2 Abakorinzo 10
10
Paulo yarumbula akobunyali bwobukhalabanibwe
1Nebutswa isie Paulo omwene emusaaya khulwa obuholo nende eshisa shiaKristo; isie oumwongolelanga nindi halala nineenywe, ne nihumaho ninyuma ikholo khwinywe. 2Toto mwene, emusaaya; mbu olwa emba nindiho nineenywe endeshe okhumuumila ikholo. Ne endi ninayo khulwa obwisiichi obumbeelesia itswoni okhufukula abo abakhupaarangakhwo mbu khuchenda mumela yomubili. 3Shichila kata nikhuchendanga mumubili, shikhuseerelanga lihe mumela yomubili ta. 4Okhuba ebimanulwa bieefwe bielihe shibili ebieshinamubili ta, ne nebiobunyali imbeli waNyasaye khulwa okhulikulula tsingoba. 5Khulikululanga amayinje, nende buli shindu eshili hekulu, eshichinguukha okhufukula obumanyi bwaNyasaye, nikhuhamba buli liyililisio imbambe mbu lihulilenje Iiristo; 6ne khwirecheeshe okhukuuma obukhayi bwosi, olwa obuhulili bweenywe bulaba nibumalile okhwikhola obulamba.
7Henje akali hambeli weenywe. Omundu nalebe niyeesuubilanga mbu nowaKristo, ayililisiekhwo khandi mumwoyokwe, mbu shinga ye olwa ali owaKristo, nineefwe fwesi khuli khurio. 8Ne kata nindakhaba nindiyitsiala okhushilaasiakhwo khumakhuwa kobunyali obwa khwaheebwa, obwa Omwami yahaana khulwa okhumuumbakha, nikhurali okhulikulula ta, shindalafwimbwa omurwe tawe. 9Ne shinzenya okhumuloleshela shinga owenya okhumuriisia netsibarwa tsianje ta. 10Okhuba baboola mbu Tsibarwatsie netsisiro, etsiamaani; ne naliho omwene, mumubilikwe, shialikhwo namaani ta, kata okhuboolakhwe nokhwabutswa. 11Ouboola ario yeetsulile likhuwa lino, mbu shinga olwa khuli mumasungo akomutsibarwa ifwe abeene nikhubulaho, nolwa khandi khuli mubikhole, abeene olwa khuliho.
12Shichila shikhutsaalikha okhwibasia kata okhwichelasia abeene nende abandi khubo abeepaaka abeene, ta; ne bo abeene, abeechelasia abeene khubeene, nibeepiima abeene khubeene, babula obuchesi. 13Nebutswa ifwe shikhuleeyitsiala okhubira eshichelo shieefwe ta; nishio eshichelo shiolwakho olwa Nyasaye yakhukabila lube eshichelo, mbu okhuula kata khwinywe. 14Okhuba ifwe shikhwinyiilanga muno muno shinga abaranyala okhuula ewa muli, ta; shichila nifwe abaranjilila okhuula ewa muli, munjiili yaKristo. 15Kata shikhuleeyitsiala okhubira eshichelo shieefwe ta, eshisina mbu muminyakhano chiabandu bandi; nebutswa khunaayanga mbu, obusuubili bweenywe olwa bukhulanga, ifwe khulakaliyila mwinywe, olwakho Iweefwe shinga olwa luli, okhuula khukhushilaana khundi; 16mbu okhwilwatsa injiili kata mumbali etsili imbeli weenywe, obureeyitsialila amakhuwa akamalile okhukasibwa mulwakho Iwoundi ta. 17Ne owiyitsiala, yeeyitsialila muMwami. 18Shichila shiali oyo owipaaka omwene oufuchiililwa ta, habula oyo owa Omwami apaaka.
Currently Selected:
2 Abakorinzo 10: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
2 Abakorinzo 10
10
Paulo yarumbula akobunyali bwobukhalabanibwe
1Nebutswa isie Paulo omwene emusaaya khulwa obuholo nende eshisa shiaKristo; isie oumwongolelanga nindi halala nineenywe, ne nihumaho ninyuma ikholo khwinywe. 2Toto mwene, emusaaya; mbu olwa emba nindiho nineenywe endeshe okhumuumila ikholo. Ne endi ninayo khulwa obwisiichi obumbeelesia itswoni okhufukula abo abakhupaarangakhwo mbu khuchenda mumela yomubili. 3Shichila kata nikhuchendanga mumubili, shikhuseerelanga lihe mumela yomubili ta. 4Okhuba ebimanulwa bieefwe bielihe shibili ebieshinamubili ta, ne nebiobunyali imbeli waNyasaye khulwa okhulikulula tsingoba. 5Khulikululanga amayinje, nende buli shindu eshili hekulu, eshichinguukha okhufukula obumanyi bwaNyasaye, nikhuhamba buli liyililisio imbambe mbu lihulilenje Iiristo; 6ne khwirecheeshe okhukuuma obukhayi bwosi, olwa obuhulili bweenywe bulaba nibumalile okhwikhola obulamba.
7Henje akali hambeli weenywe. Omundu nalebe niyeesuubilanga mbu nowaKristo, ayililisiekhwo khandi mumwoyokwe, mbu shinga ye olwa ali owaKristo, nineefwe fwesi khuli khurio. 8Ne kata nindakhaba nindiyitsiala okhushilaasiakhwo khumakhuwa kobunyali obwa khwaheebwa, obwa Omwami yahaana khulwa okhumuumbakha, nikhurali okhulikulula ta, shindalafwimbwa omurwe tawe. 9Ne shinzenya okhumuloleshela shinga owenya okhumuriisia netsibarwa tsianje ta. 10Okhuba baboola mbu Tsibarwatsie netsisiro, etsiamaani; ne naliho omwene, mumubilikwe, shialikhwo namaani ta, kata okhuboolakhwe nokhwabutswa. 11Ouboola ario yeetsulile likhuwa lino, mbu shinga olwa khuli mumasungo akomutsibarwa ifwe abeene nikhubulaho, nolwa khandi khuli mubikhole, abeene olwa khuliho.
12Shichila shikhutsaalikha okhwibasia kata okhwichelasia abeene nende abandi khubo abeepaaka abeene, ta; ne bo abeene, abeechelasia abeene khubeene, nibeepiima abeene khubeene, babula obuchesi. 13Nebutswa ifwe shikhuleeyitsiala okhubira eshichelo shieefwe ta; nishio eshichelo shiolwakho olwa Nyasaye yakhukabila lube eshichelo, mbu okhuula kata khwinywe. 14Okhuba ifwe shikhwinyiilanga muno muno shinga abaranyala okhuula ewa muli, ta; shichila nifwe abaranjilila okhuula ewa muli, munjiili yaKristo. 15Kata shikhuleeyitsiala okhubira eshichelo shieefwe ta, eshisina mbu muminyakhano chiabandu bandi; nebutswa khunaayanga mbu, obusuubili bweenywe olwa bukhulanga, ifwe khulakaliyila mwinywe, olwakho Iweefwe shinga olwa luli, okhuula khukhushilaana khundi; 16mbu okhwilwatsa injiili kata mumbali etsili imbeli weenywe, obureeyitsialila amakhuwa akamalile okhukasibwa mulwakho Iwoundi ta. 17Ne owiyitsiala, yeeyitsialila muMwami. 18Shichila shiali oyo owipaaka omwene oufuchiililwa ta, habula oyo owa Omwami apaaka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975