Malgo 13
13
Yees gayabas gubwa gwa nzo Nzaam
(Maday 24:1-2; Luug 21:5-6)
1Han Yees gadugaag mu nzo Nzaam, mulongog ande mos gamulees: «Looŋ, dal midoy mi piimi! Dal se Nzo yi kipil yil bunen!» 2Yees gamulees ndaa: «Wadele manzo ma manen maa! Loo mudoy mos wasaal atal mudoy ambaan, amyooz bumyabwa.»
Mapas ande mudungus
(Maday 24:3-14; Luug 21:7-19)
3Ibun Yees gagal wa bwensene ha musel wu midi mi Olive, min myadalanaag ande Nzo Nzaam. Pedel, Zyaag, Yowaan ande Andele bawuful Yees, ha gihan gibagal babeen: 4«Dulees biisi, mu kii daaŋ maamb mana masalam? Kii giliim gya gadusongos mu guyaab ndaa maamb mween maduul bel a bel.»
5Yees gabalees ndaa: «Lugyeb, ada muud mos loo gulufud. 6Baad bavul bawiy mu zin lame ibun bawagal ndaa: “Me nguleen Mesiya!” Ibun bafud baad bavul. 7Daaŋ lulawug milool mi bitumb, loo gubiyangas, pamb lo maamb man mafed salam, gaanz hana loo gwagal nsug yi gifud. 8Ndag yimos yanwanas ndag yambaan, gimfum gimos gyanwanas gimfum gyambaan, maan manigaan ndamb ande ndamb, ibun laam lagal lavul nsil. Maamb mana magal nga luyandag lapas nga mukaad wul ande misooŋ mi gubuud. 9Gaanz been lugeb, Pamb lo, baludwaal mu nzo yi lusambas yi Bayuda balubul mu manzo ma bisaam ma bayuda. Mumbad a mee, balusambas gutwaal guvelnel ande yi batodol. Ibun gwagal mumbad been nzil yapiim yi guda gimbaaŋ gulu baa. 10Gaanz gumaloom ndaa Nsaaŋ ya Piim yi looŋom mu mandag amooz ma gifud. 11Daaŋ lubalugam mu guludwaal gutwaal ya nzo yi lusambas, loo gugiyangas gutwaal mumbad a maamb malafed wagal; gaanz luwagal ndag yi balees mu daaŋ lun. Pamb lo, loo debeen laguwagal, gaanz Muhuuŋ Agelel. 12Paaŋ gagudeg paaŋ ande mumbad ba muzwe, ibun daad gagudeg mwaan ande mumbad bamuzwe, ibun baan bagu balumugeen bibud byabaa mu gubazwa. 13Baad abooz bubaludun mumbaad ziin lame. Gaanz muud wunu wagwaman dii gunsug, bu gahulug.»
Giim gizwaga baad
(Maday 24:15-28; Luug 21:20-24)
14Daaŋ luladeel “Maamb ma mvind”: mun gusalam ha gihan gya Saand, boomon ndaa mudaaŋ gabagas piim. Baad ban bagal gu kab la Yudeya, badiin gu misel; 15Boomon ndaa wun wagal ha muhag atal a yaaŋ la nzo nde, loo gudulug mumbad muguseen goonz giim gili mu nzo nde#13:15 Dala Mad 24.17 ande bison bimasin.; 16ibun muud wagal mu bilaaŋ, loo gufudug gu mbel a nzo mu guseen gazag gande. 17Gwagal pas ande kyeen mu biluum bini gul bakaad baagal ande mazum ande ban babala nwiis baan! 18Du saamb ngol mupil ndaa maamb mana magowiy mu daaŋ la mvul yangol#13:18 Gul baa lulu daaŋ la mpio yangol.! 19Pamb lo, gwagal biluum bya pas yangol, yini yago gubwa gele dogo layilig Nzaam biim abyooz#13:19 Gufwanas ande Dan 12.1.. Loo gwagal lyaag ande giim gimafwanaan nga mapas man, gaanz pas yi mutiind wu loo yagal lyaag. 20De ndaa Mfum gago gudyesaag biluum bya pas yeen, nga ada muud mos nga loo gakahulug; gaanz, gadyees biluum bini mumbaad ban baga sool. 21De muud ululese ndaa: “Ludal, Mesiya awu ha!” Dolo: “Awu hanaa!” Loo gumu gugwigilen. 22Pamb lo, bamesiya babukaaf ande bansuun paan babukaaf bu baduug, basal biliim binen ande bipa mumbad gufud ada ban baga sool, de myafed salam. 23Ibun bene, lugyeb! Mumbad mee, yaka luyabas gutwaal maamb amooz.» 24«Gaanz mu biluum bini, gungoy ya pas yin, mooz yayiig piib, ngoon loo galeed lyag nseem, 25myood bu myabwa doog gu tal, ibun mangol magu tal magunigisanaan#13:25 mumbada nzil ya 24-25, gufwanas ande Yez 13.10; 34.4; Ezk32.7; Yow 2.10; 3.4.. 26Gungoy badeel Mana Muud gawiy mu maduud mungol ande lugum langol#13:26 Dan 7.13.. 27Gadum dupuuŋ dwande mu magul ama mawaan ma maan mumbad gusya gihan gimos ban bagasool yandag nsug ya maan dii gunsug ya tal.»
Malooŋ mumbad mudi wu bafize
(Maday 24:32-35; Luug 21:29-33)
28«Boomon ndaa gingan gi mudi wu bafize gi lulooŋ ndaa: de ndaa kaay yi maduug mu taaŋ yande , nsunu ndaa nsuŋ ya nvul yaduul bela bel. 29Gidees gimos, daaŋ luladeel maamb maa mun gusalam, luyaab ndaa Mana Muud waduul bela bel ande mbel mu guwiy. 30Yawululees nsil mukyeleg: baad badaaŋ lu bambaan loo bafwa dii lubagudeel maamb man amooz magusalam. 31Yul ande maan magal ande nsuug, gaanz Ndag ya mee loo yagal ande nsuug.»
Nzaam buun uyaba giluum gya nsug
(Maday 24:36-44)
32«Ada muud mos loo gayaab giluum delo daaŋ, gugal dupuuŋ dwa gu tal dolo Mwaan; gag ndebeen Daad uyaab. 33Lugyeb! Loo guzeem mumbaad loo layaab kii daaŋ paan yini yasalam. 34Gwagal nga giluum gi maduug muud nzil, ibun wasiis nzo yande, maleed lem gul bisad byande; muud ande muud gamuwaag gisal gya nde gin gimafwaan gul nde. Gungoy gamalees sinzil ndaa zibili miis. 35Gyagin, lugal banga yilimi mumbaad loo layaab kii daaŋ munga nzo gawiy: mu masig do mugidul gya piib, dolo daaŋ lugogolago kog dolo mukeel. 36De bugawiy mu gilib, gako gagu luwaneen labidi. 37Paan yi yiyabal lulees, ya bala lees se baad abooz: luzibil mis!»
Currently Selected:
Malgo 13: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
