Abaroma 16
16
Amashiesio
1Omukhaana weefwe Fibi ngwoyo; nomudikonesi weikanisa eyili eKengerea. 2Mumwinjisie muMwami, shinga olwa kakhoyeele abatakatifu; khandi mbu mumukhoonye mwikhuwa liosi elia anyala okhwenya mwinywe; okhuba omwene yabeelenje omuhabini wabandu abanji, kata khwisie omwene.
3Mushiesilie Pirisika nende Akula, abakholi abashianje muKristo Yesu, 4abalekhuula obulamu bwabwe khulwa obulamu bwanje; ne shindi nisie sienyene oubakhupila orio ta, habula nende tsikanisa tsiosi tsiAbamahanga; 5khandi mushiesilie ikanisa eyili munzu yabwe. Mushiesilie Epaineto, omuheelwa wanje; ne niye omurongole waAsia khuKristo. 6Mushiesilie Mariamu, owamunyakhanila muno. 7Mushiesilie Anderoniko naYunia, abaluyia banje khandi ababohe abashianje, abali abeifuma mubarume, khandi abaranjilila isie muKristo. 8Mushuesilie Ambiliato, omuheelwa wanje muMwami. 9Mushiesilie Urubano, omukholi owashieefwe muKristo, nende Sitakisi, omuheelwa wanje. 10Mushiesilie Apele, owateemwa nafuchiililwa muKristo. Mubashiesie abomunzu yaArisitobulo. 11Mushiesilie Herodioni omuluyia wanje. Mubashiesie abomunzu yaNarikiso, abali muMwami. 12Mushiesilie Turifena nende Turifosa, abanyakhana muMwami. Mushiesilie Peresisi omuheelwa, ounyakhana muno muMwami. 13Mushiesilie Rufusu, omumanyikhu muMwami, nende nyina, okhuba nimama siesi. 14Mushiesilie Asingirito, naFulegoni, naHereme, naPataroba, naHerema, nende abaana beefwe bosi aba bali halala ninabo. 15Mushiesilie Filologo, na Yulia, Nerea nende omukhaana wabwe, naOlimba, nende abatakatifu bosi aba bali halala ninabo. 16Mushiesanie nende okhutsunzuunana okhutakatifu. Tsikanisa tsiaKristo tsiosi tsimushiesia.
17Ne bulaano emusaaya, baana beefwe, muhenje abeenabo abachilanga obukabukhani nende ebiisichirasio nibibaho, nibafukula ameechesio ako aka mweeka, mbu mwiyahule khubo. 18Shichila abali bario shibali abasumba bOmwami weefwe Kristo ta, habula tsinda tsiabwe abeene; ne khulwa okhuboola khwabwe okhubuulu, okhurelele, bakaatia emioyo chiabeshiilongoole. 19Okhuba obuhulili bweenywe bufumanga mubandu bosi. Niko akachila nimwikhoyela muno ne enzenya mbu mubeetsenje abachesi khukaii amalayi, habula abasilu khukali amabii. 20Ne Nyasaye womulembe alasasaka Setani hasi wamakulu keenywe nonoho.
Obukoosia bwOmwami weefwe Yesu Kristo bubeetsenie nineenywe.
21Timotseyo, omukholi owashianje, amushiesia; nende Lukio naYasoni naSosipatero, abaluyia banje, bosi bario. 22Isie Teretio, omuhandiichi weibarwa yino, emushiesia muMwami. 23Gayo, omwinjisia wanje khandi oweikanisa yosi, amushiesia. Erasito, omubiishi welitookho lino, amushiesia, nende Kwarito, omwana weefwe.
[24Obukoosia bwOmwami weefwe Yesu Kristo bubeetsenje nineenywe mwesi. Amina.]
Akahelelesia, akobwitsoomii
25Ne bulaano aheebwe oluyali omwenoyo ounyala okhumuralisia, shinga injiili yanje nende akeelwatsungwa khuYesu Kristo olwa kaboola; khandi namalala nobufwimbuli bwelibiso eliabiswa mubise biobumeli, 26ne bulaano libakaalwe habulafu; ne khulwa lilako liaNyasaye owobumeli, limanyishilanga mumahanga kosi khulwa amahandiiko kabanabii, mbu mana bahulilenje khulwa okhusuubila. 27Nyasaye omwene obuchesi yenyene aheebwe oluyali obushia nobushia khulwa Yesu Kristo. Amina.
Currently Selected:
Abaroma 16: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaroma 16
16
Amashiesio
1Omukhaana weefwe Fibi ngwoyo; nomudikonesi weikanisa eyili eKengerea. 2Mumwinjisie muMwami, shinga olwa kakhoyeele abatakatifu; khandi mbu mumukhoonye mwikhuwa liosi elia anyala okhwenya mwinywe; okhuba omwene yabeelenje omuhabini wabandu abanji, kata khwisie omwene.
3Mushiesilie Pirisika nende Akula, abakholi abashianje muKristo Yesu, 4abalekhuula obulamu bwabwe khulwa obulamu bwanje; ne shindi nisie sienyene oubakhupila orio ta, habula nende tsikanisa tsiosi tsiAbamahanga; 5khandi mushiesilie ikanisa eyili munzu yabwe. Mushiesilie Epaineto, omuheelwa wanje; ne niye omurongole waAsia khuKristo. 6Mushiesilie Mariamu, owamunyakhanila muno. 7Mushiesilie Anderoniko naYunia, abaluyia banje khandi ababohe abashianje, abali abeifuma mubarume, khandi abaranjilila isie muKristo. 8Mushuesilie Ambiliato, omuheelwa wanje muMwami. 9Mushiesilie Urubano, omukholi owashieefwe muKristo, nende Sitakisi, omuheelwa wanje. 10Mushiesilie Apele, owateemwa nafuchiililwa muKristo. Mubashiesie abomunzu yaArisitobulo. 11Mushiesilie Herodioni omuluyia wanje. Mubashiesie abomunzu yaNarikiso, abali muMwami. 12Mushiesilie Turifena nende Turifosa, abanyakhana muMwami. Mushiesilie Peresisi omuheelwa, ounyakhana muno muMwami. 13Mushiesilie Rufusu, omumanyikhu muMwami, nende nyina, okhuba nimama siesi. 14Mushiesilie Asingirito, naFulegoni, naHereme, naPataroba, naHerema, nende abaana beefwe bosi aba bali halala ninabo. 15Mushiesilie Filologo, na Yulia, Nerea nende omukhaana wabwe, naOlimba, nende abatakatifu bosi aba bali halala ninabo. 16Mushiesanie nende okhutsunzuunana okhutakatifu. Tsikanisa tsiaKristo tsiosi tsimushiesia.
17Ne bulaano emusaaya, baana beefwe, muhenje abeenabo abachilanga obukabukhani nende ebiisichirasio nibibaho, nibafukula ameechesio ako aka mweeka, mbu mwiyahule khubo. 18Shichila abali bario shibali abasumba bOmwami weefwe Kristo ta, habula tsinda tsiabwe abeene; ne khulwa okhuboola khwabwe okhubuulu, okhurelele, bakaatia emioyo chiabeshiilongoole. 19Okhuba obuhulili bweenywe bufumanga mubandu bosi. Niko akachila nimwikhoyela muno ne enzenya mbu mubeetsenje abachesi khukaii amalayi, habula abasilu khukali amabii. 20Ne Nyasaye womulembe alasasaka Setani hasi wamakulu keenywe nonoho.
Obukoosia bwOmwami weefwe Yesu Kristo bubeetsenie nineenywe.
21Timotseyo, omukholi owashianje, amushiesia; nende Lukio naYasoni naSosipatero, abaluyia banje, bosi bario. 22Isie Teretio, omuhandiichi weibarwa yino, emushiesia muMwami. 23Gayo, omwinjisia wanje khandi oweikanisa yosi, amushiesia. Erasito, omubiishi welitookho lino, amushiesia, nende Kwarito, omwana weefwe.
[24Obukoosia bwOmwami weefwe Yesu Kristo bubeetsenje nineenywe mwesi. Amina.]
Akahelelesia, akobwitsoomii
25Ne bulaano aheebwe oluyali omwenoyo ounyala okhumuralisia, shinga injiili yanje nende akeelwatsungwa khuYesu Kristo olwa kaboola; khandi namalala nobufwimbuli bwelibiso eliabiswa mubise biobumeli, 26ne bulaano libakaalwe habulafu; ne khulwa lilako liaNyasaye owobumeli, limanyishilanga mumahanga kosi khulwa amahandiiko kabanabii, mbu mana bahulilenje khulwa okhusuubila. 27Nyasaye omwene obuchesi yenyene aheebwe oluyali obushia nobushia khulwa Yesu Kristo. Amina.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975