LWIKÖÖ 'BƆGƲ 11
11
Zezwi yɛ ɔ 'wʋbhlinɩngwa -bɛlɩpapʋ -slʋnʋ
1'Ylɩ -bhlʋ, 'n Zezwi ji-a yawʋ do ɔ 'yɛ -bɛlɩ 'paa yɛ. Ɔ bhɩa-a 'ji-e, 'n ɔ 'wʋbhlinɩngwaa gla'aa nɩkpɛ -bhlʋ jio-o -bha ghlɩ, ɔ nɛ -bha ɔ de naa: “Nyininyɔ, -slʋnʋya -nɩ -bɛlɩpapʋ, sa Za Badizɩ -slʋnʋ-a ɔ 'wʋbhlinɩngwa -bɛlɩpapʋ.” 2Ɔ gba-a sa'a Zezwi nɛ:
“A -yɛ -bɛlɩ 'paa ji-e, a nʋ:
-Aa -Tɩbha -Lagɔ, -na 'nglɩ 'wlawla ɩ -wʋ -bha,
nɩkpa 'bhuo zʋɩ -bha.
-Na nyininyinie ji.
3Sa zlɩ zɩ-a -nyɛya lilie.
4'Tatinɩ -aa 'jinylolie gbʋ 'ji,
-wʋʋ yɛ-a, nɩkpa -kaya 'jinyloli 'ji nʋ
ɩ gbʋ -a 'tatinɩ 'yɛ-a -nɩ 'ji.
-Nn -saya 'ji yawʋ -aa bhlinɩ -mapapɩɛ 'mö -nɩ.”
Nɩkpɛ -ɔ mö-a ɔ 'tʋalɩbha lili -jɩbhanɩ kwla'a
5Zezwi gba-a sa'a wa de 'bhë, ɔ nɛ 'yɛ naa: “-Ma a gla'aa nɩkpɛ -bhlʋ ka -sɩka'a 'tʋalɩbha, 'n ɔ 'tʋalɩbha la'a jio-a dʋdʋ -nyɩdɩ -budu ngo'o bhɔtɔ kwla'a ji, ɔ nɛ -bha ɔ de: 'Tʋalɩbha, kalɩ -bha -n ka'a lili 'nyɛ, 6na 'tʋalɩbha -bhlʋ ji -bha, n'n lulu -ka n 'kɔ 'nyɛ. 7'N 'tʋalɩbha la'a -ɔ -wʋ-ɔ -ma -budu'u -yɛ gba naa: N yɛ -bha -buduo de gba, n -yɛ na 'gwie 'sɔ -a yɛ sɛ pö 'bhë, n'n bhɛlɩ n 'yɛ 'wʋ -sɔ n -kamö lili 'ye 'nyɛ nʋ-ɔ, 8sa'a n gba-a sa'a a de naa, nɩkpɛ la'a nɩ 'wʋ -sɔ ɔ 'yɛ -bha -buduo de kalɩ ɔ 'kɔ ɔ 'tʋalɩbha wlumö lili 'nyɛ-ɛ, lilijɩbhanyɔ la'a 'kwa 'nɩɔ yawʋ tlɩnɩ 'le -wʋ 'n ɔ -wʋ-ɔ -bha debhlʋ -debhlʋ bhɔtɔ 'lee yɛ, -ɔ pö-ö -ma -budu'u, 'wʋ ɔ ji-a -sɔɔ ɔ 'yɛ -bha kalɩ, lili la'a ɔ 'jɩbha-a ɔ 'kɔ 'ye 'nyɛ.
9Sa'a n gba-a sa'a a de naa: A 'jɩbha, wa jiya 'nyɛ. A 'nama, a ji ghlɩ. A bhɔtɔ -bha, wa ji -bha kalɩ. 10-Wʋʋ yɛ-a, -ɔ jɩbha-a 'mɔ wa nyɛ -bha, -ɔ 'nama-a mɔ-ɔ ghlɩ -bha -ɔ bhɔtɔ-ɔ -bha, ɔ yɛ wa kalɩ-ɛ -bha. 11Ngli n jɩbhaya-a naa: -Ma a gla'aa nɩkpɛ -mɔ ɔ 'gu -yɛ-a 'fʋloko 'jɩbhanɩ, -ɔ 'kɔ-a tɩkpeyi 'ye 'nyɛ 'nɩ? -Mɔ ɔ 'gu -yɛ 'yɛ-a zibhiyi 'jɩbhanɩ-ɛ, ɔ 'na kɔ-a zibhiyi 'ye 'nyɛ ɔ 'kɔ-a tɩmɛ 'ye 'nyɛ 'nɩ? 12Nɩkpɛ -mɔ ɔ 'gu ji 'yɛ-a nunugïyi 'jɩbhanɩ -ɔ jio-a -lagɔgbite 'ye 'nyɛɛ 'nɩ? 13Abha 'pɩnɩkpa kla la'a nyanɩ, a -ji la'a -nɩ a 'gwie -lie -lie 'nyɛɛ, e 'kë zi a -Tɩbha -ʋ -wʋ-ɔ -ma -Lagɔtapɛ'ɛ -ʋ -ga-a cɛ-ɛ 'mʋɔ cɛ 'na-a ʋ gwie -wa 'jɩbhanʋ-a Zuzu 'Wlawla -gömö -laa 'nɩ-ɩ?”
Nɩkpa yɛ Zezwi 'jinylɔwɛlɩ gbanɩ
14'Ylɩ -bhlʋ, 'n Zezwi ji-a nɩkpɛ -bhlʋ 'jinylozuzuko -gömö kpëti. 'Jinylozuzuko la'a 'ma ɔ ka-a -gömöö yɛ bhobho la -bha. Zezwi kpëtia-a, -bha -gaganɩlɩ'ɩ 'n nɩkpɛ la'a ji-a gbʋ -dɩ. Nɩkpa bhuo -wa su la-a -bha, wa yɩlɩ-a -ɩ la'a 'n ngli jua-a möna. 15'Bhë -ma wa gla'aa -mʋmʋa nɛ naa: “'Jinylozuzukuo 'bhitɩbha Bɛlɩzebulɩ 'nyɔ-a 'gba, wʋ yɛ ɔ -wʋ-a nɩkpa 'jinylozuzuku -gömö kpëti 'le.” 16-Mʋmʋa 'kɔ 'mö jɩlaa yɛ, wa nɛ -bha ɔ de naa ɔ tuluanʋa jɩblɩna -a 'bhönɩ-a -Lagɔ 'wʋ 'ji. 17Zezwi -ji wa dlɩpapʋɔ yɛ, ɔ nɛ -bha wa de naa: “Dʋdʋ -bhlʋ -gömöö nɩkpa -yɛ 'mö donʋ -ma wa 'bhïë 'nyize nyɩdɩ, wa -yɛ tʋ gwɩ-ɛ, sɛ ʋ yɩla -bha, 'n wa -budi bhlibhlinɩ-a -gömö. 18-Wʋʋ yɛ n gba-a -sɩbha, a nɛ: Bɛlɩzebulɩ nyɛ'ɛ-a 'gba 'n n kpëti-a nɩkpa 'jinylozuzuku -gömö, -ma ɩ 'mö, 'jinylozuzukuo 'bhitɩbha Bɛlɩzebulɩ -yɛ a lijinylozuzuku 'sɔ -yɛ 'mö donʋ, ɩ -yɛ tʋ gwɩ-ɛ, ɩ 'na sɛ yɩla 'nɩ-ɩ? 19A nʋ-ɔ naa Bɛlɩzebulɩ nyɛ'ɛ-a 'gbaa yɛ n -wʋ-a 'jinylozuzuku nɩkpa -gömö kpëti 'le-e, a 'bhigwiee -nɩ, -mɔ 'nyʋa 'mö-a -nɩ 'gba 'n wa kpëti-a nɩkpa 'jinylozuzuku -gömö 'nɩ? A 'bhigwiee nʋnʋli mɩ-ɩ jiya-a gbʋ köbhaa. 20'N ɛ -yɛ naa, -Lagɔɔ 'mötɛnɔ wʋ'ʋ -gömö 'n n kpëti 'jinylozuzuku glɩnɩ-ɛ, a jɩblɩnɩ sɛ naa, -Lagɔɔ nyininyinipɩ yɛ ma'a a nyɩdɩ ji 'bhë.” 21'N ɔ ji-e -bha wa de 'nine 'pa naa: “-Gbagblɩkanyɔ -ɔ -su-a 'papali, ɔ -yɛ ɔ -budu ngo -kʋ 'le -wʋ-ɔ, ɔ -li 'bhuo 'ji ɩ 'zʋɔ -bha. 22Nɩkpɛ -mʋmɔ, -ɔ ka-a -gbagblɩ tenyi -ɔ zi-a -budulowli la'a 'wʋ, ɔ -yɛ ji ɔ -nyɔɔ 'sɔ -yɛ gwɩ ɔ -kɔɔ lu-o, ɔ 'papali ɔ 'tɛnɩ la-a dlɩ, cɛ'ɛ ɔ sɔ -bha, 'n ɔ libhï-a ɔ -budu'uo -li 'bhuo 'wʋ 'n ɔ dlinɩɩ -bha. 23Wʋ yɛ n gba-a sa'a a de naa: -Ɔ n -nyɔɔ nɩ 'sɔ -wʋ-ɔ, na tʋnyɔ -bha. -Ɔ nɩ'ɩ 'wlutitanɩtitanɩɛ kwanɩ-ɛ, -lie vɩvɩnyɔ -bha.
'Jinylozuzuko -a 'bhö-a nɩkpɛ -gömö bhɛlɩ a 'yɛ nimï ji
24'Jinylozuzuko -yɛ nɩkpɛ -gömö 'bhö-ö, -ma 'mïsekpa 'klʋ a mö -bha, 'n a zizinɩ-ɛ -ma 'mö, 'n a yɩlɩ-a glɩde yɛ. A nɩ glɩde ghlɩ-ɛ, 'n a nʋ-ɔ naa: 'Wlu n ji-a 'mö 'bhɩla, ma n 'bhö-ö la-a n 'yɛ -ma nimï mö, -budu -ʋʋ 'mö n 'wlʋ la-a n 'yɛ -ma pla. 25'N 'jinylozuzuko la'a -yɛ nimï ji, -budu -ʋʋ 'mö a 'wlʋ la-a ʋ 'mö -yɛ 'ylɩpöɔ -ma -yɛ 'jinanɩswɩ'ɩ 'göganɩɔ-ɔ, 26'wlu a 'bhɩla-a 'mö, 'n a ku-a 'jinylozuzuku -mɩmɩ -ngbisɔ -ɩ 'tɛ-a 'mö -ɩ zia-a, 'n ɩ 'bhuo ji-a nɩkpɛ la'a -gömö. -Bhaa do'o, 'mɔ nɩkpɛɛ yʋlɔyʋlʋ 'mö ʋ 'tamanɩ-a tenyi 'n ʋ zi-a -tɩtɛɛ -lu 'wʋ.”
27Zezwi gba-a sa'a wa de, 'n 'nglɔ -bhlʋ ji-e -ma nɩkpa -nyɩdɩ gbʋ -dɩ, ɔ nɛ: “'Wuë! -Nmö nɩkpɛ -mɔ -la, nglɔ la'a -ɔ -suo -na nɩkplako, -ɔ -nyɛmö-a nyɩtɩ 'mʋna 'lɩbhɔ.” 28Nglɔ la'a gba-a -sɩbha, Zezwi nɛ: “Sa'a n gba na-a naa: Nɩkpa la'a -wa pönɩ-a -Lagɔwɛlɩ 'jinanɩswɩ'ɩ 'yukwli, -ɩ -Lagɔ nʋ-a wa nʋ -wa nʋɩ-a mʋa 'mʋna 'yɛ-a 'lɩbha.”
-Ɩ Zezwi gba-a nɩkpa -wa 'jɩbha-a jɩblɩnaa de
29Nɩkpa jijinɩ-ɛ -bha Zezwi yawʋ -gömö wa yeo-a ngo, ɔ nɛ -bha wa de naa: “Abha -sɩka'aa nɩkpa kla-a nyanɩ, abha 'jɩbha-a jɩblɩnaa? N 'na 'kaya kaböjɩblɩna 'ji tuluanɩ 'n ɛ nɩ Zonasɩɛ -la glɩnɩ. 30-Wʋʋ yɛ-a, -ɩ Zonasɩ nʋ-ɔ -ma -glɔ wa la-a Ninivöö 'mö, sa ɩ glɩnɩ-ɛ -maa nɩkpaa de jɩblɩna-a, -sɩbha -ɩ Nɩkpɛɛ 'Gu -wʋ-ɔ la'a nʋ 'le ji-e -bha -zɩkazɩnɩ'ɩɛ nɩkpaa de jɩblɩna glɩnɩɛ. 31-Lagɔɔ -zijlee zlɩ -yɛ nyini-e, dʋdʋ wa la-a Sabaa nyininyininglɔ ji-a -zɩkazɩnɩ'ɩɛ nɩkpa gbʋ köbhaa. -Wʋʋ yɛ-a, dʋdʋkpataa 'bhlonʋbhɛyɩɛ -gwlɩ -gömö ɔ 'bhönɩ -bha 'n ɔ ji-a Salomɔɔ gbajinɩwɛlɩ 'yukwli -pönɩ kwla'a ji. -Ma ɩ 'mö, -ɔɔ bhë-ë -yɛ-a 'kadɔ -ɔ zi-a Salomɔ 'wʋ, ɔ-ɔ la'a. 32-Lagɔɔ -zijlee zlɩ -yɛ nyini-e, Ninivöö nɩkpa ji-a -zɩkazɩnɩ'ɩɛ nɩkpa gbʋ köbhaa. -Wʋʋ yɛ-a, Ninivöö nɩkpa 'nʋ-a -Lagɔwɛlɩ Zonasɩ 'pa-a ngli-e, ligba wa ligba -bha 'n wa ji-a wa 'jinyloli cɛ 'mö -sa. -Ma ɩ 'mö, -ɔɔ bhë-ë -yɛ-a 'kadɔ -ɔ zi-a Zonasɩ 'wʋ ɔ-ɔ la'a.”
'Napɛɛ 'nine
33'N Zezwi jua-a nine la'a 'panɩ. Ɔ nɛ naa: “Nɩkpɛ 'nɩ-ɛ -bhla 'napɛ 'ji -dɩ ɔ 'kɛ ziza, ɔ 'kɛ -lu 'wlu sɛ -gblinɩ. Ɔ -kɛɛ 'ji -dɩ-ɛ, -bha -glodu'u ɔ zʋɩɛ-a yɛ, nɩkpa 'bhuo -yɛ -ma -budu'u pla 'n wa jɩnɩ-a yɛ. 34Nɩkpɛɛ 'jie, 'napɛɛ swɩ'ɩ ɩ -wʋ -bha. Mɩ-ɩ ngönɔ-a 'wʋ. Ɩ -yɛ 'jinanɩswɩ'ɩ sɛ jɩnɩ, -ma zlɩ 'mö ɔ namönɩ -bha. Ɩ 'klʋ -yɛ julumanɩ-ɛ, -ma 'misikpoko 'mö ɔ -wʋ -bha. 35Möna 'mö, yʋlokpë -a -wʋ-ɔ -ma -na 'mö ji-e 'misikpoko zʋ. 36-Na ku 'bhuo -yɛ 'wʋ 'nganɔ ʋ 'pɩa -bhlʋ nɩ -ma 'misikpoko 'mö -wʋ-ɔ, ʋ 'bhuo -kpö -ma zlɩ 'mö ʋ ji-a -wʋɔ, 'napɛɛ 'dalɩ -kamö la'a 'wʋ ngöna sa -n -wʋ-a.”
Zezwi yɛ falizɩɛ -yɛ -Lagɔɔ gböö nglipangwa 'sɔ wɛlɩ gbanɩ
37Zezwi 'bhɩa-a gbagbɩɛ 'ji, 'n falizɩɛyi -bhlʋ jio-o -ma ɔ 'ligbë'ë wɔzɩ, ɔ -nyɔɔ 'sɔ 'yɛ lie yɛ. Ɔ nyini-e -ma, 'n ɔ ji-e -bha lili go sɛ glɩ-ɩ. 38Falizɩɛyi yɩlɩ-ɛ -bha 'wʋ naa Zezwi -wʋ-a lie ji 'le ɔ'ɔ-ɔ cɛ palɩ-ɛ, ngli ɩ mönɔ -bha. 39Nyininyɔ nɛ -bha ɔ de naa: “Sa abha falizɩɛ -wʋnʋ-a 'mö, -sɩbha la'a: 'kɔpɩ -yɛ -dogblui 'sɔɔ ku a plɛtɛ -bha, 'n -ma a dlɩa zɔmö gwla -yɛ nyanɩklaklʋ 'sɔ su-o -ma. 40-Batibatingwayi, -Lagɔ la'a -ʋ nʋ-a ku nɛ mʋ-ʋ 'nɩ-ɛ 'mlɩ nɛ nʋ 'nɩ-ɩ? 41-Ɩ a 'yɛ-a nʋ mɩ-ɛ la'a, -ɩ la'a -ɩ -wʋ-ɔ -ma a 'kɔpɩ -yɛ a -dogblui 'sɔ 'mö, a -yɛ -mʋmʋa 'sɔ dlinɩɩ, 'mɩ a -li 'bhuo ji-a 'wlawla -wʋɔ.
42Abha falizɩɛ -nɩ-ɛ, a nʋ ngazɩli, -wʋʋ yɛ-a, -li 'kikie 'bhuo a ghlɩ-a, zapʋɔ 'möpalɩli 'kikie 'bhuo, ɩ -dlinɩkugbïa pa a nyɛ-a -Lagɔ, 'bhë -Lagɔɔ 'jɩbhajɩbhʋ -yɛ -ɩ nanʋ-a dlɩ yawʋ 'sɔ 'mɩ a dlʋnʋ-a 'wʋ. -Ɩɩ 'bhï a 'yɛ la-a 'yu -ganɩ 'bhë, a 'yɛ -mɩbha nʋ mɩ-ɛ -la.
43Abha falizɩɛ, a nʋ ngazɩli. -Wʋʋ yɛ-a, a -yɛ -ma -Lagɔbudi'i -bɛlɩ -pa kwla'a mö, 'yugakpï -gömö a glɩ-a yɛ, a -yɛ 'du 'mö mö, a 'jɩbha nɩkpa 'kaya -bhazʋswɩ'ɩ bhalɩ.
44Lesikpï -sakasɩ -ɩ nɩkpa 'nɩ-a -tɔnʋ 'n wa jinɩɩ-a -gömö, ɩ swɩ'ɩ a -wʋ -bha, ɩ yɛ a nʋ ngazɩli.”
45Zezwi-e sa'a gba 'le, 'n -Lagɔɔ gböö nglipanyɔ -bhlʋ ji-a gbʋ -dɩ, ɔ nɛ naa: “-Abhitɩbha, -n -wʋ-ɔ 'mö-ö -la -sa gba 'le, -abha -n -wʋ 'yɛ-a -nɩ sa 'le 'gamö.” 46Ɔ gba-a sa'a, Zezwi nɛ naa: “Abha -Lagɔɔ gböö nglipangwa, a nʋ 'yɛ -nɩ ngazɩli. -Wʋʋ yɛ-a, 'gbluku 'kadɩ -ɩɩ -susue-e -nyu-a ngli, 'mɩ a sulua-a nɩkpa 'bhë, a'a 'panʋa 'sɔ 'kikie 'wʋ.
47A nʋ ngazɩli, -wʋʋ yɛ-a, -Lagɔɔ 'mögbanɩngwa a -lowlengwa 'lɩbha la-a, wa lesikpï a tli -bha. 48-Ɩ a nʋ-ɔ -la, -ɩ zɔmö-a naa: -Ɩ a -lowlengwa nʋ la-a, dlɩ yawʋ ɩ nanɩya-aa yɛ a nglunʋɩ -bha. -Wʋʋ yɛ-a, wa 'lɩbha-a -Lagɔɔ 'mögbanɩngwa 'bhë, 'n a ji-a -nɩ wa lesikpï tli. 49-Ɩ la'aa yɛ, -Lagɔɔ gbajinɩwɛlɩ gba-a naa: Na 'mögbanɩngwa -yɛ na tiatiangwa 'sɔ n ji-e -ma 'pɩnɩkpa gla'a tia. Wa gla'aa -mʋmʋa wa ji-a 'zwɩ ziaa, wa 'yɛ-a -mʋmʋa 'lɩbha. 50Ɩ yɛ, tɛnɩ 'pɩɛ tɛnɩde, -Lagɔɔ 'mögbanɩngwa 'bhuo wa 'lɩbha-a, -zɩnɩ'ɩɛ nɩkpa -Lagɔ ji-a wa dlu ngli 'jɩbhanɩɛ. 51Tɛnɩ Abɛlɩɛ 'lɩbhanɩde -n 'yɛ Zakali wa 'lɩbhanɩ-a -Lagɔbʋbɔnʋde -yɛ -Lagɔbudu 'sɔɔ nyɩdɩ 'wʋ nyini. 'Dɩ n nyɛya -bha naa, ku la'a wa 'lɩbha-a -sɩbhaa yɛ ngli -Lagɔ jua-a 'jɩbhaa.
52-Lagɔɔ gböö nglipangwayi, a nʋ ngazɩli. -Wʋʋ yɛ-a, gbɩjinɩbuduo 'kwleneyi a 'libhï-a 'wʋ 'bhë, abhï 'nɩ-ɛ -ma pla. -Wa nʋ 'yɛ-a wa 'yɛ -ma pla, 'n a jua-a 'yuo -sa.”
53Zezwi 'bhö-ö -bha, 'n -Lagɔɔ gböö nglipangwa -yɛ falizɩɛ 'sɔ jio-a 'wʋ 'suluo, yʋlʋ nya 'n wa jio-a 'kïbhïë -bɛ -gömö ngli 'jɩbha. 54Wɛlɩ -ɩ 'kɔ-a gbʋ köbhaa yɛ wa 'bhlibhlinɩɔ-a ngli.
Currently Selected:
LWIKÖÖ 'BƆGƲ 11: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
LWIKÖÖ 'BƆGƲ 11
11
Zezwi yɛ ɔ 'wʋbhlinɩngwa -bɛlɩpapʋ -slʋnʋ
1'Ylɩ -bhlʋ, 'n Zezwi ji-a yawʋ do ɔ 'yɛ -bɛlɩ 'paa yɛ. Ɔ bhɩa-a 'ji-e, 'n ɔ 'wʋbhlinɩngwaa gla'aa nɩkpɛ -bhlʋ jio-o -bha ghlɩ, ɔ nɛ -bha ɔ de naa: “Nyininyɔ, -slʋnʋya -nɩ -bɛlɩpapʋ, sa Za Badizɩ -slʋnʋ-a ɔ 'wʋbhlinɩngwa -bɛlɩpapʋ.” 2Ɔ gba-a sa'a Zezwi nɛ:
“A -yɛ -bɛlɩ 'paa ji-e, a nʋ:
-Aa -Tɩbha -Lagɔ, -na 'nglɩ 'wlawla ɩ -wʋ -bha,
nɩkpa 'bhuo zʋɩ -bha.
-Na nyininyinie ji.
3Sa zlɩ zɩ-a -nyɛya lilie.
4'Tatinɩ -aa 'jinylolie gbʋ 'ji,
-wʋʋ yɛ-a, nɩkpa -kaya 'jinyloli 'ji nʋ
ɩ gbʋ -a 'tatinɩ 'yɛ-a -nɩ 'ji.
-Nn -saya 'ji yawʋ -aa bhlinɩ -mapapɩɛ 'mö -nɩ.”
Nɩkpɛ -ɔ mö-a ɔ 'tʋalɩbha lili -jɩbhanɩ kwla'a
5Zezwi gba-a sa'a wa de 'bhë, ɔ nɛ 'yɛ naa: “-Ma a gla'aa nɩkpɛ -bhlʋ ka -sɩka'a 'tʋalɩbha, 'n ɔ 'tʋalɩbha la'a jio-a dʋdʋ -nyɩdɩ -budu ngo'o bhɔtɔ kwla'a ji, ɔ nɛ -bha ɔ de: 'Tʋalɩbha, kalɩ -bha -n ka'a lili 'nyɛ, 6na 'tʋalɩbha -bhlʋ ji -bha, n'n lulu -ka n 'kɔ 'nyɛ. 7'N 'tʋalɩbha la'a -ɔ -wʋ-ɔ -ma -budu'u -yɛ gba naa: N yɛ -bha -buduo de gba, n -yɛ na 'gwie 'sɔ -a yɛ sɛ pö 'bhë, n'n bhɛlɩ n 'yɛ 'wʋ -sɔ n -kamö lili 'ye 'nyɛ nʋ-ɔ, 8sa'a n gba-a sa'a a de naa, nɩkpɛ la'a nɩ 'wʋ -sɔ ɔ 'yɛ -bha -buduo de kalɩ ɔ 'kɔ ɔ 'tʋalɩbha wlumö lili 'nyɛ-ɛ, lilijɩbhanyɔ la'a 'kwa 'nɩɔ yawʋ tlɩnɩ 'le -wʋ 'n ɔ -wʋ-ɔ -bha debhlʋ -debhlʋ bhɔtɔ 'lee yɛ, -ɔ pö-ö -ma -budu'u, 'wʋ ɔ ji-a -sɔɔ ɔ 'yɛ -bha kalɩ, lili la'a ɔ 'jɩbha-a ɔ 'kɔ 'ye 'nyɛ.
9Sa'a n gba-a sa'a a de naa: A 'jɩbha, wa jiya 'nyɛ. A 'nama, a ji ghlɩ. A bhɔtɔ -bha, wa ji -bha kalɩ. 10-Wʋʋ yɛ-a, -ɔ jɩbha-a 'mɔ wa nyɛ -bha, -ɔ 'nama-a mɔ-ɔ ghlɩ -bha -ɔ bhɔtɔ-ɔ -bha, ɔ yɛ wa kalɩ-ɛ -bha. 11Ngli n jɩbhaya-a naa: -Ma a gla'aa nɩkpɛ -mɔ ɔ 'gu -yɛ-a 'fʋloko 'jɩbhanɩ, -ɔ 'kɔ-a tɩkpeyi 'ye 'nyɛ 'nɩ? -Mɔ ɔ 'gu -yɛ 'yɛ-a zibhiyi 'jɩbhanɩ-ɛ, ɔ 'na kɔ-a zibhiyi 'ye 'nyɛ ɔ 'kɔ-a tɩmɛ 'ye 'nyɛ 'nɩ? 12Nɩkpɛ -mɔ ɔ 'gu ji 'yɛ-a nunugïyi 'jɩbhanɩ -ɔ jio-a -lagɔgbite 'ye 'nyɛɛ 'nɩ? 13Abha 'pɩnɩkpa kla la'a nyanɩ, a -ji la'a -nɩ a 'gwie -lie -lie 'nyɛɛ, e 'kë zi a -Tɩbha -ʋ -wʋ-ɔ -ma -Lagɔtapɛ'ɛ -ʋ -ga-a cɛ-ɛ 'mʋɔ cɛ 'na-a ʋ gwie -wa 'jɩbhanʋ-a Zuzu 'Wlawla -gömö -laa 'nɩ-ɩ?”
Nɩkpa yɛ Zezwi 'jinylɔwɛlɩ gbanɩ
14'Ylɩ -bhlʋ, 'n Zezwi ji-a nɩkpɛ -bhlʋ 'jinylozuzuko -gömö kpëti. 'Jinylozuzuko la'a 'ma ɔ ka-a -gömöö yɛ bhobho la -bha. Zezwi kpëtia-a, -bha -gaganɩlɩ'ɩ 'n nɩkpɛ la'a ji-a gbʋ -dɩ. Nɩkpa bhuo -wa su la-a -bha, wa yɩlɩ-a -ɩ la'a 'n ngli jua-a möna. 15'Bhë -ma wa gla'aa -mʋmʋa nɛ naa: “'Jinylozuzukuo 'bhitɩbha Bɛlɩzebulɩ 'nyɔ-a 'gba, wʋ yɛ ɔ -wʋ-a nɩkpa 'jinylozuzuku -gömö kpëti 'le.” 16-Mʋmʋa 'kɔ 'mö jɩlaa yɛ, wa nɛ -bha ɔ de naa ɔ tuluanʋa jɩblɩna -a 'bhönɩ-a -Lagɔ 'wʋ 'ji. 17Zezwi -ji wa dlɩpapʋɔ yɛ, ɔ nɛ -bha wa de naa: “Dʋdʋ -bhlʋ -gömöö nɩkpa -yɛ 'mö donʋ -ma wa 'bhïë 'nyize nyɩdɩ, wa -yɛ tʋ gwɩ-ɛ, sɛ ʋ yɩla -bha, 'n wa -budi bhlibhlinɩ-a -gömö. 18-Wʋʋ yɛ n gba-a -sɩbha, a nɛ: Bɛlɩzebulɩ nyɛ'ɛ-a 'gba 'n n kpëti-a nɩkpa 'jinylozuzuku -gömö, -ma ɩ 'mö, 'jinylozuzukuo 'bhitɩbha Bɛlɩzebulɩ -yɛ a lijinylozuzuku 'sɔ -yɛ 'mö donʋ, ɩ -yɛ tʋ gwɩ-ɛ, ɩ 'na sɛ yɩla 'nɩ-ɩ? 19A nʋ-ɔ naa Bɛlɩzebulɩ nyɛ'ɛ-a 'gbaa yɛ n -wʋ-a 'jinylozuzuku nɩkpa -gömö kpëti 'le-e, a 'bhigwiee -nɩ, -mɔ 'nyʋa 'mö-a -nɩ 'gba 'n wa kpëti-a nɩkpa 'jinylozuzuku -gömö 'nɩ? A 'bhigwiee nʋnʋli mɩ-ɩ jiya-a gbʋ köbhaa. 20'N ɛ -yɛ naa, -Lagɔɔ 'mötɛnɔ wʋ'ʋ -gömö 'n n kpëti 'jinylozuzuku glɩnɩ-ɛ, a jɩblɩnɩ sɛ naa, -Lagɔɔ nyininyinipɩ yɛ ma'a a nyɩdɩ ji 'bhë.” 21'N ɔ ji-e -bha wa de 'nine 'pa naa: “-Gbagblɩkanyɔ -ɔ -su-a 'papali, ɔ -yɛ ɔ -budu ngo -kʋ 'le -wʋ-ɔ, ɔ -li 'bhuo 'ji ɩ 'zʋɔ -bha. 22Nɩkpɛ -mʋmɔ, -ɔ ka-a -gbagblɩ tenyi -ɔ zi-a -budulowli la'a 'wʋ, ɔ -yɛ ji ɔ -nyɔɔ 'sɔ -yɛ gwɩ ɔ -kɔɔ lu-o, ɔ 'papali ɔ 'tɛnɩ la-a dlɩ, cɛ'ɛ ɔ sɔ -bha, 'n ɔ libhï-a ɔ -budu'uo -li 'bhuo 'wʋ 'n ɔ dlinɩɩ -bha. 23Wʋ yɛ n gba-a sa'a a de naa: -Ɔ n -nyɔɔ nɩ 'sɔ -wʋ-ɔ, na tʋnyɔ -bha. -Ɔ nɩ'ɩ 'wlutitanɩtitanɩɛ kwanɩ-ɛ, -lie vɩvɩnyɔ -bha.
'Jinylozuzuko -a 'bhö-a nɩkpɛ -gömö bhɛlɩ a 'yɛ nimï ji
24'Jinylozuzuko -yɛ nɩkpɛ -gömö 'bhö-ö, -ma 'mïsekpa 'klʋ a mö -bha, 'n a zizinɩ-ɛ -ma 'mö, 'n a yɩlɩ-a glɩde yɛ. A nɩ glɩde ghlɩ-ɛ, 'n a nʋ-ɔ naa: 'Wlu n ji-a 'mö 'bhɩla, ma n 'bhö-ö la-a n 'yɛ -ma nimï mö, -budu -ʋʋ 'mö n 'wlʋ la-a n 'yɛ -ma pla. 25'N 'jinylozuzuko la'a -yɛ nimï ji, -budu -ʋʋ 'mö a 'wlʋ la-a ʋ 'mö -yɛ 'ylɩpöɔ -ma -yɛ 'jinanɩswɩ'ɩ 'göganɩɔ-ɔ, 26'wlu a 'bhɩla-a 'mö, 'n a ku-a 'jinylozuzuku -mɩmɩ -ngbisɔ -ɩ 'tɛ-a 'mö -ɩ zia-a, 'n ɩ 'bhuo ji-a nɩkpɛ la'a -gömö. -Bhaa do'o, 'mɔ nɩkpɛɛ yʋlɔyʋlʋ 'mö ʋ 'tamanɩ-a tenyi 'n ʋ zi-a -tɩtɛɛ -lu 'wʋ.”
27Zezwi gba-a sa'a wa de, 'n 'nglɔ -bhlʋ ji-e -ma nɩkpa -nyɩdɩ gbʋ -dɩ, ɔ nɛ: “'Wuë! -Nmö nɩkpɛ -mɔ -la, nglɔ la'a -ɔ -suo -na nɩkplako, -ɔ -nyɛmö-a nyɩtɩ 'mʋna 'lɩbhɔ.” 28Nglɔ la'a gba-a -sɩbha, Zezwi nɛ: “Sa'a n gba na-a naa: Nɩkpa la'a -wa pönɩ-a -Lagɔwɛlɩ 'jinanɩswɩ'ɩ 'yukwli, -ɩ -Lagɔ nʋ-a wa nʋ -wa nʋɩ-a mʋa 'mʋna 'yɛ-a 'lɩbha.”
-Ɩ Zezwi gba-a nɩkpa -wa 'jɩbha-a jɩblɩnaa de
29Nɩkpa jijinɩ-ɛ -bha Zezwi yawʋ -gömö wa yeo-a ngo, ɔ nɛ -bha wa de naa: “Abha -sɩka'aa nɩkpa kla-a nyanɩ, abha 'jɩbha-a jɩblɩnaa? N 'na 'kaya kaböjɩblɩna 'ji tuluanɩ 'n ɛ nɩ Zonasɩɛ -la glɩnɩ. 30-Wʋʋ yɛ-a, -ɩ Zonasɩ nʋ-ɔ -ma -glɔ wa la-a Ninivöö 'mö, sa ɩ glɩnɩ-ɛ -maa nɩkpaa de jɩblɩna-a, -sɩbha -ɩ Nɩkpɛɛ 'Gu -wʋ-ɔ la'a nʋ 'le ji-e -bha -zɩkazɩnɩ'ɩɛ nɩkpaa de jɩblɩna glɩnɩɛ. 31-Lagɔɔ -zijlee zlɩ -yɛ nyini-e, dʋdʋ wa la-a Sabaa nyininyininglɔ ji-a -zɩkazɩnɩ'ɩɛ nɩkpa gbʋ köbhaa. -Wʋʋ yɛ-a, dʋdʋkpataa 'bhlonʋbhɛyɩɛ -gwlɩ -gömö ɔ 'bhönɩ -bha 'n ɔ ji-a Salomɔɔ gbajinɩwɛlɩ 'yukwli -pönɩ kwla'a ji. -Ma ɩ 'mö, -ɔɔ bhë-ë -yɛ-a 'kadɔ -ɔ zi-a Salomɔ 'wʋ, ɔ-ɔ la'a. 32-Lagɔɔ -zijlee zlɩ -yɛ nyini-e, Ninivöö nɩkpa ji-a -zɩkazɩnɩ'ɩɛ nɩkpa gbʋ köbhaa. -Wʋʋ yɛ-a, Ninivöö nɩkpa 'nʋ-a -Lagɔwɛlɩ Zonasɩ 'pa-a ngli-e, ligba wa ligba -bha 'n wa ji-a wa 'jinyloli cɛ 'mö -sa. -Ma ɩ 'mö, -ɔɔ bhë-ë -yɛ-a 'kadɔ -ɔ zi-a Zonasɩ 'wʋ ɔ-ɔ la'a.”
'Napɛɛ 'nine
33'N Zezwi jua-a nine la'a 'panɩ. Ɔ nɛ naa: “Nɩkpɛ 'nɩ-ɛ -bhla 'napɛ 'ji -dɩ ɔ 'kɛ ziza, ɔ 'kɛ -lu 'wlu sɛ -gblinɩ. Ɔ -kɛɛ 'ji -dɩ-ɛ, -bha -glodu'u ɔ zʋɩɛ-a yɛ, nɩkpa 'bhuo -yɛ -ma -budu'u pla 'n wa jɩnɩ-a yɛ. 34Nɩkpɛɛ 'jie, 'napɛɛ swɩ'ɩ ɩ -wʋ -bha. Mɩ-ɩ ngönɔ-a 'wʋ. Ɩ -yɛ 'jinanɩswɩ'ɩ sɛ jɩnɩ, -ma zlɩ 'mö ɔ namönɩ -bha. Ɩ 'klʋ -yɛ julumanɩ-ɛ, -ma 'misikpoko 'mö ɔ -wʋ -bha. 35Möna 'mö, yʋlokpë -a -wʋ-ɔ -ma -na 'mö ji-e 'misikpoko zʋ. 36-Na ku 'bhuo -yɛ 'wʋ 'nganɔ ʋ 'pɩa -bhlʋ nɩ -ma 'misikpoko 'mö -wʋ-ɔ, ʋ 'bhuo -kpö -ma zlɩ 'mö ʋ ji-a -wʋɔ, 'napɛɛ 'dalɩ -kamö la'a 'wʋ ngöna sa -n -wʋ-a.”
Zezwi yɛ falizɩɛ -yɛ -Lagɔɔ gböö nglipangwa 'sɔ wɛlɩ gbanɩ
37Zezwi 'bhɩa-a gbagbɩɛ 'ji, 'n falizɩɛyi -bhlʋ jio-o -ma ɔ 'ligbë'ë wɔzɩ, ɔ -nyɔɔ 'sɔ 'yɛ lie yɛ. Ɔ nyini-e -ma, 'n ɔ ji-e -bha lili go sɛ glɩ-ɩ. 38Falizɩɛyi yɩlɩ-ɛ -bha 'wʋ naa Zezwi -wʋ-a lie ji 'le ɔ'ɔ-ɔ cɛ palɩ-ɛ, ngli ɩ mönɔ -bha. 39Nyininyɔ nɛ -bha ɔ de naa: “Sa abha falizɩɛ -wʋnʋ-a 'mö, -sɩbha la'a: 'kɔpɩ -yɛ -dogblui 'sɔɔ ku a plɛtɛ -bha, 'n -ma a dlɩa zɔmö gwla -yɛ nyanɩklaklʋ 'sɔ su-o -ma. 40-Batibatingwayi, -Lagɔ la'a -ʋ nʋ-a ku nɛ mʋ-ʋ 'nɩ-ɛ 'mlɩ nɛ nʋ 'nɩ-ɩ? 41-Ɩ a 'yɛ-a nʋ mɩ-ɛ la'a, -ɩ la'a -ɩ -wʋ-ɔ -ma a 'kɔpɩ -yɛ a -dogblui 'sɔ 'mö, a -yɛ -mʋmʋa 'sɔ dlinɩɩ, 'mɩ a -li 'bhuo ji-a 'wlawla -wʋɔ.
42Abha falizɩɛ -nɩ-ɛ, a nʋ ngazɩli, -wʋʋ yɛ-a, -li 'kikie 'bhuo a ghlɩ-a, zapʋɔ 'möpalɩli 'kikie 'bhuo, ɩ -dlinɩkugbïa pa a nyɛ-a -Lagɔ, 'bhë -Lagɔɔ 'jɩbhajɩbhʋ -yɛ -ɩ nanʋ-a dlɩ yawʋ 'sɔ 'mɩ a dlʋnʋ-a 'wʋ. -Ɩɩ 'bhï a 'yɛ la-a 'yu -ganɩ 'bhë, a 'yɛ -mɩbha nʋ mɩ-ɛ -la.
43Abha falizɩɛ, a nʋ ngazɩli. -Wʋʋ yɛ-a, a -yɛ -ma -Lagɔbudi'i -bɛlɩ -pa kwla'a mö, 'yugakpï -gömö a glɩ-a yɛ, a -yɛ 'du 'mö mö, a 'jɩbha nɩkpa 'kaya -bhazʋswɩ'ɩ bhalɩ.
44Lesikpï -sakasɩ -ɩ nɩkpa 'nɩ-a -tɔnʋ 'n wa jinɩɩ-a -gömö, ɩ swɩ'ɩ a -wʋ -bha, ɩ yɛ a nʋ ngazɩli.”
45Zezwi-e sa'a gba 'le, 'n -Lagɔɔ gböö nglipanyɔ -bhlʋ ji-a gbʋ -dɩ, ɔ nɛ naa: “-Abhitɩbha, -n -wʋ-ɔ 'mö-ö -la -sa gba 'le, -abha -n -wʋ 'yɛ-a -nɩ sa 'le 'gamö.” 46Ɔ gba-a sa'a, Zezwi nɛ naa: “Abha -Lagɔɔ gböö nglipangwa, a nʋ 'yɛ -nɩ ngazɩli. -Wʋʋ yɛ-a, 'gbluku 'kadɩ -ɩɩ -susue-e -nyu-a ngli, 'mɩ a sulua-a nɩkpa 'bhë, a'a 'panʋa 'sɔ 'kikie 'wʋ.
47A nʋ ngazɩli, -wʋʋ yɛ-a, -Lagɔɔ 'mögbanɩngwa a -lowlengwa 'lɩbha la-a, wa lesikpï a tli -bha. 48-Ɩ a nʋ-ɔ -la, -ɩ zɔmö-a naa: -Ɩ a -lowlengwa nʋ la-a, dlɩ yawʋ ɩ nanɩya-aa yɛ a nglunʋɩ -bha. -Wʋʋ yɛ-a, wa 'lɩbha-a -Lagɔɔ 'mögbanɩngwa 'bhë, 'n a ji-a -nɩ wa lesikpï tli. 49-Ɩ la'aa yɛ, -Lagɔɔ gbajinɩwɛlɩ gba-a naa: Na 'mögbanɩngwa -yɛ na tiatiangwa 'sɔ n ji-e -ma 'pɩnɩkpa gla'a tia. Wa gla'aa -mʋmʋa wa ji-a 'zwɩ ziaa, wa 'yɛ-a -mʋmʋa 'lɩbha. 50Ɩ yɛ, tɛnɩ 'pɩɛ tɛnɩde, -Lagɔɔ 'mögbanɩngwa 'bhuo wa 'lɩbha-a, -zɩnɩ'ɩɛ nɩkpa -Lagɔ ji-a wa dlu ngli 'jɩbhanɩɛ. 51Tɛnɩ Abɛlɩɛ 'lɩbhanɩde -n 'yɛ Zakali wa 'lɩbhanɩ-a -Lagɔbʋbɔnʋde -yɛ -Lagɔbudu 'sɔɔ nyɩdɩ 'wʋ nyini. 'Dɩ n nyɛya -bha naa, ku la'a wa 'lɩbha-a -sɩbhaa yɛ ngli -Lagɔ jua-a 'jɩbhaa.
52-Lagɔɔ gböö nglipangwayi, a nʋ ngazɩli. -Wʋʋ yɛ-a, gbɩjinɩbuduo 'kwleneyi a 'libhï-a 'wʋ 'bhë, abhï 'nɩ-ɛ -ma pla. -Wa nʋ 'yɛ-a wa 'yɛ -ma pla, 'n a jua-a 'yuo -sa.”
53Zezwi 'bhö-ö -bha, 'n -Lagɔɔ gböö nglipangwa -yɛ falizɩɛ 'sɔ jio-a 'wʋ 'suluo, yʋlʋ nya 'n wa jio-a 'kïbhïë -bɛ -gömö ngli 'jɩbha. 54Wɛlɩ -ɩ 'kɔ-a gbʋ köbhaa yɛ wa 'bhlibhlinɩɔ-a ngli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996