Walumi 7
7
Mfano wa zengele
1Walukolo wangu, sambi nolonga na mweye, wanhu waja mzimanyile goya ndagizi za Musa. Mvimanya kua ndagizi yomlongoza munhu yang'hali mgima. 2Kwa mfano, mwehe yasoligwe kolongozigwa na ndagizi saa zose mulume wake yeli mgima, mbali mulume wake yahafa, ndagizi iyo haimlongoza kaidi iyo mwanachike. 3Ivo mwanachike iyo yahasoligwa na mulume imwenga kuno mulume wake yang'hali mgima, kokemigwa mgoni. Baho mulume wake yahafa, mwanachike iyo halongozigwa na ndagizi, na yahasoligwa na mulume imwenga, hakemigwa mgoni. 4Ivija na mweye walukolo wangu, mweye hamlongozigwa kaidi na ndagizi ya Musa kwavija unhu wenu wa umwaka ufa hamwe na Kilisito, sambi mweye mwa wanhu wake iyo yazilibuligwe ili mdahe kusang'hana goya muisang'hano ya Mulungu. 5Vichikalile chowinza lukuli vilulonda, ndagizi iswangizigwa maya zetu zipate ludabwa ng'hani, chikala cholonda kutenda malozo ng'hani, kwambuli iyo ifa ilawila. 6Baho umwaka chikala chifungigwe na ndagizi, mbali sambi chilekesigwa kulawa mzindagizi. Sambi chomsang'hanila Mulungu kuilinga na ugima wa sambi ulongozigwa na Muhe wake.
Ndagizi na Malozo
7Ivo, chilonge choni, chilonge kua ndagizi iyo ni malozo? Hambee! Mbali ndagizi inhenda nivimanye malozo ni chinhu gani, kama ndagizi ya Musa ihalekile kulonga, “Seke uwe na maya.” Nihalekile kuvimanya kua na maya na chinhu cha imwenga ni malozo. 8Kwa ndagizi iyo, malozo gapata nyafasi ya kwinula maya ihile mmoyo wangu. Manake bila ndagizi malozo ni chinhu chifile. 9Baho umwaka ng'hala mgima bila kulongozingwa na ndagizi, mbali viniimanyile ndagizi viilonda malozo genuka, 10nanie gangalila kulamuligwa ifa. Ndagizi iyo ikala kwambuli ya kugala ugima, kumwangu igala ifa. 11Kwaivo, malozo gapata nyafasi ya kunivwizila kubitila ndagizi iyo, na kungalila kulamuligwa ifa.
12Baho, ndagizi yenyego ilawa kwa Mulungu na lagizo denyego dilawa kwa Mulungu, na zosang'hana galondigwa na Mulungu na zinoga. 13Ivo, iyo mana kua chija chinogile chinigalila kulamuligwa ifa yangu? Hambee! Viili ni kua malozo ili gaoneke hazelu kua malozo, itumila ija ndagizi inogile na kunigalila kulamuligwa ifa yangu. Ivo, kwanzila ya ija ndagizi, malozo gailagusa chinaganaga vija vigali gehile ng'hani.
Ng'ondo ilimgati mwa munhu
14Chivimanya kua ndagizi zolawa kwa Muhe wa Mulungu, mbali nie ni munhu nili na malozo, nie ni mtumwa wa malozo. 15Kwavija sitambula chinisang'hana, manake chija chinilonda sichisang'hana, mbali chija chinilema icho nochisang'hana. 16Ivo ihawa, nosang'hana chimbidu cha chija chinilonda, ino maanake kua notogola kua ija ndagizi inoga. 17Ivo, sinie iyo nisang'hana chinhu chihile, mbali gaja malozo gokala mgati yangu. 18Nivimanya kua habule dinogile mgati yangu, kuilinga na uzidilwa wangu wa malozo. Kwavija, hata kama nolonda kusang'hana mbuli inogile, sidaha kuisang'hana. 19Manake badili ya kusang'hana mbuli ija inogile inilonda, nie nosang'hana dija dihile dinilema kudisang'hana. 20Ivo, kama nosang'hana chimbidu na dija dinilonda nie, ino ina mana kua si nie nisang'hane gago, mbali ni gaja malozo gokala mgati yangu.
21Baho, niimanya mbuli ino, nihalonda kusang'hana mbuli inogile, mbuli ihile yolawila bahaja. 22Mmoyo wangu noideng'helela ndagizi ya Mulungu. 23Mbali noona kua hana ndagizi imwenga isang'hana sang'hano mulukuli lwangu, ndagizi ija haiilumba na nzewele yangu. Ndagizi iyo yonhenda niwe mtumwa wa malozo ija ili mgati yangu. 24Nhendeze wayangu! Yelihi yodaha kunilohola kulawa mulukuli luno lunigala muiifa? 25Nomwing'ha hewela kwa Mulungu yonilohola kubitila ya Mndewa wetu Yesu Kilisito!
Kwaivo, nie mwenyego kwa nzewele zangu, noisang'hanila ndagizi ya Mulungu, mbali kwa lukuli lwangu nosang'hana malozo.
Currently Selected:
Walumi 7: KBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
Walumi 7
7
Mfano wa zengele
1Walukolo wangu, sambi nolonga na mweye, wanhu waja mzimanyile goya ndagizi za Musa. Mvimanya kua ndagizi yomlongoza munhu yang'hali mgima. 2Kwa mfano, mwehe yasoligwe kolongozigwa na ndagizi saa zose mulume wake yeli mgima, mbali mulume wake yahafa, ndagizi iyo haimlongoza kaidi iyo mwanachike. 3Ivo mwanachike iyo yahasoligwa na mulume imwenga kuno mulume wake yang'hali mgima, kokemigwa mgoni. Baho mulume wake yahafa, mwanachike iyo halongozigwa na ndagizi, na yahasoligwa na mulume imwenga, hakemigwa mgoni. 4Ivija na mweye walukolo wangu, mweye hamlongozigwa kaidi na ndagizi ya Musa kwavija unhu wenu wa umwaka ufa hamwe na Kilisito, sambi mweye mwa wanhu wake iyo yazilibuligwe ili mdahe kusang'hana goya muisang'hano ya Mulungu. 5Vichikalile chowinza lukuli vilulonda, ndagizi iswangizigwa maya zetu zipate ludabwa ng'hani, chikala cholonda kutenda malozo ng'hani, kwambuli iyo ifa ilawila. 6Baho umwaka chikala chifungigwe na ndagizi, mbali sambi chilekesigwa kulawa mzindagizi. Sambi chomsang'hanila Mulungu kuilinga na ugima wa sambi ulongozigwa na Muhe wake.
Ndagizi na Malozo
7Ivo, chilonge choni, chilonge kua ndagizi iyo ni malozo? Hambee! Mbali ndagizi inhenda nivimanye malozo ni chinhu gani, kama ndagizi ya Musa ihalekile kulonga, “Seke uwe na maya.” Nihalekile kuvimanya kua na maya na chinhu cha imwenga ni malozo. 8Kwa ndagizi iyo, malozo gapata nyafasi ya kwinula maya ihile mmoyo wangu. Manake bila ndagizi malozo ni chinhu chifile. 9Baho umwaka ng'hala mgima bila kulongozingwa na ndagizi, mbali viniimanyile ndagizi viilonda malozo genuka, 10nanie gangalila kulamuligwa ifa. Ndagizi iyo ikala kwambuli ya kugala ugima, kumwangu igala ifa. 11Kwaivo, malozo gapata nyafasi ya kunivwizila kubitila ndagizi iyo, na kungalila kulamuligwa ifa.
12Baho, ndagizi yenyego ilawa kwa Mulungu na lagizo denyego dilawa kwa Mulungu, na zosang'hana galondigwa na Mulungu na zinoga. 13Ivo, iyo mana kua chija chinogile chinigalila kulamuligwa ifa yangu? Hambee! Viili ni kua malozo ili gaoneke hazelu kua malozo, itumila ija ndagizi inogile na kunigalila kulamuligwa ifa yangu. Ivo, kwanzila ya ija ndagizi, malozo gailagusa chinaganaga vija vigali gehile ng'hani.
Ng'ondo ilimgati mwa munhu
14Chivimanya kua ndagizi zolawa kwa Muhe wa Mulungu, mbali nie ni munhu nili na malozo, nie ni mtumwa wa malozo. 15Kwavija sitambula chinisang'hana, manake chija chinilonda sichisang'hana, mbali chija chinilema icho nochisang'hana. 16Ivo ihawa, nosang'hana chimbidu cha chija chinilonda, ino maanake kua notogola kua ija ndagizi inoga. 17Ivo, sinie iyo nisang'hana chinhu chihile, mbali gaja malozo gokala mgati yangu. 18Nivimanya kua habule dinogile mgati yangu, kuilinga na uzidilwa wangu wa malozo. Kwavija, hata kama nolonda kusang'hana mbuli inogile, sidaha kuisang'hana. 19Manake badili ya kusang'hana mbuli ija inogile inilonda, nie nosang'hana dija dihile dinilema kudisang'hana. 20Ivo, kama nosang'hana chimbidu na dija dinilonda nie, ino ina mana kua si nie nisang'hane gago, mbali ni gaja malozo gokala mgati yangu.
21Baho, niimanya mbuli ino, nihalonda kusang'hana mbuli inogile, mbuli ihile yolawila bahaja. 22Mmoyo wangu noideng'helela ndagizi ya Mulungu. 23Mbali noona kua hana ndagizi imwenga isang'hana sang'hano mulukuli lwangu, ndagizi ija haiilumba na nzewele yangu. Ndagizi iyo yonhenda niwe mtumwa wa malozo ija ili mgati yangu. 24Nhendeze wayangu! Yelihi yodaha kunilohola kulawa mulukuli luno lunigala muiifa? 25Nomwing'ha hewela kwa Mulungu yonilohola kubitila ya Mndewa wetu Yesu Kilisito!
Kwaivo, nie mwenyego kwa nzewele zangu, noisang'hanila ndagizi ya Mulungu, mbali kwa lukuli lwangu nosang'hana malozo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.