Malgo 14
14
Bamfumu basi mfuun mumbad a Yees
(Maday 26:1-5; Luug 22:1-2; Yowaan 11:45-53)
1Gwasaal biluum byeel mu guda kiinz Pag ande kiinz yi mapa mago mugyel#14:1 Dala Gud 12.1-27.. Bamfum ba bangaaŋ a Nzaam ande balooŋ ba nsig bagamaag pil yigugam Yees mu ginsweeg mumbad ba muzwe . 2Pamb lo bawagal: «Maamb ma loo mafed salam mu daaŋ la kiinz, dolo baad bamalawug.»
Mukaad wasi maaz mu mudwe wa Yees
(Maday 26:6-13; Yowaan 12:1-6)
3Yees gagal gu Betani, mu nzo Simon muud wa bwaanz; mukaad mos gawiŋin, hana Yees gagal ha mees. Gumyoog myande gagal ande mulaaŋ albatre#14:3 albatre: dala Mad 26.7 ande bison bigumasin. wanga yuul ande malyaas matal ngol mabayilig ande maaz ma nar mabago vugus ande giim gyambaan, gaseen gadyageen Yees hatal mudwe. 4Mukab la baad bambaan bagal han, bawagalanaan gunsin midim ndaa: «Mumbad akii lafed woneen malyaas maa? 5Loo lafed deeg malyaas maa mu tal ya ngol ya nziim#14:5 Gibende gya nziim dala lyaag 6: 37 ande mugaad makaam madad mabibende mumbad guwa bansugam!» Babangag mwana mukaad wun ngol. 6Gaanz Yees gabalees ndaa: «Lumubomon. Mumbad a kii labal muyaaŋaseen? Migamasal mumbad ame mileen mya piim. 7Ibun Beene lagalaag ande bansugam ndaaŋ alooz, ibun lafed gubasalaneeg mapiim goonz pil yilumazol; gaanz me loo yagalaag ande been daaŋ alooz . 8Mukaad wu gamasal paan yigafed sal, gamatyageen malyaas mu lud mumbad guyilig gutwaal guziigim gwa me#14:8 Nsig yi mafwa ma Bayuda batam, malyaas mala mumbad guswegeen bamvuum.. 9Yabal lulees nsil paan ya kyeleg: gihan akyooz gibayabas Nsaaŋ ya Piim mu gifud gimumvimb, bubawagalaneeg maamb mamasal mwaan mukaad wu mumbaad gumuyindil.»
Yudas gayegel Yees
(Maday 26:14-16; Luug 22:3-6)
10Ibun mos mukab lu balongog bande zin lande Yudas Iskaliyod, gaween mu guwagaan ande bamfum ba bangaaŋ a Nzaam mu gubalemeneen Yees. 11Daaŋ lubawug ndubun, bawug gyees gyavul. Ibun bamulag mu guwa nziim. Yudas gasagaag daaŋ lapiim lu gumulemeen.
Yees gali kiinz Pag ande balongog bande
(Maday 26:17-25; Luug 22:7-14; 21:23-30; Yowaan 13:21-30)
12Mu giluum gya kiinz yi mapa mago mugyel, giluum gibazwaga dwaan dumameem nga bwagal nsig ya Pag, balongog bamuwuful ndaa: «Agun mazol biisi duguyiligeen malya ma kiinz Pag?» 13Yees gadum balongog bande bool gutwaal, gabalees ndaa: «Lween gu bul buna gutwala buludele muud wulu ande buuŋ lu mazya, nga lumulab. 14Ibun daaŋ lugawiŋna mu nzo nga lumuwuful ndaa: “Looŋ gamawuful alun sug lulaka muyiligeen mu gulya kiinz Pag ande balongog bande?” 15Ibun nde ngagalulees, sug luluneen la gutal, lulene ande biim abyooz byanga yilig gele, mwamuun dulyaa.» 16Daaŋ balongog baween, bawiŋin a mbaanz ibun badeel biim abyooz nga mutind wu gabalees. Ibun bayilig malya ma Pag. 17Lu masig, Yees gawiy ande balongog bande aba guum ye bool . 18Mu daaŋ lubagal mun gulya, Yees gabalees ndaa: «Gulene ande muud mos mukab labene wabala lya gihan gimos ande me bugatega.» 19Ibun balongog lu bawug ndag yin bawiy kyen a kyen, bayandag mu gumuwuful mos mos ndaa: «Loo de me?» 20Yees gafudul: «Mos mukab labene guum ye bool wun wabala lya looŋ lumos ande me#14:20 Malooŋ magal mumbad gulileen mu gimvug. Dala Mig 41.10.. 21Mukyeleg, Mwaan a muud gaween nga pil yibasonog mumbad ande; gaanz kyeen gul muud wun wadeg Mwaan a muud. Gwalig piim ndaa muud mween gago gubudug!» 22Daaŋ lubalyaag, Yees gaseen lupa, gungoy gufudul madond gul Nzaam, galugyel, gabawe ibun gabalees ndaa: «Lu lul lud la me, luwool, luli.» 23Gaseen lyaag goob gafudul Madoogn gulu Nzaam, gabawe, abooz ba nwi. 24Gabalees ndaa: «Maa maleen mansil ma me mabala sooŋ guwagaan gwa pa, man madyagan mumbad a baad bavul. 25Yabal lulees paan ya kyeleg loo yabasa nwa lyaag viin lu dii giluun giya gunwa lapa mukab lu gi Mfum gya Nzaam . 26Gungoy guyimb miguuŋ, baween gu musel wu midi mya olive.
Yees gayabas ndaa Pedel bugamudun
(Maday 26:31-35; Luug 22:31-34; Yowaan 13:36-38)
27Yees galees balongog bande ndaa: «Been abooz bula nsiis, labilis lugwigil labeen mumbad basonog ndaa: “Yazwa nvuung wu mameem ibun mameem nga bapansaan#14:27 Zag 13.7.”. 28Gaanz gungoy gufudumug gwame, yagulig gu Galiley gutwaal abeen. 29Pedel galees Yees ndaa: «Ada baa abooz babwiis lugwigil la baa, mee, loo yagulubwiis.» 30Yees gamufuduleen ndaa: «Yawugulees nsil mukyeleg: Noon, mu piib, gutwaal kog gagol mbal ya yool, nze butuna mbal idaad ndaa ungyaab go.» 31Gaanz Pedel gafudul mu ndag yangol ndaa: «Looo ada gwaloomo mu gufwa nzil imos ande nze, loo yigudun. Ibun balongog abooz ban bambaan bansuunaag gidees gimos.
Yees gasaam gu Gedsemani
(Maday 26:36-46; Luug 22:39-46)
32Lubaduul gihan gibabilaag Gedsemani, Yees galees balongog bande ndaa: «Lusaal ha, yaween mumbad gusaam.» 33Ibun gaseen Pedel, Zyaag ande Yowaan. Gayandag guwug boom, gawiy kyeen akyeen ande gubiyaŋas, 34ibun gabalees ndaa: mudim ame wa yuul ande kyeen yi lufwa; lusaal ha, loo gubid. 35Gaween gapusaan gibaal ande baa, gabwi mu maan, gayandag gusaam ndaa: De paan yi yafed salama, daaŋ lu la pas lween gibaal ande nde. 36Yees gasamaag ndaa: «Daad! Gul nze amyooz myafed salam, dogolo gutwaal amee goob lu la pas, loo de misalam mu luzol la mee, gaanz luzol lugal la nze.» 37Ibun gafudug gwagal balongog bande, gawubawaneen babidi, galees Pedel ndaa: «Simon, bwabala bidi? Loo wafed gug mugugal daaŋ lumos mu muniiŋ? 38Lugangal miis ibun lusaam mu gugo gubwa mu mimegem. Muud gilene ande luzol gaanz lud lugalaga ande guhel. 39Gaween lyaag gibaal, gasaam lyaag mutind mos. 40Lugafudug lyaag gul bolongog bande, gawu basigileen gag babidi mumbad miis myagal myawiy lem ande dol; loo badeel kii bafed fudul. 41Daaŋ gaufudug mu mbal ya daad, gabalees ndaa: «Been labiid ande guhululug lyaag? Gwa wi! Daaŋ laluŋu. Mwaan muud bamulemeen gu myoog mya baad ba masum . 42Daaŋ lu lumadag, tweneen, dal muud wumateeg gil mun guwiy!
Gugamag gwa Yees
(Maday 26:47-56; Luug 22:47-53; Yowaan 18:3-12)
43Yees gagal mun guwagal lyaag daaŋ lawiy Yudas, mos mukab lu balongog bande guum ye bool. Gwagal hana ande gibug gya baad ban bagal ande makwamb ande midi. Bamfum ba bangaaŋ a Nzaam, balooŋ ba nsig ande bambud ba gizig babadum mumbad gugam Yees. 44Yudas wayegel Yees, gabalees mu giliim gimos ndaa: «Muud wu ngyamba, nde wawun lumugam ibun lumudwaal ande gumugeb piim.» 45Daaŋ lawiy Yudas, gaduul bel a bel ande Yees ibun gamulees ndaa: «Looŋ!», Gungoy gamuyamb. 46Mumbal mos, bagam Yees mu ngol. 47Mos mukab la baa bagal han, gadugus kwamb ande, gagyel gisad gimos wa mfum wu bangaaŋ a Nzaam nswii#14:47 Gufwanas Yow 18.26.. 48Yees gabawuful ndaa: «Lumawiy mu gukam ande makwamb ande midi nga ndaa me gipumbulu? 49Biluum abyooz yagalaag ande been mun gulooŋ mu lupaaŋ la nzo Nzaam, loo lakam. Gaanz mya balasalam mumbad Masonog malungusaam.» 50Ibun balongog bande abooz bamusiis ibun badiin. 51Mwaan a nguunz mos walabaag Yees, gagal wabwaad luvuuŋ. Bameg gumugam, 52gasiis luvuuŋ ibun gadiin buguul.
Yees gutwaal Ginzonzol gi gineen
(Maday 26:57-68; Luug 22:54-55,63-71; Yowaan 18:13-14)
53Badwaal Yees gutwaal bamfum ba bangaaŋ a Nzaam, gihan gibavuganag abooz balooŋ ba nsig ande bambud ba bis bagyan . 54Pedel gagal mun gwalab Yees mugibaal, gawiŋin mu muwaŋ wa mfum wu bangaaŋ a Nzaam. Gabwensen mumbim basinzil gayandag guwood mbaa. 55Kisi lo bamfum ba bangaaŋ a Nzaam ande Ginzonzol gigineen gi Bayuda basagaag gigum gi bafed gufundeen Yees mumbad bamuzwe, gaanz loo bagideleeg. 56Baad bavul bamufudaneeg mapaan, gaanz loo maweneseneeg. 57Bambaan bamadag mu gumufuund mu mapaan ma bukaaf: 58«Muud wu gansuun ndaa: “Yabwiis nzo Nzaam yii yaduuŋ baad, gungoy biluum bidaad yamayimadas. Loo yagal nga yin yaduuŋ baad.”» 59Ada ndubun, paan ya baa loo yaweneseneeg. 60Mbud wu bangaaŋ a Nzaam gawuful Yees gutwaal gimvug ndaa: «Loo wabala fudul ada mvud mu maamb maa amooz mababal gufundu?» 61Gaanz Yees loo gafudul ada mvud, galemen pwedee. Mfum wu bangaaŋ a Nzaam gamuwuful lyaag: «Nze wuleen Mesiya, Mwaan a Nzaam wa sagamag?» 62Yees gafudul ndaa: « Eee, gul bwabuun, nzebeen mansuun, ibun bulagudeel Mwaan a muud wa bwensene gu goog lu gidaad la Nzaam wa ngol, waguwiy nzil imos ande madud magu tal#14:62 Mig 110.1; Dan7.13..» 63Ibun mfum wu bangaaŋ a Nzaam gawagal milel myande ibun gansuun ndaa: «Mfun loo lyaag lugugaam bambaaŋ! 64Bene been lawug madug mande gutwaal a Nzaam. Kii lumayindil mumbad maa?» Abooz bagumeen ibun bamugyeleen ndol yi lufwa#14:64 Dala mu Lev 24.16.. B afudul ndaa gafed fwa. 65Bambaan mukab labaa, bayandag gumupameen made, gumufug gu miis, gumubul magof ande gumulees ndaa : «Yindila, naa wakagusal paan yi!»? Ibun basinzil bamuseen ibun bamubul#14:65 Gufwanas ande Yez 50.6..
Pedel gadun Yees
(Maday 26:69-75; Luug 22:56-62; Yowaan 18:15-18,25-27)
66Pedel gagal mu nsiin mukab lupaaŋ, mwaan gisad mos wu mukaad wa mfum wu ba ngaaŋ a Nzaam gawiy han, 67gadeel Pedel mun guwood mbaa, gamudal ibun gamulees ndaa: «Nze se bwagal ande Yees mwiis Nazaled.» 68Gaanz Pedel gadun ibun gawagal ndaa: «Loo yauyaab min myabala wagal! Ibun gaduug, gaumad bela bel ande mbel yi lupaaŋ. [Ibun kog gagogol#14:68 Mu migaand myambaan loo gulu ande bangog baa : Ibun kog gagogol. .] 69Mu mbal yayool, gisad gi mukaad gamudeel lyaag ibun galees lyaag baad bagal han: «««Muud wu gil mos mukab labaa!» 70Pedel gamudun lyaag. Gungoy afi daaŋ, baad bagal han balees lyaag Pedel ndaa: «Gul mukyeleg, nze wulene ande baa mumbaad nze se mwiis Galiley. 71Ibun Pedel gagyel ndef ndaa: «Boomon Nzaam gape ndol de ndaa bukaf yabala da, yilulees ndaa muud wuna me yimuyab go.» 72Mu daaŋ lwalun, kog gago gol mbaal ya yool. Ibun Pedel gawibig paan yi mulees Yees ndaa: «Gutwaal kog gagogol mbal ya yool, nze watun mbaal idad ndaa ungyaab go.» Lu gayindil paan yin, gayandag mu gulil#14:72 Dala lyaag 14.30.Gayandag mugulil: mumasonog mamban gaduug swaal ibun galil dolo lyaag gagifuug mudwe ibun galil .
Currently Selected:
Malgo 14: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
Malgo 14
14
Bamfumu basi mfuun mumbad a Yees
(Maday 26:1-5; Luug 22:1-2; Yowaan 11:45-53)
1Gwasaal biluum byeel mu guda kiinz Pag ande kiinz yi mapa mago mugyel#14:1 Dala Gud 12.1-27.. Bamfum ba bangaaŋ a Nzaam ande balooŋ ba nsig bagamaag pil yigugam Yees mu ginsweeg mumbad ba muzwe . 2Pamb lo bawagal: «Maamb ma loo mafed salam mu daaŋ la kiinz, dolo baad bamalawug.»
Mukaad wasi maaz mu mudwe wa Yees
(Maday 26:6-13; Yowaan 12:1-6)
3Yees gagal gu Betani, mu nzo Simon muud wa bwaanz; mukaad mos gawiŋin, hana Yees gagal ha mees. Gumyoog myande gagal ande mulaaŋ albatre#14:3 albatre: dala Mad 26.7 ande bison bigumasin. wanga yuul ande malyaas matal ngol mabayilig ande maaz ma nar mabago vugus ande giim gyambaan, gaseen gadyageen Yees hatal mudwe. 4Mukab la baad bambaan bagal han, bawagalanaan gunsin midim ndaa: «Mumbad akii lafed woneen malyaas maa? 5Loo lafed deeg malyaas maa mu tal ya ngol ya nziim#14:5 Gibende gya nziim dala lyaag 6: 37 ande mugaad makaam madad mabibende mumbad guwa bansugam!» Babangag mwana mukaad wun ngol. 6Gaanz Yees gabalees ndaa: «Lumubomon. Mumbad a kii labal muyaaŋaseen? Migamasal mumbad ame mileen mya piim. 7Ibun Beene lagalaag ande bansugam ndaaŋ alooz, ibun lafed gubasalaneeg mapiim goonz pil yilumazol; gaanz me loo yagalaag ande been daaŋ alooz . 8Mukaad wu gamasal paan yigafed sal, gamatyageen malyaas mu lud mumbad guyilig gutwaal guziigim gwa me#14:8 Nsig yi mafwa ma Bayuda batam, malyaas mala mumbad guswegeen bamvuum.. 9Yabal lulees nsil paan ya kyeleg: gihan akyooz gibayabas Nsaaŋ ya Piim mu gifud gimumvimb, bubawagalaneeg maamb mamasal mwaan mukaad wu mumbaad gumuyindil.»
Yudas gayegel Yees
(Maday 26:14-16; Luug 22:3-6)
10Ibun mos mukab lu balongog bande zin lande Yudas Iskaliyod, gaween mu guwagaan ande bamfum ba bangaaŋ a Nzaam mu gubalemeneen Yees. 11Daaŋ lubawug ndubun, bawug gyees gyavul. Ibun bamulag mu guwa nziim. Yudas gasagaag daaŋ lapiim lu gumulemeen.
Yees gali kiinz Pag ande balongog bande
(Maday 26:17-25; Luug 22:7-14; 21:23-30; Yowaan 13:21-30)
12Mu giluum gya kiinz yi mapa mago mugyel, giluum gibazwaga dwaan dumameem nga bwagal nsig ya Pag, balongog bamuwuful ndaa: «Agun mazol biisi duguyiligeen malya ma kiinz Pag?» 13Yees gadum balongog bande bool gutwaal, gabalees ndaa: «Lween gu bul buna gutwala buludele muud wulu ande buuŋ lu mazya, nga lumulab. 14Ibun daaŋ lugawiŋna mu nzo nga lumuwuful ndaa: “Looŋ gamawuful alun sug lulaka muyiligeen mu gulya kiinz Pag ande balongog bande?” 15Ibun nde ngagalulees, sug luluneen la gutal, lulene ande biim abyooz byanga yilig gele, mwamuun dulyaa.» 16Daaŋ balongog baween, bawiŋin a mbaanz ibun badeel biim abyooz nga mutind wu gabalees. Ibun bayilig malya ma Pag. 17Lu masig, Yees gawiy ande balongog bande aba guum ye bool . 18Mu daaŋ lubagal mun gulya, Yees gabalees ndaa: «Gulene ande muud mos mukab labene wabala lya gihan gimos ande me bugatega.» 19Ibun balongog lu bawug ndag yin bawiy kyen a kyen, bayandag mu gumuwuful mos mos ndaa: «Loo de me?» 20Yees gafudul: «Mos mukab labene guum ye bool wun wabala lya looŋ lumos ande me#14:20 Malooŋ magal mumbad gulileen mu gimvug. Dala Mig 41.10.. 21Mukyeleg, Mwaan a muud gaween nga pil yibasonog mumbad ande; gaanz kyeen gul muud wun wadeg Mwaan a muud. Gwalig piim ndaa muud mween gago gubudug!» 22Daaŋ lubalyaag, Yees gaseen lupa, gungoy gufudul madond gul Nzaam, galugyel, gabawe ibun gabalees ndaa: «Lu lul lud la me, luwool, luli.» 23Gaseen lyaag goob gafudul Madoogn gulu Nzaam, gabawe, abooz ba nwi. 24Gabalees ndaa: «Maa maleen mansil ma me mabala sooŋ guwagaan gwa pa, man madyagan mumbad a baad bavul. 25Yabal lulees paan ya kyeleg loo yabasa nwa lyaag viin lu dii giluun giya gunwa lapa mukab lu gi Mfum gya Nzaam . 26Gungoy guyimb miguuŋ, baween gu musel wu midi mya olive.
Yees gayabas ndaa Pedel bugamudun
(Maday 26:31-35; Luug 22:31-34; Yowaan 13:36-38)
27Yees galees balongog bande ndaa: «Been abooz bula nsiis, labilis lugwigil labeen mumbad basonog ndaa: “Yazwa nvuung wu mameem ibun mameem nga bapansaan#14:27 Zag 13.7.”. 28Gaanz gungoy gufudumug gwame, yagulig gu Galiley gutwaal abeen. 29Pedel galees Yees ndaa: «Ada baa abooz babwiis lugwigil la baa, mee, loo yagulubwiis.» 30Yees gamufuduleen ndaa: «Yawugulees nsil mukyeleg: Noon, mu piib, gutwaal kog gagol mbal ya yool, nze butuna mbal idaad ndaa ungyaab go.» 31Gaanz Pedel gafudul mu ndag yangol ndaa: «Looo ada gwaloomo mu gufwa nzil imos ande nze, loo yigudun. Ibun balongog abooz ban bambaan bansuunaag gidees gimos.
Yees gasaam gu Gedsemani
(Maday 26:36-46; Luug 22:39-46)
32Lubaduul gihan gibabilaag Gedsemani, Yees galees balongog bande ndaa: «Lusaal ha, yaween mumbad gusaam.» 33Ibun gaseen Pedel, Zyaag ande Yowaan. Gayandag guwug boom, gawiy kyeen akyeen ande gubiyaŋas, 34ibun gabalees ndaa: mudim ame wa yuul ande kyeen yi lufwa; lusaal ha, loo gubid. 35Gaween gapusaan gibaal ande baa, gabwi mu maan, gayandag gusaam ndaa: De paan yi yafed salama, daaŋ lu la pas lween gibaal ande nde. 36Yees gasamaag ndaa: «Daad! Gul nze amyooz myafed salam, dogolo gutwaal amee goob lu la pas, loo de misalam mu luzol la mee, gaanz luzol lugal la nze.» 37Ibun gafudug gwagal balongog bande, gawubawaneen babidi, galees Pedel ndaa: «Simon, bwabala bidi? Loo wafed gug mugugal daaŋ lumos mu muniiŋ? 38Lugangal miis ibun lusaam mu gugo gubwa mu mimegem. Muud gilene ande luzol gaanz lud lugalaga ande guhel. 39Gaween lyaag gibaal, gasaam lyaag mutind mos. 40Lugafudug lyaag gul bolongog bande, gawu basigileen gag babidi mumbad miis myagal myawiy lem ande dol; loo badeel kii bafed fudul. 41Daaŋ gaufudug mu mbal ya daad, gabalees ndaa: «Been labiid ande guhululug lyaag? Gwa wi! Daaŋ laluŋu. Mwaan muud bamulemeen gu myoog mya baad ba masum . 42Daaŋ lu lumadag, tweneen, dal muud wumateeg gil mun guwiy!
Gugamag gwa Yees
(Maday 26:47-56; Luug 22:47-53; Yowaan 18:3-12)
43Yees gagal mun guwagal lyaag daaŋ lawiy Yudas, mos mukab lu balongog bande guum ye bool. Gwagal hana ande gibug gya baad ban bagal ande makwamb ande midi. Bamfum ba bangaaŋ a Nzaam, balooŋ ba nsig ande bambud ba gizig babadum mumbad gugam Yees. 44Yudas wayegel Yees, gabalees mu giliim gimos ndaa: «Muud wu ngyamba, nde wawun lumugam ibun lumudwaal ande gumugeb piim.» 45Daaŋ lawiy Yudas, gaduul bel a bel ande Yees ibun gamulees ndaa: «Looŋ!», Gungoy gamuyamb. 46Mumbal mos, bagam Yees mu ngol. 47Mos mukab la baa bagal han, gadugus kwamb ande, gagyel gisad gimos wa mfum wu bangaaŋ a Nzaam nswii#14:47 Gufwanas Yow 18.26.. 48Yees gabawuful ndaa: «Lumawiy mu gukam ande makwamb ande midi nga ndaa me gipumbulu? 49Biluum abyooz yagalaag ande been mun gulooŋ mu lupaaŋ la nzo Nzaam, loo lakam. Gaanz mya balasalam mumbad Masonog malungusaam.» 50Ibun balongog bande abooz bamusiis ibun badiin. 51Mwaan a nguunz mos walabaag Yees, gagal wabwaad luvuuŋ. Bameg gumugam, 52gasiis luvuuŋ ibun gadiin buguul.
Yees gutwaal Ginzonzol gi gineen
(Maday 26:57-68; Luug 22:54-55,63-71; Yowaan 18:13-14)
53Badwaal Yees gutwaal bamfum ba bangaaŋ a Nzaam, gihan gibavuganag abooz balooŋ ba nsig ande bambud ba bis bagyan . 54Pedel gagal mun gwalab Yees mugibaal, gawiŋin mu muwaŋ wa mfum wu bangaaŋ a Nzaam. Gabwensen mumbim basinzil gayandag guwood mbaa. 55Kisi lo bamfum ba bangaaŋ a Nzaam ande Ginzonzol gigineen gi Bayuda basagaag gigum gi bafed gufundeen Yees mumbad bamuzwe, gaanz loo bagideleeg. 56Baad bavul bamufudaneeg mapaan, gaanz loo maweneseneeg. 57Bambaan bamadag mu gumufuund mu mapaan ma bukaaf: 58«Muud wu gansuun ndaa: “Yabwiis nzo Nzaam yii yaduuŋ baad, gungoy biluum bidaad yamayimadas. Loo yagal nga yin yaduuŋ baad.”» 59Ada ndubun, paan ya baa loo yaweneseneeg. 60Mbud wu bangaaŋ a Nzaam gawuful Yees gutwaal gimvug ndaa: «Loo wabala fudul ada mvud mu maamb maa amooz mababal gufundu?» 61Gaanz Yees loo gafudul ada mvud, galemen pwedee. Mfum wu bangaaŋ a Nzaam gamuwuful lyaag: «Nze wuleen Mesiya, Mwaan a Nzaam wa sagamag?» 62Yees gafudul ndaa: « Eee, gul bwabuun, nzebeen mansuun, ibun bulagudeel Mwaan a muud wa bwensene gu goog lu gidaad la Nzaam wa ngol, waguwiy nzil imos ande madud magu tal#14:62 Mig 110.1; Dan7.13..» 63Ibun mfum wu bangaaŋ a Nzaam gawagal milel myande ibun gansuun ndaa: «Mfun loo lyaag lugugaam bambaaŋ! 64Bene been lawug madug mande gutwaal a Nzaam. Kii lumayindil mumbad maa?» Abooz bagumeen ibun bamugyeleen ndol yi lufwa#14:64 Dala mu Lev 24.16.. B afudul ndaa gafed fwa. 65Bambaan mukab labaa, bayandag gumupameen made, gumufug gu miis, gumubul magof ande gumulees ndaa : «Yindila, naa wakagusal paan yi!»? Ibun basinzil bamuseen ibun bamubul#14:65 Gufwanas ande Yez 50.6..
Pedel gadun Yees
(Maday 26:69-75; Luug 22:56-62; Yowaan 18:15-18,25-27)
66Pedel gagal mu nsiin mukab lupaaŋ, mwaan gisad mos wu mukaad wa mfum wu ba ngaaŋ a Nzaam gawiy han, 67gadeel Pedel mun guwood mbaa, gamudal ibun gamulees ndaa: «Nze se bwagal ande Yees mwiis Nazaled.» 68Gaanz Pedel gadun ibun gawagal ndaa: «Loo yauyaab min myabala wagal! Ibun gaduug, gaumad bela bel ande mbel yi lupaaŋ. [Ibun kog gagogol#14:68 Mu migaand myambaan loo gulu ande bangog baa : Ibun kog gagogol. .] 69Mu mbal yayool, gisad gi mukaad gamudeel lyaag ibun galees lyaag baad bagal han: «««Muud wu gil mos mukab labaa!» 70Pedel gamudun lyaag. Gungoy afi daaŋ, baad bagal han balees lyaag Pedel ndaa: «Gul mukyeleg, nze wulene ande baa mumbaad nze se mwiis Galiley. 71Ibun Pedel gagyel ndef ndaa: «Boomon Nzaam gape ndol de ndaa bukaf yabala da, yilulees ndaa muud wuna me yimuyab go.» 72Mu daaŋ lwalun, kog gago gol mbaal ya yool. Ibun Pedel gawibig paan yi mulees Yees ndaa: «Gutwaal kog gagogol mbal ya yool, nze watun mbaal idad ndaa ungyaab go.» Lu gayindil paan yin, gayandag mu gulil#14:72 Dala lyaag 14.30.Gayandag mugulil: mumasonog mamban gaduug swaal ibun galil dolo lyaag gagifuug mudwe ibun galil .
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible