ᒨᓯᓯ ᐱᖓᔪᖏᑦ 14
14
ᐅᕕᓂᕐᓗᒃᑐᕕᓂᐅᑉ ᓴᓗᒻᒪᕐᓂᕋᕐᑕᐅᓂᖓ
1ᐊᑕᓂᐅᑉ ᒨᓯᓯ ᐅᖃᐅᑎᕚ, 2#ᒫᑎᐅᓯ 8:4; ᒫᑯᓯ 1:44; ᓘᑲᓯ 5:14; 17:14.“ᐅᑯᐊ ᑕᕝᕙ ᐱᖁᔧᑦ ᐃᓅᑉ ᐅᕕᓂᕐᓗᒃᑑᑉ ᐸᕐᑎᕐᑑᑉ ᓴᓗᒻᒪᕐᓂᕋᕐᑕᐅᓂᖓᑕ ᐃᓕᖅᑯᓯᖅ ᒪᓕᒡᓗᒍ, ᑐᓂᕐᕈᓯᕐᑎᑦᓯᔨᒧᑦ ᕾᑎᑕᐅᒃᐸᑦ. 3ᑐᓂᕐᕈᓯᕐᑎᑦᓯᔨ ᓄᓇᓖᑦ ᓯᓚᑖᓄᐊᕐᓗᓂ ᐅᕕᓂᕐᓗᒃᑐᒥᒃ ᖃᐅᔨᓴᕆᐊᕐᑐᕐᑐᒃᓴᐅᕗᖅ. ᐃᓄᒃ ᐅᕕᓂᕐᓗᖕᓂᕐᒥᓂᑦ ᐱᔪᓐᓃᕐᐸᑦ, 4ᑐᓂᕐᕈᓯᕐᑎᑦᓯᔨᐅᑉ ᕾᑦᓯᖁᒐᔭᕐᐹ ᒪᕐᕉᖕᓂᒃ ᑎᖕᒥᐊᖕᓂᒃ ᓴᓗᒪᔫᖕᓂᒃ, ᓇᐹᕐᑐᕕᓂᕐᒥᒡᓗ ᕿᔪᖕᒥᒃ ᓰᑕᕆᒥᒃ ᐊᑎᓕᖕᒥᒃ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ, ᓇᐹᕐᑑᓪᓗ ᕼᐊᓯᐱᐅᑉ ᐊᕙᓚᖓᔪᖓᓂᒃ, ᓴᓗᒻᒪᕐᓴᕐᑕᐅᑦᔪᑎᒃᓴᒥᓂᒃ ᑖᒃᑯᓂᖓ. 5ᑐᓂᕐᕈᓯᕐᑎᑦᓯᔨ ᐱᖁᔨᔭᕆᐊᖃᕐᐳᖅ ᑎᖕᒥᐊᑯᓘᑉ ᐱᖃᑖ ᑐᖁᑕᐅᖁᓪᓗᒍ ᐅᔭᕋᐅᑉ ᐅᐊᓴᕐᕕᐅᑉ ᐃᒥᕐᑕᕐᕕᖕᒥᒃ ᐃᒪᓕᐅᑉ ᖁᓛᓂ. 6ᑕᕝᕙ ᑎᖕᒥᐊᑯᓗᒃ ᐆᒪᔪᖅ ᒥᓱᒃᓗᓂᐅᒃ, ᕿᔪᒃ ᐱᖃᓯᐅᑎᓗᒍ ᓰᑕᕆᒥᒃ ᐊᑎᓕᒃ, ᓄᕕᕐᓵᒃᓴᕐᓗ ᐊᐅᐸᓪᓚᕆᒃᑐᖅ, ᓇᐹᕐᑑᓪᓗ ᐊᕙᓚᖓᔪᐊ ᕼᐊᓯᐱᒥᒃ ᐊᑎᓕᒃ, ᑖᒃᑯᐊ ᒥᓱᒡᓗᒋᑦ ᐅᐊᓴᕐᕕᖕᒧᑦ ᑎᖕᒥᐊᑯᓘᑉ ᐊᐅᖓᓂᒃ ᐃᒪᓕᖕᒧᑦ ᑐᖁᑕᐅᕋᑖᕐᑐᒧᑦ ᐅᐊᓴᕐᕕᐅᑉ ᖁᓛᓂ. 7ᓯᕐᐸᕐᓴᕐᕕᒋᔭᒃᓴᕆᕚ 7ᐃᕐᓱᕐᓗᒍ ᓴᓗᒻᒪᕐᓂᕋᕐᑕᐅᔪᖅ ᑍᒤᓕᐅᕇᕈᓂᐅᒡᓗ ᓴᓗᒻᒪᓂᕋᓕᕐᓗᒍ ᐅᖃᕐᑐᒃᓴᐅᕗᖅ. ᑕᕝᕙ ᑎᖕᒥᐊᑯᓘᑉ ᐂᑉᐸᖓ ᑎᖏᑎᑕᒃᓴᕆᕚ ᓯᓚᒥ. 8ᐃᓅᑉ ᓴᓗᒻᒪᕐᓴᕐᑕᐅᔫᑉ ᐊᓐᓄᕌᓂ ᐅᐊᓴᕆᐊᖃᕐᐰᑦ, ᓄᔭᓂ ᒥᖅᑯᓂᓗ ᑕᒪᕐᒥᒃ ᓴᓕᔭᕆᐊᖃᕐᐰᑦ ᐃᒥᕐᒧᓪᓗ ᐅᐊᓴᕐᓗᓂ; ᑕᕝᕙ ᐃᓕᖅᑯᓯᖅ ᒪᓕᒡᓗᒍ ᓴᓗᒪᓂᕋᕐᑕᐅᓂᐊᕐᐳᖅ. ᑍᒤᓕᐅᕇᕈᓂ ᓄᓇᓕᖕᓄᑦ ᑕᕝᕙ ᐅᑎᕈᓐᓇᕐᓯᕗᖅ, ᑭᓯᐊᓂ ᐃᓚᒥᓂ ᓇᔫᑎᔭᕆᐊᖃᓐᖏᓚᖅ ᐅᓪᓗᓂᒃ 7ᓂᒃ. 9ᐅᓪᓗᑦ 7ᖓᓐᓂ ᓂᐊᖁᓂ ᓴᓕᑦᓯᐊᕆᐊᖃᕐᐹ, ᐅᓐᖏᔭᑦᓯᐊᕐᓗᓂᓗ ᖃᓪᓗᐃᔭᕐᓗᓂᓗ, ᑎᒥᒥᓃᑦᑐᓪᓗ ᒥᖅᑯᐃᑦ ᓴᓕᓗᒋᑦ. ᐊᓐᓄᕌᓂ ᐅᐊᓴᕐᓗᒋᑦ, ᐅᕕᓂᓕᒫᓂᓗ ᐅᐊᓴᕐᓗᓂᐅᒃ ᐃᒥᕐᒧᑦ, ᑕᕝᕙ ᓴᓗᒪᓂᕋᕐᑕᐅᓂᐊᕐᐳᖅ.
10“ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ. 11ᑐᓂᕐᕈᓯᕐᑎᑦᓯᔨ ᑖᑦᓱᒥᖓ ᑲᒪᔫᑉ ᑖᒃᑯᐊ ᐋᑕᒃᓴᕆᕔᑦ, ᓴᓗᒻᒪᕐᑎᑕᐅᔪᕐᓗ ᑐᓂᕐᕈᑎᒃᓴᖏᓪᓗ ᐊᑕᓂᕐᒧᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ. 12ᑐᓂᕐᕈᓯᕐᑎᑦᓯᔨᐅᑉ ᓰᐱᐅ ᓄᕐᕋᖓ ᐊᖑᑎᐅᑉ ᐱᖃᑖ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᐱᑦᔪᑎᒋᓪᓗᒍ, ᐅᕐᓱᖅ ᐊᑕᐅᓯᕐᒥᒃ ᓇᑉᐸᕐᒥᒡᓗ ᐅᖁᒤᓐᓂᓕᒃ ᐱᖃᓯᐅᑎᓗᒍ; ᑖᒃᑯᐊ ᐊᐅᓪᓚᕐᑎᓪᓗᒋᑦ ᑐᓂᕐᕈᑎᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ. 13ᑐᓂᕐᕈᓯᕐᑎᑦᓯᔨᐅᑉ ᓄᕐᕋᖅ ᑐᖁᑕᒃᓴᕆᕚ ᐃᑦᔪᕐᓁᑦᑐᕕᖕᒥ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐃᑯᐊᓚᑎᑕᒃᓮᓪᓗ ᑐᓂᕐᕈᑎᒃᓮᑦ ᑐᖁᑕᐅᕕᐊᓂ. ᑍᒫᑦᓮᓐᓇᖅ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᖅ ᑐᓂᕐᕈᓯᕐᑎᑦᓯᔨᐅᑉ ᐱᔭᒃᓴᕆᕚ, ᑖᓐᓇᑦᑕᐅᖅ ᐃᑦᔪᕐᓁᓐᓂᕐᐹᖑᒋᕗᖅ. 14ᑐᓂᕐᕈᓯᕐᑎᑦᓯᔨ ᐊᐅᖕᒥᒃ ᐱᔭᕆᐊᖃᕐᐳᖅ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᑦ ᑐᓂᕐᕈᑎᒃᓴᒥᑦ ᓴᓗᒻᒪᕐᓴᕐᑕᐅᔫᑉ ᓯᐅᑎᖓᑕ ᑕᓕᕐᐱᐅᑉ ᐳᕝᕙᖓ ᐊᐅᒥᓪᓗᒍ, ᑕᓕᕐᐱᖓᑕᓗ ᑯᓪᓗᖓ, ᐳᑐᒍᖓᓗ ᑕᓕᕐᐱᐊ. 15ᑐᓂᕐᕈᓯᕐᑎᑦᓯᔨᐅᑉ ᐃᑎᒪᓂ ᓴᐅᒥᓂ ᑯᕝᕕᕆᔭᕆᐊᖃᕐᐹ ᐅᕐᓱᒥᒃ, 16ᑎᑭᓂᓗ ᑕᓕᕐᐱᓂ ᐃᑎᒪᖕᒥᓄᑦ ᒥᓱᒡᓗᒍ ᑖᓐᓇ ᓯᕐᐸᕐᓴᕈᑎᒋᔭᕆᐊᖃᕐᐹ 7ᐃᕐᓱᕐᓗᓂ ᐊᑕᓂᐅᑉ ᓵᖓᓂ. 17ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐅᕐᓱᒥᒃ ᐃᑎᒪᖕᒥᓂᑦ ᐱᔭᕆᐊᖃᕆᕗᖅ ᓴᓗᒻᒪᕐᓴᕐᑕᐅᔫᑉ ᓯᐅᑎᖓᑕ ᑕᓕᕐᐱᐊᑕ ᐳᕝᕙᖓ ᐅᕐᓱᒥᓪᓗᒍ, ᑕᓕᕐᐱᖓᓗ ᑯᓪᓗᐊ, ᐳᑐᒍᖓᓗ ᑕᓕᕐᐱᐊ, ᑖᒃᑯᐊ ᐊᐅᒥᓯᒪᔪᒃᓴᐅᕗᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᒃ ᑐᓂᕐᕈᓯᕆᐊᓪᓚᒍᑎᒥᒃ. 18ᐃᑎᒪᒥᓃᑦᑐᖅ ᐅᕐᓱᖅ ᐊᒥᐊᒃᑯᐊ ᐃᓕᔭᒃᓴᕆᕚ ᓴᓗᒻᒪᕐᓴᕐᑕᐅᔫᑉ ᓂᐊᖁᐊᑕ ᖄᖓᓄᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐊᑕᓂᕐᒥᑦ.
19“ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᓪᓗᒍ ᓴᓗᒻᒪᕐᓴᕐᑕᐅᔪᖅ ᐃᓱᒪᒋᔪᓐᓁᕐᕕᐅᖁᓪᓗᒍ ᓴᓗᒤᓐᓂᕐᒥᑦ. ᑭᖑᓂᖓᒍᑦ ᑐᓂᕐᕈᑎᒃᓴᖅ ᐃᑯᐊᓚᒐᒃᓴᖅ ᑐᖁᑕᒃᓴᕆᕚ. 20ᑐᓂᕐᕈᓯᕐᕕᖕᒧᓪᓗ ᐃᓕᓗᒍ ᑐᓂᕐᕈᑎᒋᓗᒍ, ᓂᐊᖂᔭᒃᓴᖅ ᐱᖃᓯᐅᑎᓗᒍ ᐃᓱᒪᒋᔪᓐᓁᕐᕕᐅᖁᓪᓗᒍ ᓴᓗᒻᒪᕐᑕᐅᖁᓪᓗᒍᓗ.
21“ᐃᓄᒡᓕ ᐊᒃᓱᔫᒃᐸᑦ, ᑕᒪᒃᑯᓂᖓᓗ ᐱᔪᓐᓇᖏᓪᓗᓂ, ᕾᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᒥᒃ, ᐊᐅᓪᓚᕐᑎᑕᐅᓗᓂ ᑐᓂᕐᕈᑎᒃᓴᒥᒃ ᐃᓱᒪᒋᔪᓐᓁᕐᕕᐅᖁᓪᓗᒍ, ᐃᓚᖃᕐᓗᒍ ᐆᒃᑑᑎᐅᑉ ᐊᑕᐅᓯᐅᑉ ᓇᑉᐸᖓᑐᑦ ᐅᑯᒤᑎᒋᔪᒥᒃ ᓂᐊᖂᔭᕐᒥᒃ ᐅᕐᓱᒥᒃ ᐃᓚᓯᒪᔪᒥᒃ, ᓂᐊᖂᔭᒃᓴᖅ ᑐᓂᕐᕈᑎᒃᓴᒥᒃ ᐆᒃᑑᑎᒥᒡᓗ ᓇᑉᐸᐅᑉ ᓇᑉᐸᖓᓂᒃ ᐅᕐᓱᒥᒃ, 22ᒪᕐᕉᖕᓂᒡᓗ ᑑᕖᖕᓂᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ ᑖᑦᓱᒪ ᐱᔪᓐᓇᕐᑕᖏᖕᓂᒃ, ᐱᖃᑖ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐱᖃᑖᓗ ᐃᑯᐊᓪᓚᒃᑎᑕᐅᓗᓂ ᑐᓂᕐᕈᑎᒃᓴᐅᓗᓂ. 23ᐅᓪᓗᑦ 8ᖓᓐᓂ ᑖᒃᑯᐊ ᕾᑦᔪᑎᔭᕆᐊᖃᕐᐰᑦ ᑐᓂᕐᕈᓯᕐᑎᑦᓯᔨᒧᑦ ᓴᓗᒻᒪᕐᑎᑕᐅᔭᕐᑐᕐᓗᓂ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐊᑕᓂᐅᑉ ᓵᖓᓂ. 24ᑐᓂᕐᕈᓯᕐᑎᑦᓯᔨᐅᑉ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ, ᐃᓚᖃᕐᓗᓂ ᐅᕐᓱᒥᒃ ᐆᒃᑑᑎᑐᑦ ᓇᑉᐸᐅᑉ ᓇᑉᐸᖓᑐᑦ ᐊᖏᑎᒋᔪᒥᒃ ᐅᖁᒤᓐᓂᓕᒃ, ᑖᑦᓱᒪ ᐊᐅᓪᓚᕐᑎᑦᓴᕆᐊᖃᕐᐹ ᐊᑕᓂᐅᑉ ᓵᖓᓂ ᐊᐅᓪᓚᕐᑎᑕᐅᓂᒃᑯᑦ ᑐᓂᕐᕈᑕᐅᓗᑎᒃ. 25ᓰᐱᐅᑉ ᓄᕐᕋᖓ ᑐᖁᑕᒃᓴᕆᕚ ᑐᓂᕐᕈᑎᒋᓗᒍ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ, ᐊᐅᖓᑕᓗ ᐃᓚᖓ ᓴᓗᒻᒪᕐᑎᑕᐅᔫᑉ ᓯᐅᑎᖓᑕ ᐳᕝᕙᖓᓄᑦ#14:25 ᐳᕝᕙᖓ ᓯᐅᑎᖓᑕ ᐊᑖᓃᑦᑐᖅ ᐊᓂᖓᔪᖅ ᒪᑦᓴᖓ ᑕᓕᕐᐱᐊᓄᑦ ᐊᐅᒥᑦᑕᕈᑎᒋᓗᒍ, ᑯᓪᓗᖓᑕᓗ ᑕᓕᕐᐱᐊᒍᑦ, ᐳᑐᒍᐊᓗ ᑕᓕᕐᐱᐊ. 26ᑐᓂᕐᕈᓯᕐᑎᑦᓯᔨᐅᓪᓗ ᐃᑎᒪᓂ ᓴᐅᒥᓂ ᐅᕐᓱᒥᒃ ᑯᕕᓯᕕᒋᔭᕆᐊᖃᕐᐹ 27ᑎᑭᓂᓗ ᑕᓕᕐᐱᓂ ᒥᓱᒡᓗᒍ ᐅᕐᓱᒧᑦ ᓴᐅᒥᖕᒥᓃᑦᑐᒧᑦ, ᓯᕐᐸᕐᓴᕈᑎᒋᔭᒃᓴᕆᕚ ᐊᑕᓂᐅᑉ ᓵᖓᓂ 7ᐃᕐᓱᕐᓗᓂ. 28ᐅᕐᓱᒥᒃ ᐃᑎᒪᖕᒥᓃᑦᑐᒥᒃ ᑍᒫᑦᓯᐊᖅ ᓱᓕ ᐅᕐᓱᒥᒃ ᐱᑕᑦᓯᕆᐊᖃᕐᐰᑦ ᑕᓕᕐᐱᐊᑕ ᓯᐅᑎᖓᑕ ᐳᕙᖓ, ᑯᓪᓗᐊᓗ ᑕᓕᕐᐱᐊ, ᐳᑐᒍᐊᓗ ᑕᓕᕐᐱᐊ, ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒧᑦ ᐊᐅᖕᒥᒃ ᑐᓂᕐᕈᓯᕐᕕᐅᔫᑉ ᐃᓂᐊᓂ. 29ᐅᕐᓲᑉ ᐊᒥᐊᒃᑯᐊ ᐃᑎᒪᖕᒥᓃᑦᑐᖅ ᐃᓕᔭᕆᐊᖃᕐᐹ ᓴᓗᒻᒪᕐᑎᑕᐅᔫᑉ ᓂᐊᖁᐊᓄᑦ, ᐃᓱᒪᒋᔪᓐᓁᕐᕕᐅᖁᓪᓗᒍ ᐊᑕᓂᐅᑉ ᓵᖓᓂ. 30ᑕᕝᕙ ᑐᓂᕐᕈᑎᒋᔭᕆᐊᖃᕐᐹ ᑑᕕᒃ ᐅᕝᕙᓘᓐᓃᑦ ᐱᐊᕋᖅ ᐱᓐᔭᓐᒥᒃ ᑍᔭᐅᔪᖅ ᐱᔪᓐᓇᕐᑕᓂ ᒪᓕᒡᓗᒍ. 31ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ ᐱᖃᑖᓗ ᐃᑯᐊᓚᓗᓂ ᑐᓂᕐᕈᑕᐅᖁᓪᓗᒍ, ᐃᓚᖃᕐᓗᒍ ᓂᐊᖂᔭᒥᒃ ᑐᓂᕐᕈᑎᒃᓴᒥᒃ, ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ ᑖᓐᓇ ᓴᓗᒻᒪᕐᑎᑕᐅᔪᖅ. 32ᑖᒃᑯᐊ ᑕᕝᕙ ᐅᕕᓂᕐᓗᓚᐅᕐᑐᒧ ᐂᑦᑐᕐᓗᐃᔭᑦᑐᒥᒃ ᓴᓗᒻᒪᕐᑎᑕᐅᓂᖓᑕ ᐱᖁᔭᖏᑦ, ᑐᓂᕐᕈᓯᕈᓐᓇᖏᑉᐸᓪᓗ ᐊᔪᕐᓴᕐᓂᓂ ᐱᓪᓗᒍ ᑐᓂᕐᕈᑎᒋᔭᐅᕙᒃᑐᒥᒃ.”
ᐅᖂᑉ ᓴᓗᒻᒪᕐᑎᑕᐅᓂᖓ
33ᐊᑕᓂᐅᑉ ᒨᓯᓯᓗ ᐂᕉᓂᓗ ᐅᖃᐅᑎᕚᒃ, 34“ᓄᓇᒧᑦ ᑬᓇᓂᒧᑦ ᑎᑭᒃᑯᑦᓯᒃ, ᑕᒪᓐᓇ ᑐᓂᓂᐊᕋᒃᑯ ᐃᓕᑦᓯᖕᓄᑦ ᐱᖁᑕᐅᓕᖁᓪᓗᒍ ᐃᓕᓯᕗᖓᓗ ᐅᖁᖕᒥᒃ ᐃᒡᓗᒧᑦ ᓯᐊᒻᒪᕐᐸᓪᓕᐊᔪᒃᓴᒥᒃ ᓄᓇᒥ ᑕᕝᕙᓂ. 35ᐃᒡᓗᒥᒃ ᓇᖕᒥᓂᖃᕐᑐᖅ ᑐᓂᕐᕈᓯᕐᑎᑦᓯᔨᒧᑦ ᐅᖃᕆᐊᑐᕆᐊᖃᕐᐳᖅ, ‘ᑕᑯᓯᒪᕗᖓ ᐅᖂᑉ ᐊᑦᔨᖓᓂᒃ ᐃᒡᓗᓐᓃᑦᑐᒥᒃ.’ 36ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐃᒡᓗ ᑖᓐᓇ ᐃᓗᓖᔭᕐᑕᐅᖁᔭᕆᐊᖃᕐᐹ ᑕᑯᔭᕐᑐᓚᐅᖏᓐᓂᕐᒥᓂ ᐃᒡᓗᒥᒃ ᑖᑦᓱᒥᖓ ᐅᖁᖃᕐᒪᖔᑦ, ᐃᒡᓘᑉ ᐃᓗᐊᓂ ᓴᓗᒤᓐᓂᕋᕐᑕᐅᔪᖃᖁᓇᒍ, ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑕᑯᔭᕐᑐᕆᐊᖃᕐᐹ. 37ᖃᐅᔨᓴᕆᐊᖃᕐᐹ ᐅᖁᒃ ᐃᒡᓘᑉ ᐊᕙᓗᐊᓃᑦᑐᖅ, ᑐᖑᔪᕈᔪᒃᑐᒥᒃ ᐊᐅᐸᕈᔪᒃᑐᒥᒡᓘᓐᓃᑦ ᑕᐅᑦᑐᖃᕐᐸᑦ ᐃᒡᓘᓪᓗ ᐃᑭᐊᖓᓂᑦ ᐱᓯᒪᔫᔮᕐᓗᓂ, 38ᑐᓂᕐᕈᓯᕐᑎᑦᓯᔨ ᓯᓚᒧᑦ ᐊᓂᔭᕆᐊᖃᕐᐳᖅ ᐃᒡᓗᓗ ᒪᑐᓯᒪᔭᕆᐊᖃᕐᐳᖅ ᐅᓪᓗᓂᒃ 7ᓂᒃ. 39ᐅᓪᓗᑦ 7ᖓᓐᓂ ᐃᒡᓗ ᑕᑯᔭᕐᑐᒃᑲᓐᓂᕆᐊᖃᕐᐹ. ᐅᖁᒃ ᓯᐊᒻᒪᕐᐸᑦ ᐃᒡᓘᑉ ᐊᕙᓗᐊᓂ, 40ᐱᖁᔨᔭᕆᐊᖃᕐᐳᖅ ᑕᕝᕙ ᐅᖁᒃᓯᒪᔪᑦ ᐅᔭᕅᑦ ᐲᔭᕐᑕᐅᖁᓪᓗᒋᑦ ᐃᒋᑕᐅᓗᑎᒡᓗ ᓴᓗᒤᑦᑐᒃᑯᕕᖕᒧᑦ ᐃᒡᓗᒐᓮᑦ ᓯᓚᑖᓃᑦᑐᒧᑦ. 41ᐃᒡᓘᑉ ᐃᓗᓕᒫᖓ ᑭᓕᐅᕐᑐᕐᑕᐅᔭᕆᐊᖃᕐᐳᖅ ᑭᓕᐅᕐᑐᕐᓂᑯᐊᓗ ᐃᒋᑕᐅᓗᓂ ᓴᓗᒤᑦᑐᒃᑯᕕᖕᒧᑦ ᐃᒡᓗᒐᓮᑦ ᓯᓚᑖᓃᑦᑐᒧᑦ. 42ᐅᔭᕅᑦ ᐊᓯᖏᓐᓂᒃ ᑭᖑᕝᕕᕐᓗᒋᑦ ᐅᔭᕅᑦ ᐲᔭᕐᑕᐅᔪᑦ, ᐅᔭᕋᕈᕐᑎᓯᒪᔪᒥᒃ#14:42 ᐅᔭᕋᕈᕐᑎᓯᒪᔪᖅ ᐅᕝᕙᓗ ᕿᑯᖅ ᓄᑖᒥᒃ ᐃᒡᓘᑉ ᐃᓗᐊ ᕿᑯᕐᑕᐅᔭᕆᐊᖃᕐᐳᖅ.
43“ᑕᕝᕙᓕ ᐅᖁᒃ ᓴᖅᑭᒃᑲᓐᓂᕐᐸᑦ ᑕᕝᕙᓂ ᐃᒡᓗᒥ ᐅᔭᕅᑦ ᐲᔭᕐᑕᐅᓚᐅᕋᓗᐊᕐᑎᓪᓗᒋᑦ ᐃᒡᓗᓗ ᑭᓕᐅᕐᑐᕐᑕᐅᓚᐅᕋᓗᐊᕐᑎᓪᓗᒍ ᕿᑯᕐᑕᐅᒃᑲᓐᓂᓚᐅᕐᑎᓪᓗᒍᓗ, 44ᑐᓂᕐᕈᓯᕐᑎᑦᓯᔨᐅᑉ ᑕᑯᔭᕐᑐᕆᐊᖃᕐᐹ, ᑕᒪᓐᓇ ᐅᖁᒃ ᓯᐊᒻᒪᕐᐸᑦ, ᐅᖁᒃ ᑕᒪᓐᓇ ᓱᒃᑯᑎᕆᖕᒪᑦ, ᑕᕝᕙ ᐃᒡᓗ ᑖᓐᓇ ᓴᓗᒤᑦᑑᕗᖅ. 45ᑖᓐᓇ ᓯᖁᒥᑕᐅᔭᕆᐊᖃᕐᐳᖅ ᐅᔭᕅᑦ ᕿᔪᐃᓪᓗ ᕿᑯᐃᓪᓗ ᑕᒪᕐᒥᒃ ᐃᒡᓗᒐᓮᑦ ᓯᓚᑖᓄᑦ ᐱᑎᑕᐅᔪᒃᓴᐅᕗᑦ ᓴᓗᒤᑦᑐᒃᑯᕕᖕᒧᑦ. 46ᓇᓪᓕᐊᑦ ᐃᒡᓗᒧᑦ ᐃᑎᕐᑐᖅ ᒪᑐᔭᐅᓯᒪᑎᓪᓗᒍ, ᑖᓐᓇ ᓴᓗᒤᓕᓂᐊᕐᐳᖅ ᐅᓐᓄᒃ ᑎᑭᓪᓗᒍ. 47ᓇᓪᓕᐊᓪᓗ ᓯᓂᒃᑐᖅ ᓂᕆᔪᕐᓘᓐᓃᑦ ᐃᒡᓗᒥ ᑕᕝᕙᓂ ᐊᓐᓄᕌᓂ ᐅᐊᓴᕆᐊᖃᕐᐰᑦ.
48“ᑐᓂᕐᕈᓯᕐᑎᑦᓯᔨᐅᓪᓕ ᖃᐅᔨᓴᕆᐊᕐᑐᕈᓂᐅᒃ, ᐅᖁᒃ ᓯᐊᒻᒪᕐᓯᒪᖏᑉᐸᑦ ᐃᒡᓗ ᕿᑯᕐᑕᐅᓚᐅᕐᑎᓪᓗᒍ, ᐃᒡᓗ ᐅᖃᐅᓯᕆᔭᕆᐊᖃᕐᐹ ᓴᓗᒻᒪᕐᓂᕋᕐᓗᒍ, ᐅᖁᒃ ᐊᓯᐅᖕᒪᑦ. 49ᐃᒡᓘᑉ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐱᔭᕆᐊᖃᕐᐳᖅ ᑎᖕᒥᐊᑯᓘᖕᓂᒃ ᒪᑉᕉᖕᓂᒃ, ᕿᔪᖕᒥᒡᓗ ᓰᑕᕆᒥᒃ ᐊᑎᓕᖕᒥᒃ, ᐊᐅᐸᓪᓚᕆᒃᑐᒥᒡᓗ ᓄᕕᕐᓵᒡᓴᒥᒃ ᕼᐊᓯᑉᒥᒡᓗ ᐱᕈᕐᑐᒥᒃ. 50ᑐᓂᕐᕈᓯᕐᑎᑦᓯᔨᐅᑉ ᑎᖕᒥᐊᑯᓘᑉ ᐱᖃᑖ ᑐᖁᑦᓴᕆᐊᖃᕐᐹ ᐅᐊᓴᕐᕕᐅᑉ ᐅᔭᕋᐅᑉ ᐃᒪᖃᕐᑑᑉ ᖁᓛᓂ, 51ᕿᔪᒃ ᓰᑕᕆ ᑎᒍᓗᓂᐅᒃ, ᕼᐊᓯᑉᓗ, ᐊᐅᐸᕐᑐᕐᓗ ᓄᕕᕐᓵᒃᓴᖅ, ᑎᖕᒥᐊᑯᓗᒡᓗ ᐆᒪᔪᖅ, ᑖᒃᑯᐊ ᒥᓱᒡᓗᒋᑦ ᐊᐅᖕᒧᑦ ᑎᖕᒥᐊᑯᓘᑉ ᐱᖃᑖᑕ ᐊᐅᖓᓄᑦ ᐃᒥᕐᒧᓪᓗ, ᐃᒡᓗ 7ᐃᕐᓱᕐᓗᒍ ᓯᕐᐸᕐᓴᕆᐊᖃᕐᐹ. 52ᑍᒫᒃ ᐃᒡᓗ ᓴᓗᒻᒪᕐᓴᕐᓂᐊᕐᐹ ᑎᖕᒥᐊᑉ ᐊᐅᖓᓄᑦ ᐃᒥᕐᒧᓪᓗ, ᑎᖕᒥᐊᑯᓗᖕᒧᓪᓗ ᐆᒪᔪᒧᑦ, ᕿᔪᖕᒧᓪᓗ ᓇᐹᕐᑐᒥᑦ ᓰᑕᕆᒥᑦ ᐱᓯᒪᔪᒧᑦ, ᕼᐊᓯᑉᒧᓪᓗ ᐱᕈᕐᑐᒧᑦ, ᓄᕕᕐᓵᒃᓴᒧᓪᓗ ᐊᐅᐸᓪᓚᕆᒃᑐᒧᑦ. 53ᑎᖕᒥᐊᑯᓗᒃ ᑕᕝᕙ ᑎᖏᑎᑦᓴᕆᐊᖃᕐᐹ ᐃᒡᓗᒐᓮᑦ ᓯᓚᑖᓂ ᐃᒡᓗᑕᖃᖏᑦᑐᒥ. ᑍᒫᒃ ᐃᒡᓗ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ, ᑍᒫᒡᓗ ᓴᓗᒪᓂᕋᕐᑕᐅᓂᐊᕐᐳᖅ.
54“ᑖᒃᑯᐊ ᑕᕝᕙ ᐱᖁᔧᑦ ᐅᕕᓂᕐᓗᖕᓂᖅ ᑲᑉᐱᐊᓇᕐᑐᒥᒃ ᐱᓪᓗᒍ ᐅᖏᓚᖕᓂᕐᒥᒡᓗ, 55ᐅᖁᖕᒥᒡᓗ ᐊᓐᓄᕌᒦᑦᑐᒥᒡᓘᓐᓃᑦ ᐃᒡᓗᒦᑦᑐᒥᒡᓘᓐᓃᑦ, 56ᐳᕕᑦᑐᒥᒡᓘᓐᓃᑦ, ᐊᐅᐸᕐᓯᓯᒪᔪᕐᓘᓐᓃᑦ ᐅᕕᓂᖕᒥ ᑕᕐᓴᐅᔪᕐᓘᓐᓃ ᐅᕕᓂᖕᒦᑦᑐᖅ ᐱᓪᓗᒍ, 57ᑖᒃᑯᐊ ᖃᐅᔨᓴᐅᑏᑦ ᓴᓗᒪᔪᒥᒃ ᓴᓗᒤᑦᑐᒥᒡᓘᓐᓃᑦ. ᑖᓐᓇ ᐱᖁᔭᐅᖕᒪᑦ ᐅᕕᓂᕐᓗᖕᓂᖅ ᐂᑦᑐᐃᔭᑦᑐᖅ ᐅᖁᒡᓗ ᐱᓪᓗᒋᑦ.”
Currently Selected:
ᒨᓯᓯ ᐱᖓᔪᖏᑦ 14: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 14
14
ᐅᕕᓂᕐᓗᒃᑐᕕᓂᐅᑉ ᓴᓗᒻᒪᕐᓂᕋᕐᑕᐅᓂᖓ
1ᐊᑕᓂᐅᑉ ᒨᓯᓯ ᐅᖃᐅᑎᕚ, 2#ᒫᑎᐅᓯ 8:4; ᒫᑯᓯ 1:44; ᓘᑲᓯ 5:14; 17:14.“ᐅᑯᐊ ᑕᕝᕙ ᐱᖁᔧᑦ ᐃᓅᑉ ᐅᕕᓂᕐᓗᒃᑑᑉ ᐸᕐᑎᕐᑑᑉ ᓴᓗᒻᒪᕐᓂᕋᕐᑕᐅᓂᖓᑕ ᐃᓕᖅᑯᓯᖅ ᒪᓕᒡᓗᒍ, ᑐᓂᕐᕈᓯᕐᑎᑦᓯᔨᒧᑦ ᕾᑎᑕᐅᒃᐸᑦ. 3ᑐᓂᕐᕈᓯᕐᑎᑦᓯᔨ ᓄᓇᓖᑦ ᓯᓚᑖᓄᐊᕐᓗᓂ ᐅᕕᓂᕐᓗᒃᑐᒥᒃ ᖃᐅᔨᓴᕆᐊᕐᑐᕐᑐᒃᓴᐅᕗᖅ. ᐃᓄᒃ ᐅᕕᓂᕐᓗᖕᓂᕐᒥᓂᑦ ᐱᔪᓐᓃᕐᐸᑦ, 4ᑐᓂᕐᕈᓯᕐᑎᑦᓯᔨᐅᑉ ᕾᑦᓯᖁᒐᔭᕐᐹ ᒪᕐᕉᖕᓂᒃ ᑎᖕᒥᐊᖕᓂᒃ ᓴᓗᒪᔫᖕᓂᒃ, ᓇᐹᕐᑐᕕᓂᕐᒥᒡᓗ ᕿᔪᖕᒥᒃ ᓰᑕᕆᒥᒃ ᐊᑎᓕᖕᒥᒃ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ, ᓇᐹᕐᑑᓪᓗ ᕼᐊᓯᐱᐅᑉ ᐊᕙᓚᖓᔪᖓᓂᒃ, ᓴᓗᒻᒪᕐᓴᕐᑕᐅᑦᔪᑎᒃᓴᒥᓂᒃ ᑖᒃᑯᓂᖓ. 5ᑐᓂᕐᕈᓯᕐᑎᑦᓯᔨ ᐱᖁᔨᔭᕆᐊᖃᕐᐳᖅ ᑎᖕᒥᐊᑯᓘᑉ ᐱᖃᑖ ᑐᖁᑕᐅᖁᓪᓗᒍ ᐅᔭᕋᐅᑉ ᐅᐊᓴᕐᕕᐅᑉ ᐃᒥᕐᑕᕐᕕᖕᒥᒃ ᐃᒪᓕᐅᑉ ᖁᓛᓂ. 6ᑕᕝᕙ ᑎᖕᒥᐊᑯᓗᒃ ᐆᒪᔪᖅ ᒥᓱᒃᓗᓂᐅᒃ, ᕿᔪᒃ ᐱᖃᓯᐅᑎᓗᒍ ᓰᑕᕆᒥᒃ ᐊᑎᓕᒃ, ᓄᕕᕐᓵᒃᓴᕐᓗ ᐊᐅᐸᓪᓚᕆᒃᑐᖅ, ᓇᐹᕐᑑᓪᓗ ᐊᕙᓚᖓᔪᐊ ᕼᐊᓯᐱᒥᒃ ᐊᑎᓕᒃ, ᑖᒃᑯᐊ ᒥᓱᒡᓗᒋᑦ ᐅᐊᓴᕐᕕᖕᒧᑦ ᑎᖕᒥᐊᑯᓘᑉ ᐊᐅᖓᓂᒃ ᐃᒪᓕᖕᒧᑦ ᑐᖁᑕᐅᕋᑖᕐᑐᒧᑦ ᐅᐊᓴᕐᕕᐅᑉ ᖁᓛᓂ. 7ᓯᕐᐸᕐᓴᕐᕕᒋᔭᒃᓴᕆᕚ 7ᐃᕐᓱᕐᓗᒍ ᓴᓗᒻᒪᕐᓂᕋᕐᑕᐅᔪᖅ ᑍᒤᓕᐅᕇᕈᓂᐅᒡᓗ ᓴᓗᒻᒪᓂᕋᓕᕐᓗᒍ ᐅᖃᕐᑐᒃᓴᐅᕗᖅ. ᑕᕝᕙ ᑎᖕᒥᐊᑯᓘᑉ ᐂᑉᐸᖓ ᑎᖏᑎᑕᒃᓴᕆᕚ ᓯᓚᒥ. 8ᐃᓅᑉ ᓴᓗᒻᒪᕐᓴᕐᑕᐅᔫᑉ ᐊᓐᓄᕌᓂ ᐅᐊᓴᕆᐊᖃᕐᐰᑦ, ᓄᔭᓂ ᒥᖅᑯᓂᓗ ᑕᒪᕐᒥᒃ ᓴᓕᔭᕆᐊᖃᕐᐰᑦ ᐃᒥᕐᒧᓪᓗ ᐅᐊᓴᕐᓗᓂ; ᑕᕝᕙ ᐃᓕᖅᑯᓯᖅ ᒪᓕᒡᓗᒍ ᓴᓗᒪᓂᕋᕐᑕᐅᓂᐊᕐᐳᖅ. ᑍᒤᓕᐅᕇᕈᓂ ᓄᓇᓕᖕᓄᑦ ᑕᕝᕙ ᐅᑎᕈᓐᓇᕐᓯᕗᖅ, ᑭᓯᐊᓂ ᐃᓚᒥᓂ ᓇᔫᑎᔭᕆᐊᖃᓐᖏᓚᖅ ᐅᓪᓗᓂᒃ 7ᓂᒃ. 9ᐅᓪᓗᑦ 7ᖓᓐᓂ ᓂᐊᖁᓂ ᓴᓕᑦᓯᐊᕆᐊᖃᕐᐹ, ᐅᓐᖏᔭᑦᓯᐊᕐᓗᓂᓗ ᖃᓪᓗᐃᔭᕐᓗᓂᓗ, ᑎᒥᒥᓃᑦᑐᓪᓗ ᒥᖅᑯᐃᑦ ᓴᓕᓗᒋᑦ. ᐊᓐᓄᕌᓂ ᐅᐊᓴᕐᓗᒋᑦ, ᐅᕕᓂᓕᒫᓂᓗ ᐅᐊᓴᕐᓗᓂᐅᒃ ᐃᒥᕐᒧᑦ, ᑕᕝᕙ ᓴᓗᒪᓂᕋᕐᑕᐅᓂᐊᕐᐳᖅ.
10“ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ. 11ᑐᓂᕐᕈᓯᕐᑎᑦᓯᔨ ᑖᑦᓱᒥᖓ ᑲᒪᔫᑉ ᑖᒃᑯᐊ ᐋᑕᒃᓴᕆᕔᑦ, ᓴᓗᒻᒪᕐᑎᑕᐅᔪᕐᓗ ᑐᓂᕐᕈᑎᒃᓴᖏᓪᓗ ᐊᑕᓂᕐᒧᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ. 12ᑐᓂᕐᕈᓯᕐᑎᑦᓯᔨᐅᑉ ᓰᐱᐅ ᓄᕐᕋᖓ ᐊᖑᑎᐅᑉ ᐱᖃᑖ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᐱᑦᔪᑎᒋᓪᓗᒍ, ᐅᕐᓱᖅ ᐊᑕᐅᓯᕐᒥᒃ ᓇᑉᐸᕐᒥᒡᓗ ᐅᖁᒤᓐᓂᓕᒃ ᐱᖃᓯᐅᑎᓗᒍ; ᑖᒃᑯᐊ ᐊᐅᓪᓚᕐᑎᓪᓗᒋᑦ ᑐᓂᕐᕈᑎᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ. 13ᑐᓂᕐᕈᓯᕐᑎᑦᓯᔨᐅᑉ ᓄᕐᕋᖅ ᑐᖁᑕᒃᓴᕆᕚ ᐃᑦᔪᕐᓁᑦᑐᕕᖕᒥ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐃᑯᐊᓚᑎᑕᒃᓮᓪᓗ ᑐᓂᕐᕈᑎᒃᓮᑦ ᑐᖁᑕᐅᕕᐊᓂ. ᑍᒫᑦᓮᓐᓇᖅ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᖅ ᑐᓂᕐᕈᓯᕐᑎᑦᓯᔨᐅᑉ ᐱᔭᒃᓴᕆᕚ, ᑖᓐᓇᑦᑕᐅᖅ ᐃᑦᔪᕐᓁᓐᓂᕐᐹᖑᒋᕗᖅ. 14ᑐᓂᕐᕈᓯᕐᑎᑦᓯᔨ ᐊᐅᖕᒥᒃ ᐱᔭᕆᐊᖃᕐᐳᖅ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᑦ ᑐᓂᕐᕈᑎᒃᓴᒥᑦ ᓴᓗᒻᒪᕐᓴᕐᑕᐅᔫᑉ ᓯᐅᑎᖓᑕ ᑕᓕᕐᐱᐅᑉ ᐳᕝᕙᖓ ᐊᐅᒥᓪᓗᒍ, ᑕᓕᕐᐱᖓᑕᓗ ᑯᓪᓗᖓ, ᐳᑐᒍᖓᓗ ᑕᓕᕐᐱᐊ. 15ᑐᓂᕐᕈᓯᕐᑎᑦᓯᔨᐅᑉ ᐃᑎᒪᓂ ᓴᐅᒥᓂ ᑯᕝᕕᕆᔭᕆᐊᖃᕐᐹ ᐅᕐᓱᒥᒃ, 16ᑎᑭᓂᓗ ᑕᓕᕐᐱᓂ ᐃᑎᒪᖕᒥᓄᑦ ᒥᓱᒡᓗᒍ ᑖᓐᓇ ᓯᕐᐸᕐᓴᕈᑎᒋᔭᕆᐊᖃᕐᐹ 7ᐃᕐᓱᕐᓗᓂ ᐊᑕᓂᐅᑉ ᓵᖓᓂ. 17ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐅᕐᓱᒥᒃ ᐃᑎᒪᖕᒥᓂᑦ ᐱᔭᕆᐊᖃᕆᕗᖅ ᓴᓗᒻᒪᕐᓴᕐᑕᐅᔫᑉ ᓯᐅᑎᖓᑕ ᑕᓕᕐᐱᐊᑕ ᐳᕝᕙᖓ ᐅᕐᓱᒥᓪᓗᒍ, ᑕᓕᕐᐱᖓᓗ ᑯᓪᓗᐊ, ᐳᑐᒍᖓᓗ ᑕᓕᕐᐱᐊ, ᑖᒃᑯᐊ ᐊᐅᒥᓯᒪᔪᒃᓴᐅᕗᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᒃ ᑐᓂᕐᕈᓯᕆᐊᓪᓚᒍᑎᒥᒃ. 18ᐃᑎᒪᒥᓃᑦᑐᖅ ᐅᕐᓱᖅ ᐊᒥᐊᒃᑯᐊ ᐃᓕᔭᒃᓴᕆᕚ ᓴᓗᒻᒪᕐᓴᕐᑕᐅᔫᑉ ᓂᐊᖁᐊᑕ ᖄᖓᓄᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐊᑕᓂᕐᒥᑦ.
19“ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᓪᓗᒍ ᓴᓗᒻᒪᕐᓴᕐᑕᐅᔪᖅ ᐃᓱᒪᒋᔪᓐᓁᕐᕕᐅᖁᓪᓗᒍ ᓴᓗᒤᓐᓂᕐᒥᑦ. ᑭᖑᓂᖓᒍᑦ ᑐᓂᕐᕈᑎᒃᓴᖅ ᐃᑯᐊᓚᒐᒃᓴᖅ ᑐᖁᑕᒃᓴᕆᕚ. 20ᑐᓂᕐᕈᓯᕐᕕᖕᒧᓪᓗ ᐃᓕᓗᒍ ᑐᓂᕐᕈᑎᒋᓗᒍ, ᓂᐊᖂᔭᒃᓴᖅ ᐱᖃᓯᐅᑎᓗᒍ ᐃᓱᒪᒋᔪᓐᓁᕐᕕᐅᖁᓪᓗᒍ ᓴᓗᒻᒪᕐᑕᐅᖁᓪᓗᒍᓗ.
21“ᐃᓄᒡᓕ ᐊᒃᓱᔫᒃᐸᑦ, ᑕᒪᒃᑯᓂᖓᓗ ᐱᔪᓐᓇᖏᓪᓗᓂ, ᕾᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᒥᒃ, ᐊᐅᓪᓚᕐᑎᑕᐅᓗᓂ ᑐᓂᕐᕈᑎᒃᓴᒥᒃ ᐃᓱᒪᒋᔪᓐᓁᕐᕕᐅᖁᓪᓗᒍ, ᐃᓚᖃᕐᓗᒍ ᐆᒃᑑᑎᐅᑉ ᐊᑕᐅᓯᐅᑉ ᓇᑉᐸᖓᑐᑦ ᐅᑯᒤᑎᒋᔪᒥᒃ ᓂᐊᖂᔭᕐᒥᒃ ᐅᕐᓱᒥᒃ ᐃᓚᓯᒪᔪᒥᒃ, ᓂᐊᖂᔭᒃᓴᖅ ᑐᓂᕐᕈᑎᒃᓴᒥᒃ ᐆᒃᑑᑎᒥᒡᓗ ᓇᑉᐸᐅᑉ ᓇᑉᐸᖓᓂᒃ ᐅᕐᓱᒥᒃ, 22ᒪᕐᕉᖕᓂᒡᓗ ᑑᕖᖕᓂᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ ᑖᑦᓱᒪ ᐱᔪᓐᓇᕐᑕᖏᖕᓂᒃ, ᐱᖃᑖ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐱᖃᑖᓗ ᐃᑯᐊᓪᓚᒃᑎᑕᐅᓗᓂ ᑐᓂᕐᕈᑎᒃᓴᐅᓗᓂ. 23ᐅᓪᓗᑦ 8ᖓᓐᓂ ᑖᒃᑯᐊ ᕾᑦᔪᑎᔭᕆᐊᖃᕐᐰᑦ ᑐᓂᕐᕈᓯᕐᑎᑦᓯᔨᒧᑦ ᓴᓗᒻᒪᕐᑎᑕᐅᔭᕐᑐᕐᓗᓂ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐊᑕᓂᐅᑉ ᓵᖓᓂ. 24ᑐᓂᕐᕈᓯᕐᑎᑦᓯᔨᐅᑉ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ, ᐃᓚᖃᕐᓗᓂ ᐅᕐᓱᒥᒃ ᐆᒃᑑᑎᑐᑦ ᓇᑉᐸᐅᑉ ᓇᑉᐸᖓᑐᑦ ᐊᖏᑎᒋᔪᒥᒃ ᐅᖁᒤᓐᓂᓕᒃ, ᑖᑦᓱᒪ ᐊᐅᓪᓚᕐᑎᑦᓴᕆᐊᖃᕐᐹ ᐊᑕᓂᐅᑉ ᓵᖓᓂ ᐊᐅᓪᓚᕐᑎᑕᐅᓂᒃᑯᑦ ᑐᓂᕐᕈᑕᐅᓗᑎᒃ. 25ᓰᐱᐅᑉ ᓄᕐᕋᖓ ᑐᖁᑕᒃᓴᕆᕚ ᑐᓂᕐᕈᑎᒋᓗᒍ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ, ᐊᐅᖓᑕᓗ ᐃᓚᖓ ᓴᓗᒻᒪᕐᑎᑕᐅᔫᑉ ᓯᐅᑎᖓᑕ ᐳᕝᕙᖓᓄᑦ#14:25 ᐳᕝᕙᖓ ᓯᐅᑎᖓᑕ ᐊᑖᓃᑦᑐᖅ ᐊᓂᖓᔪᖅ ᒪᑦᓴᖓ ᑕᓕᕐᐱᐊᓄᑦ ᐊᐅᒥᑦᑕᕈᑎᒋᓗᒍ, ᑯᓪᓗᖓᑕᓗ ᑕᓕᕐᐱᐊᒍᑦ, ᐳᑐᒍᐊᓗ ᑕᓕᕐᐱᐊ. 26ᑐᓂᕐᕈᓯᕐᑎᑦᓯᔨᐅᓪᓗ ᐃᑎᒪᓂ ᓴᐅᒥᓂ ᐅᕐᓱᒥᒃ ᑯᕕᓯᕕᒋᔭᕆᐊᖃᕐᐹ 27ᑎᑭᓂᓗ ᑕᓕᕐᐱᓂ ᒥᓱᒡᓗᒍ ᐅᕐᓱᒧᑦ ᓴᐅᒥᖕᒥᓃᑦᑐᒧᑦ, ᓯᕐᐸᕐᓴᕈᑎᒋᔭᒃᓴᕆᕚ ᐊᑕᓂᐅᑉ ᓵᖓᓂ 7ᐃᕐᓱᕐᓗᓂ. 28ᐅᕐᓱᒥᒃ ᐃᑎᒪᖕᒥᓃᑦᑐᒥᒃ ᑍᒫᑦᓯᐊᖅ ᓱᓕ ᐅᕐᓱᒥᒃ ᐱᑕᑦᓯᕆᐊᖃᕐᐰᑦ ᑕᓕᕐᐱᐊᑕ ᓯᐅᑎᖓᑕ ᐳᕙᖓ, ᑯᓪᓗᐊᓗ ᑕᓕᕐᐱᐊ, ᐳᑐᒍᐊᓗ ᑕᓕᕐᐱᐊ, ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒧᑦ ᐊᐅᖕᒥᒃ ᑐᓂᕐᕈᓯᕐᕕᐅᔫᑉ ᐃᓂᐊᓂ. 29ᐅᕐᓲᑉ ᐊᒥᐊᒃᑯᐊ ᐃᑎᒪᖕᒥᓃᑦᑐᖅ ᐃᓕᔭᕆᐊᖃᕐᐹ ᓴᓗᒻᒪᕐᑎᑕᐅᔫᑉ ᓂᐊᖁᐊᓄᑦ, ᐃᓱᒪᒋᔪᓐᓁᕐᕕᐅᖁᓪᓗᒍ ᐊᑕᓂᐅᑉ ᓵᖓᓂ. 30ᑕᕝᕙ ᑐᓂᕐᕈᑎᒋᔭᕆᐊᖃᕐᐹ ᑑᕕᒃ ᐅᕝᕙᓘᓐᓃᑦ ᐱᐊᕋᖅ ᐱᓐᔭᓐᒥᒃ ᑍᔭᐅᔪᖅ ᐱᔪᓐᓇᕐᑕᓂ ᒪᓕᒡᓗᒍ. 31ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ ᐱᖃᑖᓗ ᐃᑯᐊᓚᓗᓂ ᑐᓂᕐᕈᑕᐅᖁᓪᓗᒍ, ᐃᓚᖃᕐᓗᒍ ᓂᐊᖂᔭᒥᒃ ᑐᓂᕐᕈᑎᒃᓴᒥᒃ, ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ ᑖᓐᓇ ᓴᓗᒻᒪᕐᑎᑕᐅᔪᖅ. 32ᑖᒃᑯᐊ ᑕᕝᕙ ᐅᕕᓂᕐᓗᓚᐅᕐᑐᒧ ᐂᑦᑐᕐᓗᐃᔭᑦᑐᒥᒃ ᓴᓗᒻᒪᕐᑎᑕᐅᓂᖓᑕ ᐱᖁᔭᖏᑦ, ᑐᓂᕐᕈᓯᕈᓐᓇᖏᑉᐸᓪᓗ ᐊᔪᕐᓴᕐᓂᓂ ᐱᓪᓗᒍ ᑐᓂᕐᕈᑎᒋᔭᐅᕙᒃᑐᒥᒃ.”
ᐅᖂᑉ ᓴᓗᒻᒪᕐᑎᑕᐅᓂᖓ
33ᐊᑕᓂᐅᑉ ᒨᓯᓯᓗ ᐂᕉᓂᓗ ᐅᖃᐅᑎᕚᒃ, 34“ᓄᓇᒧᑦ ᑬᓇᓂᒧᑦ ᑎᑭᒃᑯᑦᓯᒃ, ᑕᒪᓐᓇ ᑐᓂᓂᐊᕋᒃᑯ ᐃᓕᑦᓯᖕᓄᑦ ᐱᖁᑕᐅᓕᖁᓪᓗᒍ ᐃᓕᓯᕗᖓᓗ ᐅᖁᖕᒥᒃ ᐃᒡᓗᒧᑦ ᓯᐊᒻᒪᕐᐸᓪᓕᐊᔪᒃᓴᒥᒃ ᓄᓇᒥ ᑕᕝᕙᓂ. 35ᐃᒡᓗᒥᒃ ᓇᖕᒥᓂᖃᕐᑐᖅ ᑐᓂᕐᕈᓯᕐᑎᑦᓯᔨᒧᑦ ᐅᖃᕆᐊᑐᕆᐊᖃᕐᐳᖅ, ‘ᑕᑯᓯᒪᕗᖓ ᐅᖂᑉ ᐊᑦᔨᖓᓂᒃ ᐃᒡᓗᓐᓃᑦᑐᒥᒃ.’ 36ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐃᒡᓗ ᑖᓐᓇ ᐃᓗᓖᔭᕐᑕᐅᖁᔭᕆᐊᖃᕐᐹ ᑕᑯᔭᕐᑐᓚᐅᖏᓐᓂᕐᒥᓂ ᐃᒡᓗᒥᒃ ᑖᑦᓱᒥᖓ ᐅᖁᖃᕐᒪᖔᑦ, ᐃᒡᓘᑉ ᐃᓗᐊᓂ ᓴᓗᒤᓐᓂᕋᕐᑕᐅᔪᖃᖁᓇᒍ, ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑕᑯᔭᕐᑐᕆᐊᖃᕐᐹ. 37ᖃᐅᔨᓴᕆᐊᖃᕐᐹ ᐅᖁᒃ ᐃᒡᓘᑉ ᐊᕙᓗᐊᓃᑦᑐᖅ, ᑐᖑᔪᕈᔪᒃᑐᒥᒃ ᐊᐅᐸᕈᔪᒃᑐᒥᒡᓘᓐᓃᑦ ᑕᐅᑦᑐᖃᕐᐸᑦ ᐃᒡᓘᓪᓗ ᐃᑭᐊᖓᓂᑦ ᐱᓯᒪᔫᔮᕐᓗᓂ, 38ᑐᓂᕐᕈᓯᕐᑎᑦᓯᔨ ᓯᓚᒧᑦ ᐊᓂᔭᕆᐊᖃᕐᐳᖅ ᐃᒡᓗᓗ ᒪᑐᓯᒪᔭᕆᐊᖃᕐᐳᖅ ᐅᓪᓗᓂᒃ 7ᓂᒃ. 39ᐅᓪᓗᑦ 7ᖓᓐᓂ ᐃᒡᓗ ᑕᑯᔭᕐᑐᒃᑲᓐᓂᕆᐊᖃᕐᐹ. ᐅᖁᒃ ᓯᐊᒻᒪᕐᐸᑦ ᐃᒡᓘᑉ ᐊᕙᓗᐊᓂ, 40ᐱᖁᔨᔭᕆᐊᖃᕐᐳᖅ ᑕᕝᕙ ᐅᖁᒃᓯᒪᔪᑦ ᐅᔭᕅᑦ ᐲᔭᕐᑕᐅᖁᓪᓗᒋᑦ ᐃᒋᑕᐅᓗᑎᒡᓗ ᓴᓗᒤᑦᑐᒃᑯᕕᖕᒧᑦ ᐃᒡᓗᒐᓮᑦ ᓯᓚᑖᓃᑦᑐᒧᑦ. 41ᐃᒡᓘᑉ ᐃᓗᓕᒫᖓ ᑭᓕᐅᕐᑐᕐᑕᐅᔭᕆᐊᖃᕐᐳᖅ ᑭᓕᐅᕐᑐᕐᓂᑯᐊᓗ ᐃᒋᑕᐅᓗᓂ ᓴᓗᒤᑦᑐᒃᑯᕕᖕᒧᑦ ᐃᒡᓗᒐᓮᑦ ᓯᓚᑖᓃᑦᑐᒧᑦ. 42ᐅᔭᕅᑦ ᐊᓯᖏᓐᓂᒃ ᑭᖑᕝᕕᕐᓗᒋᑦ ᐅᔭᕅᑦ ᐲᔭᕐᑕᐅᔪᑦ, ᐅᔭᕋᕈᕐᑎᓯᒪᔪᒥᒃ#14:42 ᐅᔭᕋᕈᕐᑎᓯᒪᔪᖅ ᐅᕝᕙᓗ ᕿᑯᖅ ᓄᑖᒥᒃ ᐃᒡᓘᑉ ᐃᓗᐊ ᕿᑯᕐᑕᐅᔭᕆᐊᖃᕐᐳᖅ.
43“ᑕᕝᕙᓕ ᐅᖁᒃ ᓴᖅᑭᒃᑲᓐᓂᕐᐸᑦ ᑕᕝᕙᓂ ᐃᒡᓗᒥ ᐅᔭᕅᑦ ᐲᔭᕐᑕᐅᓚᐅᕋᓗᐊᕐᑎᓪᓗᒋᑦ ᐃᒡᓗᓗ ᑭᓕᐅᕐᑐᕐᑕᐅᓚᐅᕋᓗᐊᕐᑎᓪᓗᒍ ᕿᑯᕐᑕᐅᒃᑲᓐᓂᓚᐅᕐᑎᓪᓗᒍᓗ, 44ᑐᓂᕐᕈᓯᕐᑎᑦᓯᔨᐅᑉ ᑕᑯᔭᕐᑐᕆᐊᖃᕐᐹ, ᑕᒪᓐᓇ ᐅᖁᒃ ᓯᐊᒻᒪᕐᐸᑦ, ᐅᖁᒃ ᑕᒪᓐᓇ ᓱᒃᑯᑎᕆᖕᒪᑦ, ᑕᕝᕙ ᐃᒡᓗ ᑖᓐᓇ ᓴᓗᒤᑦᑑᕗᖅ. 45ᑖᓐᓇ ᓯᖁᒥᑕᐅᔭᕆᐊᖃᕐᐳᖅ ᐅᔭᕅᑦ ᕿᔪᐃᓪᓗ ᕿᑯᐃᓪᓗ ᑕᒪᕐᒥᒃ ᐃᒡᓗᒐᓮᑦ ᓯᓚᑖᓄᑦ ᐱᑎᑕᐅᔪᒃᓴᐅᕗᑦ ᓴᓗᒤᑦᑐᒃᑯᕕᖕᒧᑦ. 46ᓇᓪᓕᐊᑦ ᐃᒡᓗᒧᑦ ᐃᑎᕐᑐᖅ ᒪᑐᔭᐅᓯᒪᑎᓪᓗᒍ, ᑖᓐᓇ ᓴᓗᒤᓕᓂᐊᕐᐳᖅ ᐅᓐᓄᒃ ᑎᑭᓪᓗᒍ. 47ᓇᓪᓕᐊᓪᓗ ᓯᓂᒃᑐᖅ ᓂᕆᔪᕐᓘᓐᓃᑦ ᐃᒡᓗᒥ ᑕᕝᕙᓂ ᐊᓐᓄᕌᓂ ᐅᐊᓴᕆᐊᖃᕐᐰᑦ.
48“ᑐᓂᕐᕈᓯᕐᑎᑦᓯᔨᐅᓪᓕ ᖃᐅᔨᓴᕆᐊᕐᑐᕈᓂᐅᒃ, ᐅᖁᒃ ᓯᐊᒻᒪᕐᓯᒪᖏᑉᐸᑦ ᐃᒡᓗ ᕿᑯᕐᑕᐅᓚᐅᕐᑎᓪᓗᒍ, ᐃᒡᓗ ᐅᖃᐅᓯᕆᔭᕆᐊᖃᕐᐹ ᓴᓗᒻᒪᕐᓂᕋᕐᓗᒍ, ᐅᖁᒃ ᐊᓯᐅᖕᒪᑦ. 49ᐃᒡᓘᑉ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐱᔭᕆᐊᖃᕐᐳᖅ ᑎᖕᒥᐊᑯᓘᖕᓂᒃ ᒪᑉᕉᖕᓂᒃ, ᕿᔪᖕᒥᒡᓗ ᓰᑕᕆᒥᒃ ᐊᑎᓕᖕᒥᒃ, ᐊᐅᐸᓪᓚᕆᒃᑐᒥᒡᓗ ᓄᕕᕐᓵᒡᓴᒥᒃ ᕼᐊᓯᑉᒥᒡᓗ ᐱᕈᕐᑐᒥᒃ. 50ᑐᓂᕐᕈᓯᕐᑎᑦᓯᔨᐅᑉ ᑎᖕᒥᐊᑯᓘᑉ ᐱᖃᑖ ᑐᖁᑦᓴᕆᐊᖃᕐᐹ ᐅᐊᓴᕐᕕᐅᑉ ᐅᔭᕋᐅᑉ ᐃᒪᖃᕐᑑᑉ ᖁᓛᓂ, 51ᕿᔪᒃ ᓰᑕᕆ ᑎᒍᓗᓂᐅᒃ, ᕼᐊᓯᑉᓗ, ᐊᐅᐸᕐᑐᕐᓗ ᓄᕕᕐᓵᒃᓴᖅ, ᑎᖕᒥᐊᑯᓗᒡᓗ ᐆᒪᔪᖅ, ᑖᒃᑯᐊ ᒥᓱᒡᓗᒋᑦ ᐊᐅᖕᒧᑦ ᑎᖕᒥᐊᑯᓘᑉ ᐱᖃᑖᑕ ᐊᐅᖓᓄᑦ ᐃᒥᕐᒧᓪᓗ, ᐃᒡᓗ 7ᐃᕐᓱᕐᓗᒍ ᓯᕐᐸᕐᓴᕆᐊᖃᕐᐹ. 52ᑍᒫᒃ ᐃᒡᓗ ᓴᓗᒻᒪᕐᓴᕐᓂᐊᕐᐹ ᑎᖕᒥᐊᑉ ᐊᐅᖓᓄᑦ ᐃᒥᕐᒧᓪᓗ, ᑎᖕᒥᐊᑯᓗᖕᒧᓪᓗ ᐆᒪᔪᒧᑦ, ᕿᔪᖕᒧᓪᓗ ᓇᐹᕐᑐᒥᑦ ᓰᑕᕆᒥᑦ ᐱᓯᒪᔪᒧᑦ, ᕼᐊᓯᑉᒧᓪᓗ ᐱᕈᕐᑐᒧᑦ, ᓄᕕᕐᓵᒃᓴᒧᓪᓗ ᐊᐅᐸᓪᓚᕆᒃᑐᒧᑦ. 53ᑎᖕᒥᐊᑯᓗᒃ ᑕᕝᕙ ᑎᖏᑎᑦᓴᕆᐊᖃᕐᐹ ᐃᒡᓗᒐᓮᑦ ᓯᓚᑖᓂ ᐃᒡᓗᑕᖃᖏᑦᑐᒥ. ᑍᒫᒃ ᐃᒡᓗ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ, ᑍᒫᒡᓗ ᓴᓗᒪᓂᕋᕐᑕᐅᓂᐊᕐᐳᖅ.
54“ᑖᒃᑯᐊ ᑕᕝᕙ ᐱᖁᔧᑦ ᐅᕕᓂᕐᓗᖕᓂᖅ ᑲᑉᐱᐊᓇᕐᑐᒥᒃ ᐱᓪᓗᒍ ᐅᖏᓚᖕᓂᕐᒥᒡᓗ, 55ᐅᖁᖕᒥᒡᓗ ᐊᓐᓄᕌᒦᑦᑐᒥᒡᓘᓐᓃᑦ ᐃᒡᓗᒦᑦᑐᒥᒡᓘᓐᓃᑦ, 56ᐳᕕᑦᑐᒥᒡᓘᓐᓃᑦ, ᐊᐅᐸᕐᓯᓯᒪᔪᕐᓘᓐᓃᑦ ᐅᕕᓂᖕᒥ ᑕᕐᓴᐅᔪᕐᓘᓐᓃ ᐅᕕᓂᖕᒦᑦᑐᖅ ᐱᓪᓗᒍ, 57ᑖᒃᑯᐊ ᖃᐅᔨᓴᐅᑏᑦ ᓴᓗᒪᔪᒥᒃ ᓴᓗᒤᑦᑐᒥᒡᓘᓐᓃᑦ. ᑖᓐᓇ ᐱᖁᔭᐅᖕᒪᑦ ᐅᕕᓂᕐᓗᖕᓂᖅ ᐂᑦᑐᐃᔭᑦᑐᖅ ᐅᖁᒡᓗ ᐱᓪᓗᒋᑦ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.