Matsayo 10
10
Yesu yalobola abeechi ekhumi nababili
(Mk. 3.13-19; Lk. 6.12-16)
1Mana yalanga abeechibe ekhumi nababili, nabaheelesia obunyali khubaroho beshifwabwi mbu babarusinjie, nende okhuhonia obuteshele bwetsimbia tsiosi nende obulwale bwetsimbia tsiosi.
2Ne ameera kabeechi abo ekhumi nababili ngakano; owambeli, Simoni oulangwa mbu Petero, nende Anderea, omwana wabwe; Yakobo waZebedayo, nende Yohana, omwana wabwe; 3Filipo, naBaritsolomayo; Tomasi, naMatsayo omusololi wobushuru; Yakobo waAlufayo, naTsadayo; 4Simoni omuKananayo, nende Yuda Isikariote, owatsana owamukhobana.
Oburume bwabeechi ekhumi nababili
(Mk. 6.7-13; Lk. 9.1-6)
5Abo ekhumi nababili nibo aba Yesu yaruma, nabalachilisia, ari Muralondakhwo khunjila yosi eyitsia mumahanga, kata okhwinjila mwitookho liosi liabaSamaria tawe; 6nebutswa mubatsiile amakondi akakora akomushilibwa shiaIsiraeli. 7Ne nimutsiitsanga, mwilwatse, nimuboola muri Obwami obwomwikulu busitile ahambi. 8Honinjie abalwale, lamusinjie abafwile, siiyenje abobuchele, rusinjie amadimoni; muheelwe butswa, muhaanenje butswa.
9Murabukule itsahaabu kata ifeetsa kata tsisende mungubo tsieenywe ta; 10omufuuko kwoluchendo ta, kata tsingubo tsiomukari tsibili, kata ebilaaro, kata indabushi tawe; shichila omukholi wemilimo akwanile okhuheebungwa ebiokhuliabie.
11Ne mwitookho liosi kata mwitaala liosi elia muleenjilamwo, mukhaabemwo mbu niwina oukhoyeele; nimumenya mubwenomwo okhuula olwa murula. 12Nolwa mushiinjila mur zu, muchishiesie. 13Ne inzu eyo niyiba niyikhoyeele, omulembe kweenywe kube khuyo; ne niyiba niyirakhoyeele ta, omulembe kweenywe kumukalushile 14Ne omundu yesi ouramwinjisia ta, kata okhuhulila aka muboola ta, olwa murula munzu omwo kata mwitaala omwo, muteng'ulule olufu olwokhubilenje bieenywe. 15Emuboolela toto mbu amakhuwa kalibakhwo amaangu khulwa eshibala shiaSodomu nende Gomora khunduukho yeshiina okhushila shinga olwa kalibeela litaala lienelo.
Obusandibwi obuliitsa
16Lole, emuruma shinga amakondi hakari mubisuutse; kho mubeetsenje abachesi shinga tsinzokha, khandi abaholo shinga amahuusi. 17Ne mwirecheshe khukabandu; shichila balamukhobana nibamuyila mubiina, kata mutsisinagogi tsiabwe balimunywekha; 18khandi muliyilwa imbeli wabaami nende abaruchi khulwanje, mube oburumbusi khubo nende khuBamahanga. 19Ne olwa balamuyila, murahenda mbu namuboole murie, kata mbu namuboole shiina, tawe; shichila mulakaheebwa khushise shieneshio aka mwitsa okhuboola. 20Shichila shimuli inywe abalaboola ta, habula Roho waSeenywe niye oulaboolela mwinywe.
21Omundu alakhoba omwana wabwe okhwirwa, ne samwana ario khumwanawe; abaana nabo balabuushila khubeebuli babwe, nibachila nibeerwa. 22Ne mulakiywa nabandu bosi khulwa eliira lianje; nebutswa owifwila okhuula khushihesi, omwenoyo alahonibwa. 23Ne olwa bamusakania mwitaala lino, yilushile mulilia; okhuba emuboolela toto mbu muliba nimushili okhumalilisia amataala kaIsiraeli ta okhuula olwa Omwana wOmundu aliba niyeetsile.
Oukhoyile okhuriibungwa
(Lk. 12.2-9)
24Omwechibwa yesi shiashila omwechesiawe, kata omusumba yesi shiashila omwamiwe, ta. 25Kamuhela omwechibwa naba shinga omwechesiawe olwa ali, kata omusumba okhuba shinga omwamiwe. Nibaba nibamulanjile omwenengo mbu Beelezibuli, shibalashila okhulanga abomungoye bario! 26Kho murabariitsanga tawe; shichila libulaho elifuunikhwa elirafuunukha ta, kata elibiswa, elirabisukha ta. 27Aka emuboolela mushiilima, mukasunje mubulatu; naka muhulila mushirwi, mukeelwatse ebulafu khubilama bietsinzu. 28Kata murabariitsanga abeera omubili nibaranyala okhwira omwoyo ta; nebutswa mutrmriitsenje omwenoyo ounyala okhutibia omwoyo nende omubili biosi muGehena.
29Amarorelesi kabili shikakulwa isende ndala? Ne kata elala khuko shililakwa hasi Seenywe naramanyile ta; 30ne kata buli Iwoya Iweliswi lieenywe lwabalwa. 31Kho murariitsanga tawe; inywe mushila amarorelesi amanji.
Akokwiyama Kristo imbeli wabandu
(Lk. 12.2-9)
32Kho buli mundu yesi oulandiyama isie imbeli wabandu, nasi ndaIamwiyama imbeli waPapa ouli mwikulu. 33Ne omundu yesi oulandiyambakhana imbeli wabandu, nasi ndalamwiyambakhana imbeli waPapa ouli mwikulu.
Omulembe ta, habula olukanga
(Lk. 12.51-53; 14.26-27)
34Murakaala mbu ndeetsa okhuleera omulembe mushialo tawe; shindayeetsa okhuleera omuIembe ta, habula olukanga. 35Shichila ndeetsa okhuleera oburambani hakari womwana nende samwana, kata omukhaana nende nyina, kata omukhaana nende nyakhufialanyene; 36nabasuku bomundu nabomwitaalalie.
37Ouheelanga samwana kata nyina okhuyomba shinga olwa yaheela isie, shiyangwanila tawe; kata ouheela omwanawe omusiani kata omukhaana okhuyomba isie shiyangwanila ta. 38Noyo oureetuukha omusalabakwe walonda munyuma wanje, shiyangwanila isie ta. 39Oukhaabanga okhunyoola obulamubwe, alabukosia; noubukosia obulamubwe khulwanje alabunyoola.
Amatani
(Mk. 9.41)
40Oumwinjisia inywe yanzinjisia isie; nounzinjisia isie amwinjisia oyo owanduma. 41Owinjisia omunabii muliira liomunabii alanyoola amatani komunabii; noyo owinjisia omundu omuIunjishi muliira liomundu omulunjishi alanyoola amatani komundu omulunjishi. 42Khandi omundu yesi oulamuheelesia mulala khubatuutu bano kata eshikhombe shiamatsi amanyifu shionyene, mbu anywe, muliira liomwechi, emusunjila toto mbu shialachweya okhunyoola amatanike na hatuutu ta.
Currently Selected:
Matsayo 10: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Matsayo 10
10
Yesu yalobola abeechi ekhumi nababili
(Mk. 3.13-19; Lk. 6.12-16)
1Mana yalanga abeechibe ekhumi nababili, nabaheelesia obunyali khubaroho beshifwabwi mbu babarusinjie, nende okhuhonia obuteshele bwetsimbia tsiosi nende obulwale bwetsimbia tsiosi.
2Ne ameera kabeechi abo ekhumi nababili ngakano; owambeli, Simoni oulangwa mbu Petero, nende Anderea, omwana wabwe; Yakobo waZebedayo, nende Yohana, omwana wabwe; 3Filipo, naBaritsolomayo; Tomasi, naMatsayo omusololi wobushuru; Yakobo waAlufayo, naTsadayo; 4Simoni omuKananayo, nende Yuda Isikariote, owatsana owamukhobana.
Oburume bwabeechi ekhumi nababili
(Mk. 6.7-13; Lk. 9.1-6)
5Abo ekhumi nababili nibo aba Yesu yaruma, nabalachilisia, ari Muralondakhwo khunjila yosi eyitsia mumahanga, kata okhwinjila mwitookho liosi liabaSamaria tawe; 6nebutswa mubatsiile amakondi akakora akomushilibwa shiaIsiraeli. 7Ne nimutsiitsanga, mwilwatse, nimuboola muri Obwami obwomwikulu busitile ahambi. 8Honinjie abalwale, lamusinjie abafwile, siiyenje abobuchele, rusinjie amadimoni; muheelwe butswa, muhaanenje butswa.
9Murabukule itsahaabu kata ifeetsa kata tsisende mungubo tsieenywe ta; 10omufuuko kwoluchendo ta, kata tsingubo tsiomukari tsibili, kata ebilaaro, kata indabushi tawe; shichila omukholi wemilimo akwanile okhuheebungwa ebiokhuliabie.
11Ne mwitookho liosi kata mwitaala liosi elia muleenjilamwo, mukhaabemwo mbu niwina oukhoyeele; nimumenya mubwenomwo okhuula olwa murula. 12Nolwa mushiinjila mur zu, muchishiesie. 13Ne inzu eyo niyiba niyikhoyeele, omulembe kweenywe kube khuyo; ne niyiba niyirakhoyeele ta, omulembe kweenywe kumukalushile 14Ne omundu yesi ouramwinjisia ta, kata okhuhulila aka muboola ta, olwa murula munzu omwo kata mwitaala omwo, muteng'ulule olufu olwokhubilenje bieenywe. 15Emuboolela toto mbu amakhuwa kalibakhwo amaangu khulwa eshibala shiaSodomu nende Gomora khunduukho yeshiina okhushila shinga olwa kalibeela litaala lienelo.
Obusandibwi obuliitsa
16Lole, emuruma shinga amakondi hakari mubisuutse; kho mubeetsenje abachesi shinga tsinzokha, khandi abaholo shinga amahuusi. 17Ne mwirecheshe khukabandu; shichila balamukhobana nibamuyila mubiina, kata mutsisinagogi tsiabwe balimunywekha; 18khandi muliyilwa imbeli wabaami nende abaruchi khulwanje, mube oburumbusi khubo nende khuBamahanga. 19Ne olwa balamuyila, murahenda mbu namuboole murie, kata mbu namuboole shiina, tawe; shichila mulakaheebwa khushise shieneshio aka mwitsa okhuboola. 20Shichila shimuli inywe abalaboola ta, habula Roho waSeenywe niye oulaboolela mwinywe.
21Omundu alakhoba omwana wabwe okhwirwa, ne samwana ario khumwanawe; abaana nabo balabuushila khubeebuli babwe, nibachila nibeerwa. 22Ne mulakiywa nabandu bosi khulwa eliira lianje; nebutswa owifwila okhuula khushihesi, omwenoyo alahonibwa. 23Ne olwa bamusakania mwitaala lino, yilushile mulilia; okhuba emuboolela toto mbu muliba nimushili okhumalilisia amataala kaIsiraeli ta okhuula olwa Omwana wOmundu aliba niyeetsile.
Oukhoyile okhuriibungwa
(Lk. 12.2-9)
24Omwechibwa yesi shiashila omwechesiawe, kata omusumba yesi shiashila omwamiwe, ta. 25Kamuhela omwechibwa naba shinga omwechesiawe olwa ali, kata omusumba okhuba shinga omwamiwe. Nibaba nibamulanjile omwenengo mbu Beelezibuli, shibalashila okhulanga abomungoye bario! 26Kho murabariitsanga tawe; shichila libulaho elifuunikhwa elirafuunukha ta, kata elibiswa, elirabisukha ta. 27Aka emuboolela mushiilima, mukasunje mubulatu; naka muhulila mushirwi, mukeelwatse ebulafu khubilama bietsinzu. 28Kata murabariitsanga abeera omubili nibaranyala okhwira omwoyo ta; nebutswa mutrmriitsenje omwenoyo ounyala okhutibia omwoyo nende omubili biosi muGehena.
29Amarorelesi kabili shikakulwa isende ndala? Ne kata elala khuko shililakwa hasi Seenywe naramanyile ta; 30ne kata buli Iwoya Iweliswi lieenywe lwabalwa. 31Kho murariitsanga tawe; inywe mushila amarorelesi amanji.
Akokwiyama Kristo imbeli wabandu
(Lk. 12.2-9)
32Kho buli mundu yesi oulandiyama isie imbeli wabandu, nasi ndaIamwiyama imbeli waPapa ouli mwikulu. 33Ne omundu yesi oulandiyambakhana imbeli wabandu, nasi ndalamwiyambakhana imbeli waPapa ouli mwikulu.
Omulembe ta, habula olukanga
(Lk. 12.51-53; 14.26-27)
34Murakaala mbu ndeetsa okhuleera omulembe mushialo tawe; shindayeetsa okhuleera omuIembe ta, habula olukanga. 35Shichila ndeetsa okhuleera oburambani hakari womwana nende samwana, kata omukhaana nende nyina, kata omukhaana nende nyakhufialanyene; 36nabasuku bomundu nabomwitaalalie.
37Ouheelanga samwana kata nyina okhuyomba shinga olwa yaheela isie, shiyangwanila tawe; kata ouheela omwanawe omusiani kata omukhaana okhuyomba isie shiyangwanila ta. 38Noyo oureetuukha omusalabakwe walonda munyuma wanje, shiyangwanila isie ta. 39Oukhaabanga okhunyoola obulamubwe, alabukosia; noubukosia obulamubwe khulwanje alabunyoola.
Amatani
(Mk. 9.41)
40Oumwinjisia inywe yanzinjisia isie; nounzinjisia isie amwinjisia oyo owanduma. 41Owinjisia omunabii muliira liomunabii alanyoola amatani komunabii; noyo owinjisia omundu omuIunjishi muliira liomundu omulunjishi alanyoola amatani komundu omulunjishi. 42Khandi omundu yesi oulamuheelesia mulala khubatuutu bano kata eshikhombe shiamatsi amanyifu shionyene, mbu anywe, muliira liomwechi, emusunjila toto mbu shialachweya okhunyoola amatanike na hatuutu ta.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975