Yoeli 2
2
1Khupe olwika muSayuni;
khupe oluhungu mushikulu shianje eshitakatifu;
abamenya mushialo bosi batechele;
okhuba induukho yOMWAMI yiitsanga;
yisitile ahambi;
2induukho yeshiilima nelifumbi;
induukho yamaleesi neshiilima eshimali ti.
Ebikulu bimaliihe ti,
oluyia olukhongo lwamaani nilumaamilekhwo;
kata olufwana lurio shilwalikhwoho ta,
kata shilulabaho inyuma walwo ta,
kata okhuula khumiyika chiebisoni nebisoni.
3Omulilo kuliitsanga imbeli watsio,
ne inyuma watsio olumemu lusamba.
Eshialo eshili imbeli watsio shili shinga omukunda kwaEdeni;
ne inyuma watsio neshitsiimi eshikhaya;
kata shibulaho eshiihonakokha khutsio ta.
4Okhufwana khwatsio khwinga shinga tsifarasi;
khandi tsiilukhanga shmga tsifarasi etsielihe.
5Tsiruumanga khubutenje bwebikulu namayoosi shinga akamakaari;
shinga amayoosi ketsimemu tsiomulilo etsiliitsanga olububa;
shinga abaseeri bamaani nibeeyanzile khulwa lihe.
6Nitsiliho, tsimbia tsiosi tsili mubusaahli;
mumoni mwosi musaamuukhanga.
7Tsiilukha shinga abasaatsa abalulu;
tsiniinanga nitsibira khumishingachi shinga abelihe;
tsichendanga buli ndala khunjila yayo,
oburashiatnashiama khunjila ta.
8Kata shitsituyananga ta;
tsichendanga buli ndala khunjila yayo.
Tsibira bubira mubimanulwa biosi,
nitsirasinjisibwa ta.
9Tsiruumakhwitaala;
tsiilushilanga khulukoba;
tsiniinilanga khunzu;
tsinjililanga mwitirisha shinga omwibi.
10Eshialo shirenga imbeli watsio;
likulu litechela;
eliuba nomwesi biba nibiiliime,
natsio tsinyininyini nitsilekha okhwakha.
11Omwoyo kwOMWAMI kurumbukha imbeli welihelie;
okhuba lihelie nelikhongo muno;
oukhola akelikhuwalie nowobunyali;
okhuba induukho yOMWAMI neikhongo eyamariisia;
ali heena owakhanyala okhuchiifwila?
Tsimbabasi tsiOMWAMI
12OMWAMI aboola mbu Ne kata bulaano mungalushile nemioyo chieenywe chiosi,
nokhuhonga inzala, nokhulila, nokhwikhuula;
13randule emioyo chieenywe, tsingubo ta.
Kalushile OMWAMI Nyasaye weenywe;
okhuba nowobukoosia; yashilaana netsimbabasi;
shiatiilungwa oburima bwangu ta; wakutsa nobuheeli oburalilu,
niyeekalukhasia oburaleera obubii ta.
14Ali heena ounyala okhumanya naba niyeetsa okhushiukhana niyeekalukhasia,
namuleshela ikhabi,
mbu omusango kweimele nomusango kwokhutsushiilila,
khulwa OMWAMI Nyasaye weenywe?
15Khupe olwika muSayuni;
yahule inyanga yokuhonga inzala;
khupe omulome kwomukhung'aano kwoluyali.
16Khung'aasie abandu,
yahule abomukhung'aano;
lanje abakofu;
khung'aasie abaana,
kata nende abashinuuna;
omwene shiselelo arule mushisikashie,
nomweha mushikoroshie.
17Abakuhani, abakhalabani bOMWAMI,
balile hakari weshirookoola neshimalilo.
Baboole mbu E OMWAMI, obeelelele abandubo,
norahaana abobulaamebwo okhunyekwa,
okhukwa butswa olukano mumahanga ta.
Nishiina eshiakhachila nibaboola mumbia tsiabandu
mbu Nyasaye wabwe ali heena?
18Mana OMWAMI natiilwa oburima khulwa eshialoshie,
nabatiililwa abandube tsimbabasi.
19OMWAMI nakalusia nasunjila abandube ari
Ndalamurumila imele, neidivai, namafura, ne mulabiikura;
shindalamukwisia linyeko mumahanga khandi ta.
20Ndalatsirusia etsio etsirula enotsi ehale nineenywe,
ninzilusia tsitsie mushialo eshiumu eshikhaya,
etsiranjilila munyanza yebukwe,
netsihelelesia munyanza yamumbo okhuhunya khwatsio nobubolo bwatsio bulatuumuukha;
okhuba tsikholile amakhuwa amaldlongo.
21Iwe eshialo, oraria ta;
sangaala niwikhoya,
okhuba OMWAMI ukholile amakhuwa amakhongo.
22Inywe tsisolo etsiomubulimo, murarie ta;
okhuba obwayilo obwomushitsiimi bumesia omuboka,
emisaala chiama ebiamo,
omukhuyu nomutsabibu chiama muno.
23Inywe abaana baSayuni, sangaale,
nimwikhoyela OMWAMI Nyasaye weenywe;
okhuba amuheelesinjia ifula yeirootso khulwa obulunjishibwe,
namukwisilia ifula inyinji,
namuheelesia ifula yeirootso neifula yeshirumbi
shinga mundaalo tsiakhale.
24Tsinyanyi tsilaba nitsiitsuule imele,
tsineemo tsileetsulamwo idivai namafura,
nako kalasundukha hasi.
25Mana ndalamukalusilia emiyika echia tsisiche tsialia;
amatongolo, namahalang'ang'a, nobwonya,
lihe lianje likhongo elia ndaruma mwinywe.
26Mulaliitsanga mubunji, nimwikura,
nimwitsoomia eliira ljOMWAMI Nyasaye weenywe owamukholeele akamakana;
kata abandu banje shibalafwimbwa omurwe khandi ta.
27Mana mulamanya mbu endi hakari muIsiraeli,
khandi mbu isie nisie OMWAMI Nyasaye weenywe;
abulaho oundi;
ne abandu banje shibalafwimbwa omurwe khandi ta.
Roho waNyasaye alaasundulilwa abandu
28Mana olunyumakhwo ndilisundulila abandu bosi Roho wanje;
nabo abaana beenywe abasiani nabakhaana balirumbula amakhuwa muliira lianje,
abakofu beenywe baliloora amalooro,
abasooliili beenywe balilola amabisulo.
29Khandi mundaalo tsienetsio ndilisundula roho wanje khubasumba nokhubakholi beshikhasi.
30Ndililolosia ebiamakana mwikulu nomushialo, mbu amatsayi, nomulilo, netsisiilo tsiomwosi. 31Omubasu kulikwa eshiilima nomwesi okhukwa amatsayi, induukho yOMWAMI, ikhulundu eyamariisia, niyirashioola ta. 32Ne omundu yesi ouhaabila eliira liOMWAMI alihonibwa; okhuba mushikulu shiaSayuni nomuYerusalemu balibaho abaliihonokokha, shinga OMWAMI olwa aboolile; ne mumusikalo balibaho abandi aba OMWAMI alanga.
Currently Selected:
Yoeli 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Yoeli 2
2
1Khupe olwika muSayuni;
khupe oluhungu mushikulu shianje eshitakatifu;
abamenya mushialo bosi batechele;
okhuba induukho yOMWAMI yiitsanga;
yisitile ahambi;
2induukho yeshiilima nelifumbi;
induukho yamaleesi neshiilima eshimali ti.
Ebikulu bimaliihe ti,
oluyia olukhongo lwamaani nilumaamilekhwo;
kata olufwana lurio shilwalikhwoho ta,
kata shilulabaho inyuma walwo ta,
kata okhuula khumiyika chiebisoni nebisoni.
3Omulilo kuliitsanga imbeli watsio,
ne inyuma watsio olumemu lusamba.
Eshialo eshili imbeli watsio shili shinga omukunda kwaEdeni;
ne inyuma watsio neshitsiimi eshikhaya;
kata shibulaho eshiihonakokha khutsio ta.
4Okhufwana khwatsio khwinga shinga tsifarasi;
khandi tsiilukhanga shmga tsifarasi etsielihe.
5Tsiruumanga khubutenje bwebikulu namayoosi shinga akamakaari;
shinga amayoosi ketsimemu tsiomulilo etsiliitsanga olububa;
shinga abaseeri bamaani nibeeyanzile khulwa lihe.
6Nitsiliho, tsimbia tsiosi tsili mubusaahli;
mumoni mwosi musaamuukhanga.
7Tsiilukha shinga abasaatsa abalulu;
tsiniinanga nitsibira khumishingachi shinga abelihe;
tsichendanga buli ndala khunjila yayo,
oburashiatnashiama khunjila ta.
8Kata shitsituyananga ta;
tsichendanga buli ndala khunjila yayo.
Tsibira bubira mubimanulwa biosi,
nitsirasinjisibwa ta.
9Tsiruumakhwitaala;
tsiilushilanga khulukoba;
tsiniinilanga khunzu;
tsinjililanga mwitirisha shinga omwibi.
10Eshialo shirenga imbeli watsio;
likulu litechela;
eliuba nomwesi biba nibiiliime,
natsio tsinyininyini nitsilekha okhwakha.
11Omwoyo kwOMWAMI kurumbukha imbeli welihelie;
okhuba lihelie nelikhongo muno;
oukhola akelikhuwalie nowobunyali;
okhuba induukho yOMWAMI neikhongo eyamariisia;
ali heena owakhanyala okhuchiifwila?
Tsimbabasi tsiOMWAMI
12OMWAMI aboola mbu Ne kata bulaano mungalushile nemioyo chieenywe chiosi,
nokhuhonga inzala, nokhulila, nokhwikhuula;
13randule emioyo chieenywe, tsingubo ta.
Kalushile OMWAMI Nyasaye weenywe;
okhuba nowobukoosia; yashilaana netsimbabasi;
shiatiilungwa oburima bwangu ta; wakutsa nobuheeli oburalilu,
niyeekalukhasia oburaleera obubii ta.
14Ali heena ounyala okhumanya naba niyeetsa okhushiukhana niyeekalukhasia,
namuleshela ikhabi,
mbu omusango kweimele nomusango kwokhutsushiilila,
khulwa OMWAMI Nyasaye weenywe?
15Khupe olwika muSayuni;
yahule inyanga yokuhonga inzala;
khupe omulome kwomukhung'aano kwoluyali.
16Khung'aasie abandu,
yahule abomukhung'aano;
lanje abakofu;
khung'aasie abaana,
kata nende abashinuuna;
omwene shiselelo arule mushisikashie,
nomweha mushikoroshie.
17Abakuhani, abakhalabani bOMWAMI,
balile hakari weshirookoola neshimalilo.
Baboole mbu E OMWAMI, obeelelele abandubo,
norahaana abobulaamebwo okhunyekwa,
okhukwa butswa olukano mumahanga ta.
Nishiina eshiakhachila nibaboola mumbia tsiabandu
mbu Nyasaye wabwe ali heena?
18Mana OMWAMI natiilwa oburima khulwa eshialoshie,
nabatiililwa abandube tsimbabasi.
19OMWAMI nakalusia nasunjila abandube ari
Ndalamurumila imele, neidivai, namafura, ne mulabiikura;
shindalamukwisia linyeko mumahanga khandi ta.
20Ndalatsirusia etsio etsirula enotsi ehale nineenywe,
ninzilusia tsitsie mushialo eshiumu eshikhaya,
etsiranjilila munyanza yebukwe,
netsihelelesia munyanza yamumbo okhuhunya khwatsio nobubolo bwatsio bulatuumuukha;
okhuba tsikholile amakhuwa amaldlongo.
21Iwe eshialo, oraria ta;
sangaala niwikhoya,
okhuba OMWAMI ukholile amakhuwa amakhongo.
22Inywe tsisolo etsiomubulimo, murarie ta;
okhuba obwayilo obwomushitsiimi bumesia omuboka,
emisaala chiama ebiamo,
omukhuyu nomutsabibu chiama muno.
23Inywe abaana baSayuni, sangaale,
nimwikhoyela OMWAMI Nyasaye weenywe;
okhuba amuheelesinjia ifula yeirootso khulwa obulunjishibwe,
namukwisilia ifula inyinji,
namuheelesia ifula yeirootso neifula yeshirumbi
shinga mundaalo tsiakhale.
24Tsinyanyi tsilaba nitsiitsuule imele,
tsineemo tsileetsulamwo idivai namafura,
nako kalasundukha hasi.
25Mana ndalamukalusilia emiyika echia tsisiche tsialia;
amatongolo, namahalang'ang'a, nobwonya,
lihe lianje likhongo elia ndaruma mwinywe.
26Mulaliitsanga mubunji, nimwikura,
nimwitsoomia eliira ljOMWAMI Nyasaye weenywe owamukholeele akamakana;
kata abandu banje shibalafwimbwa omurwe khandi ta.
27Mana mulamanya mbu endi hakari muIsiraeli,
khandi mbu isie nisie OMWAMI Nyasaye weenywe;
abulaho oundi;
ne abandu banje shibalafwimbwa omurwe khandi ta.
Roho waNyasaye alaasundulilwa abandu
28Mana olunyumakhwo ndilisundulila abandu bosi Roho wanje;
nabo abaana beenywe abasiani nabakhaana balirumbula amakhuwa muliira lianje,
abakofu beenywe baliloora amalooro,
abasooliili beenywe balilola amabisulo.
29Khandi mundaalo tsienetsio ndilisundula roho wanje khubasumba nokhubakholi beshikhasi.
30Ndililolosia ebiamakana mwikulu nomushialo, mbu amatsayi, nomulilo, netsisiilo tsiomwosi. 31Omubasu kulikwa eshiilima nomwesi okhukwa amatsayi, induukho yOMWAMI, ikhulundu eyamariisia, niyirashioola ta. 32Ne omundu yesi ouhaabila eliira liOMWAMI alihonibwa; okhuba mushikulu shiaSayuni nomuYerusalemu balibaho abaliihonokokha, shinga OMWAMI olwa aboolile; ne mumusikalo balibaho abandi aba OMWAMI alanga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975