ᒨᓯᓯ ᐱᖓᔪᖏᑦ 16
16
ᐅᓪᓗᖅ ᐃᓱᒪᒋᔪᓐᓁᕐᕕᐅᕕᒃ
1ᐊᑕᓂᐅᑉ ᒨᓯᓯ ᐅᖃᕐᕕᒋᕚ, ᐂᕉᓂᐅᑉ ᐃᕐᓂᖏᑦᑕ ᑐᖁᓚᐅᕐᓂᖏᑕ ᑭᖑᓂᖓᒍᑦ, ᑖᒃᑯᐊᒃ ᐊᑕᓂᕐᒧᑦ ᐂᓚᐅᕐᑑᒃ ᑐᖁᓪᓗᑎᒡᓗ. 2#ᐄᑉᕈᐃᓄᑦ 6:19.ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ. 3#ᐄᑉᕈᐃᓄᑦ 9:7.ᐃᒫᒃ ᑕᕝᕙ ᐂᕉᓂ ᐃᑎᖃᑦᑕᕆᐊᖃᕐᐳᖅ ᐃᑦᔪᕐᓁᑦᑐᕕᖕᒧᑦ; ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᒃᓴᕐᓗᓂ, ᓰᐱᐅᓪᓗ ᐊᖑᓴᓪᓗᖓᓂᒃ ᐃᑯᐊᓚᓗᓂ ᑐᓂᕐᕈᑎᒃᓴᒥᒃ.”
4ᐊᑐᕆᐊᖃᕐᐳᖅ ᖃᓪᓗᓈᕐᑕᒥᒃ ᐅᕕᓂᕈᕐᒥᒃ ᑕᑭᔪᒥᒃ, ᐃᓗᓪᓖᓪᓗ ᓵᑦᑐᑦ ᐊᑐᕐᓗᒋᑦ; ᑕᑦᓯᕈᓯᕐᓯᒪᓗᓂᓗ ᖃᓪᓗᓈᕐᑕᒥᒡᓗ ᓇᓴᕐᓯᒪᓗᓂ, ᑖᒃᑯᐊ ᐊᓐᓄᕌᑦ ᐃᑦᔪᕐᓁᑦᑑᖕᒪᑕ; ᐊᓐᓄᕌᖏᓐᓂᕐᒥᓂ ᐃᒥᕐᒧᑦ ᐅᐊᓴᕆᐊᖃᕐᐳᖅ ᑎᒥᓕᒫᒥᓂᒃ.
5ᓄᓇᓕᖕᓂᑦ ᐃᓴᕆᐊᓕᒥᐅᓂᑦ ᐱᑎᑕᐅᔭᕆᐊᖃᕐᐳᖅ ᒎᑦᓰᖕᓂᒃ ᒪᕐᕉᖕᓂᒃ ᐊᖑᓴᓪᓘᖕᓂᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓵᖕᓂᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᑐᓂᕐᕈᑎᒃᓴᒥᒃ ᐃᑯᐊᓚᒐᒃᓴᒥᒃ. 6ᑐᓂᕐᕈᓯᕆᐊᖃᕐᐳᕐᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᓇᖕᒥᓂᖅ ᐊᔪᕐᓂᓂ ᐱᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐃᒡᓗᒥᐅᖃᑎᓂᓗ ᐱᓪᓗᒋᑦ. 7ᑕᕝᕙ ᒎᑦᓰᒃ ᒪᕐᕉᒃ ᐊᑕᓂᐅᑉ ᓵᖓᓄᐊᕈᑎᔭᕆᐊᖃᕐᐹᒃ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ. 8ᐂᕉᓂ ᑕᕝᕙ ᓇᓚᐅᑦᑖᕈᑏᖕᓂᒃ ᒪᕐᕉᖕᓂᒃ ᑲᑕᒃᑎᑦᓯᔭᕆᐊᖃᕐᐳᖅ ᒎᑦᓰᒃ ᒪᕐᕉᒃ ᐱᓪᓗᒋᒃ ᐱᖃᑖ ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒍ ᐱᖃᑖᓗ ᐊᐅᓪᓚᕐᑎᑕᒃᓴᐅᖁᓪᓗᒍ ᐊᔪᕐᓂᖅ ᐱᓪᓗᒍ. 9ᑖᓐᓇ ᒎᑦᓯ ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒍ ᓇᓚᐅᑕᐅᔪᖅ ᐂᕉᓂᐅᑉ ᑐᖁᓪᓗᒍ ᑐᓂᕐᕈᑎᒋᔭᕆᐊᖃᕐᐹ ᐊᔪᕐᓂᖅ ᐱᓪᓗᒍ. 10ᐱᖃᑖᓕ ᒎᑦᓯ ᓇᓚᐅᑕᐅᔪᖅ ᐊᐅᓪᓚᕐᑎᑕᒃᓴᒧᑦ ᐊᑕᓂᐅᑉ ᓵᖓᓄᐊᕐᑎᑕᐅᔭᕆᐊᖃᕐᐳᖅ ᐆᒪᓗᓂ ᐃᓱᒪᒋᔪᓐᓁᕐᕕᐅᑦᔪᑎᒃᓴᐅᖁᓪᓗᒍ ᐊᐅᓪᓚᕐᑎᓪᓗᒍᓗ ᐃᓄᖃᖏᑦᑐᒧᑦ.
11ᐂᕉᓂᐅᓪᓗ ᐃᒻᒧᒃᓯᐅᒐᐅᑉ ᐸᖕᓂᖓ ᕾᑎᑕᒃᓴᕆᕚ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᐃᒡᓗᒥᐅᖃᑎᓂᓗ ᐱᓪᓗᒋᑦ, ᑐᖁᑕᒃᓴᕆᕚ ᑐᓂᕐᕈᑎᒋᓗᒍ. 12ᐃᓯᕐᓗᐊᕐᓂᑎᑦᓯᑦᔪᑎᒥᒃ ᐱᔭᕆᐊᖃᕐᐳᖅ ᐊᐅᒪᓂᒃ ᐃᓗᓕᖃᕐᓗᓂ ᑐᓂᕐᕈᓯᕐᕕᖕᒥᑦ, ᐊᑕᓂᐅᑉ ᓵᖓᓂᑦ, ᒪᕐᕈᕕᒡᓗᒍ ᐃᑎᒻᒥᐊᕐᑑᑎᒥᒃ ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᑦ ᐱᓗᓂ, ᑖᒃᑯᐊ ᑕᓘᑉ ᐅᖓᑖᓄᐊᕈᑎᓗᓂᒋᑦ. 13ᑎᐱᑦᓯᐊᕆᒃᑐᖅ ᐃᓐᓴᓐᓯ ᐃᓕᔭᕆᐊᖃᕐᐹ ᐃᑯᒪᒧᑦ ᐊᑕᓂᐅᑉ ᓵᖓᓂ, ᐳᔪᖅ ᐃᓯᕐᓗᐊᕐᓂᑎᑦᓯᕕᖕᒥᑦ ᐱᔪᖅ ᑕᓕᑎᑦᓯᓂᐊᕐᒪᑦ ᐊᖏᖃᑎᒌᒍᑎᒥᒃ ᐃᒃᓯᕕᖕᒥᑦ ᑐᖁᖁᓇᒍ. 14ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᑕ ᐃᓚᖓᓂᒃ ᐱᔭᕆᐊᖃᕐᐳᖅ, ᑎᑭᕐᒥᓄᓪᓗ ᓯᕐᐸᕐᓴᕐᓗᒍ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓ ᓵᖓᓗ ᓯᕐᐸᕐᓴᕆᐊᖃᕐᐹ ᑎᑭᕐᒥᓄᑦ 7ᐃᑐᕐᓗᒍ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᐅᑉ ᖄᖓ.
15 #
ᐄᑉᕈᐃᓄᑦ 9:12. ᑕᕝᕙ ᑐᖁᑦᓴᕆᐊᖃᕐᐹ ᒎᑦᓯ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐃᓄᐃᑦ ᑐᓂᕐᕈᓯᕈᑎᓗᒋᑦ ᐊᐅᖓ ᑖᓗᑕᐅᑉ ᐅᖓᑖᓄᐊᕈᑎᔭᕆᐊᖃᕐᐹ ᑍᒫᒃᑕᐅᖅ ᐃᒻᒧᒃᓯᐅᒐᐅᑉ ᐸᖕᓂᐅᑉ ᐊᐅᖓᑐᑦ ᐱᔭᕆᐊᖃᕐᐹ ᓯᕐᐸᕐᓴᕈᑎᒋᔭᕆᐊᖃᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓᓄᑦ ᓵᖓᓄᓪᓗ. 16ᑍᒫᒃ ᑕᕝᕙ ᓴᓗᒻᒪᕐᑎᓐᓂᐊᕐᐹ ᐃᑦᔪᕐᓁᑦᑑᑉ ᐃᑦᔪᕐᓁᓐᓂᕐᐹᖓᑦ ᓴᓗᒤᓐᓂᕐᒥᑦ ᐃᓴᕆᐊᓕᒥᐅᓪᓗ ᓈᓚᖏᓐᓂᖏᓐᓂᑦ ᓱᓇᑐᐃᓐᓇᕐᒥᒃ ᐊᔪᕐᑐᓕᓯᒪᒐᓗᐊᕐᐸᑕ, ᑍᒤᓕᐅᕆᐊᖃᕆᕗᖅ ᓱᓕ ᑐᐱᕐᒥ ᑲᑎᒪᕕᖕᒥ, ᑖᓐᓇ ᐃᓄᐃᑦ ᓇᔪᒐᕆᖕᒪᑦᔪᒃ ᓴᓗᒤᑦᑑᓪᓗᑎᒡᓗ. 17ᑐᐱᕐᒥ ᑲᑎᒪᕕᖕᒥ ᐃᑎᕐᓯᒪᔪᖃᕆᐊᖃᓐᖏᓚᖅ ᐂᕉᓂ ᐃᑎᕐᐸᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓐᓄᑦ ᓴᓗᒻᒪᕐᓮᔭᕐᑐᕐᓗᓂ ᐊᓂᒃᐸᑦ ᑭᓯᐊᓂ, ᐃᒻᒥᓂᒃ ᐃᓱᒪᒋᔪᓐᓁᕐᕕᐅᑎᑉᐸᑦ, ᐃᒡᓗᒥᐅᖃᑎᒥᓂᒡᓗ, ᐃᓴᕆᐊᓕᒥᐅᓪᓗ ᓄᓇᖃᑎᒌᖏᓐᓂᒃ. 18ᑭᖑᕐᖓᓂ ᑕᕝᕙᓐᖓᑦ ᐊᓂᓂᐊᕐᐳᖅ ᑐᓂᕐᕈᓯᕐᕕᖕᒧᑦ ᐱᓗᓂ ᐊᑕᓂᐅᑉ ᓵᖓᓂ ᑖᓐᓇ ᐃᑦᔪᕐᓁᓕᕐᑎᓪᓗᓂᐅᒃ, ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᓂᒃ ᐱᔭᕆᐊᖃᕐᐳᖅ ᒎᑦᓯᐅᓪᓗ ᐊᐅᖓᓂᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᖕᒥᒃ ᒥᖑᐊᕆᐊᖃᕐᐰᑦ. 19ᑎᑭᕐᒥᓄᑦ ᓯᕐᐸᕐᓴᕆᐊᖃᕐᐹ ᑐᓂᕐᕈᓯᕐᕕᒃ 7ᐃᕐᑐᕐᓗᒍ ᐊᐅᖕᒥᒃ ᐃᑦᔪᕐᓁᑎᓪᓗᒍ ᑖᓐᓇ ᐱᑦᔪᑎᖃᕐᓗᓂ ᐃᓴᕆᐊᓕᒥᐅᓄᑦ ᓴᓗᒤᑦᑐᓄᑦ.
ᒎᑦᓯ ᐊᔪᕐᓂᖅ ᐱᓪᓗᒍ ᐊᐅᓪᓚᕐᑎᑕᒃᓴᖅ
20ᐂᕉᓂ ᐃᑦᔪᕐᓁᑎᑦᓯᔭᕇᕈᓂ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓐᓂᒃ, ᑐᐱᕐᒥᒡᓗ ᑲᑎᒪᕕᖕᒥᒃ, ᑐᓂᕐᕈᓯᕐᕕᖕᒥᒡᓗ, ᒎᑦᓯ ᐆᒪᔪᖅ ᑕᒪᐅᓐᖓᕐᑎᑕᒃᓴᕆᕚ. 21ᐊᒡᒐᖕᒥᓄᑦ ᐃᒡᓗᒃᑐᑦ ᐸᑎᒻᒥᔭᕆᐊᖃᕐᐹ ᓂᐊᖁᐊᒍᑦ, ᖃᕿᐊᓕᕐᓗᓂᓗ ᐱᐅᖏᑦᑐᓕᓂᕐᓂᒃ ᓈᓚᖏᓐᓂᓕᒫᓂᒡᓗ ᐃᓴᕆᐊᓕᒥᐅᑦ ᐊᑐᕐᐸᒃᑕᖏᓐᓂᒃ, ᐊᔪᕐᑐᓕᓂᖏᓪᓗ ᓂᐊᖁᖓᓄᑦ ᐱᑎᓪᓗᒋᑦ. ᐊᐅᓪᓚᕐᑎᑕᒃᓴᕆᕚ ᐃᓄᖃᖏᑦᑐᒧᑦ ᑲᒪᔨᖃᕐᑎᓪᓗᒍ ᐊᖑᒻᒥᒃ ᑍᒤᑦᑐᒧᑦ ᑎᓕᔭᐅᓯᒪᔪᒥᒃ. 22ᒎᑦᓯ ᑕᕝᕙ ᐊᒡᔭᕐᓯᓂᐊᕐᐳᖅ ᐊᔪᕐᑐᓕᓂᓕᒫᕐᓂᒃ ᐃᓄᖃᖏᑦᑐᒧᑦ: ᐊᖑᑎᐅᓪᓗ ᑖᕙᓂ ᐊᐅᓪᓚᕐᑎᓐᓂᐊᕐᐹ.
23 #
ᐃᓯᑭᐊᓕ 44:19. ᑕᕝᕙ ᐂᕉᓂ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕆᐊᖃᕐᐳᖅ, ᐊᓐᓄᕌᓂᓗ ᖃᓪᓗᓈᕐᑍᑦ ᐲᕆᐊᖃᕐᐰᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓐᓄᑦ ᐃᑎᓚᐅᕋᓂ ᐊᑎᖅᑲᐅᔭᓂ, ᑕᕝᕗᖓ ᕿᒪᒋᐊᖃᕐᐰᑦ. 24ᐃᑦᔪᕐᓁᑦᑐᕕᖕᒥᓗ ᐅᕕᓂᓕᒫᒥᓂᒃ ᐅᐊᓴᕆᐊᖃᕐᐳᖅ ᐃᒥᕐᒧᑦ, ᐊᓐᓄᕌᑐᐃᓐᓇᓂ ᐊᑎᓗᒋᑦ, ᐊᓂᔭᕆᐊᖃᕆᕗᖅ ᑕᕝᕙᓐᖓᑦ ᑐᓂᕐᕈᓯᕐᓗᓂᓗ ᐃᑯᐊᓚᑎᑕᒃᓴᒥᒃ ᓇᖕᒥᓂᖅ ᐱᑦᔪᑎᒋᓗᓂ, ᐃᓴᕆᐊᓕᒥᐅᓪᓗ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᑎᓪᓗᓂ ᐃᒻᒥᓂᒃ ᐃᓄᐃᓪᓗ. 25ᐃᑯᐊᓪᓔᓗᓂᓗ ᑐᓂᕐᕈᑎᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᐅᑉ ᑐᓐᓄᖏᓐᓂᒃ. 26ᐊᖑᑦ ᒎᑦᓯᒥᒃ ᐊᐅᓪᓚᕐᑎᑦᓯᔪᖅ ᐊᔪᕐᓂᖅ ᐱᓪᓗᒍ ᐊᐅᓪᓚᕐᑎᑕᒃᓴᒥᒃ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᒥᓂᒡᓗ ᐅᐊᓴᕐᓗᓂ ᐃᒥᕐᒧᑦ; ᑭᖑᓂᖓᒍᑦ ᓄᓇᓕᖕᓄᑦ ᐅᑎᕈᓐᓇᕐᐳᖅ ᑕᕝᕙ. 27#ᐄᑉᕈᐃᓄᑦ 13:11.ᐃᒻᒧᒃᓯᐅᒐᐅᑉ ᐸᖕᓂᖓ ᒎᑦᓯᓗ ᑐᓂᕐᕈᑎ ᐊᔪᕐᓂᖅ ᐱᓪᓗᒍ, ᐊᐅᖓ ᐊᑐᕐᑕᐅᓚᐅᕐᑐᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓄᑦ ᐃᑦᔪᕐᓁᓕᑎᕈᑎᒃᓴᒧᑦ, ᑖᒃᑯᐊ ᓄᓇᓖᑦ ᓯᓚᑖᓄᑦ ᐱᑎᑕᐅᔭᕆᐊᖃᕐᐳᒃ, ᐊᒥᖏᓪᓗ ᐃᕐᕋᕕᖏᓪᓗ ᐃᑯᐊᓪᓚᑕᐅᒋᐊᖃᕐᐳᑦ. 28ᐊᖑᑦ ᑖᒃᑯᓂᖓ ᐃᑯᐊᓚᑦᓯᔪᖅ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᓂᓗ ᐅᐊᓴᕐᓗᒍ ᐃᒥᕐᒧᑦ; ᑭᖑᓂᖓᒍᑦ ᓄᓇᓕᖕᓄᑦ ᑕᕝᕙ ᐅᑎᕈᓐᓇᕐᓂᐊᕐᐳᖅ.
ᐅᓪᓗᖅ ᐃᓱᒪᒋᔪᓐᓁᕐᕕᐅᓂᐅᑉ ᑲᒪᒋᔭᐅᑦᓯᐊᕆᐊᖃᕐᓂᖓ
29 #
ᒨᓯᓯ ᐱᖓᔪᖏᑦ 23:26-32; ᒨᓯᓯ ᓯᑕᒪᖏᑦ 29:7-11. ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ. 30ᐅᓪᓗᒥ ᑕᕝᕙᓂ ᐃᓱᒪᒋᔭᐅᔪᓐᓁᕐᕕᒃ ᐊᑐᕐᓂᐊᕐᒪᑦ ᐃᓕᑦᓯ ᐱᓪᓗᓯ, ᓴᓗᒻᒪᕐᑎᑕᐅᖁᓪᓗᓯ ᑕᕝᕙᓂᓗ ᐊᑕᓂᐅᑉ ᓵᖓᓂ, ᓴᓗᒻᒪᕐᑎᑕᐅᓂᐊᕐᐳᓯ ᐊᔪᕐᓂᑦᓯᓐᓂᑦ. 31ᐅᓪᓗᖅ ᑖᓐᓇ ᐃᑦᔪᕐᓁᑦᑑᖕᒪᑦ ᕿᑲᕐᕕᐅᔭᕆᐊᓕᒃ, ᓂᕆᑦᑍᓕᔭᕆᐊᖃᕐᐳᓯ; ᑕᐅᕗᖓᓕᒫᖅ ᐱᖁᔭᖅ ᑖᓐᓇ ᐊᑐᕐᓂᐊᕐᐳᖅ. 32ᑐᓂᕐᕈᓯᕐᑎᑦᓯᔨ ᒥᖑᐊᕐᑕᐅᓂᒃᑯᑦ ᐅᕐᓱᒧᑦ ᑐᓂᕐᕈᓯᕐᑎᑦᓯᔨᓐᖑᕐᓯᒪᔪᖅ ᐊᑖᑕᒥᓂᒃ ᑭᖑᕝᕖᓯᒪᔪᖅ, ᑐᓂᕐᕈᓯᕐᑎᑦᓯᔨᕐᔪᐊᓐᖑᕐᑎᑕᐅᓯᒪᔪᖅ ᐃᓱᒪᒋᔪᓐᓁᕐᕕᐅᓂᕐᒥᒃ ᑲᒪᔭᕆᐊᖃᕐᐳᖅ. ᖃᓪᓗᓈᕐᑍᓪᓗ ᐊᓐᓄᕌᓂ ᐃᑦᔪᕐᓁᑦᑐᑦ ᐊᑎᔭᕆᐊᖃᕐᐰᑦ. 33ᐃᑦᔪᕐᓁᑦᑐᕕᐅᑉ ᐃᑦᔪᕐᓁᓐᓂᕐᐹᖓ ᐃᑦᔪᕐᓁᓕᑎᑦᓴᕆᐊᖃᕐᐹ, ᑐᐱᕐᓗ ᑲᑎᒪᕕᒃ, ᑐᓂᕐᕈᓯᕐᕕᒡᓗ, ᑐᓂᕐᕈᓯᕐᑎᑦᓯᔩᓪᓗ ᐃᓄᓕᒫᓪᓗ ᓄᓇᖃᑎᒌᑦ ᑕᕝᕙᓂ. 34ᑕᒪᓐᓇ ᐱᖁᔭᖅ ᐊᑐᕐᓂᐊᕐᐳᖅ ᐃᓕᑦᓯᓐᓄᑦ ᑍᒪᓐᖓᓕᒫᖅ: ᐃᓱᒪᒋᔭᐅᔪᓐᓁᕐᕕᐅᓂᖅ ᐊᑐᕐᑕᐅᖃᑦᑕᕐᓂᐊᕐᒪᑦ ᐊᕐᕌᒍ ᐊᑕᐅᓯᐊᕐᓗᒍ ᐃᓴᕆᐊᓕᒥᐅᑦ ᐊᔪᕐᑐᓕᓂᖏᑦ ᐱᓪᓗᒋᑦ.
ᒨᓯᓯ ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ, ᑍᒤᓕᐅᓚᐅᕐᐳᖅ.
Currently Selected:
ᒨᓯᓯ ᐱᖓᔪᖏᑦ 16: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 16
16
ᐅᓪᓗᖅ ᐃᓱᒪᒋᔪᓐᓁᕐᕕᐅᕕᒃ
1ᐊᑕᓂᐅᑉ ᒨᓯᓯ ᐅᖃᕐᕕᒋᕚ, ᐂᕉᓂᐅᑉ ᐃᕐᓂᖏᑦᑕ ᑐᖁᓚᐅᕐᓂᖏᑕ ᑭᖑᓂᖓᒍᑦ, ᑖᒃᑯᐊᒃ ᐊᑕᓂᕐᒧᑦ ᐂᓚᐅᕐᑑᒃ ᑐᖁᓪᓗᑎᒡᓗ. 2#ᐄᑉᕈᐃᓄᑦ 6:19.ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ. 3#ᐄᑉᕈᐃᓄᑦ 9:7.ᐃᒫᒃ ᑕᕝᕙ ᐂᕉᓂ ᐃᑎᖃᑦᑕᕆᐊᖃᕐᐳᖅ ᐃᑦᔪᕐᓁᑦᑐᕕᖕᒧᑦ; ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᒃᓴᕐᓗᓂ, ᓰᐱᐅᓪᓗ ᐊᖑᓴᓪᓗᖓᓂᒃ ᐃᑯᐊᓚᓗᓂ ᑐᓂᕐᕈᑎᒃᓴᒥᒃ.”
4ᐊᑐᕆᐊᖃᕐᐳᖅ ᖃᓪᓗᓈᕐᑕᒥᒃ ᐅᕕᓂᕈᕐᒥᒃ ᑕᑭᔪᒥᒃ, ᐃᓗᓪᓖᓪᓗ ᓵᑦᑐᑦ ᐊᑐᕐᓗᒋᑦ; ᑕᑦᓯᕈᓯᕐᓯᒪᓗᓂᓗ ᖃᓪᓗᓈᕐᑕᒥᒡᓗ ᓇᓴᕐᓯᒪᓗᓂ, ᑖᒃᑯᐊ ᐊᓐᓄᕌᑦ ᐃᑦᔪᕐᓁᑦᑑᖕᒪᑕ; ᐊᓐᓄᕌᖏᓐᓂᕐᒥᓂ ᐃᒥᕐᒧᑦ ᐅᐊᓴᕆᐊᖃᕐᐳᖅ ᑎᒥᓕᒫᒥᓂᒃ.
5ᓄᓇᓕᖕᓂᑦ ᐃᓴᕆᐊᓕᒥᐅᓂᑦ ᐱᑎᑕᐅᔭᕆᐊᖃᕐᐳᖅ ᒎᑦᓰᖕᓂᒃ ᒪᕐᕉᖕᓂᒃ ᐊᖑᓴᓪᓘᖕᓂᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓵᖕᓂᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᑐᓂᕐᕈᑎᒃᓴᒥᒃ ᐃᑯᐊᓚᒐᒃᓴᒥᒃ. 6ᑐᓂᕐᕈᓯᕆᐊᖃᕐᐳᕐᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᓇᖕᒥᓂᖅ ᐊᔪᕐᓂᓂ ᐱᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐃᒡᓗᒥᐅᖃᑎᓂᓗ ᐱᓪᓗᒋᑦ. 7ᑕᕝᕙ ᒎᑦᓰᒃ ᒪᕐᕉᒃ ᐊᑕᓂᐅᑉ ᓵᖓᓄᐊᕈᑎᔭᕆᐊᖃᕐᐹᒃ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ. 8ᐂᕉᓂ ᑕᕝᕙ ᓇᓚᐅᑦᑖᕈᑏᖕᓂᒃ ᒪᕐᕉᖕᓂᒃ ᑲᑕᒃᑎᑦᓯᔭᕆᐊᖃᕐᐳᖅ ᒎᑦᓰᒃ ᒪᕐᕉᒃ ᐱᓪᓗᒋᒃ ᐱᖃᑖ ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒍ ᐱᖃᑖᓗ ᐊᐅᓪᓚᕐᑎᑕᒃᓴᐅᖁᓪᓗᒍ ᐊᔪᕐᓂᖅ ᐱᓪᓗᒍ. 9ᑖᓐᓇ ᒎᑦᓯ ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒍ ᓇᓚᐅᑕᐅᔪᖅ ᐂᕉᓂᐅᑉ ᑐᖁᓪᓗᒍ ᑐᓂᕐᕈᑎᒋᔭᕆᐊᖃᕐᐹ ᐊᔪᕐᓂᖅ ᐱᓪᓗᒍ. 10ᐱᖃᑖᓕ ᒎᑦᓯ ᓇᓚᐅᑕᐅᔪᖅ ᐊᐅᓪᓚᕐᑎᑕᒃᓴᒧᑦ ᐊᑕᓂᐅᑉ ᓵᖓᓄᐊᕐᑎᑕᐅᔭᕆᐊᖃᕐᐳᖅ ᐆᒪᓗᓂ ᐃᓱᒪᒋᔪᓐᓁᕐᕕᐅᑦᔪᑎᒃᓴᐅᖁᓪᓗᒍ ᐊᐅᓪᓚᕐᑎᓪᓗᒍᓗ ᐃᓄᖃᖏᑦᑐᒧᑦ.
11ᐂᕉᓂᐅᓪᓗ ᐃᒻᒧᒃᓯᐅᒐᐅᑉ ᐸᖕᓂᖓ ᕾᑎᑕᒃᓴᕆᕚ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᐃᒡᓗᒥᐅᖃᑎᓂᓗ ᐱᓪᓗᒋᑦ, ᑐᖁᑕᒃᓴᕆᕚ ᑐᓂᕐᕈᑎᒋᓗᒍ. 12ᐃᓯᕐᓗᐊᕐᓂᑎᑦᓯᑦᔪᑎᒥᒃ ᐱᔭᕆᐊᖃᕐᐳᖅ ᐊᐅᒪᓂᒃ ᐃᓗᓕᖃᕐᓗᓂ ᑐᓂᕐᕈᓯᕐᕕᖕᒥᑦ, ᐊᑕᓂᐅᑉ ᓵᖓᓂᑦ, ᒪᕐᕈᕕᒡᓗᒍ ᐃᑎᒻᒥᐊᕐᑑᑎᒥᒃ ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᑦ ᐱᓗᓂ, ᑖᒃᑯᐊ ᑕᓘᑉ ᐅᖓᑖᓄᐊᕈᑎᓗᓂᒋᑦ. 13ᑎᐱᑦᓯᐊᕆᒃᑐᖅ ᐃᓐᓴᓐᓯ ᐃᓕᔭᕆᐊᖃᕐᐹ ᐃᑯᒪᒧᑦ ᐊᑕᓂᐅᑉ ᓵᖓᓂ, ᐳᔪᖅ ᐃᓯᕐᓗᐊᕐᓂᑎᑦᓯᕕᖕᒥᑦ ᐱᔪᖅ ᑕᓕᑎᑦᓯᓂᐊᕐᒪᑦ ᐊᖏᖃᑎᒌᒍᑎᒥᒃ ᐃᒃᓯᕕᖕᒥᑦ ᑐᖁᖁᓇᒍ. 14ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᑕ ᐃᓚᖓᓂᒃ ᐱᔭᕆᐊᖃᕐᐳᖅ, ᑎᑭᕐᒥᓄᓪᓗ ᓯᕐᐸᕐᓴᕐᓗᒍ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓ ᓵᖓᓗ ᓯᕐᐸᕐᓴᕆᐊᖃᕐᐹ ᑎᑭᕐᒥᓄᑦ 7ᐃᑐᕐᓗᒍ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᐅᑉ ᖄᖓ.
15 #
ᐄᑉᕈᐃᓄᑦ 9:12. ᑕᕝᕙ ᑐᖁᑦᓴᕆᐊᖃᕐᐹ ᒎᑦᓯ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐃᓄᐃᑦ ᑐᓂᕐᕈᓯᕈᑎᓗᒋᑦ ᐊᐅᖓ ᑖᓗᑕᐅᑉ ᐅᖓᑖᓄᐊᕈᑎᔭᕆᐊᖃᕐᐹ ᑍᒫᒃᑕᐅᖅ ᐃᒻᒧᒃᓯᐅᒐᐅᑉ ᐸᖕᓂᐅᑉ ᐊᐅᖓᑐᑦ ᐱᔭᕆᐊᖃᕐᐹ ᓯᕐᐸᕐᓴᕈᑎᒋᔭᕆᐊᖃᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓᓄᑦ ᓵᖓᓄᓪᓗ. 16ᑍᒫᒃ ᑕᕝᕙ ᓴᓗᒻᒪᕐᑎᓐᓂᐊᕐᐹ ᐃᑦᔪᕐᓁᑦᑑᑉ ᐃᑦᔪᕐᓁᓐᓂᕐᐹᖓᑦ ᓴᓗᒤᓐᓂᕐᒥᑦ ᐃᓴᕆᐊᓕᒥᐅᓪᓗ ᓈᓚᖏᓐᓂᖏᓐᓂᑦ ᓱᓇᑐᐃᓐᓇᕐᒥᒃ ᐊᔪᕐᑐᓕᓯᒪᒐᓗᐊᕐᐸᑕ, ᑍᒤᓕᐅᕆᐊᖃᕆᕗᖅ ᓱᓕ ᑐᐱᕐᒥ ᑲᑎᒪᕕᖕᒥ, ᑖᓐᓇ ᐃᓄᐃᑦ ᓇᔪᒐᕆᖕᒪᑦᔪᒃ ᓴᓗᒤᑦᑑᓪᓗᑎᒡᓗ. 17ᑐᐱᕐᒥ ᑲᑎᒪᕕᖕᒥ ᐃᑎᕐᓯᒪᔪᖃᕆᐊᖃᓐᖏᓚᖅ ᐂᕉᓂ ᐃᑎᕐᐸᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓐᓄᑦ ᓴᓗᒻᒪᕐᓮᔭᕐᑐᕐᓗᓂ ᐊᓂᒃᐸᑦ ᑭᓯᐊᓂ, ᐃᒻᒥᓂᒃ ᐃᓱᒪᒋᔪᓐᓁᕐᕕᐅᑎᑉᐸᑦ, ᐃᒡᓗᒥᐅᖃᑎᒥᓂᒡᓗ, ᐃᓴᕆᐊᓕᒥᐅᓪᓗ ᓄᓇᖃᑎᒌᖏᓐᓂᒃ. 18ᑭᖑᕐᖓᓂ ᑕᕝᕙᓐᖓᑦ ᐊᓂᓂᐊᕐᐳᖅ ᑐᓂᕐᕈᓯᕐᕕᖕᒧᑦ ᐱᓗᓂ ᐊᑕᓂᐅᑉ ᓵᖓᓂ ᑖᓐᓇ ᐃᑦᔪᕐᓁᓕᕐᑎᓪᓗᓂᐅᒃ, ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᓂᒃ ᐱᔭᕆᐊᖃᕐᐳᖅ ᒎᑦᓯᐅᓪᓗ ᐊᐅᖓᓂᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᖕᒥᒃ ᒥᖑᐊᕆᐊᖃᕐᐰᑦ. 19ᑎᑭᕐᒥᓄᑦ ᓯᕐᐸᕐᓴᕆᐊᖃᕐᐹ ᑐᓂᕐᕈᓯᕐᕕᒃ 7ᐃᕐᑐᕐᓗᒍ ᐊᐅᖕᒥᒃ ᐃᑦᔪᕐᓁᑎᓪᓗᒍ ᑖᓐᓇ ᐱᑦᔪᑎᖃᕐᓗᓂ ᐃᓴᕆᐊᓕᒥᐅᓄᑦ ᓴᓗᒤᑦᑐᓄᑦ.
ᒎᑦᓯ ᐊᔪᕐᓂᖅ ᐱᓪᓗᒍ ᐊᐅᓪᓚᕐᑎᑕᒃᓴᖅ
20ᐂᕉᓂ ᐃᑦᔪᕐᓁᑎᑦᓯᔭᕇᕈᓂ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓐᓂᒃ, ᑐᐱᕐᒥᒡᓗ ᑲᑎᒪᕕᖕᒥᒃ, ᑐᓂᕐᕈᓯᕐᕕᖕᒥᒡᓗ, ᒎᑦᓯ ᐆᒪᔪᖅ ᑕᒪᐅᓐᖓᕐᑎᑕᒃᓴᕆᕚ. 21ᐊᒡᒐᖕᒥᓄᑦ ᐃᒡᓗᒃᑐᑦ ᐸᑎᒻᒥᔭᕆᐊᖃᕐᐹ ᓂᐊᖁᐊᒍᑦ, ᖃᕿᐊᓕᕐᓗᓂᓗ ᐱᐅᖏᑦᑐᓕᓂᕐᓂᒃ ᓈᓚᖏᓐᓂᓕᒫᓂᒡᓗ ᐃᓴᕆᐊᓕᒥᐅᑦ ᐊᑐᕐᐸᒃᑕᖏᓐᓂᒃ, ᐊᔪᕐᑐᓕᓂᖏᓪᓗ ᓂᐊᖁᖓᓄᑦ ᐱᑎᓪᓗᒋᑦ. ᐊᐅᓪᓚᕐᑎᑕᒃᓴᕆᕚ ᐃᓄᖃᖏᑦᑐᒧᑦ ᑲᒪᔨᖃᕐᑎᓪᓗᒍ ᐊᖑᒻᒥᒃ ᑍᒤᑦᑐᒧᑦ ᑎᓕᔭᐅᓯᒪᔪᒥᒃ. 22ᒎᑦᓯ ᑕᕝᕙ ᐊᒡᔭᕐᓯᓂᐊᕐᐳᖅ ᐊᔪᕐᑐᓕᓂᓕᒫᕐᓂᒃ ᐃᓄᖃᖏᑦᑐᒧᑦ: ᐊᖑᑎᐅᓪᓗ ᑖᕙᓂ ᐊᐅᓪᓚᕐᑎᓐᓂᐊᕐᐹ.
23 #
ᐃᓯᑭᐊᓕ 44:19. ᑕᕝᕙ ᐂᕉᓂ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕆᐊᖃᕐᐳᖅ, ᐊᓐᓄᕌᓂᓗ ᖃᓪᓗᓈᕐᑍᑦ ᐲᕆᐊᖃᕐᐰᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓐᓄᑦ ᐃᑎᓚᐅᕋᓂ ᐊᑎᖅᑲᐅᔭᓂ, ᑕᕝᕗᖓ ᕿᒪᒋᐊᖃᕐᐰᑦ. 24ᐃᑦᔪᕐᓁᑦᑐᕕᖕᒥᓗ ᐅᕕᓂᓕᒫᒥᓂᒃ ᐅᐊᓴᕆᐊᖃᕐᐳᖅ ᐃᒥᕐᒧᑦ, ᐊᓐᓄᕌᑐᐃᓐᓇᓂ ᐊᑎᓗᒋᑦ, ᐊᓂᔭᕆᐊᖃᕆᕗᖅ ᑕᕝᕙᓐᖓᑦ ᑐᓂᕐᕈᓯᕐᓗᓂᓗ ᐃᑯᐊᓚᑎᑕᒃᓴᒥᒃ ᓇᖕᒥᓂᖅ ᐱᑦᔪᑎᒋᓗᓂ, ᐃᓴᕆᐊᓕᒥᐅᓪᓗ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᑎᓪᓗᓂ ᐃᒻᒥᓂᒃ ᐃᓄᐃᓪᓗ. 25ᐃᑯᐊᓪᓔᓗᓂᓗ ᑐᓂᕐᕈᑎᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᐅᑉ ᑐᓐᓄᖏᓐᓂᒃ. 26ᐊᖑᑦ ᒎᑦᓯᒥᒃ ᐊᐅᓪᓚᕐᑎᑦᓯᔪᖅ ᐊᔪᕐᓂᖅ ᐱᓪᓗᒍ ᐊᐅᓪᓚᕐᑎᑕᒃᓴᒥᒃ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᒥᓂᒡᓗ ᐅᐊᓴᕐᓗᓂ ᐃᒥᕐᒧᑦ; ᑭᖑᓂᖓᒍᑦ ᓄᓇᓕᖕᓄᑦ ᐅᑎᕈᓐᓇᕐᐳᖅ ᑕᕝᕙ. 27#ᐄᑉᕈᐃᓄᑦ 13:11.ᐃᒻᒧᒃᓯᐅᒐᐅᑉ ᐸᖕᓂᖓ ᒎᑦᓯᓗ ᑐᓂᕐᕈᑎ ᐊᔪᕐᓂᖅ ᐱᓪᓗᒍ, ᐊᐅᖓ ᐊᑐᕐᑕᐅᓚᐅᕐᑐᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓄᑦ ᐃᑦᔪᕐᓁᓕᑎᕈᑎᒃᓴᒧᑦ, ᑖᒃᑯᐊ ᓄᓇᓖᑦ ᓯᓚᑖᓄᑦ ᐱᑎᑕᐅᔭᕆᐊᖃᕐᐳᒃ, ᐊᒥᖏᓪᓗ ᐃᕐᕋᕕᖏᓪᓗ ᐃᑯᐊᓪᓚᑕᐅᒋᐊᖃᕐᐳᑦ. 28ᐊᖑᑦ ᑖᒃᑯᓂᖓ ᐃᑯᐊᓚᑦᓯᔪᖅ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᓂᓗ ᐅᐊᓴᕐᓗᒍ ᐃᒥᕐᒧᑦ; ᑭᖑᓂᖓᒍᑦ ᓄᓇᓕᖕᓄᑦ ᑕᕝᕙ ᐅᑎᕈᓐᓇᕐᓂᐊᕐᐳᖅ.
ᐅᓪᓗᖅ ᐃᓱᒪᒋᔪᓐᓁᕐᕕᐅᓂᐅᑉ ᑲᒪᒋᔭᐅᑦᓯᐊᕆᐊᖃᕐᓂᖓ
29 #
ᒨᓯᓯ ᐱᖓᔪᖏᑦ 23:26-32; ᒨᓯᓯ ᓯᑕᒪᖏᑦ 29:7-11. ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ. 30ᐅᓪᓗᒥ ᑕᕝᕙᓂ ᐃᓱᒪᒋᔭᐅᔪᓐᓁᕐᕕᒃ ᐊᑐᕐᓂᐊᕐᒪᑦ ᐃᓕᑦᓯ ᐱᓪᓗᓯ, ᓴᓗᒻᒪᕐᑎᑕᐅᖁᓪᓗᓯ ᑕᕝᕙᓂᓗ ᐊᑕᓂᐅᑉ ᓵᖓᓂ, ᓴᓗᒻᒪᕐᑎᑕᐅᓂᐊᕐᐳᓯ ᐊᔪᕐᓂᑦᓯᓐᓂᑦ. 31ᐅᓪᓗᖅ ᑖᓐᓇ ᐃᑦᔪᕐᓁᑦᑑᖕᒪᑦ ᕿᑲᕐᕕᐅᔭᕆᐊᓕᒃ, ᓂᕆᑦᑍᓕᔭᕆᐊᖃᕐᐳᓯ; ᑕᐅᕗᖓᓕᒫᖅ ᐱᖁᔭᖅ ᑖᓐᓇ ᐊᑐᕐᓂᐊᕐᐳᖅ. 32ᑐᓂᕐᕈᓯᕐᑎᑦᓯᔨ ᒥᖑᐊᕐᑕᐅᓂᒃᑯᑦ ᐅᕐᓱᒧᑦ ᑐᓂᕐᕈᓯᕐᑎᑦᓯᔨᓐᖑᕐᓯᒪᔪᖅ ᐊᑖᑕᒥᓂᒃ ᑭᖑᕝᕖᓯᒪᔪᖅ, ᑐᓂᕐᕈᓯᕐᑎᑦᓯᔨᕐᔪᐊᓐᖑᕐᑎᑕᐅᓯᒪᔪᖅ ᐃᓱᒪᒋᔪᓐᓁᕐᕕᐅᓂᕐᒥᒃ ᑲᒪᔭᕆᐊᖃᕐᐳᖅ. ᖃᓪᓗᓈᕐᑍᓪᓗ ᐊᓐᓄᕌᓂ ᐃᑦᔪᕐᓁᑦᑐᑦ ᐊᑎᔭᕆᐊᖃᕐᐰᑦ. 33ᐃᑦᔪᕐᓁᑦᑐᕕᐅᑉ ᐃᑦᔪᕐᓁᓐᓂᕐᐹᖓ ᐃᑦᔪᕐᓁᓕᑎᑦᓴᕆᐊᖃᕐᐹ, ᑐᐱᕐᓗ ᑲᑎᒪᕕᒃ, ᑐᓂᕐᕈᓯᕐᕕᒡᓗ, ᑐᓂᕐᕈᓯᕐᑎᑦᓯᔩᓪᓗ ᐃᓄᓕᒫᓪᓗ ᓄᓇᖃᑎᒌᑦ ᑕᕝᕙᓂ. 34ᑕᒪᓐᓇ ᐱᖁᔭᖅ ᐊᑐᕐᓂᐊᕐᐳᖅ ᐃᓕᑦᓯᓐᓄᑦ ᑍᒪᓐᖓᓕᒫᖅ: ᐃᓱᒪᒋᔭᐅᔪᓐᓁᕐᕕᐅᓂᖅ ᐊᑐᕐᑕᐅᖃᑦᑕᕐᓂᐊᕐᒪᑦ ᐊᕐᕌᒍ ᐊᑕᐅᓯᐊᕐᓗᒍ ᐃᓴᕆᐊᓕᒥᐅᑦ ᐊᔪᕐᑐᓕᓂᖏᑦ ᐱᓪᓗᒋᑦ.
ᒨᓯᓯ ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ, ᑍᒤᓕᐅᓚᐅᕐᐳᖅ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.