ᒨᓯᓯ ᐱᖓᔪᖏᑦ 4
4
ᑐᓂᕐᕈᓯᕐᓂᖅ ᐱᔮᕆᓇᓂ ᐊᔪᕐᑐᓕᓂᖅ ᐱᑦᔪᑎᒋᓪᓗᒍ
1ᐊᑕᓂᐅᑉ ᒨᓯᓯ ᐅᖃᐅᑎᕚ, 2“ᐃᓴᕆᐊᓕᒥᐅᑦ ᐃᒫᒃ ᐅᖃᐅᑎᒃᑭᑦ; ᓇᓪᓕᐊᑦ ᐱᔮᕆᖏᓪᓗᓂ ᐊᔪᕐᑐᓕᒃᐸᑦ, ᐊᑕᓂᐅᓪᓗ ᒪᓕᒐᒃᓴᐅᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑦ. 3ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ. 4ᑖᑦᓱᒪ ᐊᖑᓴᓪᓗᖅ ᕾᑦᔪᑎᔭᒃᓴᕆᕚ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓄᑦ ᐊᑕᓂᐅᑉ ᓵᖓᓂ. ᓂᐊᖁᐊᒍᑦ ᑎᒍᓗᒍ ᑐᖁᑕᒃᓴᕆᕚ ᐊᑕᓂᐅᑉ ᑕᒃᑯᐊᓂ. 5ᑐᓂᕐᕈᓯᕐᑎᑦᓯᔨᐅᓪᓗ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔫᑉ ᑖᑦᓱᒪ ᐊᖑᓴᓪᓘᑉ ᐊᐅᖓᑕ ᐃᓚᖓ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕈᑎᔭᒃᓴᕆᕚ.
6“ᑖᑦᓱᒪᓗ ᑎᑭᓂ ᐊᐅᖕᒧᑦ ᒥᓱᓚᐅᕐᓗᒍ ᐃᓚᖓ ᓯᕿᔭᕐᑎᑕᒃᓴᕆᕚ. 7ᐃᕐᑐᕐᓗᓂ ᐊᑕᓂᐅᑉ ᓵᖓᓂ ᑕᓘᑉ ᐃᑦᔪᕐᓁᑦᑑᑉ ᓵᖓᓂ. 7ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ. 8ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᖑᓴᓪᓘᑉ ᑐᓐᓄᓕᒫᖏᒃ ᐲᔭᒐᒃᓴᕆᕔᑦ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᑦ, ᑭᒃᓴᐅᑎᖏᑦ ᐃᕐᕋᕕᖏᑕᓗ ᑐᓐᓄᓕᒫᖏᑦ. 9ᑕᕐᑐᖏᒡᓗ ᑕᕐᑐᕈᑎᖏᓪᓗ ᑐᓐᓄᐃᑦ ᑯᑦᓯᓂᖏᑕᓗ ᑐᓐᓄᓕᒫᖏᑦ, ᑎᖑᖓᑕᓗ ᑭᒃᓴᐅᑎᖓ; ᑕᕐᑐᖏᒃ ᐲᓕᕈᓂᒋᒃ ᐲᖃᓯᐅᑎᔭᒃᓴᕆᕔᑦ. 10ᑍᒫᒃᑕᐅᖅ ᑐᓐᓄᓕᒫᖏᑦ ᐲᔭᕐᑕᐅᖕᒪᑕ ᐃᒻᒧᒃᓯᐅᒐᕐᒥᑦ ᑐᓂᕐᕈᑎᒃᓴᐅᓪᓗᓂ ᑐᖁᑕᐅᔪᒥᑦ ᐃᓚᒋᔭᐅᑦᓯᐊᕈᑎᒃᓴᑐᑦ. ᑐᓂᕐᕈᓯᕐᑎᑦᓯᔨᐅᑉ ᑍᒫᒃᑕᐅᖅ ᐃᑯᐊᓚᑎᑕᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᑯᐊᓚᑦᓯᕕᖕᒥ. 11ᐊᖑᓴᓪᓘᓪᓕ ᐊᒥᖓ ᓂᕿᓕᒫᖓᓗ, ᓂᐊᖁᖓᓗ ᓂᐅᖏᒡᓗ, ᓂᕆᔭᒃᓴᐅᖏᓐᓂᖏᓪᓗ, 12ᐃᒫᒃ, ᐊᖑᓴᓪᓘᑉ ᐊᒥᐊᒃᑯᓕᒫᖏᑦ ᑐᓂᕐᕈᓯᕐᑎᑦᓯᔨᐅᑉ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ. ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᑕᐅᓯᒪᔪᒧᑦ, ᐊᕐᔭᓕᓂᕐᓂᒃ ᐃᒋᑦᓯᕕᖕᒧᑦ, ᑕᕝᕙᓂᓗ ᐊᕐᔭᓕᓃᑦ ᖄᖏᓐᓂ ᕿᔪᓕᕐᓯᒪᔪᒥ ᐃᑯᐊᓚᑎᑕᒃᓴᕆᕚ.
13“ᐃᓴᕆᐊᓕᒥᐅᓪᓕ ᓄᓇᖅᑲᑎᒌᓕᒫᑦ ᐱᔮᕆᖏᓪᓗᑎᒃ ᐊᔪᕐᑐᓕᒃᐸᑕ ᐊᑕᓂᐅᓪᓗ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑕ, ᓄᓇᓖᑦ ᖃᐅᔨᖏᒃᑲᓗᐊᕐᑎᓪᓗᒋᑦ, ᑕᕝᕙ ᑕᒪᕐᒥᒃ ᐸᓯᔭᒃᓴᐅᓕᕐᐳᑦ. 14ᖃᐅᔨᓕᕈᑎᒡᓗ ᐊᔪᕐᑐᓕᓯᒪᓂᕐᒥᖕᓂᒃ, ᓄᓇᓖᑦ ᐊᖓᔪᖅᑳᖏᑦ ᕾᑦᓯᔪᒃᓴᐅᕗᑦ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ; ᑖᓐᓇ ᐊᔪᕐᑐᓕᓂᕐᒧᑦ ᑐᓂᕐᕈᑎᒃᓴᐅᖁᓪᓗᒍ, ᕾᑦᔪᑎᓗᒍᓗ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᓴᓂᐊᓄᑦ. 15ᓄᓇᓖᑦ ᐊᖓᔪᖅᑳᖏᑦ ᐸᑎᒻᒥᒃᓯᕐᑐᒃᓴᐅᕗᑦ ᐆᒪᔫᑉ ᓂᐊᖁᐊᓂᒃ ᐊᑕᓂᐅᑉ ᓵᖓᓂ, ᑕᕝᕙᓂᓗ ᐊᑕᓂᐅᑉ ᓵᖓᓂ ᑐᖁᑕᐅᓗᓂ. 16ᑕᕝᕙᓕ ᑐᓂᕐᕈᓯᕐᑎᑦᓯᔨᐅᑉ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔫᑉ ᑎᓕᔭᐅᓂᒃᑯᑦ, ᐊᖑᓴᓪᓘᑉ ᐊᐅᖓᑕ ᐃᓚᖓᓂᒃ ᐃᑎᕈᑦᔨᔭᕆᐊᖃᕐᐳᖅ ᑐᐱᕐᒧᑦ ᑲᑎᒪᕕᖕᒧᑦ. 17ᑎᑭᓂᓗ ᐊᐅᖕᒧᑦ ᒥᓱᒡᓗᒍ ᐊᑕᓂᐅᑉ ᓵᖓᓂ ᓯᕿᔭᕐᑎᑕᒃᓴᕆᕚ 7ᐃᕐᑐᕐᓗᓂ ᐃᑦᔪᕐᓁᑦᑐᕕᐅᑉ ᑕᓗᐊᑕ ᓵᖓᓂ. 18ᑐᓂᕐᕈᓯᕐᑎᑦᓯᔨᐅᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᑉ ᐃᓚᖓᓂᒃ ᒥᖑᐊᒐᒃᓴᕆᕔᑦ ᐊᑕᓂᐅᑉ ᓇᔪᒐᖓᓃᑦᑐᑦ ᑐᐱᕐᒥ ᑲᑎᒪᕕᖕᒥ. ᐊᐅᓪᓗ ᑖᑦᓱᒪ ᐊᒥᐊᒃᑯᖓ ᑯᕕᔭᒃᓴᕆᕚ ᐃᑯᐊᓚᑦᓯᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓃᑦᑐᒧᑦ. 19ᑐᓂᕐᕈᓯᕐᑎᐅᓪᓗ ᐊᖑᓴᓪᓘᑉ ᑐᓐᓄᓕᒫᖏᑦ ᐲᔭᒐᒃᓴᕆᕔᑦ, ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ. 20ᑍᒫᑦᓮᓐᓇᕐᓗ ᐊᖑᓴᓪᓗᖅ ᐱᔭᕆᐊᖃᕐᐹ ᐊᖑᓴᓪᓗᕐᑐᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ. 21ᐊᖑᓴᓪᓗᕐᓗ ᑖᓐᓇ ᓄᓇᓖᑦ ᓯᓚᑖᓄᑦ ᐊᐅᓪᓚᕈᑎᔭᒃᓴᕆᕚ ᐃᑯᐊᓚᑎᓪᓗᒍᓗ ᐊᖑᓴᓪᓗᕐᑐᑦ ᓯᕗᓪᓕᕐᑐᑦ. ᑍᒫᒃ ᑕᕝᕙ ᐱᔭᕆᐊᖃᕐᐳᑦ ᓄᓇᓖᑦ ᐊᔪᕐᑐᓕᓂᖏᑦ ᑐᓂᕐᕈᓯᕈᑕᐅᑎᓪᓗᒋᑦ.
22“ᐃᓄᐃᓪᓗ ᓯᕗᓕᕐᑎᖓᑦ ᐱᔮᕆᖏᓪᓗᓂ ᐊᔪᕐᑐᓕᒃᐸᑦ, ᐱᓂᐊᕐᐸᓪᓗ ᐊᑕᓂᐅᑉ ᒎᑎᐅᑉ ᐱᖁᔭᖏᓐᓂᑦ ᐊᑐᖁᔭᐅᖏᑦᑐᒥᒃ, ᑖᓐᓇ ᐸᓯᔭᒃᓴᐅᕗᖅ. 23ᓇᓗᔪᓐᓁᕐᑎᑕᐅᒃᐸᓪᓗ ᐊᔪᕐᑐᓕᓂᕆᔭᖓᓂᒃ, ᑐᓂᕐᕈᑎᒃᓴᖃᕆᐊᖃᕐᐳᖅ ᒎᑦᓯᒥᒃ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ. 24ᓯᕗᓕᕐᑎᐅᑉ ᒎᑦᓯᐅᑉ ᓂᐊᖁᐊ ᐸᑎᒃᓯᒪᔭᕆᐊᖃᕐᐹ ᑐᖁᓪᓗᓂᐅᒡᓗ ᐃᑯᐊᓚᑦᓯᓂᕐᒧᑦ ᑐᓂᕐᕈᑎᒃᓮᑦ ᑐᖁᑕᐅᕕᒋᕙᒃᑕᖓᓂ ᐊᑕᓂᐅᑉ ᓵᖓᓂ. ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᖕᒪᑦ. 25ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓄᑦ ᑎᑭᓂ ᒥᓱᒃᑕᒃᓴᕆᕚ ᑐᓂᕐᕈᓯᕐᕕᐅᓪᓗ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᒐᒃᓴᕆᕔᑦ ᑯᕕᓗᒍᓗ ᐊᒥᐊᒃᑯᖓ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. 26ᐆᒪᔫᓪᓗ ᑐᓐᓄᓕᒫᖏᑦ ᐃᑯᐊᓪᓚᒐᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᑐᑦ ᐱᔭᕆᐊᖃᕐᐳᖅ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨ ᑐᖁᑕᒃᓴᒥᒃ ᑐᓂᕐᕈᑎᖃᕐᓂᐊᕐᐳᖅ ᓯᕗᓕᕐᑎᐅᑉ ᐊᔪᕐᓂᖏᑦ ᐱᓪᓗᒋᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.
27 #
ᒨᓯᓯ ᓯᑕᒪᖏᑦ 15:27,28. “ᓄᓇᓕᖕᓂ ᓄᓇᖃᖃᑕᐅᔪᖅ ᐱᔮᕆᖏᓪᓗᓂ ᐊᔪᕐᑐᓕᕐᐸᑦ ᐱᓕᕆᒃᐸᓪᓗ ᐊᑕᓂᐅᑉ ᐱᖁᔭᖏᑕ ᐊᑐᖁᓐᖏᑕᖓᓂᒃ ᑖᓐᓇ ᐸᓯᔭᒃᓴᐅᕗᖅ. 28ᐊᔪᕐᑐᓕᓂᖓᓂᒃ ᓇᓗᔪᓐᓃᕐᑎᑕᐅᒃᐸᑦ, ᑖᓐᓇ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᒃᓴᐅᕗᖅ ᐊᔪᕐᑐᓕᓂᓂ ᐱᓪᓗᒍ, ᒎᑦᓯᒥᒃ ᐊᕐᓇᓪᓗᖕᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ. 29ᑖᑦᓱᒪ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕐᕕᖕᒥ. 30ᑕᕝᕙ ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᐃᑯᐊᓚᔪᓂᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ, ᐊᐅᓪᓗ ᐊᒥᐊᒃᑯᐊ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. 31ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ. 32ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᑎᒃᓴᖃᕐᐸᑦ ᐊᔪᕐᑐᓕᓂ ᐱᓪᓗᒍ, ᑐᓂᕐᕈᑎᒃᓴᖃᕐᑐᒃᓴᐅᕗᖅ ᐊᕐᓇᓪᓗᖕᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ. 33ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐊᔪᕐᑐᓕᓂᖅ ᐱᓪᓗᒍ, ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᖁᑕᐅᕕᒋᕙᒃᑕᖓᓐᓂ. 34ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᑐᓂᕐᕈᓯᕐᕕᐅᑉ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ ᐊᐅᓪᓗ ᐊᒥᐊᒃᑯᖓ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. 35ᑐᓂᕐᕈᓯᕐᓂᐊᕐᑑᑉ ᓰᐱᐅᑉ ᓄᕐᕋᖓᑕ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ; ᑍᒫᑦᓮᓐᓇᕐᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᑉ ᑐᓐᓄᖏᑦ ᐲᔭᕐᑕᐅᕙᖕᒪᑕ ᑐᓂᕐᕈᓯᕐᑎᑦᓯᔨᐅᓪᓗ ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᐅᑉ ᖄᖓᓂ, ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ; ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.”
Currently Selected:
ᒨᓯᓯ ᐱᖓᔪᖏᑦ 4: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 4
4
ᑐᓂᕐᕈᓯᕐᓂᖅ ᐱᔮᕆᓇᓂ ᐊᔪᕐᑐᓕᓂᖅ ᐱᑦᔪᑎᒋᓪᓗᒍ
1ᐊᑕᓂᐅᑉ ᒨᓯᓯ ᐅᖃᐅᑎᕚ, 2“ᐃᓴᕆᐊᓕᒥᐅᑦ ᐃᒫᒃ ᐅᖃᐅᑎᒃᑭᑦ; ᓇᓪᓕᐊᑦ ᐱᔮᕆᖏᓪᓗᓂ ᐊᔪᕐᑐᓕᒃᐸᑦ, ᐊᑕᓂᐅᓪᓗ ᒪᓕᒐᒃᓴᐅᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑦ. 3ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ. 4ᑖᑦᓱᒪ ᐊᖑᓴᓪᓗᖅ ᕾᑦᔪᑎᔭᒃᓴᕆᕚ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓄᑦ ᐊᑕᓂᐅᑉ ᓵᖓᓂ. ᓂᐊᖁᐊᒍᑦ ᑎᒍᓗᒍ ᑐᖁᑕᒃᓴᕆᕚ ᐊᑕᓂᐅᑉ ᑕᒃᑯᐊᓂ. 5ᑐᓂᕐᕈᓯᕐᑎᑦᓯᔨᐅᓪᓗ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔫᑉ ᑖᑦᓱᒪ ᐊᖑᓴᓪᓘᑉ ᐊᐅᖓᑕ ᐃᓚᖓ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕈᑎᔭᒃᓴᕆᕚ.
6“ᑖᑦᓱᒪᓗ ᑎᑭᓂ ᐊᐅᖕᒧᑦ ᒥᓱᓚᐅᕐᓗᒍ ᐃᓚᖓ ᓯᕿᔭᕐᑎᑕᒃᓴᕆᕚ. 7ᐃᕐᑐᕐᓗᓂ ᐊᑕᓂᐅᑉ ᓵᖓᓂ ᑕᓘᑉ ᐃᑦᔪᕐᓁᑦᑑᑉ ᓵᖓᓂ. 7ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ. 8ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᖑᓴᓪᓘᑉ ᑐᓐᓄᓕᒫᖏᒃ ᐲᔭᒐᒃᓴᕆᕔᑦ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᑦ, ᑭᒃᓴᐅᑎᖏᑦ ᐃᕐᕋᕕᖏᑕᓗ ᑐᓐᓄᓕᒫᖏᑦ. 9ᑕᕐᑐᖏᒡᓗ ᑕᕐᑐᕈᑎᖏᓪᓗ ᑐᓐᓄᐃᑦ ᑯᑦᓯᓂᖏᑕᓗ ᑐᓐᓄᓕᒫᖏᑦ, ᑎᖑᖓᑕᓗ ᑭᒃᓴᐅᑎᖓ; ᑕᕐᑐᖏᒃ ᐲᓕᕈᓂᒋᒃ ᐲᖃᓯᐅᑎᔭᒃᓴᕆᕔᑦ. 10ᑍᒫᒃᑕᐅᖅ ᑐᓐᓄᓕᒫᖏᑦ ᐲᔭᕐᑕᐅᖕᒪᑕ ᐃᒻᒧᒃᓯᐅᒐᕐᒥᑦ ᑐᓂᕐᕈᑎᒃᓴᐅᓪᓗᓂ ᑐᖁᑕᐅᔪᒥᑦ ᐃᓚᒋᔭᐅᑦᓯᐊᕈᑎᒃᓴᑐᑦ. ᑐᓂᕐᕈᓯᕐᑎᑦᓯᔨᐅᑉ ᑍᒫᒃᑕᐅᖅ ᐃᑯᐊᓚᑎᑕᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᑯᐊᓚᑦᓯᕕᖕᒥ. 11ᐊᖑᓴᓪᓘᓪᓕ ᐊᒥᖓ ᓂᕿᓕᒫᖓᓗ, ᓂᐊᖁᖓᓗ ᓂᐅᖏᒡᓗ, ᓂᕆᔭᒃᓴᐅᖏᓐᓂᖏᓪᓗ, 12ᐃᒫᒃ, ᐊᖑᓴᓪᓘᑉ ᐊᒥᐊᒃᑯᓕᒫᖏᑦ ᑐᓂᕐᕈᓯᕐᑎᑦᓯᔨᐅᑉ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ. ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᑕᐅᓯᒪᔪᒧᑦ, ᐊᕐᔭᓕᓂᕐᓂᒃ ᐃᒋᑦᓯᕕᖕᒧᑦ, ᑕᕝᕙᓂᓗ ᐊᕐᔭᓕᓃᑦ ᖄᖏᓐᓂ ᕿᔪᓕᕐᓯᒪᔪᒥ ᐃᑯᐊᓚᑎᑕᒃᓴᕆᕚ.
13“ᐃᓴᕆᐊᓕᒥᐅᓪᓕ ᓄᓇᖅᑲᑎᒌᓕᒫᑦ ᐱᔮᕆᖏᓪᓗᑎᒃ ᐊᔪᕐᑐᓕᒃᐸᑕ ᐊᑕᓂᐅᓪᓗ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑕ, ᓄᓇᓖᑦ ᖃᐅᔨᖏᒃᑲᓗᐊᕐᑎᓪᓗᒋᑦ, ᑕᕝᕙ ᑕᒪᕐᒥᒃ ᐸᓯᔭᒃᓴᐅᓕᕐᐳᑦ. 14ᖃᐅᔨᓕᕈᑎᒡᓗ ᐊᔪᕐᑐᓕᓯᒪᓂᕐᒥᖕᓂᒃ, ᓄᓇᓖᑦ ᐊᖓᔪᖅᑳᖏᑦ ᕾᑦᓯᔪᒃᓴᐅᕗᑦ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ; ᑖᓐᓇ ᐊᔪᕐᑐᓕᓂᕐᒧᑦ ᑐᓂᕐᕈᑎᒃᓴᐅᖁᓪᓗᒍ, ᕾᑦᔪᑎᓗᒍᓗ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᓴᓂᐊᓄᑦ. 15ᓄᓇᓖᑦ ᐊᖓᔪᖅᑳᖏᑦ ᐸᑎᒻᒥᒃᓯᕐᑐᒃᓴᐅᕗᑦ ᐆᒪᔫᑉ ᓂᐊᖁᐊᓂᒃ ᐊᑕᓂᐅᑉ ᓵᖓᓂ, ᑕᕝᕙᓂᓗ ᐊᑕᓂᐅᑉ ᓵᖓᓂ ᑐᖁᑕᐅᓗᓂ. 16ᑕᕝᕙᓕ ᑐᓂᕐᕈᓯᕐᑎᑦᓯᔨᐅᑉ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔫᑉ ᑎᓕᔭᐅᓂᒃᑯᑦ, ᐊᖑᓴᓪᓘᑉ ᐊᐅᖓᑕ ᐃᓚᖓᓂᒃ ᐃᑎᕈᑦᔨᔭᕆᐊᖃᕐᐳᖅ ᑐᐱᕐᒧᑦ ᑲᑎᒪᕕᖕᒧᑦ. 17ᑎᑭᓂᓗ ᐊᐅᖕᒧᑦ ᒥᓱᒡᓗᒍ ᐊᑕᓂᐅᑉ ᓵᖓᓂ ᓯᕿᔭᕐᑎᑕᒃᓴᕆᕚ 7ᐃᕐᑐᕐᓗᓂ ᐃᑦᔪᕐᓁᑦᑐᕕᐅᑉ ᑕᓗᐊᑕ ᓵᖓᓂ. 18ᑐᓂᕐᕈᓯᕐᑎᑦᓯᔨᐅᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᑉ ᐃᓚᖓᓂᒃ ᒥᖑᐊᒐᒃᓴᕆᕔᑦ ᐊᑕᓂᐅᑉ ᓇᔪᒐᖓᓃᑦᑐᑦ ᑐᐱᕐᒥ ᑲᑎᒪᕕᖕᒥ. ᐊᐅᓪᓗ ᑖᑦᓱᒪ ᐊᒥᐊᒃᑯᖓ ᑯᕕᔭᒃᓴᕆᕚ ᐃᑯᐊᓚᑦᓯᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓃᑦᑐᒧᑦ. 19ᑐᓂᕐᕈᓯᕐᑎᐅᓪᓗ ᐊᖑᓴᓪᓘᑉ ᑐᓐᓄᓕᒫᖏᑦ ᐲᔭᒐᒃᓴᕆᕔᑦ, ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ. 20ᑍᒫᑦᓮᓐᓇᕐᓗ ᐊᖑᓴᓪᓗᖅ ᐱᔭᕆᐊᖃᕐᐹ ᐊᖑᓴᓪᓗᕐᑐᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ. 21ᐊᖑᓴᓪᓗᕐᓗ ᑖᓐᓇ ᓄᓇᓖᑦ ᓯᓚᑖᓄᑦ ᐊᐅᓪᓚᕈᑎᔭᒃᓴᕆᕚ ᐃᑯᐊᓚᑎᓪᓗᒍᓗ ᐊᖑᓴᓪᓗᕐᑐᑦ ᓯᕗᓪᓕᕐᑐᑦ. ᑍᒫᒃ ᑕᕝᕙ ᐱᔭᕆᐊᖃᕐᐳᑦ ᓄᓇᓖᑦ ᐊᔪᕐᑐᓕᓂᖏᑦ ᑐᓂᕐᕈᓯᕈᑕᐅᑎᓪᓗᒋᑦ.
22“ᐃᓄᐃᓪᓗ ᓯᕗᓕᕐᑎᖓᑦ ᐱᔮᕆᖏᓪᓗᓂ ᐊᔪᕐᑐᓕᒃᐸᑦ, ᐱᓂᐊᕐᐸᓪᓗ ᐊᑕᓂᐅᑉ ᒎᑎᐅᑉ ᐱᖁᔭᖏᓐᓂᑦ ᐊᑐᖁᔭᐅᖏᑦᑐᒥᒃ, ᑖᓐᓇ ᐸᓯᔭᒃᓴᐅᕗᖅ. 23ᓇᓗᔪᓐᓁᕐᑎᑕᐅᒃᐸᓪᓗ ᐊᔪᕐᑐᓕᓂᕆᔭᖓᓂᒃ, ᑐᓂᕐᕈᑎᒃᓴᖃᕆᐊᖃᕐᐳᖅ ᒎᑦᓯᒥᒃ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ. 24ᓯᕗᓕᕐᑎᐅᑉ ᒎᑦᓯᐅᑉ ᓂᐊᖁᐊ ᐸᑎᒃᓯᒪᔭᕆᐊᖃᕐᐹ ᑐᖁᓪᓗᓂᐅᒡᓗ ᐃᑯᐊᓚᑦᓯᓂᕐᒧᑦ ᑐᓂᕐᕈᑎᒃᓮᑦ ᑐᖁᑕᐅᕕᒋᕙᒃᑕᖓᓂ ᐊᑕᓂᐅᑉ ᓵᖓᓂ. ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᖕᒪᑦ. 25ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓄᑦ ᑎᑭᓂ ᒥᓱᒃᑕᒃᓴᕆᕚ ᑐᓂᕐᕈᓯᕐᕕᐅᓪᓗ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᒐᒃᓴᕆᕔᑦ ᑯᕕᓗᒍᓗ ᐊᒥᐊᒃᑯᖓ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. 26ᐆᒪᔫᓪᓗ ᑐᓐᓄᓕᒫᖏᑦ ᐃᑯᐊᓪᓚᒐᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᑐᑦ ᐱᔭᕆᐊᖃᕐᐳᖅ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨ ᑐᖁᑕᒃᓴᒥᒃ ᑐᓂᕐᕈᑎᖃᕐᓂᐊᕐᐳᖅ ᓯᕗᓕᕐᑎᐅᑉ ᐊᔪᕐᓂᖏᑦ ᐱᓪᓗᒋᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.
27 #
ᒨᓯᓯ ᓯᑕᒪᖏᑦ 15:27,28. “ᓄᓇᓕᖕᓂ ᓄᓇᖃᖃᑕᐅᔪᖅ ᐱᔮᕆᖏᓪᓗᓂ ᐊᔪᕐᑐᓕᕐᐸᑦ ᐱᓕᕆᒃᐸᓪᓗ ᐊᑕᓂᐅᑉ ᐱᖁᔭᖏᑕ ᐊᑐᖁᓐᖏᑕᖓᓂᒃ ᑖᓐᓇ ᐸᓯᔭᒃᓴᐅᕗᖅ. 28ᐊᔪᕐᑐᓕᓂᖓᓂᒃ ᓇᓗᔪᓐᓃᕐᑎᑕᐅᒃᐸᑦ, ᑖᓐᓇ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᒃᓴᐅᕗᖅ ᐊᔪᕐᑐᓕᓂᓂ ᐱᓪᓗᒍ, ᒎᑦᓯᒥᒃ ᐊᕐᓇᓪᓗᖕᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ. 29ᑖᑦᓱᒪ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕐᕕᖕᒥ. 30ᑕᕝᕙ ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᐃᑯᐊᓚᔪᓂᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ, ᐊᐅᓪᓗ ᐊᒥᐊᒃᑯᐊ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. 31ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ. 32ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᑎᒃᓴᖃᕐᐸᑦ ᐊᔪᕐᑐᓕᓂ ᐱᓪᓗᒍ, ᑐᓂᕐᕈᑎᒃᓴᖃᕐᑐᒃᓴᐅᕗᖅ ᐊᕐᓇᓪᓗᖕᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ. 33ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐊᔪᕐᑐᓕᓂᖅ ᐱᓪᓗᒍ, ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᖁᑕᐅᕕᒋᕙᒃᑕᖓᓐᓂ. 34ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᑐᓂᕐᕈᓯᕐᕕᐅᑉ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ ᐊᐅᓪᓗ ᐊᒥᐊᒃᑯᖓ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. 35ᑐᓂᕐᕈᓯᕐᓂᐊᕐᑑᑉ ᓰᐱᐅᑉ ᓄᕐᕋᖓᑕ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ; ᑍᒫᑦᓮᓐᓇᕐᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᑉ ᑐᓐᓄᖏᑦ ᐲᔭᕐᑕᐅᕙᖕᒪᑕ ᑐᓂᕐᕈᓯᕐᑎᑦᓯᔨᐅᓪᓗ ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᐅᑉ ᖄᖓᓂ, ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ; ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.