ᒨᓯᓯ ᓯᑕᒪᖏᑦ 6
6
ᐱᖁᔭᖅ ᓈᓴᕅᑎᐅᓂᕐᒧᑦ
1ᐊᑕᓂᖅ ᒨᓯᓯᒧᑦ ᐅᖃᕐᐳᖅ, ᐃᒤᓕᓪᓗᓂ, 2“ᐃᓴᕆᐊᓕᐅᑉ ᕿᑐᕐᖓᖏᑦ ᐅᖃᐅᑎᒃᑭᑦ, ᐊᖑᑦ ᐊᕐᓇᕐᓘᓐᓃᑦ ᑐᓂᕐᕈᓯᕐᐸᑦ ᐊᖏᒻᒪᕆᒍᒪᓗᓂ ᓈᓴᕅᑎᐅᓂᕐᒧᑦ, ᐃᒻᒥᓂᒃ ᓴᓂᕐᕙᒃᑎᑦᓱᒪᓗᓂ ᐊᑕᓂᕐᒧᑦ, 3#ᓘᑲᓯ 1:15.ᐃᒻᒥᓂᒃ ᐊᕕᑎᑦᓴᕆᐊᖃᓕᕐᐳᖅ, ᕔᓂᑐᕈᓐᓃᕐᓗᓂ, ᑍᒤᑦᑐᒥᒡᓘᓐᓃᑦ ᐊᑦᔨᖓᓂᒃ ᐃᒥᕐᐸᒍᓐᓃᕐᓗᓂ ᕕᓂᒐᕐᒥᒡᓘᓐᓃᑦ ᕔᓂᒥᑦ ᓴᓇᓯᒪᔪᒥᒃ, ᕕᓂᒐᕐᒥᒡᓘᓐᓃᑦ ᑍᒤᑦᑑᑉ ᐊᑦᔨᖓᓂᑦ ᓴᓇᓯᒪᔪᒥᒃ; ᐸᐅᕐᖎᑦ ᐃᑦᑎᖓᓂᒡᓘᓐᓃᑦ ᐃᒥᕆᐊᖃᓐᖏᓚᖅ, ᐸᐅᕐᖓᓂᒡᓗ ᒍᕅᑉᓯᓂᒃ ᐸᐅᕐᖓᐅᔭᓂᒡᓘᓐᓃᑦ ᓂᕆᔭᕆᐊᖃᓐᖏᓚᖅ. 4ᑍᒫᒃ ᐃᒻᒥᓂᒃ ᓴᓂᕐᕙᒃᑎᓯᒪᓂᓕᒫᒥᓂ ᐸᐅᕐᒊᑦ ᒍᕅᑉᓯᓂᒃ ᐊᑎᓖᑦ ᐱᕈᕐᕕᖏᓐᓂᑦ ᐱᓯᒪᔪᓂᒃ ᓂᕆᔭᕆᐊᖃᓐᖏᓚᖅ, ᐸᐅᕐᒊᑦ ᒍᕅᑉᓰᑦ ᕔᓂᒃᓮᑦ ᐱᕈᕐᓯᐊᒃᓴᑯᓗᐊᓂᑦ ᐸᐅᕐᖓᖓᑕ ᐊᒥᖓᓄᑦ ᑎᑭᓪᓗᒍ.
5“ᑍᒪᓐᖓᑦ ᐊᖏᕈᑎᒥᒍᑦ ᐅᓪᓗᓂ ᑍᒃᑯᓇᓂ ᐃᒻᒥᓂᒃ ᓴᓂᕐᕙᒃᑎᓯᒪᓂᕐᒥᓂ ᓄᔭᖏᑦ ᑭᐱᔭᐅᔭᕆᐊᖃᓐᖏᓚᑦ, ᑭᓯᐊᓂ ᑍᒃᑯᐊ ᐅᓪᓗᐃᑦ ᐃᓱᓕᑉᐸᑕ ᐃᒻᒥᓂᒃ ᓴᓂᕐᕙᒍᑎᒋᓯᒪᔭᖏᑦ ᐊᑕᓂᕐᒧᑦ, ᑖᒃᑯᓇᓂ ᐃᑦᔪᕐᓁᑦᑑᓂᐊᕐᐳᖅ. ᑖᑦᓱᒪ ᑕᕝᕙ ᓄᔭᓂ ᐱᕈᑎᑦᓴᕆᐊᖃᕐᐰᑦ. 6ᐅᓪᓗᐃᑦ ᓴᓂᕐᕙᒃᓯᒪᔭᓂ ᐊᑕᓂᕐᒧᑦ ᐊᑐᕐᑎᓪᓗᒋᑦ, ᑖᓐᓇ ᑎᒥᐅᑉ ᑐᖁᖓᔫᑉ ᓴᓂᐊᓄᐊᕆᐊᖃᓐᖏᓚᖅ. 7ᑖᓐᓇ ᐃᒻᒥᓂᒃ ᓴᓗᒤᓕᑎᑦᓴᕆᐊᖃᓐᖏᓚᖅ ᓇᖕᒥᓂᖅ ᐊᑖᑕᖓ ᐊᓈᓇᖓᓘᓐᓃᑦ ᖃᑕᓐᖑᑎᖓᓘᓐᓃᑦ ᐊᖑᑦ ᐊᕐᓇᕐᓘᓐᓃᑦ ᓇᓪᓕᐊᑦ ᑐᖁᒐᓗᐊᕐᐸᑦ, ᑖᑦᓱᒪ ᐃᒻᒥᓂᒃ ᒎᑎᒥᑦ ᓴᓂᕐᕙᒃᑎᓯᒪᓂᖓ ᓂᐊᖁᖓᓃᒻᒪᑦ. 8ᐅᓪᓗᓂ ᑍᒃᑯᓇᓂ ᐃᒻᒥᓂᒃ ᓴᓂᕐᕙᒃᑎᓯᒪᓂᕐᒥᓂ ᑖᓐᓇ ᐃᑦᔪᕐᓁᑦᑑᖕᒪᑦ ᐊᑕᓂᕐᒧᑦ.
9“ᑐᖁᑳᓪᓚᒃᑐᖃᕐᐸᑦ ᓴᓂᐊᓃᑦᑐᒥᒃ, ᑕᕝᕙ ᑖᑦᓱᒪ ᓂᐊᖁᐊ ᐃᑦᔪᕐᓁᑦᓱᓃᕐᐳᖅ, ᑭᖑᓂᖓᒍᓪᓗ ᓂᐊᖁᓂ ᓴᓕᔭᕆᐊᖃᓕᕐᐹ ᓴᓗᒻᒪᕐᓴᕐᑕᐅᕕᒃᓴᖓ ᓇᓪᓕᐅᑎᒃᐸᑦ; ᐅᓪᓗᐃᓪᓗ 7ᖓᓂ ᑕᕝᕙ ᓂᐊᖁᓂ ᓴᓕᔭᕆᐊᖃᕐᐹ. 10ᐅᓪᓗᐃᓪᓕ 8ᖓᓂ ᑎᖕᒥᐊᖕᓂᒃ ᒪᕐᕉᖕᓂᒃ ᑑᕕᓂᒃ ᐊᑎᖃᕐᑐᓂᒃ ᐅᕝᕙᓘᓐᓃᑦ ᑎᖕᒥᐊᖕᓂᒃ ᒪᕐᕉᖕᓂᒃ ᐱᑦᔨᓐᓯᓂᒃ ᐊᑎᖃᕐᑐᓂᒃ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ, ᑐᐱᕐᔪᐊᑉ ᑲᑎᒪᕕᐅᑉ ᐅᒃᑯᐊᖓᓂ; 11ᑕᕝᕙ ᑐᓂᕐᕈᓯᕐᑎᑦᓯᔨ ᐊᑕᐅᓯᕐᒥᒃ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᑦᔪᑎᒋᓪᓗᒍ, ᐂᑉᐸᖓᓗ ᐆᑕᒃᓴᒧᑦ ᑐᓂᕐᕈᑎᒋᓗᒍ, ᑖᑦᓱᒪ ᐃᓱᒪᒋᔪᓐᓁᕐᕕᐅᓂᖓᓄᑦ ᑐᓂᕐᕈᑎᒋᓗᒋᑦ, ᑎᒥ ᑐᖁᖓᔪᖅ ᐱᓪᓗᒍ ᐊᔪᕐᑐᓕᓚᐅᕐᒪᑦ; ᐅᓪᓗᒥᓗ ᑍᑦᓱᒪᓂ ᓂᐊᖁᓂ ᐃᑦᔪᕐᓁᓕᑎᑦᓴᕆᐊᖃᕐᐹ. 12ᑖᒃᑯᐊᓗ ᐅᓪᓗᐃᑦ ᓴᓂᕐᕙᒃᓯᒪᔭᓂ ᑐᓂᔭᕆᐊᖃᕐᐰᑦ ᐊᑕᓂᕐᒧᑦ, ᑐᓂᕐᕈᓯᕆᐊᕐᑐᕐᓗᓂᓗ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᓕᖕᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᒃ; ᐅᓪᓗᐃᓪᓕ ᓯᕘᓪᓖᑦ ᐊᑐᕈᓐᓃᕐᓂᐊᕐᐳᑦ, ᐃᒻᒥᓂᒃ ᓴᓂᕐᕙᒃᓯᒪᓂᖓᑕ ᐃᑦᔪᕐᓇᕐᓯᑎᑕᐅᓚᐅᕐᓂᖓᓄᑦ.
13 #
ᐋᐴᓯᑕᓖᑦ 21:23,24. “ᐃᒫᒃ ᑕᕝᕙ ᓈᓴᕅᑎ ᐱᖁᔭᖃᕐᐳᖅ: ᐅᓪᓗᐃᑦ ᓴᓂᕐᕙᓯᒪᓂᖏᑦ ᐃᓱᓕᑉᐸᑕ, ᑖᓐᓇ ᓈᓴᕅᑎ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐱᑎᑕᐅᔭᕆᐊᖃᕐᐳᖅ. 14ᑖᓐᓈ ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᖅ: ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᒥᒃ, ᓴᓗᒤᓐᓂᖃᖏᑦᑐᒥᒃ, ᐆᑕᒃᓴᒧᑦ ᑐᓂᕐᕈᑎᒋᓗᒍ, ᓰᐱᐅᓪᓗ ᓄᕐᕋᖓᓂᒃ ᐊᕐᓇᒥᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᒥᒃ, ᓴᓗᒤᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓗᓂ, ᓰᐱᒥᒡᓗ ᐊᖑᓴᓪᓗᕐᒥᒃ ᓴᓗᒤᓐᓂᖃᖏᑦᑐᒥᒃ ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᑐᓂᕐᕈᓯᕐᓗᓂ. 15ᐃᕕᐅᔭᕐᒧᓪᓗ ᐴᕐᓯᒪᔪᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ, ᐊᒻᒪᓗ ᓂᐊᖂᔭᒃᓴᖅ ᒥᑭᔪᑎᐅᓂᕐᐹᖅ ᐅᕐᓱᒧᑦ ᐊᑯᓯᒪᓗᓂ ᓵᑦᑐᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓴᓇᓯᒪᔪᖅ, ᐅᕐᓱᒧᓪᓗ ᒥᖑᐊᕐᓯᒪᓗᓂ, ᐃᓚᖃᕐᓗᓂᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᓂᒃ ᐃᒥᕐᓂᒡᓗ ᑐᓂᕐᕈᑎᒃᓴᓂᒃ ᐃᓚᖃᕐᓗᒋᑦ.
16“ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊᓕᒫᑦ ᐊᑕᓂᐅᑉ ᓵᖓᓄᑦ ᐱᑎᑕᒃᓴᕆᕔᑦ, ᑐᓂᕐᕈᓯᕐᓗᓂᓗ ᑐᓂᕐᕈᓯᕆᐊᕐᑐᑑᑉ ᐊᔪᕐᓂᖏᑦ ᐱᓪᓗᒋᑦ, ᑐᓂᕐᕈᓯᕐᒥᓗᓂᓗ ᐆᑕᒃᓮᑦ ᐱᑦᔪᑎᒋᓗᒋᑦ. 17ᓰᐱᓗ ᐊᖑᓴᓪᓗᖅ ᑐᓂᕐᕈᑎᒋᔭᒃᓴᕆᕚ ᐊᑕᓂᕐᒧᑦ ᐃᓅᖃᑎᒌᑦᓯᐊᕐᓂᖅ ᐱᑦᔪᑎᒋᓪᓗᒍ, ᐃᓚᖃᕐᓗᓂ ᓂᐊᖂᔭᓂᒃ ᑐᓂᕐᕈᑎᒃᓴᓂᒃ ᐃᒥᕐᓂᒡᓗ ᑐᓂᕐᕈᑎᒃᓴᓂᒃ, ᑐᓂᕈᓯᕐᑎᑦᓯᔨ ᑐᓂᕐᕈᓯᕐᑎᑦᓯᔪᒃᓴᐅᕗᖅ ᑐᓂᕐᕈᓯᕆᐊᕐᑐᑐᖅ ᐱᑦᔪᑎᒋᓪᓗᒍ. 18ᑕᕝᕙ ᓈᓴᕅᑎᐅᑉ ᓂᐊᖁᓂ ᐃᑦᔪᕐᓁᓕᑎᑕᐅᔪᖅ ᓴᓕᔭᒃᓴᕆᕚ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ, ᓂᐊᖁᖓᓂᑦ ᓄᔧᑦ ᓴᓕᓂᑯᐃᑦ ᐃᓕᔭᒃᓴᕆᕔᑦ ᐃᑯᒪᒧᑦ ᐃᓅᖃᑎᒌᑦᓯᐊᕐᓂᕐᒧᑦ ᑐᓂᕐᕈᑎᐅᑉ ᐊᑖᓂ ᐃᑯᐊᓚᔪᒧᑦ.
19“ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᓰᐱᐅᑉ ᐊᖑᓴᓪᓘᑉ ᑭᐊᓯᖓ ᐃᒥᕐᒧᑦ ᐆᓯᒪᔪᖅ, ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐆᓯᒪᔪᒥᒃ ᐊᑕᐅᓯᕐᒥᒃ ᐃᓚᓗᒍ, ᐊᑕᐅᓯᕐᒥᒡᓗ ᓴᓇᓯᒪᔪᒥᒃ ᓂᐊᖂᔭᒥᒃ ᓵᑦᑐᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐃᓚᒃᑲᓐᓂᕐᓗᒍ, ᑖᒃᑯᐊ ᐃᓕᔭᒃᓴᕆᕔᑦ ᓈᓴᕅᑎᐅᑉ ᐊᒡᒐᖏᓐᓄᑦ, ᑖᓐᓇ ᓂᐊᖁᓂ ᐃᑦᔪᕐᓁᓕᑎᑕᐅᓂᕐᒧᑦ ᓴᓕᔭᕇᕐᐸᒍ. 20ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᐃᓵᒃᑕᕐᓂᕐᒧᑦ ᑐᓂᕐᕈᑎᒋᔭᒃᓴᕆᕔᑦ ᐊᑕᓂᐅᑉ ᓵᖓᓂ, ᐃᓚᖃᕐᓗᑎᒃ ᓰᐱᐅᑉ ᓴᑭᐊᖏᓐᓂᒃ ᐃᓵᒃᑕᕐᓂᕐᒧᑦ ᑐᓂᕐᕈᑕᐅᓗᑎᒃ ᓰᐱᐅᓪᓗ ᐊᖑᓴᓪᓘᑉ ᒥᒥᖓ ᑭᕕᖃᑦᑕᕐᓗᒍ ᑐᓂᕐᕈᑕᐅᓗᓂ, ᑖᒃᑯᐊ ᑕᕝᕙ ᐃᑦᔪᕐᓁᓕᔪᑦ ᑐᓂᕐᕈᓯᕐᑎᑦᓯᔨᐅᑉ ᓂᕿᒃᓴᖏᑦ, ᐱᔭᕇᕐᐸᑦ ᑕᕝᕙ ᓈᓴᕅᑎ ᕔᓂᒥᒃ ᐃᒥᕈᓐᓇᕐᓯᓂᐊᕐᐳᖅ.
21“ᑍᒫᒃ ᑕᕝᕙ ᓈᓴᕅᑎᐅᓂᐊᕐᑐᖅ ᐱᖁᔭᖃᕐᐳᖅ ᐃᒻᒥᓂᒃ ᓴᓂᕐᕙᒃᓯᒪᓂᐊᕈᓂ ᐊᖏᕈᑎᖃᕐᓂᐊᕈᓂᓗ ᐊᑕᓂᕐᒧᑦ, ᑭᓱᒥᒡᓘᓐᓃᑦ ᓇᖕᒥᓂᖅ ᐊᔪᓐᖏᑕᒥᓂᒃ ᐱᔭᕆᐊᖃᕐᐳᖅ; ᐊᖏᕈᑎᒋᔭᓂ ᒪᓕᒡᓗᒍ, ᑕᒪᓐᓇ ᐃᒻᒥᓂᒃ ᓴᓂᕐᕙᒃᑎᓯᒪᓂᓂ ᐱᖁᔭᖏᑦ ᒪᓕᒡᓗᒋᑦ.”
ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦᑕ ᓮᒻᒪᕐᑎᑦᓯᓂᖓ
22ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ: 23“ᐂᕉᓂ ᐃᕐᓂᖏᓪᓗ ᐅᖃᐅᑎᒃᑭᑦ, ᐃᒫᒃ, ‘ᐃᓴᕆᐊᓕᐅᑉ ᕿᑐᕐᖓᖏᑦ ᓮᒻᒪᕐᑎᓕᕈᑦᓯᐅᒃ, ᐃᒫᒃ ᐅᖃᖃᑦᑕᕆᑦᓯ:
24ᐊᑕᓂᐅᑉ ᓮᒻᒪᕐᑎᓪᓕᓯ ᓴᐳᑎᓕᓯᓗ;
25ᐊᑕᓂᐅᑉ ᑮᓇᕐᒥᓄᑦ ᖃᐅᒪᒃᓴᕐᓕᓯ ᐱᑦᓯᐊᕐᕕᒋᓕᓯᓗ;
26ᐊᑕᓂᐅᑉ ᑮᓇᕐᒥᓄᑦ ᓵᕝᕕᒋᓕᓯ ᓮᒪᓂᕐᒥᓂᒡᓗ ᑐᓂᓯᕕᒋᓕᓯ.’”
27“ᑍᒫᒃ ᑕᕝᕙ ᐊᑎᕋ ᐃᓴᕆᐊᓕᒥᐅᓄᑦ ᐃᓕᓯᒪᓂᐊᕐᐹᑦ, ᐅᕙᖓᓗ ᓮᒻᒪᕐᑎᓐᓂᐊᕐᐸᒃᑲ.”
Currently Selected:
ᒨᓯᓯ ᓯᑕᒪᖏᑦ 6: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᑕᒪᖏᑦ 6
6
ᐱᖁᔭᖅ ᓈᓴᕅᑎᐅᓂᕐᒧᑦ
1ᐊᑕᓂᖅ ᒨᓯᓯᒧᑦ ᐅᖃᕐᐳᖅ, ᐃᒤᓕᓪᓗᓂ, 2“ᐃᓴᕆᐊᓕᐅᑉ ᕿᑐᕐᖓᖏᑦ ᐅᖃᐅᑎᒃᑭᑦ, ᐊᖑᑦ ᐊᕐᓇᕐᓘᓐᓃᑦ ᑐᓂᕐᕈᓯᕐᐸᑦ ᐊᖏᒻᒪᕆᒍᒪᓗᓂ ᓈᓴᕅᑎᐅᓂᕐᒧᑦ, ᐃᒻᒥᓂᒃ ᓴᓂᕐᕙᒃᑎᑦᓱᒪᓗᓂ ᐊᑕᓂᕐᒧᑦ, 3#ᓘᑲᓯ 1:15.ᐃᒻᒥᓂᒃ ᐊᕕᑎᑦᓴᕆᐊᖃᓕᕐᐳᖅ, ᕔᓂᑐᕈᓐᓃᕐᓗᓂ, ᑍᒤᑦᑐᒥᒡᓘᓐᓃᑦ ᐊᑦᔨᖓᓂᒃ ᐃᒥᕐᐸᒍᓐᓃᕐᓗᓂ ᕕᓂᒐᕐᒥᒡᓘᓐᓃᑦ ᕔᓂᒥᑦ ᓴᓇᓯᒪᔪᒥᒃ, ᕕᓂᒐᕐᒥᒡᓘᓐᓃᑦ ᑍᒤᑦᑑᑉ ᐊᑦᔨᖓᓂᑦ ᓴᓇᓯᒪᔪᒥᒃ; ᐸᐅᕐᖎᑦ ᐃᑦᑎᖓᓂᒡᓘᓐᓃᑦ ᐃᒥᕆᐊᖃᓐᖏᓚᖅ, ᐸᐅᕐᖓᓂᒡᓗ ᒍᕅᑉᓯᓂᒃ ᐸᐅᕐᖓᐅᔭᓂᒡᓘᓐᓃᑦ ᓂᕆᔭᕆᐊᖃᓐᖏᓚᖅ. 4ᑍᒫᒃ ᐃᒻᒥᓂᒃ ᓴᓂᕐᕙᒃᑎᓯᒪᓂᓕᒫᒥᓂ ᐸᐅᕐᒊᑦ ᒍᕅᑉᓯᓂᒃ ᐊᑎᓖᑦ ᐱᕈᕐᕕᖏᓐᓂᑦ ᐱᓯᒪᔪᓂᒃ ᓂᕆᔭᕆᐊᖃᓐᖏᓚᖅ, ᐸᐅᕐᒊᑦ ᒍᕅᑉᓰᑦ ᕔᓂᒃᓮᑦ ᐱᕈᕐᓯᐊᒃᓴᑯᓗᐊᓂᑦ ᐸᐅᕐᖓᖓᑕ ᐊᒥᖓᓄᑦ ᑎᑭᓪᓗᒍ.
5“ᑍᒪᓐᖓᑦ ᐊᖏᕈᑎᒥᒍᑦ ᐅᓪᓗᓂ ᑍᒃᑯᓇᓂ ᐃᒻᒥᓂᒃ ᓴᓂᕐᕙᒃᑎᓯᒪᓂᕐᒥᓂ ᓄᔭᖏᑦ ᑭᐱᔭᐅᔭᕆᐊᖃᓐᖏᓚᑦ, ᑭᓯᐊᓂ ᑍᒃᑯᐊ ᐅᓪᓗᐃᑦ ᐃᓱᓕᑉᐸᑕ ᐃᒻᒥᓂᒃ ᓴᓂᕐᕙᒍᑎᒋᓯᒪᔭᖏᑦ ᐊᑕᓂᕐᒧᑦ, ᑖᒃᑯᓇᓂ ᐃᑦᔪᕐᓁᑦᑑᓂᐊᕐᐳᖅ. ᑖᑦᓱᒪ ᑕᕝᕙ ᓄᔭᓂ ᐱᕈᑎᑦᓴᕆᐊᖃᕐᐰᑦ. 6ᐅᓪᓗᐃᑦ ᓴᓂᕐᕙᒃᓯᒪᔭᓂ ᐊᑕᓂᕐᒧᑦ ᐊᑐᕐᑎᓪᓗᒋᑦ, ᑖᓐᓇ ᑎᒥᐅᑉ ᑐᖁᖓᔫᑉ ᓴᓂᐊᓄᐊᕆᐊᖃᓐᖏᓚᖅ. 7ᑖᓐᓇ ᐃᒻᒥᓂᒃ ᓴᓗᒤᓕᑎᑦᓴᕆᐊᖃᓐᖏᓚᖅ ᓇᖕᒥᓂᖅ ᐊᑖᑕᖓ ᐊᓈᓇᖓᓘᓐᓃᑦ ᖃᑕᓐᖑᑎᖓᓘᓐᓃᑦ ᐊᖑᑦ ᐊᕐᓇᕐᓘᓐᓃᑦ ᓇᓪᓕᐊᑦ ᑐᖁᒐᓗᐊᕐᐸᑦ, ᑖᑦᓱᒪ ᐃᒻᒥᓂᒃ ᒎᑎᒥᑦ ᓴᓂᕐᕙᒃᑎᓯᒪᓂᖓ ᓂᐊᖁᖓᓃᒻᒪᑦ. 8ᐅᓪᓗᓂ ᑍᒃᑯᓇᓂ ᐃᒻᒥᓂᒃ ᓴᓂᕐᕙᒃᑎᓯᒪᓂᕐᒥᓂ ᑖᓐᓇ ᐃᑦᔪᕐᓁᑦᑑᖕᒪᑦ ᐊᑕᓂᕐᒧᑦ.
9“ᑐᖁᑳᓪᓚᒃᑐᖃᕐᐸᑦ ᓴᓂᐊᓃᑦᑐᒥᒃ, ᑕᕝᕙ ᑖᑦᓱᒪ ᓂᐊᖁᐊ ᐃᑦᔪᕐᓁᑦᓱᓃᕐᐳᖅ, ᑭᖑᓂᖓᒍᓪᓗ ᓂᐊᖁᓂ ᓴᓕᔭᕆᐊᖃᓕᕐᐹ ᓴᓗᒻᒪᕐᓴᕐᑕᐅᕕᒃᓴᖓ ᓇᓪᓕᐅᑎᒃᐸᑦ; ᐅᓪᓗᐃᓪᓗ 7ᖓᓂ ᑕᕝᕙ ᓂᐊᖁᓂ ᓴᓕᔭᕆᐊᖃᕐᐹ. 10ᐅᓪᓗᐃᓪᓕ 8ᖓᓂ ᑎᖕᒥᐊᖕᓂᒃ ᒪᕐᕉᖕᓂᒃ ᑑᕕᓂᒃ ᐊᑎᖃᕐᑐᓂᒃ ᐅᕝᕙᓘᓐᓃᑦ ᑎᖕᒥᐊᖕᓂᒃ ᒪᕐᕉᖕᓂᒃ ᐱᑦᔨᓐᓯᓂᒃ ᐊᑎᖃᕐᑐᓂᒃ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ, ᑐᐱᕐᔪᐊᑉ ᑲᑎᒪᕕᐅᑉ ᐅᒃᑯᐊᖓᓂ; 11ᑕᕝᕙ ᑐᓂᕐᕈᓯᕐᑎᑦᓯᔨ ᐊᑕᐅᓯᕐᒥᒃ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᑦᔪᑎᒋᓪᓗᒍ, ᐂᑉᐸᖓᓗ ᐆᑕᒃᓴᒧᑦ ᑐᓂᕐᕈᑎᒋᓗᒍ, ᑖᑦᓱᒪ ᐃᓱᒪᒋᔪᓐᓁᕐᕕᐅᓂᖓᓄᑦ ᑐᓂᕐᕈᑎᒋᓗᒋᑦ, ᑎᒥ ᑐᖁᖓᔪᖅ ᐱᓪᓗᒍ ᐊᔪᕐᑐᓕᓚᐅᕐᒪᑦ; ᐅᓪᓗᒥᓗ ᑍᑦᓱᒪᓂ ᓂᐊᖁᓂ ᐃᑦᔪᕐᓁᓕᑎᑦᓴᕆᐊᖃᕐᐹ. 12ᑖᒃᑯᐊᓗ ᐅᓪᓗᐃᑦ ᓴᓂᕐᕙᒃᓯᒪᔭᓂ ᑐᓂᔭᕆᐊᖃᕐᐰᑦ ᐊᑕᓂᕐᒧᑦ, ᑐᓂᕐᕈᓯᕆᐊᕐᑐᕐᓗᓂᓗ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᓕᖕᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᒃ; ᐅᓪᓗᐃᓪᓕ ᓯᕘᓪᓖᑦ ᐊᑐᕈᓐᓃᕐᓂᐊᕐᐳᑦ, ᐃᒻᒥᓂᒃ ᓴᓂᕐᕙᒃᓯᒪᓂᖓᑕ ᐃᑦᔪᕐᓇᕐᓯᑎᑕᐅᓚᐅᕐᓂᖓᓄᑦ.
13 #
ᐋᐴᓯᑕᓖᑦ 21:23,24. “ᐃᒫᒃ ᑕᕝᕙ ᓈᓴᕅᑎ ᐱᖁᔭᖃᕐᐳᖅ: ᐅᓪᓗᐃᑦ ᓴᓂᕐᕙᓯᒪᓂᖏᑦ ᐃᓱᓕᑉᐸᑕ, ᑖᓐᓇ ᓈᓴᕅᑎ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐱᑎᑕᐅᔭᕆᐊᖃᕐᐳᖅ. 14ᑖᓐᓈ ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᖅ: ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᒥᒃ, ᓴᓗᒤᓐᓂᖃᖏᑦᑐᒥᒃ, ᐆᑕᒃᓴᒧᑦ ᑐᓂᕐᕈᑎᒋᓗᒍ, ᓰᐱᐅᓪᓗ ᓄᕐᕋᖓᓂᒃ ᐊᕐᓇᒥᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᒥᒃ, ᓴᓗᒤᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓗᓂ, ᓰᐱᒥᒡᓗ ᐊᖑᓴᓪᓗᕐᒥᒃ ᓴᓗᒤᓐᓂᖃᖏᑦᑐᒥᒃ ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᑐᓂᕐᕈᓯᕐᓗᓂ. 15ᐃᕕᐅᔭᕐᒧᓪᓗ ᐴᕐᓯᒪᔪᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ, ᐊᒻᒪᓗ ᓂᐊᖂᔭᒃᓴᖅ ᒥᑭᔪᑎᐅᓂᕐᐹᖅ ᐅᕐᓱᒧᑦ ᐊᑯᓯᒪᓗᓂ ᓵᑦᑐᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓴᓇᓯᒪᔪᖅ, ᐅᕐᓱᒧᓪᓗ ᒥᖑᐊᕐᓯᒪᓗᓂ, ᐃᓚᖃᕐᓗᓂᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᓂᒃ ᐃᒥᕐᓂᒡᓗ ᑐᓂᕐᕈᑎᒃᓴᓂᒃ ᐃᓚᖃᕐᓗᒋᑦ.
16“ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊᓕᒫᑦ ᐊᑕᓂᐅᑉ ᓵᖓᓄᑦ ᐱᑎᑕᒃᓴᕆᕔᑦ, ᑐᓂᕐᕈᓯᕐᓗᓂᓗ ᑐᓂᕐᕈᓯᕆᐊᕐᑐᑑᑉ ᐊᔪᕐᓂᖏᑦ ᐱᓪᓗᒋᑦ, ᑐᓂᕐᕈᓯᕐᒥᓗᓂᓗ ᐆᑕᒃᓮᑦ ᐱᑦᔪᑎᒋᓗᒋᑦ. 17ᓰᐱᓗ ᐊᖑᓴᓪᓗᖅ ᑐᓂᕐᕈᑎᒋᔭᒃᓴᕆᕚ ᐊᑕᓂᕐᒧᑦ ᐃᓅᖃᑎᒌᑦᓯᐊᕐᓂᖅ ᐱᑦᔪᑎᒋᓪᓗᒍ, ᐃᓚᖃᕐᓗᓂ ᓂᐊᖂᔭᓂᒃ ᑐᓂᕐᕈᑎᒃᓴᓂᒃ ᐃᒥᕐᓂᒡᓗ ᑐᓂᕐᕈᑎᒃᓴᓂᒃ, ᑐᓂᕈᓯᕐᑎᑦᓯᔨ ᑐᓂᕐᕈᓯᕐᑎᑦᓯᔪᒃᓴᐅᕗᖅ ᑐᓂᕐᕈᓯᕆᐊᕐᑐᑐᖅ ᐱᑦᔪᑎᒋᓪᓗᒍ. 18ᑕᕝᕙ ᓈᓴᕅᑎᐅᑉ ᓂᐊᖁᓂ ᐃᑦᔪᕐᓁᓕᑎᑕᐅᔪᖅ ᓴᓕᔭᒃᓴᕆᕚ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ, ᓂᐊᖁᖓᓂᑦ ᓄᔧᑦ ᓴᓕᓂᑯᐃᑦ ᐃᓕᔭᒃᓴᕆᕔᑦ ᐃᑯᒪᒧᑦ ᐃᓅᖃᑎᒌᑦᓯᐊᕐᓂᕐᒧᑦ ᑐᓂᕐᕈᑎᐅᑉ ᐊᑖᓂ ᐃᑯᐊᓚᔪᒧᑦ.
19“ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᓰᐱᐅᑉ ᐊᖑᓴᓪᓘᑉ ᑭᐊᓯᖓ ᐃᒥᕐᒧᑦ ᐆᓯᒪᔪᖅ, ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐆᓯᒪᔪᒥᒃ ᐊᑕᐅᓯᕐᒥᒃ ᐃᓚᓗᒍ, ᐊᑕᐅᓯᕐᒥᒡᓗ ᓴᓇᓯᒪᔪᒥᒃ ᓂᐊᖂᔭᒥᒃ ᓵᑦᑐᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐃᓚᒃᑲᓐᓂᕐᓗᒍ, ᑖᒃᑯᐊ ᐃᓕᔭᒃᓴᕆᕔᑦ ᓈᓴᕅᑎᐅᑉ ᐊᒡᒐᖏᓐᓄᑦ, ᑖᓐᓇ ᓂᐊᖁᓂ ᐃᑦᔪᕐᓁᓕᑎᑕᐅᓂᕐᒧᑦ ᓴᓕᔭᕇᕐᐸᒍ. 20ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᐃᓵᒃᑕᕐᓂᕐᒧᑦ ᑐᓂᕐᕈᑎᒋᔭᒃᓴᕆᕔᑦ ᐊᑕᓂᐅᑉ ᓵᖓᓂ, ᐃᓚᖃᕐᓗᑎᒃ ᓰᐱᐅᑉ ᓴᑭᐊᖏᓐᓂᒃ ᐃᓵᒃᑕᕐᓂᕐᒧᑦ ᑐᓂᕐᕈᑕᐅᓗᑎᒃ ᓰᐱᐅᓪᓗ ᐊᖑᓴᓪᓘᑉ ᒥᒥᖓ ᑭᕕᖃᑦᑕᕐᓗᒍ ᑐᓂᕐᕈᑕᐅᓗᓂ, ᑖᒃᑯᐊ ᑕᕝᕙ ᐃᑦᔪᕐᓁᓕᔪᑦ ᑐᓂᕐᕈᓯᕐᑎᑦᓯᔨᐅᑉ ᓂᕿᒃᓴᖏᑦ, ᐱᔭᕇᕐᐸᑦ ᑕᕝᕙ ᓈᓴᕅᑎ ᕔᓂᒥᒃ ᐃᒥᕈᓐᓇᕐᓯᓂᐊᕐᐳᖅ.
21“ᑍᒫᒃ ᑕᕝᕙ ᓈᓴᕅᑎᐅᓂᐊᕐᑐᖅ ᐱᖁᔭᖃᕐᐳᖅ ᐃᒻᒥᓂᒃ ᓴᓂᕐᕙᒃᓯᒪᓂᐊᕈᓂ ᐊᖏᕈᑎᖃᕐᓂᐊᕈᓂᓗ ᐊᑕᓂᕐᒧᑦ, ᑭᓱᒥᒡᓘᓐᓃᑦ ᓇᖕᒥᓂᖅ ᐊᔪᓐᖏᑕᒥᓂᒃ ᐱᔭᕆᐊᖃᕐᐳᖅ; ᐊᖏᕈᑎᒋᔭᓂ ᒪᓕᒡᓗᒍ, ᑕᒪᓐᓇ ᐃᒻᒥᓂᒃ ᓴᓂᕐᕙᒃᑎᓯᒪᓂᓂ ᐱᖁᔭᖏᑦ ᒪᓕᒡᓗᒋᑦ.”
ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦᑕ ᓮᒻᒪᕐᑎᑦᓯᓂᖓ
22ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ: 23“ᐂᕉᓂ ᐃᕐᓂᖏᓪᓗ ᐅᖃᐅᑎᒃᑭᑦ, ᐃᒫᒃ, ‘ᐃᓴᕆᐊᓕᐅᑉ ᕿᑐᕐᖓᖏᑦ ᓮᒻᒪᕐᑎᓕᕈᑦᓯᐅᒃ, ᐃᒫᒃ ᐅᖃᖃᑦᑕᕆᑦᓯ:
24ᐊᑕᓂᐅᑉ ᓮᒻᒪᕐᑎᓪᓕᓯ ᓴᐳᑎᓕᓯᓗ;
25ᐊᑕᓂᐅᑉ ᑮᓇᕐᒥᓄᑦ ᖃᐅᒪᒃᓴᕐᓕᓯ ᐱᑦᓯᐊᕐᕕᒋᓕᓯᓗ;
26ᐊᑕᓂᐅᑉ ᑮᓇᕐᒥᓄᑦ ᓵᕝᕕᒋᓕᓯ ᓮᒪᓂᕐᒥᓂᒡᓗ ᑐᓂᓯᕕᒋᓕᓯ.’”
27“ᑍᒫᒃ ᑕᕝᕙ ᐊᑎᕋ ᐃᓴᕆᐊᓕᒥᐅᓄᑦ ᐃᓕᓯᒪᓂᐊᕐᐹᑦ, ᐅᕙᖓᓗ ᓮᒻᒪᕐᑎᓐᓂᐊᕐᐸᒃᑲ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.