Abaroma 11
11
Omusikalo kwaIsiraeli
1Kho ereeba mbu Nyasaye yaloba abandube noho? 'A, nahatuutu ta. Shichila nasi siesi endi omwIsiraeli, wolwibulo lwaAburahamu, owomushilibwa shiaBenyamini. 2Nyasaye shiyaloba abandube aba yalobola khale ta. Kata shimumanyanga aka amahandiiko kasunga khuEliya, shinga olwa yeenjilila Isiraeli imbeli waNyasaye, 3ari Omwami, beerile abanabiibo, nibalikulula ebimalilo biemisangobio; nisie ousikaale sienyene, ne bayimanga obulamu bwanje. 4Ne likalusio elia Omwami yamukalusia liali lirie? Mbu Ndeesikasiliye abandu ebikhumila musaafu abarasikama amasikamo imbeli waBaali tawe. 5Kho nolwa kali kario khushise shino, mbu kuliho omusikalo okwalobolwa khulwa obukoosia. 6Ne nikaba nikali akobukoosia, kho shikali akebikhole ta; nebutswa obukoosia shibuba obukoosia khandi tawe.
7Kho karie? Akeenako aka Isiraeli akhaabanga, akeenako shiyakanyoola ta. Abalobole bakanyoola, ne abandi bosi nibatinyia emioyo; 8shinga olwa kahandiikwa, mbu Nyasaye yabaheelesia roho yobusiro; tsimoni mbu baleshe okhulola, namarwi mbu baleshe okhuhulila, okhuula olwa leelo luno. 9Daudi naye yasunga mbu
Imeesa yabwe yiikhole obuliba, khandi omubero,
khandi eshiisichiralo, khandi omurungo khubo;
10tsimoni tsiabwe tsimalihe, mbu baleshe okhulola,
nawe obakhootaminjie emikongo tsindaalo tsiosi.
Okhuhonibwa khwabamahanga
11Kho ereeba, ndi Beesichirala mbu bakwile elala? 'A, nahatuutu ta; ne khulwa okhukwa khwabwe obuhonia bwitsiile Abamahanga, mbu batililwe imbalikha. 12Ne okhukwa khwabwe nikhuba nikhuyindihasia eshialo, obuhulwi bwabwe nabwo nibuyindihasia Abamahanga, obulamba bwabwe shibulashila muno?
13Ne emusunjilanga inywe abali Abamahanga. Shinga olwa endi omurume khuBamahanga, efuminjia obukhalabani obwa endi ninabwo 14mbu nikaba nikanyalikha embahambie imbalikha abali abaluyia banje, nihonia abandi khubo. 15Okhuba obulobwi bwabwe nibuba nibuleera obusaasanibwi bweshialo, obwinjisibwi bwabwe bwakhachweya burie okhuleera obulamushi mukhufwa? 16Eshinokho eshiyia nishiba nishili eshitakatifu, omuhayila kwosi nakwo kuba kurio kata eshisina nishiba nishili eshitakatifu, amasaka nako kaba kario.
17Ne amasaka kandi nikaba nikafunakwa, nawe omutseituni omunabulimo niwoongasibwamwo hakari wako, niwasanga ninako khubunulu bweshisina shiomutseituni; 18oreetsiala mumasaka ako ta; mbula, noba niwitsiala, shioli iwe ouchinga eshisina ta, ne eshisina shikhuchinga iwe. 19Haundi wakhaboola mbu Amasaka kafunakwa mbu mana isie enyungasibwemwo. 20Nobulayi; khulwa oburasuubila bwabwe barunakwa bario, nawe osinjilanga khulwa obusuubilibwo. Oreechinjimisia ta, ne oriitsenje; 21okhuba Nyasaye naba naraleshesia amasaka keene akoburulanda, kata shialakhuleshesia iwe tawe. 22Kho mulole eshisa nende obutinyu bwaNyasaye; obutinyu khubeenabo abakwa, ne eshisa shiaNyasaye khwiwe, noba notsiililila munjila yeshisashie; nebutswa, wesi olakhalakwa. 23Kata abo bosi, nibaba nibaratsiililila muburasuubila bwabwe ta, baloongasibwannwo; okhuba Nyasaye ali nobunyali okhuboongasiamwo khandi. 24Shichila iwe noba niwakhalakwa okhurula khumutseituni kweimela yeshinabulimo, niwungasibwa khumutseituni omulayi munjila eyirali yeimela yene ta; abo abali amasaka keimela yene shibalashila okhuungasibwa khumutseituni kwabwe, ta?
Isiraeli yilahonibwa
25Okhuba, baana beefwe, enzenya mbu mumanye lihiso lino, muleshe okhwipaara shinga olwa muli abachesi; mbu obuhandalafu bukwiliile Isiraeli ikhulubeka, okhuula olwa obunji bwosi bwAbamahanga buba nibwinjisiibwe; 26mana kario Isiraeli yosi yilahonibwa; shinga olwa kahandiikwa, mbu
Omuhonia alarula muSayuni;
alarusia oburaria Nyasaye ta muYakobo;
27ne yino neindakano yanje ninabo olwa ndalayiniaho ebionoono biabwe.
28Halubeka Iweinjiili, nabasuku khulweenywe; ne halubeka Iwobulobolwi, nabaheelwa khulwa abakuuka. 29Okhuba ebihaanwa biaNyasaye nende obulanjibwe shibikalukhasibungwa ta. 30Shichila shinga inywe olwa mwamukhaya Nyasaye khale, ne bulaano mwabeelwa tsimbabasi khulwa obukhayi bwabwe, 31nolwa bano bosi bulaano babeelenje abakhayi, mbu khulwa tsimbabasi etsia mubeelwa inywe, nabo bosi babeelwe tsimbabasi. 32Okhuba Nyasaye yeekaliile bosi mubukhayi mbu mana ababeele tsimbabasi bosi.
33Bayaye, obwiyinikhu bwobuyinda bwobuchesi nende obumanyi bwaNyasaye nobwamakana! Obukhalachibwe shibunyoolekha kata tsinjilatsie okhumanyikha tawe. 34Okhuba niwina owamanya amayililisio kOmwami? Niwina owali omuchesiyiiwe? 35Kata niwina owaranjilila okhumuheelesia eshindu, mbu arungwe khandi? 36Okhuba amakhuwa kosi karula khuye, nikeetsa khululwe, nikachooma khuye. Ye aheebwe oluyali obushia nobushia. Amina.
Currently Selected:
Abaroma 11: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaroma 11
11
Omusikalo kwaIsiraeli
1Kho ereeba mbu Nyasaye yaloba abandube noho? 'A, nahatuutu ta. Shichila nasi siesi endi omwIsiraeli, wolwibulo lwaAburahamu, owomushilibwa shiaBenyamini. 2Nyasaye shiyaloba abandube aba yalobola khale ta. Kata shimumanyanga aka amahandiiko kasunga khuEliya, shinga olwa yeenjilila Isiraeli imbeli waNyasaye, 3ari Omwami, beerile abanabiibo, nibalikulula ebimalilo biemisangobio; nisie ousikaale sienyene, ne bayimanga obulamu bwanje. 4Ne likalusio elia Omwami yamukalusia liali lirie? Mbu Ndeesikasiliye abandu ebikhumila musaafu abarasikama amasikamo imbeli waBaali tawe. 5Kho nolwa kali kario khushise shino, mbu kuliho omusikalo okwalobolwa khulwa obukoosia. 6Ne nikaba nikali akobukoosia, kho shikali akebikhole ta; nebutswa obukoosia shibuba obukoosia khandi tawe.
7Kho karie? Akeenako aka Isiraeli akhaabanga, akeenako shiyakanyoola ta. Abalobole bakanyoola, ne abandi bosi nibatinyia emioyo; 8shinga olwa kahandiikwa, mbu Nyasaye yabaheelesia roho yobusiro; tsimoni mbu baleshe okhulola, namarwi mbu baleshe okhuhulila, okhuula olwa leelo luno. 9Daudi naye yasunga mbu
Imeesa yabwe yiikhole obuliba, khandi omubero,
khandi eshiisichiralo, khandi omurungo khubo;
10tsimoni tsiabwe tsimalihe, mbu baleshe okhulola,
nawe obakhootaminjie emikongo tsindaalo tsiosi.
Okhuhonibwa khwabamahanga
11Kho ereeba, ndi Beesichirala mbu bakwile elala? 'A, nahatuutu ta; ne khulwa okhukwa khwabwe obuhonia bwitsiile Abamahanga, mbu batililwe imbalikha. 12Ne okhukwa khwabwe nikhuba nikhuyindihasia eshialo, obuhulwi bwabwe nabwo nibuyindihasia Abamahanga, obulamba bwabwe shibulashila muno?
13Ne emusunjilanga inywe abali Abamahanga. Shinga olwa endi omurume khuBamahanga, efuminjia obukhalabani obwa endi ninabwo 14mbu nikaba nikanyalikha embahambie imbalikha abali abaluyia banje, nihonia abandi khubo. 15Okhuba obulobwi bwabwe nibuba nibuleera obusaasanibwi bweshialo, obwinjisibwi bwabwe bwakhachweya burie okhuleera obulamushi mukhufwa? 16Eshinokho eshiyia nishiba nishili eshitakatifu, omuhayila kwosi nakwo kuba kurio kata eshisina nishiba nishili eshitakatifu, amasaka nako kaba kario.
17Ne amasaka kandi nikaba nikafunakwa, nawe omutseituni omunabulimo niwoongasibwamwo hakari wako, niwasanga ninako khubunulu bweshisina shiomutseituni; 18oreetsiala mumasaka ako ta; mbula, noba niwitsiala, shioli iwe ouchinga eshisina ta, ne eshisina shikhuchinga iwe. 19Haundi wakhaboola mbu Amasaka kafunakwa mbu mana isie enyungasibwemwo. 20Nobulayi; khulwa oburasuubila bwabwe barunakwa bario, nawe osinjilanga khulwa obusuubilibwo. Oreechinjimisia ta, ne oriitsenje; 21okhuba Nyasaye naba naraleshesia amasaka keene akoburulanda, kata shialakhuleshesia iwe tawe. 22Kho mulole eshisa nende obutinyu bwaNyasaye; obutinyu khubeenabo abakwa, ne eshisa shiaNyasaye khwiwe, noba notsiililila munjila yeshisashie; nebutswa, wesi olakhalakwa. 23Kata abo bosi, nibaba nibaratsiililila muburasuubila bwabwe ta, baloongasibwannwo; okhuba Nyasaye ali nobunyali okhuboongasiamwo khandi. 24Shichila iwe noba niwakhalakwa okhurula khumutseituni kweimela yeshinabulimo, niwungasibwa khumutseituni omulayi munjila eyirali yeimela yene ta; abo abali amasaka keimela yene shibalashila okhuungasibwa khumutseituni kwabwe, ta?
Isiraeli yilahonibwa
25Okhuba, baana beefwe, enzenya mbu mumanye lihiso lino, muleshe okhwipaara shinga olwa muli abachesi; mbu obuhandalafu bukwiliile Isiraeli ikhulubeka, okhuula olwa obunji bwosi bwAbamahanga buba nibwinjisiibwe; 26mana kario Isiraeli yosi yilahonibwa; shinga olwa kahandiikwa, mbu
Omuhonia alarula muSayuni;
alarusia oburaria Nyasaye ta muYakobo;
27ne yino neindakano yanje ninabo olwa ndalayiniaho ebionoono biabwe.
28Halubeka Iweinjiili, nabasuku khulweenywe; ne halubeka Iwobulobolwi, nabaheelwa khulwa abakuuka. 29Okhuba ebihaanwa biaNyasaye nende obulanjibwe shibikalukhasibungwa ta. 30Shichila shinga inywe olwa mwamukhaya Nyasaye khale, ne bulaano mwabeelwa tsimbabasi khulwa obukhayi bwabwe, 31nolwa bano bosi bulaano babeelenje abakhayi, mbu khulwa tsimbabasi etsia mubeelwa inywe, nabo bosi babeelwe tsimbabasi. 32Okhuba Nyasaye yeekaliile bosi mubukhayi mbu mana ababeele tsimbabasi bosi.
33Bayaye, obwiyinikhu bwobuyinda bwobuchesi nende obumanyi bwaNyasaye nobwamakana! Obukhalachibwe shibunyoolekha kata tsinjilatsie okhumanyikha tawe. 34Okhuba niwina owamanya amayililisio kOmwami? Niwina owali omuchesiyiiwe? 35Kata niwina owaranjilila okhumuheelesia eshindu, mbu arungwe khandi? 36Okhuba amakhuwa kosi karula khuye, nikeetsa khululwe, nikachooma khuye. Ye aheebwe oluyali obushia nobushia. Amina.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975