2 Abakorinzo 2
2
1Khulwa obusuubili. Kho omwene ndarakhwo omwoyo oburamwitsila khandi neshibeela ta. 2Okhuba nimba nimubeelesia, niwina ousangaasia isie, habula oyo owa ndabeelesiye? 3Ne ndahandiika likhuwa lienelo, mbu olwa ndakhaba ninzitsile endeshe okhubeelesibwa nabeenabo abakhoyile okhuchila nindikhoya; nimwisiikanga mwesi, mbu okhwikhoya khwanje nikhwo okhwikhoya khweenywe mwesi. 4Okhuba mumatinyu nobusaalili obwomumwoyo ndamuhandiichila, nindila amasika amanji; shikali mbu inywe mana mubeelesibwe ta, habula mbu mumanye obuheeli bwanje shinga olwa buli obunji khwinywe.
Omwonooni nalebe aleshelwe
5Ne omundu undi naba niyachila eshibeela nishibaho, shiyambeelesia isie ta; ne (endeshe okhulikaliyia) yamubeelesiakhwo kata inywe mwesi. 6Obukuumwi buno, obwafuchiililwa nobunji bwabandu, bumuhelile omundu oufwana ario; 7bulaano mukhole lukano--mumuleshele nimumutinyisia, mbu aleshe okhumilishila mubunji bweshibeelashie. 8Niko akachila nimusaaya mbu mumutinyisilie obuheeli bweenywe katong'ane. 9Khandi niko akachila nimuhandiichila, okhumuteema, emanye nimuba nimuli abahulili mumakhuwa kosi. 10Ne owa muba nimulesheele, siesi emuleshela endio; okhuba nimba nindesheele omundu likhuwa liosi, akeenako aka emulesheele, emulesheele khulweenywe, imbeli waKristo; 11mbu Setani aleshe okhunyoola obwiyangu khwifwe; okhuba khumanyile tsiyemitsie shinga olwa tsili.
Paulo nali eTeroa--obuhendi, nobuhuli muKrito
12Ne olwa ndoola eTeroa khulwa injiili yaKristo, khandi olwa omuliango kwanzikushila muMwami, 13shindanyoola obusakulushi bwosi mumwoyo ta, shichila shindamunyoola Tito omwana weefwe tawe; ne ndaseebulana ninabo nirula ninzia eMakedonia. 14Ne emuupila Nyasaye mbu orio, oukhwimililanga mumwikhoyo kwobuhuli muKristo, nalolosilia mwifwe eshiuya shiobumanyibwe buli handu hosi. 15Okhuba ifwe khuli eshiuya eshilayi shiaKristo khuNyasaye, mubeenabo abahonibungwa, khandi mubeenabo abatibanga; 16khubakhabili, neshiuya shiobufu eshileera okhufwa; ne khubambeli balia, neshiuya shiobulamu eshileera obulamu. Ne niwina oukanyala ako kosi? 17Shichila ifwe shikhuli shinga obunji bwabandu olwa bali, abahooni ababatsa belikhuwa liaNyasaye, ta; ne ifwe khuboola mushiilingoole akarula khuNyasaye, imbeli waNyasaye, muKristo.
Currently Selected:
2 Abakorinzo 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
2 Abakorinzo 2
2
1Khulwa obusuubili. Kho omwene ndarakhwo omwoyo oburamwitsila khandi neshibeela ta. 2Okhuba nimba nimubeelesia, niwina ousangaasia isie, habula oyo owa ndabeelesiye? 3Ne ndahandiika likhuwa lienelo, mbu olwa ndakhaba ninzitsile endeshe okhubeelesibwa nabeenabo abakhoyile okhuchila nindikhoya; nimwisiikanga mwesi, mbu okhwikhoya khwanje nikhwo okhwikhoya khweenywe mwesi. 4Okhuba mumatinyu nobusaalili obwomumwoyo ndamuhandiichila, nindila amasika amanji; shikali mbu inywe mana mubeelesibwe ta, habula mbu mumanye obuheeli bwanje shinga olwa buli obunji khwinywe.
Omwonooni nalebe aleshelwe
5Ne omundu undi naba niyachila eshibeela nishibaho, shiyambeelesia isie ta; ne (endeshe okhulikaliyia) yamubeelesiakhwo kata inywe mwesi. 6Obukuumwi buno, obwafuchiililwa nobunji bwabandu, bumuhelile omundu oufwana ario; 7bulaano mukhole lukano--mumuleshele nimumutinyisia, mbu aleshe okhumilishila mubunji bweshibeelashie. 8Niko akachila nimusaaya mbu mumutinyisilie obuheeli bweenywe katong'ane. 9Khandi niko akachila nimuhandiichila, okhumuteema, emanye nimuba nimuli abahulili mumakhuwa kosi. 10Ne owa muba nimulesheele, siesi emuleshela endio; okhuba nimba nindesheele omundu likhuwa liosi, akeenako aka emulesheele, emulesheele khulweenywe, imbeli waKristo; 11mbu Setani aleshe okhunyoola obwiyangu khwifwe; okhuba khumanyile tsiyemitsie shinga olwa tsili.
Paulo nali eTeroa--obuhendi, nobuhuli muKrito
12Ne olwa ndoola eTeroa khulwa injiili yaKristo, khandi olwa omuliango kwanzikushila muMwami, 13shindanyoola obusakulushi bwosi mumwoyo ta, shichila shindamunyoola Tito omwana weefwe tawe; ne ndaseebulana ninabo nirula ninzia eMakedonia. 14Ne emuupila Nyasaye mbu orio, oukhwimililanga mumwikhoyo kwobuhuli muKristo, nalolosilia mwifwe eshiuya shiobumanyibwe buli handu hosi. 15Okhuba ifwe khuli eshiuya eshilayi shiaKristo khuNyasaye, mubeenabo abahonibungwa, khandi mubeenabo abatibanga; 16khubakhabili, neshiuya shiobufu eshileera okhufwa; ne khubambeli balia, neshiuya shiobulamu eshileera obulamu. Ne niwina oukanyala ako kosi? 17Shichila ifwe shikhuli shinga obunji bwabandu olwa bali, abahooni ababatsa belikhuwa liaNyasaye, ta; ne ifwe khuboola mushiilingoole akarula khuNyasaye, imbeli waNyasaye, muKristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975