Imamat 12
12
Laya sigofi we-were'a ga'a maḏe-ḏegoro togumu i'a
1Ma JOU 'o kanau ra Musa ma betongo so'o ne: 2<<Siajele toma ngowa'a Israel ma betongo so'o ne, <Na'o we-were'a ngowa'a Israel matengo mo maḏe-ḏegoro i'a ngowa'a nau'u, we-were'a gena-ge mo najis ma di'ara wangere tumudingi, ma tero sa'olo wakutu mo maoḏi'i. 3Re toma wangere tu'angere, ngowa nau'u kiau gena-ge balasu sanga suna. 4Sanga suna togumu i'a, ma di'ara wangere nyagi ro'ange re ro'ange we-were'a gena-ge mo najis moju, sababu 'ami ngaunu 'i supu moju. Munanga mo gu'u yoḏu'u 'ori i'a rana ga'a siwola i'a di'a Ma JOU re munanga mo sebanga yoḏu'u toma Suyu'u lo-lomu ma ngalana ma da-daku, singadolo mi 'orasa si'ofi 'ami diri enanga 'i ḏuanga. 5Mada'a na'o munanga mo maḏe-ḏegoro i'a ngowa'a were'a, we-were'a gena-ge mo najis ma di'ara wangere nyagi moi re rata, ma tero sa'olo 'orasa we-were'a mo maoḏi'i. Re ma di'ara wangere nyagi rarama re rarama moju, we-were'a gena-ge mo najis, sababu 'ami ngaunu supu moju.
6Na'o 'ami wangere sigofi lese rei totomo, dadi bae 'ami ngowa'a nau'u bolo ngowa'a were'a, munanga balasu mo gasa 'ami jou-jou toma 'imam toma Suyu'u Lo-lomu ma ngalana ma da-daku ma biono: enanga gena-ge doba ma ngowa rimoi ga'a ma 'umuru musungu rimoi sa'olo jou-jou tau'u, re namo dara sabi moi bolo namo pombo ma ngowa romoḏiḏi sa'olo 'ami jou-jou 'orasa sigofi 'ami lese rei togumu ra Ma JOU 'ai momina. 7'Imam gena-ge balasu 'a sidoa'a jou-jou gena-ge ra Ma JOU. Rema duhu gena-ge, unanga 'o si'a'a munanga dadunu mo dadi marimoi moju ra Ma JOU. Gena ḏua, munanga dadunu mo dadi 'ofi moju ra Ma JOU 'ai momina. Gena-ge 'atoranga di'a we-were'a ga'a mo maḏe-ḏegoro i'a ngowa'a nau'u bolo ngowa'a were'a. 8Na'o we-were'a gena-ge mo nga'unu ua di'a sidoa'a doba ma ngowa'a rimoi, munanga balasu sidoa'a namo pombo ma ngowa romoḏiḏi bolo namo dara ma ngowa romoḏiḏi, rimoi sa'olo jou-jou tau'u re rimoi ḏi'i sa'olo jou-jou di'a sigofi munanga ra Ma JOU 'ai momina. Rema duhu gena-ge, imam 'o si'a'a munanga dadunu mo dadi marimoi moju ra Ma JOU re munanga ḏuanga i'a mo dadi 'ofi ra Ma JOU 'ai momina.>>
Currently Selected:
Imamat 12: SAJ
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)
Imamat 12
12
Laya sigofi we-were'a ga'a maḏe-ḏegoro togumu i'a
1Ma JOU 'o kanau ra Musa ma betongo so'o ne: 2<<Siajele toma ngowa'a Israel ma betongo so'o ne, <Na'o we-were'a ngowa'a Israel matengo mo maḏe-ḏegoro i'a ngowa'a nau'u, we-were'a gena-ge mo najis ma di'ara wangere tumudingi, ma tero sa'olo wakutu mo maoḏi'i. 3Re toma wangere tu'angere, ngowa nau'u kiau gena-ge balasu sanga suna. 4Sanga suna togumu i'a, ma di'ara wangere nyagi ro'ange re ro'ange we-were'a gena-ge mo najis moju, sababu 'ami ngaunu 'i supu moju. Munanga mo gu'u yoḏu'u 'ori i'a rana ga'a siwola i'a di'a Ma JOU re munanga mo sebanga yoḏu'u toma Suyu'u lo-lomu ma ngalana ma da-daku, singadolo mi 'orasa si'ofi 'ami diri enanga 'i ḏuanga. 5Mada'a na'o munanga mo maḏe-ḏegoro i'a ngowa'a were'a, we-were'a gena-ge mo najis ma di'ara wangere nyagi moi re rata, ma tero sa'olo 'orasa we-were'a mo maoḏi'i. Re ma di'ara wangere nyagi rarama re rarama moju, we-were'a gena-ge mo najis, sababu 'ami ngaunu supu moju.
6Na'o 'ami wangere sigofi lese rei totomo, dadi bae 'ami ngowa'a nau'u bolo ngowa'a were'a, munanga balasu mo gasa 'ami jou-jou toma 'imam toma Suyu'u Lo-lomu ma ngalana ma da-daku ma biono: enanga gena-ge doba ma ngowa rimoi ga'a ma 'umuru musungu rimoi sa'olo jou-jou tau'u, re namo dara sabi moi bolo namo pombo ma ngowa romoḏiḏi sa'olo 'ami jou-jou 'orasa sigofi 'ami lese rei togumu ra Ma JOU 'ai momina. 7'Imam gena-ge balasu 'a sidoa'a jou-jou gena-ge ra Ma JOU. Rema duhu gena-ge, unanga 'o si'a'a munanga dadunu mo dadi marimoi moju ra Ma JOU. Gena ḏua, munanga dadunu mo dadi 'ofi moju ra Ma JOU 'ai momina. Gena-ge 'atoranga di'a we-were'a ga'a mo maḏe-ḏegoro i'a ngowa'a nau'u bolo ngowa'a were'a. 8Na'o we-were'a gena-ge mo nga'unu ua di'a sidoa'a doba ma ngowa'a rimoi, munanga balasu sidoa'a namo pombo ma ngowa romoḏiḏi bolo namo dara ma ngowa romoḏiḏi, rimoi sa'olo jou-jou tau'u re rimoi ḏi'i sa'olo jou-jou di'a sigofi munanga ra Ma JOU 'ai momina. Rema duhu gena-ge, imam 'o si'a'a munanga dadunu mo dadi marimoi moju ra Ma JOU re munanga ḏuanga i'a mo dadi 'ofi ra Ma JOU 'ai momina.>>
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)