ᑐᓂᕐᕈᓯᕐᓂᐊᕐᑑᑉ ᑐᓂᕐᕈᑎᒋᔭᓂ ᐋᒃᑐᒐᒃᓴᕆᕚ ᐊᒡᒍᕐᓗᒍᓗ, 7ᑐᓂᕐᕈᓯᕐᑎᑦᓯᔨᐅᓪᓗ ᐂᕉᓂᐅᑉ ᐃᕐᓂᖓᑕ ᑐᓂᕐᕈᓯᕐᕕᒃ ᐃᑯᐊᓪᓚᒃᑕᒃᓴᕆᕚ, ᕿᔪᐃᓪᓗ ᐃᑯᐊᓪᓚᖅᑯᑎᒃᓴᑦ ᐋᖅᑭᒃᓱᕐᓗᒋᑦ. 8ᑐᓂᕐᕈᑎᐅᔪᓪᓗ ᓂᖀᑦ ᐋᖅᑭᒃᓱᕐᓗᒋᑦ ᐃᑯᐊᓪᓚᒃᑕᒃᓴᕆᕔᑦ, ᓂᐊᖁᖓᓗ ᑐᓐᓄᖏᓪᓗ ᐱᖃᓯᐅᑎᓗᒋᑦ, ᑐᓂᕐᕈᓯᕐᕕᐅᑉ ᕿᔪᐃᓪᓗ ᖄᖏᓐᓂ. 9ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.
10“‘ᑐᓂᕐᕈᑎᒃᓴᕐᓕ ᒥᑭᓐᓂᕐᓴᐅᒃᐸᑦ, ᓰᐱᓘᓐᓃᑦ ᒎᑦᓯᓘᓐᓃᑦ ᑐᓂᕐᕈᓯᕐᓂᐊᕐᑐᖅ ᑐᓂᕐᕈᓯᕐᑐᒃᓴᐅᕗᖅ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᑐᒥᒃ.
11“‘ᑐᓂᕐᕈᓯᕐᓂᐊᕐᑑᑉ ᑐᖁᑕᒃᓴᕆᕚ ᑐᓂᕐᕈᓯᕐᕕᐅᑉ ᐅᓐᓄᐊᓪᓗᐊᖓᑕ ᓇᓛᓂ ᐊᑕᓂᐅᑉ ᑕᒃᑯᐊᓂ, ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖏᑦ ᓯᕐᐸᕐᓴᕈᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ. 12ᑐᓂᕐᕈᓯᕐᓂᐊᕐᑑᑉ ᐊᒡᒍᕆᐊᖃᕐᐹ, ᑐᓂᕐᕈᓯᕐᑎᑦᓯᔨᐅᓪᓗ ᐋᖅᑭᒃᓱᕐᓗᓂᐅᒃ, ᓂᐊᖁᐊᓗ ᑐᓐᓄᖏᓪᓗ, ᕿᔪᐃᑦ ᐃᑯᒪᔪᑦ ᖄᖏᓐᓄᑦ ᑐᓂᕐᕈᓯᕐᕕᖕᒥ. 13ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.
14“‘ᑐᓂᕐᕈᑎᒃᓴᕐᓕ ᐊᑕᓂᕐᒧᑦ ᐃᑯᐊᓚᑎᑕᒃᓴᖅ ᑎᖕᒥᐊᖑᒃᐸᑦ, ᑐᓂᕐᕈᓯᕐᑐᒃᓴᐅᕗᖅ ᑑᕕᒥᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑐᒥᒃ ᐱᑦᔨᐊᓐᒥᒃ ᐱᐊᕋᕕᓂᕐᒥᒃ. 15ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒧᐊᕈᑎᔭᕆᐊᖃᕐᐹ ᓂᐊᖁᐊᓗ ᕿᐱᓪᓗᒍ ᐲᕐᓗᒍ ᑐᓂᕐᕈᓯᕐᕕᖕᒥᓗ ᐃᑭᓪᓗᒍ; ᐊᐅᖓ ᑐᓂᕐᕈᓯᕐᕕᐅᑉ ᓴᓂᕌᓄᑦ ᑯᕕᑎᓪᓗᒍ ᐱᔪᒃᓴᐅᕗᖅ. 16ᑐᓂᕐᕈᓯᕐᓂᐊᕐᑑᑉ ᑎᖕᒥᐊᑉ ᐳᕕᐊᖓ ᐲᕐᓗᓂᐅᒃ ᐃᓗᓕᖏᓪᓗ ᐃᒋᓪᓗᒋᑦ ᑐᓂᕐᕈᓯᕐᕕᐅᑉ ᓴᓂᕌᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓄᑦ, ᐊᕐᔭᓂᓗᒃᑯᕕᖕᒧᑦ. 17ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.