Ebikhole 12
12
Yakobo yeerwa, naye Petero nabohwa
1Haho mundaalo etsio Herode omuruchi yakololosia emikhonochie okhusandia abandi abomukanisa; 2niyeera Yakobo omusiani wabwe Yohana nolukanga. 3Ne olwa yalola shinga olwa liachamisia abaYahudi, yatsiililila namuhamba Petero yesi. Ne tsiali tsindaalo tsiomukaate okubulamwo amamela. 4Ne olwa yali namuhambile, yamura mumbohe, namuhaana mumikhono chiabasikari tsing'anda tsine, buli ng'anda abasikari bane, mbu bamulinde; napaara mbu yakhamurusilia abandu inyuma waPasaka. 5Kho Petero yalindwa mucheela; ne ikanisa yasaaya Nyasaye muno khululwe.
6Ne olwa Herode yali nali okhumurusia ebulafu, mushilo shieneshio Petero yali nali mundoolo, nali hakari wabasikari babili, naboyilwe neminyololo chibili; abalindi abali imbeli womuliango nibalinda icheela. 7Mana lola, malaika wOmwami nasinjila ahambi ninaye, obulafu nibwakha mushisika eshio, naye namutiya Petero mumbafu, namufula, nasunga ari Buukha bwangu. Eminyololo echia yabohelwa nichikwa okhurula khumakhonoke. 8Malaika namusunjila mbu Wibohe, wifwale ebilaarobio. Ne nakhola ario. Namubiila mbu Wifuubile inguboyo, unondekhwo. 9Narula elwanyi, namulondakhwo; ne naramanya mbu nakatoto akakholwa nende malaika ta, habula yakaala mbu alola libisulo. 10Ne olwa bali nibabirile omulindi wambeli nende owakhabili, niboola khushilibwa shieshibia eshitsia mwitookho; nashio nishibeekushila eshiene; nibarula, nibabira khunjila ndala; habwenaho malaika namulekha.
11Ne olwa Petero yalaba tsimoni, yasunga mbu Bulaano emanyile tieeli mbu Omwami arumile malaikawe niyambonia mumukhono kwaHerode, khandi mukosi aka abandu abaYahudi bali nibanaayilanga. 12Ne olwa yali nayililisiye ario, yoola enanzu waMariamu nyina Yohana oweliira lindi mbu Mariko; nomubwenomwo abanji bali nibakhung'aanilemwo nibasaayanga. 13Ne olwa yakhong'onda khulwichi Iweshilibwa, omukholi weshikhaana owalangwa mbu Roda niyeetsa okhumwikulila. 14Ne olwa yamanya mbu nomwoyo kwaPetero, obusangaali bwachila nareekula omuliango ta, habula yakalukha tsimbilo nababoolela mbu Petero usinjiile hashilibwa. 15Nibamusunjila bari Olaluushe. Naye naboola butinyu mbu kali butswa kario. Nibasunga bari Nimalaikawe.
16Naye Petero nameeta okhukhong'onda, ne olwa bamwikulila, bamulola, nibang'ang'aala. 17Naye nabaholelesia nomukhono, nabatoonyela shinga Omwami olwa yali namurusiye mucheela. Nasunga mbu Boolela Yakobo amakhuwa kano, nende abaana beefwe bandi. Mana nabarulakhwo natsia haundi.
18Haho nibwakhashia, obukoyaani nibubaho muno mubasikari, mbu Petero akhatsiile heena? 19Ne olwa Herode yali namukhaabile oburamunyoola ta, yanoonelesia mubalindi abo, nalachilisia mbu beerwe. Omwene nakholomokha okhurula ebuYahudi natsia eKaisaria, namenyakhwoyo.
Petero yahonokosibwa mumbohe Okhufwa khwaHerode
20Ne yali nabatiililwa abeTiro nende abeSidoni oburima; nabo nibamutsiila nende omwoyo mulala, nibamalile okhuhamba Bulasio omwalisial womuruchi obwitsa; nibamusaba omulembe, shichila eshialo shiabwe shianyoolanga eshiokhulia okhurula mushialo shiomuruchi. 21Mana khunyanga indoboole Herode yeesiaha tsingubo tsieshiruchi, niyeekhala khushifumbi shioburuchi, nabeelwatsila abandu omwilwatso. 22Abandu nibayochela, bari Nomwoyo kwomunyasaye; shikuli kwomundu tawe. 23Habwene nahabwene malaika wOmwami namukhupa, shichila shiyaheelesia Nyasaye oluyali ta; ne yaliibwa netsinyende, nakhalikha omwoyo.
Baranaba naSaulo
24Ne likhuwa liaNyasaye liakhula nilimeetekha.
25Nabo Baranaba nende Saulo bachelela okhurula eYerusalemu, olwa bali nibamalile obukhalabani bwabwe, nibali nende Yohana oweliira lindi mbu Mariko.
Currently Selected:
Ebikhole 12: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ebikhole 12
12
Yakobo yeerwa, naye Petero nabohwa
1Haho mundaalo etsio Herode omuruchi yakololosia emikhonochie okhusandia abandi abomukanisa; 2niyeera Yakobo omusiani wabwe Yohana nolukanga. 3Ne olwa yalola shinga olwa liachamisia abaYahudi, yatsiililila namuhamba Petero yesi. Ne tsiali tsindaalo tsiomukaate okubulamwo amamela. 4Ne olwa yali namuhambile, yamura mumbohe, namuhaana mumikhono chiabasikari tsing'anda tsine, buli ng'anda abasikari bane, mbu bamulinde; napaara mbu yakhamurusilia abandu inyuma waPasaka. 5Kho Petero yalindwa mucheela; ne ikanisa yasaaya Nyasaye muno khululwe.
6Ne olwa Herode yali nali okhumurusia ebulafu, mushilo shieneshio Petero yali nali mundoolo, nali hakari wabasikari babili, naboyilwe neminyololo chibili; abalindi abali imbeli womuliango nibalinda icheela. 7Mana lola, malaika wOmwami nasinjila ahambi ninaye, obulafu nibwakha mushisika eshio, naye namutiya Petero mumbafu, namufula, nasunga ari Buukha bwangu. Eminyololo echia yabohelwa nichikwa okhurula khumakhonoke. 8Malaika namusunjila mbu Wibohe, wifwale ebilaarobio. Ne nakhola ario. Namubiila mbu Wifuubile inguboyo, unondekhwo. 9Narula elwanyi, namulondakhwo; ne naramanya mbu nakatoto akakholwa nende malaika ta, habula yakaala mbu alola libisulo. 10Ne olwa bali nibabirile omulindi wambeli nende owakhabili, niboola khushilibwa shieshibia eshitsia mwitookho; nashio nishibeekushila eshiene; nibarula, nibabira khunjila ndala; habwenaho malaika namulekha.
11Ne olwa Petero yalaba tsimoni, yasunga mbu Bulaano emanyile tieeli mbu Omwami arumile malaikawe niyambonia mumukhono kwaHerode, khandi mukosi aka abandu abaYahudi bali nibanaayilanga. 12Ne olwa yali nayililisiye ario, yoola enanzu waMariamu nyina Yohana oweliira lindi mbu Mariko; nomubwenomwo abanji bali nibakhung'aanilemwo nibasaayanga. 13Ne olwa yakhong'onda khulwichi Iweshilibwa, omukholi weshikhaana owalangwa mbu Roda niyeetsa okhumwikulila. 14Ne olwa yamanya mbu nomwoyo kwaPetero, obusangaali bwachila nareekula omuliango ta, habula yakalukha tsimbilo nababoolela mbu Petero usinjiile hashilibwa. 15Nibamusunjila bari Olaluushe. Naye naboola butinyu mbu kali butswa kario. Nibasunga bari Nimalaikawe.
16Naye Petero nameeta okhukhong'onda, ne olwa bamwikulila, bamulola, nibang'ang'aala. 17Naye nabaholelesia nomukhono, nabatoonyela shinga Omwami olwa yali namurusiye mucheela. Nasunga mbu Boolela Yakobo amakhuwa kano, nende abaana beefwe bandi. Mana nabarulakhwo natsia haundi.
18Haho nibwakhashia, obukoyaani nibubaho muno mubasikari, mbu Petero akhatsiile heena? 19Ne olwa Herode yali namukhaabile oburamunyoola ta, yanoonelesia mubalindi abo, nalachilisia mbu beerwe. Omwene nakholomokha okhurula ebuYahudi natsia eKaisaria, namenyakhwoyo.
Petero yahonokosibwa mumbohe Okhufwa khwaHerode
20Ne yali nabatiililwa abeTiro nende abeSidoni oburima; nabo nibamutsiila nende omwoyo mulala, nibamalile okhuhamba Bulasio omwalisial womuruchi obwitsa; nibamusaba omulembe, shichila eshialo shiabwe shianyoolanga eshiokhulia okhurula mushialo shiomuruchi. 21Mana khunyanga indoboole Herode yeesiaha tsingubo tsieshiruchi, niyeekhala khushifumbi shioburuchi, nabeelwatsila abandu omwilwatso. 22Abandu nibayochela, bari Nomwoyo kwomunyasaye; shikuli kwomundu tawe. 23Habwene nahabwene malaika wOmwami namukhupa, shichila shiyaheelesia Nyasaye oluyali ta; ne yaliibwa netsinyende, nakhalikha omwoyo.
Baranaba naSaulo
24Ne likhuwa liaNyasaye liakhula nilimeetekha.
25Nabo Baranaba nende Saulo bachelela okhurula eYerusalemu, olwa bali nibamalile obukhalabani bwabwe, nibali nende Yohana oweliira lindi mbu Mariko.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975