NƲNƲLI 19
19
Pɔlʋ yɛ 'sɔdo'o Efɛzɩ mö
1La Apolɔsɩ -wʋ la-a -bhla -ma Kolɛtɩ, Pɔlʋ 'plɩnɩ-ɛ -ma Azie dʋdʋɔ -glɩgbë'ë, 'n ɔ ji-e -ma Efɛzɩ nimï mö. -Ma ɔ ghlɩ-a Zezwie 'wʋbhlinɩngwaa 'jaja. 2'N ɔ jua-a ngli 'jɩbha, ɔ nɛ naa: “Zlɩ -ɛɛ 'mö a tɛ-a Zezwie dlɩwʋkakʋ, Zuzu 'Wlawla kaya -gömö ji 'bhë?” Wa nɛ -bha ɔ de: “-Aa -lɛ-a 'mö -bhla -nɩ 'nʋ naa Zuzu 'Wlawla -bhlɩ.” 3Ɔ nɛ: “Badizebadizee -mɛ wa badizeya-a 'nɩ?” Wa nɛ: “Zaa -leyi -bha.” 4Pɔlʋ nɛ naa: “Za badize-a nɩkpa, wa 'yɛ ligba wa 'yɛ 'jinyloli cɛ 'mö -saa yɛ -bha. Ɔ nɛ -bha -gwlɩɛ de naa wa -ka -ɔ ji la-a -bha ɔ -gömö jie dlɩ 'wʋ. Zezwi ɔ sa la -bha.” 5Ɔ gba-a wɛlɩ la'a 'bhë, 'n ɔ jua-a Nyininyɔ Zezwie 'nglɩ 'mö badizenɩ. 6Ɔ zʋʋa-a cɛ 'wliyawʋ, 'n Zuzu 'Wlawla jua-a -gömö ji. Wa-a la'a kabögbɩ gba 'le, 'n -Lagɔ gbanʋa 'yɛ-a 'mö. 7Wa 'bhuo, nɩkpa kugbïa 'sɔɔ swɩ la -bha.
Wa yɛ -ma Efɛzɩ -Lagɔzakpa sɛ zʋ
8Pɔlʋ pla-a -ma -Lagɔbudu'u, 'n ɔ ji-e -bha nɩkpa 'bhuo 'ji 'klʋ vaa gbanɩ. 'Cʋɩ ta 'mö, 'n ɔ -nyʋa 'sɔ ji-a -Lagɔɔ nyininyinipɩɛ wɛlɩ -gömö -sasanɩ wa 'kɩ 'dɛdɛ'ɛ laa yɛ. 9-Ma ɩ 'mö, wa -bɛ -wʋ la-a 'yukwli 'mö 'tamanɩ 'le, wa'a-a 'jɩbha wa 'kɩ 'dɩ la, 'n wa -wʋɔ-ɔ -bha nɩkpa 'bhuoo 'ji 'klʋ Nyininyɔɔ 'yuogblʋ ngli nyimanɩ 'lee yɛ, Pɔlʋ tʋa-a -bha, 'n ɔ -yɛ Zezwie 'wʋbhlinɩngwa 'sɔ ji-e -ma nɩkpɛ -bhlʋ wa la-a Tilanwisɩɛ -sukubudu'u mö. Sa zlɩ zɩ-a, 'n ɔ 'panʋa-a -ma -Lagɔwɛlɩ ngli. 10-Sɩbha 'ylʋbö 'sɔ 'mö, ɩ yɛ nɩkpa -wa glɩ-ɛ -ma Azie dʋdʋ -gömö, 'zwiföa -yɛ 'glɛköa 'sɔ, 'n wa 'bhuo ji-a Nyininyɔɔ wɛlɩ 'nʋ.
Sevaa 'gwie nɛ wa 'yɛ 'jinylozuzuku kpëti
11-Ma Pɔlʋ 'mö -Lagɔ 'plɩnɩ la 'yɛ-a 'n ʋ nʋ-a bhatɩ 'kadɩ nɛ. 12Ɩ yɛ, wa -yɛ -bha ɔ yawʋ -yʋkʋɩ 'ngwa 'bhë wa -kɩɩ guzungwa -gömö zʋ-ɔ, wa gu-u bhɩa -bha, 'n 'jinylozuzuku bhʋa-a -gömö. 13'Zwiföa -wa kpëti-a nɩkpa 'jinylozuzuku -gömö, -wa binɩ-a ɩ yɛ 'wʋ, 'n wa ji-e -bha 'jinylozuzukuo -gömökangwa -gömö Nyininyɔ Zezwie 'nglɩ 'mö jɩla, wa nɛ: “Zezwi -ɔɔ gbʋ Pɔlʋ -wʋ-ɔ -la gba 'le, ɔ nglɩ mö -a nyɛya-a 'dɩ, a mö.” 14-Wa -wʋ la-a -sɩbha nʋ 'le, -Lagɔbʋbɔngwa 'kadɩɛ gla'aa -bhlʋ wa la-a Seva, ɔ nyɩbhɛlɩgwie -ngbisɔ la-a -sɩbha. 15'Jinylozuzuko nɛ -bha wa de naa: “N -ji Zezwi, -mɔ -yɛ-a Pɔlʋ n jio 'yɛ. Abhaa -nɩ 'na-a, -mʋa a glɩnɩ-a 'nɩ?”
16Nɩkpɛ -ɔ ka la-a 'jinylozuzuko -gömö gblua-a 'wʋ, 'n ɔ ji-a wa 'bhuo lu. Ɔ bhɔtʋa-a kplokplo, wa 'dɩɔ-ɔ 'wlu, 'n wa ji-a fito. 17-Ma Efɛzɩɛ nɩkpa 'bhuo, 'zwiföa -yɛ 'glɛköa 'sɔ, 'n wa ji-a 'mɩ wɛlɩ la'a 'nʋ, 'n -kakö ji-a wa 'bhuo köbha, 'n wa ji-a Nyininyɔ Zezwie 'nglɩ 'ghlimanɩ. 18'N nɩkpa -bɛ -wa nglu-a Zezwie wɛlɩ 'wʋ ji-a ji, 'n wa ji-a -ɩ la'a 'bhuo wa nʋ la-aa 'bui -bha -glodu'u -sanɩ. 19Nɩkpaa -mʋa ka la-a bhatɩlibho, wa -yɛ wa 'bɔgʋɩ ji-a, 'n wa jiɩ-e -bha nɩkpa 'bhuoo 'ji 'klʋ sianɩ. Wa -dɩ-a ɩ 'pɛlʋ, ɩ ka mënie mininywɩ 'sɔ 'köbhë. 20-Sɩbha Nyininyɔɔ wɛlɩ -wʋ la-a bhleemö ba 'le ɔ 'mötɛnɔ nya.
21-Mɩ la'a 'plɩ-a 'bhë, Pɔlʋ -sɔ-a 'wʋ, ɔ nɛ -ma Masedʋanɩ -yɛ Akayi 'sɔɔ -gwlɩ yawʋ ɔ ji-a 'plɩnɩɛ ɔ 'yɛ -ma Zelwizalɛmö mö. Ɔ nɛ 'yɛ naa: “N -yɛ -ma 'bhö-ö 'bhë Ghlɔmö n ji 'yɛ-a yɩlɩ kwla'a möö.” 22Ɩ yɛ, 'n ɔ ji-a ɔ kwanɩkwanɩngwa gla'aa nɩkpa 'sɔ, Timote -yɛ Elasɩ 'sɔ -ma Masedʋanɩ tia. 'N ɔ -nɩ 'bhë ji-e -bhla -ma Azie dʋdʋ -gömö 'ylɩ ja 'mö sɛ glɩnɩ.
Demetlwisɩ yɛ 'gbë ghayɩ 'pa
23-Bhaa do'o, Nyininyɔɔ wɛlɩɛ yɛ -jiji 'kadɛ gba -bha. 24'Ngïmëbhlanyɔ -bhlʋ wa la-a Demetlwisɩ, mɔ-ɔ bhla-a 'ngïmë nya yuoyuolagɔ wa la-a Atemisɩɛ 'möbʋbɔnʋbuduo 'wlʋnʋlie 'kikie, 'mɩ ɔ libhonʋngwa ghlɩnɩa-a mëni -bebe 'mö. 25Ɔ 'titanɩ-a ɔ libhlabhlangwa -yɛ ɔ libhonʋngwa 'sɔ 'wlu, ɔ nɛ -bha wa de naa: “-Abhɩayi a -ji sɛ naa, libho la'aa yɛ -a -bhlɩ-a -zɩkazɩnɩ'ɩ. 26-Ma ɩ 'mö, a jɩnɩ -bha 'wʋ, a nganɩ 'yɛ -ɩ wamöö Pɔlʋ -la -wʋ-a gba 'le, ɔ 'mösanɩwɛlɩɛ yɛ, 'n ɔ ji-a nɩkpaa -bɛɛ 'wlumö 'ji nyimanɩ, 'n wa jio-a 'bɩ bhlinɩ. Ɔ nɛ -bha wa de naa: -Lagwɩ -ɩ 'nʋnʋɔ-a cɛ'ɛ nɛ 'nɩ-ɛ -lagwɩ. Ɛ'ɛ -lɛ ma'a Efɛzɩɛ 'nyize, -ma Azie dʋdʋ 'bhuoo -gömö 'gamö. 27-Aa libho 'nyize ɩ'ɩ -lɛ 'ji nyimanɩɛ ji. Ɩ bhɛlɩ ɩ 'yɛ -aa -lagɔ 'kadʋ Atemisɩɛ 'möbʋbɔnʋbuduo 'nglɩ sɛ -sa. 'Mʋ -lagɔ 'kadʋ Atemisɩ -ʋ Azie dʋdʋ -gömöö nɩkpa 'bhuo -yɛ 'pɩ-ɩ bhë 'sɔ bʋbɔ-a, ɩ bhɛlɩ ɩ 'kʋ 'nglɩ -gömö -sa.” 28Ɔ bhɩa-a gbagbɩɛ 'ji, -wa su la-a -bha yʋlʋ sɩbhʋa-a, 'n wa ji-a 'mö 'kpö, wa nɛ: “Efɛzɩɛ nɩkpaa bʋbɔlagɔ Atemisɩ mʋ-ʋ -yɛ-a 'kadʋ.” 29'Gbë gbugblonʋ-a, wa -su Masedʋanɩɛ nɩkpa Gawisɩ -yɛ Alitakö sɔ -wa glɩnɩ-a Pɔlʋɔ 'wʋbhlinɩngwa, 'n wa -nyʋa ji-e -ma 'wlugbënɩbudu'u mö. 30Pɔlʋ 'jɩbha la -nɩ ɔ 'yɛ -ma wa dlɩ'ɩ mö 'bhë, 'n Zezwie 'wʋbhlinɩngwa jio-a 'yuo -sa. 31'N -ma Azie -gwlɩ yawʋɔ 'bhugwie -mʋmʋa -wa glɩnɩ-a ɔ 'tʋalɩbhangwa jio-a nɩkpa 'wʋ tia naa, wa bhio yawʋ ɔ 'na-a mö -ma -gwlɩɛ 'wlutitanɩbhɛyɩ -nɩ.
32-Dligbie-e ye la-a -ma 'wlugbënɩngwa gla'a. -Mʋmʋa kpö ma'a 'mö, -mʋmʋa kpö 'yɛ ma 'mö. Nɩkpa -mʋmʋaa 'bhï, 'manɩɛ yɛ wa gbënɩ la 'wlu wa 'nɩɩ -ji. 33Nɩkpɛ -bhlʋ wa la-a Alɛzadlɩ, 'zwiföa -sɔ-ɔ -ma nɩkpa -nyɩdɩ, 'n wa jio-a 'yu 'panɩ. Alɛzadlɩ 'pa-a sɔ ghayɩ, ɔ 'jɩbha la ɔ 'yɛ -bha nɩkpaa -zakpa 'ji 'klʋ gbanɩ. 34Wa jɩblɩnɩ-a sɛ naa 'zwiföyi ɔ glɩnɩ -bha-a, 'n wa 'bhuo ji-a 'glie 'sɔɔ 'mö nylanɩ naa: “Efɛzɩɛ nɩkpaa bʋbɔlagɔ Atemisɩ, mʋ-ʋ -yɛ-a 'kadʋ.” 35'N 'gbë 'möö 'bhuguyi 'kadɔ jua-a dɛpö, ɔ nɛ: “Efɛzɩɛ nɩkpayi, -lagɔ 'kadʋ Atemisɩ, -ʋ 'bhlɔ-a -ʋ 'bhö-ö -ma ghayɩ 'n ʋ ji-a kwli-e, ʋ -yɛ ʋ -budu 'sɔ -mɔ 'nɩ-ɛ ma'a 'pɩ 'wʋ sɛ -ji naa, Efɛzɩɛ gbë -yɛ-a ɩ ngokʋnyɔ 'nɩ? 36-Ɩ la'a 'nɩ-ɛ 'mökpɛnɩlie yɛ, a glɩ yɛ 'tɩ, a 'na-a nʋ kpakpali -nɩ. 37-Wʋʋ yɛ-a, nɩkpa a -nyʋa ji-e la'a, wa'a -lɛ -lagɔbudu gba -sa yaa, wa'a -lɛ 'yɛ -aa -lagɔ ngli nyimanɩ. 38Demetlwisɩ -yɛ ɔ libhonʋngwa 'sɔ, wa -yɛ nɩkpɛ 'sɔ -yɛ wɛlɩ nyɩdɩ'ɩ -ka-a, gbʋʋpalɩzlɩ -bhlɩ, -zijlitungwa-a 'yɛ -bha. Wa mö, wa 'yɛ gbʋ'ʋ palɩ, wa 'yɛ tu. 39A -yɛ 'yɛ kaböwɛlɩ -ka-a, sa -a köbhɩ la-a 'kɩ, -sɩbha -a jiɩ-a köbha. 40-Ɩ 'plɩ-ɛ la'a -zɩnɩ'ɩɛ yɛ, -a nɩ 'mö möna, wa bhɛlɩ wa -kaya -gwlɩɛ ghayɩpangwa 'wʋ köbha. -Wʋʋ yɛ-a, -mɩɛ 'bhëë yɛ -a 'titanɩ-ɛ la'a 'wlu, -aa -lɛ bhɛlɩ -a 'kɩ zɔmö -sa -kli.” Ɔ gba-a wɛlɩ la'a 'bhë, 'n ɔ jua-a ngo -gömö -sa 'n wa ji-a 'ji -sɔnʋ.
Currently Selected:
NƲNƲLI 19: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 19
19
Pɔlʋ yɛ 'sɔdo'o Efɛzɩ mö
1La Apolɔsɩ -wʋ la-a -bhla -ma Kolɛtɩ, Pɔlʋ 'plɩnɩ-ɛ -ma Azie dʋdʋɔ -glɩgbë'ë, 'n ɔ ji-e -ma Efɛzɩ nimï mö. -Ma ɔ ghlɩ-a Zezwie 'wʋbhlinɩngwaa 'jaja. 2'N ɔ jua-a ngli 'jɩbha, ɔ nɛ naa: “Zlɩ -ɛɛ 'mö a tɛ-a Zezwie dlɩwʋkakʋ, Zuzu 'Wlawla kaya -gömö ji 'bhë?” Wa nɛ -bha ɔ de: “-Aa -lɛ-a 'mö -bhla -nɩ 'nʋ naa Zuzu 'Wlawla -bhlɩ.” 3Ɔ nɛ: “Badizebadizee -mɛ wa badizeya-a 'nɩ?” Wa nɛ: “Zaa -leyi -bha.” 4Pɔlʋ nɛ naa: “Za badize-a nɩkpa, wa 'yɛ ligba wa 'yɛ 'jinyloli cɛ 'mö -saa yɛ -bha. Ɔ nɛ -bha -gwlɩɛ de naa wa -ka -ɔ ji la-a -bha ɔ -gömö jie dlɩ 'wʋ. Zezwi ɔ sa la -bha.” 5Ɔ gba-a wɛlɩ la'a 'bhë, 'n ɔ jua-a Nyininyɔ Zezwie 'nglɩ 'mö badizenɩ. 6Ɔ zʋʋa-a cɛ 'wliyawʋ, 'n Zuzu 'Wlawla jua-a -gömö ji. Wa-a la'a kabögbɩ gba 'le, 'n -Lagɔ gbanʋa 'yɛ-a 'mö. 7Wa 'bhuo, nɩkpa kugbïa 'sɔɔ swɩ la -bha.
Wa yɛ -ma Efɛzɩ -Lagɔzakpa sɛ zʋ
8Pɔlʋ pla-a -ma -Lagɔbudu'u, 'n ɔ ji-e -bha nɩkpa 'bhuo 'ji 'klʋ vaa gbanɩ. 'Cʋɩ ta 'mö, 'n ɔ -nyʋa 'sɔ ji-a -Lagɔɔ nyininyinipɩɛ wɛlɩ -gömö -sasanɩ wa 'kɩ 'dɛdɛ'ɛ laa yɛ. 9-Ma ɩ 'mö, wa -bɛ -wʋ la-a 'yukwli 'mö 'tamanɩ 'le, wa'a-a 'jɩbha wa 'kɩ 'dɩ la, 'n wa -wʋɔ-ɔ -bha nɩkpa 'bhuoo 'ji 'klʋ Nyininyɔɔ 'yuogblʋ ngli nyimanɩ 'lee yɛ, Pɔlʋ tʋa-a -bha, 'n ɔ -yɛ Zezwie 'wʋbhlinɩngwa 'sɔ ji-e -ma nɩkpɛ -bhlʋ wa la-a Tilanwisɩɛ -sukubudu'u mö. Sa zlɩ zɩ-a, 'n ɔ 'panʋa-a -ma -Lagɔwɛlɩ ngli. 10-Sɩbha 'ylʋbö 'sɔ 'mö, ɩ yɛ nɩkpa -wa glɩ-ɛ -ma Azie dʋdʋ -gömö, 'zwiföa -yɛ 'glɛköa 'sɔ, 'n wa 'bhuo ji-a Nyininyɔɔ wɛlɩ 'nʋ.
Sevaa 'gwie nɛ wa 'yɛ 'jinylozuzuku kpëti
11-Ma Pɔlʋ 'mö -Lagɔ 'plɩnɩ la 'yɛ-a 'n ʋ nʋ-a bhatɩ 'kadɩ nɛ. 12Ɩ yɛ, wa -yɛ -bha ɔ yawʋ -yʋkʋɩ 'ngwa 'bhë wa -kɩɩ guzungwa -gömö zʋ-ɔ, wa gu-u bhɩa -bha, 'n 'jinylozuzuku bhʋa-a -gömö. 13'Zwiföa -wa kpëti-a nɩkpa 'jinylozuzuku -gömö, -wa binɩ-a ɩ yɛ 'wʋ, 'n wa ji-e -bha 'jinylozuzukuo -gömökangwa -gömö Nyininyɔ Zezwie 'nglɩ 'mö jɩla, wa nɛ: “Zezwi -ɔɔ gbʋ Pɔlʋ -wʋ-ɔ -la gba 'le, ɔ nglɩ mö -a nyɛya-a 'dɩ, a mö.” 14-Wa -wʋ la-a -sɩbha nʋ 'le, -Lagɔbʋbɔngwa 'kadɩɛ gla'aa -bhlʋ wa la-a Seva, ɔ nyɩbhɛlɩgwie -ngbisɔ la-a -sɩbha. 15'Jinylozuzuko nɛ -bha wa de naa: “N -ji Zezwi, -mɔ -yɛ-a Pɔlʋ n jio 'yɛ. Abhaa -nɩ 'na-a, -mʋa a glɩnɩ-a 'nɩ?”
16Nɩkpɛ -ɔ ka la-a 'jinylozuzuko -gömö gblua-a 'wʋ, 'n ɔ ji-a wa 'bhuo lu. Ɔ bhɔtʋa-a kplokplo, wa 'dɩɔ-ɔ 'wlu, 'n wa ji-a fito. 17-Ma Efɛzɩɛ nɩkpa 'bhuo, 'zwiföa -yɛ 'glɛköa 'sɔ, 'n wa ji-a 'mɩ wɛlɩ la'a 'nʋ, 'n -kakö ji-a wa 'bhuo köbha, 'n wa ji-a Nyininyɔ Zezwie 'nglɩ 'ghlimanɩ. 18'N nɩkpa -bɛ -wa nglu-a Zezwie wɛlɩ 'wʋ ji-a ji, 'n wa ji-a -ɩ la'a 'bhuo wa nʋ la-aa 'bui -bha -glodu'u -sanɩ. 19Nɩkpaa -mʋa ka la-a bhatɩlibho, wa -yɛ wa 'bɔgʋɩ ji-a, 'n wa jiɩ-e -bha nɩkpa 'bhuoo 'ji 'klʋ sianɩ. Wa -dɩ-a ɩ 'pɛlʋ, ɩ ka mënie mininywɩ 'sɔ 'köbhë. 20-Sɩbha Nyininyɔɔ wɛlɩ -wʋ la-a bhleemö ba 'le ɔ 'mötɛnɔ nya.
21-Mɩ la'a 'plɩ-a 'bhë, Pɔlʋ -sɔ-a 'wʋ, ɔ nɛ -ma Masedʋanɩ -yɛ Akayi 'sɔɔ -gwlɩ yawʋ ɔ ji-a 'plɩnɩɛ ɔ 'yɛ -ma Zelwizalɛmö mö. Ɔ nɛ 'yɛ naa: “N -yɛ -ma 'bhö-ö 'bhë Ghlɔmö n ji 'yɛ-a yɩlɩ kwla'a möö.” 22Ɩ yɛ, 'n ɔ ji-a ɔ kwanɩkwanɩngwa gla'aa nɩkpa 'sɔ, Timote -yɛ Elasɩ 'sɔ -ma Masedʋanɩ tia. 'N ɔ -nɩ 'bhë ji-e -bhla -ma Azie dʋdʋ -gömö 'ylɩ ja 'mö sɛ glɩnɩ.
Demetlwisɩ yɛ 'gbë ghayɩ 'pa
23-Bhaa do'o, Nyininyɔɔ wɛlɩɛ yɛ -jiji 'kadɛ gba -bha. 24'Ngïmëbhlanyɔ -bhlʋ wa la-a Demetlwisɩ, mɔ-ɔ bhla-a 'ngïmë nya yuoyuolagɔ wa la-a Atemisɩɛ 'möbʋbɔnʋbuduo 'wlʋnʋlie 'kikie, 'mɩ ɔ libhonʋngwa ghlɩnɩa-a mëni -bebe 'mö. 25Ɔ 'titanɩ-a ɔ libhlabhlangwa -yɛ ɔ libhonʋngwa 'sɔ 'wlu, ɔ nɛ -bha wa de naa: “-Abhɩayi a -ji sɛ naa, libho la'aa yɛ -a -bhlɩ-a -zɩkazɩnɩ'ɩ. 26-Ma ɩ 'mö, a jɩnɩ -bha 'wʋ, a nganɩ 'yɛ -ɩ wamöö Pɔlʋ -la -wʋ-a gba 'le, ɔ 'mösanɩwɛlɩɛ yɛ, 'n ɔ ji-a nɩkpaa -bɛɛ 'wlumö 'ji nyimanɩ, 'n wa jio-a 'bɩ bhlinɩ. Ɔ nɛ -bha wa de naa: -Lagwɩ -ɩ 'nʋnʋɔ-a cɛ'ɛ nɛ 'nɩ-ɛ -lagwɩ. Ɛ'ɛ -lɛ ma'a Efɛzɩɛ 'nyize, -ma Azie dʋdʋ 'bhuoo -gömö 'gamö. 27-Aa libho 'nyize ɩ'ɩ -lɛ 'ji nyimanɩɛ ji. Ɩ bhɛlɩ ɩ 'yɛ -aa -lagɔ 'kadʋ Atemisɩɛ 'möbʋbɔnʋbuduo 'nglɩ sɛ -sa. 'Mʋ -lagɔ 'kadʋ Atemisɩ -ʋ Azie dʋdʋ -gömöö nɩkpa 'bhuo -yɛ 'pɩ-ɩ bhë 'sɔ bʋbɔ-a, ɩ bhɛlɩ ɩ 'kʋ 'nglɩ -gömö -sa.” 28Ɔ bhɩa-a gbagbɩɛ 'ji, -wa su la-a -bha yʋlʋ sɩbhʋa-a, 'n wa ji-a 'mö 'kpö, wa nɛ: “Efɛzɩɛ nɩkpaa bʋbɔlagɔ Atemisɩ mʋ-ʋ -yɛ-a 'kadʋ.” 29'Gbë gbugblonʋ-a, wa -su Masedʋanɩɛ nɩkpa Gawisɩ -yɛ Alitakö sɔ -wa glɩnɩ-a Pɔlʋɔ 'wʋbhlinɩngwa, 'n wa -nyʋa ji-e -ma 'wlugbënɩbudu'u mö. 30Pɔlʋ 'jɩbha la -nɩ ɔ 'yɛ -ma wa dlɩ'ɩ mö 'bhë, 'n Zezwie 'wʋbhlinɩngwa jio-a 'yuo -sa. 31'N -ma Azie -gwlɩ yawʋɔ 'bhugwie -mʋmʋa -wa glɩnɩ-a ɔ 'tʋalɩbhangwa jio-a nɩkpa 'wʋ tia naa, wa bhio yawʋ ɔ 'na-a mö -ma -gwlɩɛ 'wlutitanɩbhɛyɩ -nɩ.
32-Dligbie-e ye la-a -ma 'wlugbënɩngwa gla'a. -Mʋmʋa kpö ma'a 'mö, -mʋmʋa kpö 'yɛ ma 'mö. Nɩkpa -mʋmʋaa 'bhï, 'manɩɛ yɛ wa gbënɩ la 'wlu wa 'nɩɩ -ji. 33Nɩkpɛ -bhlʋ wa la-a Alɛzadlɩ, 'zwiföa -sɔ-ɔ -ma nɩkpa -nyɩdɩ, 'n wa jio-a 'yu 'panɩ. Alɛzadlɩ 'pa-a sɔ ghayɩ, ɔ 'jɩbha la ɔ 'yɛ -bha nɩkpaa -zakpa 'ji 'klʋ gbanɩ. 34Wa jɩblɩnɩ-a sɛ naa 'zwiföyi ɔ glɩnɩ -bha-a, 'n wa 'bhuo ji-a 'glie 'sɔɔ 'mö nylanɩ naa: “Efɛzɩɛ nɩkpaa bʋbɔlagɔ Atemisɩ, mʋ-ʋ -yɛ-a 'kadʋ.” 35'N 'gbë 'möö 'bhuguyi 'kadɔ jua-a dɛpö, ɔ nɛ: “Efɛzɩɛ nɩkpayi, -lagɔ 'kadʋ Atemisɩ, -ʋ 'bhlɔ-a -ʋ 'bhö-ö -ma ghayɩ 'n ʋ ji-a kwli-e, ʋ -yɛ ʋ -budu 'sɔ -mɔ 'nɩ-ɛ ma'a 'pɩ 'wʋ sɛ -ji naa, Efɛzɩɛ gbë -yɛ-a ɩ ngokʋnyɔ 'nɩ? 36-Ɩ la'a 'nɩ-ɛ 'mökpɛnɩlie yɛ, a glɩ yɛ 'tɩ, a 'na-a nʋ kpakpali -nɩ. 37-Wʋʋ yɛ-a, nɩkpa a -nyʋa ji-e la'a, wa'a -lɛ -lagɔbudu gba -sa yaa, wa'a -lɛ 'yɛ -aa -lagɔ ngli nyimanɩ. 38Demetlwisɩ -yɛ ɔ libhonʋngwa 'sɔ, wa -yɛ nɩkpɛ 'sɔ -yɛ wɛlɩ nyɩdɩ'ɩ -ka-a, gbʋʋpalɩzlɩ -bhlɩ, -zijlitungwa-a 'yɛ -bha. Wa mö, wa 'yɛ gbʋ'ʋ palɩ, wa 'yɛ tu. 39A -yɛ 'yɛ kaböwɛlɩ -ka-a, sa -a köbhɩ la-a 'kɩ, -sɩbha -a jiɩ-a köbha. 40-Ɩ 'plɩ-ɛ la'a -zɩnɩ'ɩɛ yɛ, -a nɩ 'mö möna, wa bhɛlɩ wa -kaya -gwlɩɛ ghayɩpangwa 'wʋ köbha. -Wʋʋ yɛ-a, -mɩɛ 'bhëë yɛ -a 'titanɩ-ɛ la'a 'wlu, -aa -lɛ bhɛlɩ -a 'kɩ zɔmö -sa -kli.” Ɔ gba-a wɛlɩ la'a 'bhë, 'n ɔ jua-a ngo -gömö -sa 'n wa ji-a 'ji -sɔnʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996