LWIKÖÖ 'BƆGƲ 4
4
Sata yɛ -ma Zezwi 'pa
1Zuzu 'Wlawla ye-e -ma Zezwie dlɩ zɔmö ɔ 'bhö-ö -ma Zludɛ yawʋ, 'n ʋ jio-o -ma 'mïsekpa 'klʋ kwa. 2Ɔ -sa-a -ma 'ylɩɛ gwlɩ 'sɔ. 'Mɩ 'ylɩɛ gwlɩ la'a 'sɔ 'mö ɔ'ɔ li, 'n Sata jio-o -ma 'pa. Ɩ 'plɩ-a 'bhë, 'n ngɔmʋ jio-a 'lɩbha. 3Sata nɛ -bha ɔ de naa: “-N -yɛ 'dɛdɛ'ɛ -Lagɔɔ 'Gu glɩnɩ, gba kpöako -la 'yɛ 'fʋlo zʋ -n 'yɛ li.” 4Sata gba-a sa'a, Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa: Nɩkpɛ 'na lilie 'bhëë 'nyizee yɛ -bhlɩ.”
5'N Sata jio-a 'wʋ 'libhï, 'n a -nyɔɔ ji-e -ma -gɔgɔgbʋ 'kadʋ -bhlʋɔ 'klʋ mö. 'N a jio-o -bha -gaganɩlɩ'ɩ ma'a 'pɩ 'wʋɔ -gwlɩ 'bhuo 'ji tuluanɩ. 6A nɛ -bha ɔ de naa: “-Gwlɩ la'a bhuo -n jɩnɩ-ɛ -la 'wʋ, -amö wa 'nyɩ-a 'ye, -mɔ n -yɛ 'jɩbha 'mɔ n nyɩ-a 'ye. 7-N -yɛ -bha na dlɩ'ɩ -kokomunigbö glu 'pa -n ka'a bʋbɔ-ɔ, ɩ 'bhuo -na -li -bha.” 8Sata gba-a -sɩbha Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
Bʋbɔ -na Nyininyɔ -Lagɔ -bhlʋ 'tɩ.”
9Zezwi 'nyɛ-ɛ sa'a Sata 'dɩ, 'n a jio-a 'wʋ 'libhï 'sɔ, 'n a -nyɔɔ ji-e -ma Zelwizalɛmö mö, 'n a jio-o -ma -Lagɔbudu 'kadʋɔ 'gëdleyi 'ji sɛ zʋ. A nɛ naa: “-N -yɛ 'dɛdɛ'ɛ -Lagɔɔ 'gu glɩnɩ-ɛ, 'pa -najɩ zɔmö. 10-Wʋʋ 'yɛ-a, sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
-Na yɛ -Lagɔ ji-a ʋ zuzuku 'dɩ 'nyɛɛ ɩ -kamö 'ji zʋ.
11Cɛ'ɛ ɩ -jimö-a -suo na kple ji-e kpiyi gozoo yɛ.”
12A gba-a sa'a Zezwi nɛ:
“Sa'a ɩ 'cɛlɩɔ-ɔ 'yɛ-ɛ sa'a -nɩ -ma -Lagɔwɛlɩɛ 'bɔgʋ 'mö naa,
-nn jɩla -na Nyininyɔ -Lagɔ 'mö -nɩ.”
13Sata 'pɔ-ɔ -ma kplokplo, a -li 'nɩ-ɛ 'wʋ 'plɩ, 'n a jio-o -bhla yawʋ 'bhö-ö, de -mɩmɩ -yɛ nyini 'bhë a 'kɔ -ma -pa kwla'a ji 'sɔ.
Zezwi yɛ ɔ -Lagɔlibho tɛ-ɛ
14-Lagɔɔ Zuzuo 'mötɛnɔ-ɔ Zezwi -gömö 'n ɔ ji-e -ma Galilee dʋdʋ -gömö nimï mö. 'N ɔ 'nglɩ ji-e -maa -gwlɩ 'bhuo -gömö 'ji bhɩa. 15-Maa -Lagɔbudi 'bhuoo 'mö ɔ panɩ-a -Lagɔwɛlɩ ngli, 'n nɩkpa 'bhuo sa-a ɔ 'dɩɛ dɩ.
Wa'a-a -ma Nazalɛtɩ Zezwi 'wʋ nglu
16'Ylɩ -bhlʋ, -ma Nazalɛtɩ ma Zezwi 'ghlimanɩ la-a, -ma ɔ mö-a nimï. -Gwlɛnɩzlɩ nyini-a, 'n ɔ ji-e -ma -Lagɔbudu'u mö sa ɔ nʋ la-a 'kɩ. 'N ɔ ji-a 'wʋ -sɔ ɔ 'yɛ -Lagɔwɛlɩɛ 'bɔgʋ 'möö 'köbhë -bhlʋ zɛlɩɛ yɛ. 17'N wa jio-a -Lagɔɔ 'mögbanɩnyɔ Ezayie -Lagɔbɔgʋ 'ye 'nyɛ. Ɔ kalʋ-a 'wʋ, wɛlɩköbhë ɔ ghlɩ-ɛ -ma, ma-a -yɛ-a naa:
18“-Lagɔɔ Zuzu wʋ'ʋ-a -gömö,
-Lagɔ sa'a-a -bha n 'yɛ ngazɩngwa 'tɩtɩɛ -tɩtɩ kwa.
Mʋ-ʋ tia'a -bha, -waa dlɩa -wʋ-a jili 'le n 'kʋa dlɩ 'wʋ pupua.
19N 'yɛ -diengwa 'dɩ -sanɩ naa,
wa -die yɛ bhɩa 'bhë.
N 'yɛ 'lɔkpɔlɔkpɔngwaa 'jie kalɩ.
Nɩkpa la'a wa -wʋ-a 'zwɩ zia 'le n 'kʋa 'zwɩ 'mö -sa.
Mʋ-ʋ tia'a-a -bha n 'yɛ nɩkpa 'bhuo 'dɩ 'nyɛ naa:
La -Lagɔ ji-a nɩkpaa de ngazɩdlɩ 'panɩɛ
-bha yɛ nyini 'bhë.”
20Ɔ -gba-a 'bɔgʋ 'wʋ, 'n ɔ jiʋ-o -ma -Lagɔbudu'uo nyɩgbajʋlʋ 'ye 'nyɛ, 'n ɔ ji-a sɛ glɩ-ɩ. -Wa bhuo-o su la-a -ma -Lagɔbudu'u -sɩbha wa jɩlɔ-a -zipaa.
21Zezwi nɛ -bha wa de naa: “-Lagɔwɛlɩɛ 'bɔgʋ 'möö wɛlɩköbhë a 'nʋ-ɔ la'a, a yɛ -zɩnɩ'ɩ 'wʋ 'wlenɩ 'bhë.” 22-Wa bhuo-o su la-a -ma, ɔ wɛlɩɛ 'jinanɩ yɛ wa-a la'a ɔ 'dɩɛ dɩ -sa 'le. 'N wa 'jɩbhajɩbhanɩ-a ngli naa: “La ɔ -sa-a 'mö-a -nɩ wɛlɩɛ -wɛlɩ -mɩ -la -sa 'nɩ? Zozɛföö 'gu mɔ-ɔ 'nɩ bhe -la -wʋ-ɔ?” 23Zezwi nɛ -bha wa de naa: “Nine la'a 'ma a ji'i-e -sɩka'a 'panɩɛ naa, göpögöpönyɔ göpö -najɩ, bhatɩ la'a 'bhuo -n nʋ-ɔ -ma Kapɛnaɔmö nɛ -ɩɩ dɩ -a 'nʋ-a, nʋɩ ma'a -na 'bhëë 'bhiglɔ'ɔ -a 'kɩ yɩlɩ. 24'Dɩɛ -dɩ n nyɛya-a naa, -Lagɔɔ 'mögbanɩnyɔ -bhlʋɔ 'bhëë wɛlɩ 'nɩ -ma ɔ 'bhiglɔ'ɔ 'wʋ 'wɔlʋnʋ. 25'Dɛdɛ'ɛ -Lagɔɔ 'mögbanɩnyɔ Elie do'o, la 'nyizako 'nɩ-a 'ylʋbö ta 'köbhë 'mö lɩbhanɩ, 'n dʋdʋkpata 'bhuoo -gömö ngɔmʋ 'kadʋ ji-e -ma ji-e, -bhaa do'o -ma Izlayɛlɩɛ dʋdʋ -gömö 'kuzlengwlɩɛ -bɛ-ɛ la -ma. 26Ɩ -wʋ-ɔ -sɩbha 'bhë, -Lagɔ 'nɩ-ɛ Eli -ma wa gla'aa 'kuzlenglɔ -bhlʋɔ 'bhëë 'bhɛyɩ tia, 'n ɛ nɩ -ma Sidɔɔ dʋdʋ -gömöö -glɔ wa la-a Salɛtaa 'kuzlenglɔ -bhlʋ glɩnɩ. 27-Sɩbha -Lagɔɔ 'mögbanɩnyɔ Elizee do'o 'yɛ, 'lalʋlɩbhangwaa -bɛ -wʋ la-a -ma Izlayɛlɩɛ dʋdʋ -gömö, 'bhë wa gla'aa -kakabɛ 'nɩ-ɛ 'pʋ, 'n ɛ nɩ Silie dʋdʋ -gömöö 'lalʋlɩbhanyɔ wa la-a Naama glɩnɩ.”
28Wa 'nʋ-a wɛlɩ la'a sa wa 'bhuo -di-a 'wʋ yʋlʋ wa 'pa-a tenyi. 29Wa -sɔ-a 'wʋ, 'n wa -nyɔɔ ji-a gbë 'mö 'wlʋ. -Gɔgɔgbʋ -ʋʋ 'klʋ wa 'gbë glɩ la-a, 'n wa -nyɔɔ ji-e -ma ʋ 'gëdleyi 'ji mö wa 'kɔ zɔmö 'paa yɛ. 30Wa -nyɔɔ nyini-e -ma, Zezwi 'plɩnɩ-ɛ -bha wa nyɩdɩ 'n ɔ ji-a mö.
Zezwi yɛ nɩkpaa -bebe göpö
31Zezwi 'bhö-ö -ma Nazalɛtɩ, -ma Galilee dʋdʋ -gömöö -glɔ wa la-a Kapɛnaɔmö, 'n ɔ ji-e -ma nimï mö. -Gwlɛnɩzlɩ nyini-a , ɔ mö-ö -ma -Lagɔbudu'u 'n ɔ ji-a nɩkpa -Lagɔwɛlɩ ngli 'pa. 32Nɩkpa bhuo -wa pönɩɔ-a 'yukwli, ngli ɔ nglipalɩ mönʋa-a tenyi, -wʋʋ yɛ-a, nɩkpɛ -ɔ -Lagɔ tia-a -ɔ ʋ 'nyɛ-a gba 'kadaa swɩ ɔ -sanɩ-a 'mö. 33-Ma -Lagɔbudu la'aa 'mö nɩkpɛ -bhlʋ -wʋ-ɔ -ma, 'jinylozuzuko ɔ ka la-a -gömö. 'N ɔ ji-a 'mö 'kpö tenyi. 34Ɔ nɛ naa: “Nazalɛtɩɛ Zezwi, 'manɩ -a -nyɛmö ka-a nyɩdɩ 'nɩ? -N -kaya sɛ -saa yɛ -n ji-a 'nɩ-ɩ? N -ji -mɔ -n glɩnɩ-a. -Lagɔɔ 'nyize -lɔ -ɔ 'bhö-ö -ma -Lagɔ yawʋ mɔ -n glɩnɩ -bha!” 35'N Zezwi ji-a 'jinylozuzuko 'wliyawʋ 'kpönɩ. Ɔ nɛ: “Zʋ ngo yɛ, 'bhö-ö -sɩka'a nɩkpɛ -la -gömö!” 'N a jio-o -bha nɩkpa 'bhuoo 'jibada sɛ bhlɩ, a 'nɩɔ-ɔ yakalɩ 'mö palɩ 'n a jio-a -gömö 'bhö-ö. 36-Wa bhuo-o su la-a -bha ngli-i mönʋa-a tenyi. 'N wa 'jɩbhajɩbhanɩ-a ngli naa: “'Wuë, wɛlɩɛ -mɩ-ɛ 'mö-ö -la 'nɩ? Nɩkpɛ -la 'mö ɔ 'tɛ-ɛ, 'jinylozuzuku ɔ nyɛ-a 'dɩ naa ɩ 'bhö-ö nɩkpa -gömö, 'n ɩ zʋ-ɔ -bha ɔ wɛlɩ.” 37'N Zezwie 'nglɩ ji-a Galilee dʋdʋ 'bhuo -gömö 'ji bhɩa.
Zezwi yɛ Piɛlɩɛ 'wʋtanglɔ göpö
38Zezwi 'wlʋ-ɔ -ma -Lagɔbudu'u, 'n ɔ ji-e -ma Simoo 'ligbë'ë mö. Ɔ nyini-e -ma, Simoo 'wʋtanglɔ ka yakalɩ ku'u. 'N wa jio-a -bɛlɩ 'pa naa ɔ göpöɔ. 39Wa gba-a -sɩbha ɔ de, 'n Zezwi ji-e -bha nglɔ la'a 'wlumö sɛ nyini, ɔ 'nyɛ-a yakalɩ 'dɩ, 'n yakalɩ jio-a -gömö bhɩa. -Bha -gaganɩlɩ'ɩ ɔ -sɔ-a 'wʋ, 'n ɔ jua-a 'wʋ pi.
40'Ylʋzalʋ bhli-a, nɩkpa bhuo -wa ka la-a guzungwa yawʋ, 'n wa jua-a Zezwi -la. -Sa gwi -wʋʋa-a 'lɩbha 'le -bhlʋ -bhlʋ, -sɩbha ɔ zʋa-a kɔtɩkpö -gömö 'n ɔ ji-a wa 'bhuo -göpö. 41Nɩkpaa -bɛ -wa ka la-a 'jinylozuzuku -gömö 'n ɩ jua-a -gömö 'bhö-ö. Ɩ -kʋa -gömö 'bhö-öö ji-e, 'mö ɩ kpö -bha 'n ɩ nʋ-a: “-Lagɔɔ Gu -n glɩnɩ -bha!” Ɩ -yɛ -sɩbha gba 'n Zezwi 'kpönɩɩ-a 'wliyawʋ, ɔ'ɔ -sɩɩ cɛ yawʋ ɩ 'yɛ 'mö -sanɩ. -Wʋʋ yɛ-a, ɩ -ji sɛ naa Puanyɔ -ɔ -Lagɔ -sa-a -bha 'mɔ ɔ glɩnɩ -bha.
Zezwi yɛ -ma Kapɛnaɔmö 'wʋ -sɔ
42Zlɩ zɩ-a, 'n ɔ ji-a yawʋdobhle -bhlʋ 'klʋ mö. Nɩkpaa -zakpö 'namɔ-a, 'n wa jio-o -ma ghlɩ. Wa yɩlɩɔ-a, wa'a la-a 'mö 'jɩbha ɔ 'yɛ mö, wa 'jɩbha la ɔ 'yɛ -ma sɛ glɩ-ɩ. 43Zezwi nɛ -bha wa de naa: “'Bhëbhë, -ma -gwlɩ -mɩmɩɛ -gömö n ji-a möö n 'yɛ 'yɛ -nɩ -maa nɩkpa -Lagɔɔ 'tɩtɩɛ -tɩtɩ -sanɩ, ɩ yɛ -Lagɔ tia'a -bha.” 44'N ɔ ji-a mö, -ma Galilee dʋdʋ -gömöö -Lagɔbudi 'bhuo 'mö, 'n ɔ ji-e -ma -Lagɔwɛlɩ gbanɩ.
Currently Selected:
LWIKÖÖ 'BƆGƲ 4: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
LWIKÖÖ 'BƆGƲ 4
4
Sata yɛ -ma Zezwi 'pa
1Zuzu 'Wlawla ye-e -ma Zezwie dlɩ zɔmö ɔ 'bhö-ö -ma Zludɛ yawʋ, 'n ʋ jio-o -ma 'mïsekpa 'klʋ kwa. 2Ɔ -sa-a -ma 'ylɩɛ gwlɩ 'sɔ. 'Mɩ 'ylɩɛ gwlɩ la'a 'sɔ 'mö ɔ'ɔ li, 'n Sata jio-o -ma 'pa. Ɩ 'plɩ-a 'bhë, 'n ngɔmʋ jio-a 'lɩbha. 3Sata nɛ -bha ɔ de naa: “-N -yɛ 'dɛdɛ'ɛ -Lagɔɔ 'Gu glɩnɩ, gba kpöako -la 'yɛ 'fʋlo zʋ -n 'yɛ li.” 4Sata gba-a sa'a, Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa: Nɩkpɛ 'na lilie 'bhëë 'nyizee yɛ -bhlɩ.”
5'N Sata jio-a 'wʋ 'libhï, 'n a -nyɔɔ ji-e -ma -gɔgɔgbʋ 'kadʋ -bhlʋɔ 'klʋ mö. 'N a jio-o -bha -gaganɩlɩ'ɩ ma'a 'pɩ 'wʋɔ -gwlɩ 'bhuo 'ji tuluanɩ. 6A nɛ -bha ɔ de naa: “-Gwlɩ la'a bhuo -n jɩnɩ-ɛ -la 'wʋ, -amö wa 'nyɩ-a 'ye, -mɔ n -yɛ 'jɩbha 'mɔ n nyɩ-a 'ye. 7-N -yɛ -bha na dlɩ'ɩ -kokomunigbö glu 'pa -n ka'a bʋbɔ-ɔ, ɩ 'bhuo -na -li -bha.” 8Sata gba-a -sɩbha Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
Bʋbɔ -na Nyininyɔ -Lagɔ -bhlʋ 'tɩ.”
9Zezwi 'nyɛ-ɛ sa'a Sata 'dɩ, 'n a jio-a 'wʋ 'libhï 'sɔ, 'n a -nyɔɔ ji-e -ma Zelwizalɛmö mö, 'n a jio-o -ma -Lagɔbudu 'kadʋɔ 'gëdleyi 'ji sɛ zʋ. A nɛ naa: “-N -yɛ 'dɛdɛ'ɛ -Lagɔɔ 'gu glɩnɩ-ɛ, 'pa -najɩ zɔmö. 10-Wʋʋ 'yɛ-a, sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
-Na yɛ -Lagɔ ji-a ʋ zuzuku 'dɩ 'nyɛɛ ɩ -kamö 'ji zʋ.
11Cɛ'ɛ ɩ -jimö-a -suo na kple ji-e kpiyi gozoo yɛ.”
12A gba-a sa'a Zezwi nɛ:
“Sa'a ɩ 'cɛlɩɔ-ɔ 'yɛ-ɛ sa'a -nɩ -ma -Lagɔwɛlɩɛ 'bɔgʋ 'mö naa,
-nn jɩla -na Nyininyɔ -Lagɔ 'mö -nɩ.”
13Sata 'pɔ-ɔ -ma kplokplo, a -li 'nɩ-ɛ 'wʋ 'plɩ, 'n a jio-o -bhla yawʋ 'bhö-ö, de -mɩmɩ -yɛ nyini 'bhë a 'kɔ -ma -pa kwla'a ji 'sɔ.
Zezwi yɛ ɔ -Lagɔlibho tɛ-ɛ
14-Lagɔɔ Zuzuo 'mötɛnɔ-ɔ Zezwi -gömö 'n ɔ ji-e -ma Galilee dʋdʋ -gömö nimï mö. 'N ɔ 'nglɩ ji-e -maa -gwlɩ 'bhuo -gömö 'ji bhɩa. 15-Maa -Lagɔbudi 'bhuoo 'mö ɔ panɩ-a -Lagɔwɛlɩ ngli, 'n nɩkpa 'bhuo sa-a ɔ 'dɩɛ dɩ.
Wa'a-a -ma Nazalɛtɩ Zezwi 'wʋ nglu
16'Ylɩ -bhlʋ, -ma Nazalɛtɩ ma Zezwi 'ghlimanɩ la-a, -ma ɔ mö-a nimï. -Gwlɛnɩzlɩ nyini-a, 'n ɔ ji-e -ma -Lagɔbudu'u mö sa ɔ nʋ la-a 'kɩ. 'N ɔ ji-a 'wʋ -sɔ ɔ 'yɛ -Lagɔwɛlɩɛ 'bɔgʋ 'möö 'köbhë -bhlʋ zɛlɩɛ yɛ. 17'N wa jio-a -Lagɔɔ 'mögbanɩnyɔ Ezayie -Lagɔbɔgʋ 'ye 'nyɛ. Ɔ kalʋ-a 'wʋ, wɛlɩköbhë ɔ ghlɩ-ɛ -ma, ma-a -yɛ-a naa:
18“-Lagɔɔ Zuzu wʋ'ʋ-a -gömö,
-Lagɔ sa'a-a -bha n 'yɛ ngazɩngwa 'tɩtɩɛ -tɩtɩ kwa.
Mʋ-ʋ tia'a -bha, -waa dlɩa -wʋ-a jili 'le n 'kʋa dlɩ 'wʋ pupua.
19N 'yɛ -diengwa 'dɩ -sanɩ naa,
wa -die yɛ bhɩa 'bhë.
N 'yɛ 'lɔkpɔlɔkpɔngwaa 'jie kalɩ.
Nɩkpa la'a wa -wʋ-a 'zwɩ zia 'le n 'kʋa 'zwɩ 'mö -sa.
Mʋ-ʋ tia'a-a -bha n 'yɛ nɩkpa 'bhuo 'dɩ 'nyɛ naa:
La -Lagɔ ji-a nɩkpaa de ngazɩdlɩ 'panɩɛ
-bha yɛ nyini 'bhë.”
20Ɔ -gba-a 'bɔgʋ 'wʋ, 'n ɔ jiʋ-o -ma -Lagɔbudu'uo nyɩgbajʋlʋ 'ye 'nyɛ, 'n ɔ ji-a sɛ glɩ-ɩ. -Wa bhuo-o su la-a -ma -Lagɔbudu'u -sɩbha wa jɩlɔ-a -zipaa.
21Zezwi nɛ -bha wa de naa: “-Lagɔwɛlɩɛ 'bɔgʋ 'möö wɛlɩköbhë a 'nʋ-ɔ la'a, a yɛ -zɩnɩ'ɩ 'wʋ 'wlenɩ 'bhë.” 22-Wa bhuo-o su la-a -ma, ɔ wɛlɩɛ 'jinanɩ yɛ wa-a la'a ɔ 'dɩɛ dɩ -sa 'le. 'N wa 'jɩbhajɩbhanɩ-a ngli naa: “La ɔ -sa-a 'mö-a -nɩ wɛlɩɛ -wɛlɩ -mɩ -la -sa 'nɩ? Zozɛföö 'gu mɔ-ɔ 'nɩ bhe -la -wʋ-ɔ?” 23Zezwi nɛ -bha wa de naa: “Nine la'a 'ma a ji'i-e -sɩka'a 'panɩɛ naa, göpögöpönyɔ göpö -najɩ, bhatɩ la'a 'bhuo -n nʋ-ɔ -ma Kapɛnaɔmö nɛ -ɩɩ dɩ -a 'nʋ-a, nʋɩ ma'a -na 'bhëë 'bhiglɔ'ɔ -a 'kɩ yɩlɩ. 24'Dɩɛ -dɩ n nyɛya-a naa, -Lagɔɔ 'mögbanɩnyɔ -bhlʋɔ 'bhëë wɛlɩ 'nɩ -ma ɔ 'bhiglɔ'ɔ 'wʋ 'wɔlʋnʋ. 25'Dɛdɛ'ɛ -Lagɔɔ 'mögbanɩnyɔ Elie do'o, la 'nyizako 'nɩ-a 'ylʋbö ta 'köbhë 'mö lɩbhanɩ, 'n dʋdʋkpata 'bhuoo -gömö ngɔmʋ 'kadʋ ji-e -ma ji-e, -bhaa do'o -ma Izlayɛlɩɛ dʋdʋ -gömö 'kuzlengwlɩɛ -bɛ-ɛ la -ma. 26Ɩ -wʋ-ɔ -sɩbha 'bhë, -Lagɔ 'nɩ-ɛ Eli -ma wa gla'aa 'kuzlenglɔ -bhlʋɔ 'bhëë 'bhɛyɩ tia, 'n ɛ nɩ -ma Sidɔɔ dʋdʋ -gömöö -glɔ wa la-a Salɛtaa 'kuzlenglɔ -bhlʋ glɩnɩ. 27-Sɩbha -Lagɔɔ 'mögbanɩnyɔ Elizee do'o 'yɛ, 'lalʋlɩbhangwaa -bɛ -wʋ la-a -ma Izlayɛlɩɛ dʋdʋ -gömö, 'bhë wa gla'aa -kakabɛ 'nɩ-ɛ 'pʋ, 'n ɛ nɩ Silie dʋdʋ -gömöö 'lalʋlɩbhanyɔ wa la-a Naama glɩnɩ.”
28Wa 'nʋ-a wɛlɩ la'a sa wa 'bhuo -di-a 'wʋ yʋlʋ wa 'pa-a tenyi. 29Wa -sɔ-a 'wʋ, 'n wa -nyɔɔ ji-a gbë 'mö 'wlʋ. -Gɔgɔgbʋ -ʋʋ 'klʋ wa 'gbë glɩ la-a, 'n wa -nyɔɔ ji-e -ma ʋ 'gëdleyi 'ji mö wa 'kɔ zɔmö 'paa yɛ. 30Wa -nyɔɔ nyini-e -ma, Zezwi 'plɩnɩ-ɛ -bha wa nyɩdɩ 'n ɔ ji-a mö.
Zezwi yɛ nɩkpaa -bebe göpö
31Zezwi 'bhö-ö -ma Nazalɛtɩ, -ma Galilee dʋdʋ -gömöö -glɔ wa la-a Kapɛnaɔmö, 'n ɔ ji-e -ma nimï mö. -Gwlɛnɩzlɩ nyini-a , ɔ mö-ö -ma -Lagɔbudu'u 'n ɔ ji-a nɩkpa -Lagɔwɛlɩ ngli 'pa. 32Nɩkpa bhuo -wa pönɩɔ-a 'yukwli, ngli ɔ nglipalɩ mönʋa-a tenyi, -wʋʋ yɛ-a, nɩkpɛ -ɔ -Lagɔ tia-a -ɔ ʋ 'nyɛ-a gba 'kadaa swɩ ɔ -sanɩ-a 'mö. 33-Ma -Lagɔbudu la'aa 'mö nɩkpɛ -bhlʋ -wʋ-ɔ -ma, 'jinylozuzuko ɔ ka la-a -gömö. 'N ɔ ji-a 'mö 'kpö tenyi. 34Ɔ nɛ naa: “Nazalɛtɩɛ Zezwi, 'manɩ -a -nyɛmö ka-a nyɩdɩ 'nɩ? -N -kaya sɛ -saa yɛ -n ji-a 'nɩ-ɩ? N -ji -mɔ -n glɩnɩ-a. -Lagɔɔ 'nyize -lɔ -ɔ 'bhö-ö -ma -Lagɔ yawʋ mɔ -n glɩnɩ -bha!” 35'N Zezwi ji-a 'jinylozuzuko 'wliyawʋ 'kpönɩ. Ɔ nɛ: “Zʋ ngo yɛ, 'bhö-ö -sɩka'a nɩkpɛ -la -gömö!” 'N a jio-o -bha nɩkpa 'bhuoo 'jibada sɛ bhlɩ, a 'nɩɔ-ɔ yakalɩ 'mö palɩ 'n a jio-a -gömö 'bhö-ö. 36-Wa bhuo-o su la-a -bha ngli-i mönʋa-a tenyi. 'N wa 'jɩbhajɩbhanɩ-a ngli naa: “'Wuë, wɛlɩɛ -mɩ-ɛ 'mö-ö -la 'nɩ? Nɩkpɛ -la 'mö ɔ 'tɛ-ɛ, 'jinylozuzuku ɔ nyɛ-a 'dɩ naa ɩ 'bhö-ö nɩkpa -gömö, 'n ɩ zʋ-ɔ -bha ɔ wɛlɩ.” 37'N Zezwie 'nglɩ ji-a Galilee dʋdʋ 'bhuo -gömö 'ji bhɩa.
Zezwi yɛ Piɛlɩɛ 'wʋtanglɔ göpö
38Zezwi 'wlʋ-ɔ -ma -Lagɔbudu'u, 'n ɔ ji-e -ma Simoo 'ligbë'ë mö. Ɔ nyini-e -ma, Simoo 'wʋtanglɔ ka yakalɩ ku'u. 'N wa jio-a -bɛlɩ 'pa naa ɔ göpöɔ. 39Wa gba-a -sɩbha ɔ de, 'n Zezwi ji-e -bha nglɔ la'a 'wlumö sɛ nyini, ɔ 'nyɛ-a yakalɩ 'dɩ, 'n yakalɩ jio-a -gömö bhɩa. -Bha -gaganɩlɩ'ɩ ɔ -sɔ-a 'wʋ, 'n ɔ jua-a 'wʋ pi.
40'Ylʋzalʋ bhli-a, nɩkpa bhuo -wa ka la-a guzungwa yawʋ, 'n wa jua-a Zezwi -la. -Sa gwi -wʋʋa-a 'lɩbha 'le -bhlʋ -bhlʋ, -sɩbha ɔ zʋa-a kɔtɩkpö -gömö 'n ɔ ji-a wa 'bhuo -göpö. 41Nɩkpaa -bɛ -wa ka la-a 'jinylozuzuku -gömö 'n ɩ jua-a -gömö 'bhö-ö. Ɩ -kʋa -gömö 'bhö-öö ji-e, 'mö ɩ kpö -bha 'n ɩ nʋ-a: “-Lagɔɔ Gu -n glɩnɩ -bha!” Ɩ -yɛ -sɩbha gba 'n Zezwi 'kpönɩɩ-a 'wliyawʋ, ɔ'ɔ -sɩɩ cɛ yawʋ ɩ 'yɛ 'mö -sanɩ. -Wʋʋ yɛ-a, ɩ -ji sɛ naa Puanyɔ -ɔ -Lagɔ -sa-a -bha 'mɔ ɔ glɩnɩ -bha.
Zezwi yɛ -ma Kapɛnaɔmö 'wʋ -sɔ
42Zlɩ zɩ-a, 'n ɔ ji-a yawʋdobhle -bhlʋ 'klʋ mö. Nɩkpaa -zakpö 'namɔ-a, 'n wa jio-o -ma ghlɩ. Wa yɩlɩɔ-a, wa'a la-a 'mö 'jɩbha ɔ 'yɛ mö, wa 'jɩbha la ɔ 'yɛ -ma sɛ glɩ-ɩ. 43Zezwi nɛ -bha wa de naa: “'Bhëbhë, -ma -gwlɩ -mɩmɩɛ -gömö n ji-a möö n 'yɛ 'yɛ -nɩ -maa nɩkpa -Lagɔɔ 'tɩtɩɛ -tɩtɩ -sanɩ, ɩ yɛ -Lagɔ tia'a -bha.” 44'N ɔ ji-a mö, -ma Galilee dʋdʋ -gömöö -Lagɔbudi 'bhuo 'mö, 'n ɔ ji-e -ma -Lagɔwɛlɩ gbanɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996