ᒨᓯᓯ ᐱᖓᔪᖏᑦ 6
6
1 #
ᒨᓯᓯ ᓯᑕᒪᖏᑦ 5:5-8. ᐊᑕᓂᐅᑉ ᒨᓯᓯ ᐅᖃᐅᑎᕚ, ᐅᖃᕐᓗᓂ: 2“ᐊᔪᕐᑐᓕᔪᖃᕐᐸᑦ ᐊᑕᓂᕐᒧᓪᓗ ᐅᒃᐱᕐᓂᕐᒥᓂᒃ ᑲᔪᓯᖏᓪᓗᓂ ᐃᓅᖃᑎᒥᓂᒡᓗ ᐅᐃᕕᕆᒃᓯᒃᐸᑦ ᐱᓯᒪᒃᓯᑎᑕᐅᓂᕐᒥᓂᒃ, ᑲᒪᔨᐅᑎᑕᐅᓂᕐᒥᒡᓘᓐᓃᑦ, ᐃᓅᖃᑎᒥᓂᒡᓘᓐᓃᑦ ᑎᒡᓕᒃᐸᑦ, ᓯᓔᕐᕆᒃᓯᒃᐸᓪᓘᓐᓃᑦ ᐃᓅᖃᑎᒥᓂᒃ, 3ᐅᕝᕙᓘᓐᓃᑦ ᐊᓯᐅᔨᔭᐅᓯᒪᔪᓂᒃ ᓇᓂᓯᓗᓂ ᓴᒡᓗᑦᔪᑎᒋᒃᐸᒋᑦ, ᐊᖏᕈᑎᖃᕐᐸᓪᓗ ᓱᓕᑦᓯᐊᕈᑎᒥᒃ ᓱᓕᖏᓪᓗᓂ, ᐅᕝᕙᓘᓐᓃᑦ ᐊᓯᖏᓐᓂᒃ ᐊᔪᕐᑐᓕᒃᐸᑦ ᓇᓪᓕᐊᓐᓂᒃ ᐃᓄᐃᑦ ᐊᔪᕐᑐᓕᓂᕆᕙᒃᑕᖏᓐᓂᒃ. 4ᓇᓪᓕᐊᓐᓂᒃ ᐊᔪᕐᑐᓕᒃᐸᑦ ᑕᕝᕙ ᐸᓯᔭᒃᓴᐅᓕᕐᐳᖅ, ᐅᑎᕐᑎᑦᓯᔭᕆᐊᖃᕐᐳᖅ ᑎᒡᓕᓚᐅᕐᑕᒥᓂᒃ, ᓵᓚᖃᕐᓂᕐᒥᓄᓪᓗ ᐊᕐᓵᕐᓯᑦᔪᑎᒋᓚᐅᕐᑕᒥᓂᒃ, ᑲᒪᒋᔭᕆᓚᐅᕐᑕᒥᓂᒡᓘᓐᓃᑦ, ᓇᓂᓚᐅᕐᑕᒥᓂᒡᓘᓐᓃᑦ ᐱᒋᔭᐅᔪᒥᒃ. 5ᑲᔪᓯᓂᐊᕐᓂᕋᕐᓗᓂᓗ ᓴᒡᓗᓂᕆᓚᐅᕐᑕᒥᓂᒃ. ᐅᑎᕐᑎᑦᓯᑦᓯᐊᕆᐊᖃᕐᐳᖅ 20ᐳᓴᒥᒡᓗ ᐃᓚᒃᑲᓐᓂᕐᓗᒋᑦ ᐅᑎᕐᑎᑕᓂ ᐃᓄᐊᓄᑦ ᑖᑦᓱᒧᖓ, ᐅᓪᓗᒥ ᑖᑦᓱᒪᓂᑦᓮᓐᓇᖅ ᐸᓯᔭᒃᓴᐅᓂᓂ ᐱᓪᓗᒍ ᑐᓂᕐᕈᓯᕐᕕᖕᒥᓂ. 6ᓱᒋᐊᕐᑕᐅᑦᔪᑎᒥᓂᒡᓗ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ ᐊᑕᓂᕐᒧᑦ ᑐᓂᕐᕈᑎᒥᓂᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᓰᐱᐅᑉ ᐊᖑᓴᓪᓗᖓᓂᒃ, ᖃᓄᐃᓐᓂᖃᖏᑦᓯᐊᕐᑐᒥᒃ, ᐊᑭᓖᑦᔪᑎᒋᓗᓂᐅᒃ ᐊᑭᓕᐅᑎᓪᓗᐊᕐᑐᒥᒃ. 7ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ, ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ ᐸᓯᔭᒃᓴᐅᑦᔪᑎᓕᒫᒥᓂᒃ.”
ᑐᓂᕐᕈᑏᑦ ᐃᑯᐊᓚᑎᑕᒃᓴᑦ
8ᐊᑕᓂᐅᑉ ᒨᓯᓯ ᐅᖃᐅᑎᕚ, ᐅᖃᕐᓗᓂ: 9“ᐂᕉᓂ ᐃᕐᓂᖏᓪᓗ ᐃᒫᒃ ᐱᖁᒃᑭᑦ: ᐅᑯᐊ ᑕᕝᕙ ᐱᖁᔧᑦ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᐱᓪᓗᒋᑦ: ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᓂᕐᕈᓯᕐᕕᐅᑉ ᖄᖓᓃᑦᓴᕆᐊᖃᕐᐳᑦ ᐅᓐᓄᐊᖅ ᓈᓗᒍ ᐅᓪᓛᖅ ᑎᑭᓪᓗᒍ, ᑐᓂᕐᕈᓯᕐᕕᒡᓕ ᐃᑯᒪᕾᓐᓇᕆᐊᖃᕐᐳᖅ. 10ᑐᓂᕐᕈᓯᕐᑎᑦᓯᔨ ᑕᕝᕙ ᐊᑎᓯᔭᕆᐊᖃᕐᐳᖅ ᐃᓗᓪᓕᕐᒥᓂᒃ ᓵᑦᑐᓂᒃ. ᐅᕕᓂᕈᕐᒥᒃ ᓵᑦᑐᒥᒃ ᖃᕐᓕᖕᒥᓂᒡᓗ ᓵᑦᑐᓂᒃ, ᐲᕐᓗᒋᓪᓗ ᑐᓂᕐᕈᑎᕕᓂᐅᑉ ᐊᕐᔭᓕᓂᖏᑦ ᐃᑯᐊᓚᑕᐅᓗᑎᒃ ᑐᓂᕐᕈᑎᕕᓃᑦ ᐃᑯᒪᒧᑦ ᓄᖑᑕᐅᓯᒪᔪᑦ, ᑐᓂᕐᕈᓯᕐᕕᐅᓪᓗ ᓴᓂᐊᓄᑦ ᐃᓕᓗᒋᑦ. 11ᑍᒫᒡᓗ ᐊᑐᕐᑕᓂ ᑖᒃᑯᐊ ᐲᕐᓗᒋᑦ ᐊᓯᖏᓐᓂᒡᓗ ᐊᑎᓯᔪᒃᓴᐅᕗᖅ, ᐊᕐᔭᓕᓃᑦ ᑖᒃᑯᐊ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ ᐃᓕᖅᑯᓯᖅ ᒪᓕᒡᓗᒍ ᓴᓗᒻᒪᕐᓴᕐᑕᐅᓯᒪᔪᒧᑦ. 12ᐃᑯᒪ ᑐᓂᕐᕈᓯᕐᕕᖕᒦᑦᑐᖅ ᐃᑯᒤᓐᓇᕆᐊᖃᕐᐳᖅ; ᖃᒥᑦᓴᕆᐊᖃᓐᖏᓚᖅ. ᐅᓪᓛᑕᒫᑦ ᑐᓂᕐᕈᓯᕐᑎᑦᓯᔨ ᐃᓕᓯᔭᕆᐊᖃᕐᐳᖅ ᕿᔪᖕᓂᒃ ᐃᑯᐊᓚᒐᒃᓮᓪᓗ ᑐᓂᕐᕈᑏᑦ ᐋᖅᑭᒃᓱᒃᑲᓐᓂᕐᐸᒡᓗᒋᑦ, ᑐᓐᓄᕐᓂᒡᓗ ᐃᑯᐊᓪᓚᖅᑯᓯᕐᐸᒡᓗᒋᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᕕᓃᑦ ᖄᖏᓐᓃᑦᑐᑦ. 13ᑐᓂᕐᕈᓯᕐᕕᖕᒥ ᐃᑯᒪ ᐃᑯᒤᓐᓇᕆᐊᖃᕐᐳᖅ ᑍᒪᓐᖓᑦ, ᖃᒥᑦᓴᕆᐊᖃᓐᖏᓚᖅ.”
ᓂᐊᖂᔭᑦ ᑐᓂᕐᕈᑎᒃᓮᑦ
14“ᐅᑯᐊ ᑕᕝᕙ ᐱᖁᔧᑦ ᓂᐊᖂᔭᑦ ᑐᓂᕐᕈᑎᒃᓮᑦ ᐱᓪᓗᒋᑦ: ᐂᕉᓂᐅᑉ ᐃᕐᓂᖏᑦ ᑖᒃᑯᓂᖓ ᐊᑕᓂᐅᑉ ᓇᔪᒐᖓᓄᐊᕐᓯᔭᕆᐊᖃᕐᐳᑦ ᑐᓂᕐᕈᓯᕐᕕᖕᒧᑦ. 15ᑐᓂᕐᕈᓯᕐᑎᑦᓯᔨ ᑎᒍᓯᔭᕆᐊᖃᕐᐳᖅ ᓂᐊᖂᔭᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐅᕐᓱᒥᒡᓗ ᐃᓚᖃᕐᓗᒍ ᑎᐱᑦᓯᐊᕆᒃᑐᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓴᓐᓯᒥᒃ ᑐᓂᕐᕈᑎᒃᓴᖅ ᓂᐊᖂᔭᖅ, ᑖᓐᓇᓗ ᐃᑯᐊᓪᓚᒃᑎᓪᓗᒍ ᑐᓂᕐᕈᓯᕐᕕᖕᒥ ᓇᓗᓁᒃᑯᑕᐅᓗᓂ ᐃᖅᑲᐅᒪᑦᔪᑎᒃᓴᒥᒃ ᓂᐊᖂᔭᖅ ᑖᓐᓇ ᑐᓂᕐᕈᑕᐅᖕᒪᑦ ᑎᐱᖓᓗ ᒪᒪᕆᔭᐅᓪᓗᓂ ᐊᑕᓂᕐᒧᑦ. 16ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᐊᒥᐊᒃᑯᖓ ᓂᕆᔭᒃᓴᕆᕚᑦ, ᓂᕆᔭᐅᔭᕆᐊᖃᕐᐳᕐᓕ ᐳᕙᓪᓚᕐᓴᐅᑎᖃᖏᓪᓗᓂ ᐃᑦᔪᕐᓁᑦᑐᕕᖕᒥ; ᓂᕆᔭᕆᐊᖃᕐᐹᓪᓗ ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ. 17ᐳᕙᓪᓚᕐᓴᐅᑎᒥᒃ ᐃᓚᖃᕐᓗᓂ ᐃᒐᔭᐅᔭᕆᐊᖃᓐᖏᓚᖅ; ᐅᕙᖓ ᑐᓂᒐᒃᑯ ᑖᒃᑯᓄᖓ ᓂᕆᖃᑎᒋᓗᒋᑦ ᑐᓂᕐᕈᑎᒥᒃ ᐅᕙᓐᓄᑦ ᑐᓂᔭᐅᔪᒥᒃ ᐃᑯᒪᒃᑯᑦ. ᑍᒫᒃ ᓱᓕ ᐊᔪᕐᓂᖅ ᐱᓪᓗᒍ ᑐᓂᕐᕈᑎᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᑎᑐᑦ, ᑍᒤᑦᑐᖅ ᐃᑦᔪᕐᓁᓐᓂᕐᐹᖑᖕᒪᑦ. 18ᐊᖑᑎᑦ ᐂᕉᓂᐅᑉ ᑭᖑᕚᖏᑦ ᓂᕆᔪᒃᓴᐅᕗᑦ. ᑕᒪᒃᑯᐊ ᐊᒥᐊᒃᑯᔭᐅᑦᔪᓯᐊᕆᖕᒪᒋᑦ ᑐᓂᕐᕈᑎᓂᑦ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ, ᑭᖑᕚᖏᑕ ᐊᑐᕐᓂᐊᕐᑕᖓ ᑭᖑᓪᓕᒃᓴᒥᖕᓄᑦ. ᓇᓪᓕᐊᑦ ᑖᒃᑯᓂᖓ ᐊᒃᑐᐃᔪᖅ ᐃᑦᔪᕐᓁᓕᓂᐊᕐᐳᖅ.”
19ᐊᑕᓂᐅᑉ ᒨᓯᓯ ᐅᖃᐅᑎᒋᕚ, 20“ᐃᒤᑦᑐᒥᒃ ᐂᕉᓂ ᐃᕐᓂᖏᓪᓗ ᑐᓂᕐᕈᓯᕆᐊᖃᕐᐳᑦ ᐅᓪᓗᒥ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᕕᖕᒥᖕᓂ: ᐅᖁᒤᓐᓂᐅᑉ ᓇᑉᐹᓂᒃ ᐅᖁᒤᑎᒋᔪᒥᒃ ᓂᐊᖂᔭᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᑉ ᑐᓂᕐᕈᑕᐅᓂᖓᓂᒃ, ᑖᑦᓱᒪ ᓇᑉᐹ ᐅᓪᓛᒃᑯᑦ ᑐᓂᕐᕈᑎᒋᓗᒍ ᓇᑉᐹᓗ ᐅᓐᓄᒃᐸᑦ ᑐᓂᕐᕈᑎᒋᓗᒍ. 21ᓴᓇᔭᕆᐊᖃᕐᐹᑦ ᐅᕐᓱᒥᒃ ᐃᓚᓗᒍ ᐃᒐᓗᒍᓗ, ᐃᖑᓚᑦᓯᐊᕐᓗᒍ ᑐᓂᕐᕈᑎᒋᓗᒍ, ᑎᐱᖓᓗ ᒪᒪᕆᔭᐅᕗᖅ ᐊᑕᓂᕐᒧᑦ. 22ᑖᒃᑯᐊᓗ ᐃᕐᓂᖓᑦ ᑭᖑᕝᕕᐅᑎᓂᐊᓕᕈᓂ ᒥᖑᐊᕐᑕᐅᕕᖏᓐᓂ ᐅᕐᓱᒧᑦ, ᑍᒥᑦᑐᒥᒃ ᓴᓇᔭᕆᐊᖃᕐᐳᖅ. ᑖᓐᓇ ᐊᑕᓂᐅᑉ ᐱᔭᒃᓴᕆᖕᒪᒍ ᑕᒪᒃᑭᕐᓗᒍ ᐃᑯᐊᓚᑎᑕᐅᔭᕆᐊᖃᕐᐳᖅ. 23ᓂᐊᖂᔭᑦ ᑐᓂᕐᕈᓯᕐᑎᑦᓯᔨᒧᑦ ᑐᓂᔭᐅᔪᓕᒫᑦ ᐃᑯᐊᓚᑎᑕᐅᔭᕆᐊᖃᕐᐳᑦ, ᓂᕆᔭᐅᔭᕆᐊᖃᓐᖏᓚᑦ.”
ᑐᓂᕐᕈᑎᒃᓮᑦ ᐊᔪᕐᓂᖅ ᐱᓪᓗᒍ
24ᐊᑕᓂᐅᑉ ᒨᓯᓯ ᐅᖃᐅᑎᕚ, 25“ᐂᕉᓂᓗ ᐃᕐᓂᖏᓪᓗ ᐅᖃᐅᑎᒃᑭᑦ: ᐃᒫᒃ ᒪᓕᒐᖃᕐᐳᑦ ᑐᓂᕐᕈᑏᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᔪᑦ. ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᖅ ᐆᒪᔪᖅ, ᑐᖁᑕᐅᔭᕆᐊᖃᕐᐳᖅ ᐊᑕᓂᐅᑉ ᓵᖓᓂ ᐃᑯᐊᓚᑎᑕᒃᓮᑦ ᑐᓂᕐᕈᑏᑦ ᑐᖁᑕᐅᕕᖓᓐᓂ, ᑍᒤᑦᑐᑦ ᐃᑦᔪᕐᓁᓐᓂᕐᐹᖑᖕᒪᑕ. 26ᑐᓂᕐᕈᓯᕐᑎᑦᓯᔨ ᑐᓂᕐᕈᑎᖃᕐᑐᖅ ᑖᑦᓱᒥᖓ ᓂᕆᔭᕆᐊᖃᕐᐳᖅ; ᐃᑦᔪᕐᓁᑦᑐᕕᖕᒥᓗ ᑭᓯᐊᓂ ᓂᕆᔭᕆᐊᖃᕐᐹ, ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ. 27ᐊᓯᖏᓐᓄᑦ ᒪᑯᓄᖓᑐᐃᓐᓇᖅ ᓂᕿᖓ ᐊᒃᑐᕐᑕᐅᒃᐸᑦ, ᐃᑦᔪᕐᓁᓐᓂᖓᓄ ᐊᒃᑐᕐᓯᔪᖅ ᐃᑦᔪᕐᓁᓕᕗᖅ, ᐊᓐᓄᕌᒥᒡᓗ ᑕᕝᕙᓐᖓᑦ ᐊᐅᒥᑎᕐᑐᖃᕐᐸᑦ, ᐃᑦᔪᕐᓁᑦᑐᕕᖕᒥ ᑭᓯᐊᓂ ᐅᐊᓴᕐᑕᐅᔭᕆᐊᖃᕐᐳᖅ. 28ᐅᔭᕋᖕᒧᑦ ᐅᒃᑯᓯᖕᒧᑦ ᐃᒐᔭᐅᒃᐸᑦ ᐅᒃᑯᓯᒃ ᓯᖁᒥᑕᐅᔭᕆᐊᖃᕐᐳᖅ, ᐅᒃᑯᓯᖕᒧᓪᓕ ᑲᓐᓄᔭᒧᑦ ᓴᕕᕋᔭᖕᒧᑦ ᐃᒐᔭᐅᒃᐸᑦ ᐅᒃᑯᓯᒃ ᐅᐊᓴᕐᑕᐅᑦᓯᐊᕆᐊᖃᕐᐳᖅ ᐃᒥᕐᒧᓪᓗ ᐃᕐᕈᕐᑐᕐᓗᒍ. 29ᐊᖑᑎᓕᒫᑦ ᓇᓪᓕᐊᑐᐃᓐᓇᖅ ᑐᓂᕐᕈᓯᕐᑎᑦᓯᔨᐅᑉ ᐃᓚᖏᑦ ᓂᕆᔪᓐᓇᕐᐳᑦ ᑖᑦᓱᒥᖓ. ᑖᓐᓇ ᐃᑦᔪᕐᓁᓐᓂᕐᐹᖑᖕᒪᑦ. 30ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓ ᑐᐱᕐᒧᑦ ᑲᑎᒪᕕᖕᒧᑦ ᐱᑎᑕᐅᔪᖅ ᐃᓱᒪᒋᔪᓐᓁᕐᕕᐅᑦᔪᑕᐅᔪᖅ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᓐᖏᓚᖅ; ᐃᑯᐊᓪᓚᒃᑕᐅᔭᕆᐊᖃᕐᐳᕐᓕ.”
Currently Selected:
ᒨᓯᓯ ᐱᖓᔪᖏᑦ 6: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 6
6
1 #
ᒨᓯᓯ ᓯᑕᒪᖏᑦ 5:5-8. ᐊᑕᓂᐅᑉ ᒨᓯᓯ ᐅᖃᐅᑎᕚ, ᐅᖃᕐᓗᓂ: 2“ᐊᔪᕐᑐᓕᔪᖃᕐᐸᑦ ᐊᑕᓂᕐᒧᓪᓗ ᐅᒃᐱᕐᓂᕐᒥᓂᒃ ᑲᔪᓯᖏᓪᓗᓂ ᐃᓅᖃᑎᒥᓂᒡᓗ ᐅᐃᕕᕆᒃᓯᒃᐸᑦ ᐱᓯᒪᒃᓯᑎᑕᐅᓂᕐᒥᓂᒃ, ᑲᒪᔨᐅᑎᑕᐅᓂᕐᒥᒡᓘᓐᓃᑦ, ᐃᓅᖃᑎᒥᓂᒡᓘᓐᓃᑦ ᑎᒡᓕᒃᐸᑦ, ᓯᓔᕐᕆᒃᓯᒃᐸᓪᓘᓐᓃᑦ ᐃᓅᖃᑎᒥᓂᒃ, 3ᐅᕝᕙᓘᓐᓃᑦ ᐊᓯᐅᔨᔭᐅᓯᒪᔪᓂᒃ ᓇᓂᓯᓗᓂ ᓴᒡᓗᑦᔪᑎᒋᒃᐸᒋᑦ, ᐊᖏᕈᑎᖃᕐᐸᓪᓗ ᓱᓕᑦᓯᐊᕈᑎᒥᒃ ᓱᓕᖏᓪᓗᓂ, ᐅᕝᕙᓘᓐᓃᑦ ᐊᓯᖏᓐᓂᒃ ᐊᔪᕐᑐᓕᒃᐸᑦ ᓇᓪᓕᐊᓐᓂᒃ ᐃᓄᐃᑦ ᐊᔪᕐᑐᓕᓂᕆᕙᒃᑕᖏᓐᓂᒃ. 4ᓇᓪᓕᐊᓐᓂᒃ ᐊᔪᕐᑐᓕᒃᐸᑦ ᑕᕝᕙ ᐸᓯᔭᒃᓴᐅᓕᕐᐳᖅ, ᐅᑎᕐᑎᑦᓯᔭᕆᐊᖃᕐᐳᖅ ᑎᒡᓕᓚᐅᕐᑕᒥᓂᒃ, ᓵᓚᖃᕐᓂᕐᒥᓄᓪᓗ ᐊᕐᓵᕐᓯᑦᔪᑎᒋᓚᐅᕐᑕᒥᓂᒃ, ᑲᒪᒋᔭᕆᓚᐅᕐᑕᒥᓂᒡᓘᓐᓃᑦ, ᓇᓂᓚᐅᕐᑕᒥᓂᒡᓘᓐᓃᑦ ᐱᒋᔭᐅᔪᒥᒃ. 5ᑲᔪᓯᓂᐊᕐᓂᕋᕐᓗᓂᓗ ᓴᒡᓗᓂᕆᓚᐅᕐᑕᒥᓂᒃ. ᐅᑎᕐᑎᑦᓯᑦᓯᐊᕆᐊᖃᕐᐳᖅ 20ᐳᓴᒥᒡᓗ ᐃᓚᒃᑲᓐᓂᕐᓗᒋᑦ ᐅᑎᕐᑎᑕᓂ ᐃᓄᐊᓄᑦ ᑖᑦᓱᒧᖓ, ᐅᓪᓗᒥ ᑖᑦᓱᒪᓂᑦᓮᓐᓇᖅ ᐸᓯᔭᒃᓴᐅᓂᓂ ᐱᓪᓗᒍ ᑐᓂᕐᕈᓯᕐᕕᖕᒥᓂ. 6ᓱᒋᐊᕐᑕᐅᑦᔪᑎᒥᓂᒡᓗ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ ᐊᑕᓂᕐᒧᑦ ᑐᓂᕐᕈᑎᒥᓂᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᓰᐱᐅᑉ ᐊᖑᓴᓪᓗᖓᓂᒃ, ᖃᓄᐃᓐᓂᖃᖏᑦᓯᐊᕐᑐᒥᒃ, ᐊᑭᓖᑦᔪᑎᒋᓗᓂᐅᒃ ᐊᑭᓕᐅᑎᓪᓗᐊᕐᑐᒥᒃ. 7ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ, ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ ᐸᓯᔭᒃᓴᐅᑦᔪᑎᓕᒫᒥᓂᒃ.”
ᑐᓂᕐᕈᑏᑦ ᐃᑯᐊᓚᑎᑕᒃᓴᑦ
8ᐊᑕᓂᐅᑉ ᒨᓯᓯ ᐅᖃᐅᑎᕚ, ᐅᖃᕐᓗᓂ: 9“ᐂᕉᓂ ᐃᕐᓂᖏᓪᓗ ᐃᒫᒃ ᐱᖁᒃᑭᑦ: ᐅᑯᐊ ᑕᕝᕙ ᐱᖁᔧᑦ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᐱᓪᓗᒋᑦ: ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᓂᕐᕈᓯᕐᕕᐅᑉ ᖄᖓᓃᑦᓴᕆᐊᖃᕐᐳᑦ ᐅᓐᓄᐊᖅ ᓈᓗᒍ ᐅᓪᓛᖅ ᑎᑭᓪᓗᒍ, ᑐᓂᕐᕈᓯᕐᕕᒡᓕ ᐃᑯᒪᕾᓐᓇᕆᐊᖃᕐᐳᖅ. 10ᑐᓂᕐᕈᓯᕐᑎᑦᓯᔨ ᑕᕝᕙ ᐊᑎᓯᔭᕆᐊᖃᕐᐳᖅ ᐃᓗᓪᓕᕐᒥᓂᒃ ᓵᑦᑐᓂᒃ. ᐅᕕᓂᕈᕐᒥᒃ ᓵᑦᑐᒥᒃ ᖃᕐᓕᖕᒥᓂᒡᓗ ᓵᑦᑐᓂᒃ, ᐲᕐᓗᒋᓪᓗ ᑐᓂᕐᕈᑎᕕᓂᐅᑉ ᐊᕐᔭᓕᓂᖏᑦ ᐃᑯᐊᓚᑕᐅᓗᑎᒃ ᑐᓂᕐᕈᑎᕕᓃᑦ ᐃᑯᒪᒧᑦ ᓄᖑᑕᐅᓯᒪᔪᑦ, ᑐᓂᕐᕈᓯᕐᕕᐅᓪᓗ ᓴᓂᐊᓄᑦ ᐃᓕᓗᒋᑦ. 11ᑍᒫᒡᓗ ᐊᑐᕐᑕᓂ ᑖᒃᑯᐊ ᐲᕐᓗᒋᑦ ᐊᓯᖏᓐᓂᒡᓗ ᐊᑎᓯᔪᒃᓴᐅᕗᖅ, ᐊᕐᔭᓕᓃᑦ ᑖᒃᑯᐊ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ ᐃᓕᖅᑯᓯᖅ ᒪᓕᒡᓗᒍ ᓴᓗᒻᒪᕐᓴᕐᑕᐅᓯᒪᔪᒧᑦ. 12ᐃᑯᒪ ᑐᓂᕐᕈᓯᕐᕕᖕᒦᑦᑐᖅ ᐃᑯᒤᓐᓇᕆᐊᖃᕐᐳᖅ; ᖃᒥᑦᓴᕆᐊᖃᓐᖏᓚᖅ. ᐅᓪᓛᑕᒫᑦ ᑐᓂᕐᕈᓯᕐᑎᑦᓯᔨ ᐃᓕᓯᔭᕆᐊᖃᕐᐳᖅ ᕿᔪᖕᓂᒃ ᐃᑯᐊᓚᒐᒃᓮᓪᓗ ᑐᓂᕐᕈᑏᑦ ᐋᖅᑭᒃᓱᒃᑲᓐᓂᕐᐸᒡᓗᒋᑦ, ᑐᓐᓄᕐᓂᒡᓗ ᐃᑯᐊᓪᓚᖅᑯᓯᕐᐸᒡᓗᒋᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᕕᓃᑦ ᖄᖏᓐᓃᑦᑐᑦ. 13ᑐᓂᕐᕈᓯᕐᕕᖕᒥ ᐃᑯᒪ ᐃᑯᒤᓐᓇᕆᐊᖃᕐᐳᖅ ᑍᒪᓐᖓᑦ, ᖃᒥᑦᓴᕆᐊᖃᓐᖏᓚᖅ.”
ᓂᐊᖂᔭᑦ ᑐᓂᕐᕈᑎᒃᓮᑦ
14“ᐅᑯᐊ ᑕᕝᕙ ᐱᖁᔧᑦ ᓂᐊᖂᔭᑦ ᑐᓂᕐᕈᑎᒃᓮᑦ ᐱᓪᓗᒋᑦ: ᐂᕉᓂᐅᑉ ᐃᕐᓂᖏᑦ ᑖᒃᑯᓂᖓ ᐊᑕᓂᐅᑉ ᓇᔪᒐᖓᓄᐊᕐᓯᔭᕆᐊᖃᕐᐳᑦ ᑐᓂᕐᕈᓯᕐᕕᖕᒧᑦ. 15ᑐᓂᕐᕈᓯᕐᑎᑦᓯᔨ ᑎᒍᓯᔭᕆᐊᖃᕐᐳᖅ ᓂᐊᖂᔭᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐅᕐᓱᒥᒡᓗ ᐃᓚᖃᕐᓗᒍ ᑎᐱᑦᓯᐊᕆᒃᑐᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓴᓐᓯᒥᒃ ᑐᓂᕐᕈᑎᒃᓴᖅ ᓂᐊᖂᔭᖅ, ᑖᓐᓇᓗ ᐃᑯᐊᓪᓚᒃᑎᓪᓗᒍ ᑐᓂᕐᕈᓯᕐᕕᖕᒥ ᓇᓗᓁᒃᑯᑕᐅᓗᓂ ᐃᖅᑲᐅᒪᑦᔪᑎᒃᓴᒥᒃ ᓂᐊᖂᔭᖅ ᑖᓐᓇ ᑐᓂᕐᕈᑕᐅᖕᒪᑦ ᑎᐱᖓᓗ ᒪᒪᕆᔭᐅᓪᓗᓂ ᐊᑕᓂᕐᒧᑦ. 16ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᐊᒥᐊᒃᑯᖓ ᓂᕆᔭᒃᓴᕆᕚᑦ, ᓂᕆᔭᐅᔭᕆᐊᖃᕐᐳᕐᓕ ᐳᕙᓪᓚᕐᓴᐅᑎᖃᖏᓪᓗᓂ ᐃᑦᔪᕐᓁᑦᑐᕕᖕᒥ; ᓂᕆᔭᕆᐊᖃᕐᐹᓪᓗ ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ. 17ᐳᕙᓪᓚᕐᓴᐅᑎᒥᒃ ᐃᓚᖃᕐᓗᓂ ᐃᒐᔭᐅᔭᕆᐊᖃᓐᖏᓚᖅ; ᐅᕙᖓ ᑐᓂᒐᒃᑯ ᑖᒃᑯᓄᖓ ᓂᕆᖃᑎᒋᓗᒋᑦ ᑐᓂᕐᕈᑎᒥᒃ ᐅᕙᓐᓄᑦ ᑐᓂᔭᐅᔪᒥᒃ ᐃᑯᒪᒃᑯᑦ. ᑍᒫᒃ ᓱᓕ ᐊᔪᕐᓂᖅ ᐱᓪᓗᒍ ᑐᓂᕐᕈᑎᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᑎᑐᑦ, ᑍᒤᑦᑐᖅ ᐃᑦᔪᕐᓁᓐᓂᕐᐹᖑᖕᒪᑦ. 18ᐊᖑᑎᑦ ᐂᕉᓂᐅᑉ ᑭᖑᕚᖏᑦ ᓂᕆᔪᒃᓴᐅᕗᑦ. ᑕᒪᒃᑯᐊ ᐊᒥᐊᒃᑯᔭᐅᑦᔪᓯᐊᕆᖕᒪᒋᑦ ᑐᓂᕐᕈᑎᓂᑦ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ, ᑭᖑᕚᖏᑕ ᐊᑐᕐᓂᐊᕐᑕᖓ ᑭᖑᓪᓕᒃᓴᒥᖕᓄᑦ. ᓇᓪᓕᐊᑦ ᑖᒃᑯᓂᖓ ᐊᒃᑐᐃᔪᖅ ᐃᑦᔪᕐᓁᓕᓂᐊᕐᐳᖅ.”
19ᐊᑕᓂᐅᑉ ᒨᓯᓯ ᐅᖃᐅᑎᒋᕚ, 20“ᐃᒤᑦᑐᒥᒃ ᐂᕉᓂ ᐃᕐᓂᖏᓪᓗ ᑐᓂᕐᕈᓯᕆᐊᖃᕐᐳᑦ ᐅᓪᓗᒥ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᕕᖕᒥᖕᓂ: ᐅᖁᒤᓐᓂᐅᑉ ᓇᑉᐹᓂᒃ ᐅᖁᒤᑎᒋᔪᒥᒃ ᓂᐊᖂᔭᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᑉ ᑐᓂᕐᕈᑕᐅᓂᖓᓂᒃ, ᑖᑦᓱᒪ ᓇᑉᐹ ᐅᓪᓛᒃᑯᑦ ᑐᓂᕐᕈᑎᒋᓗᒍ ᓇᑉᐹᓗ ᐅᓐᓄᒃᐸᑦ ᑐᓂᕐᕈᑎᒋᓗᒍ. 21ᓴᓇᔭᕆᐊᖃᕐᐹᑦ ᐅᕐᓱᒥᒃ ᐃᓚᓗᒍ ᐃᒐᓗᒍᓗ, ᐃᖑᓚᑦᓯᐊᕐᓗᒍ ᑐᓂᕐᕈᑎᒋᓗᒍ, ᑎᐱᖓᓗ ᒪᒪᕆᔭᐅᕗᖅ ᐊᑕᓂᕐᒧᑦ. 22ᑖᒃᑯᐊᓗ ᐃᕐᓂᖓᑦ ᑭᖑᕝᕕᐅᑎᓂᐊᓕᕈᓂ ᒥᖑᐊᕐᑕᐅᕕᖏᓐᓂ ᐅᕐᓱᒧᑦ, ᑍᒥᑦᑐᒥᒃ ᓴᓇᔭᕆᐊᖃᕐᐳᖅ. ᑖᓐᓇ ᐊᑕᓂᐅᑉ ᐱᔭᒃᓴᕆᖕᒪᒍ ᑕᒪᒃᑭᕐᓗᒍ ᐃᑯᐊᓚᑎᑕᐅᔭᕆᐊᖃᕐᐳᖅ. 23ᓂᐊᖂᔭᑦ ᑐᓂᕐᕈᓯᕐᑎᑦᓯᔨᒧᑦ ᑐᓂᔭᐅᔪᓕᒫᑦ ᐃᑯᐊᓚᑎᑕᐅᔭᕆᐊᖃᕐᐳᑦ, ᓂᕆᔭᐅᔭᕆᐊᖃᓐᖏᓚᑦ.”
ᑐᓂᕐᕈᑎᒃᓮᑦ ᐊᔪᕐᓂᖅ ᐱᓪᓗᒍ
24ᐊᑕᓂᐅᑉ ᒨᓯᓯ ᐅᖃᐅᑎᕚ, 25“ᐂᕉᓂᓗ ᐃᕐᓂᖏᓪᓗ ᐅᖃᐅᑎᒃᑭᑦ: ᐃᒫᒃ ᒪᓕᒐᖃᕐᐳᑦ ᑐᓂᕐᕈᑏᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᔪᑦ. ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᖅ ᐆᒪᔪᖅ, ᑐᖁᑕᐅᔭᕆᐊᖃᕐᐳᖅ ᐊᑕᓂᐅᑉ ᓵᖓᓂ ᐃᑯᐊᓚᑎᑕᒃᓮᑦ ᑐᓂᕐᕈᑏᑦ ᑐᖁᑕᐅᕕᖓᓐᓂ, ᑍᒤᑦᑐᑦ ᐃᑦᔪᕐᓁᓐᓂᕐᐹᖑᖕᒪᑕ. 26ᑐᓂᕐᕈᓯᕐᑎᑦᓯᔨ ᑐᓂᕐᕈᑎᖃᕐᑐᖅ ᑖᑦᓱᒥᖓ ᓂᕆᔭᕆᐊᖃᕐᐳᖅ; ᐃᑦᔪᕐᓁᑦᑐᕕᖕᒥᓗ ᑭᓯᐊᓂ ᓂᕆᔭᕆᐊᖃᕐᐹ, ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ. 27ᐊᓯᖏᓐᓄᑦ ᒪᑯᓄᖓᑐᐃᓐᓇᖅ ᓂᕿᖓ ᐊᒃᑐᕐᑕᐅᒃᐸᑦ, ᐃᑦᔪᕐᓁᓐᓂᖓᓄ ᐊᒃᑐᕐᓯᔪᖅ ᐃᑦᔪᕐᓁᓕᕗᖅ, ᐊᓐᓄᕌᒥᒡᓗ ᑕᕝᕙᓐᖓᑦ ᐊᐅᒥᑎᕐᑐᖃᕐᐸᑦ, ᐃᑦᔪᕐᓁᑦᑐᕕᖕᒥ ᑭᓯᐊᓂ ᐅᐊᓴᕐᑕᐅᔭᕆᐊᖃᕐᐳᖅ. 28ᐅᔭᕋᖕᒧᑦ ᐅᒃᑯᓯᖕᒧᑦ ᐃᒐᔭᐅᒃᐸᑦ ᐅᒃᑯᓯᒃ ᓯᖁᒥᑕᐅᔭᕆᐊᖃᕐᐳᖅ, ᐅᒃᑯᓯᖕᒧᓪᓕ ᑲᓐᓄᔭᒧᑦ ᓴᕕᕋᔭᖕᒧᑦ ᐃᒐᔭᐅᒃᐸᑦ ᐅᒃᑯᓯᒃ ᐅᐊᓴᕐᑕᐅᑦᓯᐊᕆᐊᖃᕐᐳᖅ ᐃᒥᕐᒧᓪᓗ ᐃᕐᕈᕐᑐᕐᓗᒍ. 29ᐊᖑᑎᓕᒫᑦ ᓇᓪᓕᐊᑐᐃᓐᓇᖅ ᑐᓂᕐᕈᓯᕐᑎᑦᓯᔨᐅᑉ ᐃᓚᖏᑦ ᓂᕆᔪᓐᓇᕐᐳᑦ ᑖᑦᓱᒥᖓ. ᑖᓐᓇ ᐃᑦᔪᕐᓁᓐᓂᕐᐹᖑᖕᒪᑦ. 30ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓ ᑐᐱᕐᒧᑦ ᑲᑎᒪᕕᖕᒧᑦ ᐱᑎᑕᐅᔪᖅ ᐃᓱᒪᒋᔪᓐᓁᕐᕕᐅᑦᔪᑕᐅᔪᖅ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᓐᖏᓚᖅ; ᐃᑯᐊᓪᓚᒃᑕᐅᔭᕆᐊᖃᕐᐳᕐᓕ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.