Ebikhole 2
2
Okhwitsa khwaRoho Omutakatifu
1Mana olwa inyanga yaPendekote yali niyulile, bali nibali halala bosi, habundu halala. 2Habwenaho beetsukhana obuyoka niburula mwikulu shinga okhuhuuma khwomuyeka omukhongo, nibwitsula munzu mwosi omwa bali nibeekhaale. 3Mana nitsibaloleshela tsinimi shinga etsiomulilo, nitsikabukhana nitsiyeela khubuli mulala khubo. 4Nabo nibeetsulamwo Roho Omutakatifu, nibachaaka okhuboola nende tsinimi tsindi lukano lukano, shinga Roho olwa yabanyalila okhuboola.
5Ne baliho abaYahudi abali nibali eYerusalemu, abandu abariitsanga Nyasaye, abarula mubuli lihanga hasi welikulu. 6Ne olwa obuyoka obwo bwahuliilikha, emikanda chiakhung'aanila halala, nichikoyaasibwa, shichila buli mundu yabahulila nibaboolela mululimi lulwe omwene. 7Nibang'ang'aala, nibahuka, bari Abeefu, bano ababoolanga shibali abaGalilaya bosi? 8Ne kabeele karie nikhuhulila buli mundu mululimi Iwewabwe ewa yeebulwa? 9Mbu abaParitsi nabaMedi nabaElamu, nabo abeMesopotamia, nende abebuYahudi nende abeKapadokia, abePondo nende abeAsia, 10abeFirigia nabePamufilia, abeMisiri nende abebitonye biaLibia ebirondokhana nende Iiirene, nabacheni abarula eRoma, abaYahudi abeebule kata nende abeeshiukhasia okhuba abaYahudi, 11abaKirete nende abaArabu, khuhulila nibaboola munimi tsieefwe akebikhole ebikhongo biaNyasaye. 12Nibang'ang'aala, nibarambwa, nibareebana bari Kakhali karie? 13Nebutswa abandi nibakokonya, nibasunga bari Bameelile amalwa amatoro.
Aka Petero yeelwatsa khunyanga yaPendekote
14Naye Petero, nasinjiile halala nende abo ekhumi namulala, yachinga omunwa, nabarumbulila ari Inywe abaYahudi abashianje, nende bosi abamenya eYerusalemu, mumanye kano, rechelesie amakhuwa kanje. 15Okhuba bano shibameelile, shinga olwa mukaala, tawe, olwa yishili isaa yakhataru butswa eyomusenya; 16ne kano niko akaboolwa nende omunabii Yoeli,
17mbu Nyasaye asunga ari Kaliba mundaalo tsiobumaliilishi,
mbu ndilisundulila abandu bosi Roho wanje;
nabo abaana beenywe abasiani nende abakhaana balilakula,
abasooliili beenywe balilola amabisulo,
abakofu beenywe baliloora amalooro.
18Toto, ne mundaalo tsienetsio ndilisundula Roho wanje
khubasumba banje abeshisaatsa nende abeshikhasi,
nabo balilakula.
19Khandi ndililolosia ebiamakana mwikulu ikulu,
nende ebilolelo khushialo hasi,
mbu amatsayi, nende omulilo, nende oluuya Iwomwosi;
20omubasu kulikwa eshiilima,
nomwesi okhukwa amatsayi,
induukho yOmwami niyirashioola ta,
inyanga eyo ikhulundu eyilamanyikha ebulafu.
21Ne kaliba mbu omundu yesi oulihaabila eliira liOmwami alihonibwa.
22AbaIsiraeli abashianje, hulile amakhuwa kano: mbu Yesu weNazareti, omundu owa Nyasaye omwene yalolosia khulwa ebikhole bietsingufu nende amakana nende ebilolelo, ebia Nyasaye yakhola nende amakhonoke hakari weeny ve, shinga inywe abeene olwa mumanyile; 23omwenoyo, olwa yakhobwa khulwa tsiyemi tsiaNyasaye, owamanya akeimbeli khale, inywe mwamubamba khumusalaba nimumwira nende amakhono kabandu ababii. 24Ne Nyasaye yamulamusia, olwa yali natendeyiye obululu bwokhufwa; shichila shikanyalikha mbu atiilwe ninakhwo ta.
25Okhuba Daudi yasunga khuye, ari
Ndamulola Omwami nabeetsangaho imbeli wanje tsindaalo tsiosi,
okhuba aliho khumukhono kwanje musaatsa, endeshenje okhusiikukha;
26khulwako omwoyo kwanje kwasangaala, olulimi lwanje nilwikhoya;
khandi omubili kwanje kulamenya nikunaayanga.
27Shichila shiolalekha roho yanje eMakombe ta,
kata shiolafuchiilila Omutakatifuwo okhwinjila mukhubola tawe.
28Wayamanyiye tsinjila tsiobulamu,
ne olanzitsusia obusangaali aha oli.
29Abaana beefwe, mundeshele esunje katong'anel akakuuka weefwe omukhulundu Daudi, shinga olwa yafwa khand inayabilwa; ne eshilindwashie khuli ninashio okhuula olwa leelo. 30Naye olwa yali omunabii, yamanya shinga olwa Nyasaye yali namwitsubiile neshiitsubo mbu yakhara khushifumbishie omundu ourula mundaye. 31Ye yaranjilila okhulola kano khale, naboola khukhulamukha khwaKristo, mbu kata shiyalekhwa eMakombe ta, kata omubilikwe shikwayeenjila mukhubola tawe. 32Yesu oyo, Nyasaye yamulamusia, nineefwe fwesi khuli abaloli khubwo. 33Kho ye, olwa yamalile okhwemekhwa hamukhono musaatsa kwaNyasaye, namalile okhunyoola khuSeefwe eshisuubisie shiaRoho Omutakatifu, asunduule kano aka mulola nende okhuhulila. 34Okhuba Daudi shiyakulukha niyeenjila mwikulu tawe; nebutswa omwene yaboola, mbu
Omwami yasunjila Omwami wanje, ari
Yikhala khumukhono kwanje musaatsa
35okhuula olwa embe nikholile abasukubo babe aba olambisiakhwo ebilenje.
36Kho abeinzu yosi yaIsiraeli bamanye toto mbu Nyasaye yamukholile Yesu uno, owa mwabamba khumusalaba, abe Omwami, khandi Kristo.
37Nabo olwa bahulilakhwo, kabafumira emioyo, kho nibasunjila Petero nende abarume bashie bari Baana beefwe, khukhole khurie? 38Petero nabasunjila ari Mwikalukhasie nimubatisibwa, buli mulala, muliira liaYesu Kristo, mbu munyoole obuleshelwi bwebionoono bieenywe; mana mulanyoola eshihaanwa shiaRoho Omutakatifu. 39Okhuba obusuubisii buli khwinywe, nende khubaana beenywe, nende khubosi abali ehale, abo bosi aba Omwami Nyasaye weefwe alalanga mbu bamwitsile.
40Nabarumbulila amakhuwa kandi amanji akobuloli, nabachesiyia, ari Mwihonie abeene mulwibulo luno olushiamu. 41Kho abo abafuchiilila amakhuwake nibabatisibwa; nibameetekha khunyanga eyo abandu shinga ebikhumila bitaru. 42Nabo nibalumilila mumeechesio kabarume, nende mubusanjilani, nende mukhusonyola omukaate, nende mumilaamo.
Ebiima habobusuubili
43Mana oburii nibuhamba buli mundu; ne amangalimwa amanji nende ebilolelo biakholwa nabarume. 44Nabo bosi abasuubila bali halala, nibasanjilana khubindu biabwe biosi; 45nibakusia emiandu chiabwe nende ebindu ebia bali ninabio amapeesa, nibakabila bosi obutambi bwomundu yesi shinga olwa bwali. 46Nibalumilila, inyanga buli nyanga, nomwoyo mulala muhekalu, nibasonyola emikaate mungo, nibasanjilana khubiliibwa nende obusangaali nende omwoyo mulala, 47nibamulaha Nyasaye, nibachamisia abandu bosi. Omwami nabameetela inyanga buli nyanga abeenabo abahonibungwa.
Currently Selected:
Ebikhole 2: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ebikhole 2
2
Okhwitsa khwaRoho Omutakatifu
1Mana olwa inyanga yaPendekote yali niyulile, bali nibali halala bosi, habundu halala. 2Habwenaho beetsukhana obuyoka niburula mwikulu shinga okhuhuuma khwomuyeka omukhongo, nibwitsula munzu mwosi omwa bali nibeekhaale. 3Mana nitsibaloleshela tsinimi shinga etsiomulilo, nitsikabukhana nitsiyeela khubuli mulala khubo. 4Nabo nibeetsulamwo Roho Omutakatifu, nibachaaka okhuboola nende tsinimi tsindi lukano lukano, shinga Roho olwa yabanyalila okhuboola.
5Ne baliho abaYahudi abali nibali eYerusalemu, abandu abariitsanga Nyasaye, abarula mubuli lihanga hasi welikulu. 6Ne olwa obuyoka obwo bwahuliilikha, emikanda chiakhung'aanila halala, nichikoyaasibwa, shichila buli mundu yabahulila nibaboolela mululimi lulwe omwene. 7Nibang'ang'aala, nibahuka, bari Abeefu, bano ababoolanga shibali abaGalilaya bosi? 8Ne kabeele karie nikhuhulila buli mundu mululimi Iwewabwe ewa yeebulwa? 9Mbu abaParitsi nabaMedi nabaElamu, nabo abeMesopotamia, nende abebuYahudi nende abeKapadokia, abePondo nende abeAsia, 10abeFirigia nabePamufilia, abeMisiri nende abebitonye biaLibia ebirondokhana nende Iiirene, nabacheni abarula eRoma, abaYahudi abeebule kata nende abeeshiukhasia okhuba abaYahudi, 11abaKirete nende abaArabu, khuhulila nibaboola munimi tsieefwe akebikhole ebikhongo biaNyasaye. 12Nibang'ang'aala, nibarambwa, nibareebana bari Kakhali karie? 13Nebutswa abandi nibakokonya, nibasunga bari Bameelile amalwa amatoro.
Aka Petero yeelwatsa khunyanga yaPendekote
14Naye Petero, nasinjiile halala nende abo ekhumi namulala, yachinga omunwa, nabarumbulila ari Inywe abaYahudi abashianje, nende bosi abamenya eYerusalemu, mumanye kano, rechelesie amakhuwa kanje. 15Okhuba bano shibameelile, shinga olwa mukaala, tawe, olwa yishili isaa yakhataru butswa eyomusenya; 16ne kano niko akaboolwa nende omunabii Yoeli,
17mbu Nyasaye asunga ari Kaliba mundaalo tsiobumaliilishi,
mbu ndilisundulila abandu bosi Roho wanje;
nabo abaana beenywe abasiani nende abakhaana balilakula,
abasooliili beenywe balilola amabisulo,
abakofu beenywe baliloora amalooro.
18Toto, ne mundaalo tsienetsio ndilisundula Roho wanje
khubasumba banje abeshisaatsa nende abeshikhasi,
nabo balilakula.
19Khandi ndililolosia ebiamakana mwikulu ikulu,
nende ebilolelo khushialo hasi,
mbu amatsayi, nende omulilo, nende oluuya Iwomwosi;
20omubasu kulikwa eshiilima,
nomwesi okhukwa amatsayi,
induukho yOmwami niyirashioola ta,
inyanga eyo ikhulundu eyilamanyikha ebulafu.
21Ne kaliba mbu omundu yesi oulihaabila eliira liOmwami alihonibwa.
22AbaIsiraeli abashianje, hulile amakhuwa kano: mbu Yesu weNazareti, omundu owa Nyasaye omwene yalolosia khulwa ebikhole bietsingufu nende amakana nende ebilolelo, ebia Nyasaye yakhola nende amakhonoke hakari weeny ve, shinga inywe abeene olwa mumanyile; 23omwenoyo, olwa yakhobwa khulwa tsiyemi tsiaNyasaye, owamanya akeimbeli khale, inywe mwamubamba khumusalaba nimumwira nende amakhono kabandu ababii. 24Ne Nyasaye yamulamusia, olwa yali natendeyiye obululu bwokhufwa; shichila shikanyalikha mbu atiilwe ninakhwo ta.
25Okhuba Daudi yasunga khuye, ari
Ndamulola Omwami nabeetsangaho imbeli wanje tsindaalo tsiosi,
okhuba aliho khumukhono kwanje musaatsa, endeshenje okhusiikukha;
26khulwako omwoyo kwanje kwasangaala, olulimi lwanje nilwikhoya;
khandi omubili kwanje kulamenya nikunaayanga.
27Shichila shiolalekha roho yanje eMakombe ta,
kata shiolafuchiilila Omutakatifuwo okhwinjila mukhubola tawe.
28Wayamanyiye tsinjila tsiobulamu,
ne olanzitsusia obusangaali aha oli.
29Abaana beefwe, mundeshele esunje katong'anel akakuuka weefwe omukhulundu Daudi, shinga olwa yafwa khand inayabilwa; ne eshilindwashie khuli ninashio okhuula olwa leelo. 30Naye olwa yali omunabii, yamanya shinga olwa Nyasaye yali namwitsubiile neshiitsubo mbu yakhara khushifumbishie omundu ourula mundaye. 31Ye yaranjilila okhulola kano khale, naboola khukhulamukha khwaKristo, mbu kata shiyalekhwa eMakombe ta, kata omubilikwe shikwayeenjila mukhubola tawe. 32Yesu oyo, Nyasaye yamulamusia, nineefwe fwesi khuli abaloli khubwo. 33Kho ye, olwa yamalile okhwemekhwa hamukhono musaatsa kwaNyasaye, namalile okhunyoola khuSeefwe eshisuubisie shiaRoho Omutakatifu, asunduule kano aka mulola nende okhuhulila. 34Okhuba Daudi shiyakulukha niyeenjila mwikulu tawe; nebutswa omwene yaboola, mbu
Omwami yasunjila Omwami wanje, ari
Yikhala khumukhono kwanje musaatsa
35okhuula olwa embe nikholile abasukubo babe aba olambisiakhwo ebilenje.
36Kho abeinzu yosi yaIsiraeli bamanye toto mbu Nyasaye yamukholile Yesu uno, owa mwabamba khumusalaba, abe Omwami, khandi Kristo.
37Nabo olwa bahulilakhwo, kabafumira emioyo, kho nibasunjila Petero nende abarume bashie bari Baana beefwe, khukhole khurie? 38Petero nabasunjila ari Mwikalukhasie nimubatisibwa, buli mulala, muliira liaYesu Kristo, mbu munyoole obuleshelwi bwebionoono bieenywe; mana mulanyoola eshihaanwa shiaRoho Omutakatifu. 39Okhuba obusuubisii buli khwinywe, nende khubaana beenywe, nende khubosi abali ehale, abo bosi aba Omwami Nyasaye weefwe alalanga mbu bamwitsile.
40Nabarumbulila amakhuwa kandi amanji akobuloli, nabachesiyia, ari Mwihonie abeene mulwibulo luno olushiamu. 41Kho abo abafuchiilila amakhuwake nibabatisibwa; nibameetekha khunyanga eyo abandu shinga ebikhumila bitaru. 42Nabo nibalumilila mumeechesio kabarume, nende mubusanjilani, nende mukhusonyola omukaate, nende mumilaamo.
Ebiima habobusuubili
43Mana oburii nibuhamba buli mundu; ne amangalimwa amanji nende ebilolelo biakholwa nabarume. 44Nabo bosi abasuubila bali halala, nibasanjilana khubindu biabwe biosi; 45nibakusia emiandu chiabwe nende ebindu ebia bali ninabio amapeesa, nibakabila bosi obutambi bwomundu yesi shinga olwa bwali. 46Nibalumilila, inyanga buli nyanga, nomwoyo mulala muhekalu, nibasonyola emikaate mungo, nibasanjilana khubiliibwa nende obusangaali nende omwoyo mulala, 47nibamulaha Nyasaye, nibachamisia abandu bosi. Omwami nabameetela inyanga buli nyanga abeenabo abahonibungwa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975