Imamat 18
18
Otu ma lomu ga'a 'i wosono
18:1-30
1Ma JOU 'o kanau ra Musa ma betongo so'o ne: 2<<Siajele toma bangsa Israel so'o ne: <Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso! 3Awa ngini ni mete'e ngowa'a Mesir manga 'ahu ma duhu, daeraha ga'a 'au nga'ene ngini na sisoi'i tala gena-ge. Re ḏi'i awa ngini ni mete'e ngowa'a Kanaan manga 'ahu ma duhu, daeraha ga'a 'orasa nange-ne Ngoi to gasa ngini. Awa ngini ni mete'e ananga gena-ge manga 'adata re 'atoranga. 4Ngini balasu si'a'a 'Ari 'atoranga, re balasu ni ma cako'o Tari huku-hukumu re ni 'ahu mete'e mo-moini gena-ge, Ngoi Ma JOU, Ma Jou'ongu Madutu ga'a ngini ni silamo'o re siḏubuso. 5Sababu gena-ge, ngini balasu ni mete'e 'Ari 'atoranga-'atoranga re huku-hukumu. Na'o ngowa'a matengo 'a si'a'a so'o gena, ananga ḏuanga i'a sanga salamata. Sababu Ngoi nena-ne Ma JOU.
6<<Awa matengo i'a 'o otu malomu tai ioro re nongoḏu ma we-were'a. Sababu Ngoi nena-ne Ma JOU. 7Awa ni sipula'a mara'a taninga ḇaḇa sababu otu malomu tai were'a. Munanga gena-ge ninga ngina, awa ngini otu malomu. 8Awa ni sipula'a mara'a taninga ḇaḇa 'ai we-were'a ma lelegu sababu nimi otu malomu. We-were'a ma lelegu gena-ge ninga ḇaḇa 'ai hak. 9Awa ni otu ma lomu taninga biḏanga madutu, bolo taninga biḏanga ḇaḇa moi matai ngina ga'a siḏe-ḏegoro i'a tani ḇaḇa ma wala bolo wala lelegu. 10Awa otu ma lomu taninga danongo we-were'a. Duhu so'o gena-ge 'i sipula'a mara'a taninga ngitu re ngale. 11Awa ni otu ma lomu taninga biḏanga ngini ḇaḇa moi mada'a matai ngina ga'a ramasa mamete'e ra ngini ninga ḇaḇa 'ai wala, sababu munanga ḏi'i ninga biḏanga. 12Awa ni otu ma lomu taninga ḇaḇa 'ai biḏanga sababu munanga ḇaḇa 'ai ioro re nongoḏu. 13Awa otu ma lomu taninga ngina mi nongoḏu sababu munanga ngina 'ami nongoḏu. 14Awa ni sipula'a mara'a taninga ḇaḇa 'ai ioro bolo nongoḏu ma were'a sababu nimi dongotu. Munanga ninga tante madutu ḏi'i. 15Awa ni otu malomu taninga dunungu, munanga ninga ngowa'a nau'u ma were'a, awa nimi otu malomu. 16Awa ni otu malomu taninga iḏanga 'ai were'a. sababu gena-ge ni sipula'a mara'a taninga iḏanga. 17Na'o ngini ni otu ma lomu toma we-were'a matengo, awa ni otu malomu ḏi'i tami ngowa'a were'a, bolo tami ngowa'a nau'u 'ai danongo ma were'a bolo tami ngowa'a were'a 'ami danongo ma were'a. Ananga gena-ge ioro re nongoḏu sabi moi re ga'a ma tero gena-ge emo-emono madutu ra Ngoi 'ari momina. 18Awa ni molo'ara ḏi'i ninga were'a 'ami biḏanga na'o ninga were'a masiretene mo 'ahu-'ahu moju, sababu ananga ngamu ḏiḏi 'aḏi ma'u lawana taunu.
19Awa ni otu malomu toma we-were'a ga'a 'ami 'orasa mo maoḏi'i, sababu munanga 'orasa gena-ge mo najis ra Ma JOU 'ai momina. 20Awa ni otu malomu reo ngowa'a lelegu manga were'a. Duhu so'o gena-ge si'a'a ngini ni dadi najis. 21Awa ni sidoa'a ninga ngowa'a matengo i'a sa'olo ninga jou-jou toma jou'ongu ma somoara ga'a si'aro'o Molokh. Sababu ninga ga'a gena-ge 'i sipa-pake ua Ma Jou'ongu Madutu ga'a ngini ni silamo'o re siḏubuso: Sababu Ngoi nena-ne Ma JOU. 22Awa ni otu malomu rema na-nau'u ma tero sa'olo rema we-were'a sababu ga'a gena-ge ma emo-emono ra Ngoi 'ari momina. 23Re awa ni be-bere haiwani 'oru ḇato sababu ninga ga'a gena-ge 'i si'a'a ngini ni dadi najis. So'o gena-ge ḏi'i, awa we-were'a haiwani mi be-bere; ga'a gena-ge ma emo-emono madutu ra Ngoi 'ari momina. 24Awa ni si'a'a ga'a 'oru ḇato gena-ge ga'a 'i si'a'a ngini ni dadi najis. Sababu bangsa mo-moini ga'a 'aḏi tegoro toma tana'a Kanaan nange-ne, ananga gena-ge ya 'a'a, re ananga 'aḏi dadi najis ḏua. Sababu gena-ge, ananga Ngoi ḏuanga i'a ta'u dusu'u, la ngini ni ḏegoro toma tana'a gena-ge. 25Re ananga manga tana'a gena-ge 'i dadi najis ḏi'i sababu ananga manga ga'a ma rapu. Dadi Ngoi ḏuanga i'a to sihukumu so'o ne: Ngoi to sisupu ananga gena-ge ma tero sa'olo ngowa'a 'aḏi ngunanga ngo-ngoromo ma cira. 26Mada'a ngowa'a Israel madutu bolo ngowa'a tagi-tagi ino ga'a 'aḏi tegoro taninga sigolona, ngini balasu ni mete'e 'Ari huku-hukumu re 'atoranga-'atoranga. Ga'a ma emo-emono ra Ngoi 'ari momina, ngini na si'a'a rimoi i'a mai awa, 27sababu ngowa'a ga'a 'aḏi tegoro toma tana'a Kanaan, ananga 'aḏi 'a'a ga'a ma emo-emono mo-moini ra Ngoi 'ari momina, singadolo ananga manga tana'a 'i dadi najis. 28Awa singadolo ni 'a'a ma tero gena-ge singadolo ni si'a'a tana'a gena-ge najis. Ḏua Ngoi ḏuanga i'a to sihukumu re sisupu ngini toma tana'a nena-ne ma tero Ngoi to singunanga bangsa-bangsa ma lelegu ma tero sa'olo ngo-ngoromo ma cira. Ananga ga'a 'aḏi tegoro siḏa toma tana'a gena-ge, wakutu ngini ni tegoro nyangu. 29Sababu ngowa'a mo-moini ga'a 'aḏi 'a'a ga'a rimoi ma emo-emono ra Ngoi 'ari momina, ananga gena-ge ya sisupu toma ngowa'a Israel manga sigolona. 30Dadi ngini balasu ni mete'e 'Ari 'atorang 'atoranga tau-taunu. Re soi moi i'a mai awa ni cuḏuḏu'u ngowa'a Kanaan manga 'adata rimoi ia ga'a emo-emono ra Ngoi 'ari momina. Ananga gena-ge ga'a 'aḏi tegoro toma tana'a Kanaan ma siḏa, wakutu ngini ni tegoro nyangu. Re soi moi i'a mai awa ni si'a'a ninga diri ni dadi najis sababu ni 'a'a manga ga'a gena-ge: Sababu Ngoi nena-ne Ma JOU, Ma Jou'ongu Madutu ga'a ni silamo'o re siḏubuso.
Currently Selected:
Imamat 18: SAJ
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)
Imamat 18
18
Otu ma lomu ga'a 'i wosono
18:1-30
1Ma JOU 'o kanau ra Musa ma betongo so'o ne: 2<<Siajele toma bangsa Israel so'o ne: <Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso! 3Awa ngini ni mete'e ngowa'a Mesir manga 'ahu ma duhu, daeraha ga'a 'au nga'ene ngini na sisoi'i tala gena-ge. Re ḏi'i awa ngini ni mete'e ngowa'a Kanaan manga 'ahu ma duhu, daeraha ga'a 'orasa nange-ne Ngoi to gasa ngini. Awa ngini ni mete'e ananga gena-ge manga 'adata re 'atoranga. 4Ngini balasu si'a'a 'Ari 'atoranga, re balasu ni ma cako'o Tari huku-hukumu re ni 'ahu mete'e mo-moini gena-ge, Ngoi Ma JOU, Ma Jou'ongu Madutu ga'a ngini ni silamo'o re siḏubuso. 5Sababu gena-ge, ngini balasu ni mete'e 'Ari 'atoranga-'atoranga re huku-hukumu. Na'o ngowa'a matengo 'a si'a'a so'o gena, ananga ḏuanga i'a sanga salamata. Sababu Ngoi nena-ne Ma JOU.
6<<Awa matengo i'a 'o otu malomu tai ioro re nongoḏu ma we-were'a. Sababu Ngoi nena-ne Ma JOU. 7Awa ni sipula'a mara'a taninga ḇaḇa sababu otu malomu tai were'a. Munanga gena-ge ninga ngina, awa ngini otu malomu. 8Awa ni sipula'a mara'a taninga ḇaḇa 'ai we-were'a ma lelegu sababu nimi otu malomu. We-were'a ma lelegu gena-ge ninga ḇaḇa 'ai hak. 9Awa ni otu ma lomu taninga biḏanga madutu, bolo taninga biḏanga ḇaḇa moi matai ngina ga'a siḏe-ḏegoro i'a tani ḇaḇa ma wala bolo wala lelegu. 10Awa otu ma lomu taninga danongo we-were'a. Duhu so'o gena-ge 'i sipula'a mara'a taninga ngitu re ngale. 11Awa ni otu ma lomu taninga biḏanga ngini ḇaḇa moi mada'a matai ngina ga'a ramasa mamete'e ra ngini ninga ḇaḇa 'ai wala, sababu munanga ḏi'i ninga biḏanga. 12Awa ni otu ma lomu taninga ḇaḇa 'ai biḏanga sababu munanga ḇaḇa 'ai ioro re nongoḏu. 13Awa otu ma lomu taninga ngina mi nongoḏu sababu munanga ngina 'ami nongoḏu. 14Awa ni sipula'a mara'a taninga ḇaḇa 'ai ioro bolo nongoḏu ma were'a sababu nimi dongotu. Munanga ninga tante madutu ḏi'i. 15Awa ni otu malomu taninga dunungu, munanga ninga ngowa'a nau'u ma were'a, awa nimi otu malomu. 16Awa ni otu malomu taninga iḏanga 'ai were'a. sababu gena-ge ni sipula'a mara'a taninga iḏanga. 17Na'o ngini ni otu ma lomu toma we-were'a matengo, awa ni otu malomu ḏi'i tami ngowa'a were'a, bolo tami ngowa'a nau'u 'ai danongo ma were'a bolo tami ngowa'a were'a 'ami danongo ma were'a. Ananga gena-ge ioro re nongoḏu sabi moi re ga'a ma tero gena-ge emo-emono madutu ra Ngoi 'ari momina. 18Awa ni molo'ara ḏi'i ninga were'a 'ami biḏanga na'o ninga were'a masiretene mo 'ahu-'ahu moju, sababu ananga ngamu ḏiḏi 'aḏi ma'u lawana taunu.
19Awa ni otu malomu toma we-were'a ga'a 'ami 'orasa mo maoḏi'i, sababu munanga 'orasa gena-ge mo najis ra Ma JOU 'ai momina. 20Awa ni otu malomu reo ngowa'a lelegu manga were'a. Duhu so'o gena-ge si'a'a ngini ni dadi najis. 21Awa ni sidoa'a ninga ngowa'a matengo i'a sa'olo ninga jou-jou toma jou'ongu ma somoara ga'a si'aro'o Molokh. Sababu ninga ga'a gena-ge 'i sipa-pake ua Ma Jou'ongu Madutu ga'a ngini ni silamo'o re siḏubuso: Sababu Ngoi nena-ne Ma JOU. 22Awa ni otu malomu rema na-nau'u ma tero sa'olo rema we-were'a sababu ga'a gena-ge ma emo-emono ra Ngoi 'ari momina. 23Re awa ni be-bere haiwani 'oru ḇato sababu ninga ga'a gena-ge 'i si'a'a ngini ni dadi najis. So'o gena-ge ḏi'i, awa we-were'a haiwani mi be-bere; ga'a gena-ge ma emo-emono madutu ra Ngoi 'ari momina. 24Awa ni si'a'a ga'a 'oru ḇato gena-ge ga'a 'i si'a'a ngini ni dadi najis. Sababu bangsa mo-moini ga'a 'aḏi tegoro toma tana'a Kanaan nange-ne, ananga gena-ge ya 'a'a, re ananga 'aḏi dadi najis ḏua. Sababu gena-ge, ananga Ngoi ḏuanga i'a ta'u dusu'u, la ngini ni ḏegoro toma tana'a gena-ge. 25Re ananga manga tana'a gena-ge 'i dadi najis ḏi'i sababu ananga manga ga'a ma rapu. Dadi Ngoi ḏuanga i'a to sihukumu so'o ne: Ngoi to sisupu ananga gena-ge ma tero sa'olo ngowa'a 'aḏi ngunanga ngo-ngoromo ma cira. 26Mada'a ngowa'a Israel madutu bolo ngowa'a tagi-tagi ino ga'a 'aḏi tegoro taninga sigolona, ngini balasu ni mete'e 'Ari huku-hukumu re 'atoranga-'atoranga. Ga'a ma emo-emono ra Ngoi 'ari momina, ngini na si'a'a rimoi i'a mai awa, 27sababu ngowa'a ga'a 'aḏi tegoro toma tana'a Kanaan, ananga 'aḏi 'a'a ga'a ma emo-emono mo-moini ra Ngoi 'ari momina, singadolo ananga manga tana'a 'i dadi najis. 28Awa singadolo ni 'a'a ma tero gena-ge singadolo ni si'a'a tana'a gena-ge najis. Ḏua Ngoi ḏuanga i'a to sihukumu re sisupu ngini toma tana'a nena-ne ma tero Ngoi to singunanga bangsa-bangsa ma lelegu ma tero sa'olo ngo-ngoromo ma cira. Ananga ga'a 'aḏi tegoro siḏa toma tana'a gena-ge, wakutu ngini ni tegoro nyangu. 29Sababu ngowa'a mo-moini ga'a 'aḏi 'a'a ga'a rimoi ma emo-emono ra Ngoi 'ari momina, ananga gena-ge ya sisupu toma ngowa'a Israel manga sigolona. 30Dadi ngini balasu ni mete'e 'Ari 'atorang 'atoranga tau-taunu. Re soi moi i'a mai awa ni cuḏuḏu'u ngowa'a Kanaan manga 'adata rimoi ia ga'a emo-emono ra Ngoi 'ari momina. Ananga gena-ge ga'a 'aḏi tegoro toma tana'a Kanaan ma siḏa, wakutu ngini ni tegoro nyangu. Re soi moi i'a mai awa ni si'a'a ninga diri ni dadi najis sababu ni 'a'a manga ga'a gena-ge: Sababu Ngoi nena-ne Ma JOU, Ma Jou'ongu Madutu ga'a ni silamo'o re siḏubuso.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)