Abaroma 8
8
Obulamu obwomuRoho
1Kho bulaano khubeenabo abali muKristo Yesu shibuliho obufwilwi bweshiina tawe. 2Shichila lilako liaRoho wobulamu obuli muKristo Yesu liayamboholoole okhurula mwilako liobwonooni nende eliokhufwa. 3Okhuba akeenako akakhaya amalako okhukhola, shichila kali amateshele khulwa imela yomubili, Nyasaye yakakhola; mbu olwa yaruma omwanawe mukhufwana khweimela yomubili omwonooni khandi khulwa obwonooni, yakhalachila obwonooni eshiina mumela yomubili; 4mbu mana akeenywa mumalako koosilibwe mwifwe, abarachenda mumela yomubili ta, habula mumela yaroho.
5Shichila abo abali mumela yomubili bachoominjia amapaaro khukomubili; nabo abali mumela yaroho bachoominjia amapaaro khukaroho 6Okhuba eshia omubili kuchoominjiakhwo amapaaro nokhufwa; ne eshia roho yichoominjiakhwo amapaaro nobulamu nende omulembe. 7Shichila okhuchooma khwomubili nobusuku khuNyasaye; okhuba shikhufuchiililanga okhurukwa namalako kaNyasaye, kata okhunyala shikhwakhanyala tawe. 8Ne abo abali mumela yomubili shibanyala okhuchamisia Nyasaye ta.
9Nebutswa inywe shimuli mumela yomubili ta, habula muli mumela yaroho, Roho waNyasaye naba namenyanga mwinywe. Ne omundu yesi ouralikhwo nende Roho waKristo ta, oyo shialikhwo owuwe tawe. 10Ne Kristo naba nali mwinywe, kho imela yomubili yiba ifu khulwa obwonooni; ne imela yaroho neinamu khulwa obulunjishi. 11Ne Roho wa oyo owalamusia Yesu mukhufwa naba namenya mwinywe, ye owamulamusia Kristo Yesu mukhufwa alaheelesia emibili chieenywe chioburulanda chiosi obulamu khulwa Rohowe oumenyanga mwinywe.
12Kho, baana beefwe, ifwe khuli abeekobi, ne shikhuli abeekobi khumela yomubili, okhulonda ebiima biomubili, tawe. 13Okhuba nimuba nimulonda ebiima biomubili, okhuula mufwe; ne nimuba nimwira ebikhole biomubili khulwa roho, mulaba nobulamu. 14Okhuba bosi abeemililwa nende Roho waNyasaye, abo nibo abaana baNyasaye. 15Shichila shimwaheebwa roho yobubohe obumukalusia muburii ta, ne mwaheebwa roho yokhukholwa abaana, eyichilanga nikhulanjisia khuri Aba, Papa. 16Roho omwene arumbulana akobuloli halala nende roho yeefwe shinga olwa khuli abaana baNyasaye; 17ne nikhuba nikhuli abaana, kho khuli abobulaame; mbu abobulaame baNyasaye, abalaamilwa halala nende Kristo; nikhuba nikhusaalila ninaye halala, khulaheebwa oluyali halala ninaye.
18Shichila embasia obusaalili obwomundaalo tsino mbu shibukwanile kata okhuchelasibwa nende oluyali olwitsa okhukhufwimbulilwa ta. 19Okhuba obulongwi bwosi bunaayanga muno nibulindiilila obufwimbulwi bwabaana baNyasaye. 20Shichila ebilonje biosi bieesibwa nibiinjisibwa mukhufuba; ne shikhwali okhwenya khwabio ta, habula khwa oyo owabiisia, nanaayanga 21mbu ebilonje biene nabio bilahonibwa mumbohe yobwonooneshi, nibiinjisibwa mubulekhuule bwoluyali bwabaana baNyasaye. 22Shichila khumanyile shinga ebilonje biosi halala olwa bishenyanga nibinyakhana mubusaalili okhuula bulaano. 23Ne shikali ako konyene ta, habula ifwe neefu abali nende omurongolel kwaRoho, kata ifwe abeene khushenyanga mumioyo chieefwe, nikhulindiilila okhukholwa abaana, nikhwo obununulwi bwemibili chieefwe. 24Okhuba khwahonibwa khulwa obunaayi; ne eshinaaywa nishimalile okhulolekha shishili eshinaayungwa khandi ta; shichila ali heena ounaayanga shieneshio eshia alolanga? 25Ne nikhuba nikhunaaya akeenako aka khuralola ta, kho khukalindiilila nikhwisimilisiye.
26Kho kario khandi Roho ahabinanga obuteshele bweefwe; okhuba shikhumanyile okhusaaya shinga olwa kakhukhoyeele ta; ne Roho omwene akhusaayilanga nende obushenyi oburasunjikha ta. 27Ne oyo ourunilisinjia akomumioyo wamanya aka Roho yeenya, okhuba asaayilanga abatakatifu akeenako aka Nyasaye yeenya.
Khuli abahuli muno
28Khandi khumanyile mbu mumakhuwa kosi Nyasaye akholelanga halala nende abo abamuheela okhuleera amalayi, nibo abeenabo abalangwa khulwa tsiyemitsie shinga olwa tsili. 29Okhuba aba yamanya khale, yabaahula khale, bakalulwe okhufwanana nende Omwanawe, mbu Omwana mana abe omwikulanda mubaana abanji. 30Nabo aba yaahula khale, abeenabo yabalanga; ne aba yalanga, abeenabo yababasilia obulunjishi; ne aba yabasilia obulunjishi, abeenabo yabaheelesia oluyali.
31Kho khusunje khurie khukano? Nyasaye naba nakhuterela, niwina oukhuyinga? 32Oyo ourasaalilila Omwana wuwe omwene ta, habula wamuhaana khulweefwe fwesi, yakhachweya arie okhukhuheelesia buha halala ninaye ebindu biosi? 33Niwina oulabeenjilila abalobole baNyasaye mwikhuwa liosi? Niye Nyasaye oubabasilinjia obulunjishi; 34niwina ounyala okhubahula mushiina? Niye Kristo Yesu, mbu Kristo Yesu owafwa, kata khandi nalamusibwa mukhufwa, oubeetsangaho khumukhono musaatsa kwaNyasaye, khandi oukhusaayilanga. 35Niwina ounyala okhukhukabukhasia nende obuheeli bwaKristo? Amatinyu noho, kata amasila, kata obusandibwi, kata eshimotso, kata eshihechenye, kata akamaraba, kata olukanga? 36Shinga olwa kahandiikwa, mbu
Khululwo khwirwa eshiteere tulu;
khubalungwa shinga amakondi akeetsa okhusinzwa.
37Nebutswa mu ako kosi khuli abahuli muno khulwa omwenoyo owakhuheela. 38Shichila emanyile obulayi mbu kata okhufwa, kata obulamu, kata abamalaika, kata aboburuchi, kata ebiliho bulaano, kata ebiitsa okhubaho, kata ebiobunyali, 39kata ebili hekulu, kata ebili hasi, kata eshilonje shindi shiosi shiosi, shibinyala okhukhukabukhasia nende obuheeli bwaNyasaye obuli muKristo Yesu Omwami weefwe tawe.
Currently Selected:
Abaroma 8: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaroma 8
8
Obulamu obwomuRoho
1Kho bulaano khubeenabo abali muKristo Yesu shibuliho obufwilwi bweshiina tawe. 2Shichila lilako liaRoho wobulamu obuli muKristo Yesu liayamboholoole okhurula mwilako liobwonooni nende eliokhufwa. 3Okhuba akeenako akakhaya amalako okhukhola, shichila kali amateshele khulwa imela yomubili, Nyasaye yakakhola; mbu olwa yaruma omwanawe mukhufwana khweimela yomubili omwonooni khandi khulwa obwonooni, yakhalachila obwonooni eshiina mumela yomubili; 4mbu mana akeenywa mumalako koosilibwe mwifwe, abarachenda mumela yomubili ta, habula mumela yaroho.
5Shichila abo abali mumela yomubili bachoominjia amapaaro khukomubili; nabo abali mumela yaroho bachoominjia amapaaro khukaroho 6Okhuba eshia omubili kuchoominjiakhwo amapaaro nokhufwa; ne eshia roho yichoominjiakhwo amapaaro nobulamu nende omulembe. 7Shichila okhuchooma khwomubili nobusuku khuNyasaye; okhuba shikhufuchiililanga okhurukwa namalako kaNyasaye, kata okhunyala shikhwakhanyala tawe. 8Ne abo abali mumela yomubili shibanyala okhuchamisia Nyasaye ta.
9Nebutswa inywe shimuli mumela yomubili ta, habula muli mumela yaroho, Roho waNyasaye naba namenyanga mwinywe. Ne omundu yesi ouralikhwo nende Roho waKristo ta, oyo shialikhwo owuwe tawe. 10Ne Kristo naba nali mwinywe, kho imela yomubili yiba ifu khulwa obwonooni; ne imela yaroho neinamu khulwa obulunjishi. 11Ne Roho wa oyo owalamusia Yesu mukhufwa naba namenya mwinywe, ye owamulamusia Kristo Yesu mukhufwa alaheelesia emibili chieenywe chioburulanda chiosi obulamu khulwa Rohowe oumenyanga mwinywe.
12Kho, baana beefwe, ifwe khuli abeekobi, ne shikhuli abeekobi khumela yomubili, okhulonda ebiima biomubili, tawe. 13Okhuba nimuba nimulonda ebiima biomubili, okhuula mufwe; ne nimuba nimwira ebikhole biomubili khulwa roho, mulaba nobulamu. 14Okhuba bosi abeemililwa nende Roho waNyasaye, abo nibo abaana baNyasaye. 15Shichila shimwaheebwa roho yobubohe obumukalusia muburii ta, ne mwaheebwa roho yokhukholwa abaana, eyichilanga nikhulanjisia khuri Aba, Papa. 16Roho omwene arumbulana akobuloli halala nende roho yeefwe shinga olwa khuli abaana baNyasaye; 17ne nikhuba nikhuli abaana, kho khuli abobulaame; mbu abobulaame baNyasaye, abalaamilwa halala nende Kristo; nikhuba nikhusaalila ninaye halala, khulaheebwa oluyali halala ninaye.
18Shichila embasia obusaalili obwomundaalo tsino mbu shibukwanile kata okhuchelasibwa nende oluyali olwitsa okhukhufwimbulilwa ta. 19Okhuba obulongwi bwosi bunaayanga muno nibulindiilila obufwimbulwi bwabaana baNyasaye. 20Shichila ebilonje biosi bieesibwa nibiinjisibwa mukhufuba; ne shikhwali okhwenya khwabio ta, habula khwa oyo owabiisia, nanaayanga 21mbu ebilonje biene nabio bilahonibwa mumbohe yobwonooneshi, nibiinjisibwa mubulekhuule bwoluyali bwabaana baNyasaye. 22Shichila khumanyile shinga ebilonje biosi halala olwa bishenyanga nibinyakhana mubusaalili okhuula bulaano. 23Ne shikali ako konyene ta, habula ifwe neefu abali nende omurongolel kwaRoho, kata ifwe abeene khushenyanga mumioyo chieefwe, nikhulindiilila okhukholwa abaana, nikhwo obununulwi bwemibili chieefwe. 24Okhuba khwahonibwa khulwa obunaayi; ne eshinaaywa nishimalile okhulolekha shishili eshinaayungwa khandi ta; shichila ali heena ounaayanga shieneshio eshia alolanga? 25Ne nikhuba nikhunaaya akeenako aka khuralola ta, kho khukalindiilila nikhwisimilisiye.
26Kho kario khandi Roho ahabinanga obuteshele bweefwe; okhuba shikhumanyile okhusaaya shinga olwa kakhukhoyeele ta; ne Roho omwene akhusaayilanga nende obushenyi oburasunjikha ta. 27Ne oyo ourunilisinjia akomumioyo wamanya aka Roho yeenya, okhuba asaayilanga abatakatifu akeenako aka Nyasaye yeenya.
Khuli abahuli muno
28Khandi khumanyile mbu mumakhuwa kosi Nyasaye akholelanga halala nende abo abamuheela okhuleera amalayi, nibo abeenabo abalangwa khulwa tsiyemitsie shinga olwa tsili. 29Okhuba aba yamanya khale, yabaahula khale, bakalulwe okhufwanana nende Omwanawe, mbu Omwana mana abe omwikulanda mubaana abanji. 30Nabo aba yaahula khale, abeenabo yabalanga; ne aba yalanga, abeenabo yababasilia obulunjishi; ne aba yabasilia obulunjishi, abeenabo yabaheelesia oluyali.
31Kho khusunje khurie khukano? Nyasaye naba nakhuterela, niwina oukhuyinga? 32Oyo ourasaalilila Omwana wuwe omwene ta, habula wamuhaana khulweefwe fwesi, yakhachweya arie okhukhuheelesia buha halala ninaye ebindu biosi? 33Niwina oulabeenjilila abalobole baNyasaye mwikhuwa liosi? Niye Nyasaye oubabasilinjia obulunjishi; 34niwina ounyala okhubahula mushiina? Niye Kristo Yesu, mbu Kristo Yesu owafwa, kata khandi nalamusibwa mukhufwa, oubeetsangaho khumukhono musaatsa kwaNyasaye, khandi oukhusaayilanga. 35Niwina ounyala okhukhukabukhasia nende obuheeli bwaKristo? Amatinyu noho, kata amasila, kata obusandibwi, kata eshimotso, kata eshihechenye, kata akamaraba, kata olukanga? 36Shinga olwa kahandiikwa, mbu
Khululwo khwirwa eshiteere tulu;
khubalungwa shinga amakondi akeetsa okhusinzwa.
37Nebutswa mu ako kosi khuli abahuli muno khulwa omwenoyo owakhuheela. 38Shichila emanyile obulayi mbu kata okhufwa, kata obulamu, kata abamalaika, kata aboburuchi, kata ebiliho bulaano, kata ebiitsa okhubaho, kata ebiobunyali, 39kata ebili hekulu, kata ebili hasi, kata eshilonje shindi shiosi shiosi, shibinyala okhukhukabukhasia nende obuheeli bwaNyasaye obuli muKristo Yesu Omwami weefwe tawe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975