ᒨᓯᓯ ᐱᖓᔪᖏᑦ 25
25
ᐊᕐᕌᒍᑦ 7ᖓᓐᓂ ᐱᖁᔭᖅ
ᒨᓯᓯ ᑕᓪᓕᒪᖏᑦ 15:1-11
1 #
ᒨᓯᓯ ᐂᑉᐸᖏᑦ 23:10,11. ᐊᑕᓂᐅᑉ ᒨᓯᓯ ᐅᖃᕐᕕᒋᕚ ᖃᖅᑲᒥ ᓮᓁᒥ, ᐅᖃᕐᓗᓂ, 2“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᓄᓇᒧᑦ ᐊᑕᓂᐅᑉ ᐃᓕᑦᓯᓐᓄᑦ ᑐᓂᔭᖓᓄᑦ ᑎᑭᒃᑯᑦᓯ, ᓄᓇ ᑕᒪᓐᓇ ᓴᐸᑎᖃᕆᐊᖃᕈᒫᕐᐳᖅ ᐊᑕᓂᕐᒧᑦ. 3ᐊᕐᕌᒍᓂᒃ ᐱᖓᓲᔪᕐᑐᓂᒃ ᓄᓇᖁᑎᓯ ᐱᕈᕐᓰᕕᒋᔭᕆᐊᖃᕐᐸᓯ, ᐸᐅᕐᖓᓕᒃᓴᖁᑎᓯᓗ ᕔᓂᒃᓴᓖᑦ ᐱᕈᕐᓰᕕᒋᔪᓐᓇᕐᐸᓯ ᐊᕐᕌᒍᓂᒃ ᐱᖓᓲᔪᕐᑐᓂᒃ. 4ᐊᕐᕌᒍᓪᓕ 7ᖓᓂ ᓄᓇᖁᑎᑦᓯᓐᓄᑦ ᓴᐸᑎᐅᕗᖅ ᑕᕾᕐᓯᕐᕕᒃ ᐊᑕᓂᐅᑉ ᓴᐸᑎᖓ. ᐊᕐᕌᒍᒥ ᑕᕝᕙᓂ ᓄᓇᖁᑎᑦᓯᓐᓂ ᐱᕈᕐᓰᔪᒃᓴᐅᓐᖏᓚᓯ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ ᐸᐅᕐᖓᓕᒃᓮᑦ ᐱᕈᕐᓰᕕᒋᔭᕆᐊᖃᓐᖏᓚᓯ. 5ᓄᓇᒥ ᑕᕝᕙᓂ ᑲᒪᒋᔭᐅᓇᑎᒃ ᐃᒻᒥᓂᒃ ᐱᕈᕐᑐᑦ ᑲᑎᕐᓱᕐᑕᒃᓴᕆᓐᖏᓚᓯ, ᐸᐅᕐᖎᓪᓘᓐᓃᑦ ᕔᓂᒃᓮᑦ ᐃᒻᒥᓂᒃ ᐱᕈᕐᑐᑦ ᑲᑎᕐᓱᕆᐊᖃᓐᖏᓚᓯ, ᓄᓇ ᐊᕐᕌᒍᒥᒃ ᐊᑕᐅᓯᕐᒥᒃ ᕿᖃᕆᐊᖃᕐᒪᑦ. 6ᓄᓇᐅᑉ ᑖᑦᓱᒪ ᐱᕈᕐᑎᑕᖏᑦ ᐊᕐᕌᒍ ᓴᐸᑎ ᓇᓪᓕᐅᑎᓯᒪᑎᓪᓗᒍ, ᑕᒪᑐᒥᖓ ᓄᓇᖁᑎᖃᕐᑐᑎᑦ ᓇᖕᒥᓂᖅ ᓂᕿᒃᓴᕆᕙᑎᑦ, ᓇᖕᒥᓂᕐᐱᓪᓗ, ᓯᐊᓛᕕᓪᓗ ᐊᖑᑎᑦ ᐊᕐᓁᓪᓘᓐᓃᑦ, ᐃᖅᑲᓁᔭᕐᑎᕕᓪᓘᓐᓃᑦ, ᑐᔪᕐᒥᐊᕕᓪᓘᓐᓃ ᐃᓕᑦᓯᓐᓃᑦᑑᑉ. 7ᐆᒪᔪᖁᑎᕕᓪᓘᓐᓃᑦ ᓂᕿᒋᔭᕆᐊᖃᕐᐰᑦ, ᓂᕐᔪᑎᓂᓪᓗ ᓄᔪᐊᕐᑐᓂᑦ ᓄᓇᖁᑎᑦᓯᓐᓃᑦᑐᓂᑦ ᓂᕿᒋᔭᐅᓗᑎᒃ. ᓄᓇᒥ ᑕᕝᕙᓂ ᐱᕈᕐᑐᓕᒫᑦ.”
ᐊᕐᕌᒍ ᓴᑐᕐᓯᕕᒃ
8“ᓈᓮᔪᒃᓴᐅᕗᓯ ᐊᕐᕌᒍᓂᒃ 7ᓂᒃ 7ᐃᑐᕐᓗᒋᑦ, ᑲᑎᓪᓗᒋᑦ ᐊᕐᕌᒍᑦ 49ᖑᓗᑎᒃ. 9ᑖᒃᑯᐊ ᑭᖑᓂᖓᓐᓂ ᑕᖅᑮᑦ 7ᖓᑕ ᐅᓪᓗᖏᑕ 10ᖓᓂ, ᐅᓪᓗᖅ ᐃᓱᒪᒋᔪᓐᓁᕐᑕᐅᕕᒃ ᓇᓪᓕᐅᑎᓯᒪᑎᓪᓗᒍ, ᑎᓕᓯᔪᒃᓴᐅᕗᓯ ᐊᖑᒻᒥᒃ ᓄᓇᒥ ᑕᒫᓂ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᖁᓪᓗᒍ. 10ᐊᕐᕌᒍᑦ 50ᖓᑦ ᓴᓂᕐᕙᒋᐊᖃᕐᐸᓯ ᓄᓇᒥᓗ ᑕᒫᓂ ᓱᓇᑐᐃᓐᓁᑦ ᑭᒃᑯᑐᐃᓐᓁᓪᓗ ᕿᓚᕐᕈᑦᔮᕐᑕᐅᕕᖓ ᓇᓪᓕᐅᑎᕗᖅ. ᐃᓕᑦᓯᓐᓄᑦ ᖁᕕᐊᓇᕐᑐᕐᔪᐊᖑᔭᕆᐊᖃᕐᐳᖅ; ᓄᓁᑦ ᐱᖁᑎᓪᓘᓐᓃᑦ ᐅᑎᕐᑎᑕᐅᔭᕆᐊᖃᓕᕐᐳᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᐃᓄᑐᖃᖏᓐᓄᑦ ᑭᖑᕚᖏᓐᓄᓪᓘᓐᓃᑦ, ᐃᓄᐃᓪᓗ ᓯᐊᓛᖑᓂᕐᒧᑦ ᓂᐅᕕᐊᖑᓯᒪᔪᑦ ᑭᖑᕚᖑᖃᑎᒥᓄᑦ ᐅᑎᕐᑎᑕᐅᔭᕆᐊᖃᕐᓗᑎᒃ. 11ᐊᕐᕌᒍᑦ 50ᖓᓂ ᖁᕕᐊᓱᒡᕕᒃᓯᐅᕆᐊᖃᕐᐳᓯ; ᐱᕈᕐᓯᐊᒃᓴᓂᒃ ᐃᓕᐅᖅᑬᔭᕆᐊᖃᓐᖏᓚᓯ ᓄᓇᖁᑎᑦᓯᓐᓄᑦ ᓂᐊᖂᔭᒃᓮᓪᓗ ᐃᒻᒥᖕᓂᒃ ᐱᕈᕐᑐᑦ ᑲᑎᕐᓱᕆᐊᖃᓐᖏᓚᓯ, ᐸᐅᕐᖓᓪᓗ ᕔᓂᒃᓮᑦ ᐃᒻᒥᖕᓂᒃ ᐱᕈᕐᑐᑦ ᑲᑎᕐᓱᕆᐊᖃᖏᓐᓂᕙᓯ. 12ᐊᕐᕌᒍ ᑖᓐᓇ ᖁᕕᐊᓱᒡᕕᐅᖕᒪᑦ ᐃᑦᔪᕐᓁᑦᓴᕆᐊᖃᕐᐳᖅ ᐃᓕᑦᓯᓐᓄᑦ; ᓂᕆᖃᑦᑕᕆᐊᖃᕐᐳᓯ ᑭᓯᐊᓂ ᓄᓇᖁᑎᑦᓯᓐᓂᑦ ᐱᕈᕐᑐᕕᓂᕐᓂᒃ ᐂᒃᓯᕐᐸᒃᓗᓯ.
13“ᑕᕝᕙᓂ ᐊᕐᕌᒍᑦ 50ᖓᓐᓂ ᖁᕕᐊᓱᒡᕕᖕᒥ ᓄᓁᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᓴᑐᕐᑕᐅᔭᕆᐊᖃᕐᐳᑦ ᐃᓄᑐᖃᕕᓂᖏᓐᓄᑦ. 14ᓄᓇᒥᒃ ᓂᐅᕈᑎᖃᕈᑦᓯ ᓄᓇᖃᑎᑦᓯᓐᓄᑦ ᐅᕝᕙᓘᓐᓃᑦ ᓂᐅᕕᕈᑦᓯ ᓄᓇᖃᑎᑦᓯᓐᓂᑦ, ᓯᓔᕆᒃᓯᕐᓂᐊᕋᓯ. 15ᓄᓇᐅᑉ ᐊᑭᖓ ᐋᖅᑭᒃᓯᒪᔭᕆᐊᖃᕐᐳᖅ ᐊᕐᕌᒍᑦ 50ᖓᓐᓂᑦ ᓴᑐᕐᓯᕕᖕᒥᑦ ᐱᒋᐊᕐᓗᒍ, ᖃᑦᓯᓂᒡᓗ ᐊᕐᕌᒍᓂᒃ ᐱᕈᕐᓰᕕᐅᔪᓐᓇᕐᓂᖓ ᒪᓕᒡᓗᒍ. 16ᐊᕐᕌᒍᑦ ᐅᓄᕐᐸᑕ ᐊᑭᑐᓂᕐᓴᐅᔭᕆᐊᖃᕐᐳᖅ, ᐊᕐᕌᒍᓪᓗ ᐅᓄᖏᓐᓂᕐᓴᐅᒃᐸᑕ ᐊᑭᑭᓐᓂᕐᓴᐅᔭᕆᐊᖃᕐᐳᖅ, ᖃᑦᓰᕐᑐᕐᓗᓂ ᐱᕈᕐᓰᕕᐅᔪᓐᓇᕐᓂᖓ ᒪᓕᒡᓗᒍ ᐊᑭᖃᕆᐊᖃᕐᐳᖅ. 17ᐃᓴᕆᐊᓕᒥᐅᖑᖃᑎᒌᒃᓗᓯ ᓯᓔᕆᖃᑦᑕᐅᑎᔪᒃᓴᐅᓐᖏᓚᓯ, ᒎᑎᓯ ᓯᕘᕋᒋᔭᒃᓴᕆᕙᓯ ᐅᕙᖓ ᐊᑕᓂᐅᒐᒪ ᒎᑎᓯ.”
ᐊᕐᕌᒎᑉ 7ᖓᓂ ᐃᓗᐊᖏᑦᔪᑎᖃᕐᐸᑦ
18“ᐊᑕᓂᐅᑉ ᐱᖁᔭᖏᑦ ᐊᑐᕐᑕᐅᖁᔭᖏᓪᓗ ᓈᓚᑦᓯᐊᕐᓯᒋᑦ, ᖃᓄᐃᓐᓇᕐᑐᒦᖏᑦᓯᐊᕐᓗᓯ ᐃᓅᖁᓪᓗᓯ ᓄᓇᒥ. 19ᓄᓇ ᑕᕝᕙ ᐱᕈᕐᑐᒥᓂᒃ ᓴᖅᑭᑎᑦᓯᓂᐊᕐᐳᖅ, ᐃᓕᑦᓯᓗ ᓈᒻᒪᒃᑐᒥᒃ ᓂᕿᒃᓴᖃᕐᓂᐊᕐᐳᓯ ᐃᓅᓂᐊᕐᐳᓯᓗ ᖃᓄᐃᓐᓇᖏᑦᓯᐊᕐᑐᒥ.
20“ᐊᐱᕆᔪᖃᕋᔭᕐᐸᓪᓕ, ‘ᓱᓇᒥᒡᓕ ᓂᕿᒃᓴᖃᕐᓂᐊᕋᑦᑕ ᐊᕐᕌᒎᑉ 7ᖓᓂ? ᐱᕈᕐᓰᕖᑦ ᐱᕈᕐᓰᕕᐅᖏᑉᐸᑕ, ᓂᕿᒃᓴᓂᒡᓗ ᑲᑎᕐᓱᐃᖏᒃᑯᑦᑕ?’ 21ᓮᒻᒪᕐᑎᓐᓂᐊᕐᐸᑦᓯ ᐊᕐᕌᒍᑦ ᐱᖓᓲᔪᕐᑐᖓᓂ, ᓄᓇ ᐱᕈᕐᑎᑉᐸᒃᑕᒥᓂᑦ ᐊᖏᖅᑭᔭᒻᒪᕆᐊᓗᐊᓂᒃ ᐱᕈᕐᑎᑦᓯᓂᐊᕐᐳᖅ ᐊᕐᕌᒍᓄᑦ ᐱᖓᓱᓄᑦ ᓈᒻᒪᒃᑐᓂᒃ. 22ᐊᕐᕌᒍᑦ ᓯᑕᒪᐅᔪᕐᑐᖓᓂ ᐱᕈᕐᓰᓇᓱᐊᓕᕈᑦᓯ, ᐊᒥᐊᒃᑯᕕᓂᕐᓂᒃ ᓂᕿᖃᕐᓂᐊᕐᐳᓯ ᐊᕐᕌᒍᑦ 9ᖓ ᑎᑭᓪᓗᒍ.”
ᐱᖁᑏᑦ ᐅᑎᕐᑎᑕᐅᓂᖏᑦ
23“ᓄᓇ ᐱᑖᕆᔭᐅᓪᓚᕆᒡᓗᓂ ᓂᐅᕐᕈᑎᒋᔭᐅᔭᕆᐊᖃᓐᖏᓚᖅ, ᓄᓇᒥᒃ ᓇᖕᒥᓂᖃᖏᓐᓇᑦᓯ, ᒎᑎᐅᑉ ᐱᒋᖕᒪᒍ, ᐃᓕᑦᓯᓗ ᑕᒫᓂ ᓂᐅᕐᕈᐊᑎᑐᑦ ᐃᓱᒪᓇᕋᑦᓯ ᒎᑎᐅᑉ ᐱᖓᓂᒃ ᐊᑐᕐᑐᐊᕐᓗᓯ.
24“ᓄᓇ ᓂᐅᕐᕈᑎᒋᔭᐅᒃᐸᑦ, ᓄᓇᖁᑎᖃᖅᑳᓚᐅᕐᑐᒧᑦ ᓴᑐᕐᑕᐅᔭᕆᐊᖃᕈᒫᕐᓂᖓ ᖃᐅᔨᒪᑦᓯᐊᕆᐊᖃᕐᐸᓯ. 25ᐃᓴᕆᐊᓕᒥᐅᑦ ᐃᓚᖓᑦ ᐊᔪᕐᓴᓕᕐᐸᑦ ᓄᓇᖁᑎᒥᓂᒡᓗ ᓂᐅᕐᕈᑎᖃᕆᐊᖃᓕᕐᓗᓂ, ᐃᓚᒋᔭᖓᑕ ᓇᖕᒥᓂᖓᑕ ᓴᑐᕐᓯᑦᔪᑎᔭᕆᐊᖃᕐᐹ. 26ᐃᓄᒡᓕ ᐃᓚᖃᖏᑉᐸᑦ ᓄᓇᒥᒃ ᓴᑐᕐᑎᑦᓯᔪᒃᓴᒥᒃ, ᑭᖑᓂᖓᒍᑦ ᐊᔪᕐᓴᕈᓐᓁᕈᓂ ᓴᑐᕈᓐᓇᕆᕚ. 27ᑍᒤᑉᐸᑦ ᓂᐅᕕᓚᐅᕐᓯᒪᔪᒧᑦ ᐊᑭᓖᔭᕆᐊᖃᕋᔭᕐᐳᖅ ᐊᕐᕌᒍ ᓴᑐᕐᓯᕕᒃ ᑎᑭᓪᓗᒍ ᓄᓇᐅᑉ ᐱᕈᕐᓰᕕᐅᔪᓐᓇᕐᓂᖓ ᒪᓕᒡᓗᒍ; ᑍᒫᒃ ᓂᐅᕕᐊᕆᒃᑲᓐᓂᕈᓐᓇᕐᐹ ᐅᑎᕐᑎᓪᓗᓂᐅᒃ. 28ᑮᓇᐅᔭᖏᓪᓕ ᐊᒥᒐᓗᐊᕐᐸᑕ ᓂᐅᕕᐊᕆᔪᓐᓇᖏᓪᓗᒍᓗ, ᓂᐅᕕᕐᑐᕕᓂᐅᑉ ᐱᓯᒤᓐᓇᕆᐊᖃᕐᐹ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᖄᕐᑎᓐᓇᒍ, ᐊᕐᕌᒍᒥ ᓴᑐᕐᓯᕕᖕᒥ ᑭᓯᐊᓂ ᓴᑐᕈᓐᓇᕐᓯᒐᔭᕐᐹ.
29“ᐃᓄᒃ ᐃᒡᓗᒥᓂᒃ ᓂᐅᕐᕈᑎᖃᕐᐸᑦ ᐃᒡᓗᒐᓴᖕᓂ ᐊᕙᓗᓯᒪᔫᑉ ᐃᓗᐊᓂ, ᓂᐅᕕᐊᕆᒃᑲᓐᓂᕐᓗᓂᐅᒃ ᓴᑐᕈᓐᓇᕐᐹ ᐊᕐᕌᒍᒥ ᓯᕗᓪᓕᕐᐹᒥ. ᑕᕝᕙᓂ ᐱᕕᖃᑦᓯᐊᕐᐳᖅ ᓂᐅᕕᐊᕆᒃᑲᓐᓂᕈᓐᓇᕐᓗᓂᐅᒃ. 30ᐊᕐᕌᒍᒥ ᓯᕗᓪᓕᕐᐹᒥ ᓂᐅᕕᐊᕆᒃᑲᓐᓂᖏᑉᐸᒍ, ᓂᐅᕕᕐᑐᕕᓂᐅᑉ ᑭᖑᕚᖏᑕᓗ ᑍᒪᓐᖓᓕᒫᖅ ᐱᒋᔭᕆᐊᖃᓕᕐᐹ. ᐅᑎᕐᑎᑕᐅᔭᕆᐊᖃᕈᓐᓃᕐᐳᖅ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒐᓗᐊᕐᐸᑦ. 31ᐃᒡᓗᐃᓪᓕ ᓄᓇᓕᖕᓂ ᐊᕙᓗᖃᕐᑐᒦᖏᑦᑐᑦ ᐱᕈᕐᓰᕕᒃᑎᑐᑦ ᐱᔭᐅᔭᕆᐊᖃᕐᐳᑦ; ᓇᖕᒥᓂᖃᕐᑐᑐᖃᖅ ᑍᒪᓐᖓᑦ ᓴᑐᕐᓯᔪᓐᓇᕐᑐᖅ, ᐅᑎᕐᑎᑕᐅᔭᕆᐊᖃᕐᓗᑎᒡᓗ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ. 32ᓕᕔᓪᓕ ᑭᖑᕚᖏᑦ ᑍᒪᓐᖓᓕᒫᖅ ᐃᒡᓗᒥᖕᓂᒃ ᓂᐅᕕᕐᓂᑯᑦ ᐅᑎᕐᑎᑦᓯᔪᓐᓇᕐᐳᑦ ᓕᕔᑉ ᑭᖑᕚᖏᑕ ᓄᓇᖏᓐᓂ, ᐃᒡᓗᕕᓂᕐᒥᖕᓂᒃ. 33ᓕᕔᑉ ᑭᖑᕚᖓᓂᑦ ᐱᔪᖅ ᐃᒡᓗᒥᓂᒃ ᓂᐅᕈᑎᖃᕐᐸᑦ, ᓂᐅᕕᕐᓂᑰᓪᓗ ᐅᑎᕐᑎᖏᑉᐸᒍ, ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ ᓴᑐᕆᐊᖃᕐᐹ, ᓕᕔᑉ ᑭᖑᕚᖏᑕ ᐃᒡᓗᑎᒃ ᑍᒪᓐᖓᓕᒫᖅ ᓇᖕᒥᓂᕆᖕᒪᒋᑦ ᐃᓴᕆᐊᓕᒥᐅᑦ ᐃᒡᓗᒐᓴᖏᓐᓂ. 34ᓕᕔᑉ ᑭᖑᕚᖏᑕ ᐱᕈᕐᓰᕕᖁᑎᖏᑦ ᓄᓇᒥᖕᓂ ᓂᐅᕕᐊᖑᔭᕆᐊᖃᓐᖏᓚᑦ; ᑍᒪᓐᖓᓕᒫᖅ ᓇᖕᒥᓂᕆᔭᕆᐊᖃᕐᒪᒋᑦ.”
ᐊᔪᕐᓴᕐᑐᓂᒃ ᐊᑐᕐᑎᑦᓯᓂᖅ
35 #
ᒨᓯᓯ ᑕᓪᓕᒪᖏᑦ 15:7,8. “ᐃᓴᕆᐊᓕᒥᐅᖑᖃᑎᓯ ᐊᔪᕐᓴᓕᕐᐸᑦ ᐃᓅᑦᔪᑎᒃᓴᒥᓂᒡᓗ ᓇᖕᒥᓂᖅ ᐊᔪᓕᕐᓗᓂ, ᐃᑲᔪᕆᐊᖃᕐᐸᓯ ᓲᕐᓗ ᓂᐅᕐᕈᐊᑎᑐᑦ ᐃᖅᑲᓁᔭᕐᑎᑐᓪᓘᓐᓃᑦ ᑲᒪᒋᑎᒋᓗᒍ, ᓄᓇᑦᓯᓐᓂ ᐃᓂᖃᓯᐊᑦᓮᓐᓇᖁᓪᓗᒍ. 36ᐊᑭᓕᒃᓮᑦ ᕿᑐᕐᖏᐅᕈᑎᖏᓐᓂᒃ ᐊᑭᓕᒃᓴᖃᕐᑎᓐᓂᐊᕐᓇᒍ, ᒎᑎᓯ ᓯᕘᕋᒋᓯᐅᒃ, ᐃᓴᕆᐊᓕᒥᐅᖑᖃᑎᓯ ᐃᓕᑦᓯᓐᓂ ᐃᓂᖃᑦᓯᐊᖁᓪᓗᒍ. 37#ᒨᓯᓯ ᐂᑉᐸᖏᑦ 22:25; ᒨᓯᓯ ᑕᓪᓕᒪᖏᑦ 23:19,20.ᑮᓇᐅᔭᓂᒃ ᐊᑐᕐᑎᒍᑦᓯᐅᒃ ᕿᑐᕐᖏᐅᕈᑎᓂᒃ ᐊᑭᓖᑎᓐᓂᐊᕋᓯᐅᒃ, ᑮᓇᐅᔭᓕᐅᕐᕐᕕᒋᓇᓱᐊᕐᓗᒍᓘᓐᓂᑦ ᓂᐅᕐᕈᑎᖃᕐᕕᒋᓂᐊᕋᓯᐅᒃ. 38ᐅᕙᖓ ᐊᑕᓂᐅᒐᒪ ᒎᑎᓯ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᓄᓇᒥᒡᓗ ᑬᓇᓂᒥᒃ ᑐᓂᓯᕕᒋᓚᐅᕐᐸᑦᓯ ᐃᓕᑦᓯᓐᓄᑦ ᒎᑎᒋᔭᐅᔪᒪᓪᓗᖓ.”
ᐱᔩᑦ ᓂᐅᕕᐊᖑᓯᒪᔪᑦ ᕿᓚᕈᑦᔮᕐᑕᐅᓂᖏᑦ
39 #
ᒨᓯᓯ ᐂᑉᐸᖏᑦ 21:2-6; ᒨᓯᓯ ᑕᓪᓕᒪᖏᑦ 15:12-18. “ᐃᓴᕆᐊᓕᒥᐅᖑᖃᑎᓯ ᓄᓇᑦᓯᓐᓂ ᐊᔪᕐᓴᓗᐊᓕᕐᐸᑦ ᐃᒻᒥᓂᒡᓗ ᓂᐅᕐᕈᑎᒋᒃᐸᑦ ᓯᐊᓛᖑᓂᕐᒧᑦ, ᓂᐅᕕᐊᖑᓯᒪᓪᓗᑎᒃ ᓯᐊᓛᑦ ᐊᒃᓱᕈᕐᑎᑕᐅᑦᔪᓯᖏᑎᑐᑦ ᐃᖅᑲᓁᔭᕐᑎᑕᒃᓴᕆᓐᖏᓚᓯ. 40ᐃᖅᑲᓁᔭᕐᑎᓪᓚᕆᒃᑎᑐᑦ ᐱᔭᕆᐊᖃᕐᐸᓯ, ᓂᐅᕐᕈᐊᑎᑐᓪᓘᓐᓃᑦ; ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᖏᓐᓂᖓᓂ. 41ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ, ᑖᓐᓇ ᕿᑐᕐᖓᖏᓪᓗ ᐃᓚᒥᖕᓄᑦ ᐅᑎᕆᐊᖃᕐᐳᑦ, ᓯᕗᓕᖏᑕᓗ ᓄᓇᖁᑎᖓᓂ ᓴᑐᕐᓯᓗᓂ. 42ᐃᓴᕆᐊᓕᒥᐅᑦ ᐱᔨᒋᒐᒃᑭᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ; ᓯᐊᓚᒻᒪᕆᐅᓂᕐᒧᑦ ᓂᐅᕕᐊᖑᔭᕆᐊᖃᖏᒻᒪᑕ. 43ᐱᔨᐅᓕᕌᖓᑕ ᐃᓖᔭᕐᓱᕆᐊᖃᓐᖏᓚᓯᐅᒃ, ᒎᑎᓯᓕ ᓯᕘᕋᒋᔭᕆᐊᖃᕐᐸᓯ. 44ᓂᐅᕕᐊᖑᓯᒪᔪᑦ ᐊᑭᓕᕐᓱᖏᓪᓗᒋᑦ ᓯᐊᓛᓯ ᐊᕐᓁᑦ ᐊᖑᑎᓪᓗ ᐱᓯᒪᔭᕆᐊᖃᕐᐳᑦ ᐃᓴᕆᐊᓕᒥᐅᑦ ᐊᓯᖏᓐᓂᑦ. ᑕᒪᒃᑯᓇᓐᖓᑦ ᐃᓅᖃᑎᒌᒡᔪᐊᓂᑦ ᐊᑭᓕᕐᓱᖏᓪᓗᒋᑦ ᓂᐅᕕᐊᕆᓯᒪᓪᓗᒋᑦ ᓯᐊᓛᕐᑕᖃᑦᑕᕆᐊᖃᕐᐳᓯ. 45ᓂᐅᕕᕈᓐᓇᕆᕗᓯ ᓯᐊᓛᒃᓴᓂᒃ ᐃᓴᕆᐊᓕᒥᐅᖑᖏᑦᑐᑦ ᓄᓇᖃᑦᑎᒋᔭᑦᓯ ᑭᖑᕚᖏᓐᓂᒃ. ᑍᒤᑦᑐᑦ ᓇᖕᒥᓂᕐᑖᕆᔪᓐᓇᕐᐸᓯ. 46ᑍᒤᑦᑐᑦ ᓯᐊᓛᓯ ᕿᑐᕐᖓᑦᓯᓐᓂᑦ ᑭᖑᕐᖑᑎᔭᐅᔪᓐᓇᕐᐳᑦ, ᐃᓅᓯᓕᒫᖏᓐᓄᓪᓗ ᓯᐊᓛᖑᐃᓐᓇᕈᓐᓇᕐᐳᑦ. ᑭᓯᐊᓂᓕ ᐃᓴᕆᐊᓕᒥᐅᖑᖃᑎᓯ ᓱᒃᑯᔨᐊᕆᔭᕆᐊᖃᓐᖏᓚᓯ.
47“ᐃᓴᕆᐊᓕᒥᐅᖑᖏᑦᑐᖅ ᓂᐅᕐᕈᐊᕐᓘᓐᓃᑦ ᐊᔪᕐᓴᖏᑦᑑᓕᕐᐸᑦ, ᐃᓴᕆᐊᓕᒥᐅᒥᒡᓗ ᐊᔪᕐᓴᕐᑐᖃᓕᕐᓗᓂ, ᐊᔪᕐᓴᖏᑐᒧᓪᓗ ᑖᑦᓱᒧᖓ ᐃᓴᕆᐊᓕᒥᐅᖅ ᐃᒻᒥᓂᒃ ᓂᐅᕐᕈᑎᒋᒃᐸᑦ ᓄᓇᖃᑎᑦᓯᓐᓄᑦ, ᐃᓴᕆᐊᓕᒥᐅᖑᖏᑦᑑᕐᓗᓃᑦ ᐃᓚᖏᓐᓄᑦ ᓂᐅᕕᐊᖑᒃᐸᑦ. 48ᓱᓕ ᐱᕕᕾᓐᓇᕆᐊᖃᕐᐳᖅ ᓴᑐᕐᑕᐅᔪᓐᓇᕐᓗᓂ, ᐃᒻᒥᓂᒃ ᓂᐅᕐᕈᑎᒋᓚᐅᕋᓗᐊᕐᑎᓪᓗᒍ ᖃᑕᓐᖑᑎᖏᓐᓂᑦ ᐅᑎᕐᑎᑕᐅᔪᓐᓇᕐᐳᖅ. 49ᐃᓚᖏᑕ ᓇᖕᒥᓂᖅ ᐊᐅᖃᑎᖏᑕ ᓇᓪᓕᐊᑐᐃᓐᓇᐅᑉ ᓂᐅᕕᐊᕆᔪᓐᓇᕐᐹ, ᑮᓇᐅᔭᖃᓕᕈᓂᓗ ᓇᖕᒥᓂᖅ ᐃᒻᒥᓂᒃ ᐊᑭᓕᕈᓐᓇᕆᕗᖅ. 50ᐊᑭᓖᔪᖅ ᐅᖃᖃᑎᒋᓗᓂᐅᒃ, ᐊᕐᕌᒍᑦ ᓈᓴᕐᓗᒋᑦ ᓂᐅᕕᐊᖑᕝᕕᒋᓚᐅᕐᑕᓂ ᐊᕐᕌᒍ ᓴᑐᕐᓯᕕᒃ ᑎᑭᓪᓗᒍ, ᑮᓇᐅᔧᑦ ᕿᓚᕈᑦᔮᕐᑕᐅᑦᔪᑎᖏᑦ ᐃᖅᑲᓁᔭᕐᑎᑎᑐᑦ ᐊᑭᖃᕆᐊᖃᕐᐳᑦ. 51ᓂᐅᕕᕐᑕᐅᕕᖓᓂᑦ ᐊᕐᕌᒍᒧᑦ ᓴᑐᕐᑕᐅᕕᖕᒧᑦ ᐊᕐᕌᒍᑦ ᐅᓄᕐᐸᑕ, ᐅᓄᕐᓂᕐᓴᓂᒃ ᐅᑎᕐᑎᑕᐅᑦᔪᑎᒃᓴᓂᒃ ᐊᑭᓕᕆᐊᖃᕐᐳᖅ. 52ᓂᐅᕕᕐᑕᐅᕕᐊᓂᑦ ᐊᕐᕌᒍᒧᑦ ᓴᑐᕐᑕᐅᕕᖕᒧᑦ ᐊᕐᕌᒍᑦ ᐅᓄᖏᓐᓂᕐᓴᐅᒃᐸᑕ, ᐅᓄᖏᓐᓂᕐᓴᓂᒃ ᐅᑎᕐᑎᑕᐅᑦᔪᑎᒃᓴᓂᒃ ᐊᑭᓕᕆᐊᖃᕐᐳᖅ. 53ᐃᒻᒥᓂᒃ ᓂᐅᕐᕈᑎᒋᓯᒪᒃᐸᑦ ᐊᕐᕌᒍᒥ ᐊᑕᐅᓯᕐᒥᒃ ᐃᓱᓕᑦᑕᕐᕕᖃᕐᓗᓂ; ᖃᐅᔨᒪᑦᓯᐊᕋᓱᐊᕐᑐᒃᓴᐅᕗᓯ ᓂᐅᕕᕐᓯᒪᔪᑉ ᐃᓖᔭᕆᖏᒃᑲᓗᐊᕐᒪᖔᒍ. 54ᓂᐅᕕᐊᖑᓂᒃᑯᑦ ᐅᑎᕐᑎᑕᐅᖏᒃᑲᓗᐊᕐᐸᑦ, ᖃᓄᑐᐃᓐᓇᕐᓘᓐᓃᑦ, ᑖᓐᓇᓗ ᕿᑐᕐᖓᖏᓪᓗ ᕿᓚᕈᑦᔮᕐᑕᐅᔭᕆᐊᖃᕐᐳᑦ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ. 55ᐃᓴᕆᐊᓕᒥᐅᑦ ᐱᔨᒋᒐᒃᑭᑦ, ᐅᕙᖓ ᐱᔨᒋᕙᒃᑲ, ᐊᐅᓪᓚᕐᑎᓚᐅᕐᐸᒃᑲᓗ ᐄᑦᔨᑉᑎᒥᑦ ᐅᕙᖓ ᐊᑕᓂᐅᒐᒪ ᒎᑎᓯ.”
Currently Selected:
ᒨᓯᓯ ᐱᖓᔪᖏᑦ 25: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 25
25
ᐊᕐᕌᒍᑦ 7ᖓᓐᓂ ᐱᖁᔭᖅ
ᒨᓯᓯ ᑕᓪᓕᒪᖏᑦ 15:1-11
1 #
ᒨᓯᓯ ᐂᑉᐸᖏᑦ 23:10,11. ᐊᑕᓂᐅᑉ ᒨᓯᓯ ᐅᖃᕐᕕᒋᕚ ᖃᖅᑲᒥ ᓮᓁᒥ, ᐅᖃᕐᓗᓂ, 2“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᓄᓇᒧᑦ ᐊᑕᓂᐅᑉ ᐃᓕᑦᓯᓐᓄᑦ ᑐᓂᔭᖓᓄᑦ ᑎᑭᒃᑯᑦᓯ, ᓄᓇ ᑕᒪᓐᓇ ᓴᐸᑎᖃᕆᐊᖃᕈᒫᕐᐳᖅ ᐊᑕᓂᕐᒧᑦ. 3ᐊᕐᕌᒍᓂᒃ ᐱᖓᓲᔪᕐᑐᓂᒃ ᓄᓇᖁᑎᓯ ᐱᕈᕐᓰᕕᒋᔭᕆᐊᖃᕐᐸᓯ, ᐸᐅᕐᖓᓕᒃᓴᖁᑎᓯᓗ ᕔᓂᒃᓴᓖᑦ ᐱᕈᕐᓰᕕᒋᔪᓐᓇᕐᐸᓯ ᐊᕐᕌᒍᓂᒃ ᐱᖓᓲᔪᕐᑐᓂᒃ. 4ᐊᕐᕌᒍᓪᓕ 7ᖓᓂ ᓄᓇᖁᑎᑦᓯᓐᓄᑦ ᓴᐸᑎᐅᕗᖅ ᑕᕾᕐᓯᕐᕕᒃ ᐊᑕᓂᐅᑉ ᓴᐸᑎᖓ. ᐊᕐᕌᒍᒥ ᑕᕝᕙᓂ ᓄᓇᖁᑎᑦᓯᓐᓂ ᐱᕈᕐᓰᔪᒃᓴᐅᓐᖏᓚᓯ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ ᐸᐅᕐᖓᓕᒃᓮᑦ ᐱᕈᕐᓰᕕᒋᔭᕆᐊᖃᓐᖏᓚᓯ. 5ᓄᓇᒥ ᑕᕝᕙᓂ ᑲᒪᒋᔭᐅᓇᑎᒃ ᐃᒻᒥᓂᒃ ᐱᕈᕐᑐᑦ ᑲᑎᕐᓱᕐᑕᒃᓴᕆᓐᖏᓚᓯ, ᐸᐅᕐᖎᓪᓘᓐᓃᑦ ᕔᓂᒃᓮᑦ ᐃᒻᒥᓂᒃ ᐱᕈᕐᑐᑦ ᑲᑎᕐᓱᕆᐊᖃᓐᖏᓚᓯ, ᓄᓇ ᐊᕐᕌᒍᒥᒃ ᐊᑕᐅᓯᕐᒥᒃ ᕿᖃᕆᐊᖃᕐᒪᑦ. 6ᓄᓇᐅᑉ ᑖᑦᓱᒪ ᐱᕈᕐᑎᑕᖏᑦ ᐊᕐᕌᒍ ᓴᐸᑎ ᓇᓪᓕᐅᑎᓯᒪᑎᓪᓗᒍ, ᑕᒪᑐᒥᖓ ᓄᓇᖁᑎᖃᕐᑐᑎᑦ ᓇᖕᒥᓂᖅ ᓂᕿᒃᓴᕆᕙᑎᑦ, ᓇᖕᒥᓂᕐᐱᓪᓗ, ᓯᐊᓛᕕᓪᓗ ᐊᖑᑎᑦ ᐊᕐᓁᓪᓘᓐᓃᑦ, ᐃᖅᑲᓁᔭᕐᑎᕕᓪᓘᓐᓃᑦ, ᑐᔪᕐᒥᐊᕕᓪᓘᓐᓃ ᐃᓕᑦᓯᓐᓃᑦᑑᑉ. 7ᐆᒪᔪᖁᑎᕕᓪᓘᓐᓃᑦ ᓂᕿᒋᔭᕆᐊᖃᕐᐰᑦ, ᓂᕐᔪᑎᓂᓪᓗ ᓄᔪᐊᕐᑐᓂᑦ ᓄᓇᖁᑎᑦᓯᓐᓃᑦᑐᓂᑦ ᓂᕿᒋᔭᐅᓗᑎᒃ. ᓄᓇᒥ ᑕᕝᕙᓂ ᐱᕈᕐᑐᓕᒫᑦ.”
ᐊᕐᕌᒍ ᓴᑐᕐᓯᕕᒃ
8“ᓈᓮᔪᒃᓴᐅᕗᓯ ᐊᕐᕌᒍᓂᒃ 7ᓂᒃ 7ᐃᑐᕐᓗᒋᑦ, ᑲᑎᓪᓗᒋᑦ ᐊᕐᕌᒍᑦ 49ᖑᓗᑎᒃ. 9ᑖᒃᑯᐊ ᑭᖑᓂᖓᓐᓂ ᑕᖅᑮᑦ 7ᖓᑕ ᐅᓪᓗᖏᑕ 10ᖓᓂ, ᐅᓪᓗᖅ ᐃᓱᒪᒋᔪᓐᓁᕐᑕᐅᕕᒃ ᓇᓪᓕᐅᑎᓯᒪᑎᓪᓗᒍ, ᑎᓕᓯᔪᒃᓴᐅᕗᓯ ᐊᖑᒻᒥᒃ ᓄᓇᒥ ᑕᒫᓂ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᖁᓪᓗᒍ. 10ᐊᕐᕌᒍᑦ 50ᖓᑦ ᓴᓂᕐᕙᒋᐊᖃᕐᐸᓯ ᓄᓇᒥᓗ ᑕᒫᓂ ᓱᓇᑐᐃᓐᓁᑦ ᑭᒃᑯᑐᐃᓐᓁᓪᓗ ᕿᓚᕐᕈᑦᔮᕐᑕᐅᕕᖓ ᓇᓪᓕᐅᑎᕗᖅ. ᐃᓕᑦᓯᓐᓄᑦ ᖁᕕᐊᓇᕐᑐᕐᔪᐊᖑᔭᕆᐊᖃᕐᐳᖅ; ᓄᓁᑦ ᐱᖁᑎᓪᓘᓐᓃᑦ ᐅᑎᕐᑎᑕᐅᔭᕆᐊᖃᓕᕐᐳᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᐃᓄᑐᖃᖏᓐᓄᑦ ᑭᖑᕚᖏᓐᓄᓪᓘᓐᓃᑦ, ᐃᓄᐃᓪᓗ ᓯᐊᓛᖑᓂᕐᒧᑦ ᓂᐅᕕᐊᖑᓯᒪᔪᑦ ᑭᖑᕚᖑᖃᑎᒥᓄᑦ ᐅᑎᕐᑎᑕᐅᔭᕆᐊᖃᕐᓗᑎᒃ. 11ᐊᕐᕌᒍᑦ 50ᖓᓂ ᖁᕕᐊᓱᒡᕕᒃᓯᐅᕆᐊᖃᕐᐳᓯ; ᐱᕈᕐᓯᐊᒃᓴᓂᒃ ᐃᓕᐅᖅᑬᔭᕆᐊᖃᓐᖏᓚᓯ ᓄᓇᖁᑎᑦᓯᓐᓄᑦ ᓂᐊᖂᔭᒃᓮᓪᓗ ᐃᒻᒥᖕᓂᒃ ᐱᕈᕐᑐᑦ ᑲᑎᕐᓱᕆᐊᖃᓐᖏᓚᓯ, ᐸᐅᕐᖓᓪᓗ ᕔᓂᒃᓮᑦ ᐃᒻᒥᖕᓂᒃ ᐱᕈᕐᑐᑦ ᑲᑎᕐᓱᕆᐊᖃᖏᓐᓂᕙᓯ. 12ᐊᕐᕌᒍ ᑖᓐᓇ ᖁᕕᐊᓱᒡᕕᐅᖕᒪᑦ ᐃᑦᔪᕐᓁᑦᓴᕆᐊᖃᕐᐳᖅ ᐃᓕᑦᓯᓐᓄᑦ; ᓂᕆᖃᑦᑕᕆᐊᖃᕐᐳᓯ ᑭᓯᐊᓂ ᓄᓇᖁᑎᑦᓯᓐᓂᑦ ᐱᕈᕐᑐᕕᓂᕐᓂᒃ ᐂᒃᓯᕐᐸᒃᓗᓯ.
13“ᑕᕝᕙᓂ ᐊᕐᕌᒍᑦ 50ᖓᓐᓂ ᖁᕕᐊᓱᒡᕕᖕᒥ ᓄᓁᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᓴᑐᕐᑕᐅᔭᕆᐊᖃᕐᐳᑦ ᐃᓄᑐᖃᕕᓂᖏᓐᓄᑦ. 14ᓄᓇᒥᒃ ᓂᐅᕈᑎᖃᕈᑦᓯ ᓄᓇᖃᑎᑦᓯᓐᓄᑦ ᐅᕝᕙᓘᓐᓃᑦ ᓂᐅᕕᕈᑦᓯ ᓄᓇᖃᑎᑦᓯᓐᓂᑦ, ᓯᓔᕆᒃᓯᕐᓂᐊᕋᓯ. 15ᓄᓇᐅᑉ ᐊᑭᖓ ᐋᖅᑭᒃᓯᒪᔭᕆᐊᖃᕐᐳᖅ ᐊᕐᕌᒍᑦ 50ᖓᓐᓂᑦ ᓴᑐᕐᓯᕕᖕᒥᑦ ᐱᒋᐊᕐᓗᒍ, ᖃᑦᓯᓂᒡᓗ ᐊᕐᕌᒍᓂᒃ ᐱᕈᕐᓰᕕᐅᔪᓐᓇᕐᓂᖓ ᒪᓕᒡᓗᒍ. 16ᐊᕐᕌᒍᑦ ᐅᓄᕐᐸᑕ ᐊᑭᑐᓂᕐᓴᐅᔭᕆᐊᖃᕐᐳᖅ, ᐊᕐᕌᒍᓪᓗ ᐅᓄᖏᓐᓂᕐᓴᐅᒃᐸᑕ ᐊᑭᑭᓐᓂᕐᓴᐅᔭᕆᐊᖃᕐᐳᖅ, ᖃᑦᓰᕐᑐᕐᓗᓂ ᐱᕈᕐᓰᕕᐅᔪᓐᓇᕐᓂᖓ ᒪᓕᒡᓗᒍ ᐊᑭᖃᕆᐊᖃᕐᐳᖅ. 17ᐃᓴᕆᐊᓕᒥᐅᖑᖃᑎᒌᒃᓗᓯ ᓯᓔᕆᖃᑦᑕᐅᑎᔪᒃᓴᐅᓐᖏᓚᓯ, ᒎᑎᓯ ᓯᕘᕋᒋᔭᒃᓴᕆᕙᓯ ᐅᕙᖓ ᐊᑕᓂᐅᒐᒪ ᒎᑎᓯ.”
ᐊᕐᕌᒎᑉ 7ᖓᓂ ᐃᓗᐊᖏᑦᔪᑎᖃᕐᐸᑦ
18“ᐊᑕᓂᐅᑉ ᐱᖁᔭᖏᑦ ᐊᑐᕐᑕᐅᖁᔭᖏᓪᓗ ᓈᓚᑦᓯᐊᕐᓯᒋᑦ, ᖃᓄᐃᓐᓇᕐᑐᒦᖏᑦᓯᐊᕐᓗᓯ ᐃᓅᖁᓪᓗᓯ ᓄᓇᒥ. 19ᓄᓇ ᑕᕝᕙ ᐱᕈᕐᑐᒥᓂᒃ ᓴᖅᑭᑎᑦᓯᓂᐊᕐᐳᖅ, ᐃᓕᑦᓯᓗ ᓈᒻᒪᒃᑐᒥᒃ ᓂᕿᒃᓴᖃᕐᓂᐊᕐᐳᓯ ᐃᓅᓂᐊᕐᐳᓯᓗ ᖃᓄᐃᓐᓇᖏᑦᓯᐊᕐᑐᒥ.
20“ᐊᐱᕆᔪᖃᕋᔭᕐᐸᓪᓕ, ‘ᓱᓇᒥᒡᓕ ᓂᕿᒃᓴᖃᕐᓂᐊᕋᑦᑕ ᐊᕐᕌᒎᑉ 7ᖓᓂ? ᐱᕈᕐᓰᕖᑦ ᐱᕈᕐᓰᕕᐅᖏᑉᐸᑕ, ᓂᕿᒃᓴᓂᒡᓗ ᑲᑎᕐᓱᐃᖏᒃᑯᑦᑕ?’ 21ᓮᒻᒪᕐᑎᓐᓂᐊᕐᐸᑦᓯ ᐊᕐᕌᒍᑦ ᐱᖓᓲᔪᕐᑐᖓᓂ, ᓄᓇ ᐱᕈᕐᑎᑉᐸᒃᑕᒥᓂᑦ ᐊᖏᖅᑭᔭᒻᒪᕆᐊᓗᐊᓂᒃ ᐱᕈᕐᑎᑦᓯᓂᐊᕐᐳᖅ ᐊᕐᕌᒍᓄᑦ ᐱᖓᓱᓄᑦ ᓈᒻᒪᒃᑐᓂᒃ. 22ᐊᕐᕌᒍᑦ ᓯᑕᒪᐅᔪᕐᑐᖓᓂ ᐱᕈᕐᓰᓇᓱᐊᓕᕈᑦᓯ, ᐊᒥᐊᒃᑯᕕᓂᕐᓂᒃ ᓂᕿᖃᕐᓂᐊᕐᐳᓯ ᐊᕐᕌᒍᑦ 9ᖓ ᑎᑭᓪᓗᒍ.”
ᐱᖁᑏᑦ ᐅᑎᕐᑎᑕᐅᓂᖏᑦ
23“ᓄᓇ ᐱᑖᕆᔭᐅᓪᓚᕆᒡᓗᓂ ᓂᐅᕐᕈᑎᒋᔭᐅᔭᕆᐊᖃᓐᖏᓚᖅ, ᓄᓇᒥᒃ ᓇᖕᒥᓂᖃᖏᓐᓇᑦᓯ, ᒎᑎᐅᑉ ᐱᒋᖕᒪᒍ, ᐃᓕᑦᓯᓗ ᑕᒫᓂ ᓂᐅᕐᕈᐊᑎᑐᑦ ᐃᓱᒪᓇᕋᑦᓯ ᒎᑎᐅᑉ ᐱᖓᓂᒃ ᐊᑐᕐᑐᐊᕐᓗᓯ.
24“ᓄᓇ ᓂᐅᕐᕈᑎᒋᔭᐅᒃᐸᑦ, ᓄᓇᖁᑎᖃᖅᑳᓚᐅᕐᑐᒧᑦ ᓴᑐᕐᑕᐅᔭᕆᐊᖃᕈᒫᕐᓂᖓ ᖃᐅᔨᒪᑦᓯᐊᕆᐊᖃᕐᐸᓯ. 25ᐃᓴᕆᐊᓕᒥᐅᑦ ᐃᓚᖓᑦ ᐊᔪᕐᓴᓕᕐᐸᑦ ᓄᓇᖁᑎᒥᓂᒡᓗ ᓂᐅᕐᕈᑎᖃᕆᐊᖃᓕᕐᓗᓂ, ᐃᓚᒋᔭᖓᑕ ᓇᖕᒥᓂᖓᑕ ᓴᑐᕐᓯᑦᔪᑎᔭᕆᐊᖃᕐᐹ. 26ᐃᓄᒡᓕ ᐃᓚᖃᖏᑉᐸᑦ ᓄᓇᒥᒃ ᓴᑐᕐᑎᑦᓯᔪᒃᓴᒥᒃ, ᑭᖑᓂᖓᒍᑦ ᐊᔪᕐᓴᕈᓐᓁᕈᓂ ᓴᑐᕈᓐᓇᕆᕚ. 27ᑍᒤᑉᐸᑦ ᓂᐅᕕᓚᐅᕐᓯᒪᔪᒧᑦ ᐊᑭᓖᔭᕆᐊᖃᕋᔭᕐᐳᖅ ᐊᕐᕌᒍ ᓴᑐᕐᓯᕕᒃ ᑎᑭᓪᓗᒍ ᓄᓇᐅᑉ ᐱᕈᕐᓰᕕᐅᔪᓐᓇᕐᓂᖓ ᒪᓕᒡᓗᒍ; ᑍᒫᒃ ᓂᐅᕕᐊᕆᒃᑲᓐᓂᕈᓐᓇᕐᐹ ᐅᑎᕐᑎᓪᓗᓂᐅᒃ. 28ᑮᓇᐅᔭᖏᓪᓕ ᐊᒥᒐᓗᐊᕐᐸᑕ ᓂᐅᕕᐊᕆᔪᓐᓇᖏᓪᓗᒍᓗ, ᓂᐅᕕᕐᑐᕕᓂᐅᑉ ᐱᓯᒤᓐᓇᕆᐊᖃᕐᐹ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᖄᕐᑎᓐᓇᒍ, ᐊᕐᕌᒍᒥ ᓴᑐᕐᓯᕕᖕᒥ ᑭᓯᐊᓂ ᓴᑐᕈᓐᓇᕐᓯᒐᔭᕐᐹ.
29“ᐃᓄᒃ ᐃᒡᓗᒥᓂᒃ ᓂᐅᕐᕈᑎᖃᕐᐸᑦ ᐃᒡᓗᒐᓴᖕᓂ ᐊᕙᓗᓯᒪᔫᑉ ᐃᓗᐊᓂ, ᓂᐅᕕᐊᕆᒃᑲᓐᓂᕐᓗᓂᐅᒃ ᓴᑐᕈᓐᓇᕐᐹ ᐊᕐᕌᒍᒥ ᓯᕗᓪᓕᕐᐹᒥ. ᑕᕝᕙᓂ ᐱᕕᖃᑦᓯᐊᕐᐳᖅ ᓂᐅᕕᐊᕆᒃᑲᓐᓂᕈᓐᓇᕐᓗᓂᐅᒃ. 30ᐊᕐᕌᒍᒥ ᓯᕗᓪᓕᕐᐹᒥ ᓂᐅᕕᐊᕆᒃᑲᓐᓂᖏᑉᐸᒍ, ᓂᐅᕕᕐᑐᕕᓂᐅᑉ ᑭᖑᕚᖏᑕᓗ ᑍᒪᓐᖓᓕᒫᖅ ᐱᒋᔭᕆᐊᖃᓕᕐᐹ. ᐅᑎᕐᑎᑕᐅᔭᕆᐊᖃᕈᓐᓃᕐᐳᖅ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒐᓗᐊᕐᐸᑦ. 31ᐃᒡᓗᐃᓪᓕ ᓄᓇᓕᖕᓂ ᐊᕙᓗᖃᕐᑐᒦᖏᑦᑐᑦ ᐱᕈᕐᓰᕕᒃᑎᑐᑦ ᐱᔭᐅᔭᕆᐊᖃᕐᐳᑦ; ᓇᖕᒥᓂᖃᕐᑐᑐᖃᖅ ᑍᒪᓐᖓᑦ ᓴᑐᕐᓯᔪᓐᓇᕐᑐᖅ, ᐅᑎᕐᑎᑕᐅᔭᕆᐊᖃᕐᓗᑎᒡᓗ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ. 32ᓕᕔᓪᓕ ᑭᖑᕚᖏᑦ ᑍᒪᓐᖓᓕᒫᖅ ᐃᒡᓗᒥᖕᓂᒃ ᓂᐅᕕᕐᓂᑯᑦ ᐅᑎᕐᑎᑦᓯᔪᓐᓇᕐᐳᑦ ᓕᕔᑉ ᑭᖑᕚᖏᑕ ᓄᓇᖏᓐᓂ, ᐃᒡᓗᕕᓂᕐᒥᖕᓂᒃ. 33ᓕᕔᑉ ᑭᖑᕚᖓᓂᑦ ᐱᔪᖅ ᐃᒡᓗᒥᓂᒃ ᓂᐅᕈᑎᖃᕐᐸᑦ, ᓂᐅᕕᕐᓂᑰᓪᓗ ᐅᑎᕐᑎᖏᑉᐸᒍ, ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ ᓴᑐᕆᐊᖃᕐᐹ, ᓕᕔᑉ ᑭᖑᕚᖏᑕ ᐃᒡᓗᑎᒃ ᑍᒪᓐᖓᓕᒫᖅ ᓇᖕᒥᓂᕆᖕᒪᒋᑦ ᐃᓴᕆᐊᓕᒥᐅᑦ ᐃᒡᓗᒐᓴᖏᓐᓂ. 34ᓕᕔᑉ ᑭᖑᕚᖏᑕ ᐱᕈᕐᓰᕕᖁᑎᖏᑦ ᓄᓇᒥᖕᓂ ᓂᐅᕕᐊᖑᔭᕆᐊᖃᓐᖏᓚᑦ; ᑍᒪᓐᖓᓕᒫᖅ ᓇᖕᒥᓂᕆᔭᕆᐊᖃᕐᒪᒋᑦ.”
ᐊᔪᕐᓴᕐᑐᓂᒃ ᐊᑐᕐᑎᑦᓯᓂᖅ
35 #
ᒨᓯᓯ ᑕᓪᓕᒪᖏᑦ 15:7,8. “ᐃᓴᕆᐊᓕᒥᐅᖑᖃᑎᓯ ᐊᔪᕐᓴᓕᕐᐸᑦ ᐃᓅᑦᔪᑎᒃᓴᒥᓂᒡᓗ ᓇᖕᒥᓂᖅ ᐊᔪᓕᕐᓗᓂ, ᐃᑲᔪᕆᐊᖃᕐᐸᓯ ᓲᕐᓗ ᓂᐅᕐᕈᐊᑎᑐᑦ ᐃᖅᑲᓁᔭᕐᑎᑐᓪᓘᓐᓃᑦ ᑲᒪᒋᑎᒋᓗᒍ, ᓄᓇᑦᓯᓐᓂ ᐃᓂᖃᓯᐊᑦᓮᓐᓇᖁᓪᓗᒍ. 36ᐊᑭᓕᒃᓮᑦ ᕿᑐᕐᖏᐅᕈᑎᖏᓐᓂᒃ ᐊᑭᓕᒃᓴᖃᕐᑎᓐᓂᐊᕐᓇᒍ, ᒎᑎᓯ ᓯᕘᕋᒋᓯᐅᒃ, ᐃᓴᕆᐊᓕᒥᐅᖑᖃᑎᓯ ᐃᓕᑦᓯᓐᓂ ᐃᓂᖃᑦᓯᐊᖁᓪᓗᒍ. 37#ᒨᓯᓯ ᐂᑉᐸᖏᑦ 22:25; ᒨᓯᓯ ᑕᓪᓕᒪᖏᑦ 23:19,20.ᑮᓇᐅᔭᓂᒃ ᐊᑐᕐᑎᒍᑦᓯᐅᒃ ᕿᑐᕐᖏᐅᕈᑎᓂᒃ ᐊᑭᓖᑎᓐᓂᐊᕋᓯᐅᒃ, ᑮᓇᐅᔭᓕᐅᕐᕐᕕᒋᓇᓱᐊᕐᓗᒍᓘᓐᓂᑦ ᓂᐅᕐᕈᑎᖃᕐᕕᒋᓂᐊᕋᓯᐅᒃ. 38ᐅᕙᖓ ᐊᑕᓂᐅᒐᒪ ᒎᑎᓯ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᓄᓇᒥᒡᓗ ᑬᓇᓂᒥᒃ ᑐᓂᓯᕕᒋᓚᐅᕐᐸᑦᓯ ᐃᓕᑦᓯᓐᓄᑦ ᒎᑎᒋᔭᐅᔪᒪᓪᓗᖓ.”
ᐱᔩᑦ ᓂᐅᕕᐊᖑᓯᒪᔪᑦ ᕿᓚᕈᑦᔮᕐᑕᐅᓂᖏᑦ
39 #
ᒨᓯᓯ ᐂᑉᐸᖏᑦ 21:2-6; ᒨᓯᓯ ᑕᓪᓕᒪᖏᑦ 15:12-18. “ᐃᓴᕆᐊᓕᒥᐅᖑᖃᑎᓯ ᓄᓇᑦᓯᓐᓂ ᐊᔪᕐᓴᓗᐊᓕᕐᐸᑦ ᐃᒻᒥᓂᒡᓗ ᓂᐅᕐᕈᑎᒋᒃᐸᑦ ᓯᐊᓛᖑᓂᕐᒧᑦ, ᓂᐅᕕᐊᖑᓯᒪᓪᓗᑎᒃ ᓯᐊᓛᑦ ᐊᒃᓱᕈᕐᑎᑕᐅᑦᔪᓯᖏᑎᑐᑦ ᐃᖅᑲᓁᔭᕐᑎᑕᒃᓴᕆᓐᖏᓚᓯ. 40ᐃᖅᑲᓁᔭᕐᑎᓪᓚᕆᒃᑎᑐᑦ ᐱᔭᕆᐊᖃᕐᐸᓯ, ᓂᐅᕐᕈᐊᑎᑐᓪᓘᓐᓃᑦ; ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᖏᓐᓂᖓᓂ. 41ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ, ᑖᓐᓇ ᕿᑐᕐᖓᖏᓪᓗ ᐃᓚᒥᖕᓄᑦ ᐅᑎᕆᐊᖃᕐᐳᑦ, ᓯᕗᓕᖏᑕᓗ ᓄᓇᖁᑎᖓᓂ ᓴᑐᕐᓯᓗᓂ. 42ᐃᓴᕆᐊᓕᒥᐅᑦ ᐱᔨᒋᒐᒃᑭᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ; ᓯᐊᓚᒻᒪᕆᐅᓂᕐᒧᑦ ᓂᐅᕕᐊᖑᔭᕆᐊᖃᖏᒻᒪᑕ. 43ᐱᔨᐅᓕᕌᖓᑕ ᐃᓖᔭᕐᓱᕆᐊᖃᓐᖏᓚᓯᐅᒃ, ᒎᑎᓯᓕ ᓯᕘᕋᒋᔭᕆᐊᖃᕐᐸᓯ. 44ᓂᐅᕕᐊᖑᓯᒪᔪᑦ ᐊᑭᓕᕐᓱᖏᓪᓗᒋᑦ ᓯᐊᓛᓯ ᐊᕐᓁᑦ ᐊᖑᑎᓪᓗ ᐱᓯᒪᔭᕆᐊᖃᕐᐳᑦ ᐃᓴᕆᐊᓕᒥᐅᑦ ᐊᓯᖏᓐᓂᑦ. ᑕᒪᒃᑯᓇᓐᖓᑦ ᐃᓅᖃᑎᒌᒡᔪᐊᓂᑦ ᐊᑭᓕᕐᓱᖏᓪᓗᒋᑦ ᓂᐅᕕᐊᕆᓯᒪᓪᓗᒋᑦ ᓯᐊᓛᕐᑕᖃᑦᑕᕆᐊᖃᕐᐳᓯ. 45ᓂᐅᕕᕈᓐᓇᕆᕗᓯ ᓯᐊᓛᒃᓴᓂᒃ ᐃᓴᕆᐊᓕᒥᐅᖑᖏᑦᑐᑦ ᓄᓇᖃᑦᑎᒋᔭᑦᓯ ᑭᖑᕚᖏᓐᓂᒃ. ᑍᒤᑦᑐᑦ ᓇᖕᒥᓂᕐᑖᕆᔪᓐᓇᕐᐸᓯ. 46ᑍᒤᑦᑐᑦ ᓯᐊᓛᓯ ᕿᑐᕐᖓᑦᓯᓐᓂᑦ ᑭᖑᕐᖑᑎᔭᐅᔪᓐᓇᕐᐳᑦ, ᐃᓅᓯᓕᒫᖏᓐᓄᓪᓗ ᓯᐊᓛᖑᐃᓐᓇᕈᓐᓇᕐᐳᑦ. ᑭᓯᐊᓂᓕ ᐃᓴᕆᐊᓕᒥᐅᖑᖃᑎᓯ ᓱᒃᑯᔨᐊᕆᔭᕆᐊᖃᓐᖏᓚᓯ.
47“ᐃᓴᕆᐊᓕᒥᐅᖑᖏᑦᑐᖅ ᓂᐅᕐᕈᐊᕐᓘᓐᓃᑦ ᐊᔪᕐᓴᖏᑦᑑᓕᕐᐸᑦ, ᐃᓴᕆᐊᓕᒥᐅᒥᒡᓗ ᐊᔪᕐᓴᕐᑐᖃᓕᕐᓗᓂ, ᐊᔪᕐᓴᖏᑐᒧᓪᓗ ᑖᑦᓱᒧᖓ ᐃᓴᕆᐊᓕᒥᐅᖅ ᐃᒻᒥᓂᒃ ᓂᐅᕐᕈᑎᒋᒃᐸᑦ ᓄᓇᖃᑎᑦᓯᓐᓄᑦ, ᐃᓴᕆᐊᓕᒥᐅᖑᖏᑦᑑᕐᓗᓃᑦ ᐃᓚᖏᓐᓄᑦ ᓂᐅᕕᐊᖑᒃᐸᑦ. 48ᓱᓕ ᐱᕕᕾᓐᓇᕆᐊᖃᕐᐳᖅ ᓴᑐᕐᑕᐅᔪᓐᓇᕐᓗᓂ, ᐃᒻᒥᓂᒃ ᓂᐅᕐᕈᑎᒋᓚᐅᕋᓗᐊᕐᑎᓪᓗᒍ ᖃᑕᓐᖑᑎᖏᓐᓂᑦ ᐅᑎᕐᑎᑕᐅᔪᓐᓇᕐᐳᖅ. 49ᐃᓚᖏᑕ ᓇᖕᒥᓂᖅ ᐊᐅᖃᑎᖏᑕ ᓇᓪᓕᐊᑐᐃᓐᓇᐅᑉ ᓂᐅᕕᐊᕆᔪᓐᓇᕐᐹ, ᑮᓇᐅᔭᖃᓕᕈᓂᓗ ᓇᖕᒥᓂᖅ ᐃᒻᒥᓂᒃ ᐊᑭᓕᕈᓐᓇᕆᕗᖅ. 50ᐊᑭᓖᔪᖅ ᐅᖃᖃᑎᒋᓗᓂᐅᒃ, ᐊᕐᕌᒍᑦ ᓈᓴᕐᓗᒋᑦ ᓂᐅᕕᐊᖑᕝᕕᒋᓚᐅᕐᑕᓂ ᐊᕐᕌᒍ ᓴᑐᕐᓯᕕᒃ ᑎᑭᓪᓗᒍ, ᑮᓇᐅᔧᑦ ᕿᓚᕈᑦᔮᕐᑕᐅᑦᔪᑎᖏᑦ ᐃᖅᑲᓁᔭᕐᑎᑎᑐᑦ ᐊᑭᖃᕆᐊᖃᕐᐳᑦ. 51ᓂᐅᕕᕐᑕᐅᕕᖓᓂᑦ ᐊᕐᕌᒍᒧᑦ ᓴᑐᕐᑕᐅᕕᖕᒧᑦ ᐊᕐᕌᒍᑦ ᐅᓄᕐᐸᑕ, ᐅᓄᕐᓂᕐᓴᓂᒃ ᐅᑎᕐᑎᑕᐅᑦᔪᑎᒃᓴᓂᒃ ᐊᑭᓕᕆᐊᖃᕐᐳᖅ. 52ᓂᐅᕕᕐᑕᐅᕕᐊᓂᑦ ᐊᕐᕌᒍᒧᑦ ᓴᑐᕐᑕᐅᕕᖕᒧᑦ ᐊᕐᕌᒍᑦ ᐅᓄᖏᓐᓂᕐᓴᐅᒃᐸᑕ, ᐅᓄᖏᓐᓂᕐᓴᓂᒃ ᐅᑎᕐᑎᑕᐅᑦᔪᑎᒃᓴᓂᒃ ᐊᑭᓕᕆᐊᖃᕐᐳᖅ. 53ᐃᒻᒥᓂᒃ ᓂᐅᕐᕈᑎᒋᓯᒪᒃᐸᑦ ᐊᕐᕌᒍᒥ ᐊᑕᐅᓯᕐᒥᒃ ᐃᓱᓕᑦᑕᕐᕕᖃᕐᓗᓂ; ᖃᐅᔨᒪᑦᓯᐊᕋᓱᐊᕐᑐᒃᓴᐅᕗᓯ ᓂᐅᕕᕐᓯᒪᔪᑉ ᐃᓖᔭᕆᖏᒃᑲᓗᐊᕐᒪᖔᒍ. 54ᓂᐅᕕᐊᖑᓂᒃᑯᑦ ᐅᑎᕐᑎᑕᐅᖏᒃᑲᓗᐊᕐᐸᑦ, ᖃᓄᑐᐃᓐᓇᕐᓘᓐᓃᑦ, ᑖᓐᓇᓗ ᕿᑐᕐᖓᖏᓪᓗ ᕿᓚᕈᑦᔮᕐᑕᐅᔭᕆᐊᖃᕐᐳᑦ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ. 55ᐃᓴᕆᐊᓕᒥᐅᑦ ᐱᔨᒋᒐᒃᑭᑦ, ᐅᕙᖓ ᐱᔨᒋᕙᒃᑲ, ᐊᐅᓪᓚᕐᑎᓚᐅᕐᐸᒃᑲᓗ ᐄᑦᔨᑉᑎᒥᑦ ᐅᕙᖓ ᐊᑕᓂᐅᒐᒪ ᒎᑎᓯ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.