Luk 23
23
Jesus ver Pilatus
Mat 27:1-2,11-14; Mrk 15:1-5; Joh 18:28-38
1Un de gaunze Häad stunt opp, un see leiden Am no Pilatus. 2Un see fungen aun, Am to vekloagen un säden: Wie haben disen jefungen, daut hee de Nazion vefieet un äant vebitt, däm Kjeisa dän Taks to tolen un sajcht, daut Hee selfst Christus es, een Kjennich. Luk 20:25; Apj 24:5 3Pilatus oba fruach Am un säd: Best Du de Juden äa Kjennich? Hee oba auntwuad am un säd: Du sajchst daut. 4Dan säd Pilatus to de Huagepriesta un to de Volkjshäad: Ekj finj kjeene Schult aun disem Maun. 5See oba stunden doaropp un säden: Hee räajcht daut Volkj opp, wäarent Hee derch gaunz Judäa lieet, aunjefongen en Galiläa un bat hia.
Jesus ver Herodes
6Aus Pilatus von Galiläa hieed, fruach hee, auf de Mensch een Galiläa wia. 7Un aus hee enwort, daut Hee unja Herodes siene Harschoft wia, schekjt hee Am no Herodes, dee en dise Doag uk en Jerusalem wia. Luk 3:1 8Aus Herodes Jesus sach, freid hee sikj sea; wiels hee wenscht sikj aul lang, Am to seenen, wiels hee väl von Am jehieet haud un hopt, irjent een Tieekjen to seenen, daut von Am jedonen wort. Luk 9:9 9Un hee befruach Am met väl Wieed; oba Hee auntwuad am nuscht. 10Un de Huagepriesta un Schreftjelieede stunden opp un vekloagden Am hoat. 11Oba Herodes met siene Kjriejes-Lied ve-achten un vespotten Am, läden Am een jlenzendet Kjleet om un schekjten Am wada no Pilatus. 12Aun däm Dach worden Pilatus un Herodes unjarenaunda Frind; wiels verhäa wieren see jäajenenaunda en Fientschoft.
Jesus toom Doot ve-uadeelt
Mat 27:15-26; Mrk 15:6-15; Joh 18:38-19:16
13Pilatus oba roopt de Huagepriesta un de Väaschte un uk daut Volkj toop 14un säd to äant: Jie haben disen Mensch no mie jebrocht aus eena, Dee daut Volkj veleit; un kjikj, ekj hab Am ver junt utjeforscht un hab aun disem Mensch kjeene Schult jefungen en daut, wuawäajen jie Am vekloagen; 15un Herodes uk nich, wiels ekj hab junt no am jeschekjt, un kjikj, doa es nuscht, waut Hee jedonen haft, daut dän Doot wieet es. 16Doawäajen well ekj Am strofen un loosloten. 17(Ut Jewanheit must Hee äant eenen opp daut Fast loosjäwen.) 18Dan schrieejen see aula tojlikj un säden: Wajch met disem, un jeff ons Barabbas loos! 19(woona wia wäajens eenen jewessen Opprua, waut en de Staut passieet wia, un wäajens Mort em Jefenkjnis jeschmäten.) 20Dan roopt Pilatus äant wada un wull Jesus loosjäwen. 21See oba schrieejen doajäajen un säden: Kjriezj! Kjriezj Am! 22Hee oba säd toom dredde Mol to äant: Waut haft Hee fa Beeset jedonen? Ekj finj kjeene Schult fa dän Doot aun Am; doawäajen well ekj Am strofen un loosloten. 23Oba see hilden aun met een ludet Jeschrech un foddaden, daut Hee sull jekjriezicht woaren. Un äa Jeschrech un de Huagepriesta äat neem äwahaunt. 24Dan uadeeld Pilatus, daut et jedonen wort no äare Fodrunk, 25un hee jeef äant dän loos, dee wäajens eenen Opprua un Mort wia em Jefenkjnis jeschmäten worden, dän see foddaden; Jesus oba äwajeef hee en äaren Wellen.
Jesus woat jekjriezicht
Mat 26:32-44; Mrk 15:21-32; Joh 19:17-22
26Un aus see Am wajchleiden, jreepen see eenen jewessen Simon von Kiereen, dee von de Stap kjeem, un läden am daut Kjriez opp, om Jesus daut hinjaraun to droagen. 27Un Am kjeem eene groote Häad Volkj hinjaraun un Frues, dee bekloagden un bejaumaden Am. 28Dan dreid Jesus sikj om no äant un säd: Jie Dajchta von Jerusalem, hielt nich äwa Mie, oba hielt äwa junt selfst un äwa june Kjinja. 29Wiels kjikj, de Doag woaren komen, en woone see sajen woaren: Jesäajent sent de Onfruchtboare un de Liew, dee nich jebuaren haben un de Brosten, dee nich to suen jeewen. Luk 21:23 30Dan woaren see aunfangen to de Boaj to sajen: Fault äwa ons! un to de Eewasch: Bedakjt ons! Hos 10:8; Opb 6:16; 9:6 31Wiels wan see dit aun jreenet Holt doonen, waut woat aun daut drieeje passieren? 1Pe 4:17
32Doa worden oba uk twee aundre Vebräakja hanjeleit, daut see met Am toop omjebrocht worden.
33Un aus see bat de Städ kjeemen, dee Koppknoaken#23:33 Griechisch Kranion, Latiensch Calvary. jenant woat, kjriezichten see Am doa un de Vebräakja, dän eenen to de Rajchte un dän aundren to de Linkje. 34Jesus oba säd: Voda, vejeff äant, wiels see weeten nich, waut see doonen! See oba vedeelden siene Kjleeda un schmeeten daut Loss doaräwa. Jes 53:12; Ps 22:19; Apj 7:60; 3:17 35Un daut Volkj stunt un kjikjt too. Un met äant toop spotten Am uk de Väaschte un säden: Hee haft aundre jerat; lot Am sikj selfst raden, wan Hee de Christus es, Gott sien Uterwälda. 36Oba uk de Soldoten spotten äwa Am, kjeemen no Am un brochten Am Ädikj 37un säden: Wan Du de Juden äa Kjennich best, rad Die selfst! 38Doa wia oba uk eene Äwaschreft äwa Am jeschräwen, en griechische, latiensche un hebräische Latren: Dit es de Juden äa Kjennich.
39Oba eena von de jehongne Vebräakja lastad Am un säd: Wan Du de Christus best, rad Die selfst un ons! 40Oba de aundra auntwuad un stroft am un säd: Un du ferchtst die uk nich ver Gott, wäarent du en dautselwje Jerecht best? 41Un wie kjrieen doch met rajcht dän Loon, dän onse Woakjen wieet sent; oba disa haft nuscht Ojjeschekjtet jedonen. 42Un hee säd to Jesus: Har, denkj aun mie, wan Du en dien Rikj kjemst! Mat 20:21 43Un Jesus säd to am: Ekj saj die woarhauftich: Vondoag woascht du met Mie em Paradies sennen. 2Kor 12:4
Jesus stoaft aum Kjriez
Mat 27:45-56; Mrk 15:33-41; Joh 19:28-30
44Un daut wia om de saste Stund#23:44 Meddach.; un eene Diestanis kjeem äwa daut gaunze Launt bat de näajende#23:44 Klock 3 no Meddach. Stund, 45un de Sonn wort vediestat, un de Gardien em Tempel reet enne Medd twei. 2Mo 26:31-33; 2Chr 3:14 46Un Jesus roopt met lude Stemm un säd: Voda, en diene Henj befäl Ekj mienen Jeist! Un aus Hee dit jesajcht haud, äwajeef Hee sienen Jeist. Ps 31:6; Apj 7:59
47Aus de Hauptmaun sach, waut doa passieed, lowd hee Gott un säd: Werkjlich, dis Mensch wia jerajcht! 48Un aul de Menschen, dee toopjekomen wieren no dit Kjikjspell#23:48 Ooda: Spikjtoakel., aus see sagen, waut passieet wia, schluagen sikj aun äare Brosten un jinjen trigj. 49Doa stunden oba aul siene Bekaunde von wietauf un de Frues, dee Am von Galiläa häa nojefolcht wieren, un sagen daut. Luk 8:2-3
Jesus woat em Grauf jelajcht
Mat 27:57-61; Mrk 15:42-47; Joh 19:38-42
50Un kjikj, een Maun met Nomen Josef, dee een Rots-Har wia, een gooda un jerajchta Maun, 51(dee nich enjewellicht haud en äaren Rot un Woakj) von Arimatäa, eene Juden Staut, dee uk no Gott sien Rikj luad. Luk 2:25,38 52Disa jinkj no Pilatus un prachad no Jesus sien Kjarpa; 53un hee neem dän rauf, wekjeld dän en Lienzeich un läd dän en een Steen nenjegrowdet Grauf, wua noch niemols wäa bennen jeläajen haud. 54Daut wia de Reedmoaks-Dach, un de Sabat funk aun.
55Doa foljden oba de Frues, dee met Am ut Galiläa jekomen wieren, un besagen daut Grauf un woo sien Kjarpa hanjelajcht wort. 56Dan jinjen see trigj un muaken scheenrikjende Eelj un Saulw reed. Oba aum Sabat ruden see no daut Jeboot. 2Mo 20:10
Lukas
Currently Selected:
Luk 23: DKB
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 von de Kjennichs-Bibel Jesalschoft
Luk 23
23
Jesus ver Pilatus
Mat 27:1-2,11-14; Mrk 15:1-5; Joh 18:28-38
1Un de gaunze Häad stunt opp, un see leiden Am no Pilatus. 2Un see fungen aun, Am to vekloagen un säden: Wie haben disen jefungen, daut hee de Nazion vefieet un äant vebitt, däm Kjeisa dän Taks to tolen un sajcht, daut Hee selfst Christus es, een Kjennich. Luk 20:25; Apj 24:5 3Pilatus oba fruach Am un säd: Best Du de Juden äa Kjennich? Hee oba auntwuad am un säd: Du sajchst daut. 4Dan säd Pilatus to de Huagepriesta un to de Volkjshäad: Ekj finj kjeene Schult aun disem Maun. 5See oba stunden doaropp un säden: Hee räajcht daut Volkj opp, wäarent Hee derch gaunz Judäa lieet, aunjefongen en Galiläa un bat hia.
Jesus ver Herodes
6Aus Pilatus von Galiläa hieed, fruach hee, auf de Mensch een Galiläa wia. 7Un aus hee enwort, daut Hee unja Herodes siene Harschoft wia, schekjt hee Am no Herodes, dee en dise Doag uk en Jerusalem wia. Luk 3:1 8Aus Herodes Jesus sach, freid hee sikj sea; wiels hee wenscht sikj aul lang, Am to seenen, wiels hee väl von Am jehieet haud un hopt, irjent een Tieekjen to seenen, daut von Am jedonen wort. Luk 9:9 9Un hee befruach Am met väl Wieed; oba Hee auntwuad am nuscht. 10Un de Huagepriesta un Schreftjelieede stunden opp un vekloagden Am hoat. 11Oba Herodes met siene Kjriejes-Lied ve-achten un vespotten Am, läden Am een jlenzendet Kjleet om un schekjten Am wada no Pilatus. 12Aun däm Dach worden Pilatus un Herodes unjarenaunda Frind; wiels verhäa wieren see jäajenenaunda en Fientschoft.
Jesus toom Doot ve-uadeelt
Mat 27:15-26; Mrk 15:6-15; Joh 18:38-19:16
13Pilatus oba roopt de Huagepriesta un de Väaschte un uk daut Volkj toop 14un säd to äant: Jie haben disen Mensch no mie jebrocht aus eena, Dee daut Volkj veleit; un kjikj, ekj hab Am ver junt utjeforscht un hab aun disem Mensch kjeene Schult jefungen en daut, wuawäajen jie Am vekloagen; 15un Herodes uk nich, wiels ekj hab junt no am jeschekjt, un kjikj, doa es nuscht, waut Hee jedonen haft, daut dän Doot wieet es. 16Doawäajen well ekj Am strofen un loosloten. 17(Ut Jewanheit must Hee äant eenen opp daut Fast loosjäwen.) 18Dan schrieejen see aula tojlikj un säden: Wajch met disem, un jeff ons Barabbas loos! 19(woona wia wäajens eenen jewessen Opprua, waut en de Staut passieet wia, un wäajens Mort em Jefenkjnis jeschmäten.) 20Dan roopt Pilatus äant wada un wull Jesus loosjäwen. 21See oba schrieejen doajäajen un säden: Kjriezj! Kjriezj Am! 22Hee oba säd toom dredde Mol to äant: Waut haft Hee fa Beeset jedonen? Ekj finj kjeene Schult fa dän Doot aun Am; doawäajen well ekj Am strofen un loosloten. 23Oba see hilden aun met een ludet Jeschrech un foddaden, daut Hee sull jekjriezicht woaren. Un äa Jeschrech un de Huagepriesta äat neem äwahaunt. 24Dan uadeeld Pilatus, daut et jedonen wort no äare Fodrunk, 25un hee jeef äant dän loos, dee wäajens eenen Opprua un Mort wia em Jefenkjnis jeschmäten worden, dän see foddaden; Jesus oba äwajeef hee en äaren Wellen.
Jesus woat jekjriezicht
Mat 26:32-44; Mrk 15:21-32; Joh 19:17-22
26Un aus see Am wajchleiden, jreepen see eenen jewessen Simon von Kiereen, dee von de Stap kjeem, un läden am daut Kjriez opp, om Jesus daut hinjaraun to droagen. 27Un Am kjeem eene groote Häad Volkj hinjaraun un Frues, dee bekloagden un bejaumaden Am. 28Dan dreid Jesus sikj om no äant un säd: Jie Dajchta von Jerusalem, hielt nich äwa Mie, oba hielt äwa junt selfst un äwa june Kjinja. 29Wiels kjikj, de Doag woaren komen, en woone see sajen woaren: Jesäajent sent de Onfruchtboare un de Liew, dee nich jebuaren haben un de Brosten, dee nich to suen jeewen. Luk 21:23 30Dan woaren see aunfangen to de Boaj to sajen: Fault äwa ons! un to de Eewasch: Bedakjt ons! Hos 10:8; Opb 6:16; 9:6 31Wiels wan see dit aun jreenet Holt doonen, waut woat aun daut drieeje passieren? 1Pe 4:17
32Doa worden oba uk twee aundre Vebräakja hanjeleit, daut see met Am toop omjebrocht worden.
33Un aus see bat de Städ kjeemen, dee Koppknoaken#23:33 Griechisch Kranion, Latiensch Calvary. jenant woat, kjriezichten see Am doa un de Vebräakja, dän eenen to de Rajchte un dän aundren to de Linkje. 34Jesus oba säd: Voda, vejeff äant, wiels see weeten nich, waut see doonen! See oba vedeelden siene Kjleeda un schmeeten daut Loss doaräwa. Jes 53:12; Ps 22:19; Apj 7:60; 3:17 35Un daut Volkj stunt un kjikjt too. Un met äant toop spotten Am uk de Väaschte un säden: Hee haft aundre jerat; lot Am sikj selfst raden, wan Hee de Christus es, Gott sien Uterwälda. 36Oba uk de Soldoten spotten äwa Am, kjeemen no Am un brochten Am Ädikj 37un säden: Wan Du de Juden äa Kjennich best, rad Die selfst! 38Doa wia oba uk eene Äwaschreft äwa Am jeschräwen, en griechische, latiensche un hebräische Latren: Dit es de Juden äa Kjennich.
39Oba eena von de jehongne Vebräakja lastad Am un säd: Wan Du de Christus best, rad Die selfst un ons! 40Oba de aundra auntwuad un stroft am un säd: Un du ferchtst die uk nich ver Gott, wäarent du en dautselwje Jerecht best? 41Un wie kjrieen doch met rajcht dän Loon, dän onse Woakjen wieet sent; oba disa haft nuscht Ojjeschekjtet jedonen. 42Un hee säd to Jesus: Har, denkj aun mie, wan Du en dien Rikj kjemst! Mat 20:21 43Un Jesus säd to am: Ekj saj die woarhauftich: Vondoag woascht du met Mie em Paradies sennen. 2Kor 12:4
Jesus stoaft aum Kjriez
Mat 27:45-56; Mrk 15:33-41; Joh 19:28-30
44Un daut wia om de saste Stund#23:44 Meddach.; un eene Diestanis kjeem äwa daut gaunze Launt bat de näajende#23:44 Klock 3 no Meddach. Stund, 45un de Sonn wort vediestat, un de Gardien em Tempel reet enne Medd twei. 2Mo 26:31-33; 2Chr 3:14 46Un Jesus roopt met lude Stemm un säd: Voda, en diene Henj befäl Ekj mienen Jeist! Un aus Hee dit jesajcht haud, äwajeef Hee sienen Jeist. Ps 31:6; Apj 7:59
47Aus de Hauptmaun sach, waut doa passieed, lowd hee Gott un säd: Werkjlich, dis Mensch wia jerajcht! 48Un aul de Menschen, dee toopjekomen wieren no dit Kjikjspell#23:48 Ooda: Spikjtoakel., aus see sagen, waut passieet wia, schluagen sikj aun äare Brosten un jinjen trigj. 49Doa stunden oba aul siene Bekaunde von wietauf un de Frues, dee Am von Galiläa häa nojefolcht wieren, un sagen daut. Luk 8:2-3
Jesus woat em Grauf jelajcht
Mat 27:57-61; Mrk 15:42-47; Joh 19:38-42
50Un kjikj, een Maun met Nomen Josef, dee een Rots-Har wia, een gooda un jerajchta Maun, 51(dee nich enjewellicht haud en äaren Rot un Woakj) von Arimatäa, eene Juden Staut, dee uk no Gott sien Rikj luad. Luk 2:25,38 52Disa jinkj no Pilatus un prachad no Jesus sien Kjarpa; 53un hee neem dän rauf, wekjeld dän en Lienzeich un läd dän en een Steen nenjegrowdet Grauf, wua noch niemols wäa bennen jeläajen haud. 54Daut wia de Reedmoaks-Dach, un de Sabat funk aun.
55Doa foljden oba de Frues, dee met Am ut Galiläa jekomen wieren, un besagen daut Grauf un woo sien Kjarpa hanjelajcht wort. 56Dan jinjen see trigj un muaken scheenrikjende Eelj un Saulw reed. Oba aum Sabat ruden see no daut Jeboot. 2Mo 20:10
Lukas
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 von de Kjennichs-Bibel Jesalschoft