Ebikhole 14
14
Paulo naBaranaba nibali eIkonio
1Ne nibali eIkonio, beenjila bario musinagogi yabaYahudi, ne khulwa okhuboola khwabwe omukanda omukhongo kwabandu abaYahudi nabaYunani nibasuubila. 2Nebutswa abaYahudi abakhaya okhusuubila bayakula emioyo chiAbamahanga, nibabiiyia emioyo chiabwe khubaana beefwe.
3Kho bamenyakhwoyo eshise eshirambi nibaboolanga katong'ane muMwami; naye yatinyisia likhuwa liobukoosiabwe, nafuchiilila mbu ebilolelo nende amangaliimwa bikholeshele mumakhono kabwe. 4Ne obunji bwabomwitookho bali nibakabukhaane; abandi bakalukha khubaYahudi, nabandi khubarume. 5Ne olwa Abamahanga nabaYahudi halala nende abeemilisi babwe bakasia amakhuwa okhubakholela obubii nokhubalasa namachina, 6bo bahulilakhwo, nibeelushila mumataala kaLikaonia mbu Lisitera nende Derube, nende mumbali tsiebweneyo; 7mana ebweneyo nibeelwatsa akeinjiili.
Paulo yalasilwa namachina eLisitera
8Ne ebweneyo eLisitera yaliho omundu ouralikhwo namaani mubilenje ta, nowelikara okhurula munda yanyina, kata shiyali niyachendakhwo ta. 9Omwenoyo yahulila Paulo naboola; naye yoomisia tsimoni okhumuhenga, nalola shinga olwa yali nobusuubili okhuhonibwa; 10naboola nomwoyo omukhongo, ari Sinjila eshilunji nebilenjebio. Naye nabuukha bwangu, nachenda. 11Ne olwa abemikanda balola elia Paulo akholile, bachinga emioyo, nibasunga muluLikaonia, bari Abanyasaye bakhwishiile mubukondo bwabandu. 12Nibamukulikha Baranaba mbu Zeu, naye Paulo mbu Herime, shichila niye owali omubooli. 13Mana omukuhani waZeu owa ihekaluye yali elwanyi welitaala, yaleera tsisurusi nende tsimombwe habilibwa, niyeenya okhumala omusango halala nende abemikanda.
14Ne olwa abarume, Baranaba nende Paulo, bahulilakhwo, barandula ebiifwalo biabwe, nibatsia tsimbilo mubemikanda, nibalanjisia, 15nibasunga bari Abasaatsa abashieefwe, mukholanga amakhuwa kano mbushiina? Fwesi khuli abandu, aboburulanda bulala nineenywe; ne khumuleerela amakhuwa amalayi, mbu mushiukhane nimulekha ebindu bino biabutswa, muchoome khuNyasaye oubeetsangaho mwoyo, oyo owakhola likulu nende eshialo nende inyanza, nende ebilimwo biosi; 16ne munzibulo etsiabirile omwenoyo yalekha amahanga kosi kalonde munjila tsiako akeene. 17Ne shiyayeelekha omwene butswa harali oburumbusi ta; okhuba yakhoIanga amalayi, namuheelesia okhurula mwikulu ifula nende tsinduukho tsielichesa, niyeekusia emioyo chieenywe ebiliibwa nende obusangaali. 18Ne kata nende amakhuwa ako, bwali butinyu okhuyinjila abemikanda oburabamalila emisango ta.
19Ne abaYahudi bandi boolayo abarula eAndiokia nende Ikonio, ne olwa bali nibatswanzwaniye emikanda, bamulasa Paulo namachina, nibamukhwesa elwanyi welitaala, nibakaala mbu ufwile. 20Ne olwa abeechi basinjilaho nibamubotokhana, yabuukha, niyeenjila mwitaala; mana mukamba narulamwo, halala nende Baranaba, nibatsia eDerube.
21Ne olwa bali nibeelwatsile injiili mwitaala elo, nibanyoolile abeechi abanji, bakalukha eLisitera nende Ikonio nende Andiokia, 22nibatinyisinjia abeechi emioyo chiabwe, nibabachesiyia mbu balumilile mubusuubili obwo, khandi shinga olwa khukhoyile okhwinjila mubwami bwaNyasaye nikhubirila mumasila amanji. 23Ne olwa bali nibamalile okhuraho abakofu mubuli kanisa, nibasaaya nokhuhonga inzala babara mumakhono kaNyasaye, omwenoyo owa basuubilila.
Bakalukha Andiokia muSiria
24Nibabira muPisidia, niboola ePamufilia. 25Ne olwa bali nibaboolile akelikhuwa tsana muPeruga, bakholomokha niboola eAtalia.
26Nokhurula yaho nibatsia muliaro okhuula eAndiokia, ewa bali nibahaanilwa khubukoosia bwaNyasaye khulwa emilimo echia bali nibamalile okhukhola. 27Ne olwa bali niboolileyo, nibakhung'aasiye ikanisa halala, babatoonyela amakhuwa kosi aka Nyasaye yali nakholile ninabo, khandi shinga olwa yali niyeekuliile Abamahanga omuliango kwobusuubili. 28Nibeekhalakhwoyo nende abeechi tsindaalo tsinyinjikhwo.
Currently Selected:
Ebikhole 14: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ebikhole 14
14
Paulo naBaranaba nibali eIkonio
1Ne nibali eIkonio, beenjila bario musinagogi yabaYahudi, ne khulwa okhuboola khwabwe omukanda omukhongo kwabandu abaYahudi nabaYunani nibasuubila. 2Nebutswa abaYahudi abakhaya okhusuubila bayakula emioyo chiAbamahanga, nibabiiyia emioyo chiabwe khubaana beefwe.
3Kho bamenyakhwoyo eshise eshirambi nibaboolanga katong'ane muMwami; naye yatinyisia likhuwa liobukoosiabwe, nafuchiilila mbu ebilolelo nende amangaliimwa bikholeshele mumakhono kabwe. 4Ne obunji bwabomwitookho bali nibakabukhaane; abandi bakalukha khubaYahudi, nabandi khubarume. 5Ne olwa Abamahanga nabaYahudi halala nende abeemilisi babwe bakasia amakhuwa okhubakholela obubii nokhubalasa namachina, 6bo bahulilakhwo, nibeelushila mumataala kaLikaonia mbu Lisitera nende Derube, nende mumbali tsiebweneyo; 7mana ebweneyo nibeelwatsa akeinjiili.
Paulo yalasilwa namachina eLisitera
8Ne ebweneyo eLisitera yaliho omundu ouralikhwo namaani mubilenje ta, nowelikara okhurula munda yanyina, kata shiyali niyachendakhwo ta. 9Omwenoyo yahulila Paulo naboola; naye yoomisia tsimoni okhumuhenga, nalola shinga olwa yali nobusuubili okhuhonibwa; 10naboola nomwoyo omukhongo, ari Sinjila eshilunji nebilenjebio. Naye nabuukha bwangu, nachenda. 11Ne olwa abemikanda balola elia Paulo akholile, bachinga emioyo, nibasunga muluLikaonia, bari Abanyasaye bakhwishiile mubukondo bwabandu. 12Nibamukulikha Baranaba mbu Zeu, naye Paulo mbu Herime, shichila niye owali omubooli. 13Mana omukuhani waZeu owa ihekaluye yali elwanyi welitaala, yaleera tsisurusi nende tsimombwe habilibwa, niyeenya okhumala omusango halala nende abemikanda.
14Ne olwa abarume, Baranaba nende Paulo, bahulilakhwo, barandula ebiifwalo biabwe, nibatsia tsimbilo mubemikanda, nibalanjisia, 15nibasunga bari Abasaatsa abashieefwe, mukholanga amakhuwa kano mbushiina? Fwesi khuli abandu, aboburulanda bulala nineenywe; ne khumuleerela amakhuwa amalayi, mbu mushiukhane nimulekha ebindu bino biabutswa, muchoome khuNyasaye oubeetsangaho mwoyo, oyo owakhola likulu nende eshialo nende inyanza, nende ebilimwo biosi; 16ne munzibulo etsiabirile omwenoyo yalekha amahanga kosi kalonde munjila tsiako akeene. 17Ne shiyayeelekha omwene butswa harali oburumbusi ta; okhuba yakhoIanga amalayi, namuheelesia okhurula mwikulu ifula nende tsinduukho tsielichesa, niyeekusia emioyo chieenywe ebiliibwa nende obusangaali. 18Ne kata nende amakhuwa ako, bwali butinyu okhuyinjila abemikanda oburabamalila emisango ta.
19Ne abaYahudi bandi boolayo abarula eAndiokia nende Ikonio, ne olwa bali nibatswanzwaniye emikanda, bamulasa Paulo namachina, nibamukhwesa elwanyi welitaala, nibakaala mbu ufwile. 20Ne olwa abeechi basinjilaho nibamubotokhana, yabuukha, niyeenjila mwitaala; mana mukamba narulamwo, halala nende Baranaba, nibatsia eDerube.
21Ne olwa bali nibeelwatsile injiili mwitaala elo, nibanyoolile abeechi abanji, bakalukha eLisitera nende Ikonio nende Andiokia, 22nibatinyisinjia abeechi emioyo chiabwe, nibabachesiyia mbu balumilile mubusuubili obwo, khandi shinga olwa khukhoyile okhwinjila mubwami bwaNyasaye nikhubirila mumasila amanji. 23Ne olwa bali nibamalile okhuraho abakofu mubuli kanisa, nibasaaya nokhuhonga inzala babara mumakhono kaNyasaye, omwenoyo owa basuubilila.
Bakalukha Andiokia muSiria
24Nibabira muPisidia, niboola ePamufilia. 25Ne olwa bali nibaboolile akelikhuwa tsana muPeruga, bakholomokha niboola eAtalia.
26Nokhurula yaho nibatsia muliaro okhuula eAndiokia, ewa bali nibahaanilwa khubukoosia bwaNyasaye khulwa emilimo echia bali nibamalile okhukhola. 27Ne olwa bali niboolileyo, nibakhung'aasiye ikanisa halala, babatoonyela amakhuwa kosi aka Nyasaye yali nakholile ninabo, khandi shinga olwa yali niyeekuliile Abamahanga omuliango kwobusuubili. 28Nibeekhalakhwoyo nende abeechi tsindaalo tsinyinjikhwo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975