Malgo 16
16
Gufudumug gwa Yees
(Maday 28:1-8; Luug 24:1-12; Yowaan 20:1-10)
1Daaŋ giluum gya sabad gya lig, Maliy muud wa bul Magadal ande Maliy, ngwaa Zyaag ande Salome basuum maaz ma nsuuŋ mu gugwiid mu lud la Yees mumbad guluwumus. 2Mukab lakeel yi lumiiŋ: giluum gya teeg gya poos hana mooz gagal mun guduug, baween gu mazyaam. 3Bayandag guwufulan bamos gul bambaan ndaa: «Naa dudoglane mudoy wuna gu mbel yi mazyaam?» 4Ibun daaŋ lubanyaman miis, badeel ndaa mudoy wagal wuneen gu mbel mazyaam wadogo. 5Daaŋ lubawiŋin mu mazyaam, badeel mwaan a bagal mos, wa bwensene gu ndaamb la goog lu gibagal, wabwaad mveel ya pemb, ibun bawa boomo bubagam. 6Gabalees ndaa: «Loo guwug boom; been labalagaam Yees wa Nazaled, wu basi atal a kulunz; wafudumug, loo gilene; dal gihan gi bamusi. 7Lween daaŋ lu lubalees baloŋog bande ande Pedel ndaa: “Wawuluzig gu Galiley gwaguun lumudele nga bugalulees.”» 8Bakaad baduug mu tiin, badiin gibaal ande mazyaam ma Yees, pamb lo, abooz bagal mu boom. Manuuŋ mabaa mayaŋaan. Loo balees ada muud mos mumbad bagal mu boom .
Yees gagi songos gul balongog
(Maday 28:9-10; Yowaan 20:11-18)
9Mukel a keel yi lumiŋ giluum gya teeg poos, daaŋ Yees gafudumug mu lufwa, Yees gamonog teeg gulu Maliy wa Magadal wun wu gadugus mihuuŋ nsambwaal mya mviind. 10Ibun Maliy gaween mugulees baad ban bagal ande Yees. Ga wubasigileen mu kyeen a kyeen ibun mun gulil . 11Gaanz daaŋ lubamuwug mun guwagal ndaa: «Yees gileen ande mooy, buyaka mudeel!» Loo bamugwigileen.
Yees gagisongos gulu balongog bool
(Luug 24:13-35)
12Gungoy, Yees gadugeen bool mukaad lu balongog mu luse lambaan, mu daaŋ lu bawenaag gu bul. 13Bafudug ibun bayabas balongog bambaan maamb mween, gaanz balongog loo gaba bagwigil.
Yees gagisongos gulu balongog guum yemos
(Maday 28:16-20; Luug 24:36-49; Yowaan 20:19-23; Bisal 1:6-8)
14Gungoy amya,Yees gamonogeen balongog guum yemos bagal mun gulya; gabaŋaneen mumbad loo bagal ande lugwigil ibun midim mya baa mya bwiid, pamb lo, loo bagwigil gul baad baan bamudeel gungoy lufudumug lande. 15Gungoy gabalees ndaa: «Lween mu gifud agyooz, lu bayabas baad nsaaŋ ya piim ya Nzaam#16:15 Gufwanas ande Bis 1.8.. 16Muud wun wagwigil ande guseen mbodog buga ngulug, gaanz wun wago gugwigil gaseen ndol. 17Dal biliim byalab baad ban bagwigil gul mee: bayidaag muhuŋ myambi mu zin lame, bawagal mu mandag mapa; 18bagama ba ngoŋon mumyog myaba, de ba nwii ndigil loo yigubagid giim, basyaag bambeef myoog ibun bubazuun.»
Yees gafudug gulu Nzaam
(Luug 24:50-53; Bisal 1:9-11)
19Gungoy lugamanas mu gubalees maamb man, Mfum Yees gabandag gu Tal ibun gabwensen gu goog la Nzaam lugibagal#16:19 Gufwanas ande Bis 1.9-11.. 20Balongog baween bihan abyooz mu guyabas nsaaŋ ya Piim. Mfum gabasalsaag ibun galungusaag Ndag yande mu nzil biliim byakuumb byalabaag Ndag ande.]
Currently Selected:
Malgo 16: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
Malgo 16
16
Gufudumug gwa Yees
(Maday 28:1-8; Luug 24:1-12; Yowaan 20:1-10)
1Daaŋ giluum gya sabad gya lig, Maliy muud wa bul Magadal ande Maliy, ngwaa Zyaag ande Salome basuum maaz ma nsuuŋ mu gugwiid mu lud la Yees mumbad guluwumus. 2Mukab lakeel yi lumiiŋ: giluum gya teeg gya poos hana mooz gagal mun guduug, baween gu mazyaam. 3Bayandag guwufulan bamos gul bambaan ndaa: «Naa dudoglane mudoy wuna gu mbel yi mazyaam?» 4Ibun daaŋ lubanyaman miis, badeel ndaa mudoy wagal wuneen gu mbel mazyaam wadogo. 5Daaŋ lubawiŋin mu mazyaam, badeel mwaan a bagal mos, wa bwensene gu ndaamb la goog lu gibagal, wabwaad mveel ya pemb, ibun bawa boomo bubagam. 6Gabalees ndaa: «Loo guwug boom; been labalagaam Yees wa Nazaled, wu basi atal a kulunz; wafudumug, loo gilene; dal gihan gi bamusi. 7Lween daaŋ lu lubalees baloŋog bande ande Pedel ndaa: “Wawuluzig gu Galiley gwaguun lumudele nga bugalulees.”» 8Bakaad baduug mu tiin, badiin gibaal ande mazyaam ma Yees, pamb lo, abooz bagal mu boom. Manuuŋ mabaa mayaŋaan. Loo balees ada muud mos mumbad bagal mu boom .
Yees gagi songos gul balongog
(Maday 28:9-10; Yowaan 20:11-18)
9Mukel a keel yi lumiŋ giluum gya teeg poos, daaŋ Yees gafudumug mu lufwa, Yees gamonog teeg gulu Maliy wa Magadal wun wu gadugus mihuuŋ nsambwaal mya mviind. 10Ibun Maliy gaween mugulees baad ban bagal ande Yees. Ga wubasigileen mu kyeen a kyeen ibun mun gulil . 11Gaanz daaŋ lubamuwug mun guwagal ndaa: «Yees gileen ande mooy, buyaka mudeel!» Loo bamugwigileen.
Yees gagisongos gulu balongog bool
(Luug 24:13-35)
12Gungoy, Yees gadugeen bool mukaad lu balongog mu luse lambaan, mu daaŋ lu bawenaag gu bul. 13Bafudug ibun bayabas balongog bambaan maamb mween, gaanz balongog loo gaba bagwigil.
Yees gagisongos gulu balongog guum yemos
(Maday 28:16-20; Luug 24:36-49; Yowaan 20:19-23; Bisal 1:6-8)
14Gungoy amya,Yees gamonogeen balongog guum yemos bagal mun gulya; gabaŋaneen mumbad loo bagal ande lugwigil ibun midim mya baa mya bwiid, pamb lo, loo bagwigil gul baad baan bamudeel gungoy lufudumug lande. 15Gungoy gabalees ndaa: «Lween mu gifud agyooz, lu bayabas baad nsaaŋ ya piim ya Nzaam#16:15 Gufwanas ande Bis 1.8.. 16Muud wun wagwigil ande guseen mbodog buga ngulug, gaanz wun wago gugwigil gaseen ndol. 17Dal biliim byalab baad ban bagwigil gul mee: bayidaag muhuŋ myambi mu zin lame, bawagal mu mandag mapa; 18bagama ba ngoŋon mumyog myaba, de ba nwii ndigil loo yigubagid giim, basyaag bambeef myoog ibun bubazuun.»
Yees gafudug gulu Nzaam
(Luug 24:50-53; Bisal 1:9-11)
19Gungoy lugamanas mu gubalees maamb man, Mfum Yees gabandag gu Tal ibun gabwensen gu goog la Nzaam lugibagal#16:19 Gufwanas ande Bis 1.9-11.. 20Balongog baween bihan abyooz mu guyabas nsaaŋ ya Piim. Mfum gabasalsaag ibun galungusaag Ndag yande mu nzil biliim byakuumb byalabaag Ndag ande.]
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible