NƲNƲLI 22
22
1“-Atʋngwayi, -dagwieyi, a pönɩ 'yukwli n 'yɛ na gbʋɔ -gömösawɛlɩ gba.” 2Wa 'nʋ-a naa eblegbʋ 'mö ɔ -wʋ-a wa de gbanɩ 'le-e, 'wʋ wa dʋ-a blenyi. Ɔ nɛ: 3“'Zwiföyi n glɩnɩ -bha Talɩsɩɛ 'gbë 'mö wa -gwalɩnɩ'ɩ -bha, -ma Silisie dʋdʋ -gömö. Ma'a -glɔ la'a 'mö n 'ghlimanɩ -bha. Gamaliɛlɩ mɔ-ɔ -slʋnʋ'ʋ-a -aa -tɩbhatɩbhangwaa gbö. Sa a ka -la -zɩnɩ'ɩ -Lagɔɔ 'mʋna 'mlɩ, -sɩbha n -wʋ la 'yɛ na-a. 4'Yuogblʋ -lulu la'a, n yɛ tlɩtlɩswɩ'ɩ ʋ nɩkpa 'zwɩ zia 'bhë. Nyɩbhɛlɩ -yɛ 'ngwlɩ 'sɔ 'n n palʋa-a 'gɔgwɩ, 'n n pʋa-a -die 'mö. 5-Lagɔbʋbɔnyɔ 'kadɔ -yɛ nɩkpazɔgblʋɩ 'bhuo 'sɔ bhɛlɩ wa 'kɩ -sa. Wa 'bhï mʋa-a nyɛ'ɛ-a 'bɔgʋɩ 'ye, n 'yɛ -ma Damasɩ -aa -dagwiee 'bhɛyɩ mö, -sɩbhaa nɩkpa -yɛ -ma wa gla'a -wʋ, n 'kʋa 'gɔgwɩ palɩ n -nyʋa 'sɔ 'yɛ ma'a Zelwizalɛmö ji, wa 'kʋa -die 'mö 'pa.
6N namö 'yuogblʋ'ʋ 'ylʋ glɩ jije 'wʋ, n 'yɛ Damasɩɛ -glɔ ghlɩɛ mö-ö, yʋlokpë 'kadaa 'dalɩ 'bhönɩ -ma ghayɩ 'n ɩ ji'i-a 'wʋ binɩ. 7N bhli-a dʋdʋ'ʋ, n pö -bha 'n n ji-a wɛlɩ 'nʋ, ɩ nɛ naa: Sɔlʋ, Sɔlʋ, 'manɩɛ yɛ -n wʋ'ʋ bhe 'zwɩ zia 'le 'nɩ? 8N nɛ: Nyininyɔ, -mɔ n glɩnɩ-a 'nɩ? Nyininyɔ nɛ: -Amö Nazalɛtɩɛ Zezwi-i -n -wʋ-a 'zwɩ zia 'le -amö -bha. 9-Wa n -nyʋa namö la-a yɛ 'jinanɩswɩ'ɩ yʋlokpëë 'dalɩ yɩlɩ 'bhë, wa'a -lɛ-a 'mö -ɔ -wʋ la-a na de gba 'lee wɛlɩ 'nʋ. N nɛ -bha ɔ de: Nyininyɔ, sa n ji-a zʋɔ 'nɩ? 10Nyininyɔ nɛ -bha na de naa: Mö -ma Damasɩɛ 'gbë 'mö, -ɩ -n ji-a nʋɔ -ma wa -jimɩ-a -sanɩɛ. 11Yʋlokpë la'aa 'dalɩɛ 'mötɛnɩ yɛ n'n la-a 'mö sɛ jɩnɩ. -Wa n -nyʋa namö la-a -kanɩ'ɩ sɔ, 'n n ji-e -ma Damasɩ nyini. 12-Maa nɩkpɛ -bhlʋ wa la-a Ananiasɩ, -ɔ zʋ-ɔ -bha -Lagɔɔ gbö, 'n -ma Damasɩɛ 'zwiföa 'bhuo ka-a ɔ 'dɩɛ dɩ ngli, 13mɔ-ɔ ghlɩ'ɩ-ɛ -bha, ɔ nɛ -bha na de naa: Na -dagu Sɔlʋ, -na 'jie 'kaluo. -Bha -gaganɩlɩ'ɩ, 'n na 'jie ji-a 'kaluo, 'n n jio-a 'wʋ yɩlɩ. 14Ɔ nɛ -bha na de: -Aa -tɩbhatɩbhangwaa -Lagɔ mʋ-ʋ -samö-ö -bha, -ɩ ʋ 'jɩbha-a -n 'kɩ jɩblɩnɩ, -n 'yɛ 'yɛ -ɔ -bhlʋ tɩ slɛnɩ-a 'möö nglie wɛlɩ 'nʋ. 15-Ma -ɩ 'mö, -bha nɩkpa 'bhuo de ʋ wɛlɩɛ kwakwanyɔ -n ji-a zʋɔ -li la'a -ɩ -n yɩlɩ-a, -n 'nʋ-a -n 'kɩ -sa. 16'Manɩɛ yɛ -n 'yɛ-a 'mö-a 'mö -kʋnʋ 'nɩ? -Sɔ 'wʋ -a 'yɛ mö wa -kamö badize, -n 'yɛ Nyininyɔ -bɛlɩ 'pa ɔ -kamö -na 'jinyloli -gömö wɔlʋ.
17N ji-e ma'a Zelwizalɛmö, n-n -ma -Lagɔbudu 'kadʋ 'mö -bɛlɩ 'pa 'le, 'n -li ji'i-a 'jie 'klʋ ji. 18'N n ji-a Nyininyɔ yɩlɩ. Ɔ nɛ -bha na de naa: -Gaganɩ 'wʋ, 'wlʋ ma'a Zelwizalɛmö, -wʋʋ yɛ-a, wa 'na ma'a na wɛlɩ -n ji-a gba 'wʋ nglu. 19'N n ji-a -gömö -sa, n nɛ naa: Nyininyɔ, wa -ji sɛ naa, -amö-ö -sasanɩ la-a -Lagɔbudi, n 'yɛ -wa -kamö-a dlɩ 'wʋ -plɩ 'sɛlɩnɩ n 'kʋa -die 'mö 'paa yɛ. 20La wa 'yɛ-a -na wɛlɩɛ kwakwanyɔ Etiɛnɩɛ dlu sɛ sulu n-n la -bha, 'n n ji-a ɔ 'lɩbhalɩbhangwa nglunʋ, 'n n ji-a wa 'mökali ngo -kʋ. 21N gba-a sa'a, ɔ nɛ: -Sɔ 'wʋ -n 'yɛ mö, -ma 'yu n -jimö-a tia -ma nɩkpa -wa 'nɩ-a 'zwiföaa 'bhɛyɩ.”
Pɔlʋ nɛ Ghlomeyi ɔ glɩnɩ -bha
22Wa -wʋɔ la 'yukwli pönɩ 'le, ɔ -sa-a wɛlɩköbhë la'a ngli-e, 'n wa ji-a nyɩnanyɩnɩɛ tɛ-ɛ. Wa nɛ: “-Saa nɩkpɛ -la a -sɔɔ 'pɩ 'wʋ, ɔ'ɔ bhɛlɩ ɔ 'yɛ -bhlɩ!” 23Wa kpö 'mö, wa pa wa 'mökali 'kwla, 'n wa 'pa-a bhuku ghayɩ. 24'N 'slʋjaa 'bhitɩbha ji-a nɩkpa 'dɩ 'nyɛ naa, wa 'pa Pɔlʋ -ma 'mögunʋbudu'u 'bhë wa 'kɔ 'sɛlɩ, -ɩɩ yɛ wa -wʋ-a ɔ yɛ nyla 'le ɔ 'kɩ -sa. 25Wa 'pua-a Pɔlʋ yɛ wa 'kɔ gwa-a, 'n ɔ ji-a 'slʋjeyi 'kadɔ -ɔ glɩ la-a -bha ngli 'jɩbha naa: “Ghlomeyi wa'a-a -bhla -zijle tunʋ, 'mɔ a bhɛlɩ-a a 'yɛ 'sɛlɩɛ?” 26Pɔlʋ gba-a sa'a, 'n 'slʋjeyi 'kadɔ la'a ji-e -ma ɔ 'bhitɩbha ghlɩ. Ɔ nɛ “'Manɩ -n ji-e -la nʋɔ 'nɩ? Nɩkpɛ -la Ghlomeyi -bha.” 27'Slʋjaa 'bhitɩbha ji-a, ɔ nɛ -bha Pɔlʋɔ de: “-Sanɩ'ɩ 'dɩ, 'dɛdɛɛ -n glɩnɩ-a Ghlomeyi-e?” Pɔlʋ nɛ: “Nn.” 28'Slʋjaa 'bhitɩbha nɛ: “-Amöö -nɩ, mënie -bebe n zʋ -bha 'bhë 'n n ji-a Ghlomeyi zʋ.” Pɔlʋ nɛ: “-Amöö -nɩ, wa -gwalɩ'ɩ-a Ghlomeyi n glɩnɩ -bha.” 29-Bha -gaganɩlɩ'ɩ -wa jio la-a 'sɛlɩɛ ɔ 'yɛ gbʋ -dɩɛ yɛ, 'n wa jio-a cɛ yawʋ -sa. 'Slʋjaa 'bhitɩbha yɩlɩ-ɛ -bha 'wʋ naa, Pɔlʋ Ghlomeyi -bha 'bhë 'n wa jio la-a gwaa yɛ nganɔ bhlinɩɔ-a dlɩ zɔmö.
Pɔlʋ yɛ -bha 'zwiföaa -zijlitungwa dlɩ'ɩ nyini
30'Slʋjaa 'bhitɩbha 'jɩbha ɔ 'yɛ gbʋ -ʋ 'zwiföa -wʋ-a Pɔlʋ 'wʋ kwa 'le 'mö 'nʋ 'sɩkösɩköö yɛ, zlɩ zɩ-a, 'n wa jio-a bulonʋ, 'bhë, 'n ɔ ji-a -Lagɔbʋbɔngwaa 'bhitɩbhangwa -yɛ -zijlitungwa 'bhuo 'sɔ 'dɩ 'nyɛ naa, wa gbënɩ 'wlu. Ɔ -yɛ Pɔlʋ ji-a, 'n ɔ jio-o -bha wa nyɩdɩ'ɩ sɛ zʋ.
Currently Selected:
NƲNƲLI 22: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 22
22
1“-Atʋngwayi, -dagwieyi, a pönɩ 'yukwli n 'yɛ na gbʋɔ -gömösawɛlɩ gba.” 2Wa 'nʋ-a naa eblegbʋ 'mö ɔ -wʋ-a wa de gbanɩ 'le-e, 'wʋ wa dʋ-a blenyi. Ɔ nɛ: 3“'Zwiföyi n glɩnɩ -bha Talɩsɩɛ 'gbë 'mö wa -gwalɩnɩ'ɩ -bha, -ma Silisie dʋdʋ -gömö. Ma'a -glɔ la'a 'mö n 'ghlimanɩ -bha. Gamaliɛlɩ mɔ-ɔ -slʋnʋ'ʋ-a -aa -tɩbhatɩbhangwaa gbö. Sa a ka -la -zɩnɩ'ɩ -Lagɔɔ 'mʋna 'mlɩ, -sɩbha n -wʋ la 'yɛ na-a. 4'Yuogblʋ -lulu la'a, n yɛ tlɩtlɩswɩ'ɩ ʋ nɩkpa 'zwɩ zia 'bhë. Nyɩbhɛlɩ -yɛ 'ngwlɩ 'sɔ 'n n palʋa-a 'gɔgwɩ, 'n n pʋa-a -die 'mö. 5-Lagɔbʋbɔnyɔ 'kadɔ -yɛ nɩkpazɔgblʋɩ 'bhuo 'sɔ bhɛlɩ wa 'kɩ -sa. Wa 'bhï mʋa-a nyɛ'ɛ-a 'bɔgʋɩ 'ye, n 'yɛ -ma Damasɩ -aa -dagwiee 'bhɛyɩ mö, -sɩbhaa nɩkpa -yɛ -ma wa gla'a -wʋ, n 'kʋa 'gɔgwɩ palɩ n -nyʋa 'sɔ 'yɛ ma'a Zelwizalɛmö ji, wa 'kʋa -die 'mö 'pa.
6N namö 'yuogblʋ'ʋ 'ylʋ glɩ jije 'wʋ, n 'yɛ Damasɩɛ -glɔ ghlɩɛ mö-ö, yʋlokpë 'kadaa 'dalɩ 'bhönɩ -ma ghayɩ 'n ɩ ji'i-a 'wʋ binɩ. 7N bhli-a dʋdʋ'ʋ, n pö -bha 'n n ji-a wɛlɩ 'nʋ, ɩ nɛ naa: Sɔlʋ, Sɔlʋ, 'manɩɛ yɛ -n wʋ'ʋ bhe 'zwɩ zia 'le 'nɩ? 8N nɛ: Nyininyɔ, -mɔ n glɩnɩ-a 'nɩ? Nyininyɔ nɛ: -Amö Nazalɛtɩɛ Zezwi-i -n -wʋ-a 'zwɩ zia 'le -amö -bha. 9-Wa n -nyʋa namö la-a yɛ 'jinanɩswɩ'ɩ yʋlokpëë 'dalɩ yɩlɩ 'bhë, wa'a -lɛ-a 'mö -ɔ -wʋ la-a na de gba 'lee wɛlɩ 'nʋ. N nɛ -bha ɔ de: Nyininyɔ, sa n ji-a zʋɔ 'nɩ? 10Nyininyɔ nɛ -bha na de naa: Mö -ma Damasɩɛ 'gbë 'mö, -ɩ -n ji-a nʋɔ -ma wa -jimɩ-a -sanɩɛ. 11Yʋlokpë la'aa 'dalɩɛ 'mötɛnɩ yɛ n'n la-a 'mö sɛ jɩnɩ. -Wa n -nyʋa namö la-a -kanɩ'ɩ sɔ, 'n n ji-e -ma Damasɩ nyini. 12-Maa nɩkpɛ -bhlʋ wa la-a Ananiasɩ, -ɔ zʋ-ɔ -bha -Lagɔɔ gbö, 'n -ma Damasɩɛ 'zwiföa 'bhuo ka-a ɔ 'dɩɛ dɩ ngli, 13mɔ-ɔ ghlɩ'ɩ-ɛ -bha, ɔ nɛ -bha na de naa: Na -dagu Sɔlʋ, -na 'jie 'kaluo. -Bha -gaganɩlɩ'ɩ, 'n na 'jie ji-a 'kaluo, 'n n jio-a 'wʋ yɩlɩ. 14Ɔ nɛ -bha na de: -Aa -tɩbhatɩbhangwaa -Lagɔ mʋ-ʋ -samö-ö -bha, -ɩ ʋ 'jɩbha-a -n 'kɩ jɩblɩnɩ, -n 'yɛ 'yɛ -ɔ -bhlʋ tɩ slɛnɩ-a 'möö nglie wɛlɩ 'nʋ. 15-Ma -ɩ 'mö, -bha nɩkpa 'bhuo de ʋ wɛlɩɛ kwakwanyɔ -n ji-a zʋɔ -li la'a -ɩ -n yɩlɩ-a, -n 'nʋ-a -n 'kɩ -sa. 16'Manɩɛ yɛ -n 'yɛ-a 'mö-a 'mö -kʋnʋ 'nɩ? -Sɔ 'wʋ -a 'yɛ mö wa -kamö badize, -n 'yɛ Nyininyɔ -bɛlɩ 'pa ɔ -kamö -na 'jinyloli -gömö wɔlʋ.
17N ji-e ma'a Zelwizalɛmö, n-n -ma -Lagɔbudu 'kadʋ 'mö -bɛlɩ 'pa 'le, 'n -li ji'i-a 'jie 'klʋ ji. 18'N n ji-a Nyininyɔ yɩlɩ. Ɔ nɛ -bha na de naa: -Gaganɩ 'wʋ, 'wlʋ ma'a Zelwizalɛmö, -wʋʋ yɛ-a, wa 'na ma'a na wɛlɩ -n ji-a gba 'wʋ nglu. 19'N n ji-a -gömö -sa, n nɛ naa: Nyininyɔ, wa -ji sɛ naa, -amö-ö -sasanɩ la-a -Lagɔbudi, n 'yɛ -wa -kamö-a dlɩ 'wʋ -plɩ 'sɛlɩnɩ n 'kʋa -die 'mö 'paa yɛ. 20La wa 'yɛ-a -na wɛlɩɛ kwakwanyɔ Etiɛnɩɛ dlu sɛ sulu n-n la -bha, 'n n ji-a ɔ 'lɩbhalɩbhangwa nglunʋ, 'n n ji-a wa 'mökali ngo -kʋ. 21N gba-a sa'a, ɔ nɛ: -Sɔ 'wʋ -n 'yɛ mö, -ma 'yu n -jimö-a tia -ma nɩkpa -wa 'nɩ-a 'zwiföaa 'bhɛyɩ.”
Pɔlʋ nɛ Ghlomeyi ɔ glɩnɩ -bha
22Wa -wʋɔ la 'yukwli pönɩ 'le, ɔ -sa-a wɛlɩköbhë la'a ngli-e, 'n wa ji-a nyɩnanyɩnɩɛ tɛ-ɛ. Wa nɛ: “-Saa nɩkpɛ -la a -sɔɔ 'pɩ 'wʋ, ɔ'ɔ bhɛlɩ ɔ 'yɛ -bhlɩ!” 23Wa kpö 'mö, wa pa wa 'mökali 'kwla, 'n wa 'pa-a bhuku ghayɩ. 24'N 'slʋjaa 'bhitɩbha ji-a nɩkpa 'dɩ 'nyɛ naa, wa 'pa Pɔlʋ -ma 'mögunʋbudu'u 'bhë wa 'kɔ 'sɛlɩ, -ɩɩ yɛ wa -wʋ-a ɔ yɛ nyla 'le ɔ 'kɩ -sa. 25Wa 'pua-a Pɔlʋ yɛ wa 'kɔ gwa-a, 'n ɔ ji-a 'slʋjeyi 'kadɔ -ɔ glɩ la-a -bha ngli 'jɩbha naa: “Ghlomeyi wa'a-a -bhla -zijle tunʋ, 'mɔ a bhɛlɩ-a a 'yɛ 'sɛlɩɛ?” 26Pɔlʋ gba-a sa'a, 'n 'slʋjeyi 'kadɔ la'a ji-e -ma ɔ 'bhitɩbha ghlɩ. Ɔ nɛ “'Manɩ -n ji-e -la nʋɔ 'nɩ? Nɩkpɛ -la Ghlomeyi -bha.” 27'Slʋjaa 'bhitɩbha ji-a, ɔ nɛ -bha Pɔlʋɔ de: “-Sanɩ'ɩ 'dɩ, 'dɛdɛɛ -n glɩnɩ-a Ghlomeyi-e?” Pɔlʋ nɛ: “Nn.” 28'Slʋjaa 'bhitɩbha nɛ: “-Amöö -nɩ, mënie -bebe n zʋ -bha 'bhë 'n n ji-a Ghlomeyi zʋ.” Pɔlʋ nɛ: “-Amöö -nɩ, wa -gwalɩ'ɩ-a Ghlomeyi n glɩnɩ -bha.” 29-Bha -gaganɩlɩ'ɩ -wa jio la-a 'sɛlɩɛ ɔ 'yɛ gbʋ -dɩɛ yɛ, 'n wa jio-a cɛ yawʋ -sa. 'Slʋjaa 'bhitɩbha yɩlɩ-ɛ -bha 'wʋ naa, Pɔlʋ Ghlomeyi -bha 'bhë 'n wa jio la-a gwaa yɛ nganɔ bhlinɩɔ-a dlɩ zɔmö.
Pɔlʋ yɛ -bha 'zwiföaa -zijlitungwa dlɩ'ɩ nyini
30'Slʋjaa 'bhitɩbha 'jɩbha ɔ 'yɛ gbʋ -ʋ 'zwiföa -wʋ-a Pɔlʋ 'wʋ kwa 'le 'mö 'nʋ 'sɩkösɩköö yɛ, zlɩ zɩ-a, 'n wa jio-a bulonʋ, 'bhë, 'n ɔ ji-a -Lagɔbʋbɔngwaa 'bhitɩbhangwa -yɛ -zijlitungwa 'bhuo 'sɔ 'dɩ 'nyɛ naa, wa gbënɩ 'wlu. Ɔ -yɛ Pɔlʋ ji-a, 'n ɔ jio-o -bha wa nyɩdɩ'ɩ sɛ zʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996