MALƖKÖÖ 'BƆGƲ 15
15
Wa yɛ Zezwi -ma Pilatɩ dlɩ'ɩ kwa
1Zlɩ zɩ-a, ɛ -papapii, 'n -Lagɔbʋbɔngwaa 'bhitɩbhangwa-a, nɩkpazɔgblʋɩ-ɛ, -Lagɔɔ gböö nglipangwa -yɛ -zijlitungwa 'bhuo 'sɔ ji-a 'wlu 'titanɩ, 'n wa ji-a yɩlɩ pla. Wa bhɩa-a 'ji, wa gwa-a Zezwi, 'n wa jio-o -ma -gwlɩnyininyɔ 'kadɔ Pilatɩ dlɩ'ɩ kwa.
2Wa -nyɔɔ nyini-e -ma, 'n Pilatɩ jio-a ngli 'jɩbha, ɔ nɛ naa: “-Nmö -yɛ-a 'zwiföaa dʋdʋnyininyɔ-ɔ?” Zezwi nɛ naa: “'Mɩ -na 'bhë gba-a -la.” 3-Bha Pilatɩ 'ji 'klʋ, 'n -Lagɔbʋbɔngwaa 'bhitɩbhangwa jio-a 'jinylɔkïbhïë -bɛ -gömö 'pa. 4'N Pilatɩ jio-a ngli 'jɩbha 'sɔ, ɔ nɛ naa: “-Nn -dɩ gbʋ 'nɩ-ɩ? Yie wɛlɩɛ -bɛ wa -wʋmö-a 'wʋ kwa 'le -nn -gömösaköbhë -ka-a?” 5Zezwi 'nɩɔ 'mö-a ngo'o palɩ, ngli ɩ möna-a Pilatɩ.
Wa nɛ wa kʋnʋ Zezwi su 'klʋ
6Sa 'ylʋba bhɩa-a, gïyikwlaa 'möwlʋpɩpɩ -yɛ bhɩa, nɩkpɛ -ɔ 'zwiföaa pa-a 'nglɩ, 'mɔ Pilatɩ sa la-a -die 'mö 'kɔmʋʋ. 7'Ma 'ylʋba la'aa 'mö, nɩkpa -wa -wʋ-a 'bhugwie ghayɩ 'pa 'le 'n wa ji-a 'kuë 'lɩbha, 'mʋa wa 'pa la-a -die 'mö. Nɩkpɛ -bhlʋ wa la-a Balabasɩ, ɔ-ɔ la -ma wa nyɩdɩ. 8'N nɩkpaa -zakpa ji-e -bha Pilatɩ ghlɩ. Gïyikwlaa 'möwlʋpɩpɩ -yɛ bhɩa, sa ɔ sa la-a nɩkpɛ -bhlʋ -die 'mö, ɔ 'yɛ -sɩbha nʋɔ yɛ. 9'N Pilatɩ jua-a ngli 'jɩbha naa: “'Zwiföaa dʋdʋnyininyɔ 'mɔ a 'jɩbha-a n 'yɛ 'ji 'tati 'nɩ-ɩ?” 10-Wʋʋ yɛ ɔ gba-a -sɩbha, ɔ -ji la sɛ dlɩyawʋnyunoswɩ'ɩ -Lagɔbʋbɔngwaa 'bhitɩbhangwa zʋ la-a Zezwie yɛ -bha. 11'N -Lagɔbʋbɔngwaa 'bhitɩbhangwa ji-a nɩkpaa -zakpa la'a wɛlɩ ngli 'pa naa, wa nʋ Pilatɩ 'sibha Balabasɩ yɛ, ɔ 'na-a 'tati Zezwi 'ji -nɩ. 12Pilatɩ nɛ naa: “A nʋ-a n 'sibha Balabasɩ yɛ-ɛ, Zezwi -mɔ a la-a la'a 'zwiföaa dʋdʋnyininyɔ, sa n jio-o 'mö-a 'mö köbhaköbhanɩɛ 'nɩ?” 13'N wa ji-a 'mö 'kpö. Wa nɛ: “Kʋnʋɔ -bha su 'klʋ!” 14Pilatɩ nɛ: “'Manɩɛ yɛ-a 'nɩ? 'Jinylolie -mɩ ɔ nʋ-a 'nɩ?” Ɔ 'jɩbhʋa-a sa'a ngli, 'mɩɛ 'bhë wa nyla-a tenyi, 'n wa nʋ-a: “Kʋnʋɔ -bha su 'klʋ!”
15Wa gba-a -sɩbha wa dlɩa 'yɛ 'mö jie yɛ, 'n Pilatɩ ji-a Balabasɩ -die 'mö -sa. 'Bhë 'n ɔ jua-a Zezwi 'ye 'nyɛ, wa 'kɔ 'sɛlɩ, 'bhë wa 'kɔ su 'klʋ kʋnʋ.
'Slʋja yɛ Zezwi 'zwɩ zia
16'Slʋja 'libhï-a Zezwi 'wʋ, 'n wa -nyɔɔ ji-e -ma -gwlɩnyininyɔɔ 'ligbë -nyɩdɩ nyini. Wa wɔzɩ-a wa lislʋja 'bhuo, 'n wa jio-a 'wʋ binɩ. 17Wa -sɔɔ-a ɔ -banɩ 'mö, 'n wa jio-a -banazala 'kada 'mö 'pa. Sɛmöwiee klo'o wa lɩbha-a, 'n wa jio-a 'wlu 'mö -sulua. 18'N wa bhalɩɔ-a glapalɩswɩ'ɩ, 'n wa nʋ-a: “'Zwiföaa dʋdʋnyininyɔ, -ayo -ka, -na nyɔmʋ zumanɩ.” 19Wa -kɔɔ 'gakokwa 'wliyawʋ 'sɛnɩ, 'n wa ngʋnɔ-a -dlɛ -gömö. Sa wa'a la'a -bhazʋswɩ'ɩ -bha dʋdʋnyininyɔ dlɩ'ɩ -kokomunigbö glu 'pa, 'n wa pɩ-ɛ -sɩbha -bha ɔ dlɩ'ɩ glu. 20Wa palɩɔ-ɔ -sɩbha gla 'bhë, wa -sɔɔ-a -banazala 'kada la'a 'mö, wa 'pɔ-a ɔjɩɛ -li 'mö 'sɔ, 'n wa -nyɔɔ ji-a mö, wa 'kɔ su 'klʋ kʋnʋɔ yɛ.
Wa yɛ Zezwi su 'klʋ kʋnʋ
21Wa -yɛ Zezwi-e mö 'le, nɩkpɛ -bhlʋ wa la-a Simo, ɔ 'bhö-ö 'kwla 'mö, 'n wa -nyɔɔ ji-a gbënɩ. -Glɔ wa la-a Silɛnɩ, -maa nɩkpɛ -bha. Nɩkpa wa la-a Alɛzadlɩ -yɛ Wlufisɩ 'sɔ, wa -tɩbha la-a -sɩbha. 'N 'slʋja jio-a -glaswɩ'ɩ köbha naa, ɔ -su Zezwie 'klʋkʋnʋsu. 22Wa -yɛ Zezwi mö-a, bhle -aa 'wʋ wa kɔ-a, a nglɩ-ɩ -yɛ-a Gɔlʋgota. Ɩ zɔmö-ö -yɛ-a 'wlukɔfʋ.
23Wa nyini-e -ma, suo 'nyu wa la'a Milɩ-ɛ, 'mʋ wa 'dɔbɔnʋ-a nʋ 'mö, wa 'nyɔ-a ɔ 'kʋ 'nɩmaa yɛ, ɔ 'nʋ-ʋ -nɩ 'nɩma. 24Wa 'libhïo-a 'wʋ, 'n wa jio-a su 'klʋ kʋnʋ. 'N wa ji-a -nɩgbɩ 'pa, -wa ji-a ɔ -banɩ ghlɩɛ -bhlʋ -bhlʋ wa 'kʋa -jie yɛ. 25Zɩgbadlɩglie -ngbïmʋna 'mö wa kʋnʋɔ-ɔ -sɩbha su 'klʋ. 26Su wa kʋnʋɔ-a 'klʋɔ ghayɩde, -ɩ ka-a 'nglɩ 'n wa jio-a 'lɩbha, 'mɩ wa 'cɛlɩ-ɛ -bha supɩa -bhlʋ 'klʋ naa: “Nɩkpɛ la'a 'zwiföaa dʋdʋnyininyɔ -bha.” 27La wa kʋnʋ-a Zezwi su 'klʋ-ɔ, 'kulɩbhangwa 'sɔ wa kʋnʋ 'yɛ-a -nɩ swi 'klʋ. -Bhlʋ tʋnʋ -ma ɔ linɩkpɛsɔ 'mö, -mɔbha tʋnʋ -ma ɔ kɔpɛsɔ 'mö. [ 28-Ma -Lagɔwɛlɩɛ 'bɔgʋ 'mö wɛlɩ -ɩ 'cɛlɩɔ-ɔ -ma naa:
“'Kulɩbhanyɔɔ swɩ'ɩ wa jio-a köbha,”
mɩ-ɩ 'wlenɩ-ɛ la'a 'wʋ.]
29La Zezwi 'kʋnʋɔ-a su 'klʋ, nɩkpa -wa 'plɩnɩ-ɛ -bha -kɔɔ yɩlɩ-ɛ, ngu wa kplisinɩɔ -bha 'n wa biti-a 'wlukpli, 'n wa nʋ-ɔ -bha ɔ de: “Yɩlɩ ma'a, -nmö nʋ la-a -n ji -Lagɔbudu 'kadʋ wla, 'bhë 'ylɩ ta 'mö -n 'yɛ -bha ʋ 'bhle 'wʋ -mʋmʋ 'nɩgbanɩ-ɛ, -nmö 'nɩ bhe -la -wʋ? 30Pua yɩ -najɩ, 'bhö-ö -bha su 'klʋ -n 'yɛ sɛ 'sibhë.” 31-Sɩbha -Lagɔbʋbɔngwaa 'bhitɩbhangwa -yɛ -Lagɔɔ gböö nglipangwa 'sɔ -wʋɔ 'yɛ la-a -nɩ gla palɩ 'le. Wa nɛ naa: “Ɔ yɛ nɩkpaa -bɛ pua 'bhë, ɔ'ɔ ɔjɩɛ puapue bhɛlɩ. 32Mɔ-ɔ glɩnɩ-ɛ 'mö-a Puanyɔ -ɔ -Lagɔ -sa-a -bha, Izlayɛlɩɛ dʋdʋnyininyɔ 'nɩɩ, ɔ 'bhö-a 'mö -bha su 'klʋ ɔ 'yɛ sɛ 'sibhë -a -kɔɔ yɩlɩ 'bhë -a 'kɔ dlɩ 'wʋ -ka.” 'Kulɩbhangwa la'a 'sɔ -wa 'kʋnʋɔ la-a -bha ɔ yawʋ swi 'klʋ, sa wa sɔ 'yɛ-a -nɩ 'gamö.
Zezwie nyɔmʋ yɛ -ma bhɩa
33'Ylʋ glɩ jije 'wʋ, 'n 'misikpoko ji-a dʋdʋkpata 'bhuoo -gömö köbha, a -sa -bha 'glie ta. 34-Dudoglie ta nyini-a, 'n Zezwi ji-a 'mö 'kpö, ɔ nɛ: “Eloyi, Eloyi, lɛma sabatani.” Ɩ zɔmö-ö -yɛ-a naa: “-Atʋ -Lagɔ, -Atʋ -Lagɔ, 'manɩɛ yɛ -n tɩ'ɩ-ɛ -bha 'nɩ?” 35Zezwi 'kpö-a 'mö, nɩkpa -wa -wʋ la-a -bhaa gla'aa -mʋmʋa nɛ: “A pönɩ 'yukwli, ɔ-ɔ Eli wɔzɩ 'le.” 36Wa gla'aa nɩkpɛ -bhlʋ 'libhï-a sɛcɛ 'wʋ, 'n ɔ ji-a 'fuko -ma zɛzɛnʋ 'mö -ngwa kwla'a mö. Ɔ -nyaa ji-a, ɔ gla-a -bha 'gakokwa 'ji-e, 'n ɔ jia-a Zezwi ngo'o zʋ, ɔ 'ka 'mö ngʋngɔnʋ ɔ 'yɛ 'nɩmaa yɛ. Ɔ nɛ naa: “A nglu, 'n Eli -kɔɔ -bha su 'klʋ -sa kwla'a jie jie yɛ, -a 'kɩ yɩlɩ.” 37Zezwi 'kpö-a 'mö tenyi, 'n ɔ ji-a nyɔmʋ sɛ zʋ. 38-Ma -Lagɔbudu 'kadʋ 'mlɩɛ köbhë -aa 'mö -Lagɔbʋbɔnyɔ 'kadɔɔ 'nyize pla-aa ngo'oo lokwi 'kadɛ wa -gbanɩ-ɛ -bha, 'n ɛ ji-a 'pɩ 'sɔ 'mö wʋlɔ, tɛnɩ -ma ghayɩ -n 'yɛ zɔmö nyini. 39'Slʋjaa 'bhitɩbha yɩlɩ-a ɔ tlɩtlɩlɩ 'wʋ-ɔ, ɔ nɛ naa: “Nɩkpɛ -la 'dɛdɛ'ɛ ɔ glɩnɩ la-a -Lagɔɔ Gu.”
40Ngwlɩ -mʋmʋa-a -wʋ la-a -bha, wa 'nɩgbö -ma 'yu, 'n wa -wʋ la-a 'jɩla 'le. -Ma wa gla'a, Magödalaa 'gbë 'möö 'ylugu Mali-e, Zakö 'kikeyi -yɛ Zoze 'sɔɔ -da Mali-e, wa -yɛ Salome 'sɔ 'n wa -wʋ la-a -ma. 41La do'o Zezwi -wʋ la-a -bhla -ma Galilee -gwlɩ yawʋ-ɔ, ngwlɩ la'a mʋa-a -ganɩɔ la-a, 'n wa pio-a 'wʋ. 'Ngwlɩɛ -bebe -mʋmʋa, -wa -nyɔɔ 'sɔ 'bhönɩ-ɛ -ma Galile, 'n wa ji-e -ma Zelwizalɛmö ji-e, wa-a la 'yɛ -bha -nɩ.
Wa yɛ Zezwie -gazɛ zʋ
42Zlɩ -ɛɛ 'mö Zezwi tlɩ-a ɛ -dudo'o, -bha -yɛ la-a 'zwiföa 'bhuoo -lie göganɩzlɩ. -Wʋʋ yɛ-a, zlɩ -yɛ zɩ, wa -gwlɛnɩzlɩ la -bha. 43Ɩ yɛ 'n Zozɛfö -ɔ glɩnɩ-a -zijlitungwa 'kadɩɛ gla'aa nɩkpɛ -ɔ wa zʋ-ɔ -bha ji-a ji. Ɔ zʋ-ɔ -ma nyɩbhɛlʋdlɩ, 'n ɔ ji-a Pilatɩ Zezwie -gazɛ 'jɩbhanɩ kwla'a mö. 'Mɔ nɩkpɛ la'a, -glɔ wa la-a Alimate, -maa nɩkpɛ-ɛ -sɩbha. -Lagɔɔ nyininyinipɩ ɔ -wʋ 'yɛ la-a -nɩ -kʋ 'le 'gamö. 44Ɔ ghlɩ-ɛ -ma Pilatɩ ɔ 'jɩbhanɩɔ-a Zezwie -gazɛ-ɛ, bhleemö ɔ tlɩ-aa yɛ ngli-i möna-a Pilatɩ. Ɔ wɔzɩ-a 'slʋjaa 'bhitɩbha, 'n ɔ jio-a ngli 'jɩbha naa: “Ɔ -yɛ la tlɩ -bhaa 'bɩ yɛ 'mö gwlɛ-ɛ?” 45'Slʋjaa 'bhitɩbha slɛmanɩɔ-a dlɩ 'mö, 'n ɔ ji-a -gazɛ Zozɛfö 'ye 'nyɛ. 46Zozɛfö 'bhö-a lokwipʋpʋɛ pɩa kwla'a, 'n ɔ ji-a Zezwie -gazɛ -bha su 'klʋ -sa, ɔ 'pɛ-a 'mɛ lokwi la'a yawʋ-ɔ, lesikpa -a 'wluo-o -ma 'kpɩ 'mö, 'n ɔ jie-e -ma zʋ. Ɔ 'lusʋa-a kpiyi 'kadɛ 'n ɔ jie-e -bha ngo'o 'wʋ 'sunʋ. 47Magödalaa 'gbë 'möö Mali -yɛ Zozee -da Mali 'sɔ glɩ -bha, la Zozɛfö zʋ-a Zezwie -gazɛ 'n wa ji-e -bha yɩlɩ.
Currently Selected:
MALƖKÖÖ 'BƆGƲ 15: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
MALƖKÖÖ 'BƆGƲ 15
15
Wa yɛ Zezwi -ma Pilatɩ dlɩ'ɩ kwa
1Zlɩ zɩ-a, ɛ -papapii, 'n -Lagɔbʋbɔngwaa 'bhitɩbhangwa-a, nɩkpazɔgblʋɩ-ɛ, -Lagɔɔ gböö nglipangwa -yɛ -zijlitungwa 'bhuo 'sɔ ji-a 'wlu 'titanɩ, 'n wa ji-a yɩlɩ pla. Wa bhɩa-a 'ji, wa gwa-a Zezwi, 'n wa jio-o -ma -gwlɩnyininyɔ 'kadɔ Pilatɩ dlɩ'ɩ kwa.
2Wa -nyɔɔ nyini-e -ma, 'n Pilatɩ jio-a ngli 'jɩbha, ɔ nɛ naa: “-Nmö -yɛ-a 'zwiföaa dʋdʋnyininyɔ-ɔ?” Zezwi nɛ naa: “'Mɩ -na 'bhë gba-a -la.” 3-Bha Pilatɩ 'ji 'klʋ, 'n -Lagɔbʋbɔngwaa 'bhitɩbhangwa jio-a 'jinylɔkïbhïë -bɛ -gömö 'pa. 4'N Pilatɩ jio-a ngli 'jɩbha 'sɔ, ɔ nɛ naa: “-Nn -dɩ gbʋ 'nɩ-ɩ? Yie wɛlɩɛ -bɛ wa -wʋmö-a 'wʋ kwa 'le -nn -gömösaköbhë -ka-a?” 5Zezwi 'nɩɔ 'mö-a ngo'o palɩ, ngli ɩ möna-a Pilatɩ.
Wa nɛ wa kʋnʋ Zezwi su 'klʋ
6Sa 'ylʋba bhɩa-a, gïyikwlaa 'möwlʋpɩpɩ -yɛ bhɩa, nɩkpɛ -ɔ 'zwiföaa pa-a 'nglɩ, 'mɔ Pilatɩ sa la-a -die 'mö 'kɔmʋʋ. 7'Ma 'ylʋba la'aa 'mö, nɩkpa -wa -wʋ-a 'bhugwie ghayɩ 'pa 'le 'n wa ji-a 'kuë 'lɩbha, 'mʋa wa 'pa la-a -die 'mö. Nɩkpɛ -bhlʋ wa la-a Balabasɩ, ɔ-ɔ la -ma wa nyɩdɩ. 8'N nɩkpaa -zakpa ji-e -bha Pilatɩ ghlɩ. Gïyikwlaa 'möwlʋpɩpɩ -yɛ bhɩa, sa ɔ sa la-a nɩkpɛ -bhlʋ -die 'mö, ɔ 'yɛ -sɩbha nʋɔ yɛ. 9'N Pilatɩ jua-a ngli 'jɩbha naa: “'Zwiföaa dʋdʋnyininyɔ 'mɔ a 'jɩbha-a n 'yɛ 'ji 'tati 'nɩ-ɩ?” 10-Wʋʋ yɛ ɔ gba-a -sɩbha, ɔ -ji la sɛ dlɩyawʋnyunoswɩ'ɩ -Lagɔbʋbɔngwaa 'bhitɩbhangwa zʋ la-a Zezwie yɛ -bha. 11'N -Lagɔbʋbɔngwaa 'bhitɩbhangwa ji-a nɩkpaa -zakpa la'a wɛlɩ ngli 'pa naa, wa nʋ Pilatɩ 'sibha Balabasɩ yɛ, ɔ 'na-a 'tati Zezwi 'ji -nɩ. 12Pilatɩ nɛ naa: “A nʋ-a n 'sibha Balabasɩ yɛ-ɛ, Zezwi -mɔ a la-a la'a 'zwiföaa dʋdʋnyininyɔ, sa n jio-o 'mö-a 'mö köbhaköbhanɩɛ 'nɩ?” 13'N wa ji-a 'mö 'kpö. Wa nɛ: “Kʋnʋɔ -bha su 'klʋ!” 14Pilatɩ nɛ: “'Manɩɛ yɛ-a 'nɩ? 'Jinylolie -mɩ ɔ nʋ-a 'nɩ?” Ɔ 'jɩbhʋa-a sa'a ngli, 'mɩɛ 'bhë wa nyla-a tenyi, 'n wa nʋ-a: “Kʋnʋɔ -bha su 'klʋ!”
15Wa gba-a -sɩbha wa dlɩa 'yɛ 'mö jie yɛ, 'n Pilatɩ ji-a Balabasɩ -die 'mö -sa. 'Bhë 'n ɔ jua-a Zezwi 'ye 'nyɛ, wa 'kɔ 'sɛlɩ, 'bhë wa 'kɔ su 'klʋ kʋnʋ.
'Slʋja yɛ Zezwi 'zwɩ zia
16'Slʋja 'libhï-a Zezwi 'wʋ, 'n wa -nyɔɔ ji-e -ma -gwlɩnyininyɔɔ 'ligbë -nyɩdɩ nyini. Wa wɔzɩ-a wa lislʋja 'bhuo, 'n wa jio-a 'wʋ binɩ. 17Wa -sɔɔ-a ɔ -banɩ 'mö, 'n wa jio-a -banazala 'kada 'mö 'pa. Sɛmöwiee klo'o wa lɩbha-a, 'n wa jio-a 'wlu 'mö -sulua. 18'N wa bhalɩɔ-a glapalɩswɩ'ɩ, 'n wa nʋ-a: “'Zwiföaa dʋdʋnyininyɔ, -ayo -ka, -na nyɔmʋ zumanɩ.” 19Wa -kɔɔ 'gakokwa 'wliyawʋ 'sɛnɩ, 'n wa ngʋnɔ-a -dlɛ -gömö. Sa wa'a la'a -bhazʋswɩ'ɩ -bha dʋdʋnyininyɔ dlɩ'ɩ -kokomunigbö glu 'pa, 'n wa pɩ-ɛ -sɩbha -bha ɔ dlɩ'ɩ glu. 20Wa palɩɔ-ɔ -sɩbha gla 'bhë, wa -sɔɔ-a -banazala 'kada la'a 'mö, wa 'pɔ-a ɔjɩɛ -li 'mö 'sɔ, 'n wa -nyɔɔ ji-a mö, wa 'kɔ su 'klʋ kʋnʋɔ yɛ.
Wa yɛ Zezwi su 'klʋ kʋnʋ
21Wa -yɛ Zezwi-e mö 'le, nɩkpɛ -bhlʋ wa la-a Simo, ɔ 'bhö-ö 'kwla 'mö, 'n wa -nyɔɔ ji-a gbënɩ. -Glɔ wa la-a Silɛnɩ, -maa nɩkpɛ -bha. Nɩkpa wa la-a Alɛzadlɩ -yɛ Wlufisɩ 'sɔ, wa -tɩbha la-a -sɩbha. 'N 'slʋja jio-a -glaswɩ'ɩ köbha naa, ɔ -su Zezwie 'klʋkʋnʋsu. 22Wa -yɛ Zezwi mö-a, bhle -aa 'wʋ wa kɔ-a, a nglɩ-ɩ -yɛ-a Gɔlʋgota. Ɩ zɔmö-ö -yɛ-a 'wlukɔfʋ.
23Wa nyini-e -ma, suo 'nyu wa la'a Milɩ-ɛ, 'mʋ wa 'dɔbɔnʋ-a nʋ 'mö, wa 'nyɔ-a ɔ 'kʋ 'nɩmaa yɛ, ɔ 'nʋ-ʋ -nɩ 'nɩma. 24Wa 'libhïo-a 'wʋ, 'n wa jio-a su 'klʋ kʋnʋ. 'N wa ji-a -nɩgbɩ 'pa, -wa ji-a ɔ -banɩ ghlɩɛ -bhlʋ -bhlʋ wa 'kʋa -jie yɛ. 25Zɩgbadlɩglie -ngbïmʋna 'mö wa kʋnʋɔ-ɔ -sɩbha su 'klʋ. 26Su wa kʋnʋɔ-a 'klʋɔ ghayɩde, -ɩ ka-a 'nglɩ 'n wa jio-a 'lɩbha, 'mɩ wa 'cɛlɩ-ɛ -bha supɩa -bhlʋ 'klʋ naa: “Nɩkpɛ la'a 'zwiföaa dʋdʋnyininyɔ -bha.” 27La wa kʋnʋ-a Zezwi su 'klʋ-ɔ, 'kulɩbhangwa 'sɔ wa kʋnʋ 'yɛ-a -nɩ swi 'klʋ. -Bhlʋ tʋnʋ -ma ɔ linɩkpɛsɔ 'mö, -mɔbha tʋnʋ -ma ɔ kɔpɛsɔ 'mö. [ 28-Ma -Lagɔwɛlɩɛ 'bɔgʋ 'mö wɛlɩ -ɩ 'cɛlɩɔ-ɔ -ma naa:
“'Kulɩbhanyɔɔ swɩ'ɩ wa jio-a köbha,”
mɩ-ɩ 'wlenɩ-ɛ la'a 'wʋ.]
29La Zezwi 'kʋnʋɔ-a su 'klʋ, nɩkpa -wa 'plɩnɩ-ɛ -bha -kɔɔ yɩlɩ-ɛ, ngu wa kplisinɩɔ -bha 'n wa biti-a 'wlukpli, 'n wa nʋ-ɔ -bha ɔ de: “Yɩlɩ ma'a, -nmö nʋ la-a -n ji -Lagɔbudu 'kadʋ wla, 'bhë 'ylɩ ta 'mö -n 'yɛ -bha ʋ 'bhle 'wʋ -mʋmʋ 'nɩgbanɩ-ɛ, -nmö 'nɩ bhe -la -wʋ? 30Pua yɩ -najɩ, 'bhö-ö -bha su 'klʋ -n 'yɛ sɛ 'sibhë.” 31-Sɩbha -Lagɔbʋbɔngwaa 'bhitɩbhangwa -yɛ -Lagɔɔ gböö nglipangwa 'sɔ -wʋɔ 'yɛ la-a -nɩ gla palɩ 'le. Wa nɛ naa: “Ɔ yɛ nɩkpaa -bɛ pua 'bhë, ɔ'ɔ ɔjɩɛ puapue bhɛlɩ. 32Mɔ-ɔ glɩnɩ-ɛ 'mö-a Puanyɔ -ɔ -Lagɔ -sa-a -bha, Izlayɛlɩɛ dʋdʋnyininyɔ 'nɩɩ, ɔ 'bhö-a 'mö -bha su 'klʋ ɔ 'yɛ sɛ 'sibhë -a -kɔɔ yɩlɩ 'bhë -a 'kɔ dlɩ 'wʋ -ka.” 'Kulɩbhangwa la'a 'sɔ -wa 'kʋnʋɔ la-a -bha ɔ yawʋ swi 'klʋ, sa wa sɔ 'yɛ-a -nɩ 'gamö.
Zezwie nyɔmʋ yɛ -ma bhɩa
33'Ylʋ glɩ jije 'wʋ, 'n 'misikpoko ji-a dʋdʋkpata 'bhuoo -gömö köbha, a -sa -bha 'glie ta. 34-Dudoglie ta nyini-a, 'n Zezwi ji-a 'mö 'kpö, ɔ nɛ: “Eloyi, Eloyi, lɛma sabatani.” Ɩ zɔmö-ö -yɛ-a naa: “-Atʋ -Lagɔ, -Atʋ -Lagɔ, 'manɩɛ yɛ -n tɩ'ɩ-ɛ -bha 'nɩ?” 35Zezwi 'kpö-a 'mö, nɩkpa -wa -wʋ la-a -bhaa gla'aa -mʋmʋa nɛ: “A pönɩ 'yukwli, ɔ-ɔ Eli wɔzɩ 'le.” 36Wa gla'aa nɩkpɛ -bhlʋ 'libhï-a sɛcɛ 'wʋ, 'n ɔ ji-a 'fuko -ma zɛzɛnʋ 'mö -ngwa kwla'a mö. Ɔ -nyaa ji-a, ɔ gla-a -bha 'gakokwa 'ji-e, 'n ɔ jia-a Zezwi ngo'o zʋ, ɔ 'ka 'mö ngʋngɔnʋ ɔ 'yɛ 'nɩmaa yɛ. Ɔ nɛ naa: “A nglu, 'n Eli -kɔɔ -bha su 'klʋ -sa kwla'a jie jie yɛ, -a 'kɩ yɩlɩ.” 37Zezwi 'kpö-a 'mö tenyi, 'n ɔ ji-a nyɔmʋ sɛ zʋ. 38-Ma -Lagɔbudu 'kadʋ 'mlɩɛ köbhë -aa 'mö -Lagɔbʋbɔnyɔ 'kadɔɔ 'nyize pla-aa ngo'oo lokwi 'kadɛ wa -gbanɩ-ɛ -bha, 'n ɛ ji-a 'pɩ 'sɔ 'mö wʋlɔ, tɛnɩ -ma ghayɩ -n 'yɛ zɔmö nyini. 39'Slʋjaa 'bhitɩbha yɩlɩ-a ɔ tlɩtlɩlɩ 'wʋ-ɔ, ɔ nɛ naa: “Nɩkpɛ -la 'dɛdɛ'ɛ ɔ glɩnɩ la-a -Lagɔɔ Gu.”
40Ngwlɩ -mʋmʋa-a -wʋ la-a -bha, wa 'nɩgbö -ma 'yu, 'n wa -wʋ la-a 'jɩla 'le. -Ma wa gla'a, Magödalaa 'gbë 'möö 'ylugu Mali-e, Zakö 'kikeyi -yɛ Zoze 'sɔɔ -da Mali-e, wa -yɛ Salome 'sɔ 'n wa -wʋ la-a -ma. 41La do'o Zezwi -wʋ la-a -bhla -ma Galilee -gwlɩ yawʋ-ɔ, ngwlɩ la'a mʋa-a -ganɩɔ la-a, 'n wa pio-a 'wʋ. 'Ngwlɩɛ -bebe -mʋmʋa, -wa -nyɔɔ 'sɔ 'bhönɩ-ɛ -ma Galile, 'n wa ji-e -ma Zelwizalɛmö ji-e, wa-a la 'yɛ -bha -nɩ.
Wa yɛ Zezwie -gazɛ zʋ
42Zlɩ -ɛɛ 'mö Zezwi tlɩ-a ɛ -dudo'o, -bha -yɛ la-a 'zwiföa 'bhuoo -lie göganɩzlɩ. -Wʋʋ yɛ-a, zlɩ -yɛ zɩ, wa -gwlɛnɩzlɩ la -bha. 43Ɩ yɛ 'n Zozɛfö -ɔ glɩnɩ-a -zijlitungwa 'kadɩɛ gla'aa nɩkpɛ -ɔ wa zʋ-ɔ -bha ji-a ji. Ɔ zʋ-ɔ -ma nyɩbhɛlʋdlɩ, 'n ɔ ji-a Pilatɩ Zezwie -gazɛ 'jɩbhanɩ kwla'a mö. 'Mɔ nɩkpɛ la'a, -glɔ wa la-a Alimate, -maa nɩkpɛ-ɛ -sɩbha. -Lagɔɔ nyininyinipɩ ɔ -wʋ 'yɛ la-a -nɩ -kʋ 'le 'gamö. 44Ɔ ghlɩ-ɛ -ma Pilatɩ ɔ 'jɩbhanɩɔ-a Zezwie -gazɛ-ɛ, bhleemö ɔ tlɩ-aa yɛ ngli-i möna-a Pilatɩ. Ɔ wɔzɩ-a 'slʋjaa 'bhitɩbha, 'n ɔ jio-a ngli 'jɩbha naa: “Ɔ -yɛ la tlɩ -bhaa 'bɩ yɛ 'mö gwlɛ-ɛ?” 45'Slʋjaa 'bhitɩbha slɛmanɩɔ-a dlɩ 'mö, 'n ɔ ji-a -gazɛ Zozɛfö 'ye 'nyɛ. 46Zozɛfö 'bhö-a lokwipʋpʋɛ pɩa kwla'a, 'n ɔ ji-a Zezwie -gazɛ -bha su 'klʋ -sa, ɔ 'pɛ-a 'mɛ lokwi la'a yawʋ-ɔ, lesikpa -a 'wluo-o -ma 'kpɩ 'mö, 'n ɔ jie-e -ma zʋ. Ɔ 'lusʋa-a kpiyi 'kadɛ 'n ɔ jie-e -bha ngo'o 'wʋ 'sunʋ. 47Magödalaa 'gbë 'möö Mali -yɛ Zozee -da Mali 'sɔ glɩ -bha, la Zozɛfö zʋ-a Zezwie -gazɛ 'n wa ji-e -bha yɩlɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996