Ebikhole 18
18
Paulo nali eKorinzo
1Olunyuma lwamakhuwa ako Paulo yarula eAtsene niyoola eKorinzo. 2Ne yanyoola omuYahudi undi oweliira mbu Akula, omundu oweebulilwa ePondo, owali niyarulile eItalia halala nomukhasiwe mbu Pirisila, shichila Kilaudio yali nalachile abaYahudi bosi barule eRoma; kho niyoola ewabwe. 3Ne shichila yali omukholi wemilimo milala ninabo, yamenya ninabo, nibatsiililila okhukhola; shichila bali abanabi bamaheema. 4Naye nakhupa imbakha musinagogi buli Sabato, nateema okhunichilisia abaYahudi nende abaYunani.
5Ne olwa Sila nende Timotseo bakholomokha okhurula eMakedonia, Paulo yahonga khukhwilwatsa khwonyene, narumbulilanga abaYahudi akobuloli, mbu Yesu niye Kristo watsana. 6Ne olwa bamuyingania, nibanyeka, yabasungusila tsingubotsie, nabasunjila ari Amatsayi keenywe kabe khumirwe chieenywe abeene; isie embula eshikha; okhurula olwa leelo ndalatsiitsanga khuBamahanga. 7Mana narulayo, niyeenjila munzu yomundu undi oulangwa mbu Tito Yusito; nomwikayakayi, nowa inzuye yarondokhana nende isinagogi. 8Khandi Kirisipo, omwimilisi weisinagogi, yasuubilila Omwami, halala nende abeinzuye bosi; nabanji abokhubaKorinzo olwa bahulila, basuubila, nibabatisibwa. 9Mana Omwami namuboolela Paulo mwibisulo, mushilo, mbu Oraria tawe; boola buboola, noraholeela ta; 10okhuba endi halala ninawe, khandi abulaho oulakhukwakhwo okhukhukholela obubii tawe; shichila endi nende abandu abanji mwitookho lino. 11Kho namenyayo omuyika nemiesi chisasaba, niyeechesinjia mubo likhuwa liaNyasaye.
12Ne olwa Galio yali kafuna waAkhaya, abaYahudi bamusanjila Paulo nomwoyo mulala, nibamuyila hashifumbi shiobuyaasii, 13nibasunga bari Omundu uno anichilisinjia abandu okhwinamila Nyasaye munjila tsindi etsirali etsiamalako ta. 14Ne olwa Paulo yali nali okhuchinga omunwa, Galio yasunjila abaYahudi ari Inywe abaYahudi, niliba niliakhabeele likhuwa liobwonooni kata eliobumayaanu obubii, liakhabeele nilikhoyeele mbu efuchiilile obwinjilili bweenywe; 15ne nibiba nibili ebifune biamasungo, nameera, namalako keenywe, ako nakeenywe; isie shifuchiilila okhuba omuklnalachi mumakhuwa ako ta. 16Mana nabalonda hashifumbi shiobuyaasi. 17Nabo bosi nibamukhwakhwo Sositsene, omwimilisi weisinagogi, nibamukhupachila imbeli weshifumbi shiobuyasii. Ne Galio shiyateeba likhuwa khu ako kosi ta.
Paulo yakalukha eAndiokia
18Inyuma wamakhuwa ako Paulo yamenyayo tsindaalo tsinyinji; mana yaseebulana nabaana babwe, narulayo muliaro nachooma eSiria, nali nende Pirisila naAkula; ne yali niyeebecheele omurwe eKenekerea; shichila yali niyeetsubile eshiitsubo. 19Niboola eEfeso; naye nabalekhayo; ne omwene niyeenjila musinagogi nakhupa imbakha nabaYahudi. 20Ne olwa bamusaaya mbu yeekhalekhwoyo eshise shindi khandi, shiyafuchiilila ta; 21ne yaseebulana ninabo, nasunga mbu Ndakhakalushe olundi, Nyasaye naba nachama; mana narula eEfeso muliaro. 22Ne olwa yali niyeeshile eKaisaria, yatikulukha natsia okhushiesia ikanisa, mana nakholomokha natsia eAndiokia.
23Ne namalile okhwikhalayo tsindaalo, yarulayo, nabira mumbali tsieGalatia naFirigia, shinga olwa tsilondana, natinyilisinjia abeechi bosi.
Paulo yeelwatsila eEfeso
24Haho omuYahudi undi oweliira mbu Apolo, omundu oweebulilwa eAlekisanderia, omundu oweechesibwa muno, niyoola eEfeso; ne yali omuchesi muno mumakhuwa kamahandiiko. 25Omundu oyo yali niyeechesibwa akeinjila yOmwami; ne okhuba yali omulumilifu muno, yaboola nokhwechesia habwene amakhuwa kaYesu; ne yali niyamanya obubatisii bwaYohana bwonyene. 26Kho yachaaka okhuboola katong'ane musinagogi. Ne olwa Pirisila naAkula bamuhulila, bamuyila ewabwe, nibameeta okhumwechesia injila yaNyasaye habwene. 27Ne olwa yeenya okhwambukha okhutsia eAkhaya, abaana beefwe bamutinyilisia omwoyo, nibabahandiichila abeechi mbu bamwinjisie; ne olwa yali niyoolileyo, yabakhoonya muno abeenabo abali nibasuubiliile khulwa obukoosia; 28okhuba yabahulila elala abaYahudi habulafu, namanyia mumahandiiko shinga Yesu olwa ali ye Kristo watsana.
Currently Selected:
Ebikhole 18: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ebikhole 18
18
Paulo nali eKorinzo
1Olunyuma lwamakhuwa ako Paulo yarula eAtsene niyoola eKorinzo. 2Ne yanyoola omuYahudi undi oweliira mbu Akula, omundu oweebulilwa ePondo, owali niyarulile eItalia halala nomukhasiwe mbu Pirisila, shichila Kilaudio yali nalachile abaYahudi bosi barule eRoma; kho niyoola ewabwe. 3Ne shichila yali omukholi wemilimo milala ninabo, yamenya ninabo, nibatsiililila okhukhola; shichila bali abanabi bamaheema. 4Naye nakhupa imbakha musinagogi buli Sabato, nateema okhunichilisia abaYahudi nende abaYunani.
5Ne olwa Sila nende Timotseo bakholomokha okhurula eMakedonia, Paulo yahonga khukhwilwatsa khwonyene, narumbulilanga abaYahudi akobuloli, mbu Yesu niye Kristo watsana. 6Ne olwa bamuyingania, nibanyeka, yabasungusila tsingubotsie, nabasunjila ari Amatsayi keenywe kabe khumirwe chieenywe abeene; isie embula eshikha; okhurula olwa leelo ndalatsiitsanga khuBamahanga. 7Mana narulayo, niyeenjila munzu yomundu undi oulangwa mbu Tito Yusito; nomwikayakayi, nowa inzuye yarondokhana nende isinagogi. 8Khandi Kirisipo, omwimilisi weisinagogi, yasuubilila Omwami, halala nende abeinzuye bosi; nabanji abokhubaKorinzo olwa bahulila, basuubila, nibabatisibwa. 9Mana Omwami namuboolela Paulo mwibisulo, mushilo, mbu Oraria tawe; boola buboola, noraholeela ta; 10okhuba endi halala ninawe, khandi abulaho oulakhukwakhwo okhukhukholela obubii tawe; shichila endi nende abandu abanji mwitookho lino. 11Kho namenyayo omuyika nemiesi chisasaba, niyeechesinjia mubo likhuwa liaNyasaye.
12Ne olwa Galio yali kafuna waAkhaya, abaYahudi bamusanjila Paulo nomwoyo mulala, nibamuyila hashifumbi shiobuyaasii, 13nibasunga bari Omundu uno anichilisinjia abandu okhwinamila Nyasaye munjila tsindi etsirali etsiamalako ta. 14Ne olwa Paulo yali nali okhuchinga omunwa, Galio yasunjila abaYahudi ari Inywe abaYahudi, niliba niliakhabeele likhuwa liobwonooni kata eliobumayaanu obubii, liakhabeele nilikhoyeele mbu efuchiilile obwinjilili bweenywe; 15ne nibiba nibili ebifune biamasungo, nameera, namalako keenywe, ako nakeenywe; isie shifuchiilila okhuba omuklnalachi mumakhuwa ako ta. 16Mana nabalonda hashifumbi shiobuyaasi. 17Nabo bosi nibamukhwakhwo Sositsene, omwimilisi weisinagogi, nibamukhupachila imbeli weshifumbi shiobuyasii. Ne Galio shiyateeba likhuwa khu ako kosi ta.
Paulo yakalukha eAndiokia
18Inyuma wamakhuwa ako Paulo yamenyayo tsindaalo tsinyinji; mana yaseebulana nabaana babwe, narulayo muliaro nachooma eSiria, nali nende Pirisila naAkula; ne yali niyeebecheele omurwe eKenekerea; shichila yali niyeetsubile eshiitsubo. 19Niboola eEfeso; naye nabalekhayo; ne omwene niyeenjila musinagogi nakhupa imbakha nabaYahudi. 20Ne olwa bamusaaya mbu yeekhalekhwoyo eshise shindi khandi, shiyafuchiilila ta; 21ne yaseebulana ninabo, nasunga mbu Ndakhakalushe olundi, Nyasaye naba nachama; mana narula eEfeso muliaro. 22Ne olwa yali niyeeshile eKaisaria, yatikulukha natsia okhushiesia ikanisa, mana nakholomokha natsia eAndiokia.
23Ne namalile okhwikhalayo tsindaalo, yarulayo, nabira mumbali tsieGalatia naFirigia, shinga olwa tsilondana, natinyilisinjia abeechi bosi.
Paulo yeelwatsila eEfeso
24Haho omuYahudi undi oweliira mbu Apolo, omundu oweebulilwa eAlekisanderia, omundu oweechesibwa muno, niyoola eEfeso; ne yali omuchesi muno mumakhuwa kamahandiiko. 25Omundu oyo yali niyeechesibwa akeinjila yOmwami; ne okhuba yali omulumilifu muno, yaboola nokhwechesia habwene amakhuwa kaYesu; ne yali niyamanya obubatisii bwaYohana bwonyene. 26Kho yachaaka okhuboola katong'ane musinagogi. Ne olwa Pirisila naAkula bamuhulila, bamuyila ewabwe, nibameeta okhumwechesia injila yaNyasaye habwene. 27Ne olwa yeenya okhwambukha okhutsia eAkhaya, abaana beefwe bamutinyilisia omwoyo, nibabahandiichila abeechi mbu bamwinjisie; ne olwa yali niyoolileyo, yabakhoonya muno abeenabo abali nibasuubiliile khulwa obukoosia; 28okhuba yabahulila elala abaYahudi habulafu, namanyia mumahandiiko shinga Yesu olwa ali ye Kristo watsana.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975