Habakuku 2
2
OMWAMl yamukalusia Habakuku
1Ndalasinjila okhuba meeso khubulindi,
ninyema khumunaara,
nihenganga okhulola aka alamboolela,
naka ndalaknlusia khukeshifune shianje.
2OMWAMI niyangalusia, ari
Handiika akelibisulo,
okalolosie ebulafu khurubaho,
mbu kata ouli mukhwilukha asoome.
3Okhuba libisulo nelieinduukho eyishili okhuula;
lianguha okhuula khushihesi; shilinyala okhubeeha ta.
Kata nilishinda, olilinde;
okhwitsa lileetsa; shililashinda ta.
4Owa omwoyokwe kurali omukololofu ta yootoshelela;
ne omulunjishi alamenya khulwa obusuubilibwe.
5Khandi, idivai neyobukaatii.
Omundu omwichinjimisii shialatsiililila okhubaho ta.
Obulangubwe nobubambalifu shinga Makombe;
yeenga shinga oluumbe, oluleekura ta;
yeekhung'aasilia omwene amahanga kosi,
niyeebunjishila tsimbia tsiosi tsiabandu.
Woowe khubabula obulunjishi!
6Abo bosi shibalachela oluchelo okhumufukula nomunehe okwobunyokhoosii, bari
Woowe khumwenoyo oukhung'aasia ebirali ebibie ta!
Okhuula liina?
Khandi yeetuukha emisingo eminji chiamakana.
7Abahosiibo shibalabuukha,
abo abakhutechesia nibasisimukha meetsukhana?
Mana olababeela eshiyaayo.
8Okhuba wayaaya amahanga amanji,
kho omusikalo kwetsimbia kulakhuyaaya,
khulwa amatsayi kabandu, khulwa amahababa akakholeelwe eshialo,
nelitookho, nabosi abamenyangamwo.
9Woowe khumwenoyo ounyoolelanga inzuye inganga yobubii,
mbu arenjeshe eshitsushie hekulu,
ahone mumukhono kwomubii!
10Wakulukunza aketsisoni khunzuyo niwakamia tsimbia tsiabandu tsinyinji;
wichemeele amabii.
11Okhuba lichina elili mwisiisi lilakhupa tsimbungu,
nakwo omukuulo okwomushilama kulafuchila.
12Woowe khumwenoyo oumbakha olukala neshitsayi,
niyeemekha litaala nobumayaanu!
13Likhuwa lino shilirula khuMWAMI omwene mahe
mbu tsimbia tsiabandu tsinyakhanila omulilo,
amahanga nikeechoonyia butswa?
14Okhuba eshialo shilaba nishiitsuulemwo obumanyi bwoluyali lwOMWAMI
shinga amatsi olwa kafuunikha inyanza.
15Woowe khumwenoyo ouheelesia owashie eshiokhunywa
khushikombe shioburimabwe, namumeesia,
mbu ahenje eshihechenyeshie!
16Oleetsula tsisoni mushilenje shioluyali.
Khanywe, iwe, obusindebwo bufuunulwe.
Eshikombe eshih mumukhono musaatsa kw shilabotokhana, shikhuulekhwo,
ne tsisoni tsilachelekhasibwa khuluyalilwo.
17Okhuba akamahababa akakholelwa Lebanoni kalakhufuunikha,
obwiri bwemiruko bulakhuriisia;
mbu amahanga kabandu, nakamahababa akakholelwa eshialo,
nelitookho, nabosi abamenyangamwo.
18Eshifwanani shili nobukhoonyi shi,
obuchila omubaatsi washio nashibaatsa;
mbu eshifwanani shieshibia, eshiechesia akobubeeyi?
Omukholi washio asuubilila eshia omwene yakhola,
nakholanga ebifwanani ebisilu.
19Woowe khumwenoyo ousunjila eshindu shieshisaala mbu Sisimukha!
kata lichina lisilu, mbu Buukha!
Kho shieneshio shileechesia noho?
Lole, shiafuumilwa itsahaabu neifeetsa;
kata shikulimwo omuuya kwosi kwosi mushio ta.
20Nebutswa OMWAMI ali muhekaluye indakatifu;
eshialo shiosi shiholeele imbeliwe.
Currently Selected:
Habakuku 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Habakuku 2
2
OMWAMl yamukalusia Habakuku
1Ndalasinjila okhuba meeso khubulindi,
ninyema khumunaara,
nihenganga okhulola aka alamboolela,
naka ndalaknlusia khukeshifune shianje.
2OMWAMI niyangalusia, ari
Handiika akelibisulo,
okalolosie ebulafu khurubaho,
mbu kata ouli mukhwilukha asoome.
3Okhuba libisulo nelieinduukho eyishili okhuula;
lianguha okhuula khushihesi; shilinyala okhubeeha ta.
Kata nilishinda, olilinde;
okhwitsa lileetsa; shililashinda ta.
4Owa omwoyokwe kurali omukololofu ta yootoshelela;
ne omulunjishi alamenya khulwa obusuubilibwe.
5Khandi, idivai neyobukaatii.
Omundu omwichinjimisii shialatsiililila okhubaho ta.
Obulangubwe nobubambalifu shinga Makombe;
yeenga shinga oluumbe, oluleekura ta;
yeekhung'aasilia omwene amahanga kosi,
niyeebunjishila tsimbia tsiosi tsiabandu.
Woowe khubabula obulunjishi!
6Abo bosi shibalachela oluchelo okhumufukula nomunehe okwobunyokhoosii, bari
Woowe khumwenoyo oukhung'aasia ebirali ebibie ta!
Okhuula liina?
Khandi yeetuukha emisingo eminji chiamakana.
7Abahosiibo shibalabuukha,
abo abakhutechesia nibasisimukha meetsukhana?
Mana olababeela eshiyaayo.
8Okhuba wayaaya amahanga amanji,
kho omusikalo kwetsimbia kulakhuyaaya,
khulwa amatsayi kabandu, khulwa amahababa akakholeelwe eshialo,
nelitookho, nabosi abamenyangamwo.
9Woowe khumwenoyo ounyoolelanga inzuye inganga yobubii,
mbu arenjeshe eshitsushie hekulu,
ahone mumukhono kwomubii!
10Wakulukunza aketsisoni khunzuyo niwakamia tsimbia tsiabandu tsinyinji;
wichemeele amabii.
11Okhuba lichina elili mwisiisi lilakhupa tsimbungu,
nakwo omukuulo okwomushilama kulafuchila.
12Woowe khumwenoyo oumbakha olukala neshitsayi,
niyeemekha litaala nobumayaanu!
13Likhuwa lino shilirula khuMWAMI omwene mahe
mbu tsimbia tsiabandu tsinyakhanila omulilo,
amahanga nikeechoonyia butswa?
14Okhuba eshialo shilaba nishiitsuulemwo obumanyi bwoluyali lwOMWAMI
shinga amatsi olwa kafuunikha inyanza.
15Woowe khumwenoyo ouheelesia owashie eshiokhunywa
khushikombe shioburimabwe, namumeesia,
mbu ahenje eshihechenyeshie!
16Oleetsula tsisoni mushilenje shioluyali.
Khanywe, iwe, obusindebwo bufuunulwe.
Eshikombe eshih mumukhono musaatsa kw shilabotokhana, shikhuulekhwo,
ne tsisoni tsilachelekhasibwa khuluyalilwo.
17Okhuba akamahababa akakholelwa Lebanoni kalakhufuunikha,
obwiri bwemiruko bulakhuriisia;
mbu amahanga kabandu, nakamahababa akakholelwa eshialo,
nelitookho, nabosi abamenyangamwo.
18Eshifwanani shili nobukhoonyi shi,
obuchila omubaatsi washio nashibaatsa;
mbu eshifwanani shieshibia, eshiechesia akobubeeyi?
Omukholi washio asuubilila eshia omwene yakhola,
nakholanga ebifwanani ebisilu.
19Woowe khumwenoyo ousunjila eshindu shieshisaala mbu Sisimukha!
kata lichina lisilu, mbu Buukha!
Kho shieneshio shileechesia noho?
Lole, shiafuumilwa itsahaabu neifeetsa;
kata shikulimwo omuuya kwosi kwosi mushio ta.
20Nebutswa OMWAMI ali muhekaluye indakatifu;
eshialo shiosi shiholeele imbeliwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975